حكايتى مع التعليم [الأرشيف] - بوابة الثانوية العامة المصرية

صوت الحق

28-10-2008, 05:21 PM

بسم الله الرحمن الرحيم
الحمد لله رب العالمين
والصلاة والسلام على أشرف المرسلين
سيدنا محمد وعلى أهلة وصحبة أجمعين
سوف أقص حكايتى مع التعليم بدون مجاملة ولا نفاق إذا كنا نريد أن نناقش موضوع حيوي ومؤثر يجب أن تكون الحقيقة المجردة أمامك لكى تحكم الحكم الصحيح
ولهذا سوف أحكى قصص انأ بطلها لا أخفى عليكم كم راودتنى هذه القصص أن اكتبها أكثر من مرة لكن كنت أؤجلها حتى حاء الوقت المناسب لها وطبعا أنا أقصها بأسلوب التلقائية وليس بأسلوب ادبى لأنها واقع أنا عشته ويوجد شهود أحياء إلى اليوم عليها *****
فى عام 1963 كنت بالصف الثالث أو الرابع الابتدائى
وكنت فى المدرسة التى اعمل بها الآن وكانت باسم المؤسسة وفى إثناء الفسحة وكان زمنها ساعة كاملة
فصعدت إلى الدور الثالث ( لان المدارس كلها لا تزيد عن ثلاثة ادوار وكان على السلم ترابزين حديد على منور السلم بطول أربعة أمتار وكده على ارتفاع لا يقل عن 12 م فصعدت على هذا التربزين ووقفت عليه وأصبحت امشي عليه كمن يمشى على الحبل أو السيرك وجميع طلبة المدرسة تتفرج عليه وتشجعني فدفعني الفضول إلى المشي على التربزين بظهري وأنا واقف وفعلا نفذت هذا واستمريت على هذا الوضع أكثر من ربع أو نصف ساعة لا اعلم لانى كنت مركز تركيز شديد فى ما افعله ومنبهر ومسرور بفرجة الطلبة عليه وتشجيعها لى وفجأة خرج أستاذ فاضل من حجرة المدرسين التى بالدور الثالث ولما رائني على هذا الوضع وكنت وقتها امشي على السور الحديد بظهري فأنتظر حتى وصلت إلى الحائط فطلب منى أن أمشى بوجهي مرة أخرى ونفذت وكنت مسرور جدا لانى أنفذ طلب مدرسى الغالي ولما انتهيت طلب منى أن أنزل لكى العب فى فريق فصلى وحرص على أن نغلب فصل ستة أول ونزلت من على التربزين الحديد وعندها قفز المدرس أربع دراجات السلم ومسك يدي ونزلنا إلى فناء المدرسة وضرب جرس الفسحة وتم عمل فسحة مخصوص لى وقام بجلدي فى وسط الطابور والمدرسة بكامل هيئتها من مدير المدرسة إلى المدرسين والعمال وجميع الطلبة وياريت الأمر انتهى إلى هذا بل طلعت مع فصلى الدور الثالث وظللت حصتان اجري فى الطرقة لانى قدماى تورمت من كثرة الضرب المبرح وكان المدرس الذى جلدنى فى أول الطرقة كلما وصلت إليه يضربنى لكى اجيرى ومدرس أخر فى أخر الطرقة يضربنى لكى استمر فى الجرى وكانت الطرقة بطول أربعة فصول يعنى 32 م واستمر هذا الحال طوال حصتان متتاليتان وذهبت إلى البيت بعد الانتهاء من اليوم الدراسى وقلت إلى أبى لأنه شاف مشيتي بتألم شديد فحكيت له قصة ضربى وجلدى فى المدرسة بدون أن احكي له ما فعلته اختلقت له حكاية ثانية غريبة من دماغى لكى أكون على حق أمام والدي وعندها قال أبى سوف اذهب معك غدا بإذن الله إلى المدرسة وسوف اشتكى هذا المدرس ولازم ينقل من هذه المدرسة ويأخذ جزاء كبير ولازم اجبره على أن يعتزر لك فى المدرسة أنا هعمل وأسوى فيه لازم أخليك تتفرج عليه فى الطابور غدا وذهبت فى اليوم الثانى إلى المدرسة وظللت أتحدث مع زملائى فيما سوف يفعله أبى فى الأستاذ ونقلة وحصوله على جزاء وكلى فخر بما سنفعله به اليوم امام جميع الطلبة وتم وقوفنا فى طابور الصباح وخرج أبى ومدير المدرسة إلى الطابور وكان المدرس يقف فى الطابور وتم النداء عليه وخرجت لكى أشاهد بنفسى ما سوف يتم عمله فى المدرس أمام عينى وكان القرار الذى نزل كالصاعقة وهو قرار أبى بجلدى فى طابور الصباح لأنه لم يكن موجود فى طابور الفسحة وعلى أن يقوم هذا المدرس بجلدى هو شخصيا ولا يتوقف إلا لما يأمر أبى شخصيا والجميع يتحايل عليه أن يتراجع عن هذا وهو رفض رفضا نهائيا وتم جلدى فى طابور الصباح أمام أبى وكمية ضرب أكثر بكثير مما تم فى الفسحة وتم جريى مثل الأمس فى الطرقة وعندما انصرفت من المدرسة وذهبت إلى البيت ظل أبى لا يكلمني أسبوع كامل ****
معلومة بسيطة المدرس الذى جلدني هو ابن عمتى يعنى درجة القرابة فى الأرياف رأسى برأسه *****
والدي رجل امى يقراء ولا يكتب وكان عنده كنز لا يقدر بمال جميع أمهات الكتب قرائها وخصوصا الدينية منها والتفاسير***
هذا هو التعليم الذى أنجب عباقرة المجتمع وهذه هى الأسرة التى تساند المدرسة لكى يتربى ويتعلم أبنائها فى أيد أمينه تهتم بمصلحة أبنائهم
السؤال الآن لهذه القصة
1؟ من المخطئ هنا الطالب أم المدرس؟
2: ما فعلة المدرس صح أم غلط:
3: ما فعله أبى صح أم غلط:
4: ماذا يحدث لو تم هذا فى هذا الزمان؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
المدرسة اعمل بها الآن وهى أكبر شاهد على هذه الحكاية صحيح تم الهدم والبناء لكن مازلت اكبر شاهد على هذه القصة الحقيقية

_GUIDE_

28-10-2008, 05:54 PM

M.Sherif

28-10-2008, 06:10 PM

Lost Dreamer

28-10-2008, 09:06 PM

وظللت حصتان اجري فى الطرقة لانى قدماى تورمت من كثرة الضرب المبرح وكان المدرس الذى جلدنى فى أول الطرقة كلما وصلت إليه يضربنى لكى اجيرى ومدرس أخر فى أخر الطرقة يضربنى لكى استمر فى الجرى وكانت الطرقة بطول أربعة فصول يعنى 32 م واستمر هذا الحال طوال حصتان متتاليتان

في مشهدين صعب جدا في القصه دي

الاول هو الجلد امام الطابور والدرسه كلها

والتاني الي مذكور في الاقتباس

يس ده عذاب يا مستر

بس برضه حضرتك كان ليك انفراد وسبق في الموضوع ده

انك الطال الوحيد الي اتعمله فسحه لوحده ومخصوص علشانه هههههه

بس حضرتك شايف الي حضرتك عملته يستاهل كل الي حصل ده؟؟؟؟؟؟؟؟؟

أحمد _أبوزيد

28-10-2008, 09:23 PM

أرجو أن تصل الرسالة للجميع .

نحن جميعاً نرفض العنف ضد التلاميذ فالله - سبحانه وتعالى - في كتابه الكريم يقول :" الرحمن علم القرآن " فالتعليم يكون بالرحمة ونعي ما أمرنا به سيدنا محمد - صلى الله عليه وسلم- من الرفق بالصغار .
ولكن نرفض أيضاً ما جاء في مشاركات أغلب الأعضاء من تحامل على معلمي مصر . وللحديث بقية .

سعيد نجم

28-10-2008, 10:12 PM

لا للعنف فى المدارس
و يجب تقنين وسائل الثواب و العقاب

* وزارة التربية و التعليم

هكذا قررت الحكومة أن يكون اسم الوزارة المنوطة بمهمتين خاصتين بالتعليم الاساسى

التربية اولا

التعليم ثانيا

اذن التربية مهمة تشارك فيها الوزارة ممثلة فى طاقم التدريس - تشارك فيها اولياء الامور فى تربية اولادهم خلال فترة التعليم الاساسى و التى تنتهى بالثانوية

التربية لا بد ان تشمل مبدأ الثواب و العقاب

اذا اخطأ التلميذ او الطالب فكيف يكون العقاب ؟

ما هى وسائل العقاب الممكنة فى المدارس؟

شاهدت فى أحد الافلام العربية القديمة ان العقاب فى المدرسة بالحبس الانفرادى فى غرفة مغلقة

فهل هذا أفضل من الضرب غير المبرح ؟

هل العقاب يكون بالخصم من درجات أعمال السنة ؟

هل العقاب يكون بالوقوف بجانب السبورة مع رفع اليدين حاملا شنطة المدرسة لمدة حصة كاملة؟

هل العقاب يكون بالطرد خارج الفصل طوال الحصة؟

هل العقاب يكون بالفصل من المدرسة عند تكرار الخطأ وبعد التنبيه عدة مرات؟

اذا منعنا الضرب فى المدارس يجب تقنين وسائل العقاب الاخرى

يجب ان توفر الوزارة صلاحيات للمدرس لكى يؤدى مهمته التربوية و التعليمية على خير وجه و هذه الصلاحيات هى وسائل يستخدمها المدرس فى تربية النشء مع تدرج شدتها حسب شدة الخطأ

جميع امثلة وسائل العقاب التى ذكرتها لن تسلم من النقد و توجيه الاتهامات للمدرس حتى فى حالة تقنينها

المدرس بدون صلاحيات لا يجب ان نحمله مسئولية التربية بل و التعليم فلن يستطيع توصيل المعلومة للطلبة ..

bosy .. mostafa

29-10-2008, 12:00 AM

صوت الحق

29-10-2008, 12:53 PM

يجب قبل أن تقراء هذا الموضوع أن تقراء هذا الأول لان الأب يتكرر للمرة الثانية فما العلاقة بين الوالدان فى هذا الموضوع؟
http://www.thanwya.com/vb/showthread.php?t=82803
ونواصل فتح الموضوع مع حكايتى مع التعليم وهذه القصة وأنا ولى أمر حتى لا يكون الموضوع رد أحداث فقط بل وجود قصة أنا بطلها طالب وأخرى مدرس وغيرها ولى أمر وهذا الموضوع وأنا ولى أمر وبطل هذه القصة عضو معكم الآن بالمنتدى وهو على أبنى الوحيد على البنات ومشترك بالمنتدى بعضوية الأهلاوى 2007 وتستطيع أن تسأله عن هذه الحكاية**** فى العام الماضى وفى نصف العام الدراسى الأول فوجئت بألم فى ذراع على الأيمن وعندما سألته قال الأبله ضربتنى عليه فتناولنا الغذاء وذهبا إلى مستشفى الجامعة ببنها ودخلنا قسم العظام فكشف الدكتور عليه وطلب عمل أشعة على ذراعه الأيمن وبعد عمل الأشعة والذهاب إلى الدكتور مرة أخرى وجدنا كسر بذراع على فسئل الطبيب عن ما حدث قلت له الأبله ضربته عليه فقال ماذا ستفعل قلت له سوف نجبس ذراعه قال هل ستعمل تقرير بهذا قلت لماذا ممكن أسألك سؤال وهذا موجه للطبيب الذى بالمستشفى قال تفضل قلت له المدرسة ضربته لماذا مش من أجل علامة وتعليمة قال نعم قلت له أولا لا يوجد أى خلاف بيننا وبين أسرة المدرسة حتى نقول أنها تقصد هذا والحمد لله علاقة الأسرتان فى أحسن الأحوال فأن ما حدث كان من أجلا مصلحة أبنى لكى يتعلم وهى لا تقصد الإيذاء لهذه الدرجة الصدفة هى التى جعلت الضربة تكسر الذراع فانا أرفض عمل اى تقرير نهائيا مهما كانت الحالة وذهبت إلى المدرسة فى اليوم الثانى وللأسف وجدت المدرسة غائبة خوفا من رد فعلى والحكايات التى تتداول بين الجميع بعمل التقارير وخلافة ودخلت إلى مدير المدرسة لكى اسئل عن المدرسة فقال هى غياب اليوم وأنا عرفت ما حدث إلى ابنك وحقك سوف تحصل عليه ونحن زملاء وتفضل بالجلوس لكى نحل هذا الموضوع فقلت له لن اجلس إلا لما تكون المدرسة موجود عاوز تبلغوها هذه الرسالة فقط هى غلطت لما غابت هذا اليوم وعليها تكسر وأنا أداوى ولا تخف من اى شيئ مهما كان وأنا معها فيما فعلت ولا تخف نهائيا فكانت النتيجة أن جاءت هى وأبن عمها زميلي فى العمل وتأسفت لى أنها لا تقصد الضرب لهذه الدرجة فرفت تأسفها وقلت لها لا يوجد أسف نهائيا افعلي ما تريه فى مصلحة أبنى مهما كان وأنا دائما معاكى فى جميع الأحوال ولم تكتفى بذلك فكانت قصت الحكاية إلى زوجها بالأمس فوجئت بها وبزوجها تأتى إلينا فى المنزل وتشرب الشاى وتتأسف إلى أم على فرفضت أم على تأسفها وقالت لها بالحرف الواحد ولا يهمك إن عمل أى شيئ كسرى دماغه وأنا المسؤلة أنتى تعلميه لا تخلصي تار بايت فلو أهمل الواجبات أو الدروس عاقبيه وكل هذه الأحداث أما على صاحب القصة** معلومة للجميع على لم يكن المقصود بالعقاب فى هذه الحصة بل الطالب الذى بجواره فأفلت الضربة فنزلت على يد على يعنى هو لم يفعل اى شيئ نهائيا
لعلم الجميع المدرس يريد فى المقام الأول مصلحة الطالب حتى يستطيع أن ينفع نفسه فى المقام الأول والأخير***
السؤال
1: ما هو موقف ولى الأمر من هذا الموضوع؟
2: هل ما فعله الأب كان صح أم غلط ؟
3: هل الأسرة أخذت حق ابنها أم أهملت فى هذا الحق؟
4؟ ماذا يحدث لو تم عمل تقرير لهذا الموضوع ؟

صوت الحق

29-10-2008, 01:06 PM

الزمن بيتغير يا استاذ عصام

صدقنى اللى حصل ده من 40 سنة لو حصل الان
كان زمان المدرس ده اتحبس
وانتا بقيت مشهور وصوركفى الجرايد
بس عمتا كل عصر وليه اوان
هضرب مثال بسيط بينا وبينكم

افتكر ان حصلى تقريبا نفس الموقف وكنت فى 5 ابتدائى بس مكنتش بمشى على السور
كنا بنضرب بعض بالشنط فى الفصل
يومها محستش غير بجلدة على دماغى
تانى يوم والدى راح معايا المدرسة دخلت الفصل
ومسمعتش غير صوته بره
بعدها بربع ساعة لقيت المدير والاستاذ بتاع الرياضة جايين يقولولى
معلش والاستاذ بيعتذرلى افتكر كان اسمه استاذ اسامة
اللى عايز اقوله ان ثقافة التهذيب والضرب فى المدارس بقيت مرفوضة
لان التعليم مش بالمجان
يعنى اى طالب حاليا بيروح المدرسة بيروح علشان يقضى وقت
وكل اللى بيستفيده بيستفيده من الدروس وهنا بيقل المدرس فى نظره
لان المدرس اصبح بيهتم بالمادة قبل كل شىء فى نظر الطالب
واصبح اعتقاد الطالب انه هو اللى ليه فضل على المدرس لانه بيجى اول كل شهر
يديله فلوس الدرس ده بجانب ان فيه مدرسيين بيهينه انفسهم ويتحيله على الطلاب
علشات يخده عندهم دروس
حاجات كتير جدا وعوامل اكتر خالت علاقة الطالب بالمدرس والعكس علاقة منفعة متبادلة
ليس اكثر

شكرا على القصة دى بالمناسبة انا اضيقت منك اوى علشان كل ده حصلك وسكت

انا لو كنت مكانك كنت ................... الاتنين والد حضرتك والمدرس :d

أنا هسيب الأقتباس كما هو لكن سوف اتناول الجزء البسيط اللى فوق الزمن هو الزمنولم يتغير الزمن ولن يتغير نهائيا لان رب العزة يقول لا تسبو الدهر فأنا الدهر وهذا تأكيد بان الومن لا يتغير نهائيا****
الذى يتغير البشر وعقلية البشر وفهم البشر
كل ما تراه الان بأنه قسوة وقتل للطفولة واشاء لا نعرفها
المفاجئة للجميع بأن جميع الطلبة كانت تحب مجموعة المدرسين وخصوصا مدرسين الابتدائى الى اليوم حب جارف لا يضاهية اى حب واحترام الى اليوم انا فى هذا السن لا ادخن سجائر اما مدرسى الفاضل مدرس الابتدائى وهو حيا يرزق الى اليوم

صوت الحق

29-10-2008, 01:09 PM

المخطئ : الطالب طبعا
ما فعله المدرس عين العقل ... برغم ان الضرب الان ممنوع زي ما بيقولوا
أبوك فعل عين العقل برضو ...أب فاضل بارك الله لك فيه
لو تم هذا في هذا الزمن المدرس لا مؤاخذة هيتنفخ
وهيطلع في تسعين دقيقة مع معتز الدمرداش
واحتمال في العاشرة مساءا
بعنوان ( المدرس الذي قتل البراءة في قلب طفل!!!!!!) وحسبنا الله ونعم الوكيل

وشكرا علي الموضوع الأكثر من رائع وبارك الله فيك وفي عمرك وفي وقتك
أؤيد هذا الكلام لانه بنظرة العقل لو تركنى الاستاذ ووقعت وانتهى الحال بالوفاة وده شيئ اكيد فمن المخطاء هنا ؟
عقاب المدرس لى المقصود به رد كل من تسول له نفسه على فعل هذا الامر*****وليس المقصود به الطالب نفسه صاحب الفعل
اتمنى ان يصل المغزى إلى الجميع

صوت الحق

29-10-2008, 01:12 PM

في مشهدين صعب جدا في القصه دي

الاول هو الجلد امام الطابور والدرسه كلها

والتاني الي مذكور في الاقتباس

يس ده عذاب يا مستر

بس برضه حضرتك كان ليك انفراد وسبق في الموضوع ده

انك الطال الوحيد الي اتعمله فسحه لوحده ومخصوص علشانه هههههه

بس حضرتك شايف الي حضرتك عملته يستاهل كل الي حصل ده؟؟؟؟؟؟؟؟؟
أولا هذه ليس قصة بل واقع انا عشته وشاهد عليه
من قال هذا الكلام بأنه تعذيب لماذا لا نسمية حب وخوف على حياتى وحماية كل التلاميذ من فعل مثل هذا العمل****
الاب عندما يطلب منه أبنه طلب فيقول له لا اصبح لا يحبه من وجهة نظر الابن لكن من وجهة نظر الاب يكن له كل حب وعطف ورحمة

صوت الحق

29-10-2008, 01:16 PM

لا للعنف فى المدارس

و يجب تقنين وسائل الثواب و العقاب

* وزارة التربية و التعليم

هكذا قررت الحكومة أن يكون اسم الوزارة المنوطة بمهمتين خاصتين بالتعليم الاساسى

التربية اولا

التعليم ثانيا

اذن التربية مهمة تشارك فيها الوزارة ممثلة فى طاقم التدريس - تشارك فيها اولياء الامور فى تربية اولادهم خلال فترة التعليم الاساسى و التى تنتهى بالثانوية

التربية لا بد ان تشمل مبدأ الثواب و العقاب

اذا اخطأ التلميذ او الطالب فكيف يكون العقاب ؟

ما هى وسائل العقاب الممكنة فى المدارس؟

شاهدت فى أحد الافلام العربية القديمة ان العقاب فى المدرسة بالحبس الانفرادى فى غرفة مغلقة

فهل هذا أفضل من الضرب غير المبرح ؟

هل العقاب يكون بالخصم من درجات أعمال السنة ؟

هل العقاب يكون بالوقوف بجانب السبورة مع رفع اليدين حاملا شنطة المدرسة لمدة حصة كاملة؟

هل العقاب يكون بالطرد خارج الفصل طوال الحصة؟

هل العقاب يكون بالفصل من المدرسة عند تكرار الخطأ وبعد التنبيه عدة مرات؟

اذا منعنا الضرب فى المدارس يجب تقنين وسائل العقاب الاخرى

يجب ان توفر الوزارة صلاحيات للمدرس لكى يؤدى مهمته التربوية و التعليمية على خير وجه و هذه الصلاحيات هى وسائل يستخدمها المدرس فى تربية النشء مع تدرج شدتها حسب شدة الخطأ

جميع امثلة وسائل العقاب التى ذكرتها لن تسلم من النقد و توجيه الاتهامات للمدرس حتى فى حالة تقنينها

المدرس بدون صلاحيات لا يجب ان نحمله مسئولية التربية بل و التعليم فلن يستطيع توصيل المعلومة للطلبة ..

أتمنى من الجميع بأن بفكر بمثل هذه العقلية
أساس المجتمع هو الاسرة ويقع عليها الهبئ الاكبر فى كل شيئ تربية وتعليم وصحة وكل شيئ
ياريت ما تشاهدونه الان فى الشوارع وعقوقو الوالدين فى المنازل وعدم احترام الاكبر ولا الجار
من المسؤل عنه الان؟

MohammeD el_SadaT

29-10-2008, 01:18 PM

بسم الله الرحمن الرحيم
السلام عليكم ورحمه الله وبركاته

أنا بجد مش عارف أبدأ كلامى منين
وبردو مش قادر أقرر هل الضرب هو أصح طريقه ولا فيه طرق تانيه

هو المدرس اللى بيضرب ده بيضرب ليه
؟!
أكيد الرد هيبقى عشان مصلحت الطالب
طب المدرس ده ياترى مكنش قدامه غير الضرب ولا فيه طرق تانيه
؟!
أكيد الإجابه فيه طرق تانيه كتير لكن الضرب أسهلها بالنسبه له ما أنا لما أضرب الطالب تانى يوم هيجى كاتب الواجب ومذاكر بس ياترى المذاكره دى عن إقناع ولا خوف من الصرب طبعاً خوف من الضرب يبقى لو المدرس ده إتغير مستوى الطالب هيرجع تانى للصفر لأن الحاجه اللى كانت بتخوفه مشيت لكن لو من البدايه عالجنا المشكله بطريقه سليمه وفهمنا الطالب صح وقعدنا معاه وفهمناه إن ده مستقبله وإتكلمنا معاه كلام لين أكيد وصدقونى عرق الدم هينقح عليه وهيذاكر وشويه وهيرجع تانى وكمان قعده هيذاكر ومره مع مره هيتعود وهيفهم وهيبقى بيذاكر عشان مصلحته مش عشان العصايه لكن ده ميمنع إن الضرب فى بعض الأحيان لابد عنه بس ده فى الشديد القوى دا حتى الرسول وصى بالضرب من أجل العباده زى الصلاه مثلاً والعلم أكيد نوع من أنواع العباده وإلا مكنش إعتبر اللى يموت فيه شهيد

لكن فيه آيه قرآنيه بتقول
بسم الله الرحمن الرحيم
" لو كنت فظاً غليظ القلب لإنفضو من حولك "
صدق الله العظيم

يعنى نخلينا معاهم بالحسنه ونحاول على أد ما نقدر لكن لو كان فى النهايه الحل الوحيد الضرب يبقى مفيش على المدرس لوم

لكن تعالى نبص على المدرس أو المدرسه لما يدخل
يوووووووووووووووووووووووه هو ده فصل 2/2 الفصل ده زى ما يكون فيه عفريت الطالب يبقى داخل هادى ولما يجى هنه يتعفرت لكن أنا ما بحبش الصوت فى حصتى واللى هيفتح بقه عزيزه موجوده وهتكسر دماغه إنت فاهم ياد إنت وهى ولا لاء أوعو تفكرونى الأستاذ فلان لاء دا أنا مبرحمش وحزارى أسمع صوتك يا جزمه طبعاً يارتها بتيجى على أد جزمه

تعالو نبص على كلام المدرس اللى طبعاً بيتكرر فى كل فصل بهدف الترهيب
هنلاقى إنه إدى إنطباع عند الطلاب حتى لو مكنوش أشقيه يبقو أشقيه عشان هما فى فصل 2/2 اللى معروف عنه كده والطالب كره المدرس من أول كلمه الناس بتدخل تقول سلام عليكم وده داخل يسب ويلعن وإدى إنطباع عن مدرس زميل إنه ملوش شخصيه وهيخلى الأولاد ميحترمهوش
وكتير من الكلام ده بيحصل

غير إن أصلاً من البدايه حجر الأساس خطأ من أول الحضانه حتى الإعداديه
تلاقى بتاع الحضانه خيرج دبلوم تجاه وبيدرس للأطفال وهو أصلاً معندوش فكره هو بيقول إيه وشرحه مدرس الإبتدائيه اللى بيدخل يدرس للطالب من أول ماده لآخر ماده وحتى لو كان شرحه كويس الطالب هيمل ومش هيبقى فاهم حاجه وفى الآخر يقول للطلاب إنتو حمير دا أنا لو بفهم فى حجر كان نطق

وفى الإعدادى يضربو العيال على حاجات المفروض خدوها فى الإبتدائى وهما فى الأصل طالعين الإعدادى أبيض يا ورد

تطلع ثانوى هم المدرس الأول إنك تاخد عنده درس
وكل ما يدخل حصه أول كلمه بيقولها مواعيد دروسه غير الكلمه التانيه كل اللى درسته قبل كده إنساه لأنه غلط
بجد فيه كلام كتير ولو إتكلمت مش هخلص

بجد لازم قبل ما نعلم الطالب نعلم المدرس عشان يقدر يدرس ساعتها هتتحل المشكله

على رأى المثل
فاقد الشىء لا يعطيه

صوت الحق

29-10-2008, 01:20 PM

اعتقد ان الحكايه دي الطالب غلطان لإنه نقل لوالده كلام غلط و موقف والده صحيح عشان بيعاقبه على نقله الكلام الغلط
بس عقاب المدرس ليك مش يكون بالطريقه دي .. هو الزمن اتغير دلوقتي بقى الطالب هو اللي بيعاقب المدرس تقريباً :)
لو حصل ده دلوقتي كنت هتلاقي الدنيا اتهدت و وزير التعليم استقال و حاجات كتيره كده
بس اللي بيحصل دلوقتي يا استاذ عصام غير
يعني انا شوفت على قناة المحور طفل في سنه 6 ابتدائي و المدرس بتاعه بيضربه و سقطه السنه اللي فاتت عشان مش رضي يروح يمسح له الشقه و والده خاف يروح يشتكيه لإنه راجل على اد حاله
تفتكر ده عدل؟
تختلف الارائ فى هذا الموضوع
ما تراهانت او انتى عذذاب يختلف من شخص الى اخرى
جيلنا كانت تحكمة مجموعة قواعد واسس لا يستطيع اى فرد الخروج عنه مهما كان ومنه على سبيل امثال لا الحصر
1: لأأحترام وطاعة الوالدين مهما كان ***** هل هذا يحدث الان؟
2: أحترام المدرس والاسرة تساندة بكل قوتها فأصبح له هيبه نخاف منها جميعا؟ هل يحدث هذا الان ؟

صوت الحق

29-10-2008, 01:24 PM

وتدور عجلة الزمن ويتكرر الاب نفسه مع اختلاف الزمن وأسماء الاشخاص
http://www.thanwya.com/vb/showthread.php?t=82976

the black rose

29-10-2008, 01:29 PM

ياااه كل ده حصلك يا استاذ عصام
يا ترى حضرتك راضى عن اللى حصل
يعنى فعلا حضرتك غلطت بس مهما كان دى مش طريقة عقوبة
انا مش هقول الزمن بيتغير بس الناس بتتغيرو تفكيرها بيتغير
يعنى ممكن الناس كانت ترضى بكدة زمان دلوقتى لاء
احنا عندنا فى المدرسة مدرس شتم طالب الطالب حتى مقالش لوالده
ده هو قال بس للمدير و المدرس اعتزر للطالب
تخيل بقى لو ضربه :stickjo4:
اما بالنسبة لحضرتك فى الاول و الاخر المدرس كان خايف عليك
بس اعتقد انه انفعل شوية لكنك كان من الممكن تقتل نفسك
و حضرتك غلطت مرة تانية لما كذبت على والدك
انا مش عارفة كنت متوقع ايه لما يروح المدرسة ويلاقيك كنت بتكذب عليه :abdoog8:
بس والدك كان معاه حق لما حضرتك كذبت عليه
هى العقوبة كانت قاسية شوية
لكن انا عندى الكذب جريمة لا تغتفر

تقبل مرورى :)

سندريلا العراق

29-10-2008, 01:42 PM

dr.zomba

29-10-2008, 01:51 PM

1: ما هو موقف ولى الأمر من هذا الموضوع؟
موقف ولي الامر يجاوب عليه ولي امر
2: هل ما فعله الأب كان صح أم غلط ؟
والله يا استاذ عصام مش عارف بس المفروض اني بروح المدرسة اتعلم مش اتعذب
3: هل الأسرة أخذت حق ابنها أم أهملت فى هذا الحق؟
بس كان علي الاقل عتاب بسيط بينكم وبين بعض
4؟ ماذا يحدث لو تم عمل تقرير لهذا الموضوع ؟
مش عارف اذا كانت المدرسة او الادراة كانت هتجيب للطالب حقه ولا لا بس شايف انه لو كان عتاب ولو بسيط حتي

طب انا هحكي لحضرتك عن حاجة

كان في مدرس دين بستني للطالب اي كلمة عشان يضربه بالجلدة يعني مره طالب بيقوله: يا استاذ اللي قاعد جنبي بيقولي ( مش فاكر بصراحه كان ايه سؤاله بس كان بيسال سؤال في الدين )
قاله : افتح ايدك واداله جلدتين تمام وقاله لما يعوز يسال يسالني طب مش كان يعمله براحه ليه الضرب
وحاجات كتير زي دي كان مابيصدق ان حد يساله عشان يضربه وكان بينزلنا المكتبة ويدينا كتب نقرأها ويخلي كل واحد يقوم يقرأ اللي يغلط في حرف واحد يضربه كل حرف بضربه
دا تعذيب ولا مش تعذيب ؟ وصل لدرجة ان محدش بقي بيطيقه وبقينا عمالين نفكر نعمل فيه مقلب عشان نجيب حقنا بس مش رضينا وخلصنا السنه واحنا بنكره الراجل دا ولحد دلوقتي

ومره مدرس زراعه كان بيدخل في الحصص ومعاه طلبه يبيعوا تمر وعصير برتقال وسوبيا ودخلنا في حصة رسم
وكانت المدرسه موقفه الطلبه اللي مجابوش كراسة الرسم وانا كنت منهم واتضربت وخليتنا نتزنب لاخر الحصه وخلاص المدرس دا داخل بيقولها :عملوا ايه دا يا ابله
قالته مجابوش كراريس الرسم قالنا اطلعولي برا ( عند السبوره يعني لاننا كنا متزنبين في مكانا ) وفضل يكملنا بالراحه ويقولنا يعني ينفع كدا يارجاله متجيبوش الكراريس عيب ومش عيب وعموما الوحدة المنتجة بتبيع كراريس الرسم ( اللي هو ماسكها ) وهبعتلكوا عيال يجيبوا تشتروها منهم

راحت انا قولتله: طب واللي عنده كراسه ونسيها في البيت
قال: اااااااااااااه لا اللي عنده ومجبهاش يطلعلي برا بقي وهاتي يا ابلة العصايا
هي قالته : ما انا خلاص ضربتهم قالها :معلش هاتيها
وكنت انا اول استفتاح 6 عصيان والعصايا تنكسر علي ايدي انا ساعتها عيطت بس مش عشان الضرب عشان صعبت عليا نفسي اني انضرب ظلم

وروحت البيت وحكيت لولدتي وتاني يوم جاتلي هي وخالي وبصراحه المدرسه اتقلبت فوق دماغه
وبعتولي يواجهوني بالمدرس لما بيقولي انا ضربتك كام عصايا يا ابني قولتله 6 قالي 6 لالالا هما اتنين قولتله الفصل كله شايف راح ساكت
وطلعت الفصل
مفيش 10 دقايق ربع ساعه ولقيته طالع بيقول كل واحد اشتري وعايز يرجع الكراسه يرجعها دلوقتي الفصل كله رجعهاله إلا اتنين او تلاته

ايه راي حضرتك في دول بقي؟

سندريلا العراق

29-10-2008, 02:01 PM

اريد فقط ان اضيف تعقيب بسيط على كلام الاخ اسلام - جايد-

والي هو بما معناه ان زمان كان المدرس له هيبه و وقار

ليس نحن من جردنا المدرس من هذه الهيبه بل هو من فعل

هو من سحب بساط الاحترام من تحت قدميه

بتهافته الى الدروس الخصوصيه وابتعاده عن الضمير في اداء واجبه في المدرسه

وبامكانية تشويه صورة اي مدرس ممكن ان ينافسه على طالب في الدرس

ياليتنا في زمان المدرس الذي كان معلم ياليت

صوت الحق

29-10-2008, 02:28 PM

اولاَ: احيي شجاعتك استاذ عصام واحي امانتك في نقل القصه

اما بالنسبه للموضوع .... االقصه غايه في الروعه

وابطال القصه ثلاث مواقف

الموقف الاول : موقف الاستاذ في اول ولهه

لم يصرخ في وجه الطفل ولم يرعبه في البدايه ولم ينوه عن اي عقاب

بل قال له انزل كي تلعب من رفاقك وهنا نلمس ادراك المعلم

ومدى ذكاءه وفطنته لانه لو كان صرخ في وجه الطفل

وانا اجزم لو ان كان صرخ في وجه لكان ارتعد الطفل واهتز من الخوف وسقط حتماً

والموقف الثاني هو موقف الطفل حين عاد الى البيت واختلق اكذوبه

وعاد الى الطلبه يتفاخر بأنه سيأنب المعلم و يرغمه على الاعتذار

وهنا نرى ان الطالب لم يكن مختلفاً قبل 40 عاما بل كما هو اليوم

يتحامل على المدرس رغم علمه بانه هو المذنب بدليل كذبه على والده

الا انه بنفس الوقت اراد تذنيب المدرس و فرح وتفاخر بما سيقومه والده من معاقبة المعلم

الموقف الثالث هو البطل فعلاً لان هنا يظهر ما غيرته الايام بالانفس

موقف الوالد وياله من والد جليل فعلا اب كريم و مربي فاضل

حين علم الحقيقه قرر اعادة العقاب على الولد كي يعلمه عدم الكذب

ويعلمه ايضاً عدم تكرار ما فعل

ولكن هل العقاب مطلوب ان يكون بهذه الوحشيه؟؟؟

هل مطلوب ان يكون العقاب جلد وساعتين من الركض المتواصل

اوافق على ضربه امام الجميع وهذا لان الجميع اعتبره بطل

وليس بعيد ان يقلده كل يوم واحد من الاطفال

وضربه امام الجميع يردع الباقي ويبين لهم انه مخطأ وليس بطل

لكن هل من المنطق ان يتركوه يركض ذهاباً واياباً في ممر 32 متر مدة ساعتين؟؟؟

هذا الموقف يخلو من الرحمه خلو تام لو لم يكتف المدرس بضرب الولد امام الجميع

بأمكانه ان يحرمه من الفسحه او كما قال الاخ سعيد من قبلي يحبسه في فصل منفرد

او اي عقاب آخر على ان يكون عقاب نفسي لا جسماني

شكراً لحضرتك اوي ولي عوده للتعقيب على رأي بعض الزملاء

الموضوع مفتوح للنقاش وتكرر فى الرد السابق
مع كل هذا كنت أحب هذا الاستاذ وجميع المدرسين ولم ارى اى فعل بوحشية نهائيا
ليس دفاعا عن المدرس وعندما يدور الزمن وتكون فى نفس سنى سوف تعرف هذا الكلام
يكفى ان اغلب بل جميع هذه الاجيال مازلت توقر الوالدان بسبب مجموعة المدرسين ولم يجراء واحد من هذه المجيل ان يعق الوالدين كمان نرى الان
الدروةس الخصوصية كانت موجودة بسى بأسلوب غيرهذه الايام
وعند قصى الحكاية الثالثة سوف تعرف هذا***
ليت يعود هذا الزمن الجميل الذى كان أساس كل شيئ فيه المحبة والاخلاص والأحترام بين الجميع ويكفى أننا نشائنا على افضل مقولة فى هذه الدنيا
اللى ملوش كبير بيشترى له كبير
معنى هذا الكلام كنا نعيش فى العائلة وليس الاسرة حتى يومنا هذا الاولاد تطلق على بيت العائلة البيت الكبير وما زلت احتفظ بشقتى به الى الان كلنا مع بعض فى جميع المناسبات والاعياد
الحياة بسيطة وسهلة للجميع غير هذا الزمن أقصد الجيل

صوت الحق

29-10-2008, 02:34 PM

لا تعليق
كسبت احترام الجميع كالعادة
طب قصد حضرتك ايه؟
ان البداية تيجى من ولى الامر ؟
وهل كل اولياء الامور هكذا ؟
وهل حضرتك عامل دعوة لرجوع الضرب للمدارس ؟
الموقف ده حضرتك اعترفت بالصدفة
ماذا يضمن لنا ان الضرب فى المدارس غرضه المصلحة فقط
حالة حضرتك استثناء
أنا لا ادعو الى العنف نهائيا ولا احب الضرب بل اقصد التصرف السليم فى الازمات فقط
وطالما ننقاش موضوع يجب ان يكون حقيقة لكى نحكم عليه
الى اليوم لم اضرب ابنى ولا ابنتى قلم واحد فى البيت
ارفض الضرب للضرب بل اؤيد الضرب لمنع شر او كارثة محققة فى جميع الاحوال مش للطالب فقط
ده موضوع عام للنقاش والتعليم فقط المثال لكن لو نظرنها سوف تجدها فى جميع الاحوال والميادين ده مثال فقط
لا للعنف نعم للتهذيب والتربية السليمة

صوت الحق

29-10-2008, 02:40 PM

بورسعيدى

30-10-2008, 03:15 AM

يا استاذ عصام

قصة جميله تذكرنا بالزمن الجميل

انا الى الان لى مدرسين اكتر من اصحابى وكانوا يضربونى ولكن لم اكرههم يوما

و الى الان اراهم واعناقهم وتجمعنا روح المحبة والذكريات الجميله

انا عن نفسى مش ضد الضرب اذا كان فى مصلحة ابنى او فى مصلحة الطالب عموما

يعنى المدرس الى ضرب حضرتك .............. ضربك ليه ؟؟؟
لانه خايف عليك
كان فى احتمال كبير انه يختل توازنك وتقع من ثالث دور وتبقا كارثة محققه
مش كده والا ايه ؟
المدرس جلدك تمام وعذبك فى الطرقة لمدة حصتين كاملتين
انا موافق لان ضربه لك كان له عدة اهداف
اولا خوفه على حياتك
ثانيا ضمان عدم تكرارك لهذه الاعمال الخطيرة جدا
ثالثا اسلوبه فى الضرب من المستحيل ان يحدث لك اى اصابات غير الالم فقط علاوة على العامل النفسى والاهانا امام جميع المدرسة
كل هذا كان من اجلك
ورغم كل هذا التعذيب إلا انه لم يعرض حياتك للخطر
علاوة على عدم كرهك لهذا المدرس رغم مافعله بك من ضرب واهانة
ولكن استاذى الفاضل الضرب ( بالشلوط) يعرض حياة التلميذ للخطر
وهذا غير وارد بالمرة فى القانون بين التلميذ والمدرسة
وهذا ماحدث فى الايام الاخيرة
والمدرس لم يكن حريص مع تلميذة مثلما حدث معك
وهناك ايضا اساليب ملتوية لبعض المدرسين للضغط على التلاميذ للحصول على دروس خصوصية
منها الضرب والتعقيد والتهديد باعمال السنة الخ الخ
وهذه الاشياء لا تخفى علينا جميعا
شكرا لك استاذى الفاضل
واكيد انا متابع للقصة والمناقشة

o_a_m

30-10-2008, 02:56 PM

طبعا اولياء الامور لهم دور فعال
شكرا على الموضوع

بورسعيدى

31-10-2008, 06:34 AM

استاذ عصام هل يوجد احداث تانية تحب تضيفها؟