|
مشاهدة النسخة كاملة : بعد اذنكم هاخد من وقتكم ثوانى ayooosh 24-10-2008, 01:10 PM السلام عليكم ورحمة الله وبركاته فى البدايه احب اشكر همس والاستاذ اشرف على تلبيه طلبى وانشاء هذا القسم وانا بجد مبسوطه اوى انه اتعمل ويارب اقدر افيد الاعضاء ونستفاد من بعضنا كلنا:) انا كنت عايزه اعرف رايكم فى القسم ده مستنيه آرائكم :078111rg3: vampire1188 24-10-2008, 03:56 PM قولت انا ابقي اول واحد يقول رأيه .. باعتبار اني من هواة ادارة الاعمال هوا قسم ادارة الاعمال من الاقسام المميزة جدا جدا جدا ودراسته لذيذه دا دا من منطلق الدراسة .. لكن اذا جيتي بقي لمرحلة مابعد التخرج هاتتلاقي ان الابواب متقفلة في وشك ليه ؟ .. لإنك عشان تشتغلي في حتة كويسة .. لازم يتوافر فيكي عنصرين هامين جدا التقدير العالي والواسطة الجامدة .. عشان كدا انا عن نفسي المحدد الاساسي اللي هايخليني اخش ادارة اعمال هوا تقدير السنة دي اذا كان جيد جدا .. ان شاء الله هانوي النية .. اذا كان اقل حتى لو كان جيد مافيش غير المحاسبة معا اني بكرهها ! TAREK KEWAN 24-10-2008, 04:42 PM ادارة الاعمال فرص العمل فيها قليله جدااا وبصراحه انا مش بحب الماده دى انا بحب المحاسبه جدااا فانشاء الله هدخل قسم محاسبه ayooosh 24-10-2008, 04:44 PM قولت انا ابقي اول واحد يقول رأيه .. باعتبار اني من هواة ادارة الاعمال هوا قسم ادارة الاعمال من الاقسام المميزة جدا جدا جدا ودراسته لذيذه دا دا من منطلق الدراسة .. لكن اذا جيتي بقي لمرحلة مابعد التخرج هاتتلاقي ان الابواب متقفلة في وشك ليه ؟ .. لإنك عشان تشتغلي في حتة كويسة .. لازم يتوافر فيكي عنصرين هامين جدا التقدير العالي والواسطة الجامدة .. عشان كدا انا عن نفسي المحدد الاساسي اللي هايخليني اخش ادارة اعمال هوا تقدير السنة دي اذا كان جيد جدا .. ان شاء الله هانوي النية .. اذا كان اقل حتى لو كان جيد مافيش غير المحاسبة معا اني بكرهها ! شكرا ليك ع الافاده بس بلاش الاحباط ده :abdoog8: ان شاء الله تجيب تقدير وتتخصص اداره اعمال انا يمكن عشان دخلت ادارة اعمال وانا حباها دخلت معهد متخصص ادارة اعمال وانا شايفه انها جميله اوى وربنا يوفقنى فيها واجيب تقدير عالى ويوفقك يارب شكرا على مرورك :) :078111rg3: ayooosh 24-10-2008, 04:51 PM ادارة الاعمال فرص العمل فيها قليله جدااا وبصراحه انا مش بحب الماده دى انا بحب المحاسبه جدااا فانشاء الله هدخل قسم محاسبه يابنى بلاش تحكم على الحاجه ككل مفيش حاجه اسمها فرص العمل قليله :stickjo4: اهم حاجه تحاول تجتهد فى دراستك وتعمل اللى عليك والباقى على ربنا وان شاء الله ربنا هيوفقك :) ع العموم ربنا يوفقك فى اللى بتحبه وتدخل قسم محاسبه اللى انت عايزه وشكرا على مرورك :078111rg3: TAREK KEWAN 24-10-2008, 05:03 PM اوك ربنا يسهل بس على فكره اكتر من 80% من طلبة تجاره بتدخل قسم محاسبه ممكن اعرف ايه السبب هما ليه مبيخدلوش مثلا قسم ادارة اعمال management ؟ وعيب مادة ادارة الاعمال انها عاوزه حفظ اما المحاسبه عاوزه فهم وتركيز طب اللى يدخل قسم ادارة الاعمال هيشتغل فى ايه بالظبط ولا هيمسك ايه؟؟ انا لسا فى اول سنه فى تجاره فلسا مش عارف حاجه ayooosh 24-10-2008, 05:16 PM اوك ربنا يسهل بس على فكره اكتر من 80% من طلبة تجاره بتدخل قسم محاسبه معرفش والله اصل انا دخلت معهد متخصص من اول سنه:028ja7: ممكن اعرف ايه السبب هما ليه مبيخدلوش مثلا قسم ادارة اعمال management ؟ يبقى اسالهم :d وعيب مادة ادارة الاعمال انها عاوزه حفظ اما المحاسبه عاوزه فهم وتركيز مش كلها فى كتير حاجات لازم قبل ما تحفظها تفهمها ولذيذه اوى وانا برده باخد محاسبه بس لسه مدخلناش في المسائل اوى بس لغايت دلوقتى هى كويسه;) طب اللى يدخل قسم ادارة الاعمال هيشتغل فى ايه بالظبط ولا هيمسك ايه؟؟ بص احنا عندنا فى المعهد اول سنتين بناخد كل حاجه وبعدين بنتخصص فى _ادارة اعمال _استثمار وبنوك _ تسويق _نظم وحاسبات يعنى فى فرص كتير اشتغل فى حاجات كتير بس اهم حاجه احاول ونحاول كلنا نجتهد ونجيب مجموع عالى:039uw8: انا لسا فى اول سنه فى تجاره فلسا مش عارف حاجه وانا برده لسه فى اولى فمعلش لو معلوماتى لسه قليله وبسيطه:bosyht9: TAREK KEWAN 24-10-2008, 05:24 PM افادكم الله ههههههههههههههههههههههههههههههههههههههههههههه ayooosh 24-10-2008, 05:34 PM افادكم الله ههههههههههههههههههههههههههههههههههههههههههههه ويفيدك يارب :slap1qk6: vampire1188 24-10-2008, 10:12 PM وانا برده لسه فى اولى لسه في اولي ؟ .. تصدقي انا افتكرتك في رابعة !! يالا مافيش مشاكل .. حصل خير عموما انتوا غالبا المحاسبة اللي هاتاخدوها .. يا محاسبة مالية .. يا محاسبة ادارية بالنسبة للمالية فهيا تافهة .. اما الادارية الله اعلم .. لسه اما اروح رابعة ابقي اشوف نظامها .. بس بلاش الاحباط ده مش احباط ولا حاجة .. بس هاقولك .. انا الاجازة بتاعة الصيف اللي فات دا روحت اتدربت في شركة موبينيل الفرع الرئيسي اللي ع الكورنيش عايز اقولك ان الشغل هناك عالم تاني غير الدراسة نهائي .. القسم اللي اتدربت فيه هناك كان قسم التسويق .. وعلى لسان مستر احمد ابو دومة مدير عام قسم التسويق ذات نفسه قالي عشان تتعين في اي قسم تسويقي تبع اي شركة كبيرة وليها اسمها لازم تكون جايب تقدير بعد كدا بنبدأ نبص على المحفزات اللي تخلينا نقبلك .. والشئ الرئيسي اللي يخلينا نقبلك هوا اجابة السؤال دا .. تفتكر احنا هانقبلك تشتغل في الشركة عندنا ليه ؟! دا بالظبط اللي قالهولي .. قالي لو عرفت اجابة السؤال دا .. كدا اضمن شغلك في موبينيل يعني انا مابجيبش كلام من فراغ .. دا كلام واحد خبرة في البيزنس حوالي 15 سنة .. منهم 10 سنين في موبينيل ayooosh 25-10-2008, 11:23 AM لسه في اولي ؟ .. تصدقي انا افتكرتك في رابعة !! لا لسه فى اولى :006et4: يالا مافيش مشاكل .. حصل خير عموما انتوا غالبا المحاسبة اللي هاتاخدوها .. يا محاسبة مالية .. يا محاسبة ادارية لا احنا عندنا محاسبه ماليه بالنسبة للمالية فهيا تافهة .. اما الادارية الله اعلم .. لسه اما اروح رابعة ابقي اشوف نظامها .. مش احباط ولا حاجة .. بس هاقولك .. انا الاجازة بتاعة الصيف اللي فات دا روحت اتدربت في شركة موبينيل الفرع الرئيسي اللي ع الكورنيش عايز اقولك ان الشغل هناك عالم تاني غير الدراسة نهائي .. القسم اللي اتدربت فيه هناك كان قسم التسويق .. وعلى لسان مستر احمد ابو دومة مدير عام قسم التسويق ذات نفسه قالي عشان تتعين في اي قسم تسويقي تبع اي شركة كبيرة وليها اسمها لازم تكون جايب تقدير بعد كدا بنبدأ نبص على المحفزات اللي تخلينا نقبلك .. ايه يعنى المحفزات من وجهة نظره!!ازم يبقى عندك لغه وكمبيوتر مثلا:bosyht9: والشئ الرئيسي اللي يخلينا نقبلك هوا اجابة السؤال دا .. تفتكر احنا هانقبلك تشتغل في الشركة عندنا ليه ؟! سؤال صعب الصراحه يعنى ايه ليه;) دا بالظبط اللي قالهولي .. قالي لو عرفت اجابة السؤال دا .. كدا اضمن شغلك في موبينيل ياااه يعني انا مابجيبش كلام من فراغ .. دا كلام واحد خبرة في البيزنس حوالي 15 سنة .. منهم 10 سنين في موبينيل اه خييير خييير ربنا يستر علينا طيب ده شيئ يحفزك اكتر وتحاول تجيب تقدير عالى عشان تشتغل شغلانه كويسه فى مكان كويس:) وربنا يوفقنا جميعا:av4056bb7jp3: انت فى سنه كام صحح يا فامبير؟؟ ! MedOo 25-10-2008, 12:57 PM تفتكر احنا هانقبلك تشتغل في الشركة عندنا ليه ؟ سؤال صعب .. بس اعتقد ان اجابته حسب الشخص اكيد ..^_^ مش عارف عالعموم انا برده لسة سنة اولى تجارة انجليش ومن اول محاضرة ادارة اعمال .. وانا عشقتها حد النخاع .. وكل ماقل لواحد انا نويت ادارة ان شاءالله يقولى بطل هبل .. ده عايزة وسايط جامدة وفرصها قليلة . بس انا ناوى اشتغل برة لو ينفع .. يارب يكرمنا جميعا ayooosh 25-10-2008, 01:34 PM سؤال صعب .. بس اعتقد ان اجابته حسب الشخص اكيد ..^_^ مش عارف عالعموم انا برده لسة سنة اولى تجارة انجليش ومن اول محاضرة ادارة اعمال .. وانا عشقتها حد النخاع .. وكل ماقل لواحد انا نويت ادارة ان شاءالله يقولى بطل هبل .. ده عايزة وسايط جامدة وفرصها قليلة . بس انا ناوى اشتغل برة لو ينفع .. يارب يكرمنا جميعا خليك متفاؤل ومتسمعش لكلام الناس وادخل اداره بس اهم حاجه تشد حيلك عشان تجيب تقدير عالى هى الاداره كل اللى فيها انها عايزه تقدير عالى ويبقى عندك لغه وكمبيوتر عشان تشتغل فى مكان كويس واحنا ان شاء الله قدها وقدود ربنا معانا ويوفقنا:) vampire1188 26-10-2008, 11:32 PM انت فى سنه كام صحح يا فامبير؟؟ تانية .. وبقول يارب تعدي على خير عشان السنه دي مطحنة .. بيطلقوا عليها لقب البكالريوس الأصغر !! طيب ده شيئ يحفزك اكتر وتحاول تجيب تقدير عالى عشان تشتغل شغلانه كويسه فى مكان كويس:) شئ طبيعي .. وانا اصلا حالياً باخد كورس في النظم التسويقية تبعهم .. بس كورس دمااااااااغ ! هوا صعب اه .. بس جامد جداااا .. واللي ناوي كمان عليه اني اخد الكورس بتاع ال database في اوراكل .. بس مشكلته انه غالي شويتين .. بس انا سألت على الكورس دا في الجامعة وفي موبينيل والاتنين قالولي عليه انه من اهم ما يمكن .. ودا بقي يبقي واحد من المحفزات اللي انتي كنتي بتسألي عليها عموما اللي يجيبه ربنا خير وخلاص :bosyht9: يقولى بطل هبل .. ده عايزة وسايط جامدة وفرصها قليلة . بس انا ناوى اشتغل برة لو ينفع اهي دي بقي بنسميها الاحلام الوردية !! .. ومش هاقولك اني بحبطك لإن المستقبل مش بتشوفه وانتا قاعد في بيتك .. عايز تشوف المستقبل صح ؟ انزل اشتغل واتدرب في اي شركة في الاجازة وانتا هاتعرف !! ! MedOo 27-10-2008, 01:16 AM هى الاداره كل اللى فيها انها عايزه تقدير عالى ويبقى عندك لغه وكمبيوتر عشان تشتغل فى مكان كويس التقدير وعرفته .. والكمبيوتر عندى بقاله خمس سنين .. واللغة بتكلم عربى بقالى بتاع 16 سنة..^_^ اهي دي بقي بنسميها الاحلام الوردية !! .. ومش هاقولك اني بحبطك لإن المستقبل مش بتشوفه وانتا قاعد في بيتك .. عايز تشوف المستقبل صح ؟ انزل اشتغل واتدرب في اي شركة في الاجازة وانتا هاتعرف !! والله يافمباير انا ناوى اعمل كده بس المشكلة مش عارف اعمل ايه كل اللى اعرفهم محاسبة .. حتى اللى اتخرجو وشغالين ( بس شغل ايه .. عقبالنا يارب ..^_^ ) يعنى لو انا ناوى محاسبة .. فيه كام واحد ممكن يدربونى فى بنوك او حاجة بس انا عايز ادارة .. مش عارف بقى انزل فين .. انا اصلا من المنوفية .. وزى مانت عارف مش هلاقى هناك فرع لموبينل ادرب فيه .. ولا مركز بيدرب الطلبة على ال اتش ار او البى ار بس انا ناوى فى الاجازة انزل القاهرة او اسكندرية .. هاقضى الشهرين بتوعها واحاول اقلب عيشى هناك .. وربنا معانا وووو صباح الفل vampire1188 27-10-2008, 02:43 AM ايه دا انتا منوفي يا ميدو ؟!! لا اله الا الله .. ليه كدا يابني ؟! انتا منين اصلا من المنوفية ؟ انا اللي اعرفه ان شبين الكوم عندكوا فيها كل حاجة .. عموماً ماعلينا .. انتا أهم حاجة تدرب في الاجازة عشان التدريب فعلا مهم جدا .. سواء كنت هاتتخصص ادارة او محاسبة بس انا عايز ادارة .. مش عارف بقى انزل فين .. انا اصلا من المنوفية ياعم عرفنا وربنا انك من المنوفية :friendsxs3: .. !! هاقولك على حاجة .. حبك للادارة اتس اوكي مافيهوش مشاكل .. بس في سنة اولي مش هاتقدر تحدد . ليه ؟ لإنك لسه عضمك طري .. الادارة اللي انتا خدتها او لسه بتاخدها في الترم الاول دا مش حاجة دي مجرد مبادئ ومداخل للتنظيم .. يعني مش حاجة .. انتا عندك في الترم التاني لسه هاتاخد اقتصاد وفي تانية هاتدعك صح زي مانا مدعوك كدا ! فا لسه .. اللي بيحدد بنسبة 60% .. هوا بعد مابتخلص سنة تانية بتبقي بدأت ترسم لنفسك ميولك وطبعا ميولك دي لازم تتناسب معا تقديرك .. ماهو انتا مش تروح تجيب تقدير مقبول وتقولي اخش ادارة ! بالنسبة بقي للتدريب .. انتا ممكن تنزل في اي بنك .. وانتا وحظك في القسم اللي هاتقع فيه انا كان حظي اما روحت موبينيل اني اترميت في التسويق .. واستمتعت بيه والله أي نعم كان مرمطة وطلوع ونزول .. بس اهو الواحد بيستفاد .. وبعدين المرمطة في الحتت النضيفة احسن من المرمطة في الحتت المنيلة .. ! MedOo 28-10-2008, 12:52 AM ايه دا انتا منوفي يا ميدو ؟!! لا اله الا الله .. ليه كدا يابني ؟! انتا منين اصلا من المنوفية ؟ هوه انا مت ولا ايه .. اصحى يافمباير .. :stickjo4: انا اللي اعرفه ان شبين الكوم عندكوا فيها كل حاجة .. تصدق رغم انى عايش هناك بقالى 17 سنة .. الا انى اول مرة اعرف ..! بس ماشى .. هسأل ان شاء الله عموماً ماعلينا .. انتا أهم حاجة تدرب في الاجازة عشان التدريب فعلا مهم جدا .. سواء كنت هاتتخصص ادارة او محاسبة انا عارف .. وادينى بحاول ان شاء الله .. دعواتك بس اعدى الترم ده صافى ياعم عرفنا وربنا انك من المنوفية :friendsxs3: .. !! خلاص متزقش ياعمى .. وانا كمان عرفت وربنا .. :av4056bb7jp3: هاقولك على حاجة .. حبك للادارة اتس اوكي مافيهوش مشاكل .. بس في سنة اولي مش هاتقدر تحدد . ليه ؟ لإنك لسه عضمك طري .. الادارة اللي انتا خدتها او لسه بتاخدها في الترم الاول دا مش حاجة دي مجرد مبادئ ومداخل للتنظيم .. يعني مش حاجة .. انتا عندك في الترم التاني لسه هاتاخد اقتصاد وفي تانية هاتدعك صح زي مانا مدعوك كدا ! فا لسه .. اللي بيحدد بنسبة 60% .. هوا بعد مابتخلص سنة تانية بتبقي بدأت ترسم لنفسك ميولك وطبعا ميولك دي لازم تتناسب معا تقديرك .. ماهو انتا مش تروح تجيب تقدير مقبول وتقولي اخش ادارة ! بالنسبة بقي للتدريب .. انتا ممكن تنزل في اي بنك .. وانتا وحظك في القسم اللي هاتقع فيه انا كان حظي اما روحت موبينيل اني اترميت في التسويق .. واستمتعت بيه والله أي نعم كان مرمطة وطلوع ونزول .. بس اهو الواحد بيستفاد .. وبعدين المرمطة في الحتت النضيفة احسن من المرمطة في الحتت المنيلة .. والله كلام كويس من شاب اكوس ..^_^ .. لا والله يا فمباير .. انت واد جدع .. واكيد ايدك بتوجعك من كتر الكتابة كده .. :078111rg3: وانا ياعم عايز اتمرمط .. بس اخد خبرة واشتغل فى البلد المنيلة دى.. انا ان شاء الله نازل القاهرة او اسكندرية انا وجروب كده من اصحابى من كليات مختلفة .. هنقضى الشهرين بتوع الاجازة هناك .. ونحاول نشتغل .. نعمل اى حاجة .. المهم نتمرمط ونعتمد على نفسنا .. يمكن يتمر فينا .. :abdoog8: ومعلش تاعبك معايا ياصحبى .. vampire1188 28-10-2008, 11:04 PM هوه انا مت ولا ايه .. اصحى يافمباير .. برده ماقولتليش منين من المنوفية ؟؟؟؟؟ :blush: دعواتك بس اعدى الترم ده صافى الله يرحم ايام زمان .. كنت عمال تقولي انا هابقي معيد وهاجيب تقدير ! .. سبحان مغير الاحوال !! بس اخد خبرة واشتغل فى البلد المنيلة دى التدريب عمره ماهيديك خبرة .. كل اللي هايعملهولك التدريب انه هايديك اولولية في الحتة اللي هاتشتغل فيها عشان كدا اما تيجي تدرب حاول تدي اللي عندك .. وافضل اسمع وخد منهم عشان انا ربنا كان رازقني بشوية ناس هناك .. كل واحد عاملي فيها منصح افندي !! بس بيني وبينك فادوني جامد .. تاني حاجة بتستفيدها من تدريبك .. انك بتاخد على جو العمل .. عشان جو الدراسة اللي في الجامعة غير جو العمل نهااااائياً هنقضى الشهرين بتوع الاجازة هناك .. ونحاول نشتغل كويس اوي .. وابقي شوفلي شغل معاك .. اهو احتياطي برده :p ! MedOo 31-10-2008, 01:08 AM مااشى ياعمى بس انا قلتلك انا من شبين الككوووووم يعنى احسن النووس كويس اوي .. وابقي شوفلي شغل معاك .. اهو احتياطي برده :p لو موافق تشتغل قهوجى زبال اى حاجة كده .. مكانك موجووود ..^_^ على فكرة ممكن تشغل مدرب سباحة كماان ...:p طمطومة 31-10-2008, 04:22 AM السلام عليكم ورحمة الله وبركاته انا كمان باحب الادارة اكتر من المحاسبة ونفسى تكون تخصصى بس اللى قلقنى انهم بيقولوا ان فرص شغلها ضعيفة جدا ونا نفسى اشتغل مش عايزة اتخرج واتركن وفى نفس الوقت مش باحب المحاسبة اوى وغير كدا هاقضى حياتى كلها ارقام:angry2: سمعت الدكتور بيقول كل اللى تخصصوا فى ادارة عادوا سنة رابعة تانى عشان يدرسوا محاسبة هل ده ينفع ولا هو عشان دكتور محاسبة بيقول كدا:abdoog8: وبعدين ايه رايكم فى القسم الغلبان اللى اسمه التامين:( vampire1188 31-10-2008, 07:44 PM لو موافق تشتغل قهوجى زبال اى حاجة كده .. مكانك موجووود أعوذ بالله .. لا ياعم انا مالي .. شكراً وبعدين ايه رايكم فى القسم الغلبان اللى اسمه التامين والله انا سألت البشر اللي متخرجين اللي اعرفهم .. كلهم أجمعوا على إن قسم التأمين صعب ومابيشغلش حد الا .. الواسطة الجامدة اوي اوي اوي .. ويكون تقديره عالي .. وشغله محدود في نطاق شركات التأمين .. عشان كدا هوا فعلا قسم غلبان .. ويتيم كمان !! وكله شغل رياضة وخنقة .. وهيا مش ناقصة ! ahmed610 21-11-2008, 03:39 PM تحية منى لاحلى شباب شباب تجارة .... انا عن نفسى عجبنى قسم الادارة حتى الدكاترة بيقولولنا ان الادارة مرتبتها احسن بس ناس كتير خوفونى وقالولى مجال الشغل قليل ومحتاج وسطة ...فى قسم عندنا اسمة اكتوارى بس معرفش دة ممكن يشتغل اية بعد كدة وتقريبا كدة الى يدخل لازم يكون علمى رياضة بلوتو 21-11-2008, 08:38 PM http://www.zshare.net/download/509635036b1d42c6/ vampire1188 05-12-2008, 03:47 PM فى قسم عندنا اسمة اكتوارى بس معرفش دة ممكن يشتغل اية بعد كدة وتقريبا كدة الى يدخل لازم يكون علمى رياضة ياما قولنا كتير في القسم دا .. بس هوا قسم صعب جدا والسنة دي قابلين فيه 17 واحد بس realman0129 06-12-2008, 11:57 PM بعد اذنك يا باشا انا لسه في سنة اولي ونفسي انزل تدريب في نصف السنة مش مهم اتدرب فين بس انا عايز اعرف اعمل ايه عشان اتدرب فرسان الحق 07-12-2008, 08:26 PM تحية منى لاحلى شباب شباب تجارة .... انا عن نفسى عجبنى قسم الادارة حتى الدكاترة بيقولولنا ان الادارة مرتبتها احسن بس ناس كتير خوفونى وقالولى مجال الشغل قليل ومحتاج وسطة ...فى قسم عندنا اسمة اكتوارى بس معرفش دة ممكن يشتغل اية بعد كدة وتقريبا كدة الى يدخل لازم يكون علمى رياضة ده تبع جامعة ايه انا كنت علمى رياضه فى ثانوى عام انا بحب الاداره لكنى بحب المحاسبه اكتر بالنسبه للشغل فمجال الشغل فى المحاسبه كبيير قوى لكن مرتباتها بتبقى متوسطه انما فى اداره فى قسم التسويق اللى بيتخرجوا منه و بيشتغلوا مندوبى مبيعات بيخدوا مرتبات حلوه قوى لكن بالنسبه لى لاما احاول اشتغل سمسار بورصه فى شركات السمسره اللى فى القاهره و الاسكندريه او ادخل قسم المحاسبه و اخد سنتين بكارليوس بعد اما اخلص و اشتغل فى الجهاز المركزى للمحاسبه اعلى جهة محاسبه فى البلد دى يعنى شغلانه جامده موووت يارب حلمى يتحقق و اقدر اشتغل فى الجهاز ده tito.love4ever 11-12-2008, 05:43 AM هو القسم كويس بس فرص عمله قليلة جدا بس انتا لو ناوي تتفوق وتبقى معيد ف الكلية مثلا ربنا معاااااااااااك القسم ده هينفعك باذن الله realman0129 11-12-2008, 09:17 PM انا يا جماعة نفسي انزل تدريب في اي مكان مش عارف اعمل ايه لو حد عنده خبره في الموضوع ده يفيدني انا لسه في سنة اولي هو في تدريب في نص السنة ولا لاء realman0129 15-12-2008, 12:41 AM هو مفيش حد بيرد ليه هو انا مش زي اي واحد هنا محتاج مساعدة vampire1188 24-12-2008, 07:53 PM انا يا جماعة نفسي انزل تدريب في اي مكان مش عارف اعمل ايه ماهو على حسب انتا عايز تدرب في انهي مجال .. هل مجال ادارة ولا مجال محاسبة لو انتا عايز محاسبة .. عندك مكاتب المحاسبة على قفا من يشيل .. لو عايز ادارة .. عندك الشركات .. بيدربوك في اقسام الانتاج والتسويق والحاجات اللي زي كدا بس اولا ً واخيراً .. الواسطة ثم الواسطة لو عندك واسطة هاتمشي زي الفل .. لو ماعندكش هاتتعب خاصة لو كنت رايح تدرب في شركة اسمها كبير او اي بنك .. لو حد عنده خبره في الموضوع ده يفيدني انا لسه في سنة اولي هوا مش خبرة اوي .. انا الحمدلله في اجازة الصيف اللي فات روحت موبينيل واتدربت في الفرع الرئيسي هناك .. وماقولكش على المتعة اللي انتا بتبقي فيها وانتا هناك .. الناس كلها بتقعد تشتم في موبينيل عشان شبكتها والكلام دا كله .. لكن والله العظيم اللي بيشتم فيها دا ماشافش الشركة ذات نفسها .. لإن لو شافها هايخاف يخشها اصلا من نضافتها !! .. وسبحان الله تدريبي دا كان فاتحة خير عليا .. لإني على اول السنة دي فوجئت انهم باعتنلي جواب وبيقولولي ان فيه جلسات مكثفة لشرح المبادئ التسويقية .. بمعني اصح حاجة كدا زي الكورسات التدريبية بس تابعة للشركة ذات نفسها .. والجلسات دي معمولة للناس اللي كانوا بيتدربوا في الاجازة .. فالحمدلله نصيبي كان كويس في الحكاية دي .. هو في تدريب في نص السنة ولا لاء هاقولك على حاجة .. دائما المستجدين بيبقوا فاكرين ان التدريب دا بيبقي حاجة الكلية بتوفرهالك زي كلية التربية كدا .. لكن الفكرة دي غلط طبعاً .. التدريب في كليات التجارة في اي جامعة اتخلقت في مصر مبني على واسطتك في الجهة اللي انتا عايز تروح تدرب فيها .. يعني لو عندك واسطة في بنك معين هاتروح تدرب فيه .. لو ماعندكش مش هاتعرف .. لو عندك واسطة في شركة مثلا زي فودافون هاتروح .. لو ماعندكش مش هايدخلوك من بوابة الشركة اصلا !! .. فهيا المسألة كلها معتمدة اعتماد كلى على الواسطة بتاعتك .. طبعا الكلام اللي فات دا مبني على الشركات والبنوك اللي ليها سمعتها .. لكن مكاتب المحاسبة مش محتاجة .. روح لأي مكتب محاسبة وقولهم انا عايز اتدرب .. هاتتلاقي يقولك اوكي ماشي .. ويقعد يديلك في الليستة بتاعة الالتزام والحضور ومواعيد المجي والانصراف والكلام دا كله .. طبعاً هاتتخنق في الاول جامد لإنك مش واخد على كدا .. بس هما تلات او اربع ايام وهاتاخد على الالتزام وهاتعيش الحياة .. كفاية احساسك من جواك انك بقيت راجل ذات مسئولية .. فحكاية بقي ان التدريب في اول السنة او اخر السنة او نص السنة دي مش مشكلة .. لو عايز تدرب في اي وقت هاتدرب .. ان شالله حتى لو كان اثناء الدراسة ذات نفسها .. زيي كدا اهو .. اديني طالع عيني في المرواح والمجي .. بس هاعمل ليه كل دا في سبيل اني اتعرف هناك لإنك ساعة مابتتعرف في المكان اللي انتا فيه بيبقي ليك الاولوية انك تشتغل فيه بعد تخرجك .. ودا اللي انا بطمح ليه .. واكيد دا برده طموحك عموما ربنا يوفقك .. بس الاهم من التدريب وكل حاجة .. تقديرك ثم تقديرك ثم تقديرك .. ركز في مذاكرتك وامتحاناتك الاول وبعد كدا ابدأ بص للتدريب والكلام دا .. realman0129 04-01-2009, 12:43 PM شكرا علي كلامك الكتير يا فامبير وربنا يخليك للمنتدي molly_2010 15-01-2009, 03:47 PM ياجماعه بليز عاوزة حد يرد عليا هو ليه مفيش بنات مشاركه ولو فى بجد عاوزة اميلاتها ضرورى اه ازيكوا الاول عملتوا ايه فالامتحانات الحلوة دى؟؟؟؟؟؟؟؟ ربنا معانا بقى ياريت تردو عليا بليز مرسى |