ازيكم يا جماعة
وايه اخباركم
يا رب تكونوا بخير دايما

النهارده عايزة اتناقش معاكوا فى حاجة غريبه جدا
وعلى فكرة الموضوع ده مش فكاهى ولا حاجة دى واقعى جدااااا
كل يوم بنتعرض لاسئلة ملهاش اى لازمة ومن ناس كتير
اكيد طبعا لسه محدش فهم حاجة
افهمكوا
1- انت فى اوضتك على السرير وطافى النور ومتغطى
يجى اخوك الظريف ولا اختك ويقولك :
(ايه ده انت هتنام ولا ايه) ؟؟؟؟
(اظن ده مش وضع لعب واضح ان انا هنام)

2-انتم معزومين عند ناس وروحتوا لبيتهم واول ما فتحوا لكوا الباب يقول ابنهم الصغير
(انتوا جيتواااااااااااااااااا)
(لا لسه):d

3- او مثلا لابس هدومك ومتانتك وعلى سنجة عشرة وريحة البيرفن واصله لاخر الشارع وخلاص بتفتح الباب يجى حد من اهلك وينادى عليك بصوت عالى
(انت خااااااااااااااارج ولا ايييييييييه)؟؟؟؟؟
(لا ابدا بعمل بروفا):d

4-ماسك مذكرة ولا كتاب وقاعد تحفظ ومتحمس اول مرة بقى جه حد وقالك
(هااا قاعد تذاكر)؟؟؟؟؟؟
(تقوم رامى الكتاب وتقوله لالالالالالالالا):angry2:

5- امبارح بقى كنت نازله من العمارة وجارنا اللى تحت راكب العربيه ومدورها وخلا طالع جاله البواب يخبط له على الزجاج راح الراجل بكل ذوف فتح الزجاج وقاله خير فى حاجة؟
قاله(انت رايح الشغل )؟؟؟؟؟
قاله ( لا العربيه وحشانى):d

نفسى افهم ايه لازمة الاسئله دى
ملهاش اى لازمة خالص
اكيد كلكوا اتعرضتوا لها قبل كده
من الاخر انا بتشل من الاسئلة دى

وعايزة حد يقولى اى فايده ليها

اكيد كلكوا اتعرضتوا لها قبل كده
ده كل شويه الاسئله دى
من الاخر انا بتشل من الاسئلة دى

وعايزة حد يقولى اى فايده ليها
هى ممكن ميكنش ليها اى فايده زى حاجات كتير بس بقت تعود عند الناس ولا ايه والله ما عارفه

تعود اه بس مش ده مستوى مواضيعك يا فيفان انا استغربت من الموضوع
بس كبرى دماغك من الرفايع دى عادى يعنى ..

شكرا على الموضوع يا فيفا
بس للاسف مكرر
التمسى لنا العذر
دمتم فى رعاية الله