http://media.gazayerli.net/photo.aspx?ID=89983 (http://www.thanwya.com/vb/showthread.php?t=82672)
الطفل إسلام الذي راح ضحية العنف من المدرس

السلام عليكم

هذا موضوع استثنائي على غير موعده

ولكني ابكي واحزن لما وصل به حال المعلم والطالب

أقرا هذا الخبر أولاً

لقي طالب مصرعه "الإثنين" بعد أن تعدى عليه مدرس بالضرب داخل مدرسة بمنطقة أول المنتزة شرق الإسكندرية.
كان اللواء حسام الصيرفي مدير مباحث الإسكندرية قد تلقى بلاغا بمصرع الطالب إسلام عمرو بدر "11 عاما" بعد نقله لمستشفى شرق المدينة بسبب إصابته بهبوط حادٍ بالدورة الدموية والقلب وفشل بوظائف التنفس والمخ.
وتبين من التحريات أن مدرس رياضيات بالمدرسة يدعى هيثم نبيل تعدى على الطالب المتوفى وتلاميذ آخرين بالضرب باستخدام مسطرة لعدم تأديتهم للواجب المدرسي، وعندما قام الطالب بالضحك ركله المدرس بقدمه فأصيب بحالة إغماء نقل على أثرها للمستشفى وتوفي متأثرا بإصابته.
وتم ضبط المتهم الذي اعترف بارتكاب الواقعة، وأخطرت النيابة العامة التي باشرت التحقيق بإشراف عبد الرحمن الطحان رئيس نيابات شرق الإسكندرية.
من ناحية أخرى، أصيب الطالب حسام أحمد "16 عاما" بمدرسة الشهيد إسماعيل فهمي الصناعية الكائنة بمنطقة الجمرك غرب الإسكندرية بعد أن قفز من الطابق الثاني بالمدرسة أثناء محاولته الهروب منها مما أدى إلى إصابته باشتباه بكسر في الجمجمة ونزيف بالبطن واشتباه بكسر في العنق والظهر ونقل للمستشفى الرئيسي الجامعي.
وأكدت التحريات أن الطالب اختل توازنه أثناء قفزه من الطابق الثاني بالمدرسة.. وأخطرت النيابة العامة التي باشرت التحقيق.

السؤال يا سادة هل الضرب هو الحل

السؤال سيدي المعلم هل تبحث فقد عن حقك في الكادر وتفعل ما بوسعك

وهل سيدي اعطيت الطالب حقه

هل هذا حلال ام حرام

ان تقتلوا الحلم

ان يكون مصير الطالب الموت

هل تعلم انك تقتل الطالب عند تقصيرك في دخول حصتك

هل تعلم انك تقتل الطالب عن التأخير في الحصة والدخول متأخر

هل انك تقتل حلم الطالب بالنجاح عن استخدام الضرب كطريقة للتعليم

هل تعلم انك تقتل الطالب وقت ما تكسل في الشرح وسماع الطالب

هل تعلم انك تظلم جيل بحالة

قبل ان تبحث عن حقك في الكادر والحياة ابحث اولا عن حق الطالب عليك

واسفي على حال البلد الذي نشكوا منه ونحن السبب الاصلي في البلد

وللاسف قتلتم الحلم

انا لله وانا اليه راجعون


لا حول ولا قوة الا بالله

وكان كل حاجة نقول الحكومة
انا مرة شفت مدرس خلى ولد يجيب دم من انفه وفمه
طول ما الشعب كدة هانرجع لورا اكتر
تعليم فاشل
مع احترامى للمدرسين
لان معظم المدرسين لا يليقوا بتلك المهنة
وكلامى دة مبنى عن الى شفته فى أربع مدارس كاملين على مدار 11 سنة
فى امان الله

حينما يفقد المعلم وظيفة المعلم ويصبح أداة للهدم أكثر منه وسيلة لبناء المجتمع
لا أظن أن ذلك منه بعد ذلك بغريب...............

لا يفيد البكاء ولا الحزن

هذه هى سمه المجتمع الغالب عليه تدنى الاخلاقيات وطرق التعامل بين الافراد سواء من مدرس لطالب او طالب لمدرس او موظف لمواطن او مواطن لموظف او اى فئه للاخرى

لا حول ولا قوه الا بالله

شكرا سيد عبقرينومان
عنوان موضوعك تعميم لكل المدرسين
هذه حالات فرديه فى جميع التخصصات والمجالات
فمن الاطباء المستهتر الذى يستهين بحياة المرضى
ومن المهندسين من يستهين بحياة الناس ويغش فى البناء
ومن الصحفيين الذى يسىء الى سمعة الناس
ومن كل طائفة يوجد بها القليل ممن يسيؤن اليها


شكرا سيد عبقرينو مان
على العنوان الذى وضعته اعلى الصفحة الرئسية للموقع

[هل يستحق لقب معلم من يرتكب مثل تلك الافعال؟ حسبنا الله ونعم الوكيل.

لا حول ولا قوة الا بالله

انا اول مرة اسمع الخبر الغريب ده

سمعت عن مدرسين كتير بيقوموا بالضرب والتهزيىء بالطلبة

بس مش كل مدرسين كدة

دى بتكون حالات شاذة مع احترامى للمدرسين

حتى فى الدروس الخصوصية بعض المدرسين بيكونوا اشداء على الطلبة وبيقوموا بالضرب ويتعصبوا عليهم

مش عارفة هم حيستفادوا ايه بكدة

ربنا يهدى

لا حول ولا قوه الا بالله العلي العظيم
حسببي الله ونعم الوكيل
وكلان حضرتك صح
ان الضرب له نتائج سلبيه علي الطالب
وبيفقد اماله وبيحس بالفشل
ربنا يسترها يارب
وربنا يصبر اهاليهم

المعلم نفترض فيه الملاك ونحاسبه حساب الملكين ضاع قوم ضيعوا الانصاف بينهم وحاسبوا الملائكة حساب البشر وحاسبوا البشر حساب الملائكة

الى السادة المحترمين
ارجو عدم تعليق المذبحة للمعلمين بسبب هذا الحادث وارجو من سيادتكم البحث عن المعلم الذى اهدر حقه فى كل جنبات المجتمع ان هذه الواقعة ليست بطلها المدرس او بالاحرى ليس الجانى المعلم ان ابطال هذه الحادثة المجتمع بكل طوائفه ان الاعلام يسخر من المعلم فى كل وقت والمجتمع يكره المعلم فى الاغلب بسبب الصورة الحقيرة للمعلم الذى دفعته ظروفه الى التسول من اولياء الامور
يا سيدى الفاضل ان كثير من الطلاب الموجودين فى المدارس نتاج لمحتمع لا يهتم بالتربية الصحيحة
وبصراحة اخى العزيز لم تعجبنى طريقتك فى عرض الحادث لسبب بسيط
ان ما حدث هو حادث وليس تعمد لقتل طالب ولا نعلم ملابسات القضية كان عليك ان تتريث حتى تنتهى النيابة من التحقيق وفى النهاية هو حادث لا يرضى به احد
وكلمتى الى كل معلم ان قدوتنا هو رسول الله فلنقرا سيرته فى التربية ونتبعها فى مدارسنا ولا ننشغل بالكادر فاعظم مكافاة ان يتخرج على يديك قادة لهذا البلد يكونو مصابيح تبدد تخلفه

شكرا سيد عبقرينومان

عنوان موضوعك تعميم لكل المدرسين
هذه حالات فرديه فى جميع التخصصات والمجالات
فمن الاطباء المستهتر الذى يستهين بحياة المرضى
ومن المهندسين من يستهين بحياة الناس ويغش فى البناء
ومن الصحفيين الذى يسىء الى سمعة الناس
ومن كل طائفة يوجد بها القليل ممن يسيؤن اليها


شكرا سيد عبقرينو مان

على العنوان الذى وضعته اعلى الصفحة الرئسية للموقع


كلام تمام التمام مع اضافة !!!!!!!! على الجملة الاخيرة

الى السادة المحترمين
ارجو عدم تعليق المذبحة للمعلمين بسبب هذا الحادث وارجو من سيادتكم البحث عن المعلم الذى اهدر حقه فى كل جنبات المجتمع ان هذه الواقعة ليست بطلها المدرس او بالاحرى ليس الجانى المعلم ان ابطال هذه الحادثة المجتمع بكل طوائفه ان الاعلام يسخر من المعلم فى كل وقت والمجتمع يكره المعلم فى الاغلب بسبب الصورة الحقيرة للمعلم الذى دفعته ظروفه الى التسول من اولياء الامور
يا سيدى الفاضل ان كثير من الطلاب الموجودين فى المدارس نتاج لمحتمع لا يهتم بالتربية الصحيحة
وبصراحة اخى العزيز لم تعجبنى طريقتك فى عرض الحادث لسبب بسيط
ان ما حدث هو حادث وليس تعمد لقتل طالب ولا نعلم ملابسات القضية كان عليك ان تتريث حتى تنتهى النيابة من التحقيق وفى النهاية هو حادث لا يرضى به احد
وكلمتى الى كل معلم ان قدوتنا هو رسول الله فلنقرا سيرته فى التربية ونتبعها فى مدارسنا ولا ننشغل بالكادر فاعظم مكافاة ان يتخرج على يديك قادة لهذا البلد يكونو مصابيح تبدد تخلفه

بعد اذن حضرتك
انا لى تعليق صغير على رد حضرتك

مصر بترجع والبلد بيعانى من مشاكل كتير

بس المعلمين بيكون ليهم دور اكبر فى محاولة تعليم الطلبة

بمعنى

لو كل مدرس تفاهم مع الطالب وحاول يعرف مشكلته ويصاحب الطالب وميكنش مادى

لكان حال البلد ده تغير للاحسن بمليون مرة

انا بصراحة وبامانة مع احترامى الشديد للمدرسين

بشوف مدرسين بيعقدوا الطلبة فى المواد وحتى لو كانوا مشهورين ومتكيزين بيكونوا مادين اكتر

وكتير منهم بيخلوا الطلبة يحفظوا المادة بالنص وميعلمهمش ازاى يعبروا باسلوبهم وبتفكيرهم

ده كان ردى اعتذر لو الرد ضايق حضرتك

بس كنت عاوزة اقول الحقيقة اللى بشوفها ادام عينى وكتير من المدرسين مش حاسين بيها

شكرا

السلام عليكم
موضوع غير رائع
نرجو إغلاقه مع الأسف الشديد لصاحبه

يا جماعه الاستاذ اشرف فاتح الموضوع للنقاش
ومش قصده اكيد على المدرسيين كلهم طبعا فى مدرسيين كويسيين بس دى حالات واقعيه بتحصل فى مجتمعنا للاسف
مش معنى كده ان كل المدرسيين وحشيين
وطبعا منقدرش نلقى اللوم ع المدرس بس اكيد برده ع الطالب وع الاعلام


حينما يفقد المعلم وظيفة المعلم ويصبح أداة للهدم أكثر منه وسيلة لبناء المجتمع
لا أظن أن ذلك منه بعد ذلك بغريب...............


عجبنى اوى تعليقك

ليا عوده :078111rg3::078111rg3:

المدرسين الكويسين دلوقتى بقوا قلة قليلة

مع إحترامى للمدرسين

بس بجد

المدرسين اليومين دول بجد بجد مرضا نفسيين

تحس إن المدرس عنده عقد الدنيا كلها

لو كل مدرس يحترم نفسه ويبص لكل طالب عنده على إنه إبنه مش هيحصل اللى حصلنا ولا اللى حصل للى قبلنا ولا يحصل للى بعدنا

لكن فى مدرسين بيدوروا إزاى يمصوا دم الطلاب و أولياء الأمور

بس هنقول إيه غير

حسبنا الله ونعم الوكيل فى كل مفترى وظالم :angry2:

يا ناس حرام عليكم هو مش قصده
وبعدين لازم يحصل كده واكتر من كده فى فصل فيه حوالى 60 طالب واكتر المدرس برضة بشر وعليه ضغوط
00
انا لله وانا اليه راجعون

للاسف الشديد واقولها وانا مدرس من 12 عاما بالمرحلة الثانوية ، 90% من معلمينا لا يصلحون لتلك المهنة ، جهال جهلاء غلاظ القلوب والعقول ، اذا نبغوا فى تخصصهم جهلوا التخصصات الاخرى ، باحثين عن المال بفقدان الكرامة ، اتذكر دائما وانا امام طلابى عندما كنت طالبا ، كرهت جميع المعلمين الذين اوقعنى حظى العسر معهم الا مدرس واحد كان يحترمنا ويعاملنا كبشر ، احببناه بالرغم من انه كان لا يستخدم العصى ولا يجبرنا على الدروس الخصوصية

اثناء التعديلات الدستورية سألنى مدرس اللغة العربية ، ما هو الدستور ؟ قلت له ولماذا تسأل ؟ قال سألنى الطلاب ولم اعرف ، هل هذا معلم ؟ ام بائع جوافة ؟

معرفة الواقع لن تغير المأساة وهى اننا بلد متخلف وتخلفه ضارب فى قلبه ونخاعه ، نتشرب التخلف من معلمينا غلاظ القلوب

ربنا يرحمنا

سيدي المدرس لا تنظر للموضوع وكأنك انت المتهم

ولكن ناقش الموضوع بجدية ولا تهرب متحججاً بكلمة هذا لا يليق

يا ناس حرام عليكم هو مش قصده
وبعدين لازم يحصل كده واكتر من كده فى فصل فيه حوالى 60 طالب واكتر المدرس برضة بشر وعليه ضغوط
00
انا لله وانا اليه راجعون

مش قصد مين ؟!!!

إتفرجوا هما دول المدرسيين !!!

مش قصده ياناس !!!!!!

أصل اللى مات ده مش إبن حضرتك

ليك عذرك

بتهيقلى المفروض يلغوا كلمة مُدرس من قاموس التعليم فى مصر

حسبنا الله ونعم الوكيل

وآسفة على إنفعالى

بس بجد حرام اللى بيحصل ده

الضرب ليس الحل المدرس الذى يلجا الى الضرب ضعيف الشخصية لايستطيع ان يسيطر على نفسة او الفصل فيلجا الى الضرب ليعالج هذا النقص ...........
العزاء لاسرة الطالب واجب على كل معلم
تخيل انة ابنك

شكرا سيد عبقرينومان

عنوان موضوعك تعميم لكل المدرسين
هذه حالات فرديه فى جميع التخصصات والمجالات
فمن الاطباء المستهتر الذى يستهين بحياة المرضى
ومن المهندسين من يستهين بحياة الناس ويغش فى البناء
ومن الصحفيين الذى يسىء الى سمعة الناس
ومن كل طائفة يوجد بها القليل ممن يسيؤن اليها


شكرا سيد عبقرينو مان

على العنوان الذى وضعته اعلى الصفحة الرئسية للموقع


مافعله المعلم مرفوض وجريمة بشعة ولكن التحامل على المعلمين مرفوض أيضاً .

يا جماعة انا مدرسة انجليزىمنذ 16 سنة و لا اعطى اى دروس خصوصية بالمرة والعام الماضى كنت فى مدرسة بنين وبالرغم من انى والحمد لله اقدر اسيطر على فصولى جيدا الا انى وصلت فى مرة الى البكء من شدة استهتار الطلبة وعدم اهتمامهم ولهذا انا بالتمس لهذا الزميل العذر بالرغم من بشاعة الموقف

بجد معاك حق يا مستر اشرف فى كل كلمة بل فى كل حرف بجد انا بشوف مدرسين مش بيشرحم الا لم يكون فى موجهه والله انا اذكر من ايام الاعدادى كده

وخلاص الناس اتعودت وخدت على كده

مافعله المعلم مرفوض وجريمة بشعة ولكن التحامل على المعلمين مرفوض أيضاً .



ربنا يخليلنا مدرسين مصر ويديهم الصحة ويشوفوا ولادهم عند مدرسين زيهم

قااااااااااااااااادر يا كريم

احيانا بيكون الضرب احسن بكثير فى حلات تانية :stickjo4:
حاله تانية لما الأستاذ يشتكك بوالدك وبوالدتك
لما الأستاذ يعمل حركات مخلفه لأدب 360 درجه
لما الأستاذ يتعدي عليك ويضربك فى مناطق تهين نافسك بيها :abdoog8:

اقسم بالله التعليم فى المدرسه عندنا زي التعليم فى ( خرابه ) وانا اسف اني استخدمت الكلمه دي مع احترامي الكامل لكل المدرسين والطلبه

بجد بجد التعليم فى مصر ... ملوش لازمه
:giljotiiniug3:

يا جماعه انا مش متحيذه لطرف معين سواء المدرسيين او الطلاب
بس المفروض الناس يبقى عندهم اخلاق شويه وحته ضمير
فى طلاب بشوفهم فى مدارس حكوميه فعلا اخلاقهم فظيعه بيبقوا عايزين يتربوا سورى يعنى من جديد
ودى اسمها وزارة التربيه والتعليم يعنى التربيه الاول ولازم المدرس يبقى قدوه للطلاب
حاجات كتير فعلا عايزه تتغير فى مجتمعنا عشان المجتمع يتصلح
مفيش حاجه اقولها غير لا حول ولا قوة الا بالله :angry2:

يا جماعة انا مدرسة انجليزىمنذ 16 سنة و لا اعطى اى دروس خصوصية بالمرة والعام الماضى كنت فى مدرسة بنين وبالرغم من انى والحمد لله اقدر اسيطر على فصولى جيدا الا انى وصلت فى مرة الى البكء من شدة استهتار الطلبة وعدم اهتمامهم ولهذا انا بالتمس لهذا الزميل العذر بالرغم من بشاعة الموقف


انا بس عايز اعرف تلتمس لمين للمعلم اللى قتل طالب عارف يعنى اية قتل نفس بشرية بغير حق و مهما توصل بية درجة النرفزة والتهور دى توصل انها تقتلة طب انا عايز حضراتكم تتخيلو حال اهل الطالب لا بلاش اهلة عايزكم تتخيلو حال امة بجد حسبنا اللة ونعم الوكيل على اللى بيحصل

يا جماعه انا مش متحيذه لطرف معين سواء المدرسيين او الطلاب
بس المفروض الناس يبقى عندهم اخلاق شويه وحته ضمير
فى طلاب بشوفهم فى مدارس حكوميه فعلا اخلاقهم فظيعه بيبقوا عايزين يتربوا سورى يعنى من جديد
ودى اسمها وزارة التربيه والتعليم يعنى التربيه الاول ولازم المدرس يبقى قدوه للطلاب
حاجات كتير فعلا عايزه تتغير فى مجتمعنا عشان المجتمع يتصلح
مفيش حاجه اقولها غير لا حول ولا قوة الا بالله :angry2:















طبعا فى طلاب عايزة تتربى من جديد و فيهم كل حاجة وحشة بس مش لدرجة القتل يعنى اية استاذ يضرب طالب بالرجل دة استاذ دة ولا عربجى سورى على اللفظ بس و اللة و اللة واللة انا زعلت جدا جدا لموت هذا الطال باذن اللة فى الجنة وربنا يصبر اهلة لانهم هما اكتر ناس محروقين من موتة وشكرا

المدرس المصرى غلبان غلبان غلبان غلبان غلبان غلبان ........... 55

والله الموضوع كله غلط في غلط .... إللي حصل ده جريمة بشعة إذا كان الموت كان بسبب ضرب المعلم للطالب .. وأنا لا أحبذ الضرب وخاصة الضرب المبرح ... ياسادة إللي مش عارف يتحكم في نفسه أحسن ما يستخدمش العصا في أساليب كتير .. واحنا مدرسين وعارفينها ..
ثانيا : الناس شده السلخ على المدرسين وكأنهم كلهم زي أخينا إللي عمل كده ... مهنة التدريس زيها زي أي مهنة تانية فيها الشريف وفيها غير ذلك .. إلا أنه برده يتعامل مع نوعيات مختلفة من البشر المراهقين المتمردين .. وكلنا عارفين ..
ثالثا السبب الأهم إن المجتمع هو إللي وصلنا لكده - ضعف الإيمان عند الناس - التسيب - الرشوة - فساد الحكومة وجبروتها - الغش - الغلا - وكتير
ثالثا : المدرسين القلة المنحرفة منهم حاجة بسيطة جدا فأرجو عم التعميم .. وإللي وصل دول لكده إهمال المجتمع ليهم .
رابعا : المدرسين أيضا يتعرضون للإهانة والضرب وأحيانا القتل ولا يتم التعامل مع هذه الجرائم بنفس الاهتمام ..
أخيرا عزائي لأسرة الطالب ...
وعزائي لكرامة المدرس وهيبته
وعزائي علة كرامة مصر كلها
إن لله وإن إليه راجعون .

سيدي المدرس لا تنظر للموضوع وكأنك انت المتهم

ولكن ناقش الموضوع بجدية ولا تهرب متحججاً بكلمة هذا لا يليق


هذا الموضوع يحتاج فعلاً إلى نقاش طويل ولكن يجب أن تكون الأمور واضحة مسألة العنف ضد التلاميذ مرفوضة وأيضاً يجب ألا نضع جميع معلمي مصر في موقف المتهم هناك بالفعل عدد من المعلمين غير معدين نفسياً للعمل في هذه المهنة .
وإذا نظرنا في كيفية اختيار المعلم مثلاً نجد أن مهنة التعليم تكاد تكون المهنة الوحيدة المفتوحة لكل التخصصات فيعمل فيها خريجو معظم الكليات .
عموماً أشكر كل من شارك برأي نحن جميعاً نرفض ماحدث ونرفض أيضاً أن نعمم ذلك على جميع معلمي مصر .

للاسف الشديد واقولها وانا مدرس من 12 عاما بالمرحلة الثانوية ، 90% من معلمينا لا يصلحون لتلك المهنة ، جهال جهلاء غلاظ القلوب والعقول ، اذا نبغوا فى تخصصهم جهلوا التخصصات الاخرى ، باحثين عن المال بفقدان الكرامة ، اتذكر دائما وانا امام طلابى عندما كنت طالبا ، كرهت جميع المعلمين الذين اوقعنى حظى العسر معهم الا مدرس واحد كان يحترمنا ويعاملنا كبشر ، احببناه بالرغم من انه كان لا يستخدم العصى ولا يجبرنا على الدروس الخصوصية

اثناء التعديلات الدستورية سألنى مدرس اللغة العربية ، ما هو الدستور ؟ قلت له ولماذا تسأل ؟ قال سألنى الطلاب ولم اعرف ، هل هذا معلم ؟ ام بائع جوافة ؟

معرفة الواقع لن تغير المأساة وهى اننا بلد متخلف وتخلفه ضارب فى قلبه ونخاعه ، نتشرب التخلف من معلمينا غلاظ القلوب

ربنا يرحمنا


90% لايصلحون ! بل هناك الكثير من المعلمين المبدعين ولكن المشكلة في الدخلاء على المهنة .
يجب أن يكون المعلم معد اً لهذه المهنة وألا يُترك المجال للجميع وكما أن الطيب يجب أن يكون خريجاً في كلية الطب يجب أن يكون المعلم خريجاً في كلية التربية .

حوار من طرف واحد

س : الضرب فى المدارس جديد ؟

ج : كل الاجيال السابقة اتربت عليه

س : الضرب فى كل المراحل الدراسية؟

ج : طبعا الثانوية العامة خارج المناقشة

س : لماذا ؟ هل لانهم كبار ممكن يضربوا المدرسين ؟

ج : لا ... لانهم اصلا لا يذهبون الى المدرسة

س: غريبة .. لماذا لا يذهبون الى المدرسة ؟

ج : من أجل الدروس الخصوصية فهم غير محتاجين للمدرسة و ليس عنهم وقت لذلك

س : لماذا يأخذون دروس خصوصية ؟

ج : من أجل المجموع فهم يطمحون فى دخول الجامعة

س : و لماذا لا يدخلون جميعا الجامعة ؟

ج : لان عدد الطلاب محدود من زمان رغم زيادة عدد السكان

س: و لماذ عدد الطلاب محدود فى الجامعة ؟

ج : لعدم وجود وظائف خالية لكل هذا العدد بالاضافة للجامعات الخاصة ( تقفل يعنى و لا ايه !)

س: من المسئول عن عدم توفير فرص عمل ؟

ج : من من

س : من المسئول عن انتشار الرشوة و الفساد و المحسوبية ؟

ج من من

س : انت دخلتنى فى مشكلة ثانية خالص نرجع للضرب هل انت موافق على الضرب فى المدارس؟

ج : و الله انت فكرتنى بقطع يد السارق و جلد الزانى أو قتله ... التلميذ فى الابتدائى قليل الادب و التربية

اذا استدعى المدرس ولى أمره تجده يطلب منه ان يضربه لانه متعود على كده فى البيت

ضرب طالب واحد فى فصل يحتوى على 60 طالب سيؤدى الى انتظام العملية التعليمية

و قديما قالوا العصا لمن عصى

و لكن هذا لا يعنى السماح بالضرب المبرح او الذى يؤدى لحدوث اصابات

و على المدرس الذى لا يدرى كيف يفعل ذلك ان يبتعد عن هذه الاسلوب و يتبع اسلوب آخر فإن لم يجد فليتبع مبدأ (دع الملك للمالك)

سيدي المدرس لا تنظر للموضوع وكأنك انت المتهم

ولكن ناقش الموضوع بجدية ولا تهرب متحججاً بكلمة هذا لا يليق


من قال اننا ننظر للموضوع كأننا متهمون
وتقول ناقش الموضوع بجديه
هل رأيت منا من يستهين بالموضوع كلنا متفقون على ان ما حدث جريمة لا يرضى عنها احد
وماذا تعنى بقول لا تهرب متحججا

كلامك كان عام بدون اقتباس للرد على مدرس معين

فى النهاية هو موضوع تتحمل كل ما يكتب فيه من الالفاظ ومن ردود الاعضاء نتيجة لمضمون كلامك

هى صحفيتك اكتب فيها ما شئت

كلام تمام التمام مع اضافة !!!!!!!! على الجملة الاخيرة


متعجب ليه يا سعيد
الصفحة الرئيسية للموقع كان عليها نفس عنوان الموضوع وباللون الاحمر وبخط كبير
بس الان تم تغيره الى شارك معنا

هما مالهم المدرسين كدا بيضربوا وبيموتو وبتاع
هيا المدارس فيها تعليم ولا خناقات :d
بس مش كل المدرسين طبعا عشان منظلمش حد
فيه مدرسين ميه ميه وبيعاملو الولاد على انهم زى ولادهم بالظبط

الى السادة المحترمين
ارجو عدم تعليق المذبحة للمعلمين بسبب هذا الحادث وارجو من سيادتكم البحث عن المعلم الذى اهدر حقه فى كل جنبات المجتمع ان هذه الواقعة ليست بطلها المدرس او بالاحرى ليس الجانى المعلم ان ابطال هذه الحادثة المجتمع بكل طوائفه ان الاعلام يسخر من المعلم فى كل وقت والمجتمع يكره المعلم فى الاغلب بسبب الصورة الحقيرة للمعلم الذى دفعته ظروفه الى التسول من اولياء الامور
يا سيدى الفاضل ان كثير من الطلاب الموجودين فى المدارس نتاج لمحتمع لا يهتم بالتربية الصحيحة
وبصراحة اخى العزيز لم تعجبنى طريقتك فى عرض الحادث لسبب بسيط
ان ما حدث هو حادث وليس تعمد لقتل طالب ولا نعلم ملابسات القضية كان عليك ان تتريث حتى تنتهى النيابة من التحقيق وفى النهاية هو حادث لا يرضى به احد
وكلمتى الى كل معلم ان قدوتنا هو رسول الله فلنقرا سيرته فى التربية ونتبعها فى مدارسنا ولا ننشغل بالكادر فاعظم مكافاة ان يتخرج على يديك قادة لهذا البلد يكونو مصابيح تبدد تخلفه

مع احترامى التام لكل المدرسين المحترمين
الذين يتعاملون مع المهنه كانها رساله سماوية وليست مهنه
حضرتك تقول ان المدرس اضطر الى التسول من اولياء الامور
الا تعلم حضرتك ان مدرسين كثيرين جدا دخلهم الشهرى من الدروس الخصوصية يتعدى ال20000جنيه؟؟
وتقولى تسول؟
انا اعرف مدرس عربى اعدادى عنده فيلا وعربية لا يقل ثمنها عن ربع مليون جنيه !!!!! ما احلى التسول
انا كنت طالب ثانوى عام 1989 وكنت باخد دروس خصوصية
لكن كان هم المدرس الرفع من مستوانا بالدرجه الاولى ثم تحسين المعيشته ياتى بالدرجه الثانية
وكانت هذه الدروس بدون اى ضغوط من المدرسين
وكان يعاملنا معاملة سيئة جدا داخل الفصل ليه؟؟ .....
لانه كان همه الاول هو مستوانا التعليمى وليس حصد الاموال اول الشهر
بعض المدرسين لديهم موظفين للعلاقات العامة وتحصيل وحساب الطلبة وطبع الملازم وكتابتها الخ الخ
فى شارعنا مدرس يقبل المجموعه 50 طالب والطالب بــ 50جنيه ومجموعه طالعة ومجموعه نازله
يعنى كم رهيب من الفلوس مش ممكنت تقدر تتخيله
فهل هذا المدرس يطلق عليه ( صاحب رساله؟) لو صاحب رساله او عايز يحسن معيشته كان عمل المجموعه 20 طالب والثمن 20 جنيه مثلا
خليك انت ولى امر التلميذ المقتول ( بعد الشر عنك وعن اولادنا جميعا)
ماذا سيكون ردك؟؟
انا تخيلت ان ممكن الحادث ده يكون مع ابنى
لمجرد التخيل جن جنونى
وحظرت اولادى ان يقولوا لى عن اى مدرس يحاول بس ينظر لهم مش يضربهم
علشان اروح اهدم المدرسة على الى فيها
ده اسمه ضنا ياعم والضنا غالى
ايييييييييييييييييه

مع احترامى التام لكل المدرسين المحترمين
الذين يتعاملون مع المهنه كانها رساله سماوية وليست مهنه
حضرتك تقول ان المدرس اضطر الى التسول من اولياء الامور
الا تعلم حضرتك ان مدرسين كثيرين جدا دخلهم الشهرى من الدروس الخصوصية يتعدى ال20000جنيه؟؟
وتقولى تسول؟
انا اعرف مدرس عربى اعدادى عنده فيلا وعربية لا يقل ثمنها عن ربع مليون جنيه !!!!! ما احلى التسول
انا كنت طالب ثانوى عام 1989 وكنت باخد دروس خصوصية
لكن كان هم المدرس الرفع من مستوانا بالدرجه الاولى ثم تحسين المعيشته ياتى بالدرجه الثانية
وكانت هذه الدروس بدون اى ضغوط من المدرسين
وكان يعاملنا معاملة سيئة جدا داخل الفصل ليه؟؟ .....
لانه كان همه الاول هو مستوانا التعليمى وليس حصد الاموال اول الشهر
بعض المدرسين لديهم موظفين للعلاقات العامة وتحصيل وحساب الطلبة وطبع الملازم وكتابتها الخ الخ
فى شارعنا مدرس يقبل المجموعه 50 طالب والطالب بــ 50جنيه ومجموعه طالعة ومجموعه نازله
يعنى كم رهيب من الفلوس مش ممكنت تقدر تتخيله
فهل هذا المدرس يطلق عليه ( صاحب رساله؟) لو صاحب رساله او عايز يحسن معيشته كان عمل المجموعه 20 طالب والثمن 20 جنيه مثلا
خليك انت ولى امر التلميذ المقتول ( بعد الشر عنك وعن اولادنا جميعا)
ماذا سيكون ردك؟؟
انا تخيلت ان ممكن الحادث ده يكون مع ابنى
لمجرد التخيل جن جنونى
وحظرت اولادى ان يقولوا لى عن اى مدرس يحاول بس ينظر لهم مش يضربهم
علشان اروح اهدم المدرسة على الى فيها
ده اسمه ضنا ياعم والضنا غالى
ايييييييييييييييييه
استاذى الفاضل انا لم اقل ان المدرس على حق فى هذا الحادث ولكن النظرة الضيقة للحادث هى التى لن تعالج الامور الخلل فى المجتمع ككل وهذه الحوادث لن تتوقف ما لم يكن العلاج على كافة النواحى يعنى لازم رفع دخل المعلم بصورة تجعله لا يفكر الا فى عمله فى المدرسة فقط واعطاء المعلم سلطات تربوية داخل المدرسة و
داخل الفصل حتى لا يلجا للعنف واتخاذ اجراءات مشددة ضد الطلاب المشاغبين
يا سيدى كل يوم فى اقسام الشرطة عشرات الجرائم ترتكب فى حق مواطنين شرفاء
وعلى الطرق مئات الحوادث
وهذه حادثة واحدة هل الحل اعدام المدرس وفقط ام الوقوف على اسباب هذه الحادثة وعلاج السلبيات حتى لا تتكرر
على فكرة انا شغال فى مدرسة ثانوى بنين لا يمر يم او اثنين الا ويتم التعدى على مدرسين بالسب او الضرب من بعض طلاب الادبى على المدرسين والادهى من ذلك ان بعض الطلاب يحرر محضر بالكذب ضد المدرس فى قسم الشرطة ويا ويلك لو هذا الطالب له احد الاقارب الكبار
منظومة فاشلة ولن ينصلح حالنا طالما ندفن رؤوسنا فى التراب

اعتقد ان الضرب بيمارس فى المدارس بصورة منهجية
يعنى الحالة الشاذة انك تلقى مدرس مبيضربش
دى ثقافة فى المجتمع المصرى قايمة على ان الضرب سلاح جنب العلم
بمعنى ان لزم المدرس يضرب الطالب ويظهر ليه وجه ملىء بالحزم
حتى يحصل على احترام الطالب
الوضع الغير عادى ان تجد مدرس لا يستخدم الضرب كا اسلوب فى التعليم
فى اوقات كثيرة يكون للضرب فاعلية اكثر من اللين فى التعامل
لكن بعد المدرسيين يستخدمون الضرب المفرط او المبالغ فيه
وهنا يحدث ما لا يحمد عقابه
اعتقد ان فى مرة ايام الابتدائى المدرس ضربى بجلده على دماغى
والدى تانى يوم انا معرفش ايه اللى حصل
غير وصوت والدى بيزعق بره
وبعدها لقيت المدرسيين جايين يطمنه عليه :D
من يومها وانا مبضربتش تانى فى المدرسة
عمتا انا مع الضرب كاعقوبة للطالب لكن الضرب فى حدود معينة وبااسلوب معين
مش تلطيش :abdoog8:

شكرا على الموضوع وفتح باب المناقشة

السؤال يا سادة هل الضرب هو الحل
الضرب وسيلة تربوية ناجحة بس طبعا لها حدود مش نقتل ونقول بنربى جيل

السؤال سيدي المعلم هل تبحث فقد عن حقك في الكادر وتفعل ما بوسعك
بعض المدرسين يمارسون تسلطهم ويهمهم مصلحتهم العليا اما الطلاب لا يعنيهم امرهم وكانهم خشب مسندة

وهل سيدي اعطيت الطالب حقه
القليل فقط من يعطى الطالب حقه والكثير لا يعرف حق الطالب ولا يحاول جاهدا ان يوصل الى الطالب حقه وانما التدريس فقط عنه مجردة مهنة ليربح منها فقط

هل هذا حلال ام حرام
القتل نفسه حرام انما العقاب مش حرام فما فعله هذا المدرس حرام حرام حرام

ان تقتلوا الحلم
الحلم مقتول من زمان فنظام التعليم نظام فاشل بكل المقاييس

ان يكون مصير الطالب الموت
انا لله وانا اليه راجعون

هل تعلم انك تقتل الطالب عند تقصيرك في دخول حصتك
بعضهم يعلم ويلتزم والكثير يعلم ولا يلتزم والكثير لا يعلم ولا يلتزم

هل تعلم انك تقتل الطالب عن التأخير في الحصة والدخول متأخر
بعضهم يعلم ويلتزم والكثير يعلم ولا يلتزم والكثير لا يعلم ولا يلتزم

هل انك تقتل حلم الطالب بالنجاح عن استخدام الضرب كطريقة للتعليم
الضرب نفسه عادى يا استاذ اشرف لازم يكون فيه عقاب لازم يكون فى نظام
انما الضرب لما يوصل لحد القتل ..............

هل تعلم انك تقتل الطالب وقت ما تكسل في الشرح وسماع الطالب
من دا كتير يا اشرف
معظم المدرسين دلوقتى بيروحو المدرسة علشان يمضو حضوروانصراف و لا بيشرحو ومعظمهم لا ينتمى الى فصيلة المدرسين كل همهم بعد المدرسة هى الدروس الخصوصية

هل تعلم انك تظلم جيل بحالة
الجيل مظلوم من زمان

قبل ان تبحث عن حقك في الكادر والحياة ابحث اولا عن حق الطالب عليك
مين يسمع ومين ينفذ
لقد اسمعت لو ناديت حيا
ولكن لا حياة لمن تنادى

واسفي على حال البلد الذي نشكوا منه ونحن السبب الاصلي في البلد
لا داعى للاسف
نعيب زمانناوالعيب فينا
ومالزماننا عيب سوانا


وللاسف قتلتم الحلم
حسبى الله ونعم الوكيل
اللهم انى لا اسالك رد القضاء ولكن اسالك اللطف فيه

شكرا على الماساة
ودمتم فى رعاية الله

لما سمعنا ان فيه طالب ضرب استاذه
ومكنش حاله فرديه
كانت ظاهره وانتشرت ( بلطجه الطلاب )
وقتها ليه متعملش ده
كفايه تحامل على المدرس
اكثر فئه مظلومه فى المجتمع هى فئه المدرسين
والله لا اقول هذا لانى مدرسه
لكنى اتكلم بشكل حيادى
و عنوان حضرتك يشيرالى التعميم لكل المدرسين
ما حدث حاله فرديه فى جميع التخصصات والمجالات
فمن الاطباء المستهتر الذى يستهين بحياة المرضى
ومن المهندسين من يستهين بحياة الناس ويغش فى البناء
ومن الصحفيين الذى يسىء الى سمعة الناس
ومن كل طائفة يوجد بها القليل ممن يسيؤن اليها

استاذة ناهد محمد
لى مشاركة المدرس حاليا و90% من حالات الغضب والضرب للطالب والاهانة من اجل الدروس الخصوصية ومن يأخذ يتم تدليله ومن لم يأخذ يسأل فى المنهج ومن لم يجيب عن الاسئلة ينال اقصى عقوبة مثل المحكمة وهذا رأيته بعينى فى مدرستى تعذيب وضرب واهانات ومن يعترض على ذلك يتم استدعاء ولى امره
القضية الاخرى ليس فى عنف المدرسين فقط لكن الطلاب مع انفسهم مثال ابنى طالب فى الصف الثالث الاعدادى وكاد يموت فى ( طرقة المدرسة ) بسسب مشاجرة طالبين مع بعضهم وكسر لابنى ضلع بسبب مروره من مكان المشاجرة اتساءل اين المشرفين وهل لو مات ابنى لا قدر الله وقتها نبحث عن الاشراف وما دوره ؟ حسبى الله ونعم الوكيل

والله يا جماعة الاثنين مساكين
أولاً : العزاء كل العزاء للأب والأم اللذان فقدا أبنهما وهذا مصاب عظيم نرجو من الله أن يصبرهم على بلواهم
ثانياً : هذا المدرس هو شاب فى الـ 23 من عمره يعنى ليس عنده خبرة فى التعامل مع الطلاب ومشاكلهم
وجميع طلابه يشكّرون فى شرحه داخل الفصل قبل خارجه !
ثالثاً : هذا المدرس من المؤكد أنه لم يقصد أن يؤذى تلميذه ولكنه إندفاعه الذى أوقعه فى شر البلية
هو أيضاً فى بلوة كبيرة ومصيبة عظيمة بعد أن ضاع مستقبلة وأغتيلت أحلامه فى لحظة كانا الطيش والشيطان
يتزعمانها !
رابعاً : المخطئ الوحيد هنا هو وزارة التربية والتعليم ويجب القصاص منها ( بالتعويض والاقالة! )
خامساً : لقد وقع المدرس أيضاً وأنكسر فهل المطلوب أن نزيد فى كسره ! لا يا جماعة والله فقد أخطأ وسينال عقابه
وهذا يكفى .. يكفى .. يكفى .. يكفى .