الموقع يفتح ملف العنف في المدارس ليبث بقناة الحياة وجريدة الاهرام [الأرشيف]

عبقرينومان

27-10-2008, 08:17 PM

http://media.gazayerli.net/photo.aspx?ID=89983 (http://www.thanwya.com/vb/showthread.php?t=82654)
الطفل إسلام الذي راح ضحية العنف من المدرس

السلام عليكم

اعزائي السادة

المدرسين
أولياء الأمور
الطلبة
المجتمع

اعتذر عن طريق الحديث في موضوع لماذا قتلت الحلم والذي كان يتكلم عن قضية مقتل الطفل اليوم على يد المدرس يالاسكندرية
وتم الاتصال بقناة الحياة التي خصصت اليوم لعمل لقاء مع ولي أمر الطالب الذي قتل على يد المدرس

وقررت ادارة القناة عمل حلقة غدا الثلاثاء عن ملف العنف في المدارس والذي ستأخذ تقرير من موقعنا هنا (موقع الثانوية العامة ) وايضاً سنشر تفاصيل هذا التقرير بجريدة الاهرام غداً

ولهذا ايها السادة الأولياء والسادة المعلمين واخواني الطلبة والطالبات

نفتح الملف وهو عن العنف في المدرس

وهل يصل العنف في المدارس بشكله إلى القتل كما حدث

ولهذا اتمنى ان نرى المشاركة من الجميع من الطلبة وأولياء الأمور والمدرسين والزوار والجميع دون سلبية ولا تدخل وتقرأ فقط وتخرج

ادخل وأقرا وشارك وعلق بجدية عن هذا الملف

وهل طريقة الضرب طريقة سحرية لتفتيح عقل الطالب

وهل الطالب الذي لا يجد تربية صحيحة بالمنزل حلها الضرب

وهل لو هناك طالب سلوكه عدواني او سلوك اجرامي او سلوك فاشل يكون الحل بالضرب

وهل سيادة المدرس انت تتعامل بأي شكل مع الطالب هل تقوم بالضرب فعلا

ولا خلاص الضرب بقي موضة قديمة

السادة الأفاضل يمكنكم اليوم في قناة الحياة في تمام التاسعة مشاهدة قضية مقتل الطالب في الحوار مع والد الطالب مباشرة

وغدا ستجدون تفاصيل هذا الملف الذي فتحناه هنا بقناة الحياة في برنامج الحياة اليوم في تمام التاسعة
وبعد غدا بأذن الله سيكون التفصيل عن الملف في جريدة الاهرام

فسامحوني لو اخطأت في طريقة عرض الموضوع السابق الخاص بمقتل الطالب ولكن اتمنى النقاش البناء والحيوي من الجميع في هذا الملف

ناقش بوضع الحلول
ناقش وقل ما هي الاسباب التي تؤدي للعنف

ناقش وقل هل العنف وسيلة نظيفة

ناقش وقل هل الوزارة هي التي تأمر بذلك

ناقش وقل

reda_mafia50

27-10-2008, 08:27 PM

وشكراااااااااااا جزيلا على الخبر المهم دااااااااااا

انا مش عارف ايه اخرا العنف ده

شكلنا وحش اوى اوى

دا يبن اننا من الدول الناميه :(

بس هقول ايه

wafa2y

27-10-2008, 08:27 PM

السلام عليكم و رحمة الله
أولا بالنسبه لموضوع الضرب
هو أساسا سبب المشاكل كلها
الطالب بتتربي عنده عقدة الضرب و بيخلي شخصيته مهزوزه
و طبعا لازم يحصل ده لما أمشيه بالعصاية
لازم يكون جبان
و عشان يتأقلم مع الجو ده بيعمل حاجتين
1-يبيسلم للأمر الواقع و يضرب و العقده تزيد حبه في حبة
2-لبيحترم نفسه و بيذاكر و دي نادره
و حاجه كمان الإنسان بطابعه ميحبش حد يرغمه علي حاجه
يعني لو مش هيذاكر مش هيذاكر حتي لو حصله إيه
و لو إضرب بيعاند أكتر و أكتر
فليه منطلعش جيل واثق من نفسه
مش مهزوز
جيل عارف طريقه و عارف هو بيعمل إيه
و أنا شايف إن أسلوب الترغيب و التشجيع تجيب نتيجه عن الضرب

سبحان الله ده فيه في بعض الحالات
العيال بتستني المدرس بعد المدرسة و يضربوه
لو معرفوش بيكسرولوه العربية
ليه يحصل كل ده!!!!!!!!!!!!!!!!!!
أكييد مش هو ده الغاية من التعليم
و جزاكم الله خيرا

reda_mafia50

27-10-2008, 08:31 PM

سبحان الله ده فيه في بعض الحالات
العيال بتستني المدرس بعد المدرسة و يضربوه
لو معرفوش بيكسرولوه العربية

والله يا صحبى شوفت بعينى بس شوفت بيكسروا فى العربيه

الضوء الشارد

27-10-2008, 08:32 PM

والله انا شايف ان الضرب ده بقى طريقة قديمة ومتخلفة مش هى اللى بتنجح الطالب . فى اساليب تانية غير الضرب والضرب ممكن يبقى وسيلة لكن مش الضرب المبرح

الجنتلة

27-10-2008, 08:34 PM

السلام عليكم اولا انا معاكم ان فى اولا د طبعا مش شاطرين مش محترمين المهم يعنى ممكن نعالجهم بالتشجيع بالتحفيز ولول دة ما نفعش نستدعى اولياء امور نجيبهم ونشوف حل لمشاكل ابنائهم لكن ضرب و يا ريتة ضرب خفيف او احتى ضرب بالعصاية على الايد او او الرجل لا دة انا والة كان عندى فى المدرسة اساتذة يكون المدير او الموجهة مزعلقهم ويجى يطلع غيظة علينا :angry2: لية يعنى هما الطلبة دى ملهاش اهل تخاف عليهم ولا هما فاكرين الطلبة دى موجودين فى المدرسة للضرب وبس و انا عايز اسال كل مدرس بيعذب قصدى بيضرب التلامذة انت فاكر ان الضرب دة هيجيب نتيجة فاكر ان الطلاب لما يضربو هيبقو شاطرين ومتميزن وهيحبوك ويقولو دة قدوتنا و لول كان عندك ولد تتمنى انة يتعمل فية نص اللى بتعملة فى الطلبة اللى تحت ايدك ولا هما الطلاب مال سايب ووكالة من غير بوبا اى حد متغاظ من اى حاجة يجى يضرب وخلاص و اخيرا عذرا لو كان فية اى كلام خارج عن النص بس واللة دة اللى فى قلبى ومكنتش هاستريح غير لما اقولة وشكرا

elmesalem

27-10-2008, 08:45 PM

الأب لايقتل أبنائه يبدو أن هذا الأمر لايتعدى حالة فردية لها ظروفها الخاصة فمهنة بها مليون معلم لا يستبعد شذوذ حالة المعلم هوالذي قتل في كل حصة في مهنة الإحتراق المعلم هوالذي يقتل في إستعباده بالدروس الخصوصية المعلم هوالذي يقتل بتفيذ سياسات وأجندات تفرض عليه بتدريس مناهج تفرض عليه المعلم هو الذي تحرر له الكشوف الطبية المعلم هو الذي كثيرا مايهان وراجعوا صفحات الحوادث المعلم هوالذي يقتل وهويتقاضى راتب صبي بيلم أجرة في ميكروباص المعلم هو الذي يقتل ومهنة التعليم يمارسها كل من لامهنة له كم معلم خريج كلية التربية بالوزارة وكم محامي أوطبيب يمارس مهنة الطب غير خريجي الحقوق والطب بل كم وزير كان معلما وعزائنا أنا نمارس مهنة الأنبياء وأجرنا على الله إرحموا المدرس يرحمكم من في السماء يوم 26 اكتوبر 2008 توفي معلم في الفصل عمره 37 سنه بمدرسة البرانية الإبتدائية المشتركة فهل سمع عنه أحد وأية حقوق سيتقاضها ورثته وهو شهيد العمل والواجب مقارنة بمهن أخرى وما يحصلون عليه عند الوفاة أثناء العمل لا للإثارة وليأخذ الموضوع حجمه الطبيعي والمخطئ ينال عقابه وبلاش نصور المدرسين سفاحين وحسبنا الله ونعم الوكيل في قلوا قيمة المدرس المصري

سيف سالم

27-10-2008, 08:45 PM

طبعا الضرب ممنوع
علشان يتم الغاء الضرب لابد من وجود وسيلة اخري مفعلة في يد المعلم
طالما لا يوجد سلطة اخري في يد المعلم الضرب سيستمر هو دا القانون البشري

ميدو المصري11

27-10-2008, 08:58 PM

الطالب الي يقبل ان مدرس يضربه يستاهل الحرق مش القتل , لان دا نشأ من ضعف ليه جوة بيته و جوة اسرته و جوة مدرسته نشأ في بيئة اسمها بيئة الخوف , يعني ايه مدرس يجي يضرب و الطالب يقبل دا بمنتهي البساطة , دا لانه ضعيف مش عارف يدافع عن نفسه مش عارف يطالب بحقوقه مش عارف يقول كلمة لا , عاجز انه يقول كدة , و دا يرجع للاسرة الي هو نشأ فيها , المدرس طلع همه و غله طول عمره و الله اعلم المدرس كمان جاي من بيئة عاملة ازاي و راح مطلعها في الولد دا , انا مش بكلم علي الي قتل انا بكلم علي القضية من اولها لاخرها . و عاوز اقول حاجة مهمة جدا ان المدرس الي بيضرب مش بيعمل كدة لانه خايف علي مصلحة الطالب لا بيعمل كدة لانه شايف قدامه واحد صغير و خايف و مش متعود يتصرف في مواقف زي دي و ساكت كدة قدامه و مرعوب منه , شعر بالقوة بالتسلط . و عاوز اقول نقطة كمان مهمة جدا جدا , لو الطالب بين للمدرس انه واثق في نفسه و انه وراه ضهر و بيكلم بقوة و بثقة يعني اعلي ما في خيلك اركبه المدرس لا يمكن يقربله . اومال هما بيبطلوا يضربوا بتوع ثانوي ليه :)

اية عميش

27-10-2008, 08:58 PM

السلام عليكم

اولا مشكور على الموضوع

ثانيا انا من رايي ان الضرب بيفسد مش بيصلح لانه اما بيزود العند عند الطفل و اما بيعلمه الجبن و الكذب و النفاق و اكيد بعد كده ممكن يصبح عدواني لان الضرب ده يعتبر اهانة كبيرة جدا لاي شخص و مش الضرب هو اللي ممكن يكون الحل او يكون الدافع للنجاح و لكن يجب اجاد طرق اكثر انسانية و تحضر تساعد على تشجيعه و ترغيبه في النجاح لان الطفل لو بدأ حياته بانه يعمل لانه خايف من الضرب فاكيد هيفشل في باقي الحياة و يصبح اما انسان جبان او انسان عدواني

stoneKane

27-10-2008, 09:02 PM

اولا اشكر عبقرينومان على طرحه للملف المهم جداااااااا ده ثانيا الضرب من وجهة نظرى مبقاش يجيب نتيجه ....انا اعرف ناس كتيره من كتر ما هما بيضربوا بقوا بيحبوا الضرب!!! و بقوا يعملوا اى حاجه تخلى المدرسين يتنرفزوا عشان ينضربوا!! و لما ينضربوا الاقيهم بيضحكوا و فى قمة السعاده..زى ما يكون خد وسام او جائزه!!! وفيه طلبة تانيين بيعرفوا عربية المدرس و يكسروها او بمعنى اصح ينيموله العجل ودى اصحابى عملوها فى المدرس بتاعنا قبل كده!!!!! لانه برضو كان بيضرب وكان ضربه فى قمة الغباء...انا مع الضرب فى حالة واحده بس لو هيغير من طالب مشاغب ومش فى دماغه المذاكره الى طالب واعى بمصلحته و بيسعى للتفوق والتميز

أسيل رزق

27-10-2008, 09:06 PM

المدرس الفاشل هو المدرس العنيف فى أسلوبه مع الطلبة

وبالتالى إتخدام العنف مع الطلبة مهما كانت الظروف يدل على فشل المدرس فى مهنته

يعنى اللى يقدر يمسك أعصابه ويحمل ك الصعوبات يطلع عليه " مُعلم "

أما اللى عامل فيها سيد الجزار فا ده أحسنله يروح يبيع حلابسه على ناصية المدرسة

وبما إننا فى مصر يبقا أكيد مفيش تقدم من أى ناحية

علشان كده هيفضل المدرس الفاشل فى نظر المجتمع شىء أصغر من النملة وفى نظر الطلاب وحش مفترس

أنا اللى دفعنى للكلام ده إن فعلاً 90% من المدرسين فى مصر فاااااااااااااشلين فى أداء مهنتهم

وده السبب اللى خلانا نكره المدرسة

قصة حقيقية شفتها وسمعتها بنفسى :

كنا فى قافلة استكشاف تبع جمعية خيرية فى جزيرة الوراق وللأسف الشديد لاحظت إن نسبة الجهل والأمية مرتفعة لدرجة كبيرة ويا ريت الشخص منهم مدخلش مدرسة خالص.. لأ دول مش بيكملوا دراسة مع العلم إن مدارسهم حكومية

لما سألت الأشخاص دول عن مصاريف أولادهم بيقولولى المجموعة الواحدة ب 90 جنيه ( ملاحظة بسيطة الناظر بيقسم مع المدرس مع العلم إن المجموعة فى ابتدائى لا تتعدا ال 15 جنيه ) ومش بنقدر ندفعهم والمدرسين بيضربوا التلاميذ ضرب شديد لدرجة إن فى حالة بنتها قالتلى الأستاذ فضل يضرب واحدة فى الفصل لغاية ما كسرلها دراعها علشان قالتله أهلى مش قادرين يجيبولى فلوس للمجموعة .. و أولياء الأمور لما راحوا إشتكوا المدرسين فضلوا يضربوا فى ولادهم علشان مايشتكوش لاهاليهم تانى

ويا عينى الناس هناك واهمنهم إن المجموعة دى شىء أساسى فى المدرسة

ولما قلتلهم إشتكوا مرة واتنين وتلاتة علشان حق أولادكم فى التعليم مايرحش يقولولى إحنا غلابة ومحدش هيدينا حق و خايفين على عيالنا من إفترا المدرسين

تخيل لما منطقة كلها بالشكل ده .. غيرها وغيرها وغيرها

يبقوا دل مدرسين ولا جزارين

كل مدرس هيتعمل فى ولاده اللى إتعمل فى ولاد الناس

لو عمل بضميره هيلاقى اللى يعامل ولاده بضميره واللى إفترا على حق الناس و ضيع واجبه التعليمى هيحصل فى ولاده اللى عمله فى ولاد الناس

حسبنا الله ونعم الوكيل فى كل مفترى وظالم

اية عميش

27-10-2008, 09:15 PM

فعلا اللي اسيل رزق بتقوله ده بيتكرر كتير في بعض المدارس الحكومية و في بعض المدرسين بيضربوا الطلبة علشان مش بيخدوا معاهم مجاميع و عند اختي في المدرسة في عندهم مدرسة دايما تتضرب العيال و تقولهم هسقطقوا علشان مش بتخدوا معايا مجموعة و ان لو حد قال لمامته أو بابه ان هي هتضربوا جامد و هتستقصدوا في الفصل و فعلا ظاهرة الضرب موجودة في بعض المدارس و من رأيي ان المدرسين اللي مش عندهم ضمير هم اللي بيعملوا حاجة زي كده

the black rose

27-10-2008, 09:20 PM

السلام عليكم و رحمة الله و بركاته
انا كلامى هيبقى رايى الشخصى
هو اكيد الضرب وسيلة بتستخدم من زمان فى المدارس ولكن مش بالعنف ده:abdoog8:
اولا فى مرحلة ابتدائى و اعدادى فيه طلاب من النظرة تحس بالاحراج
و بيذاكروا و دول طبعا مينفعش معاهم الضرب خالص
و طلاب تانية ممكن من الكلمة يسمعوا الكلام
و ناس مبتجيش غير بالضرب بس برده مش بالعنف ده مجرد بيبقى شكلى يعنى الطالب بيحس بالاهانة مش اكتر يعنى مش تعذيب :stickjo4:
و ده اللى بيحصل فى مدرستنا
اما فى ثانوى دى مفيهاش ضرب ابدا و اللى عايز يتعلم يتعلم و اللى مش عايز يقعد فى بيته :slap1qk6:
اما بقى اللى بيحصل من عنف فده ضد كل القيم و الاخلاق و الدين
ده اسمه تعذيب مش تعليم
انا مش عارفة يعنى المدرسين اللى بيعملوا كدة معندهمش اولاد ولا حتى ضمير :mad:
و كمان يوصل للقتل حسبنا الله و نعم الوكيل
و كمان ده بيسبب للاطفال عقدة و ممكن تقلب معاهم بعند يعنى انتوا مش عملتوا اللى انتوا عايزينه برده مش هعمل اللى فى دماغكوا:romarioxp6:
اما بالنسبة للحلول قالوا الاول الضرب فى المدارس ممنوع
ولا حد كان بينفذ
يبقى لازم الحل يبقى نابع من المدرس و هو اللى يقدر التعامل مع التلاميذ و الطلبة
اما المدرس اللى وصل للقتل لازم يقع عليه اشد عقوبة:giljotiiniug3:

تقبلوا رأيى

دمتم فى امان الله

stoneKane

27-10-2008, 09:22 PM

أسيل رزق

27-10-2008, 09:27 PM

فعلاً بيحصل

فى واحدة دخلتلها قالتلى انا بنتى بقالها سنتين بتعيد فى 5 ابتدائى علشان مش قادرة تدفعلها فلوس المجموعات والمدرسين بيسقطوها هيا واللى مش بيدفعوا ..

ولما الأهالى تزهق من الحكاية دى تقول اخرج العيل من المدرة واريحه من وجع الدماغ ده ويشتغل أى شغلانه يقضى بيها مصاريفه والبنت نجوزها وخلاص

reda_mafia50

27-10-2008, 09:27 PM

روحوا اتفرجو على قناه الحياه دلوقتى

مدرس قال ليه محامى طيب اقول ايه

رأفت 88

27-10-2008, 09:29 PM

السلام عليكم ورحمة الله وبركاته.
الضرب بهذه الطريقة أنا أرفضه تماما ككل انسان عاقل .
ولكن الطالب المصري الآن لايعرف أي شيء عن التربية ولا عن الاصول ولا عن الذوق ولا عن الاخلاق للاسف الطالب المصرىلم يسمع كلمة عيب الا من المدرس أناأقول ذلك وأنا في منتهى الحزن على هذه البلد التى لايعلم مستقبلها الا الله .
أنا شخصيا أعمل مدرس رياضيات منذ 1991 ؛ لا أعطى دروس ؛ استخدم كل الوسائل داخل الفصل ( نكت ؛ هزار ؛ سياسة ؛ دلع ؛ضرب ؛ ضرب بشدة ) + الشرح الوافى .
فالضرب شيء ضرورى في المدارس (لحالات معينة)

themoondream

27-10-2008, 09:30 PM

هو أنا لسه عارفة دلوقتى القصة ديه
ومش عارفة احنا ايه اللى خلانا نوصل للمرحلة ديه في مصر
طبعا الضرب ممكن يكون وسيلة بس مش بالطريقة ديه
أنا بسمع الحياة دلوقتي والكلام شكله مش مضبوط
المدرس عايز يطلع براءة
أنا بجد والد الطالب (الله يصبره) , أنا حاسة ان مش بقى في خير في مصر خلاص
أنا بس عايزة اعرف المدرس ده ذابت الرحمة من قلبه
كده التعليم في مصر داخل مرحلة التلاشي

جواد عوض

27-10-2008, 09:35 PM

الضرب و العنف كان زمان وجبر النهاردة البيت والمدرسة والوزير والكل بيدلع فى الطالب يبقى ازاى المدرس هيضربة
المدرس الواعى اليوم خاصة اللى فى المرحلة الثانوية والفنية هو اللى يطلع من فصلة سليم واللى يتعلم يتعلم

اية عميش

27-10-2008, 09:42 PM

بس الظاهره دى مبقتش موجوده كتير فى الوقت ده لان كل طالب اهله بيقلوله خد دروس فى كل المواد و ريح نفسك الظاهره دى موجوده فى المحافظات التانيه لكن فى القاهره....معتقدش

على فكرة الحكاية دي موجودة فعلا و في القاهرة في فعلا اولياء امور بيقولوا لاولادهم خدوا درس في كل المواد و ريح نفسك(و أكيد ده غلط كبير جدا من وجهة نظري) و احيانا بيأخذوا مع مدرس اخر غير مدرس الفصل فبيبقى عايزهم يأخذوا معاه و أنا اعرف طلبة زميلات اختي بيأخذوا درس بره و درس مع مدرسة الفصل علشان مش تضربهم أو تنقصهم درجات لكن في ناس بردوا مش بيوافقوا يأخذوا دروس لان اما ان ده مبدأ عندهم( و ده المفروض انه يكون الطبيعي) أو لانهم مش معاهم فلوس للدروس

TOKA92

27-10-2008, 09:47 PM

فيهنقطه كمان هيه الانحدار الاخلاقى بصفه عامه و التغير فى قيم المجتمع لا ده امور مش خاصه بالمدرس و الطال بس ده فى كل المجالات لكن المشكله فى التعليم انه بيأثر فىنا و نحن صغار و بالتالى يظهر الحرامى و المرتشى لان مدرسه و مدير مدرسنه هم اول من علموه يبقى كده حتى لو كان طالب متفوق
لما المدرس يدخل الفصل و لا يشرح او يعاقبك علشان لا تأخذ درس عنده يبقى بيعلمك سوء الاخلاق و بس و مادام المدرس اللى المفروض تحترمه بيخوفك و بياخد فلوس حرام - سواء لانه لا يشرح بالفصل او لانه فى الدرس حينجحك-حتحترمه ازاى و تبقى اتعلمت اول دروس السرقه
ومن هنا يأتى تطاول الطلبه على المدرسين فالطالب الجرىء و اللى اتعلم من المدرس غير الملتزم او اللى بيهين نفسه بشحاتة الدروس سواء بالارهاب او بالتحايل و معرفة المدير لذلك و سكوته لن تستطيع ن تقول له احترم المدرس و المدرسه و هو يرى كلا من المدرس و المدير يسلكان سلوكا اخر و لا ننسى القول الطريف - اذا كان رب البيت بالدف ضارب فشيمة اهل البيت كلهم رقص - و انا بتكلم من واقع مدارس خاصه و ليست حكوميه مصاريفها بالالاف و دروسها بالمئات وشكرا

elmesalem

27-10-2008, 09:51 PM

تابعت قناة الحياة وسمعت مبدئيا ولي الأمر المكلوم ومحامي المعلم ذو الحظ العثر طفل 11سنة ومعلم حديث التخرج 23 سنة بلاخبرة ويبدوا أنه متعاقد فإن كان المعلم مخطئ حاسبوا من أختاره للعمل وهويصلح ودية الطالب على الوزارة وله الحق الكامل في التأمين على الحوادث وقتل المعلم للتلميذ قتل خطأ فلاتوجد خصومة ولامعرفة سابقة بين المعلم وأسرة التلميذ والمعلم حمل الطفل وذهب به لمستشفى ويقر بالقتل الخطأ وربنا يستر وأولياء الأمور ميغيروش شهادات الأطفال ويتركوهم يقولوا الحقيقة كأب قلبي مع ولي الأمر ويعوض ربنا عليه ويحتسب ابنه عندالله فإنا لله وإنا إليه راجعون وهذه هي وفاة ولدك مقدرة علية وهعمره أربعين يوم في بطن أمه والله يصبرك أنت وأهلك ولك حق التعويض وكمدرس بأمانة لايوجد معلم يتمنى قتل تلميذه فهو أبنه ودائما أقول لطلابي أثنين عايزينك أحسن منهم بس في الدنيا أبوك ومعلمك علشان المجتمع يتقدم
فما وأذكر والد الطفل المتوفي ونحن نعزيه بقول اله تعالى (وما تدري نفس ماذا تكسب غدا وما تدري نفس بأي أرض تموت) فمن عجائب القدر أستشهد بوفاة زميل في نفس التوقيت وهو يعمل في الفصل في محافظة المنوفية وكنت في جملة من رافقه وزملاء يسرعون به للمستشفى ليتيقنوا من وفاته شاب لانزكيه على الله لم يبلغ الأربعين و أبكانا تلايذه ونحن نشيعه وهم واقفون على قبره وقلوبنا كمعلمين دامية على الطفل الفقيد والمعلم الفقيد وأتخيل دفن الطفل والمعلمون على قبره يشيعونه ويبكون ولكن من قال إنا لله وإنا إليه راجعون وتستمر الحياة والتواصل بين أكثر من مليون معلم وخمسة عشر مليون تلميذ فالحمد لله على كل حال والموضوع لايتحمل المتاجرة الإعلامية فالعنف في مدارس الإبتدائي والإعدادي تحديدا غير موجود والعقاب له حدود

جواد عوض

27-10-2008, 09:51 PM

مصرع طالب بالإسكندرية بـ"شلوت" مدرس الرياضيات

الأثنين، 27 أكتوبر 2008 - 20:18

http://www.youm7.com/images/NewsPics/large/s10200811211917.jpg المدارس الحكومية .. الضرب فى المليان
كتب يوسف محمد
فى مهزلة تعليمية شهدتها محافظة الإسكندرية لقى طالب بالمرحلة الابتدائية مصرعه، بعد أن ضربه المدرسة بالشلوت لعدم قيامه بأداء الواجب، كما أصيب طالب آخر قفز من شباك الفصل بالطابق الثانى للمدرسة، هربا من المعاملة السيئة لأحد المدرسين له وسقط على الأرض مصابا.

تم نقل المجنى عليه للمستشفى وألقت الشرطة بالإسكندرية القبض على المدرس المتهم وتولت النيابة التحقيق.

كانت أجهزة الأمن بالإسكندرية قد تلقت بلاغا بمصرع التلميذ إسلام عمرو بدر، عقابا على عدم أدائه واجب الرياضيات، فضربه بالشلوت فى جانبه الأيسر فلقى الطالب مصرعه، وتم نقله إلى المستشفى

nonog

27-10-2008, 09:51 PM

انا من رايى
ان المدرسة لازم يكون فيها عقاب بسيط مش عقاب قاتل يعنى المدرس يعاقب الطالب المقصر بعصا بسيطة مش بشومة ويفتح دماغه لان مش كل الطلاب بيسمعوا الكلام بالزوق ولا كلهم بيسمعوا الكلام بالضرب والعقاب الخفيف هيرهب الطلاب مش هيموتهم
وانا اللى صعبان عليا بجد والد الطفل اللى توفى رحمه الله لازم نوقف جنبه ياجماعة باى طريقة
وشكرااا

مروه

27-10-2008, 09:54 PM

مشكور استاذ عبقرينو على الموضوع
ومشكلة استخدام الضرب فى المدارس
دى مشكله من زمان جدا وموجوده لحد دلوقتى
انا فى رأيى الشخصى ان الضرب فى حد ذاته
مش غلط .............. لكن الغلط طريقة الضرب نفسها
يعنى ممكن استخدام الضرب كوسيله للعقاب
لكن مش فى اى وقت ان احنا نستخدمها
يعنى لما نكون فعلا استخدمنا كذا طريقه ومش جابت نتيجه
وفعلا الضرب هيجيب نتيجه يبقى فى الحاله دى ممكن
الضرب يستخدم كطريقه للعقاب
لكن لازم نعرف ازاى نستخدم الضرب كطريقه للعقاب
عشان منخلقش جوا الطالب الخوف وبس
ويطلع معندوش اى شخصيه
هو كل اللى بيذاكر عشانه
انه مش يضرب وبس
وبعدين كمان الضرب مش بيكون وسيله فعاله فى اغلب الأحيان
بالعكس ده بيعكس العند والعنف عند الطالب
وانا من رأيى ان الضرب مش وسيله خالص انها تستخدم فى التعليم
فيه وسائل كتيره اوى غيرها
وكمان هتجيب نتيجه اكتر

no fear

27-10-2008, 09:58 PM

الضرب وسيلة المدرس الفاشل اللي حاسس إن حياة الطالب ده في إيده وإنو لما يضربه هيفرض شخصيته عليه ويحس إنو مدرس لأن مفهمها عند معظم (بلاش نقول كل ) المدرسين كده مع العلم ساعات الطالب ده ممكن يمسك المدرس ويطحنه بس ساعتها طبعا هيقولو ليه كده يا طالب انت غلطان في حق المدرس (اللي هيرسب ان شاء الله فالكادر:049gc0:)..في مليوون وبليون طريقة إنك لو عايز تشرح تبعد اي حد مش عايز يسمعك بكل بساطة قول له سيب الحصة (لو مش عايز يسمع ما هيصدق) لكن ان المدرس يطلع عقده النفسيه والضرب اللي كان بياكله وهو صغير على الطالب مش هيجيب نتيجة نهائيا وياما شفت بعيني مدرسين من مدرستي ولو عايزين اسمها كمان موافق انضربو جوة الفصل والطالب فالاخر بيروح للاخصائي يقول له متعملهاش تاني ويرجع .
نيجي بقه للي ملهمش باليد حيلة بتوع الابتدائي والاعدادي يعني تقدر تقول اطفال وفيهم الكويس وفيهم الوحش لما المدرس يجي وهو واخد على ان كل اللي هيبقو عنده وحشين ويقعد يعامل الكل نفس المعاملة اللي هيا العصايه (ومش هيخاف بقه دول عيال) يبقى في الحالة دي معقد بكل تأكيد
الحل:-بلاغ صغير للإدارة التابع ليها مع تشهيد الفصل عليه وأقل حاجة هياخدها جزا او خصم من المرتب و الخصم ده حصل قدامي كانت مدرسة شاتمة تلميذ بالام رفع عليها شكوة فالادارة وجالها خصم ودخلت الفصل اتحايلت عليه قدامنا متنازلش
طبعا المدرسين زعلانين مني وشايفين انهم على حق زي الزبون كده بس ده رأي شخصي وانا مبعممش

** MR.SmilE **

27-10-2008, 09:59 PM

السلام عليكم

اعزائي السادة

المدرسين
أولياء الأمور
الطلبة
المجتمع

اعتذر عن طريق الحديث في موضوع لماذا قتلت الحلم والذي كان يتكلم عن قضية مقتل الطفل اليوم على يد المدرس يالاسكندرية
وتم الاتصال بقناة الحياة التي خصصت اليوم لعمل لقاء مع ولي أمر الطالب الذي قتل على يد المدرس

وقررت ادارة القناة عمل حلقة غدا الثلاثاء عن ملف العنف في المدارس والذي ستأخذ تقرير من موقعنا هنا (موقع الثانوية العامة ) وايضاً سنشر تفاصيل هذا التقرير بجريدة الاهرام غداً

ولهذا ايها السادة الأولياء والسادة المعلمين واخواني الطلبة والطالبات

نفتح الملف وهو عن العنف في المدرس

وهل يصل العنف في المدارس بشكله إلى القتل كما حدث

ولهذا اتمنى ان نرى المشاركة من الجميع من الطلبة وأولياء الأمور والمدرسين والزوار والجميع دون سلبية ولا تدخل وتقرأ فقط وتخرج

ادخل وأقرا وشارك وعلق بجدية عن هذا الملف

وهل طريقة الضرب طريقة سحرية لتفتيح عقل الطالب

وهل الطالب الذي لا يجد تربية صحيحة بالمنزل حلها الضرب

وهل لو هناك طالب سلوكه عدواني او سلوك اجرامي او سلوك فاشل يكون الحل بالضرب

وهل سيادة المدرس انت تتعامل بأي شكل مع الطالب هل تقوم بالضرب فعلا

ولا خلاص الضرب بقي موضة قديمة

السادة الأفاضل يمكنكم اليوم في قناة الحياة في تمام التاسعة مشاهدة قضية مقتل الطالب في الحوار مع والد الطالب مباشرة

وغدا ستجدون تفاصيل هذا الملف الذي فتحناه هنا بقناة الحياة في برنامج الحياة اليوم في تمام التاسعة
وبعد غدا بأذن الله سيكون التفصيل عن الملف في جريدة الاهرام

فسامحوني لو اخطأت في طريقة عرض الموضوع السابق الخاص بمقتل الطالب ولكن اتمنى النقاش البناء والحيوي من الجميع في هذا الملف

ناقش بوضع الحلول
ناقش وقل ما هي الاسباب التي تؤدي للعنف

ناقش وقل هل العنف وسيلة نظيفة

ناقش وقل هل الوزارة هي التي تأمر بذلك

ناقش وقل

بصراحة دي مأساة من كل المقاييس
يعني ايه طالب يموت لانه ماعملش واجب

المعاملة مع الطالب لازم تكون علي اساس انه انسان واعي
مش الة بتتضرب و بيتخبط فيها!!!
و الا هيكره المدرس و بالتالي المادة

اما مع الطالب المهمل فاول حاجة المعاملة نكون بالترغيب و بعدين التهديد
و بعدين لو لزم الامر يبقي الضرب غير المبرح

و شكرا ع الموضوع

no fear

27-10-2008, 10:09 PM

omw3

27-10-2008, 10:10 PM

العملية التعليمية فى مصر كلها محتاجة إلى عملية تقويم وتعديل شاملةمن إدارة ومدرس وطالب ولا يمكن فصل موضوع من الموضوعات بمعزل عن الأخر موضوع الضرب مرتبط فى مصر بموروثات من الصعب التخلى عنها فلا يمكن معاقبة المعلم دون النظر إلى أموركثيرة بعين الاعتبار:stickjo4::stickjo4:

stoneKane

27-10-2008, 10:13 PM

معظم مدرسين مصر لايستحقو المرتب الذيين يتعاطوه كل شهر مقابل الذهاب للمدرسة وشرب الشاي والهروب وخلاص المدرس ميرحش المدرسة غير لما يكون في لجنة تفتيش بس عشان ميقفلوش عليه وبرضه عايز كادر وعايز وعايز وبيدي دروس وبرضه عايز وعايز ايه المقابل مفيش هشا بلطجة كده ولما لقا ان الكادر هيكشفو ويبين معلوماته ( ده لو موجودة ) وهيختبره اختبار صادق يحدد بيه مستواه تظاهر زي البلطجية بالظبط يطالب بعودة الهمجية تاني وان الكل ياخد كادر اللي يستحق واللي ميستحقش مرتبه الأساسي حتى

كلامك صح والله فيه مدرسين فى مصر خساره فيهم القرشين اللى بياخدوهم وانا هقولك على موقف حصل النهارده... النهارده كان عندنا اخر حصتين جيولوجيا واحنا شفنا المدرس اللى بيشرحلنا الماده موجود من اول اليوم لاخره المهم روحناله فى الاوضه بتاعته لقيناه بيشرب الشاى و بنقولوا يلا انت عندنا دلوقتى قلنا يلا روحوا انا مش هشرح النهارده!!!!!!!

stoneKane

27-10-2008, 10:15 PM

للاسف مشكله الضرب دى انا مش شايفلها حل :( مهو مش معقوله هيخلوا مع كل مدرس حارس يشوف تصرفاته ويقولوا كده صح وكده غلط يا ريت لو حد شايف حل يقولى فعلا

abdullsttar

27-10-2008, 10:20 PM

المشكلة أعمق من حالة المغفور له أو صراع بين الوالد والمحامي
المشكلة في نقاط :
- الفراغ الذي يُولد عند الطلاب بسبب مناهج لا تهتم بالمراحل السنية المختلفة واهتماماتها ... الصف الخامس نصفه مقرر وتطبيق على ما دُرّس في الرابع ... الصف الأول الإعدادي تعميق لمبادئ يراها الطلاب أنها أقل من الصف السادس ... الأول الثانوي تعميق لما أخذوه في المرحلة الإعدادية ... ولن أتحدث عن الفني وما به
- البيت المصري وتركيزه المغالى فيه على الدروس حتى جعلتها كالوحش الرابض بكل ميزانية مع ضعف التركيز على التربية... خاصة مع مكابدة الوالد في عمله الخارجي ... واستغراق الواجبات المنزلية للأم
- سوء نظرة الطالب للمستقبل مما استقر في قرارة أنفسهم من قلة فرصتهم في تحقيق ذاتهم في الفرص المختلفة لمناحي الحياة .... فالأخ أُنفق عليه الكثير والأخت لاقت الأسرة الأمرين في تعليمها ثم جلســــــــــــــــــــــــا في البيت
- هشاشة النظام التعليمي والزيادة في تدليل الطلاب في التعليم الأساسي بوجه عام ثم انعكاس ذلك على الثانوي وما شابه ... فلقد اعتاد على السهر طوال الليل وعدم الذهاب للمدرسة فالمعلومة تسعى إليه ولا يسعى هو إليها .. فلما التعب وعند يتحدث مدير أو مسئول فالغرامة لا تتعدى العشرة جنيهات ونصف .... وعندما يحاصر بالغياب في الثانوي تظهر الشهادات الطبية والواســـــــــــــطة ... بصراحة المدارس فارغة من الطلاب ... ومن عنده رأي آخر فليخبرني هل يعيش في مصر أم في دولة أخرى.
- ضعف الرادع أمام الطالب فمدير المدرسة يهاب مدير الإدارة وهكذا والكل يخشى ولي الأمر الذي - لن أقول الكل - تغلبه الأهواء أو الميل لولده فيبالغ في التربص بالمدرسة كوسيلة للتنفيس عن مشكلاته الخاصة .. أو ولي الأمر يسمح لابنه بعادات لا تتماشى مع عادات المجتع وقيمه .... بصراحة لا يوجد مدير يستطيع فصل طالب لسوء السلوك على أرض مصر المحروسة مهما فعل ....اللهم إلا الغياب في المرحلة الثانوية .... ويسمح للجميع بدخول الامتحان واجتيازه
- المدرس بلا حول ولاقوة .. يعتمد على معلومته وشخصيته و مدى قبول الطلاب له ...فإن لم ينجح فسيكون الويل له ...مدرس وجد طالب على باب الفصل ينتظر دخوله فقال له اجلس للحصة .. رد عليه : معلش أنا مخنوق شوية .. قال لو مشيت سأكتبك في الغياب ... فاستنكر الطالب وترك الفصل بل والمدردسة غير مبال بالغياب ولا المدرسة الثانوية ..
- تعظيم بعض المواقف الثانوية وترك الجوهر ... بمعنى التركيز على حالة الضرب المرادة - رحمة الله على الابن المتوفى وجعله الله رحمة لوالديه - دون وضع الحلول للأجيال المتعاقية في التعليم و تبحث الطبقة المتوسطة للمصريين من خلالها لتأمين مستقبلهم .... بمعنى كآباء أين ربط التعليم بالمجتمع .. فمن حق الطالب أن يجد لكل اجتهاده ثمرة - ليست ورقة - وأن يشغل بجده مكانة في المجتمع ليحقق من خلال ذلك المكانة التي يريدها
- غياب الصدق الاجتماعي فالأسرة تعتمد على المدرسة في التربية والمدرسة تعتمد على المدرس والمدرس منهك من الدروس الخصوصية فلا يهمه إلا الانتهاء من المقرر فمن يعلم ومن يربي
و أخيراً سلام الله علىكم ورحمته وبركاته
-

حـHoSaMـسام

27-10-2008, 10:20 PM

معظم مدرسين مصر لايستحقو المرتب الذيين يتعاطوه كل شهر مقابل الذهاب للمدرسة وشرب الشاي والهروب وخلاص المدرس ميرحش المدرسة غير لما يكون في لجنة تفتيش بس عشان ميقفلوش عليه وبرضه عايز كادر وعايز وعايز وبيدي دروس وبرضه عايز وعايز ايه المقابل مفيش هشا بلطجة كده ولما لقا ان الكادر هيكشفو ويبين معلوماته ( ده لو موجودة ) وهيختبره اختبار صادق يحدد بيه مستواه تظاهر زي البلطجية بالظبط يطالب بعودة الهمجية تاني وان الكل ياخد كادر اللي يستحق واللي ميستحقش مرتبه الأساسي حتى

انا موافقك عالكلام ده مية فالمية فعلا خسارة فيهم الاساسي وكمان لو هيبقى في كادر يبقى للمدرسين اللي شغالين بجد مش بتوع الشاي والسجارو والبامية والملوخية

osho6a1

27-10-2008, 10:27 PM

nice topic

CoMMaNdo

27-10-2008, 10:42 PM

المدرس دا لازم يتعدم
هوا ايه الى رايح يضرب طفل بالبنيه فى بطنه هوا خلاص داخل خناقه
ربنا يصبر عائلة الطفل
وياريت بقى يشوفو حل للضرب الى بيحصل فى المدارس دا

stoneKane

27-10-2008, 10:48 PM

المدرس دا لازم يتعدم
هوا ايه الى رايح يضرب طفل بالبنيه فى بطنه هوا خلاص داخل خناقه
ربنا يصبر عائلة الطفل
وياريت بقى يشوفو حل للضرب الى بيحصل فى المدارس دا

تصحيح بسيط بس مكتوب انه ضربه (بالشلوت) :( وسواء شلوت او بنية الاتنين غلط اصلا:angry2:

Cray_Bird91

27-10-2008, 10:57 PM

بصراحة الموضوع معقد

لحد دلوقتى مش عارفين نلوم مين بالضبط

الاهالى ولا المدرسين ولا الطلبة ولا الوزير ولا الرئيس ولا مين بالضبط

فى حاجة غلط بتحصل فى البلد

بس بامانة بحس ان بعض المدرسين عندهم حالة نفسية مع احترامى للمدرسين

لان اللى بشوفه من تعصب المدرس على الطالب وضربه من غير تفاهم
بيودى الطالب فى داهية

بالعكس كل ما الواحد يهين الطالب الطالب نفسه بيتعقد

وربنا يهدى

Mr. Medhat Salah

27-10-2008, 10:59 PM

دا جيل اخر زمن ياريت لغايه الضرب الطلبه دول عايزين ظباط شرطه انا مدرس وشوفتهم بعيني بيخلعوا في ابواب وشبابيك الفصول لا المدرس عارف يضرب ولا في قرارات رادعه هتقولي فيه قرارات منع العنف في المدارس ولكن حبر علي ورق المدير خايف والاخصائي الاجتماعي قاعد ساكت المدرس بينضرب والمدير بتشتم والله العظيم هذا حصل من طالب ثانوي تعدي علي بنت ثانويه داخل المدرسه والمدرسه مش عارفه تعملوا حاجه يا ناس نقولوا نقولوا نفصل الطالب يقولوا هيرجع قيده تاني وعن طريق محامي هيبهدل المدرسه دي كلالالالالالالالالالالام الاخصائين انا ذات نفسي كمدرس زهقت ياما تقفلوا المدارس يا اما تشوفلك حل طلاب قله ادب طلاب اخر زمن انزلوا وشوفوا المدارس اللي بتتكلموا عنها عامله ازاي زانا علي استعداد نجيب لكم شرائط فيديوا عن اللي بيحصل سلالالالالالالالالالالالام

طالبة دكتورة

27-10-2008, 11:11 PM

ازيكوا عاملين ايةيا جماعة الضرب دة اسلوب المدرسين سورى المتخلقين والى انا بكرهم شخصيا الان انا طابةفى تالتة اعدادى فى العريش بكرة مس الرسم الانها قليلة الادب وقليلة الذوق واسمها مش امورةفى مدرسة فاطمة الزهراء الاعدادية بنات ومش وللة انا بدعى على المس دى من كل قلبى وبتمنى ان هى يحصلها اى حاجة علشان تغور عنا مع انى بحب الرسم وكنت طول عمرة بحب حصص الرسم الانى كان بيدينا مدرسين قمة فى الذوق لكن السنة دجى اعةذ باللة من دى مس وبحب حصص العلوم الانة واللة مستر غاية فى الذوق و ما بيزعقش وبسشكرة على مجهودة الراثع فى المرسة الى مش اى مدرسبريهتم بالمدرسة يقولك كبر دماغك ما كل العيال بياخدوا دروس وانا اتعب قلبى على ايىة لكن المستر ايمن فهمى شؤحة فى المرسة ذى الدرس اصل انا باخود عندوا درس ومستر حسين المالح هو مشترك معانا على الموقع وللة مستر ممتاااااز كلمة ممتاز قليلة الان هو بصراحة وللة مستر عندوا ضمير فى الشرح مرسية ليكوا اتمنى انى ما كونش طولت عليكوا او كلامى كان تقيل عليكوا بس وللة بصراحة انا كتبت الى انا شايفاة ومقتنعة بية ومرسية ليكوا رندى اهداء لكنج العلوم مستر ايمن فيمى وكنج العربى مستر حسين المالخ وكنج الانجليزى محمد لدم وكنج الدرسات علاء وكنج الرياضة الجاااااااااااااااااامد او مستر سليمان مصبحhttp://abbd1990.jeeran.com/babies-pic/baby-1.jpg

ahmedyfone1

27-10-2008, 11:12 PM

واحزناه على المدرس أصبح كالشاة المقيدة لها ألف سكين فهذا المدرس المسكين هل كان نائما بالفصل أم كان يجمع إتاوة من التلا ميذ أم ماذا ... كان يقوم بعمله على أتم وجه ويتابع واجبات تلاميذه ولكن لسوء حظه حدث ذلك لضحك الولد واستفزازه له وبدون أن يقصد المدرس أو يتعمد أن يقتله وقد يقع كل انسان منا فى هذا الموقف ليس فى الفصل فقط بل وفى الشارع فلا تكونوا بهذه القسوة على هذا المدرس الذى إ ن تكاسل عن متابعة طلابه لوجد ألف من يتهمه بعدم الضمير والتكاسل وللاسف العقاب البدنى الذى تتحدثون عنه اليوم كان سببا فىظهور علمائنا كزويل والباز ومجدى يعقوب وغيرهم أما أجيال اليوم فمن منهم سيكون فخرا لنا واخيرا ليعلم الجميع أ الله سبحانه شرع العقاب للمقصر والشرير فجعل له النار .

albatol70

27-10-2008, 11:13 PM

السلام عليكم..........الاخوة الافاضل بلاش ناخد المسالة من النص وتعالوا نرسم صورة متكاملة ..........
مدرس عنيف....ليه ..لان فيه وزارة ومنظريها جعلوه مادة سخرية للبرامج التوك شو والجرائد الاسبيشيال
قائمة طويلة من الممنوعات وكان المدرس هو المريض مش الطالب هو اللي تتوضع له قائمة الممنوعات بغرض التقويم واخذ العملية التعليميةبجدية الامر الذي اوحي للطالب وولي امره من قبله ان مصير المعلم يتوقف علي رضاه وتعالي شوف...
طالب يتعامل مع استاذه وهو يدرك انه لايستطيع تقويمه ولا تقييمه فالقانون البهائي يمنعه من ذلك.............بلاش
طالب يدخل امتحان ووزارة توفره كل اسباب عدم المسؤلية فالباشا مش مسؤول عن ورقة امتحانه ولو فشل في حل امتحان يقطع الورقة والمدرس المراقب هو المسئول وولي امر خلف كل ذلك نسي دور الراعي ومسؤليته فاصبح هناك طالب لاراعي له ولا رادع له
اتذكرون الاستاذة التي قامت تلميذتها بتهذيبها بقلمين علي وشها في وجود السيد الوزير الذي امر بالتحقيق في الواقعة وغادر المدرسة وكان شيئا لم يكن
ياسادة اللي عاوز ينظر في التعليم يسيبه من الكلام النظري وينزل ياخد دورة في المدارس داخل الفصول وبعدين يفتي
الدنيا كلها رجعت الضرب التربوي مش المبرح وسيلة تربوية واحنا حاطين رسنا في الرملة
ارحمونا يرحمكم الله واعيدوا للمعلم كرامته المهدرة علي ايدي مجتمع مهدر الكرامة والحقوق

طالبة دكتورة

27-10-2008, 11:17 PM

معلش يا جماعة انا ملخبطة كتير فى الكلام الان انا بكتب سريع سورى مالح

albatol70

27-10-2008, 11:19 PM

شمس الاسلام

27-10-2008, 11:28 PM

موقف زي ده يخلي الواحد يبكي والله
ايه ذنب الطفل ده انه يكون تحت رحمة استاذ بالشكل ده
المشكلة ان في بعض المدرسين يظنون انهم ليهم حق ضرب الطلبة مهما كان:049gc0:
بس مين اللي اداهم الحق ده لا دينا ولا اخلاقنا بيقولنا نعمل كده
ده الرسول صلي الله عليه وسلم اوصانا بالضعيفين المراة والطفل
يا تري اي مدرش فاهم ان هو قبل ما يكون معلم المفروض يكون في الاول مربي فاضل
طب وازاي تكون التربية ده الرسول صلي الله عليه وسلم علمنا الحنان والرفق

ومش معقولة نكون بنطلب من الطلبة انهم يحترموا المدرسين والمدرسين بيعملوا كده
يمكن يكون الطالب يكون في ابتدائي لا حول له ولا قوة:romarioxp6: ولكن بيججي في اعدادي بيبدا يدرك شوية:mad:
بعد كده يجي في ثانوي وتحصل الفاجعة ونسمع عن طلبة بيضربوا مدرسين
يبقي لازم علي المدرس يكون قدوة للطالب

ومن وجهة نظري ان الضرب ياتي بنتيجة سلبية خالص واكيد معطمكم يتفق معايا في كده
واذا اضطر المعلم مع بعض الطلبة الي القسوة فيجب ان يكون لها حدود
فكيف لنا ان نتطور ونتقدم ونحن ما زلنا نريد ان نسوق الطلية سوق العصا
اذا نظرنا الي الدول المتقدمة ولاحظنا معاملتهم للطلبة فهم بيهيئوهم عشان يكونوا قادة في المستقبل قادرين ينجحوا في حاجات كتير .

بصراحة امثال المدرس ده هما اللي جايبين مصر ورا

THE SMART GIRL

27-10-2008, 11:28 PM

طبعا رايى ان ما ينفعش الضرب بشتى وسائله ولو المدرس عاوز يضرب يضرب برفق بالراحه ما هى دى ممكن تعلم الولد وما يحصلوش حاجه وممكن يكون المدرسين بيضربوا فى المدارس ايضا عشان الاولاد يروحوا ياخدوا عندهم دروس خصوصيه والكلام الفارغ ده وبعدين لابد ان يكون الضرب برفق مش بقى كده احنا فين احنا فى معتقل مثلا وميرسى وتقبلوا مرورى

mr_me

28-10-2008, 12:18 AM

timmy ternar

28-10-2008, 12:23 AM

انا رأيي ان العنف غلط من اساسه و ان لازم الوزارة تتدخل في الموضوع و تحط قوانين واضحة تمنع العنف والضرب ولو على اللي بيعملوه الطلبة ما يمكن ده مردود العنف عليهم و الطفل الصغير لما يتعود على العنف اكيد هايطلع عدواني و بعدين ده الضرب في الحيوان حرام فما بالك بالانسان

baracota

28-10-2008, 12:35 AM

السادة الأفاضل
اليكم هذه الواقعة التى حدثت منذ ايام فى مدرسة سوزان مبارك التجريبية لغات التابعة لآدارة السيدة زينب التعليمية

1- توجهت للمدرسة يوم الأربعاء 15-10-2008 الساعة 1:30 لأنتظر نجلى ووجدت المدرسة في فوضى0توجهت لفصل ابني للسؤال عن احواله فوجدته منهارا يبكى و لا يوجد مدرس بالفصل وبسؤاله عن سبب بكاءه عرفت منه ان مدرس الحاسب ضرب الفصل للسيطرة على حالة الفوضى ووجدت كفى ابنى زرقاء من تأثير الضرب المبرح من مدرس اسمه مهيمن لا يعرف الرحمة وفى نفس الحصة قامت مدرسة الرسم و اسمها عفاف بضرب الفصل و منهم ابني اى تم عقاب الفصل مرتين0 قمت بتهدئة ابنى وانتظرت مدرسة الحصة لأستأذنها في اخذ ابني و التوجه به لأي مسئول بالمدرسة لأشكو له وتوجهت لمكتب المديرة لم أجدها ( ولدى شهود من اولياء الأمور على عدم وجودها بالمدرسة ) فعرضت المشكلة على ألأستاذة المشرفة الاجتماعية
ابله سهير0

2- في اليوم التالي الخميس 16-10 أجبرت ابني على الذهاب للمدرسة و ذهبت اليه بعد انتهاء اليوم الدراسي الساعة الثانية وكان حاضر مجموعة Math وجدت عاملة تقول لى ممنوع الدخول و هذه أوامر المديرة فسألت المديرة عن السبب مادام موعد المدرسة انتهى فقالت لى بأ ستفزاز " انت عندك مجموعة؟" فقلت لها" نعم ! انت عندك مجموعة؟" فقالت لى " انت بتتأصع كده ايه" فقلت لها عيب أنت فكراني مدرس عندك كنت فين أمبارح و ابني بيضرب ؟ اتكلمى باحترام لأني باحترام المكان الموجود فيه"

3- ابني الوحيد ملازم الفراش و مصاب بحالة نفسية ورافض الذهاب الى المدرسة0 وأقوم الأن بمحاولة لنقله لمدرسة الجمعية المصرية أو خارج الإدارة من جراء ما تعرض له من تعذيب وضرب و اهانه0
4- نجلى من أوائل الإدارة و الأول على المدرسة
ابتهال حامد مديرة المدرسة يجب منحها كأس استفزاز اولياء الأمور و أهانتهم وهى صاحبة مقولة " انت بتتأصع كده ايه" ولى شهود على استفزازهامديرة مدرسة اصلا مدرسة ثانوي علوم تعين1985 لم تحصل حتى الأن على مدرس أول ثانوى الكادر .

فهى موجودة على هذا الموقع التربوي بالكوسة و المحسوبية والعلاقات العامة نتيجة فساد أدارى منذ سنوات علما بأن الإدارة مليئة بكفاءات أقدم منها و علما بان لها ملف اسود بالشئون القانونية0

medo1960

28-10-2008, 12:52 AM

والله ياأخي ، أنا مدرس مارست مهنة التدريس حتى الآن لمدة 26 سنة ، لم أضرب طالب ، ولم أسب ولا أذكر حتى أننى يوما وجهت مجرد لوم لطالب والحمد لله يشهد كل من عملت معهم من اداريين وموجهين بأنني من أنجح المعلمين
رايى أن من يقوم بمثل هذه الأفعال لايمكن أن نطلق عليه لفظ معلم ، لأنه ببساطة شديدة لايعرف معني التعليم أو حتى التربية ، وفاقد الشيء ياأخي لايعطيه ، الله يسامح المسئولين عن تسلل هؤلاء ( البشر ) الى هذه المهنة الشريفة وممارستها ، ان أمثال هؤلاء يسيئون للمعلمين المحترفين والمحترمين ويشوهوا صورتهم الكريمة ، اننى أتقدم بخالص عزائي وأسفي لأهل الطفل الذى فقد حياته بسبب هذا التصرف الحيواني من ذلك ( الملقن ) وأهيب بهم أن يقاضوا كل المشرفين على ذلك الشخص ، بداية من مدرسه الأول ومدير المدرسة والموجه المسئول عنه ومدير ادارته التعليمية ووكيل الوزارة الذي يتبعه ، لأنهم جميعا ، كالشيطان الأخرص ، سكتوا عنه حتى ارتكب مثل هذه الجريمة البشعة ، فهذا الطفل مثل الطفلة التي وأدا والدها في الجاهلية خشية الفقر
" واذا الموءودة سئلت ، بأي ذنب قتلت ، فبأي ذنب قتل ذلك الطفل ؟
وفي النهاية أقول لكم أننا نجني الثمار التى بذر بذورها المسئولون من زمان بأن جعلوا من التعليم مهنة من لامهنة له
محمود حسنين علي سعد
مدرس لغة انجليزية
المنصورة - معهد فتيات ميت النحال ع/ث

الضوء الشارد

28-10-2008, 01:03 AM

والله حرام الأستاذ اللى موت الولد ده . وايه الواجب اللى يخلى مدرس متخلف يضرب ولد صغير بالشلوت . اذا كان عايز يعاقب فيبقى عنده رحمة . رسولنا الكريم صلى الله عليه وسلم لما كان بيضري كان بيضرب بالسواك يعنى ماكنش بيفترى وماحدش أحسن من الرسول . ولما كان الرسول بأمرنا بأننا نعاقب ونضرب مانضربش ضرب مبرح . والله ياجماعة أنا زعلان جدا على الولد اللى راح وربنا يصبر أهله . بس الموضوع ده لازم مايمرش من غير حساب ولازم أهل الطفل مايسبوش حقه.

حـHoSaMـسام

28-10-2008, 01:14 AM

ريم البنا

28-10-2008, 01:31 AM

من راي ان الضرب ليس له فاده
بل بالعكس يجعل الطالب اكثر عندااا
وكرها في التعليم والمدرسه
ويبقي الطالب معقد
ممكن اه ضرب بس برحمه
لان فعلا في طلاب مش بيحترمو المدرس او بيقل ادبه
ومافيش زي زمان الخوف من المدرس واحترامه
زي والدنا والاباء دلوقتي بيساعدوا ابنائهم علي ذلك
ويقوله انت ابن كذا اعمل ولا يهمك حد

مش كده ولدرجه وصول القتل
ايه هي مدرسه ولا مصارعه حره
وربنا يهدي الجميع

أحمـدنجـم

28-10-2008, 02:04 AM

بسم الله الرحمن الرحيم
الحمد لله رب العالمين الذي سمى نفسه بنفسه (الصبور الرحيم الرءوف الحليم) والذي اصطفى من البشر محمداً صلى الله عليه وعلى آله وصحبه وسلم تسليماً كثيراً .. والذي أمره في كتابه الكريم وقال عز من قائل "فبما رحمة من الله لنت لهم ولو كنت فظاً غليظ القلب لانفضوا من حولك" .. والذي عاتبه عندما عبس في وجه السائل وقال تعالى "عبس وتولى أن جاءه الأعمى" ..
الحمد لله الذي أعطانا العقل وكرمنا به على سائر المخلوقات التي تعتمد في بقائها على قانون البقاء للأقوى .. فهي عضلية المعيشة ونحن فضلنا عليهم بالعقل والمنطق السليم ..
ثم أما بعد ..
حسبنا الله ونعم الوكيل .. في قلوب فقدت الرحمة في أناس ينتسبون خطأً للبشرية السمحاء ..في معلم شرفه الله وكرمه وجعل مهمته مهمة الأنبياء ثم هو يصل لأدنى من الحيوان الأعجم.

رسولنا الكريم صلى الله عليه وسلم أوذي و قذف بالحجارة و دميت قدماه وسال دمه الشريف المكرم فبعث الله عز وجل له ملك الجبال فقال "لو أمرتني أن أطبق عليهم الأخشبين فعلت" فقال صلى الله عليه وسلم :"ذرهم فقد يجعل الله من أصلابهم من يحملون هذا الدين ويرفعون رايته" أو كما قال صلى الله عليه وسلم ..

أي ضرر ألحقه ذلك الطالب القتيل بمعلمه القاتل ؟ أي مخالفة شيطانية فعلها ؟ أي ذنب اقترفه ليستحق القتل؟ هزني الخبر فانطلقت في ثورة عارمة أحتضن أبنائي الثلاثة .. خفت عليهم - وأنا المعلم - خفت من غضب معلميهم في المدارس ، خفت من المعلمين الذين لا يراقبون الله في أداء رسالتهم .. ولذلك أردت أن أشارك هنا ببعض النقاط الهامة فأرجو أن يقرأها الجميع وأن تجد موقعاً تحت الشمس لتصل لأيدي المسئولين عن التعليم ..
1. المعلم ذلك الرجل الذي يتعامل مع العقول يتعامل مع جميع المستويات والحالات الاجتماعية يجب ألا يتولى مهمة التعليم إلا بعد خضوعه لاختبارات نفسية عسيرة وكشف هيئة في مواقف حياتية مصطنعة خصيصاً لقياس ردوده الانفعالية والنفسية في كافة الاحتمالات التي يمكن أن تواجهه أثناء تأدية وظيفته ..
2. المعلم .. يجب أن تخصص له إدارة للشئون المعنوية لمتابعة حالته النفسية فلا نعتمد على الاختبار الأول الذي أجري له ولكن قد يجد في حياته جديد أو يحدث له حادث خلال مدة خدمته يهزه نفسياً أو يصيبه بخلل في التفكير أو ردود عشوائية للأفعال .. وهذا ما يحدث مثلاً مع (الطيارين) فهم يجرى عليهم كشف دوري لأنهم يقودون (طيارة) بآلاف الجنيهات .. ويحدث مع (الجراحين) لقياس الاتزان الانفعالي لأنهم يجرون أدق العمليات .. فما بالكم بالمعلم الذي يمسك مستقبل الأمة بين يديه أليس هو الأجدر بتلك المتابعة الدقيقة؟!

3. الوازع الديني لدى المعلم .. يجب أن يتابع ذلك أيضاً .. وأصدقكم القول أن أنجح تجربة تعليمية على الإطلاق هي التجربة المحمدية راجعوا سيرة رسولكم صلى الله عليه وسلم ستجدون فيها ما يقر العيون ويثلج الصدور ستجدون رجلاً أمياً علم الأجيال والأجيال .. ألف بين القلوب .. آخى بين الخصوم .. استطاع أن يدلي برأيه في كافة المجالات .. وكما قيل من الكاتب الغربي المعاصر .. لو أردتم القضاء على كل مشكلات الكرة الأرضية فعليكم باستدعاء محمد صلى الله عليه وسلم فسيقوم بحلها قبل أن يفرغ من كوب الشاي ..
4. أساليب العقاب .. يجب أن تدرس للمعلمين وأن يقوم الدارسون والباحثون بوضع الأساليب التي تناسب وتراعي الفروق الفردية بين الطلاب وأن يراعى في ذلك التوازن بين الثواب والعقاب وأن يعامل الطالب معاملة تليق بطالب العلم فيعرف أن ما يقوم به ذو قيمة و أن تعود للمعلم مكانته من خلال التخلص من ذل (الدرس الخصوصي) ولن يتأتى ذلك إلا بتحقيق مكانة اجتماعية مرموقة له ويجب أن يعلم الجميع أن المعلم هو عصب الأمة .. الهند صعدت للقمر ولن نقول على الأغبياء بعد ذلك أنهم (هنود) ..
5. يجب التدخل السريع من المسئولين لفض النزاع الناشب بين المعلم وبين الطالب وبين ولي الأمر .. ولهدم السوق التجارية التي أقيمت بمدارسنا .. الكل يتاجر .. الكل يربح ويخسر .. وكلهم يتاجرون بمستقبل هذا البلد .. يا أيها المسئولون الغياث الغياث .. فالمدارس خاوية ..ومراكز الدروس منتفخة .. وأولياء الأمور أصابتهم عدوى الدرس الخصوصي .. وأنا بكلامي هذا لا أبعد عن لب القضية فمن أين يأتي العنف لدى الطلاب .. يأتي من أوقات الفراغ داخل مدارسنا والتي أصبحت أكثر من أوقات التعلم ..
لو امتلأ وقت الطالب بالعلم والأنشطة الجادة واللعب المثمر .. لأصبح اليوم الدراسي شيق للجميع ولن يوجد من العنف سوى العنف المرضي والذي يجب أن يدرس وأن يكون المعلم مؤهلاً لمواجهته بالأساليب العلمية ..
فالمعلم يجب أن يكون :
طبيباً نفسياً
مصلحاً اجتماعياً
واعظاً دينياً
قائداً تربوياً
مرجعاً تعليمياً
وفي النهاية رحم الله المقتول .. ورحم الله الذين يحيون ويحملون الأمانة ولا يستطيعون حملها .. رحمنا الله جميعاً .. وأيدنا بحكمته ورشده .. اللهم اجعلنا بصدق ورثة الأنبياء .. اللهم اشرح لي صدري ويسر لي أمري واحلل عقدة من لساني يفقهوا قولي ..
وآخر دعواي أن الحمد لله رب العالمين
والسلام عليكم ورحمة الله وبركاته

بورسعيدى

28-10-2008, 02:18 AM

فى منطقة الجمرك قام التلميذ حسام أحمد جابر(13 سنة) من الطابق الثانى للمدرسة، وذلك بعد أن أراد الهرب من المدرسة فسقط المجنى عليه غارقا فى دمائه، وتبين أن مدرس الطالب كان يعامله بقسوة ويضربه وعندما دخل المدرس الفصل حاول الطالب الهرب، فقرر القفز من الشباك، وأصيب بكسور فى الجمجمة والفقرات القطنية واشتباه ما بعد الارتجاج، وتولت النيابة التحقيق.

بورسعيدى

28-10-2008, 02:23 AM

و أثبتت الأيام أن الله سبحانه و تعالي يصلط أبدن علي أبدن
المدرسين أفترواااااااااااا أوي و ربنا سبحانه و تعالي سلط عليهم من هو أقوي منهم
المدرسين عاوزين يتربوا من جديد و للعلم حادثه الولدان هذه لم تكون الأولي و لن تكون الأخيرة المدرسين يرهبوا الأولاد بالمدارس أرهاب نفسي كبير لدرجه أنهم يدمروهم نفسيا و الدليل الأنحلال الواضح هذه الأيام و هذا لم يكن بين يوم و ليله أنما هو ناتج من أثار قديمه
المدرسين ( ألا من رحمه ربي ) يمارسوا الضغط بسبب الدروس
و للعلم المدرس الذي قتل الطفل و الآخر الذي جعل الطفل الآخر يرمي نفسه من الشبك بالدور الثاني و الله لابد أن يأخذوا أعدام
نحن كنا طلبه و كان المدرسين يبنوا لنا الفكر يجعلونا نقرأ كل ما هو مكتوب
و أتذكر مقوله لأحد مدرسين أقرأ حتي و لو قرطاس الطعميه
و آخر كان يعلمنا من ضمن المعلومات كيف نمسك بالكتاب و أن لا نقرأ و نحن مستلقون علي السرير للمحافظه علي أعيننا
هكذا كانوا يعلمونا وكانوا يعلمونا أن المكتبه بالمدرسه لنا ولابد أن ندخلها بالفسحه و أيضا المكتبات العامه و هذا كله لم يكن بصيغه الأمر بل كان البونبون حتي نتعلق بالكتب و كانوا يعلمونا أننا لو حوشنا نصف قرش يوميا ممكن أن نشترك مع الزملاء و نشتري كتاب و نتبادله هكذا كان التعليم الذي خرج علماء عالميون و ليس الأن الذي يخرج مدمنون و متحرشون و سفله ....
ومن المؤكد ان هذا المدرس عنيف بطبعة وعدوانى وهو اكيد يمارس العدوانية مع التلاميذ ولما لم يرتدع او يخشى الله فيما يفعل قدر له الله هذه المصيبة حتى يكون عبرة لغيرة من المدرسين القتله
رحم الله التلميذ المسكين وادخلة فسيح جناته
وكان الله فى عون ابويه
شكرا لك

mr zidan sabry

28-10-2008, 06:52 AM

انا لله وانا اليه راجعون
من امن العقوبة ٍٍٍٍٍٍٍٍٍٍٍٍٍٍٍٍٍ ساء ادبه000
والحدق يفهم

الكادر الخاص

28-10-2008, 06:58 AM

لابد من وجود علاقة حب بين المدرس و الطلاب
وعندها مهما استخدم من اساليب العقاب مع الطلاب لن تصل لحد ما نسمع عنه حينها يكون هناك خوف
من المدرس على الطالب لانه ساعتها يكون فى حكم ابنه و خوف اخر من الطالب تجاه المدرس لانه ساعتها يعتبره الاب بالنسبه له

سناء محمود

28-10-2008, 10:16 AM

بسم الله الرحمن الرحيم
الحمد لله الذي أرسل الرسل معلمين للبشرية رفقاء بهم وبعد :-
ظاهرة العنف في المدارس ينسبها الجميع للمعلمين وكأن المعلمين خلقوا ليحملوا ذنوب البشر جميعاً , ونسى الجميع
أن التربية عملية اجتماعيية تشارك فيها جميع مؤسسات المجتمع المدني بداية من الأسرة التي فقدت دورها ونست
واجباتها وتركت للتلفاز تربية أبنائهم من خلال أفلام ومسلسلا ت الأكشن والعنف , ووسائل الأعلام التي أصبح شاغلها
أخبار الفنانين والفنانات وزواجهم وطلاقهم وتقديم كل من هب ودب والأفلام الخليعة التي يُقال فيها ألفاظ لا تنفع ولا تشفع
بالإضافة إلى الفوضى التي يعشها المجتمع والتعليم الذي أصبح حقلاً للتجارب المستورة من الخارج وتكيفها بطريقة خاطئة للمجتمع
المصري وبخطأ واحد من معلم واحد ننادي جميعاًبإعدام المعلمين وعندما نقرر زيادة مالية لهم لا بد أن يخضعلوا لأمتحان لم
يعدوا له ليرسبوا فلايأخذوا شيئاً , وندعي أن المعلم المصري ليس في حاجة لمال وهنا أسأل السادة المسئولين الذين صدعوا رءوسنا كيف يعيش المعلم مع أسعار تفوق راتبه أضعاف مضعفه ؟!
ألم ينظر السادة المسئولين حولهم ألا يعيشون في كوكبنا أم أنهم يعيشون في زحل
لكم الله يا معلمي مصر .............لكم الله ...............لكم الله
مصر أمانة في أعناقكم أرض الأمن والأنبياء والعلم والمعرفة لا تنتظروا الجزاء إلا من ربكم

EL-leader

28-10-2008, 10:28 AM

اولا شكرا لعبقرينوو انافكرت اعمل حاجة البارح بس معرفتش
وراءى فى الموضوع ده
000اان اى مشكلة سببها عدم التمسك بكتاب الله والمجنى عليه فى الموضوع مش الطالب لوحده والمدرس اكيد كان فى ظروف ادت للحصل مش معنى كده انه مايتحسبش وياخذ عقابه :abdoog8:ومواساتى الى اهل الولد

..Just Stop

28-10-2008, 10:35 AM

بص يا عبقرينو

الضرب وسيلة تربوية ناجحة

بس الضرب دا له حدود

انما توصل لحد القتل دا بقا شىء غير منطقى

كلنا طبعا اتعلمنا وانضربنا بدل المرة الف وعادى واكل كان بيذاكر خوفا من العقاب

مع انه بيبقا عقاب بسيط

اذا قاعدة الترهيب لا بد منها

هتقولى فى مدرسين مش بيضربو وكدا هقولك نادرا لو لقيت المدرس دا
بيخلى الطلبة تذاكر

اى نعم فى قليل من المدرسين مش بيمارسو ضرب الطلبة ومع ذلك الطلبة بتذاكر احتراما للمدرس

اذا المدرس بشخصيته هو اللى بيقدر يتحكم فى الطالب يعنى ممكن يخليه يذاكر خوفا من عقابه
ممكن يخليه يذاكر احتراما له دون ممارسة اى عنف تجاه الطالب

اذا المشكلة فى المدرس مش فى الطالب

اى نعم فى طلبة مش بتذاكر خالص يعنى لا بتخاف من العقاب ولا بتحترم المدرس ولا بتحترم نفسها

:::::::::::::::::::::::

نيجى لنقطة العنف

هتقولو العنف فى المدارس يعاقب عليه القانون يعنى شىء ممنوع

انا ضد القانون دا لانه لو اتطبق المستوى التعليمى هيتدهور اكتر ماهو متدهور

لازم يبقا فى عقاب

بس العقاب مش لازم يوصل لحد العنف اوالقتل

لان المدرس اللى عمل كدا يفعل ما تفعله الحيوانات فى الغابات

دا الطالب دا حتى لو ضربه حتى مينفعش يعمل معاه كدا

انا ضد العنف ومع العقاب اليسير

ربنا يهدينا جميعا يارب

دمتم فى رعاية الله

emoo

28-10-2008, 11:56 AM

الضرب بيعلم العند عند الطالب و العند صفه صعبه اوى
او بيعلمه الجبن و الخوف و بالتالى بيعلمه الكذب
و دى اسوأ و اسوأ
يعنى اما تيجى تسأله انت عملت كذا؟
هيقولك لا معملتش عشان خايف منك رغم انه عمل
يبقى انت مخدتش الفرصه انك تقومه حتى
و هيفضل يعمل الغلط و مش هيقولك
ده بالنسبه للضرب بصفه عامه

بالنسبه للعنف فى المدارس
المدرس مينفعش يضرب الطالب باستمرار
لان كده الطالب هيكره المدرس و المدرسه و التعليم
عشان كده المفروض يكون المدرس على اتصال باولياء الامور

و بعدين لو المدرس بيضرب الطالب عشان حاجه معينه
سواء فى التعليم او تربويه او غيره
لكن تخيل لما المدرس ميبقاش ليه سلطه على الطالب
يعنى نفرض انه كان بيضربه عشان بيعمل حاجه غلط
فى الاجازه مثلا هيعمل الغلط ده و هوا مرتاح لان المدرس مش معاه

لكن ممكن المدرس و اولياء الامور برده
يحببو الطالب فى الصح و يكرهوه فى الغلط
و يخلوه يعمل الصح عن اقتناع مش خوف

amado1

28-10-2008, 12:35 PM

شكرا ليك على التوبك الجميل ده خالص التعازى لولى أمر الطالب ووالدته ولهما الصبر و السلوان
حاجة بصراحة تكسف جدا ولا داعى أبدا لضرب بهذا الشكل الهمجى الذى أدى إلى وفاة طالب صغير السن وحياة حزينة لأسرة لم تكن تتوقع ذلك
وطبعا حده العنف تختلف من مدرس لآخر حسب طبيعته و أسلوبه ويجب أن نأخذ فى الاعتبار ما يفعله الطلاب من أخطاء و استفزازات لمعلمهم و ضرورة وضع عقاب يرضى المعلم و يحفظ له هيبته وكيانه الذى ضاع منا جميعا إلا من رحم ربه
ويجب بالمرة و بالمناسبة معالجة العنف العكسى اللى هو من الطالب فى المدرسة ضد معلمه وتعمد الطتالب ضرب معلمه و التعدى عليه أو يجيبله أخوه الكبير أو أى حد من أقاربه ينتظره أمام البوابة إلى غير ذلك

shrshr2007

28-10-2008, 12:39 PM

http://www.ikhwanonline.com/Data/2007/6/19/fcf66f6.jpg

صرحة هو موضوع يحزن بجد ازاي توصل ان طالب يموت من مدرس وازاي الوزارة تسكت علي كلام زي دة هو هيبقي تعليم فاشل وكمان عدم مسئولية والله حرام وربنا يصبر والد الطفل علي هذة الكارثة

ีundertaker_2000

28-10-2008, 01:39 PM

السلام عليكم ورحمه الله وبركاته

يا جماعه فى طلاب بتغلط اه ولازم يكون فى عقاب اوك بس مش توصل ان يكون الضرب ومش اى ضرب ضرب يؤدى الى الوفاه مع العلم ان الوزاره مانعه الضرب بس هو مين الى بينفذ قرارات ودا راجع ان مافيش رقابه كويسه من الادرارت والوزاره على المدارس لازم يكون فى رقابه جيده يعنى واحد يروح المدرسه وعلشان غلط يتضرب الضرب دا وفى كمان مدرسين بتضرب ( مستقصد ) الطالب علشان الدروس الخصوصيه وفى ناس مش معاها فلوس علشان الدروس طب هيعملوا ايه يعنى

فى النهايه لازم يكون فى رقابه جيده للمدارس الحكومه قبل الخاصه

اية عميش

28-10-2008, 01:55 PM

للاسف مشكله الضرب دى انا مش شايفلها حل :( مهو مش معقوله هيخلوا مع كل مدرس حارس يشوف تصرفاته ويقولوا كده صح وكده غلط يا ريت لو حد شايف حل يقولى فعلا

اولا الحل الاساسي ان مش يبقى في ضرب و كل واحد يراعي ضميره

اما بالنسبة انه مش معقول هيخلوا مع كل مدرس حارس فانا من رأيي ان ممكن توضع كاميرات مراقبة في الفصول كحل مؤقت هو مش حل كويس اوي بس بالشكل ده هيبان اذا كان في مدرس بيعتدي على طالب بالضرب أو العكس

MiDo1O2

28-10-2008, 03:52 PM

بصراحة انا الحكاية مش داخلة دماغي بس لو دا حصل يبقى عليه العوض ومنه العوض

MiDo1O2

28-10-2008, 03:53 PM

انا متفق مع حكاية كاميرات المراقبة

صوت الحق

28-10-2008, 03:56 PM

لا اله الا الله فى لحظة اصبح المدرس عاوز يتربى؟
اصبح المدرس متخلف؟
اصبح المدرس عاوز يتهل نفسيا؟
اصلى مجنون ومختل عقليا؟
اصبح المدرس حدوته لكل انسان يتكلم اى كلام وخلاص؟
الدكتور الذى مات المريض هو يعمل له العملية دكتور فاشل لا يستحق المهنة
الدكتور الذى نسى شيئ خارجى فى بطن المريض اصبح لا يستحق ان يعيش ولا يلقب بلقب دكتور مع العلم فى الاساس كان الدكتور يحاول علاج وانقاذ المريض؟
المحامى الذى كان يدافع عن المتهم ويطالب له بالبرائة وقد اوصلة الى حبل المشنقة اصبح محامى فاشل
المنهدس الذى شيدى العمارات والفيلل وعند سقوط عمارة لخلل ما او اخلال من السكان فى الاساسات يجب ضربة بالنار فى وسط ميدان عام
والقصص والروايات كثيرة
طالما فتحتم الملف يجب التجدث بعقلية ناضجة لا تميل الى اى طرف نهائيا
انا فى التربية والتعليم منذ عام 1984 يعنى منذ 25 سنه شفت مهازل لا تصدق ولا نستطيع ان نتكلم عنها واذا كان حظك عاثر لو كنت بالتعليم الفنى سوف تشهد قمة السفالة والاستهتار وقلة الادب ولهذا سوف افتح ملف اخطر من هذا مليون مرة وهو حكايتى مع التربية والتعليم طالب ومدرس حكايتى مع التربية والتعليم موظف مقيد بامرو ولوائح واب وولى امر وسوف تحكم بنفسط على الامور واعلم كل العلم باننى صادق فى كل كلمة سوف اقولها بدون رياء ولا مجاملة فنتظرو حكايتى مع التعليم متجدد باذن الله

محمدأبوتسنيم

28-10-2008, 04:20 PM

بسم الله الرحمن الرحيم
قبل ما نتكلم عن مشكلة الضرب فى المدارس يجب أن بكون فى أحكامنابشئ من الواقعية . لاشك أن الضرب شئ مؤلم وله آثاره على الفرد ولكن أحيانا يكون الضرب إيجابى وأحيانا يكون سلبىا ولكن المشكلة أن أحكامنا عامة وتملأها العاطفة دون تعقل فيها.
المهم أن الضرب كما ذكرت درجات والشريعة الإسلامية فيها الضرب بهدف التأديب ولكن المشكلة هى فى كيفية الضرب .
وطريقة الضرب تعود إلى مستوى فقه الشخص ومستوى تحصيله العلمى, وكل منا تعرض للضرب فى مرحلة الطفولة من والديه وكان ذلك بهدف التأديب والنتيجة هى أن الكثير تعلم والنتيجة خروج جيلنا الملئ بالحيوية والقدرة على تحمل المسئولية . أما مع انتشار الغوغاء بالرفض المطلق للضرب فنتيجته كما نرى جيل لايعرف وجهته وفقد احترامه لمجتمعه بل لوالديه وهذا مشاهد وجلى .فأرجو أن نحكم بتعقل وتريث ولايكون رفضنا مطلق لمجرد حادثة ولكن يجب الوعى ,
والسلام عليكم ورحمة الله وبركاته

_ELDALY_

28-10-2008, 04:59 PM

فى انهارده واحد من زميلى فى الفصل الناظر ضربه بالخرزانه وجسمه علم منها راح يعملو محضر فى القسم

الستاذ جمال الى هو الثاظر كـــــــــــــــــــــــــــــــــــــــــــــــــ ـــــــــــــــان هيبوس اييده علشان يتنازل عن المحضر

ازاى المدرسين يضربوا زى الوحوش ولما يجى واحد بيشتيكه يبقى زى العيل انا اسف على اللفظ

omry3

28-10-2008, 05:01 PM

السلام عليكم و رحمة الله
اولا عزائى لاسرة التلميذ و ربنا يعوضهم خير
ثانيا انا شايفة ان الكل او تقريبا معظم الردود تصب جام غضبها على المدرس ومحدش فكر انه الان فى موقف لايحسد علية طبعا دة مش دفاع لكن موضوعية لانة اكيد مكنش يقصد انة يموت الولدلانة لوعرف الى كان هيحصل مكنش اقدم علية لانة متعلمش ودخل جامعة و بقى مدرس علشان تكون نهايتة السجن وصفحات كافة وسائل الاعلام فى جريمة قتل .............
طبعا الولد اجلة بس هى اسباب والعنف موجود فىمدرسنا بين اطاف العملية التعليمية بين الطلبة و بين الطلبة و المدرسين من خلال خبرتى ان اسباب العنف متشابكة
1- البيت الى دورة يكاد يكن انتهى تربويا بلهث الوالديت وراء لقمة العيش الاعلام ومايبثة من تريقة ومواقف عن المدرسة و الافلام طبعا سواء الاكشن او اللى لاتحض على اى اخلاق القوانين المدرسية ممنوع نوقف الطالب ممنوع الضرب ممنوع الفصل ممنوع التذنيب طب كل الممنوعات فى صالح الطالب فكيف للمعلم ان يحكم سيطرتة على اعداد تزيد عن ال50 من مخلف البيئات و النفسيات نقص الجرعة الدينية مقارنة باى جرعات اخرى مماادى الى نقص الوازع الدينى
اين حصص التربية الرياضية التى تخرج الطاقات اين المسابقات الثقافية و الدينية اين المرشديين النفسين والذين اصبح دورهم اقوى من الاخصائى و الحل يكون ان نكون اباء واخوة و الطفل المشاغب اقصد التلميذ نشغلة بان جعلة محط اهمتام و نوكل الية مسئولية كحفظ النظام مثلا ونتحاشى التعنيف على الملا و اتمنى ان اكون افدت

thelive

28-10-2008, 08:59 PM

اولا الضرب لاهو مفيد ولا هو ضار ولكن كما فى المثل ما زاد على حده قلب ضده الضرب طريقه غلط لو المدرس بيدخل كل شويه يضرب فى الاولاد فبالتالى الطالب هيبقى متعود انه يضرب فهيبقى مش مأثر فيه اى حاجه وفى نفس الوقت مش لازم المدرس يبقى مستسهل اوى مع الطالب لان كده هيخللى الطالب يتعدى حدوده فى التعامل مع المدرس لماذا لانكون وسطا يعنى مش كل شويه ضرب ومش استسهال اوى ليه المدرس ميكنش صاحب للتلميذ بس وقت الجد لازم يكون جد والله الموفق

EnG.BeLaL

28-10-2008, 11:18 PM

انا مش عارف اصلا اقول ايه انا اخويا الصغير في المدرسة دي و جه من المدرسة مفزوع و طبعا مش هقولكوا كره المدرسة و المدرسين لا ده كرهه للمدرسة و المدرسين زاد لان انه يكره المدرسة ده شيء طبيعي و عمره ما كان يتخيل بما انه صغير ان ضربة مدرس ممكن تموت . و طبعا الحج الكبير بكره يطلع يقول اننا هنعمل لجنة عشان ننهي الضرب من المدارس كعادته يعني . انا مقدرش اقول دوقتي غير ربنا يصبر اهل الطفل البرئ ده و حسبي الله و نعم الوكيل

حـHoSaMـسام

29-10-2008, 05:24 AM

ازاى المدرسين يضربوا زى الوحوش ولما يجى واحد بيشتيكه يبقى زى العيل انا اسف على اللفظ
الاجابة بكل بساطة القرش زي ما بيخليه يضربه عشان ياخد عنده درس برضه بيخليه يتحايل عليه عشان ميتحرمش من الكادر او ميتجازاش

( لؤلؤة الإسلام )

29-10-2008, 11:12 AM

لا حول و لا قوة إلا بالله ...
مع احترامي لكل المدرسين الأفاضل اللي بجد على راسنا من فوق ...
للأسف هناك قلة لا تتقن فن التعامل مع الطلاب ... بالرغم من ان التربية وظيفتهم اولا ثم التعليم ...

أحيانا ممكن المعلم يعاقب طالب بغرض التهذيب .. بس طبعا الضرب بالصورة دي مرفوض تمامااااااااا ..
كده الطلاب هيكرهوا المدراس و التعليم و المدرسين أكتر ... و هتزيد حالات الهروب من المدراس .. و هيتولد العنف لدى الطلاب لا اراديا و هيطلعوه دلوقتي او بعدين ...
احنا عايزين المدرسين يحببوا الطلبة في العلم و يبقوا صحابهم و زي أولياء أمورهم ...
التعليم عندنا أصلا مش ناقص تخريب اكتر ... نفسنا التعليم يطور فعليا بمناهج و أساليب مدروسة صح ...
لأن التعليم هو أساس نهضة أي أمة ...
و إلا فهتيجي أجيال أكثر افسادا و اشاعة للفوضى ....

و حسبنا الله و نعم الوكيل ...
اللـــــــــــــــــــــــه المستعان ...
اللهم اصلح بلادنا و تول أمرنا ...

kareem_drive

29-10-2008, 03:08 PM

انا عاوز اقول ان فكرت الضرب فى المدارس بقت فكرة رجعيه بنرجع فيها الى الماضى ومبنتقدمش خالص مع ان المفروض ان نكون بنتقدم ومنتاخر بس والضرب مش وسيله لتعليم خالص انما وسيله لتعقيد وانا اوجه ندا الى وزير الدخليه بامر رجال القانون انهم يوقعوا على مرتكب هذه الجريمه البشه اقصى عقوبه وهى الاعدام ليكون عبر لمن يفعل هذه الجريمه مرة اخر

طـفـلـة الامـس

29-10-2008, 03:23 PM

والله لسانى وقلبى قبله
يعجزوا عن تصوير ما اشعر به

المهم ان هذا الولد منزله يوجد بمنطقة قريبة من المنطقة التى اسكن بها
يعنى الزمن حوالى عشر دقايق من عندى لعنده
بس ساكنين فى حى واحد وهو حى المنتزة بالاسكندرية

ماما اصلا كانت عايزة تنزل تعزى امه وابوه بس بتقول هاقولهم ايه

هاتقول ايه فعلا؟
سؤال محير بشكل
تتخيلوا لما يكون مدرس يبلغ من العمر 23 سنة يقتل طفل برىء ويضربه بهذا الشكل
ايه اللى ممكن يتقال بعد كده
ايه اللى وصله لهذا القدر من الغضب واللى جعله يقتل ولد ربما هو يمتلك اخوة اصغر منه
وازاى واحد عنده 23 سنة يبقى عنده كل العنف والغضب والقسوة دى
يعنى مش هانقول كبير واعصابه بايظة دايما
حقيقى بجد مافيش حاجة تتقال
ازاى باباه ومامته هايقدروا يواصلوا حياتهم من غير ابنهم الكبير واللى عنده كام سنة؟
11
حد يدينى عقله عشان انا مابقاش فيا عقل خلاص
والله انا امبارح مش عارفة كان مالى من ساعة ماسمعت الخبر ده وبالليل اتكمل عليا لما جابوا عنه فى البرامج
قال ايه
التربية والتعليم
كل واحد بيفكر فى منصبه وبس وماحدش شاغله اى حد
خليهم كده
بس ليهم حساب وعقاب من ربنا ليس بيهن
يمهل ولا يهمل
ربنا ينتقم من كل ظالم
زيكفيهم ان مافيش حد راضى عن اللى هما بيعملوه ده

sssahmed

29-10-2008, 06:13 PM

بسم الله الرحمن الرحيم
اولا موضوع العنف ضد الطلاب موضوع حيوى وكبير جدا . وله أسباب كثيرة .
اولا : لابد ان نبحث عن الأسباب التى أدت بالمعلم لاستخدام العنف مع الطالب . غالبا ما نجده تنحصر فى اساءة الطالب للمعلم اما لفظا او بحركة ايحاء أو بفعل .
ثانيا : من الممكن ان يستخدم المعلم العنف ضد الطالب وذلك لاجبارة على ان يأخد منه درس خصوصى .
ثالثا : من الممكن ان يستخدم المعلم العنف مع الطالب اذا كانت بين أسرة المعلم وأسرة الطالب خلافات .
رابعا : قلة الوعى الدينى سواء من الطالب او المعلم .
خامسا : عدم التواصل بين المعلم والطلاب يؤدى الى العنف بينهما والكراهية المتبادلة .
سادسا : عدم تفعيل القوانيين سواء ضد الطالب الذى يستخدم العنف مع معلمه . او مع المعلم الذى يستخدم العنف مع الطلاب .
الحل :
* ** على المعلم ان يكون بمثابة الاب لطلابه وعليه ان يتحلى بالصبر .
*** وعلى الطالب ان يعتبر معلمه بمثابة والديه .
*** لابد من ممارسة الانشطة والرحلات التى تقرب من المعلم والطالب .
*** نتحلى بآداب الدين فى التعامل مع الاخرين ( معلم - طالب )
*** عدم تكبر المعلم على طلابه وكذلك عدم تكبر الطلاب على معلميهم .
*** توثيق الصلة بين المعلم و ولى الأمر وعرض المشكلات الخاصه بابنه عليه والوصول الى حلول .
*** ادارة المدرسة لابد ان يكون لها دور اذا حدث خلاف بين المعلم والطالب .

و اخيرا رأفة بالمعلم فليس كلهم قتلة .... و الطلاب ليسوا كلهم على خلق سئ فمنهم الممتازون .
يا طلاب ... يا معلمين .... نريد حوار وتفاهم بينكما .... تواصل حتى يتم الفهم ....
اللهم اصلح الله من شأننا جميعا ووفقنا لما تحبه وترضاه .......

haderya

29-10-2008, 06:54 PM

السلام عليكم ورحمة الله وبركاته

ملف يقتحه الموقع عن العنف في المدارس .... فكرة رائعة
ربما نصل لتصحيح بعض المعتقدات لدينا

شكراً أ/أشرف لفتحك الملف ...
طالعت بعض المداخلات ... واستوقفت عند أحدها ..

=======================

ذاك الرد الذي يقول فيه صاحبه
الطالب الذي يسمح للمدرس بضربه طالب عديم الشخصية وشخصيته ضعيفة
يبدو أن جميع الأجيال القديمة والتي تربت في مدارس لم تمنع سياسة الضرب أجيال عديمة الشخصية
- فمن وجهة نظر صاحب ذلك الرد - المدرس الذي يعاقب التلميذ يجب أن يرد عليه التلميذ فوراً ليصبح تلميذاً قوي الشخصية ؟؟؟؟

========================
لا يجب الربط بين العنف في المدارس ... وبين سياسة الثواب والعقاب

الجميع يناشد المدرس بالثبات الانفعالي
الجميع يناشد المدرس بالهدوء والحكمة
الجميع يناشد المدرس بقوة الشخصية والرزانة والهدوء

ماذا تتوقعون من مدرس يتوجب عليه حضور الطابور الصباحي منذ قبل الساعة الثامنة وحتى الساعة الثانية مساءً

ماذا تتوقعون من مدرس يتوجب عليه دخول ثلاث إلى أربع حصص يومياً ... بمعدل تقريبي ثلاث ساعات

ماذا تتوقعون من مدرس يتعامل مع 180 - 200 طالب يومياً (فالفصل حوالي 60 - 70 طالب)

ويجب على المعلم عند تعامله اليومي مع المائتين طالب أن يتفهم ظروف الطلاب النفسية والصحية

طالب لديه مرض الربو - شفاكم الله - يجلس بجوار طالب يعمل آخر النهار ليساعد في مصروف بيته يجلس بجوار طالب يعمل صبي ميكانيكي آخر النهار يجلس بجوار طالب مجد ومجتهد يسعى والداه للحصول على أعلى الدرجات
والمدرس لابد أن يتعامل مع الكل بما يناسب ظروفه

ماذا تتوقعون من مدرس يتوجب عليه عمل ملفات تقويم شاملة ويأخذ حصص احتياطي وحصص ريادة
ماذا تتوقعون من مدرس يتوجب عليه مسايرة التطوير ويجهز دروس له على الكمبيوتر ويدخل الانترنت
ماذا تتوقعون من مدرس .....................، ....................... ، .................

=====================

لنحلل ما يأخذه ويتقاضاه المعلم من مرتب :
حوالي 300 جنيه شهرياً ... تقريباً 10 جنيه في اليوم
ليأتي المدرس للمدرسة يصرف ( 3 جنيه على اقل تقدير أجرة مواصلات ذهاب وإياب)
ليساير المدرس التطوير لابد من اشتراكه في بيته بالانترنت (يدفع خمسين جنيهاً شهرياً بمعدل 1.5 يوميا)
ليدقع فاتورة المحمول الذي يملكه لابد من دفع (2 جنيه على أقل تقدير يومياً)
ليعطي لولده مصروف يومي (2 جنيه على أقل تقدير) إن كان الله قد وهبه ولداً وحيداً ويريد تدليله
ناهيك عن دفاتر التحضير الخاصة به ودفاتر ريادة وبعض الهدايا الرمزية لتحميس طلابه و .....

المدرس مظلوم مظلوم مظلوم من كل النواحي

====================================
هذا تحليلي لما يفترضه المجتمع من المدرس وما يعطيه له
====================================
وجهة نظري حول سبب هذه المشكلة

السبب الأول الذي لن أذكر غيره الآن

أن ولي الأمر عندما يدفع مصروفات كتب ولده 40 جنيه يعتقد أنه قد اشترى المدرس والمدرسة بأكملها
يريد محاسبة المدرس عن أي اقصير ويدلل ولده كيف يشاء
يلقي باللوم والتبعات على المدرسة والمدرس
لايعلم كم المعاناة التي يعانيها المعلم
======================

علاج الظاهرة من وجهة نظري

ليس الضرب ... وليس تحريم الضرب وإعلان ذلك للمجتمع بأكمله
فالطالب الآن يجلس في الفصل (رجل على رجل) ويقول بأعلى صوته لو ضربتني يا أستاذ هبعث فاكس للوزير وهشتكيك (تهديد علني)

لذا أرى ضرورة عودة فصل الطالب من المدرسة
فللأسف
لم يعد الطرد ممكناً إلا إذا ارتكب الطالب جناية أو جريمة
فتكدست الفصول بمن ساء أدبهم وتأثر الطالب المجتهد بزميله الذي لا نملك مع إلا "الطبطبة" على أمثاله خشية قرارات إدارية متعسفة
وتأثرت منظومة التعليم بأكملها ... فأصبح الطالب خريج الجامعة الآن غير مثقف ويحتاج في حقيقته لشهادة محو أمية

فالطالب الذي يرسب مرة واثنان يتم فصله من المدرسة
والطالب الذي يشتكي منه ثلاثة مدرسين مختلفين ينذر بالفصل

أعتقد لو تم ذلك فسيخشى ولي الأمر من فصل ابنه وسيؤدبه ويقوم بدوره الذي يتنصل منه ويلقي لومه الدائم على المدرسة
لو تحقق ذلك لزادت جودة نوعية المتعلمين وليس كمهم
ستقل نسبة الكثافة في الفصول وسيعود المدرس لبذل جهده مع من يستحق

لكن
سياسة دولتنا ... تقليل نسبة الأمية ولو على حساب النوعية
فحتى امتحانات آخر العام يضطر المعلمون وبكل أسف لوضع درجات اعتبارية للطالب لتحسين النتيجة حتى لا يتهم المدرس بالتقصير ... ناهيك عن الغش في الامتحان ووووو....

فلو تم فصل الطالب لأسباب أخلاقياته في الفصل ... أو حتى الفصل لمدة عامين ...سيعود بعدها الطالب أكثر نضجاً ... إن أراد العودة

هذا رأيي في هذا الملف ...

شكراً لقراءتكم المداخلة

smart2006_net

29-10-2008, 07:22 PM

عدم وجود نظام للثواب والعقاب بالمدرسة يجعل المدرس يلجئ للضرب فلا يمكن فصل طالب ولا يمكن اعطاء صفر للطالب في السلوك الا بناء على موقف مثبت ولا يمكن طرد طالب مشاغب من الحصة وحتى لو وجد هذا النظام لا تساعد ادارة المدرسة المدرس على تطبيقه بل تقف عائق ضده اذا حاول فصل طالب لسوء السلوك ويتدخل الجميع ضد المدرس ويطلع هو اللى غلطان ويعود الطالب للمدرسة مرة اخرى منتصر على المدرس فلا يستطيع المدرس التعامل معه مرة اخري

اياد عزمى

30-10-2008, 01:57 AM

انا لى وجه نظر وهى أن المدرس المحبوب من الطلاب لا يعصون له أمر والمدرس اذا فرض شخصيتة على الطلاب بحب واحترام لا يجد الا الاحترام ولكن هناك حالات كثيرة انتشرت فى المدراس وهى مشاكل الطلاب مع المدرسين وليس فى يد المدرس اى وسيلة ردع فما هو الحل فلنبحث عن الأسباب والحلول على لا نبكى على اللبن المسكوب

الشفق الباكي

30-10-2008, 11:20 AM

هو الضرب حاجه وحشه جدا وعنيفه اوى اوى وبتربى الاجيال على السلبيه والعنف لكن بصراحه الناس كل حاجه عادت ضاغطه على اعصابها والمدرس اعتقد بيبقى رايح المدلاسه مش طايق نفسه وغير الاستفزاز اللى بيشوفه من الطلبه انا مش بتكلم عن الحاله دى بالاخص لكن بتكلم عن المدرس واللى بيتعرضله من ضغوط اعتقد احنا لو احوال بلدنااحسن مكنش دا هيبقى حال المدرس

حـHoSaMـسام

31-10-2008, 03:34 AM

ماذا تتوقعون من مدرس يتوجب عليه حضور الطابور الصباحي منذ قبل الساعة الثامنة وحتى الساعة الثانية مساءً

أقل شيء على المدرس هو حضور الطابور الصباحي زي العاملين الكادحين فالدولة اللي المعلم ميزدش عنهم حاجة الي بينزلو قبل 7 صباحا كمان ... مش يجي بعد الطابور وفالنهاية يمشي وقت مهو عايز ودي بقة لو طالب عملها يا مهزلة كبيرة ونجيب ولي أمره والمدرس بيعملها أكتر منه ..المدرس المفروض يحضر طابور الصباح عشان حتى يحلل المرتب اللي بياخده وميشكرش على كده لأن ده واجبه على المدرسة وعالوزارة اللي بتأكله عيش

ماذا تتوقعون من مدرس يتوجب عليه دخول ثلاث إلى أربع حصص يومياً ... بمعدل تقريبي ثلاث ساعات

ماذا تتوقعون من مدرس يتعامل مع 180 - 200 طالب يومياً (فالفصل حوالي 60 - 70 طالب)

متهيألي برضه الأجيال السابقة اللي اتربت في مدارس لا تمنع الضرب زي ما ذكرت فالأول كان المدرسين عندهم بيعملو نفس الحاجات دي وبرضه ده واجبهم وشغلتهم اللي الوزارة معيناهم عشانها لأن المعلم موظف عند الدولة مش هيروح المدرسة يجبوله شاي وقهوة ويروحوه

ماذا تتوقعون من مدرس .....................، ....................... ، .................

=====================

خلاص إيه تاني
المشكلة ان المعلم فاكر ان لما الوزارة بتزيد من شأن الطالب تبقى بتهينه وانه لما يقوم باعماله الاساسية المعين من اجلها يبقى بيتكرم علينا وبيعطف علينا و كده كده عايز مرتبه اخر الشهر وخلاص وعايز يروح من المدرسة بدري وعايز الطلبة تغيب عشان ميشرحش دي بقه اللي نقول فيها .....................، ....................... ، .................

فيفا

31-10-2008, 04:21 PM

اولا بجد اللى حصل ده كارثة
وانا كنت اتكلمت قبل كده فى موضوع العنف والضرب ده
مشكلة شعبنا كله انه ربط مفهوم العقاب بالضرب
مش عارفة ايه السبب:(
مين قال ان العقاب ميبقاش غير بالاسلوب الرجعى ده
وللاسف المشكله دى مش فى المدارس وبس لكن للاسف الاكبر
المشكلة بقت فى كل بيت مصرى
وكل ما الولد ولا البنت تعملوا حاجة يضربوا:abdoog8:
لغاية لما الاطفال بقت مش عارفة هى بتتضرب ليه اصلا
يعنى معنى كده انهم مش هيبطلوا يعملوا الغلط
لان احنا بنضرب ومش بنفهم
نلاقى الطفل من دول سمع شتيمة وحشه ورددها طبيعى جدااااااا
نضرب على طول طب هو كده فهم ان اللفظ ده غلط؟
ابدااااااا هو اضرب وخلاص
انا مرة حاولت اتكلم مع اكتر من طفل فى الموضوع ده قالوا لى انهم مش عارفين بيضربوا ليه
بالذمة يرضى مين ده؟
بامانة موضوع الطفل ده لو اتعمل بره كانوا من غير محاكمة ولا حاجة اخدوا المدرس ده وعدموه
ربنا يرحمنا

haderya

31-10-2008, 04:41 PM

أقل شيء على المدرس هو حضور الطابور الصباحي زي العاملين الكادحين فالدولة اللي المعلم ميزدش عنهم حاجة الي بينزلو قبل 7 صباحا كمان ... مش يجي بعد الطابور وفالنهاية يمشي وقت مهو عايز ودي بقة لو طالب عملها يا مهزلة كبيرة ونجيب ولي أمره والمدرس بيعملها أكتر منه ..المدرس المفروض يحضر طابور الصباح عشان حتى يحلل المرتب اللي بياخده وميشكرش على كده لأن ده واجبه على المدرسة وعالوزارة اللي بتأكله عيش

متهيألي برضه الأجيال السابقة اللي اتربت في مدارس لا تمنع الضرب زي ما ذكرت فالأول كان المدرسين عندهم بيعملو نفس الحاجات دي وبرضه ده واجبهم وشغلتهم اللي الوزارة معيناهم عشانها لأن المعلم موظف عند الدولة مش هيروح المدرسة يجبوله شاي وقهوة ويروحوه

خلاص إيه تاني
المشكلة ان المعلم فاكر ان لما الوزارة بتزيد من شأن الطالب تبقى بتهينه وانه لما يقوم باعماله الاساسية المعين من اجلها يبقى بيتكرم علينا وبيعطف علينا و كده كده عايز مرتبه اخر الشهر وخلاص وعايز يروح من المدرسة بدري وعايز الطلبة تغيب عشان ميشرحش دي بقه اللي نقول فيها .....................، ....................... ، .................

السلام عليكم
لو سألت الأجيال السابقة لقالوا لك كيف كانت الأجازة الصيفية بالنسبة للمدرس
لقد كانت أيضاً أجازة للمدرسين

لو سألت الأجيال السابقة كيف كانت هيبة المعلم الذي لديه صلاحيات الدرجات وكيف كانت نسبة المنتسبين للمدارس ونوعيتهم لعرفت الفرق

أما الآن ...
إذا طلب المعلم من الطالب الخروج من الفصل يقول له ... لا لن أخرج
وإذا قالت له إدارة المدرسة ... أحضر ولي أمرك ... سيرد الطالب فوراً ... وماله
ويأتي ولي الأمر للمدرسة ليتفوه بألفاظ للمدرسة والمدرسين ...
ولاحياة لمن تنادي

لو سألت الأجيال السابقة عن عدد الطلاب بالمدرسة آنذاك ... وعن كم المسئوليات على المدرس
لعرفت أن تدهور مستوى التعليم وتدني مستوى بعض الطلاب ((( أخلاقياُ وعلمياُ ))) سببه دلع الوزارة للطالب.

يأمل معظم المدرسين حالياً عودة نظام فصل الطالب "المتبجح" من المدرسة
ذاك الطالب الذي لم يتعلم كيف يخاطب ويتحاور مع مدرسينه ... فهو لا يستحق لقب "متعلم"

عندها سنرى اختلافاً كبيراً في نوعية التفكير ... ونوعية التعليم.

يا أخي ... طالب الثانوية العامة الآن لا يجيد الكتابة باللغة العربية
إنه يخطئ حتى بكتابة اسمه ولا يعرف حتى يتحاور في المواضيع التفاعلية باللغة العربية

نسأل الله التوفيق للجميع.

حـHoSaMـسام

31-10-2008, 05:12 PM

عودة نظام فصل الطالب "المتبجح" من المدرسة
ذاك الطالب الذي لم يتعلم كيف يخاطب ويتحاور مع مدرسينه ... فهو لا يستحق لقب "متعلم"

عندها سنرى اختلافاً كبيراً في نوعية التفكير ... ونوعية التعليم.

يا أخي ... طالب الثانوية العامة الآن لا يجيد الكتابة باللغة العربية
إنه يخطئ حتى بكتابة اسمه ولا يعرف حتى يتحاور في المواضيع التفاعلية باللغة العربية

نسأل الله التوفيق للجميع.
فعلا عودة نظام الفصل هو العقاب اللي لازم يحل محل الضرب وفي النهاية فهو بيحفظ مكانة المعلم وبيعاقب الطالب المتبجح

طارق ممدوح ذكي محمد

03-11-2008, 03:02 PM

استاذي الفاضل مدير موقع الثانوية العامة
الرجاء من سيادتكم عدم الانسياق للاتجاه الحالي في البلد
لتدمير المعلم ، يعني المعلم اصبح متهم على طول
طيب اهوه في حالة طالبة القاهرة لا ضرب ولا لوح بالضرب ولا شتم
ومع ذلك اجل الله نفذ في البنت لان عمرها كده يا ناس حرام يعني المدرس يعمل
ايه يقول لربنا لا ماتقبضش روحها غير لما الحصة تخلص ايه الحالة الي وصل ليها المعلم دي
حرام ماتت الله يصبر اهلها ( كل من عليها فان ) في حالة الطالب اسلام كلنا تعاطفنا مع اهله لان العنف والضرب اي انسان عاقل واي معلم عنده ضمير يرفضه لكن اللي ما ضربش ولا شتم يعمل ايه
حرااااااااااااااااااااااااااام ارحموا المدرس او ريحونا من الشغلانة دي ده الفراشين في وزارات تاني بتعاملوا
احسن مننا وكمان اصبح المعلم متهم على طول الخط ومن غير ما يعمل حاجة ويتوقف عن العمل ليه اذا كان مش غلطان بيضحوا بالمعلم علشان يهدوا الناس حسبنا الله ونعم الوكيل حسبنا الله ونعم الوكيل

هويده

03-11-2008, 04:25 PM

لابد من تعاون المدرسة و البيت
يا سادة في مدرستي ولي امر هدد المدير و المدرسين بعمل قضية اداب لمدرسات في المدرسة اذا ابنه منجحش في الملحق و الولد ده مشاغب و الضرب مش نافع معاه
تخيل كل سنة من 3 سنين الطالب بينجح و طبعا الفصل كله بقلد الطالب
ازاي احكم علي مدرسة اولياء امور الطلبة بالشكل ده متخيلين انهم اشتروا المدرسة بالمدرسين اللي فيها علشان تجريبي
مع العلم ان ولي الامر هذا معندهوش مانع من ضرب ابنه و الولد الضرب مبينفعش معاه
انا راي ان اللي مشاغب ومش عاوز يتعلم يفصل 3 ايام ثم يفصل
من المرحلة الابتدائي الي الثانوني بضوابط علشان طبعا في مدرسين حيستغلوا الامر للتهديد علشلان الدروس الخصوصية

سعيد نجم

03-11-2008, 05:26 PM

يتضح من هذا الموضوع الهام إجماع جميع المدرسين و الطلبة و ربما أولياء أمور على نبذ و رفض العنف فى المدارس

لا يمكن استخدام اسلوب موحد فى تعامل المدرس مع جميع الطلبة بمختلف أعمارهم ( حتى لو كانوا فى سنة دراسية واحدة ) و مختلف ثقافاتهم الاجتماعية و الدينية و مستوياتهم التعليمية

لا يمكن الاعتماد على شخصية المدرس و قدرته على التعامل مع كل هذه الاطياف من الطلاب فهى موهبة شخصية لا تتوفر فى كل المدرسين

لكن يجب ان نكون عمليين و نضع اللوائح اللازمة لضبط العملية التربوية و التعليمية و أن تكون هناك عقوبات رادعة لكل من الطالب وولى أمره الذى عليه العبء الاكبر فى تكوين شخصية الطالب

كما يجب ان تكون هناك عقوبات أخرى لكل مدرس يسئ استخدام سلطاته

** فى الكورة مثلا ! هناك لوائح تعاقب النادى بسبب خروج جمهوره عن الاداب فى الهتافات

و هناك عقوبات على المدرب ، فليست العقوبات تخص اللاعبين فقط.

فما بالك بالتربية و التعليم هل هى لاتستحق منا الاهتمام و سن القوانين ؟!!

نعلم جيدا ان كل عقوبة لها سلبياتها و ايجابياتها

الضرب غير المبرح يخيف طالب و يقومه و يعقد آخر من التعليم و لا يؤثر بتاتا فى ثالث لانه متعود على الضرب فى البيت و جتته منحسة

الطرد خارج الحصة سيكون الى اين ؟ و كيف سيعوض ما فاته ؟

الفصل من المدرسة سيؤثر أيضا فى الناحية التعليمية و هل ستعلم الاسرة بذلك
و آخر الاقتراحات كان من الوزارة بجعل 5% من الدرجات على السلوك من خلال تطبيق نظام التقويم الشامل

كيف يمكن للمدرس التعامل مع الطالب قليل التربية بطريقة لا تؤذى الطالب جسديا أو علميا أو نفسيا وبما يضمن للمدرس وسائل تحقيق العملية التربوية و التعليمية فى المدارس و يوفر له هيبته و احترامه دون استغلال لسلطاته ؟؟؟

هذه هو السؤال المطلوب الاجابة عنه

و اقترح على الاستاذ / أشرف السيد صاحب هذا الموضوع عمل موضوع استطلاع يشمل وسائل العقاب غير العنيفة فى المدارس

و أن يرفع نتيجة الاستطلاع للسادة المسئولين بالوزارة او عن طريق وسائل الاعلام و خصوصا ان المنتدى يلقى ثقة و احترام و له ثقل كبير لكثرة عدد الاعضاء و جلهم من الطلبة و المدرسين

فى أمان الله و رعايته

محمد مروان

04-11-2008, 01:04 AM

السلام عليكم
بالنسبة للعقاب البدنى أو النفسى للتلاميذ هو مبدأ مرفوض الباتة ؛ لكن لابد من طريقة يكون فيها نوع من الردع للتلاميذ فى حالة الخطأ أو الإهمال وإلا أصبح المعلم شخصا ليس له أية أهمية عند التلميذ .
وأول ما يجب على الوزارة أن تفعله حفظ ورعاية المعلم من جميع النواحى وأن تكون بجانبه ترشده وتدله ولا تظهر عيوبه .
ثانيا : المظهر العام للمعلم أصبح مزريا فبعد أن كان جدى الشيخ سالم يُضرب به المثل فى الشياكة والأناقة وكان معلما فى العصر الذهبى للمعلم أقارن نفسى به أجدنى لا أساوى ذيل عباءته .
أرجو أن يكون كلامى فيه نوع من الإيجابية والصوت المسموع .
أعان الله وزيرنا وإخواننا وأخواتنا المعلمين والمعلمات .
:abdoog8::stickjo4::abdoog8::stickjo4::abdoog8::st ickjo4:

gogo12

04-11-2008, 12:28 PM

حسبنا الله ونعم الوكيل في كل من كان السبب في موت هؤلاء الأبرياء..

سندس الربيع

05-11-2008, 05:10 PM

ياجماعة باختصارشديد موضوع الضرب لن يعالج من جانب واحد ولابد ان يكون هناك بديل يحفظ للمعلم كرامتة ويحفظ للطالب حقة فهناك طلاب في الاعدادي يقومون بشتم المدرسين ولذلك لابد من وجود رادع للطلاب الخارجين عن النظام ولذلك فانني اقترح وجود غرامة مالية علي ولي الامر الذي يتكرر من ابنه السلوك السيء كغرامة الغياب وبالتالي يكون هناك رادع للطالب ذي السلوك السيء وعندها نحاسب المدرس الذي يستحدم العنف لانه ليس من المعقول ان نطالب المدرس بعدم استخدام العنف ثم نترك الطالب يسب ويلعن المدرس وكذلك ولي الامر الذي يدخل المدرسة ليضرب المدرسوانا اكرر اننيضد العنف ولكن لابد من دراسة الاسباب من الجانبين حتي يتم معالجة الموضوع

LATICS FAN 2008-2009

05-11-2008, 06:34 PM

ليه اللى بيحصل دا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يسري رمضان محمد

05-11-2008, 11:53 PM

سيدي العزيز انا مدرس ثانوي واشاهد العجب في المدارسولي وجهه نظر في العنف ف المدارس.تلومون المدرس علي عنفه مع الطلبه و لم يسال اي احد لماذا يلجا الادرس لهذا .من وجهه نظري هناك العديد من الاسباب
1-ثقافه العنف السائده في المجتمع
2-انشغال الاسره عن الاولاد وعدم التواصل مع المدرسه
3-عدم تفعل دور الاخصائي الاجتماع او النفسي في المدرسه
واقدم بعض الاقتراحات للحل
:اولا يتم وضع اطار لحدود التعامل بين المدرس و الطالببمعني اذا اراد معلم عقاب طالب بيستدعي الاخصائ الاجتماعي الذي يقوم باستدعاء ولي امر الطالب ولا يسمح بدخول الطالب دون ولي امره.واذا تكرر خطا الطالب يتم فصله لمده محددهوهم من كل هذا الخصائي النفسي في المدارس هو اقدر علي التعامل مع الطلبه وخاصه طلبه الثانويوبالنسبه للمدري يتم عمل لقاءلت دوريه لتعريفه بطرق التعامل الصحيحه.ومن يصر علي الضرب يتم التدرج في العقاب مع وضع وسيله تممنه من السيطره علي الطلبه مثلا سمعنا عن وجود العسكريه في مدارسنا في الماضي لماذا لا تعود مره اخري فمن ناحيه يشعر الطلاب بخشونه الحياه العسكريه ومن ناحيح اخري نفرض النظام في المدارس

seeramazen

07-11-2008, 10:12 PM

اولا: انا لله وانا اليه راجعون
ثانيا:ياجماعة لازم ننظر لبناء الكيان التعليمى من قاعدته الهرمية بمعنى انه لازن نوفر للمدرس اللى درس مواد تربوية 4 سنوات مجال ودورات تدريبية بأجر لتقويمه وتذكيره بما يجب ان يتعامل به مع تلاميذه
ايضا يجب ان ننظر للمدرس على انه انسان يعيش ويعول اسرة وله حق فى الحياة مثله مثل كل انسان فلابد من رفع اجور ومرتبات المدرسين يعنى مدرس مرتبه 150جنيه فى حين ان متوسط ما تصرفه اسرة من 3 ابناء وام واب لا يقل عن 1000 بالشهر يبقى الرحمة مطلوبة
بعد ما ننفذ هذة الشروط يمكننا ان نواجه المعلم الذى يخطأ ونحن متأكدين 100%انه مقصر رغم ما به من نعمة
واخيرا من هنا ادعو الحكومة لمنع الضرب بالمدارس او اى عقاب بدنى يؤخر تقدم العملية التعليمية وذلك بطريقة جادة ومدروسة يعنى لو ابلغ عن مدرس مسك عصا لطالب يفتح تحقيق ويوقف عن العمل
يا جماعة دى قوانين الكرة المصرية بتحترم والدنيا بتقوم ولا تقعدش لو لاعب خالف او حكم صفر غلط:abdoog8: