السلام عليكم
ازيكم ياجماعة عاملين اية؟؟؟؟
ان شاء الله تكونوا بخير:)
بصو الموضوع اللى عملتة دة هو وليد الحظة.......مش قعدت أفكر فية فسامحونى على قلة التنظيم:(
مجرد ما رسالة وصلتنى ع الميل فتحت المنتدى عشان أكتبة لعل وعسى:)
أول رسالة وصلتنى من مدة عبارة عن مقال للمبدع أحمد خالد توفيق
المقالة بعنوان ثقافة الفورورد
المقالة طويلة عشان كدة هنزل الجزء اللى أنا أقصدة لعدم الإطالة:)

ما يثير علامات إستفهام حقيقية هى ( رسائل الحماس الدينى ) .. منذ أسبوع وصلتنى رسالة موجهة لى و نحو مائة عنوان آخر ، تقول إن هولندا تنوى إلغاء القرآن ( هكذا فى النص) و قد وضعت موقعاً على الإنترنت ليتم التصويت فيه إن كنا نوافق أم لا .. كيف يمكن أن تلغى هولندا القرآن ؟.. هل يقصدون إلغاء تدريسه أو تداوله ؟.. الرسالة لم توضح .. ثم ما قيمة هذا النوع من التصويت ؟.. إن من يحارب ديناً قد إتخذ قراره مسبقاً و لن يغيره بداعى الديمقراطية ، و الحوار معه قد يؤذى و لا يفيد . على كل حال تطلب الرسالة من المسلمين المتحمسين أن يدخلوا الموقع ليصوتوا ضد إلغاء القرآن و ذلك بالضغط على المستطيل الأحمر .

بصراحة لم ابتلع هذه الرسالة ، و دخلت الموقع لأجده مكتوباً بالهولندية التى لا يجدى معها أن تعرف بعض الألمانية مع الفتاكة المصرية ، و هكذا استعملت مترجم ( ألتافيستا ) لأحول النص من الهولندية إلى الإنجليزية فكان كالتالى :
■ هل توافق على التجنيد الإجبارى للبالغين فى هولندا ؟... ( نعم / لا )
المستطيل الأحمر يعنى أنك ضد التجنيد الإجبارى ، و هذا يعنى أن المسلمين فى العالم كله قد أدلوا بصوتهم معارضين التجنيد الإجبارى للبالغين فى هولندا !

ما هذا السخف ؟.. هناك من يسخر منا بلا انقطاع و نحن فى كل مرة نلتقط الطعم بسذاجة و حماس . لابد أن هذه الرسالة قد تم تمريرها لعدة آلاف من المسلمين المتحمسين الذين دخلوا الموقع ضد التجنيد الإجبارى ، ثم مرر كل منهم الرسالة لمائة واحد آخر .. لابد أن مبتكر هذه الدعابة قد آلمته بطنه من فرط الضحك ..


قرأت المقالة وعجبتنى وبعتها لبعض الناس ع الميل:)
ومن شوية وصلتنى رسالة بعنوان
ensoro el eslam‎
الرسالة تحوى نفس المضمون السابق الذى أشار الية الدكتور أحمد:(:confused:
أضغط على الزر الأحمر والكلام الهبل دة:confused:
أنا محاولتش مجرد المحاولة انى ادوس ع اللنك
ومعلش عشان أنا حذفتها فمش هقدر أجيب النص الأصلى:(
لكن اللى غايظنى بجد ان الرسالة مبعوتة لكتر من 100 عنوان غيرى:stickjo4:
والله وأعلم كام واحد ضغط ع اللينك وشارك
احنا بقينا بنلغى عقلنا كدة ببساطة؟؟؟؟؟؟:slap1qk6:
اللى جايز البعض مش يعرفة أنة بحسب عدد زوار المواقع
يقفز بة ذلك مقدمة صفحات البحث
وبالتالى اى رسالة من هذا النوع تدعوا الى زيارة موقع يعادى الأسلام لغرض الدفاع أو الكلام دة
تقفز بهذا الموقع الى الأمام:confused:
وتخلية موقع محترم يتوافد علية الزوار بعد ما كان موقع ملوش لازمة فى عالم النت
ياريت نفكر بجد يا جماعة قبل ما نعمل أى حاجة زى كدة
وافتكر ان نصرتك لدينك أسمى من دخولك لهذة المواقع اللى مش لاقيالها وصف:(
واللى جايز ان زيارتك للمواقع دى تضر أكتر ما تفيد:)
ربنا يهدى الجميع ياااااااااااااااارب

دى المقالة كاملة لو حد عاوز يقرئها لأنها هادفة ومهمة
______________
ثقافة الفورورد

يمكن أن أصنف الخطابات التى تصل لبريدى الإلكترونى إلى أربع مجموعات : المجموعة الأولى هى أرملة الرئيس الأفريقى الراحل ( أومنا مومبا ) التى اختارتنى أنا بالذات من بين كل سكان الأرض ( لأننى موح بالثقة) ، و تريد أنا أساعدها فى الحصول على المليارات التى اختلسها المرحوم زوجها من شعبه و وضعها فى حساب بمصرف سويسرى ، و المكسب مناصفة بيننا .

المجموعة الثانية من الخطابات هى ( تامى ) و صديقاتها اللاتى رأين صورتى و وجدننى وسيماً و يرغبن فى أن يعرفننى اكثر .. طبعاً ( رأيناك ) و ( وجدناك وسيماً ) هو تناقض مصطلحات واضح لهذا أضم هذه المجموعة للمجموعة الأولى . يطلقون على هذا النوع من الرسائل اسم ( سبام) بصراحة لم اجد لها معنى أجد لها معنى فى القاموس سوى نوع من لحم الخنزير المعلب ، لكنها تعنى إغراق الإنترنت بنسخ من رسالة واحدة غالباً ما يكون محتواها إعلاناً عن منتج ردئ أو طريقة زائفة للثراء ..

المجموعة الثالثة من الخطابات هى الخطابات الحقيقية التى يصلح لها هذا الاسم . المجموعة الرابعة هى مجموعة ثقافة تمرير الرسائل دون توقف لفهم ما يتم تمريره ، و من هذة الأمثلة ذلك الخطاب الذى يصلنى مرتين يومياً منذ عام 1996 و الذى يهدد بأن شركة ( هوتميل ) سوف توقف خدماتها المجانية ما لم يتم تمرير هذا الخطاب لعشرة آخرين لتتأكد من أن الحساب مستعمل فعلاً . كان الشركة بحاجة إلى هذه الطريقة و كأنها عاجزة هن معرفة إن كنت أستعمل حسابى أم لا ..

ما يثير علامات إستفهام حقيقية هى ( رسائل الحماس الدينى ) .. منذ أسبوع وصلتنى رسالة موجهة لى و نحو مائة عنوان آخر ، تقول إن هولندا تنوى إلغاء القرآن ( هكذا فى النص) و قد وضعت موقعاً على الإنترنت ليتم التصويت فيه إن كنا نوافق أم لا .. كيف يمكن أن تلغى هولندا القرآن ؟.. هل يقصدون إلغاء تدريسه أو تداوله ؟.. الرسالة لم توضح .. ثم ما قيمة هذا النوع من التصويت ؟.. إن من يحارب ديناً قد إتخذ قراره مسبقاً و لن يغيره بداعى الديمقراطية ، و الحوار معه قد يؤذى و لا يفيد . على كل حال تطلب الرسالة من المسلمين المتحمسين أن يدخلوا الموقع ليصوتوا ضد إلغاء القرآن و ذلك بالضغط على المستطيل الأحمر .

بصراحة لم ابتلع هذه الرسالة ، و دخلت الموقع لأجده مكتوباً بالهولندية التى لا يجدى معها أن تعرف بعض الألمانية مع الفتاكة المصرية ، و هكذا استعملت مترجم ( ألتافيستا ) لأحول النص من الهولندية إلى الإنجليزية فكان كالتالى :
■ هل توافق على التجنيد الإجبارى للبالغين فى هولندا ؟... ( نعم / لا )
المستطيل الأحمر يعنى أنك ضد التجنيد الإجبارى ، و هذا يعنى أن المسلمين فى العالم كله قد أدلوا بصوتهم معارضين التجنيد الإجبارى للبالغين فى هولندا !

ما هذا السخف ؟.. هناك من يسخر منا بلا انقطاع و نحن فى كل مرة نلتقط الطعم بسذاجة و حماس . لابد أن هذه الرسالة قد تم تمريرها لعدة آلاف من المسلمين المتحمسين الذين دخلوا الموقع ضد التجنيد الإجبارى ، ثم مرر كل منهم الرسالة لمائة واحد آخر .. لابد أن مبتكر هذه الدعابة قد آلمته بطنه من فرط الضحك ..

قديماً كانت هناك صورة الفتاة العمانية التى تحولت لمخلوق شبيه بالقرد ، و انتشرت جداً عبر النت ثم عرف الجميع أنها مخلوق وهمى ابتكره فنان . يبدو أن هناك محاولة استفاقة لأن هناك كثيرين قاموا بجمع الأكاذيب المشابهة و أرسلوها على سبيل التحذير :

■ الشاب الخليجى الذى كان يسمع الأغانى و قد فتحوا قبره بعد ثلاث ساعات ليجدوا جثته مشوهه تصرخ .. طبعاً عرفنا فيما بعد أنها صورة فتاة محترقة ..

■ قصة إسلام نيل أرمسترونج بعد سماع الآذان على ظهر القمر و التى نفاها رائد الفضاء بعبارات واضحة .

■ لوحة استاذ التخدير بطب المنصورة التى تظهر غابة كتبت أشجارها ( لا إله إلا الله ) .. طبعاً أضاف من لفق الخبر أن السلطات النمساوية تمنع زيارة هذه الغابة و تتكتم أمرها ، و بح صوت أستاذ التخدير محاولاً إثبات أنه هو من رسم هذه اللوحة .. لقد انفصلت لوحته عنه و صارت لها حياة مستقلة !

■ صورة مكة التى تضئ وحدها وسط كوكب الرض المظلم .. طبعاً تكتمت ناسا خبر هذه الصورة و أخفتها كما يقول الخبر ..

■ صورة مايكل جاكسون مع أحد الدعاة الإسلاميين فى الخارج بعد ما أعلن إسلامه .. الخبر لا أساس له من الصحة ، و ما لا يعرفه الكثيرون هو أن الظاهر فى الصورة هو تمثال مايكل جاكسون الشمعى الموجود فى متحف مدام توسو البريطانى .

الأمر يتجاوز الحماس الزائد غذن ، بل هى معجزات تم دسها بعناية من شخص يهمه أن يسخر منا ، أو يهمه ان يكتشف المسلمون الحقيقة فيصدمون فى لحظة ما . و قد وجد أحد الأذكياء صفحة فى موقع ( اللادينين العرب ) تبين كيفية نسج مؤامرة من هذا الطراز .. فى البداية يقترح أحد العضاء أن يقوموا بنسج حكاية خرافية ( على الطريقة المعروفة ) و يقوموا بوضعها على أكثر من منتدى ، حتى إذا شاع أمرها كشف اللادينيون عن الحقيقة و انفجروا فى الضحك .

هكذا اقترح أحدهم تلفيق قصة عن ذبذبات فوق صوتية تصدر عن النباتات ، و قد قام العلماء بتسجيلها و دراستها على جهاز ( أوسيلوسكوب ) فوجدوا أنها تسبيح .. و قد قال العالم المسئول عن التجربة ( مايك روجرز ) إنه لا يوجد تفسير لهذه الظاهرة ، هذا قبل أن يعلن إسلامه .. هكذا ولدت القصة ببطء بطريقة ورشة العمل هذه و صار لها رأس و ذيل . كان لدى أحد الأعضاء تحفظ فى حالة نجاح الخدعة أكثر من اللازم أن تفلت من صانعيها و لا يصدق أحد انهم لفقوها فعلاً ، لذا صمموا على أن يضعوا توقيعاً خفياً يكشفون عنه عند اللزوم . تذكرت فيلم
( incognito ) الذى يقوم فيه البطل بتزوير لوحة لرمبرانت
ببراعة لدرجة انه يقضى باقى الفيلم هارباً من الشرطة بتهمة سرقتها !.. الطريف أن موضوع هذه المعجزة بدأ يتسرب إلى شبكة الإنترنت فعلاً ..

هناك كذلك الخطاب المتحمس الذى يصلك صائحاً : ( الحقوا .. هناك غرفة لمهاجمة الرسول " صلى الله عليه و سلم" فى الموقع التالى ) . و يذكر لك الموقع متاكداً من أن كل من تصله الرسالة سوف يدخله . النتيجه هى رواج كامل للموقع التافه الذى لم يكن يزوره خمسة فى الشهر .. هكذا دخل الجميع الموقع و قرأوا الهجوم ..

الأمر خليط من الغباء و حسن نية الدب الذى قتل صاحبه ، و سوء نية من يلفق هذه الخبار فى البداية ، مع لمسة ماسوشية لا يفهمها سوى طبيب نفسى كأن من يرسل الرسالة يروج فعلاً لهذا الكلام عن دينه مع التظاهر بالاستنكار و الغضب ..

الخلاصة أن هذا الاختراع قد بدأ يفلت من أيدينا ، و يتحول إلى أداة لنشر الأكاذيب بسرعة لا تصدق .. يجب أن نتوقف لحظات امام الرسالة التالية لنقرأها و ننتقدها قبل أن نضغط على زر الفورورد فى المرة القادمة .

==============================================
د/أحمد خالد توفيق - جريدة الدستور - الثلاثاء 6/5/2008-

يانهار ابيض . احنا بينضحك علينا جامد أوى . والله شكرا على المعلومة وياريت توصل لبقية الناس

انا كدا كدا أي اوفلاينات فيها كلام كتير بقفلها
مش ناقصه وجع دماغ
ثانيا بالنسبه اننا بينطبق علينا " كلب ٌ ينبح وألف كلب ينبح لنباحه "
دي مش هتتغير
المشكلة بقي ان فييييييييييه نااااااااااس مثلا متخلفين اوى لو سمعوا كلام مثلا يروحوا يقولوه من غير ما يفكروا فييييه
ده مش بالنسبه للرساله وبس
لاء بالنسبه الحياة الواقعيه
والنت كمان
ومش بعيد المنتدى
:d
شكرا ع الموضوع

عادى جدا
بيحصل من دا كتير
لو قالو الهرم وقع علشان واحد ركن عليه
بردو هنصدق من غير ما نتاكد
مش بس نصدق
لا كمان ننشر الخبرفى لحظة
ياريت نتحقق من كل حاجة بنسمعها

خصوصا لو حاجة تخص القران
انا نحن نزلنا الذكر وانا له لحافظون
اظن دى لوحدها تكفى
دمتم فى رعاية الله

يانهار ابيض . احنا بينضحك علينا جامد أوى . والله شكرا على المعلومة وياريت توصل لبقية الناس
الشكر لله:)
ممكن حضرتك تنشرها عندك ع الميل أو ع منتديات تانية:078111rg3:
فى رعاية الله
____________________________________________

انا كدا كدا أي اوفلاينات فيها كلام كتير بقفلها
مش ناقصه وجع دماغ
ثانيا بالنسبه اننا بينطبق علينا " كلب ٌ ينبح وألف كلب ينبح لنباحه "
دي مش هتتغير
المشكلة بقي ان فييييييييييه نااااااااااس مثلا متخلفين اوى لو سمعوا كلام مثلا يروحوا يقولوه من غير ما يفكروا فييييه
ده مش بالنسبه للرساله وبس
لاء بالنسبه الحياة الواقعيه
الشعب المصرى مش عارفة بحس أنة بيحب الفضايح أوبيموت فيها
ما بيصدق يلاقى غم عشان يطلع مواهبة:(
ربنا يهدى

والنت كمان
ومش بعيد المنتدى
:d
شكرا ع الموضوع

فى رعاية الله
__________________________________________

عادى جدا
بيحصل من دا كتير
لو قالو الهرم وقع علشان واحد ركن عليه
لأ,,, دى واسعة شوية:mad:
ممكن يكون واحد نفخ فية فوقع:romarioxp6:
بردو هنصدق من غير ما نتاكد
مش بس نصدق
لا كمان ننشر الخبرفى لحظة
ياريت نتحقق من كل حاجة بنسمعها

خصوصا لو حاجة تخص القران
انا نحن نزلنا الذكر وانا له لحافظون
اظن دى لوحدها تكفى
تمااااااااااااااام:)
دمتم فى رعاية الله

فى رعاية الله

للاسف احنا كده وأكتر كمان

ربنا يهدي
مافيش كلام تاني

بيعجبى أوى فى المواضيع اللى ذى دى إن كل الناس بتدخل تنفى إنها بتقع فى الفخ ده وتوجه نصيحه مكرره لأخواتها ولبقيه الناس
طيب السؤال ؟؟ فين اللى بيقع فى الفخ ؟؟
ولا هو أصلا الموضوع مش صح والناس مش بتعمل كده ؟؟

عموما عاجبنى جدا الموضوع وطبعا شكرا جزيلا للتنبيه يا دكتور أنا عن نفسى زمان كنت بقع فى الفخ ده بس من فترة كبيرة وضحتلى حقيقته
شكرا ليكى
.
.

شكرا لك على التنبيه والافاده

وفعلا ده فخ كلنا بنقع فيه بطريقة حسن النية

للاسف احنا كده وأكتر كمان

ربنا يسهل ونتعدل يارب
_________________________________

ربنا يهدي
مافيش كلام تاني

يااااااااااااارب يا بوسى ربنا يهدى:)

فى رعاية الله

بيعجبى أوى فى المواضيع اللى ذى دى إن كل الناس بتدخل تنفى إنها بتقع فى الفخ ده وتوجه نصيحه مكرره لأخواتها ولبقيه الناس
طيب السؤال ؟؟ فين اللى بيقع فى الفخ ؟؟
اهم..هنااااااااااااااك,,,,,,,,شوفتهم:)
عموما الخطأ نفسة مش عيب
بس فى خطأ مقبول وخطأ يبقى هبل لو عملناة:slap1qk6:
خصوصا لو الموضوع تعلق بالدين
واعتقد انة من غير مترجم او حاجة
من المحال ان حد يعمل تصويت لإلغاء القرآن الكريم:confused:
وبعدين دة بنا هو اللى تكفل بحفظة الى يوم الدين
يبقى ازااى نفكر ولو لمجرد التفكير فى احتمالية هذا الشيئ؟؟!!!:romarioxp6:
ولا هو أصلا الموضوع مش صح والناس مش بتعمل كده ؟؟
هههههههههههههههههه
كان فى توبيك من مدة بيتكلم عن دة تقريبا:av4056bb7jp3:
نفاق النت:stickjo4:..........ربنا يهدى

عموما عاجبنى جدا الموضوع وطبعا شكرا جزيلا للتنبيه يا دكتور أنا عن نفسى زمان كنت بقع فى الفخ ده بس من فترة كبيرة وضحتلى حقيقته
شكرا ليكى
.الشكر لله
.
فى رعاية الله

شكرا لك على التنبيه والافاده
الشكر لله يا أستاذنا:)
وفعلا ده فخ كلنا بنقع فيه بطريقة حسن النية
وللأسف..حسن النية لوحدها مش كفاية:(
شكرا ع المرور استاذنا
فى رعاية الله

السلام عليكم ورحمة الله وبركاتة ياالجماعة فين الموقع نبعت الرسالة المجانية انا اسمى عبدالله

السلام عليكم انا اسمى عبدالله صبحى النشار الرسالة د/ ماجدولين انت كنت عاوز الموقع الرسالة المجانية

ربنا يهدينا كلنا
واشكرك على موضوعك الرائع يادكتورة

ماهو ده من جهل العرب فيضحك علينا بسهولة فليهم حق انهم يستغفلونا ويعملوا فينا اكتر من كده

عندك حق يارحمة

السلام عليكم انا اسمى عبدالله صبحى النشار الرسالة د/ ماجدولين انت كنت عاوز الموقع الرسالة المجانية
وعليكم السلام
أعذرنى حضرتك,,,,,,,,موقع اية اية ورسالة اية؟؟؟
لو حضرتك تقصد الموقع الهولندى
فأنا وضحت انى حذفت الرسالة ومش عندى اللنك,,,,,,وهو مش مهم أساسا
ومش لازم نعرفة أصلا
والرسالة......هتعرفها لو جتلك لا قدر الله من المضمون بتاعها
دة لو دة كان قصدك لأنى مش فاهمة غرض المشاركة بجد:confused:
فى امان الله

نبهنا قبل كدة كتير اوى للموضوع دة
منها هنا
http://www.thanwya.com/vb/showthread.php?t=41749
بس الى يصدق ان الكلام دة اكازيب
للاسف
بردة لسة فيه ناس فاكره ان الكلام دة بيدافعوا بيه عن دينهم
وربنا يستر
فى امان الله

بصى يا بنتى
هو الموضوع مش موضوع سذاجه او كده
بس تقدرى تقولى قله حيله

عارفه لما تكونى زهقتى خلاص
كل يوم بتشوفى حاجات بتحصل و ناس بتموت
و اسلام بيتهان و قران مش بيتعامل صح

كل ده شايفاه قدام عينك
و تحسى بالعجز و قله الحيله

بتبقى زى الغريق اللى بيتعلق بقشه
و حد ييجى يقولك ده انتى لو عملتى كذا
يااااااااااه
يبقى انتى كده نفعتى دينك صح:romarioxp6:

يبقى انتى بالذمه من كتر الحرقه و قله الحيله حتعملى ايه
حتعملى ببساطه اى حاجه يقولك عليها

هو ده الضعف الانسانى اللى هما عارفين يستغلوه فينا كويس قوى

بس مش ده برده اللى انا بدايق منه
بدايق اكتر من اللى لما تيجى تقولهم على كده و انه غلط بعد ما عملوه
يفتحولك بقى على العاشر

و انتى و انتى
و محدش يزايد عليا فى دينى
و انا عارف
و كلام قد كده

طاب دول بيدافعوا عن ايه
و لا عن مين
عن الوهم
بجد بيحسسونى اننا نستحق اللى يجرالنا
لا اكتر كمان

و مش تقولى ان التحذير ده حينفع او ان حد بيتعلم
لو بنتعلم مكناش بيقينا كده:romarioxp6:

يلا قلبتى عليا المواجع بس مردودالك :stickjo4:

فى رعايه الله

ما احنا قولنا ان سعد زغلول قال مفيش فايده متحولوش بقى ربنا يستر مين عارف بكره هيحصل ايه

لو كل كلب عوى ألقمته حجر لسار الحجر بمثقال الذهب
ثم إن
لا يضر السحاب من عواء الكلاب

***
أنا طبعاً أقصد بالمقدمه دى الجماعه اللى بيحاول يتلاعبو بالدين الإسلامى بأى طريقه كانت
بس إنتى عارفه هى إيه المشكله
الجهل وعدم المعرفه وقله الخبره أنا فى بدايه تعاملى مع النت كنت بنجذب للحاجات دى زيى زى أى مسلم بيغير على دينه مش فاهم حاجه ومش عارف حاجه غير إن بصوتى ده هيشل حاجه غلط

لكن لما عرفت وفهمت الهدف الرئيسى للحاجات دى بقيت بضحك على الأيام اللى كنت بسجل فى الموقع بأكثر من يوزر عشان أضيف أكتر من صوت وبضحك على مدى جهل عشان كده أنا بعذر أى شخص بيدخل على الحاجات دى وبيبعتها بحماس لأنى متأكد إنه من جواه خير

و
بجد فعلاً موضوعك جميل

نبهنا قبل كدة كتير اوى للموضوع دة
منها هنا
http://www.thanwya.com/vb/showthread.php?t=41749
الموضوع دة اتنبة علية كتييييييييير فعلا سواء هنا ع المنتديات أو فى الحياة الواقعية
بس دة المفروض واجبنا ان اللى عارف حاجة يقول
بس الى يصدق ان الكلام دة اكازيب
للاسف
بردة لسة فيه ناس فاكره ان الكلام دة بيدافعوا بيه عن دينهم
ربنا يهدى الجميع
وربنا يستر
فى امان الله
فى رعاية الله

بصى يا بنتى

هو الموضوع مش موضوع سذاجه او كده
أمال اية؟؟!!!
قولى يا فالحة؟؟!!!:):)
بس تقدرى تقولى قله حيله
اممممممممممممم.:romarioxp6:

عارفه لما تكونى زهقتى خلاص
كل يوم بتشوفى حاجات بتحصل و ناس بتموت
و اسلام بيتهان و قران مش بيتعامل صح

كل ده شايفاه قدام عينك
و تحسى بالعجز و قله الحيلة

بتبقى زى الغريق اللى بيتعلق بقشه
و حد ييجى يقولك ده انتى لو عملتى كذا
يااااااااااه
يبقى انتى كده نفعتى دينك صح:romarioxp6:
بصى يا لولو
بالنسبة للسلبيات الكتييير فى حياتنا واللى بتضعف حيلتنا
فى ناس فعلا بتضعفها وناس بتاخدها دافع عشان تغير الوضع للأفضل
ويا قمر اللى عاوز يغير بجد بيبقى راسم لنفسة طريق للتغير دة
والمفروض يعنى ان مش اى حاجة يصدقها خصوصا موضوع الغاء القرآن دى
الحكاية بجد وااااااااسعة أوووووووووى وفى حاجات مش معقولة
بس هما يمكن بيعملوا كدة عشان يحسوا انهم عملوا حاجة ويريحوا ضميرهم:(

يبقى انتى بالذمه من كتر الحرقه و قله الحيله حتعملى ايه
حتعملى ببساطه اى حاجه يقولك عليها

هو ده الضعف الانسانى اللى هما عارفين يستغلوه فينا كويس قوى
هما للأسف مش بيستغلوا دة وبس
دة بيستغلوا طيبتنا أو بمعنى أصح هبلنا فى حاجات أكتر من كدة بكتيييييير

بس مش ده برده اللى انا بدايق منه
بدايق اكتر من اللى لما تيجى تقولهم على كده و انه غلط بعد ما عملوه
يفتحولك بقى على العاشر
ومالة افتحى ع ال11 .....اية المشكلة؟؟؟!!:049gc0:

و انتى و انتى
و محدش يزايد عليا فى دينى
و انا عارف
و كلام قد كده

طاب دول بيدافعوا عن ايه
و لا عن مين
عن الوهم
بجد بيحسسونى اننا نستحق اللى يجرالنا
لا اكتر كمان
ان الله لايغير مابقوم حتى يغيروا ما بأنفسهم:)

و مش تقولى ان التحذير ده حينفع او ان حد بيتعلم
لو بنتعلم مكناش بيقينا كده:romarioxp6:
لا يا بنوتة.....فى اللى بيتعلم وفى اللى لأ
بس الغالبية........:(
يلا قلبتى عليا المواجع بس مردودالك :stickjo4:
يا مامى........أنتى بتوهينى عشان مش أسئلك ع اللى بالى بالك
دة انتى اللى تستاهلى الضرب بس أما أشوفك:slap1qk6:


فى رعايه الله

فى رعاية الله يا قمر
ميرسى ع المرور

ما احنا قولنا ان سعد زغلول قال مفيش فايده متحولوش بقى ربنا يستر مين عارف بكره هيحصل ايه
مش بحب نغمة اليأس دى:stickjo4:
لأ فى فايدة بس يمكن العيب فى طريقة التوجية أو التربية أو الثقافة بشكل عام
بس لازم فى يوم يكون فى فايدة ونتعدل:078111rg3:
ياااااااااارب يكون دة قريب:)
ميرسى ع المرور
فى رعاية الله

لو كل كلب عوى ألقمته حجر لسار الحجر بمثقال الذهب

ثم إن
لا يضر السحاب من عواء الكلاب
والله أنا كنت هكتب العبارة دى
بس حستها قاسية شوية:(......بس هى تمااااااااام:av4056bb7jp3:
مش لازم نشغل نفسنا بالفرعيات ع حساب الأساسيات:)

***
أنا طبعاً أقصد بالمقدمه دى الجماعه اللى بيحاول يتلاعبو بالدين الإسلامى بأى طريقه كانت
بس إنتى عارفه هى إيه المشكله
الجهل وعدم المعرفه وقله الخبره أنا فى بدايه تعاملى مع النت كنت بنجذب للحاجات دى زيى زى أى مسلم بيغير على دينه مش فاهم حاجه ومش عارف حاجه غير إن بصوتى ده هيشل حاجه غلط

لكن لما عرفت وفهمت الهدف الرئيسى للحاجات دى بقيت بضحك على الأيام اللى كنت بسجل فى الموقع بأكثر من يوزر عشان أضيف أكتر من صوت وبضحك على مدى جهل عشان كده أنا بعذر أى شخص بيدخل على الحاجات دى وبيبعتها بحماس لأنى متأكد إنه من جواه خير
أها تمام............وجواة خير وكل حاجة
بس احنا لينا بالظواهر........إذا كنا احنا بنفسرها ع اساس من حسن النية فغيرنا بيفسرها ع انها جهل.......وعيب فى الدين ذاتة.....متخيلين ان أخطاء الأشخاص تعنى أخطاء فى الشريعة لاقدر الله:(
عشان كدة لازم كلنا نفهم كدة
أنا فاكرة ان عندنا فى الجامعة فى دكتور قعد يتكلم نص ساعة عن الحاجات دى
وقال ان دة واجب الكل.....وقال حاجات تانية ربنا يستر منها
وبالنسبة للمواقع بتاعة التصويت دى
بأمانة أنا عمرى ما عملتها......بس عملت اللى هو أنيل منها:(:(
كنت بسجل فى منتديات غير اسلامية متصورة ان فى شفافية وجدية فى المناقشة
والنتيجة حظر بالآى بى وانى اقتنعت بدينى أكتر والله
بس فى حاجات فعلا جهلى بيها كان بيضر الدين ع حسب اعتقادى
ربنا يغفرلى بقى:(

و
بجد فعلاً موضوعك جميل



فى رعاية الله