الجنية ونص جنية الفضة؟؟!! [الأرشيف] - بوابة الثانوية العامة المصرية

Sharp Nails

25-10-2008, 10:12 AM

السلام عليكم
ازيكوا ياجماعة وحشتونى والله:friendsxs3:
ووحشنى الكلام معاكوا :039uw8:
ماعلينا

عاوزة اخد رأيكوا فى الى حصل للجنية والنص جنية
اتسخطوا صح؟؟ََ!!

فى يوم كنت بركب المترو وجيت ادفع التذكرة
اديت للرجال 10 جنية محترمة كدة وورقة كبيرة
ادانى 9 جنية جنهات ونص جنية فضة
بصراحة مبقتش عارفة اقول اية ولا اعمل اية:o

بفكر بعد كدة بدل ما اشترى محفظة اشترى كيس الدراهم :bosyht9:

بجد والله بحس انه اهانة ومنتهى الاهانة
لما تكون العملة المصرية بالمنظر المزعج دة

ازاى يعنى دولة طويلة عريضة
متجمعة على عملة اصغر من عقلة الصباع

عاوزة اسمع رأيكو اية فالمهزلة دية ؟؟؟؟؟؟؟؟؟؟

عاجبكوا شكل الجنية كدة ولا مش فارقة معاكوا :006et4:

سلام

Travel

25-10-2008, 10:22 AM

بس بجد يا نسوم
دى حاجة وحشة اوى
بجد الواحد بيتكسف اوى من النص جنيه او الجنيه

تخيلى واحدة كبيرة كده 17 سنة وبتدى للسواق حاجة عاملة زى البلية:huh:
وانتى ماسكاه فى ايديك كده
وشكله تحفة

انا فاكرة اخر موقف حصلى معاه
كنت راكبة CTA
اديته عشرة جنيه ورق
ادانى 7.50 ورق ونص جنيه صغير كده
هو قالى ده نص جنيه بس عملة
قلتله نعم:huh:
!!
طويب
هديه لبنت خالتى تلعب بيه
بلاش فضايح
لما حد كبير كده
يجى يدفع تذكرة يمسك بلية فى ايده:mellow:

ولسه يا بلد:unsure:

الاتوبيس كله ضحك
(مش لازم اقول قلت ايه تان علشان الفضايح):d

بس بجد انا باخدهم والله بجى فى البيت
اقولهم
هنا مقر تغيير العملات
:d
وببادلهم

ayooosh

25-10-2008, 11:32 AM

هما عملوا كده عشان شويه شويه هتقل قيمتهم وهتبقى نص جنيه ده والجنيه هيبقوا زى خمسه ساخ والعشره ساخ بتاعت زمان اللى اظن انهم على و وشك الانقراض
يا بنتى كل حاجه بتتغير هتيجى على دى
اصلا مفيش حد عاجبه الفضه دى خالص وممكن تضيع بسرعه
كله بيبقى عايز يتخلص منهم باى طريقه
مرسى يا نسوم على موضوعك وعايزين نشوفك علطول:)

Sharp Nails

25-10-2008, 07:03 PM

بس بجد يا نسوم

دى حاجة وحشة اوى
بجد الواحد بيتكسف اوى من النص جنيه او الجنيه

تخيلى واحدة كبيرة كده 17 سنة وبتدى للسواق حاجة عاملة زى البلية:huh:
هههههههههه
كبيرة اوى
وانتى ماسكاه فى ايديك كده
وشكله تحفة

انا فاكرة اخر موقف حصلى معاه
كنت راكبة CTA
اديته عشرة جنيه ورق
ادانى 7.50 ورق ونص جنيه صغير كده
هو قالى ده نص جنيه بس عملة
قلتله نعم:huh:
!!
طويب
هديه لبنت خالتى تلعب بيه
بلاش فضايح
لما حد كبير كده
يجى يدفع تذكرة يمسك بلية فى ايده:mellow:

ولسه يا بلد:unsure:

الاتوبيس كله ضحك
(مش لازم اقول قلت ايه تان علشان الفضايح):d

بس بجد انا باخدهم والله بجى فى البيت
اقولهم
هنا مقر تغيير العملات

وببادلهم

هههههههههههههههههه
ماشى يازوزو دلوقتى الجنية بقى لعبة يطلق عليها بلية :d
فين ايام ما كنت باشترى بالجنية دة
كيلو لحمة وفرختين وخضار السوق كله واعدى على بتاع
البسبوسسة اشترى منه 8 كيلو
وجنبه كدة بتاع الفاكهه اخد قيمة عشرة كيلو بطاطس
كل دة بجنية
ايام ما كان الجنية قد السجادة

Sharp Nails

25-10-2008, 07:21 PM

هما عملوا كده عشان شويه شويه هتقل قيمتهم وهتبقى نص جنيه ده والجنيه هيبقوا زى خمسه ساخ والعشره ساخ بتاعت زمان اللى اظن انهم على و وشك الانقراض

يا بنتى كل حاجه بتتغير هتيجى على دى
اصلا مفيش حد عاجبه الفضه دى خالص وممكن تضيع بسرعه
كله بيبقى عايز يتخلص منهم باى طريقه

مرسى يا نسوم على موضوعك وعايزين نشوفك علطول:)

منورانى ياايوى
وعندك حقك ياقمر فى كلامك
انا عن نفسى بضيعهم اول بااول
بقت حاجة تفرس والله انزل بفلوس ارجع مفلسة

مروج البحر

25-10-2008, 08:56 PM

وحشتني مواضعيك يا نسومه

ديه جنيهات مقرفه مره كنت في معرض في بلد ارياف المهم الست قولت لها السعر قامت مطلعه ليه 8 جنيه فضه

وادتني جنيه بجنيه حسيت انها بتديني قطع من الدهب

ههههههههه

ربنا يتوب علينا من الجنيهات ديه

أسيل رزق

25-10-2008, 10:19 PM

سبحان الله إحنا مش كنا بنتكلم فى الموضوع ده إنهارده

هههه حكتلك انا على الجنيه ونص اللى عقبال ما راحوا للسواق كان الجنيه اختفا تحت مصدر مجهول :unsure: وبعد عناء طويل إستمر لبضع دقائق و مع البحث المستمر وجدناه تحت كرسى :slap1qk6: .. ما أنا لو ماكنتش لاقيته ماكنتش هدفع جنيه تانى :stickjo4: .. هو أنا لاقيه الفلوس فى الشارع :mad:

المهم يعنى كل وقت وله أذان زى ما بيقولوا .. ومافيش حاجة بتفضل على حالها

الجنيه الجبس بتاع زمان كان ليه قمته دلوقتى مايجبش كيس شيبسى عندنا فى الجامعة :bosyht9:

بس بصراحة شىء متعب جداً -_-

واللى يعيش ياما يشوف

بكره نشوف الخمسة جنيه بقت سحتوت

شكراً يا نسوم على الموضوع

أخبار الساندوتش إيه ؟؟ أكيد عمل مفعول تمام ( تلاقيكى بقيتى بترمى شمال ^_^ )

MohammeD el_SadaT

25-10-2008, 10:27 PM

عارفه أنا يمكن واحد من الناس القليلين اللى حب القرار ده
عارفه ليه
لأن من هواياتى تجميع العمل المعدنيه أنا عندى فى المكتب درج كامل مليان شلنات وبرايز وإربع وجنهات وإنصص من دى

عارفه فى مره خدت من بابا فلوس الدرس بتاع المدرس ورحت فككهاله كلها من دى وحططها فى شراب وحاطط فيه رشتين ورايح ووإحنا قاعدين فى الدرس رحت مدهالو وقايله خدلك سوره من الدنانير شبرق بيها نفسك

كان عاوز يرمينى من الشباك بس من كتر الضحك مقدرش يتكلم

شمس بياض

25-10-2008, 10:28 PM

شمس بياض

25-10-2008, 10:31 PM

عارف فى مره خدت من بابا فلوس الدرس بتاع المدرس ورحت فككهاله كلها من دى وحططها فى شراب وحاطط فيه رشتين ورايح ووإحنا قاعدين فى الدرس رحت مدهالو وقايله خدلك سوره من الدنانير شبرق بيها نفسك

كان عاوز يرمينى من الشباك بس من كتر الضحك مقدرش يتكلم

بجد تصرف زكى لكن لو معلم قليل عقل كان له تصرف تانى معاك

دمك خفيف يا مضروب

احمد نوفل

25-10-2008, 10:41 PM

موضوع جميل ومهم جدا متقلقش شوية كده وهيطلعوا خمسة جنيه فضة شوية شوية والى بعده

ربنا يرحمنا هى دى سياية الدولة

Lost Dreamer

25-10-2008, 10:55 PM

همس

25-10-2008, 11:40 PM

موضوع حلو اوي يا نسوووم

انا كرهت حاجة اسمها عملة

والي يحرق الدم

ان في الباصات بيرجعوا الباقي ليكي مثلا جنيه او نص جنيه فضة

بآخدهم وبسكت لاني بكون طالعة من الكلية قرفانة من الدنيا اصلا

وعقبال ما الواحد دعوته تستجاب

ويلاقي رجالة عندهم نخوة ودم ومش يزاحموا البنات عند ابواب الباصات

بجد بجد مهزلة وقمة المهزلة

الطبيعي والي بيحصل اصلا دلوقتي

ان البنات عند الباصات بتتحول الى ذكور

وتلاقيهم بيزقوا ويضربوا زي الرجالة بالظبط

انا صراحة مش قادرة اكون كدا

بقعد استنى لحد ما خلق الله كلهم يروحوا وبعدين بركب انا واصحابي

الي خلتهم يقفوا معايا وينسوا الهمجية الي الناس بتتعامل بيها دي

المهم طولت عليكي وقرفتك بالباصات

الي بيحصل انهم بيرجعوا الباقي ليكي جنيهات وانصاص فصة عادي

جيت مرة بقى ادفع الاجرة للراجل جنيه فضة

قالي لاااااااااااااا يا اببببببببلة دا مش بيرووووووووووووووح اليومييييييين دووووووووول

قولتله والله ؟؟؟؟

امال بيروح منكم لينا ازاي ؟؟

دا انا أخدته منكم

وبعدين البريزة والشلن بيروحوا والجنيه والنص مش بيروحوا ؟؟؟؟؟

قلت اشتري دماغك يا بت يا هند وطلعت جنيه ورق

ونزلت وانا بجد قرفانة من البلد ومن الحال الي وصلنا ليه

الله المستعااااااااان

صدعتك انا معلش

بس قلت اطلع الشحنات الي جوايا

هههههههههههههه

emoo

25-10-2008, 11:59 PM

ايه ده
هوا الموضوع ده اللى مضايقك يا نسمه و مضايق الناس؟:D
طب ايه رأيكو على فكره ان عملة اليورو شكلها نفس الشكل
و مش دولة طويله عريضه
قاره كاملة بتتعامل بالشكل ده
مع اختلاف التصميم بين كل دوله و دوله فى الوجه التانى بس
لكن الوجه اللى هوريه ليكو ثابت فى كل دول اوروبا و بنفس حجم الجنيه و النص جنيه الفضه

استنو اوريكو

http://www8.0zz0.com/2008/10/25/21/567085973.gif (http://www.0zz0.com)

2 يورو

http://www8.0zz0.com/2008/10/25/21/783096303.gif (http://www.0zz0.com)

1 يورو

http://www8.0zz0.com/2008/10/25/21/629881567.gif (http://www.0zz0.com)

50 سنت

http://www8.0zz0.com/2008/10/25/21/234150646.gif (http://www.0zz0.com)

20 سنت

http://www8.0zz0.com/2008/10/25/21/805185218.gif (http://www.0zz0.com)

10 سنت

http://www8.0zz0.com/2008/10/25/21/191556802.gif (http://www.0zz0.com)

5 سنت

http://www8.0zz0.com/2008/10/25/21/375182860.gif (http://www.0zz0.com)

2 سنت

http://www8.0zz0.com/2008/10/25/21/939662319.gif (http://www.0zz0.com)

1 سنت

اى خدمه مدلعكو اهو

Sharp Nails

26-10-2008, 12:01 AM

وحشتني مواضعيك يا نسومه
وانتى كمان وحشانى ياسمسم

ديه جنيهات مقرفه مره كنت في معرض في بلد ارياف المهم الست قولت لها السعر قامت مطلعه ليه 8 جنيه فضه

وادتني جنيه بجنيه حسيت انها بتديني قطع من الدهب

ههههههههه

ربنا يتوب علينا من الجنيهات ديه
يارب يابنتى والله حاجة تشل
انا مش بيعمروا معايا بجد بيضيعوا اول باول :av4056bb7jp3:
ملهمش عمار معايا

Sharp Nails

26-10-2008, 12:06 AM

سبحان الله إحنا مش كنا بنتكلم فى الموضوع ده إنهارده

هههه حكتلك انا على الجنيه ونص اللى عقبال ما راحوا للسواق كان الجنيه اختفا تحت مصدر مجهول :unsure: وبعد عناء طويل إستمر لبضع دقائق و مع البحث المستمر وجدناه تحت كرسى :slap1qk6: .. ما أنا لو ماكنتش لاقيته ماكنتش هدفع جنيه تانى :stickjo4: .. هو أنا لاقيه الفلوس فى الشارع :mad:

المهم يعنى كل وقت وله أذان زى ما بيقولوا .. ومافيش حاجة بتفضل على حالها

الجنيه الجبس بتاع زمان كان ليه قمته دلوقتى مايجبش كيس شيبسى عندنا فى الجامعة :bosyht9:

بس بصراحة شىء متعب جداً -_-

واللى يعيش ياما يشوف

بكره نشوف الخمسة جنيه بقت سحتوت

شكراً يا نسوم على الموضوع
عندك حق يامها والله
ياخوفى ابنى يجى يقولى عشرة جنية اية اتكسف اشيلها
اناااا عبد العال اشيل عشرة جنية قد الزرار:(

أخبار الساندوتش إيه ؟؟ أكيد عمل مفعول تمام ( تلاقيكى بقيتى بترمى شمال ^_^ )

اوبص لية كدة يامها لية الفاضيح دية
هههههههههههههههههه
ماشى يافضحة مش هجيبك عندى تانى

أ/ عثمان ربيع

26-10-2008, 12:11 AM

في رايي ان المفروض العملة المعدنية الجديدة ( الجنية - النص ) يتعملوا فيهم ثقب زي الربع جنية

علي الاقل ممكن الواحد يعمل مدلية يحطهم فيها وهنحافظ عليهم من الضياع

شكرا علي الموضوع

Sharp Nails

26-10-2008, 12:20 AM

عارفه أنا يمكن واحد من الناس القليلين اللى حب القرار ده

عارفه ليه
لأن من هواياتى تجميع العمل المعدنيه أنا عندى فى المكتب درج كامل مليان شلنات وبرايز وإربع وجنهات وإنصص من دى

عارفه فى مره خدت من بابا فلوس الدرس بتاع المدرس ورحت فككهاله كلها من دى وحططها فى شراب وحاطط فيه رشتين ورايح ووإحنا قاعدين فى الدرس رحت مدهالو وقايله خدلك سوره من الدنانير شبرق بيها نفسك

كان عاوز يرمينى من الشباك بس من كتر الضحك مقدرش يتكلم

شراب:huh:
فى حد يحط الفلوس فالشراب

طب والله فكرة وماله
بدل ما اشترى كيس دراهم من عند الحج جحا
احطه فالشراب

hazem_ayman

26-10-2008, 12:27 AM

المشكلة انك لو جيت تدفعهم فى المواصلات مبيرضوش يخدوها

Sharp Nails

26-10-2008, 12:28 AM

احنا من بلد صعيدى ريفى
هذه الجنيهات والنصف جنيهات يرفض الكل التعامل معها وبيها
بيقولوا انها لاتنصرف
ولا احد بيرضى ياخدها
المشكله بقى ان لما نيجى نقبض المرتب بناخد منها غصب عننا من الصراف ونركنهم فى البيت لعمل بيهم متحف
عقبال املتك فى المستقبل

حسبى الله ونعم الوكيل
طب انتوا ذنبكوا اية طيب
هو صحيح هو دة الى المفروض يحصل فى اى حتة
ان الجنهات دية مش تتاخد اصلا وفعلا يرفض التعامل بيها
بس المفروض برضه انتوا كمان مش تقبلوها
ذنبكوا اية يعنى
دة اوكازيون ولا اية
تاخد المرتب وعليه جوز جنهات تحفة فنية

Sharp Nails

26-10-2008, 12:30 AM

بجد تصرف زكى لكن لو معلم قليل عقل كان له تصرف تانى معاك

دمك خفيف يا مضروب

بصراحة معلش يامحمد
انالو من المدرس كنت قولتلك طريقك اخضر
مش هاخدهم طبعا

Sharp Nails

26-10-2008, 12:31 AM

موضوع جميل ومهم جدا متقلقش شوية كده وهيطلعوا خمسة جنيه فضة شوية شوية والى بعده

ربنا يرحمنا هى دى سياية الدولة

انا معاك فى كلامك
بس مش معاك فى انك بتكلمنى على انى ولد
ياجدعان اعمل اية اكتر من كدة
فى ولد اسمه اليس ولا بافى

عبقرينومان

26-10-2008, 05:38 AM

اديت للرجال 10 جنية محترمة كدة وورقة كبيرة
ادانى 9 جنية جنهات ونص جنية فضة

انا ليا تعليق صغير بس

هي تذكرة المترو بقت بنص جنية ولا ايه ولا محسوبية تعطي للراجل 10 جنية يعطيك تسعة ونص ليه

مفيش قانون

التعليق الثاني (العملة المعدنية بتكون اقوى وبتعيش اكثر من العملة الورقية لان البنك المركزي كل فترة بيعدم كمية كمبيرة بالملايين من العملة الورقة التالفة فلهذا تنصح الحكومة باستخدام العملات النقدية كما في الدول الكبيرة

بس برضوا عايز اعرف حكاية ثمن التذكرة

amr_2010

26-10-2008, 05:45 AM

هو اصلا الجنيه حاجه كبيرة

خلاص اصلا الجنيه مبقاش ليه قيمه

Travel

26-10-2008, 06:42 AM

ايه ده
هوا الموضوع ده اللى مضايقك يا نسمه و مضايق الناس؟:d
هو مش مضايقك يا ايمن:confused:
طب ايه رأيكو على فكره ان عملة اليورو شكلها نفس الشكل
و مش دولة طويله عريضه
قاره كاملة بتتعامل بالشكل ده
مع اختلاف التصميم بين كل دوله و دوله فى الوجه التانى بس
لكن الوجه اللى هوريه ليكو ثابت فى كل دول اوروبا و بنفس حجم الجنيه و النص جنيه الفضه
عالم فاضية بقى تعملها ايه
خايفيين على الورق
رايحيين يعملوا بلى(جمع بلية):romarioxp6:
استنو اوريكو

http://www8.0zz0.com/2008/10/25/21/567085973.gif (http://www.0zz0.com)

2 يورو

http://www8.0zz0.com/2008/10/25/21/783096303.gif (http://www.0zz0.com)

1 يورو

http://www8.0zz0.com/2008/10/25/21/629881567.gif (http://www.0zz0.com)

50 سنت

http://www8.0zz0.com/2008/10/25/21/234150646.gif (http://www.0zz0.com)

20 سنت

http://www8.0zz0.com/2008/10/25/21/805185218.gif (http://www.0zz0.com)

10 سنت

http://www8.0zz0.com/2008/10/25/21/191556802.gif (http://www.0zz0.com)

5 سنت

http://www8.0zz0.com/2008/10/25/21/375182860.gif (http://www.0zz0.com)

2 سنت

http://www8.0zz0.com/2008/10/25/21/939662319.gif (http://www.0zz0.com)

1 سنت

اى خدمه مدلعكو اهو
ده انا لو هناك
افضل قاعدة فى بيتنا ولانيش امسك البتاعة دى
بجد ايه ده

طب كان فى موقف
واحدة دفعتلى التزكرة(صحبتى) واديتها الفلوس
كان من ضمنها (الحنيه العملة) وقع مننا والاتوبيس بيلف
وفضل موجود عند سلم الباب
والباب كان مفتوح
وكل ما تيجى تجيبه
الاتوبيس يتحرك ترجع تان
وواحدة قاعدة فى اول كرسى جت تجيبهولنا اول ما الاتوبيس يقف
تقوم تجيبه تلاقى الاتوبيس بيتحرك ترجع تان
فضلنا على الحال ده كتيير لغايت ما الراجل وقف بنفسه
بس كان شكلنا وحش اوى
7 افراد بيبصوا على (الجنيه العملة)
!!!!
مايقع ولايتفلق

***star***

26-10-2008, 06:46 AM

السلام عليكم

ازيكوا ياجماعة وحشتونى والله:friendsxs3:
ووحشنى الكلام معاكوا :039uw8:
ماعلينا

عاوزة اخد رأيكوا فى الى حصل للجنية والنص جنية
اتسخطوا صح؟؟ََ!!

فى يوم كنت بركب المترو وجيت ادفع التذكرة
اديت للرجال 10 جنية محترمة كدة وورقة كبيرة
ادانى 9 جنية جنهات ونص جنية فضة
بصراحة مبقتش عارفة اقول اية ولا اعمل اية:o

بفكر بعد كدة بدل ما اشترى محفظة اشترى كيس الدراهم :bosyht9:

بجد والله بحس انه اهانة ومنتهى الاهانة
لما تكون العملة المصرية بالمنظر المزعج دة

ازاى يعنى دولة طويلة عريضة
متجمعة على عملة اصغر من عقلة الصباع

عاوزة اسمع رأيكو اية فالمهزلة دية ؟؟؟؟؟؟؟؟؟؟

عاجبكوا شكل الجنية كدة ولا مش فارقة معاكوا :006et4:

سلام

في اسكندريه محدش بيرضي يتعامل بيهم...ليه الله اعلم...بس حلوه حته كيس الدراهم دي....:)

همس

26-10-2008, 07:13 AM

انا اعرف ناس حاليا بتجيب محفظة مخصوص للدراهم دي على رأيي نسووم

انا صراحة من كتر ما بآخدهم وما بلاقيهم في البيت في كل حتة

في علب بلاستيك كدا بتاعة السبوع

جبتها وحطتها على مكتبي

وبقيت اجمع فيهم الفلوس دي

جمعت دلوقتي اكتر من 10 جنيه يمكن:022yb4::022yb4:

في البيت لما شافوهم كتروا كدا

كل واحد يقولي بتجيبي الفلووووووس دي منيييييين ؟؟

دي بتاعتي

تلاقيكي اخدتيها من معايا

ههههههههههههههه

ليهم فايدة برده بيفكوا في وقت الزنقة والتفليس يا نسوووم

حاولت مرة اغيرهم من ماما

قالتلي احنا هنرجع لايام قريش ولا ايه

:lol::lol:

متلقحين اهم على المكتب

يارب الاقيلهم صرفة بقى :(

روميو

26-10-2008, 07:38 AM

والله بجد ان مستغرب من العملات دى

فى محلات عندنا كاتبة ورقة كده ممنوع استخدام العملات المعدنية بجد مش عارف ايه الحكاية دى الواحد لو معاه 10 جنيه عملات معدنية حيمشى يعمل فرح بالصوت بتاع الفلوس دى

ولا هما عملو الفلوس دى عشان الشاحتين تبقى زى العشر قروش وكده

عجبى يامصر تخترع فى العملات مش فالحين غير فى الحاجت الهايفة

وبرده عملوا العملات دى عشان الجنيه يغطس ومش يطلع تانى عشان مايعوموش الجنيه

Sharp Nails

26-10-2008, 07:56 AM

عندك حق نشتري كيس دراهم

انت عارف في الكويت عملتها الدينار والدينا فيه االف فلس وبيعملوا عملات معدنيه بخمسه فلس و10 و 20 و 50 و 100 فلس دي كلها عملات معدنيه

والعملات الورقيه بتبتدي من فئة ال 250 فلس واعلي عمله ورقيه هي 20 دينار تخيل 20 دينار هي اعلي عمله في الدوله

شكرا علي موضوعك الرائع والجميل

عشان فالكويت عندهم 100 فلس دة حاجة قليلة
دول ناس فوق

وبرضه بتكلمنى على انى ولد انتوا فيكوا حاجة مش طبيعية
طب ملفتش نظركوا فالردود الناس كلها بتقولى نسمة :slap1qk6:
يجى حد تانى يقولى عارف ياواد :stickjo4:

Sharp Nails

26-10-2008, 07:57 AM

الى هيكلمنى على انى ولد تانى مش هرد عليه

ادينى قولت
وهيبقى فى كلام تانى

Sharp Nails

26-10-2008, 08:04 AM

موضوع حلو اوي يا نسوووم

انا كرهت حاجة اسمها عملة

والي يحرق الدم

ان في الباصات بيرجعوا الباقي ليكي مثلا جنيه او نص جنيه فضة

بآخدهم وبسكت لاني بكون طالعة من الكلية قرفانة من الدنيا اصلا
دة الى بيحصل وكمان يعنى هتقفى فى وسط الزحمة تقوليله غيرلى دول
هيرميكى مالشباك

وعقبال ما الواحد دعوته تستجاب

ويلاقي رجالة عندهم نخوة ودم ومش يزاحموا البنات عند ابواب الباصات

بجد بجد مهزلة وقمة المهزلة

الطبيعي والي بيحصل اصلا دلوقتي

ان البنات عند الباصات بتتحول الى ذكور
ياساتر ازاى:(

وتلاقيهم بيزقوا ويضربوا زي الرجالة بالظبط

انا صراحة مش قادرة اكون كدا

بقعد استنى لحد ما خلق الله كلهم يروحوا وبعدين بركب انا واصحابي
اية الحجة دية

الي خلتهم يقفوا معايا وينسوا الهمجية الي الناس بتتعامل بيها دي

المهم طولت عليكي وقرفتك بالباصات

الي بيحصل انهم بيرجعوا الباقي ليكي جنيهات وانصاص فصة عادي

جيت مرة بقى ادفع الاجرة للراجل جنيه فضة

قالي لاااااااااااااا يا اببببببببلة دا مش بيرووووووووووووووح اليومييييييين دووووووووول
علشان بيقع منه زى حالاتى:av4056bb7jp3:
قولتله والله ؟؟؟؟

امال بيروح منكم لينا ازاي ؟؟

دا انا أخدته منكم

وبعدين البريزة والشلن بيروحوا والجنيه والنص مش بيروحوا ؟؟؟؟؟

قلت اشتري دماغك يا بت يا هند وطلعت جنيه ورق

ونزلت وانا بجد قرفانة من البلد ومن الحال الي وصلنا ليه

الله المستعااااااااان

صدعتك انا معلش

بس قلت اطلع الشحنات الي جوايا

هههههههههههههه

ياعينى ياهند انتى شكلك استويتى
انا لو منك كنت قولت للراجل مفيش غير دة تخده ولا تاخده
كان هيخده

Sharp Nails

26-10-2008, 08:08 AM

ايه ده
هوا الموضوع ده اللى مضايقك يا نسمه و مضايق الناس؟:d
طب ايه رأيكو على فكره ان عملة اليورو شكلها نفس الشكل
و مش دولة طويله عريضه
قاره كاملة بتتعامل بالشكل ده
مع اختلاف التصميم بين كل دوله و دوله فى الوجه التانى بس
لكن الوجه اللى هوريه ليكو ثابت فى كل دول اوروبا و بنفس حجم الجنيه و النص جنيه الفضه

استنو اوريكو

http://www8.0zz0.com/2008/10/25/21/567085973.gif (http://www.0zz0.com)

2 يورو

http://www8.0zz0.com/2008/10/25/21/783096303.gif (http://www.0zz0.com)

1 يورو

http://www8.0zz0.com/2008/10/25/21/629881567.gif (http://www.0zz0.com)

50 سنت

http://www8.0zz0.com/2008/10/25/21/234150646.gif (http://www.0zz0.com)

20 سنت

http://www8.0zz0.com/2008/10/25/21/805185218.gif (http://www.0zz0.com)

10 سنت

http://www8.0zz0.com/2008/10/25/21/191556802.gif (http://www.0zz0.com)

5 سنت

http://www8.0zz0.com/2008/10/25/21/375182860.gif (http://www.0zz0.com)

2 سنت

http://www8.0zz0.com/2008/10/25/21/939662319.gif (http://www.0zz0.com)

1 سنت

اى خدمه مدلعكو اهو

انا مالى ومال اليورو
طب اليورو لية اسمه فالعالم
مين بقى الجنية دة
هو اصلا مش عالخريطة يقوموا يصغروا اكتر

شكرا ايمن لمرورك

Sharp Nails

26-10-2008, 08:13 AM

في رايي ان المفروض العملة المعدنية الجديدة ( الجنية - النص ) يتعملوا فيهم ثقب زي الربع جنية

علي الاقل ممكن الواحد يعمل مدلية يحطهم فيها وهنحافظ عليهم من الضياع

شكرا علي الموضوع

:)

واحدة تقولى لعبة لبنت خالتى
وواحد يقولى حطهم فالشراب
وحضرتك تقولى مدلية

الحاجة ام الاختراع
والله افكار زى الفل
اهوه تغير برضه لاستخدمات الفلوس

Sharp Nails

26-10-2008, 08:15 AM

المشكلة انك لو جيت تدفعهم فى المواصلات مبيرضوش يخدوها

والله حاجة تنرفززززززززززززززززززززززز
يعنى يدونا الفلوس وميرضوش يخدوها تانى
:slap1qk6:

Hamset_Etab

26-10-2008, 08:18 AM

Sharp Nails

26-10-2008, 08:25 AM

انا ليا تعليق صغير بس

هي تذكرة المترو بقت بنص جنية ولا ايه ولا محسوبية تعطي للراجل 10 جنية يعطيك تسعة ونص ليه

مفيش قانون
ههههههههههههههههههههه
لا انا قصدى انه ادانى جنهات وانصاص
مش عارفة اوصلها ازاى
يعنى ادانى مخلط
جنهات على نص جنهات
وصلت؟؟؟؟؟؟؟

التعليق الثاني (العملة المعدنية بتكون اقوى وبتعيش اكثر من العملة الورقية لان البنك المركزي كل فترة بيعدم كمية كمبيرة بالملايين من العملة الورقة التالفة فلهذا تنصح الحكومة باستخدام العملات النقدية كما في الدول الكبيرة

بس برضوا عايز اعرف حكاية ثمن التذكرة

ماهى اها معمرة بس مش بتتصرف
ولا حضرتك شايف اية ؟؟؟؟؟؟؟
كل الناس عماله تقول مش بتتصرف

** MR.SmilE **

26-10-2008, 01:26 PM

العالم كله بيتجه نحو التصغير .... اشمعني احنا:):)

كل حاجة ف البلد بقت بتقل ( ما عدا الفلوس المعدن )

مش بعيد تصحي الصبح متلاقيش محلات!!!!

بصراحة النص جنيه و الجنيه بقي شكلهم مستفز جدا
و مش داخل دماغي حكاية الجنيه المعدن دي
و كمان كتروا اوي اوي في مصر

مش عارف راح فين النص و الربع الورق؟؟؟

ما علينا

شكرا ع الموضوع

emoo

26-10-2008, 02:45 PM

انا عن نفسى
عمرى ما جيت فى مره استخدمه
و متصرفش
كل الناس بترضى تاخده منى
و المواصلات و كله
:)

the black rose

26-10-2008, 03:10 PM

هيكون عاجبنا ازاى يعنى يا نسوم
اساسا فى ناس مش بترضى تاخده
احنا عندنا مستر قبض المرتب بتاعه جنيهات من دى
طبعا ولا حاسس بقيمتهم
راح فى الدرس كل سؤال عليه جنيه و وزعهم علينا
و كمان فى بريزة دلوقتى اصغر من المليم بتاع زمان
بجد صغنونة اوى يعنى خلاص النص جنيه بقى بدل الشلن
و الجنيه بقى بريزة حتى فى قيمتهم مبقوش يجيبوا حاجة
المشكلة فى الاقتصاد كله مش فى منظر الجنيه

EnG.BeLaL

26-10-2008, 03:20 PM

انا كل لما اخد واحد يقع مني
هشيل بعد كده سرة من الدنانير هههههههههه

the black rose

26-10-2008, 03:32 PM

الى هيكلمنى على انى ولد تانى مش هرد عليه

ادينى قولت
وهيبقى فى كلام تانى

هههههههههههههه
نعملك ايه انتى اللى غيرتى اسمك
و بعدين ده مش شكل بنت خالص :p

_GUIDE_

26-10-2008, 03:42 PM

همس

26-10-2008, 06:36 PM

ماله الجنيه الفضه :slap1qk6:

ده حتى كله نحاس وحاجة تقيلة كده تمله الايد
مش احسن من الجنيه الورق اللى بيبوش فى الجيب
اهو الجنيه الفضى ده لو اتغسل واتكوه جوه البنطلون هتلقيه زى ما هو
انما الورق شوية عرق فى الجيب بيخله عامل زى المنديل اللى فيه ............... بلا قرف :D

ايييييييييييه دااااااا يا اسلاااااااااااااااااااااام

انت مش عارف ان الناس بتتغدى في الوقت دا ؟؟؟؟؟؟؟:slap1qk6:

المهم انك بتغني وترد على نفسك وبتقول بلا قرف :lol:

صحيييييييح هو الجيب بيعرق ؟؟:confused::confused:

اول مرة اعرف الموضوع دا

على فكرة لما تغسل الفلوس ولا حاجة بالغلط

اكويها هتبقى زي الفل

واسأل مجرب

حصلت مرة

اهل البيت كلهم طلبوا مني اكوي فلوسهم كلها :lol::lol:
هههههههههههه

انا بتكلم بجد والله

يلا يا نسمة في واحد اهو من محبي اكياس الدنانير

Travel

26-10-2008, 06:58 PM

ماله الجنيه الفضه :slap1qk6:

ده حتى كله نحاس وحاجة تقيلة كده تمله الايد
مش احسن من الجنيه الورق اللى بيبوش فى الجيب
اهو الجنيه الفضى ده لو اتغسل واتكوه جوه البنطلون هتلقيه زى ما هو
انما الورق شوية عرق فى الجيب بيخله عامل زى المنديل اللى فيه ............... بلا قرف :D

ايه يا اسلام اللى انت كاتبه ده
طب والله فعلا انا باكل وانا بتجول فى المنتدى:slap1qk6:
بلا قرف
:slap1qk6:

على فكرة لما تغسل الفلوس ولا حاجة بالغلط

اكويها هتبقى زي الفل

واسأل مجرب

حصلت مرة

اهل البيت كلهم طلبوا مني اكوي فلوسهم كلها :lol::lol:
هههههههههههه

انا بتكلم بجد والله
يكوى ايه
الفلوس:huh:
!!

لا اقولك على حل اسهل
ابقى انشريها مع الهدوم على الحبل او المنشر:d

biob

26-10-2008, 07:32 PM

طيبتصدقوا بقى انه مش راضى يمشى فى بلدنا
ومش ماشى فى الموصلات كمان
ومحدش بيرضى ياخده

msamido

26-10-2008, 08:23 PM

اللى عاجبنى أوى فى موضوع العملات الفضية دى إن البلد تعمل اللى هيا عايزاه والشعب يعمل اللى هو عايزه
ناس ترضى تتعامل بيها وناس مترضاش رغم إن الموضوع ده ممكن يدخله فى قضية أمن دولة
بس بردوه مش بياخدوا العملات دى فى أماكن كتيير أوى
.
.

MiDo_TeChNo

26-10-2008, 08:47 PM

والله بجد حاجة تشل
انا مرة ركبت الميكروباص وانا بحط الحاجات الفضة دى فى جيب لوحدها
المهم لما ركبت السواق مشى وكل الناس دفعت وانا وانا قاعد جيب البنطلون ضق دخلت ايدى بالعافية علشان اطلع الجنيه
ايدى دخلت ومش عارف اطلعها والسواق يقول ناقص واحد وانا اقوله انا اهو ثانية بس ويسكت بعدين شوية ويقول فين يا استاذ
وانا اقوله اهو والله بس مش عارف اطلع المهم بعد اما طلعته ايدى اتشدت جامد من الجيب راح وقع منى
روحت جى عمال ادور عليه تانى وهو يقوووووول فين يابنى
وانا اقوله وقع ثانية اجيبه
وبعد العناء ده كله دفعتله الجنيه وانا نازل على ما لاقيته
بجد حاجة تخنق
:d:d:d
ربنا معانا

vampire1188

27-10-2008, 01:33 AM

انا الجنية الجديد الجديد دا كنت لسه سائل فيه دكتور البنوك النهارده في الكلية بالصدفة

الراجل قالي بكل بساطة قال ان كل الموضوع ان سرعة الاهلاك بتاعة الجنية الورق بتبقي اسرع من سرعة اهلاك الجنية العملة .. بالتالي الحكومة حبت توفر في الورق .. وفي نفس الوقت تعوض قيمة الجنية في تقل العملة ذات نفسها .. فجاي بسأله بقوله يادكتور طب ماكدا اللي احنا فيه دا هايرجعنا لزمن قريش وابو جهل والكفار !! .. فضحك .. قالي بالعكس .. الجنيه الحالي (العملة) حافظ قيمة نفسه اكتر من اما كان حافظها كورق ..

المهم قعدت اقاوح معاه لغاية ماوصلت للنقطة المهمة وهوا اذا كان الجنيه حافظ قيمته كعملة معدنية .. امال ليه مش حافظ قيمته قدام العملات التانية ؟؟؟؟ .. وكانت الاجابة تتلخص في تعويم الجنيه معا الدولار !!

فسواء الجنية كان عملة او كان ورق .. مش فارقة ..

المهم في قيمة القوة الشرائية بتاعة الجنيه ذات نفسه

انا عن نفسي بقيت اخد الجنية والنص الجنيه اقعد العب بيهم ملك وكتابة ..

وفي مرة قبل كدا كنت في ميكروباص راكب فيه .. فالراجل السواق باعتلي الباقي 4ونص جنيهات فضة ..

فجاي بقوله ايه دا .. شايفني ابوجهل يعني بتديني زمرة من الدنانير ؟!!!

دوام الحال من المحال .. وماللعباد غير السمع والطاعة !

Sharp Nails

27-10-2008, 02:39 AM

هو اصلا الجنيه حاجه كبيرة

خلاص اصلا الجنيه مبقاش ليه قيمه

ما انا بقول كدة برضة
انه اصلا مش ظاهر فالعالم
قاموا قالوا بجملة نصغره بقى عشان يختفى خالص
هيشلونى:angry2:

Sharp Nails

27-10-2008, 02:43 AM

ده انا لو هناك
افضل قاعدة فى بيتنا ولانيش امسك البتاعة دى
بجد ايه ده

طب كان فى موقف
واحدة دفعتلى التزكرة(صحبتى) واديتها الفلوس
كان من ضمنها (الحنيه العملة) وقع مننا والاتوبيس بيلف
وفضل موجود عند سلم الباب
والباب كان مفتوح
وكل ما تيجى تجيبه
الاتوبيس يتحرك ترجع تان
وواحدة قاعدة فى اول كرسى جت تجيبهولنا اول ما الاتوبيس يقف
تقوم تجيبه تلاقى الاتوبيس بيتحرك ترجع تان
فضلنا على الحال ده كتيير لغايت ما الراجل وقف بنفسه
بس كان شكلنا وحش اوى
7 افراد بيبصوا على (الجنيه العملة)
!!!!

مايقع ولايتفلق

كنتى كبرتيله يازوزو
اصل الحاجات الى زى دية لما تدلها اهتمام
تتكبر عليكى
لكن لو انتى كنتى نفضتيله ومتعبتيش نفسك معاه
كنتى هتلاقيه طلعلك زى الكلب

هم يبكى وهم يضحك

Sharp Nails

27-10-2008, 02:45 AM

في اسكندريه محدش بيرضي يتعامل بيهم...ليه الله اعلم...بس حلوه حته كيس الدراهم دي....:)

نجبلك كيس معانا ولا ملكيش نفس :bosyht9:

Sharp Nails

27-10-2008, 02:49 AM

Sharp Nails

27-10-2008, 02:53 AM

بورسعيدى

27-10-2008, 02:57 AM

ياجماعة احنا لازم نتشايش مع العملة الجديده

ومش لازم تكون ازمه من غير لازمه

العملات المعدنية موجوده فى كل بلاد الدنيا

واحنا مش احسن من اليورو والا الريال السعودى

Sharp Nails

27-10-2008, 03:00 AM

حلو الموضوع اوى

بس انا مش بتفرق معايا عادى يعنى بس اللى يحرق الدم لما اكون قاعده فى عربيه وادى السواق الجنيه ده يقولى ( والنبى يا ابله شوفى غير ده الا ده بحس انه مقلول بركته) طب انا مالى مش دى بقت عمله النهارده مالى انا ببركته
انا زهقت من الجنيهات دى

والله احنا فى البيت عندنا يجى اكتر من خمسين جنيه من الشكل ده ولا حد راضى يخدهم

مقلول بركته ازاى ؟؟!!
ياستى كنتى قولتيله كبرله فى ودنه ويبقى متبارك
وزى الفل
نقصنهم دول كمان
والله حظهم حلو ان محدش منهم قالى كدة
بصراحة محصلش معايا مرة وحد قالى لا عليه

Sharp Nails

27-10-2008, 03:02 AM

Sharp Nails

27-10-2008, 03:05 AM

انا عن نفسى
عمرى ما جيت فى مره استخدمه
و متصرفش
كل الناس بترضى تاخده منى
و المواصلات و كله
:)
ولا انا ولو حصل الموضوع دة هتبقى مجزرة:stickjo4:

هيكون عاجبنا ازاى يعنى يا نسوم
اساسا فى ناس مش بترضى تاخده
احنا عندنا مستر قبض المرتب بتاعه جنيهات من دى
طبعا ولا حاسس بقيمتهم
راح فى الدرس كل سؤال عليه جنيه و وزعهم علينا
و كمان فى بريزة دلوقتى اصغر من المليم بتاع زمان
بجد صغنونة اوى يعنى خلاص النص جنيه بقى بدل الشلن
و الجنيه بقى بريزة حتى فى قيمتهم مبقوش يجيبوا حاجة
المشكلة فى الاقتصاد كله مش فى منظر الجنيه
لا والمنظر كمان يعنى انا بعتبره استهزاق
يعنى لما مدرس محترم يقبض مرتبه عملات
يبقى دة اسمه اية ؟؟؟؟

انا كل لما اخد واحد يقع مني
هشيل بعد كده سرة من الدنانير هههههههههه
اهوه الحمد لله لقيت حد زيى اهوه
انا كمان بيقعوا منى
ملهمش عمار معايا

Sharp Nails

27-10-2008, 03:08 AM

هههههههههههههه
نعملك ايه انتى اللى غيرتى اسمك
و بعدين ده مش شكل بنت خالص :p
مبهزرش على فكرة ياشرين

ماله الجنيه الفضه :slap1qk6:

ده حتى كله نحاس وحاجة تقيلة كده تمله الايد
مش احسن من الجنيه الورق اللى بيبوش فى الجيب
اهو الجنيه الفضى ده لو اتغسل واتكوه جوه البنطلون هتلقيه زى ما هو
انما الورق شوية عرق فى الجيب بيخله عامل زى المنديل اللى فيه ............... بلا قرف :d

والله مالى ايدك الجنية الفضة دة؟؟
لية ايدك قد اية؟؟؟؟

Sharp Nails

27-10-2008, 03:11 AM

يكوى ايه
الفلوس:huh:
!!

لا اقولك على حل اسهل
ابقى انشريها مع الهدوم على الحبل او المنشر:d[/center]

عارفة يازوزو انتى وهند
انا مرة كنت بنشر ولقيت فالغسيل فلوس كتير
ولما قولت لماما انى لقتهم
قالتى خلاص دول رزقك خديهم
ومن ساعتها بموت فالفلوس المغسولة :d
انشرها ولما بتنشف بتبقى مطقطة وجميلة :006et4:

Sharp Nails

27-10-2008, 03:20 AM

طيب تصدقوا بقى انه مش راضى يمشى فى بلدنا
ومش ماشى فى الموصلات كمان
ومحدش بيرضى ياخده
امال انت بتاخده لية طيب ؟؟!!

اللى عاجبنى أوى فى موضوع العملات الفضية دى إن البلد تعمل اللى هيا عايزاه والشعب يعمل اللى هو عايزه
ناس ترضى تتعامل بيها وناس مترضاش رغم إن الموضوع ده ممكن يدخله فى قضية أمن دولة
بس بردوه مش بياخدوا العملات دى فى أماكن كتيير أوى
.
.
اها كل واحد ومزاجه
والله صحيت الصبح لقيت نفسك ملكش مزاج تتعامل بالفضة
متخدوش لقيت نفسك ليك مزاج ليه تتعامل بيه
العملية سايبه ملهاش لظابط ولا رابط

والله بجد حاجة تشل
انا مرة ركبت الميكروباص وانا بحط الحاجات الفضة دى فى جيب لوحدها
المهم لما ركبت السواق مشى وكل الناس دفعت وانا وانا قاعد جيب البنطلون ضق دخلت ايدى بالعافية علشان اطلع الجنيه
ايدى دخلت ومش عارف اطلعها والسواق يقول ناقص واحد وانا اقوله انا اهو ثانية بس ويسكت بعدين شوية ويقول فين يا استاذ
وانا اقوله اهو والله بس مش عارف اطلع المهم بعد اما طلعته ايدى اتشدت جامد من الجيب راح وقع منى
روحت جى عمال ادور عليه تانى وهو يقوووووول فين يابنى
وانا اقوله وقع ثانية اجيبه
وبعد العناء ده كله دفعتله الجنيه وانا نازل على ما لاقيته
بجد حاجة تخنق
:d:d:d
ربنا معانا
ههههههههه
ياحرام والله احنا بنتبهدل

انا الجنية الجديد الجديد دا كنت لسه سائل فيه دكتور البنوك النهارده في الكلية بالصدفة

الراجل قالي بكل بساطة قال ان كل الموضوع ان سرعة الاهلاك بتاعة الجنية الورق بتبقي اسرع من سرعة اهلاك الجنية العملة .. بالتالي الحكومة حبت توفر في الورق .. وفي نفس الوقت تعوض قيمة الجنية في تقل العملة ذات نفسها .. فجاي بسأله بقوله يادكتور طب ماكدا اللي احنا فيه دا هايرجعنا لزمن قريش وابو جهل والكفار !! .. فضحك .. قالي بالعكس .. الجنيه الحالي (العملة) حافظ قيمة نفسه اكتر من اما كان حافظها كورق ..

المهم قعدت اقاوح معاه لغاية ماوصلت للنقطة المهمة وهوا اذا كان الجنيه حافظ قيمته كعملة معدنية .. امال ليه مش حافظ قيمته قدام العملات التانية ؟؟؟؟ .. وكانت الاجابة تتلخص في تعويم الجنيه معا الدولار !!

فسواء الجنية كان عملة او كان ورق .. مش فارقة ..

المهم في قيمة القوة الشرائية بتاعة الجنيه ذات نفسه

انا عن نفسي بقيت اخد الجنية والنص الجنيه اقعد العب بيهم ملك وكتابة ..

وفي مرة قبل كدا كنت في ميكروباص راكب فيه .. فالراجل السواق باعتلي الباقي 4ونص جنيهات فضة ..

فجاي بقوله ايه دا .. شايفني ابوجهل يعني بتديني زمرة من الدنانير ؟!!!

دوام الحال من المحال .. وماللعباد غير السمع والطاعة !

يعنى انت لعبت بالجنيه
طب تفتكر اية هى قمته بعد ما لعبت بيه ؟؟

Sharp Nails

27-10-2008, 03:26 AM

ياجماعة احنا لازم نتشايش مع العملة الجديده

ومش لازم تكون ازمه من غير لازمه

العملات المعدنية موجوده فى كل بلاد الدنيا

واحنا مش احسن من اليورو والا الريال السعودى
لا طبعا احنا مش احسن ماليورو احنا اوحش ماليورو والريال كمان
يااستاذ مجدى شوف الردود
الناس كلها ردت بتقول انهم مش بيعرفوا يتصرفوا فيهم
ومحدش بيرضى ياخدهم
طب بقى لزمته اية ؟؟!!
لزمته اية الجنية لما اركنه جنبى واقعده فالبيت
مش المفروض ينزل يشوفله شغلانه بدل قعدته دية
احنا اتكتمنا وقولنا ماشى مفيش مشاكل عمله عمله زى بعضه
وتعايشنا مع الامر
لكن تيجى تلاقى الى حوليك مش متعيشين معاه
محدش عاوزه ........................
الجنيه بجد ابتدى يتحول لتحفة فنيه
احطها فالحصالة او العب بيها ملك وكتابة او اديها لعيل صغير يلعب بيه
او اضيعها او ........او...............أو..........
الردود تجيب اكتئاب
وتقوليى حضرتك مش مشكلة
ومنعملش ازمة من لاازمة
لا والله بقت ازمة ونص وازمة فضة كمان

بورسعيدى

27-10-2008, 04:55 AM

منا قولت لحضرتك لازم نتعايش
ومعنى نتعايش يعنى مش انا وانت بس

لاء طبعا انا اقصد كل الناس يعنى الكل يقبل الوضع الجديد

ويبقا مافيش حصالات ولا ملك وكتابة والا متاحف

اقصد ان ماحدش يرفض ياخد الجنية او النص الفضة منك وبالشكل ده الدنيا تمشى

لكن لما انا اخد منك الفضة ومش الاقى الى ياخدها منى تبقا هى دى المشكلة

انا عن نفسى اعانى منها اشد المعاناة

لكن الى بيقولى مش باخدها باعطيها له غصب عنه
او اقول له مش معايه غيرها
لو كلنا عملنا كده المشكلة هاتتحل
على فكرة انا قرأت الردود كلها قبل مشاركتى
بس مش لازم ردى يكون زى الى قبلى
انا ردى بيكون خارج من تفكيرى الشخصى وغير متأثر برأى اى حد تانى ( مع احترامى للجميع)
شكرا لك

Sharp Nails

27-10-2008, 05:11 AM

احمد رضا

27-10-2008, 05:44 AM

اللي ممكن اننا منعرفوش او ينكن حد قاله - مش فاضي اقرأ ردود -
:d
ان تم طرح 22 مليون جنيه فئه نص جنيه وجنيه فضه في الأسواق المصرية
22 مليون جنيه يابنتي
هيخلصوها ف مين غير الغلابه اللي زيك واللي زينا
عاتي يابنتي
هو الحل
اننا نجيب سرة من الدنانير
واللي يطلب منا فلوس
نلافيه بالسره علي طول
ونقوله " لك ما طلبت يا ابن ابي سفلحه.هعهعهع. "
ولما يطلب جنيه ورق عشان دول بيضيعوا منه
نعلن عليه الحرب ونصرخ بأعلي صوتنا مثلا في المترو " لقد كفر بآلهتنا يُريد جُنيها ورقيا فلنأخذ من كل رجل ٍ قبييييييييلة "
والشغل القديم ده بقي
--
بصي يابنتي مش مشكلة في شكل عملتنا مهو فيه بلاد كتير نفس النظام
المشكلة الحقيقية ان فيه ناس مش بتاخد العملة دى بس الحمدلله مبتحصلش معايا .. لاني بشيل الفكه لما ابقي في القاهرة
واديها كلها لبتاع المترو
:d
ومحدش يقولي ان محدش لسه قادر يسافر القاهرة - ده لو مش فيها -
هيبقي ازاي أصلا جتله العمله دي
ولو جتله من اي حد لسانه مش فيه يقوله مش بستخدمها
ياجماعه لازم نعمل وِقفة بجد
ونخسر البلد 22 مليون جنيه مادام مش مستفدين منهم
بصي ربنا يهدي
تخاريف قبل النوم دي علي فكرة
شغال في لوجو شركه وختم بقالي 5 ساعات
منتظره منى ايه
:d
شكرا للموضوع

- علي فكرة لو بتتكلمي عن قيمه الجنية ففداهيه الجنيه هو واللي عمله .. سوري في اللفظ .. اللي يهمني انه يتصرف ولا لاء .. ولما يتصرف يجبلي اللي انا عاوزه ولا لاء ... ده كل اللي يهمني في البلد دي بصراحه اخرها معايا -
:078111rg3:

Sharp Nails

28-10-2008, 08:39 AM

اللي ممكن اننا منعرفوش او ينكن حد قاله - مش فاضي اقرأ ردود -

:d
ان تم طرح 22 مليون جنيه فئه نص جنيه وجنيه فضه في الأسواق المصرية
22 مليون جنيه يابنتي
هيخلصوها ف مين غير الغلابه اللي زيك واللي زينا
عاتي يابنتي
هو الحل
اننا نجيب سرة من الدنانير
واللي يطلب منا فلوس
نلافيه بالسره علي طول
ونقوله " لك ما طلبت يا ابن ابي سفلحه.هعهعهع. "
ولما يطلب جنيه ورق عشان دول بيضيعوا منه
نعلن عليه الحرب ونصرخ بأعلي صوتنا مثلا في المترو " لقد كفر بآلهتنا يُريد جُنيها ورقيا فلنأخذ من كل رجل ٍ قبييييييييلة "
والشغل القديم ده بقي
--
بصي يابنتي مش مشكلة في شكل عملتنا مهو فيه بلاد كتير نفس النظام
المشكلة الحقيقية ان فيه ناس مش بتاخد العملة دى بس الحمدلله مبتحصلش معايا .. لاني بشيل الفكه لما ابقي في القاهرة
واديها كلها لبتاع المترو
:d
ومحدش يقولي ان محدش لسه قادر يسافر القاهرة - ده لو مش فيها -
هيبقي ازاي أصلا جتله العمله دي
ولو جتله من اي حد لسانه مش فيه يقوله مش بستخدمها
ياجماعه لازم نعمل وِقفة بجد
ونخسر البلد 22 مليون جنيه مادام مش مستفدين منهم
بصي ربنا يهدي
تخاريف قبل النوم دي علي فكرة
شغال في لوجو شركه وختم بقالي 5 ساعات
منتظره منى ايه

شكرا للموضوع

- علي فكرة لو بتتكلمي عن قيمه الجنية ففداهيه الجنيه هو واللي عمله .. سوري في اللفظ .. اللي يهمني انه يتصرف ولا لاء .. ولما يتصرف يجبلي اللي انا عاوزه ولا لاء ... ده كل اللي يهمني في البلد دي بصراحه اخرها معايا -

:078111rg3:

انا لسة صاحية ومش فاهمه منك حاجة :d
بس شكل الرد جميل
شكرا يااحمد لمرورك

بورسعيدى

29-10-2008, 02:27 AM

طب النك نيم بتاعك اتغير والا ايه يا نسمة؟؟

على العموم انا اسف جدا

Rien

29-10-2008, 03:15 AM

الجنيه بجد ابتدى يتحول لتحفة فنيه

كان معايا ف الدرج حوالى 20 جنيه من الجنيهات والنص جنيهات دى
لو عايزاهم قوليلى ابعتهملك ف طرد وتحوليلى بيهم كريديت
:p
تخيلى لو دخلت محل اشترى حاجات ودفعتهم !!
واقف اعد بقى ( واحد .. اتنين .. تلاتة .. اربعة ........ )
هاتشتم اساسا
:d
ما علينا
دلوقتى هما ف جراب النضارة عشان كانوا بيعملوا دوشة كل ماجى اطلع حاجة
:blink:
لكن سؤال معلش ..
ايه الهدف منه يعنى :romarioxp6: ؟؟
او ايه التطور الرهيب اللى حصل من انهم يخلوا العملات معدنية ؟؟
---
افتكرت حاجة تانية مضايقانى برضو
:d
الترام عندنا 3 عربيات
العربية اللى ف النص للسيدات
من كام يوم وانا رايحة المدرسة الصبح لقيت انها بقت الاولانية واتبدلت مع اللى ف النص
وكل شوية واحد لسة ماعرفش التطوير الجامد ده يركبها وينزل جرى بعد ما يكتشف انها للسيدات فقط
ايه الهدف من كدة برضو ؟
ممكن مثلا يكون الهدف انهم يضحكونا شوية عالصبح !!
:romarioxp6:

اللى هايجاوب هاديله الـ 20 جنيه اللى معايا
يلا بقى خلونى اخلص منهم
:d

Lost Dreamer

29-10-2008, 05:52 AM

دلوقتي لما حد هيقول لحد سلفني فلوس هيقوله شخشخ جيبك وسلفني

في الاسماعليه عمله غير معترف بيها

يالا نعمل ايه اديهم بيعلمونا التوفير

Sharp Nails

29-10-2008, 01:32 PM

طب النك نيم بتاعك اتغير والا ايه يا نسمة؟؟

على العموم انا اسف جدا
على اية يااستاذ مجدى
هو حضرتك عملت حاجة

Sharp Nails

29-10-2008, 01:43 PM

كان معايا ف الدرج حوالى 20 جنيه من الجنيهات والنص جنيهات دى

لو عايزاهم قوليلى ابعتهملك ف طرد وتحوليلى بيهم كريديت
:p
خفيفة ما تبعتهمولى بالحمام الزاجل احسن
تخيلى لو دخلت محل اشترى حاجات ودفعتهم !!
واقف اعد بقى ( واحد .. اتنين .. تلاتة .. اربعة ........ )
هاتشتم اساسا
:d
هههههههههههه
زى غبى منه فيه كدة
ما علينا
دلوقتى هما ف جراب النضارة عشان كانوا بيعملوا دوشة كل ماجى اطلع حاجة
:blink:
لكن سؤال معلش ..
ايه الهدف منه يعنى :romarioxp6: ؟؟
او ايه التطور الرهيب اللى حصل من انهم يخلوا العملات معدنية ؟؟
---
افتكرت حاجة تانية مضايقانى برضو
:d
الترام عندنا 3 عربيات
العربية اللى ف النص للسيدات
من كام يوم وانا رايحة المدرسة الصبح لقيت انها بقت الاولانية واتبدلت مع اللى ف النص
وكل شوية واحد لسة ماعرفش التطوير الجامد ده يركبها وينزل جرى بعد ما يكتشف انها للسيدات فقط
ايه الهدف من كدة برضو ؟
ممكن مثلا يكون الهدف انهم يضحكونا شوية عالصبح !!
ههههههههههههههههههههههههه
ممكن برضه يابنتى التغير عشان الشعب ميملش
:romarioxp6:

اللى هايجاوب هاديله الـ 20 جنيه اللى معايا
يلا بقى خلونى اخلص منهم

:d

انا جاوبت يامنى
هاتيهم بقى
بس جمديهم الاول

Sharp Nails

29-10-2008, 01:48 PM

دلوقتي لما حد هيقول لحد سلفني فلوس هيقوله شخشخ جيبك وسلفني

في الاسماعليه عمله غير معترف بيها

يالا نعمل ايه اديهم بيعلمونا التوفير

مش داخلة دماغى حكاية مش معترف بيها دية
امال جت الاسماعلية ازاى:angry2:

hala3

29-10-2008, 02:45 PM

يعنى حضرتك زعلان على شكلة ومش زعلان على قيمتة اللى ضاعت
هو الجنيه دلوقتى بيجيب ايه

Sharp Nails

29-10-2008, 03:05 PM

يعنى حضرتك زعلان على شكلة ومش زعلان على قيمتة اللى ضاعت
هو الجنيه دلوقتى بيجيب ايه

انا بنت على فكرة
:)

سيف حسام دراج

29-10-2008, 08:40 PM

وشكرا على الموضوع

reda_mafia50

29-10-2008, 10:18 PM

انا بركب القطر يوم ما يدينى جنيه فضه بحطه فى جيبى تانى يوم بدهلوله تانى بس كده مش بوجع دماغى

الاسطورة

30-10-2008, 12:39 PM

هو فعلآ بجد حاجة مش ظريفة يعنى الجنيه ده
دايمآ بيضيع ويقع من الواحد وكده
وبعدين الجنيه الورق ليه هيبة برضو
بالنسبة لموضوع يتصرف او لأ فا ده بقى حسب انتا وظروفك
يعنى انا مثلآ لو اديته لحد وقالى لأ باقوله مش معايا الا هو تاخده ولا امشى من غير ما احاسب
تلاقيه خده جرى من غير ما يفكر يتكلم
انا بدأت اتبع الطريقة دى بعد ما لقيت كل واحد يستعبط يدونا هما الفلوس وبعدين مش يرضوا ياخدوها !!!
بلد غريبة صحيح !

Sharp Nails

30-10-2008, 04:55 PM

وشكرا على الموضوع
وعفون عالمرورو

انا بركب القطر يوم ما يدينى جنيه فضه بحطه فى جيبى تانى يوم بدهلوله تانى بس كده مش بوجع دماغى

احسن برضه

Sharp Nails

30-10-2008, 04:58 PM