مشاهدة النسخة كاملة : إصابة ١٥ تلميذاً ضربهم مدرس بـ«المقشة»..
_GUIDE_ 29-10-2008, 12:36 PM بسم الله الرحمن الرحيم
الطالب اسلام http://media.gazayerli.net/photo.aspx?ID=90042&ImageWidth=240
أصيب ١٥ تلميذاً وتلميذة في مدرسة عزبة توما التابعة لإدارة شرق المحلة التعليمية في الغربية، أمس، بإصابات وكدمات في اليدين والفخذين، بسبب تعدي مدرس بالضرب عليهم باستخدام «يد المقشة»، لإحداثهم حالة من الهرج والمرج في الفصل، تم نقل التلاميذ إلي مستشفي العام بالمحلة للعلاج، وتحرر محضر بالواقعة قيد برقم ٣٠٦٠٢ جنح مركز المحلة، وتولت النيابة التحقيق.
في غضون ذلك، قررت نيابة الإسكندرية حبس هيثم نبيل عبدالحميد، مدرس الرياضيات المتهم بقتل التلميذ إسلام عمرو بدر، بسبب عدم أدائه الواجب المدرسي.
ففي الغربية، تلقي اللواء رمزي تعلب، مدير الأمن، بلاغاً من المستشفي العام بوصول ١٥ تلميذاً وتلميذة مصابين بكدمات مختلفة في أنحاء متفرقة في الجسم، وتقرر خروجهم بعد تلقيهم العلاج، فقرر تشكيل فريق بحث لكشف أسباب الواقعة، خصوصاً بعد تلقيه إخطاراً بتجمهر عدد من الأهالي أمام المدرسة يحاولون الفتك بمحمد السيد عبدالفضيل، مدرس بنظام التعاقد.
وأكدت تحريات الرائد محمد الكردي، رئيس مباحث مركز المحلة، أن المدرس تم تكليفه من قبل الناظر بدخول الفصل حصة احتياطي لمنع الهرج والمرج، إلا أن التلاميذ لم يستجيبوا لنداءاته بالتزام الهدوء فضربهم بيد المقشة.
وقررت النيابة إخلاء سبيل المدرس بضمان محل إقامته، واستدعاء ناظر المدرسة والتلاميذ لسماع أقوالهم اليوم، وطلبت تحريات المباحث حول الواقعة، فيما قرر المحافظ اللواء عبدالحميد الشناوي، إنهاء التعاقد مع المدرس، ونقل مدير وناظر المدرسة إلي خارج الإدارة، لفشلهما في إدارة المدرسة وإهمالهما في الإشراف علي العملية التعليمية.
وفي الإسكندرية، وجه المستشار أحمد محمود، رئيس نيابة المنتزه، مساء أمس الأول، تهمة القتل إلي هيثم نبيل عبدالحميد، مدرس الرياضيات، وقرر حبسه ٤ أيام علي ذمة التحقيق، كما أمر بدفن جثة الضحية واستدعاء طبيب «مركز القدس الطبي» لسماع أقواله، فيما ورد في أقوال ولي أمر التلميذ.
وشيعت أسرة الطفل جثته إلي مثواه الأخير أمس، وسط بكاء وعويل أهله وزملائه الذين لم يصدقوا أنهم لن يروه مرة أخري.
وقال عمرو بدر إبراهيم، والد الطفل، إنه تلقي اتصالاً من والدة أحد زملاء إسلام في المدرسة، طلبت منه التوجه إلي مستشفي شرق المدينة، لأن إسلام تعب ونقلوه إليه، وعندما ذهب فوجئ بأكثر من ٧ مدرسين فأدرك أن «الموضوع فيه شيء»، فطلب رؤية نجله، إلا أن إدارة المستشفي رفضت بدعوي أنه في العناية المركزة، مؤكداً أنه عندما رآه بعد فترة وجده ميتاً لكن الأطباء أكدوا له أنه حي.
وأضاف الأب: أخبرني البعض أن مدرس الرياضيات اعتدي علي نجلي، وأنه تم نقله إلي مستشفي القدس قبل نقله إلي شرق المدينة، فتوجهت إلي مستشفي القدس، حيث أخبرني طبيب يدعي أحمد إبراهيم بأن إسلام وصل المستشفي بعد وفاته، فطلبت منه أن يشهد بهذا الكلام أمام النيابة، فوافق شريطة أن تستدعيه النيابة رسمياً، مؤكداً أنه لن يترك حق نجله أبداً مهما كلفه الأمر ولن يترك دمه يذهب هدراً.
واتهم الأب مستشفي شرق المدينة بالإهمال، بعد أن كتب أحد الأطباء تقريراً مبدئياً قال فيه إن عضلة قلب إسلام توقفت وأنه في غيبوبة، لافتاً إلي أنه وجد في ظهر نجله ٤ كدمات و٣ خرابيش، لم تثبت في التقرير.
ونقل الأب عن زميلي نجله عبدالوهاب، جمعة وإسلام طارق في شهادتيهما، أن المدرس ضربه بالعصا وبـ«الشلوت»، فوقع علي الأرض فأكمل ضربه حتي مات.
من جانبه، وصف جمال معوض، وكيل أول وزارة التربية والتعليم بالمحافظة، ما حدث بأنه «مؤسف جداً»، لافتًا إلي أن الضرب مرفوض «شكلاً وموضوعاً»، وقال إن المدرس المتهم يعمل منذ ٣ أشهر فقط، والمديرية لا يمكنها التدخل حالياً لوجود القضية في النيابة.
وقال الدكتور محمد السمرة، رئيس لجنة التعليم في مجلس محلي المحافظة، إنه هو الذي سلم المدرس إلي الشرطة بعد تلقيه اتصالاً من المدرسة بالواقعة التي وصفها بأنها جريمة بشعة لا يمكن قبولها إطلاقاً.
وأعلن مصطفي محمد، عضو مجلس الشعب عن دائرة المنتزه التي تتبعها المدرسة عن عزمه، تقديم سؤالين إلي الدكتور يسري الجمل، وزير التربية والتعليم، والمستشار ممدوح مرعي، وزير العدل، حول الواقعة، موضحاً أن الهدف من مساءلة الثاني هو ضمان محاكمة عاجلة للمدرس، متهماً الوزارة بالموافقة علي عقوبة الضرب، مما يؤدي إلي معاقبة من يلجأ إليها من المدرسين.
Travel 29-10-2008, 12:42 PM بسبب تعدي مدرس بالضرب عليهم باستخدام «يد المقشة»
هو التسيب بقى كده خلاص
وصل لمنتهااااااه
ولسه يا بلد
دى مش اول حالة تعدى على طلاب بالمنظر ده
(بس جديدة حكاية المقشة دى)
المرة الجاية هيفك الشجرة ويضربهم بيها:romarioxp6:
MohammeD el_SadaT 29-10-2008, 12:52 PM كل ده حضل عندنا وأنا معرفتش غير من هنه أنا حاسس إنى عايش فى محافظه تانيه
بجد اللى بيحصل ده تسيب
وبعدين دول شكلهم أطفال خالص يعنى
خليه كان يدخل كده على طلاب ثانويه عامه دا لو لقاهم أصلاً فى الفصل ويقول لواحد قوم أوقف
بجد من أسباب فشل التعليم فى مصر
أول
حاجه الضرب
تانى حاجه
عدم التخصص تلاقى المدرس من دول يمسك الطلبه من الأولى للأخيره يديهم كل المواد العيال تخرج مش فاهمه أى حاجه
كان عندى مدرس يقولك مش الحكومه منعت الضرب أنا مش هضربك أنا هكهربك أهو المدرس ده لو عدى من قدام سور الثانويه العامه أنا حاسس إن العيال ممكن تخطفه
يلا بجد أنا دمى إتحرق
ahlyhadid 29-10-2008, 12:52 PM معظمنا انتقد المدرس,طيب المدرس كان المفروض يعمل ايه؟احنا كلنا نتفق ان الضرب ممنوع سواء باليد بالعصا او باى حاجه,بس المدرس مينفعش يقف ساكت,كان ممكن يطردهم بره الحصه,يوقف الطلبه اثناء الحصه,او يقعد ساكت لحد ما الطلبه يسكتوا,او هوه يسيب الحصه
**تسابيح** 29-10-2008, 12:53 PM بجد مهزلة منتشرة ف البلد
هم مش منعوا الضرب دا
هو الاستاذ دا ف العصر الجاهلي
وبعدين حتي لوهيضربه يضربه بالمقشة
ربنا يهدي الجميع
الاستاذ اللي ضرب 15 طالب بيقول معاه
ماجستير ودبلومه ازاي دا ؟؟:stickjo4::stickjo4:
كاد المعلم ان يكون رسولا
المعلم اللي الشاعر بيقول عليه نسبه قليلة جدا
اللي موجودة
** MR.SmilE ** 29-10-2008, 01:01 PM هي ناقصة كمان ا15 طفل
بجد بيصعبوا عليا الاطفال دول
يعني عشان ما يعملوش الواجب
لازم يتحكم عليهم بالاعدام او بالاعمال الشاقة!!!!
مين اللي اعطي المدرسين اساسا الحق في ايذاء الطفل
العيب مش فيهم
العيب في المجتمع اللي ما بقاش في قوة تحكمه
غير العصاية ( والمطواة)
يلا قلبت علينا المواجع تاني يا اسلام
بس مش مشكلة
في امان الله
Golden Eagle 29-10-2008, 01:02 PM " أمر مؤسف "
هو ده اللي ربنا قدره عليه
لما واحد يموت و 15 إصابه يقولي أمر مؤسف ؟؟؟؟؟؟؟؟؟؟؟؟؟؟
أمال هيتحرك إمتي ؟؟؟؟ يعني إيه اللي يحصل أكتر من الموت علشان الجمل يتحرك ؟؟؟؟؟؟؟
و كمان بيضرب أطفال و كل ده علشان ما عملش الواجب
أكيد لما قتله قتله علشان مصلحته
و الله أنا مخي وقف عن التفكير مش عارف أكتب إيه غير
حسبي الله و نعم الوكيل
Sharp Nails 29-10-2008, 01:17 PM ياعينى طب ازاى يعنى الولد مات
وسابوا المدرس دة
انا لو من مامته كنت قتلت المدرس دة
والى يحصل يحصل
amr_2010 29-10-2008, 01:23 PM والله لو حصلت عندنا في المدرسه ودي استحاله لان الاساتذه بتخاف من الطلبه
والله حاجه من الاتنين يا اما الطالب هياكل الاستاذ علقه وضربه زي ماضربه يا اما يستناه هو واصحابه بره المدرسه بالمطوه ومية النار
يعني لازم الطالب يتمرن علي الضرب كويس ويبقا قليل الادب علشان يعرف يوقف المدرس عن حده
abohazem 29-10-2008, 01:49 PM معظمنا انتقد المدرس,طيب المدرس كان المفروض يعمل ايه؟احنا كلنا نتفق ان الضرب ممنوع سواء باليد بالعصا او باى حاجه,بس المدرس مينفعش يقف ساكت,كان ممكن يطردهم بره الحصه,يوقف الطلبه اثناء الحصه,او يقعد ساكت لحد ما الطلبه يسكتوا,او هوه يسيب الحصه
أيه الحل
الضرب ممنوع,
الطرد ممنوع,
لو وقفت الطالب فى الفصل مش هيوقف ساكت,
ما ينفعش اسكت انا وأسيب الطلبة تتكلم براحتها ,مش هيسكتوا.
لو تركت الفصل وخرجت فأنا فى نظر الإدارة والوزارة عملت جريمة.
هذا ليس دفاعا عن أي مدرس مخطئ , ويجب أن ينال جزاؤه.ولكن على أى شخص أن يتخيل نفسه داخل فصل به طلبة مشاغبين (ما اتربوش _ قليلى الأدب) ماذا يفعل.
هذا الكلام قضية عامة ليس لها علاقة بموضوع المحلة أو الأسكندرية.
ahlyhadid 29-10-2008, 02:01 PM والله دى مشكله,ايه الحل مع المشاغبين؟؟؟؟
_GUIDE_ 29-10-2008, 02:34 PM والله دى مشكله,ايه الحل مع المشاغبين؟؟؟؟
يعنى المشاغب يضرب بالمقاشة
والتانى يتقتل
طيب حت نفسك مكان والد الطالب
عمتا انا بجد لو حصلت مع حد من اولاد اخواتى
صدقنى مش بعيد افلق المدرس اتنين :)
اية عميش 29-10-2008, 02:37 PM يا سلام على التعليم في مصر
فعلا بيربي القيم و الاخلاق و بيطلع جيل و شباب تنهض بالبلد
استغفر الله العظيم و ربنا على الظالم
Travel 29-10-2008, 03:12 PM انا لسه شايفة حالا الخبر فى الجرنال
(مش بتابع اخبار)
المهم
ان واحد يموت علشان معملش واجب الرياضة
طب ازاى
!!
بقى علشان معملش الواجب ضربه على ايده
اوك
دى معروفة من زمان حكاية الضرب فى المدارس بالعصيان
بس بجامد كده
وبغباء
و يضربه فى صدره برجله
!!
والجميل بقى ان المدرس ده
المدرسة اتعاقدت معاه سنة كمان
:angry2::angry2:
ولسه يا بلد
ahlyhadid 29-10-2008, 05:46 PM يعنى المشاغب يضرب بالمقاشة
والتانى يتقتل
طيب حت نفسك مكان والد الطالب
عمتا انا بجد لو حصلت مع حد من اولاد اخواتى
صدقنى مش بعيد افلق المدرس اتنين :)
انا معاك ان مبدأ الضرب مرفوض,بس بالنسبه للمدرس يتصرف ازاى؟
البدري الفارس 29-10-2008, 06:19 PM خبر مؤسف جداااااااااااااااا
عالم بتستهبل
ومسئولين بيستهبلوا
وشوية مرضى نفسيين مطلقين على الطلبة
ايه ده ؟
مش عارف اقول ايه ؟
بس اللهم لا اعتراض
هنواجه مين ولا مين ؟
العدو الخارجى ولا العدو الداخلى ؟
أسأل الاخ ماذا تقصد بكلمة مرضى نقسيين مطلقين على الطلبة ؟
من ظاهر الأمر أراى أنك تقصد المدرسين وإذا كان كذلك أوما فهمته صحيح هل من أجل حادثة مع معلم أو أكثر يصبح الجميع مرضى نفسيين ............ اتقوا الله فينا ولا تأخذوا الجميع بذنب قلة
Dr.diamond 29-10-2008, 06:23 PM بقى عشان معملش الواجب يتقتل
ده من ايه ؟؟
وهو يديهم واجب ليه اصلا
ولا اللى ضربهم بالمقشه ده
دول مرضى نفسيين بيطلعوا عقدهم عالاطفال
واللى قتل الطفل ده لازم يتعدم او ياخد 25 سنه ده اقل واجب
ahlyhadid 29-10-2008, 06:54 PM بقى عشان معملش الواجب يتقتل
ده من ايه ؟؟
وهو يديهم واجب ليه اصلا
الوزارة هى اللى بتامر المدرسين بالواجب
ولا اللى ضربهم بالمقشه ده
دول مرضى نفسيين بيطلعوا عقدهم عالاطفال
مش مدرس عمل كده يبقى نعمم على كل المدرسين
واللى قتل الطفل ده لازم يتعدم او ياخد 25 سنه ده اقل واجب
انتى بقى لو مكان المدرس تتصرفى ازاى؟
Dr.diamond 29-10-2008, 07:00 PM انتى بقى لو مكان المدرس تتصرفى ازاى؟
اقتل الولد المجرم ده طبعا
ازاى ميعملش الواجب !!!
لازم يتقتل عشان يبقى عبره لغيره ويبقوا يعملوا الواجب
انا مش فاهمه حضرتك بتدافع عن ايه ؟؟؟
مدرس ضرب طفل لحد ما قتله
يبقى الولد هو اللى غلطان ؟؟
يعنى هو الواجب مقدس مثلا
ولا هو الضرب هو اللى وسيله للتربيه ؟
كان طرده بره الفصل ولا جاب ولى امره ولا حتى ينقصه الدرجات كلها مش عايزينها
انما يقتله مش معقول يعنى
وعلى فكره انا بتكلم عن فئه معينه من المعلمين اللى بيتبعوا الاسلوب ده مع الاطفال مش بعمم
Dr.ahmed91 29-10-2008, 08:01 PM ياااااااااااااااه......الواحد كان طول عمره بييضرب
للاسف سمعت الخبر
ومش عارفة الصراحة اقول ايه
ازاى يجى له قلب يقتل طفل برىء زى ده؟
هو اكيد مكنش قاصد يموته بس الاكيد برضه ان الضربه كانت شديده جدااااااا
لدرجة ان الولد مات والله انا لو مكان القاضى اديله اعدام وحقيقى يستاهله
مفيش رحمة ده قلبه ايه ده؟
مفروض يكشفوا على المدرسين دول الاول لمراض نفسيه قبل ما يعينوهم
وربنا يصبر اهله يا رب
ahlyhadid 29-10-2008, 08:59 PM اقتل الولد المجرم ده طبعا
ازاى ميعملش الواجب !!!
لازم يتقتل عشان يبقى عبره لغيره ويبقوا يعملوا الواجب
انا مش فاهمه حضرتك بتدافع عن ايه ؟؟؟
بدافع عن المدرسين اللى بتقولى انهم مرضى نفسيين
مدرس ضرب طفل لحد ما قتله
يبقى الولد هو اللى غلطان ؟؟
يعنى هو الواجب مقدس مثلا
ولا هو الضرب هو اللى وسيله للتربيه ؟
انا ضد مبدأ الضرب او الايذاء البدنى
كان طرده بره الفصل ولا جاب ولى امره ولا حتى ينقصه الدرجات كلها مش عايزينها
انما يقتله مش معقول يعنى
وعلى فكره انا بتكلم عن فئه معينه من المعلمين اللى بيتبعوا الاسلوب ده مع الاطفال مش بعمم
معاكى ان فى معلمين معقدين نفسيا ودى الفئه اللى بتقصديها,ومش لازم يكونوا اطفال,حتى لو تعليم عام,الضرب وسيله(حقيره)وتدل على غباء اللى بيعمل بيها
ahlyhadid 29-10-2008, 09:01 PM للاسف سمعت الخبر
ومش عارفة الصراحة اقول ايه
ازاى يجى له قلب يقتل طفل برىء زى ده؟
هو اكيد مكنش قاصد يموته بس الاكيد برضه ان الضربه كانت شديده جدااااااا
لدرجة ان الولد مات والله انا لو مكان القاضى اديله اعدام وحقيقى يستاهله
مفيش رحمة ده قلبه ايه ده؟
مفروض يكشفوا على المدرسين دول الاول لمراض نفسيه قبل ما يعينوهم
وربنا يصبر اهله يا رب
انتى كده خليتى المدرسين مرضى نفسيا:(
مسيو وليد عسكر 29-10-2008, 09:17 PM انا شايف ان النقاش بالشكل ده وتعميم الحكم علي غالبيه المعلمين فيه ظلم واجحاف لان كل مهنه فيها الشخص المتمكن من عمله والعاجز عن اتمامه بالشكل الكافي والامثله كثيره
المحامي المرتشي
الطبيب المهمل اللي نسي فوطه في بطن المريض
ظابط الشرطه المستبد
المهندس المرتشي وغيره
هل النمازج دي كلها اساءت لاصحاب المهن ونقدر نعمم الحكم علي الدكاتره والمحامين والمهندسين انهم ولا مؤاخذه؟
اتقوا الله في المعلم المصري
وكفايه استفزاز لمشاعره اكتر من كده لانه بشر واحتمال الخطا وارد
كلامي ليس دفاعا عن هؤلاء المدرسين فهم مخطئون ولا يستحقوا اي نوع من التعاطف
ولكن
التعميم علي كل المدرسين وكل واحد يسقط عقده القديمه مع مدرس غير تربوي من بتوع زمان اللي كانوا بيتفاهموا بالعصا لمن عصي
هذا امر مرفوض شكلا وموضوعا
لان هناك مدرسين الان علي ارقي مستوي علمي واخلاقي وهم ليسوا بقله
فرجاء عدم تعميم الحكم الظالم علي المعلم المصري اعزكم الله
كفايه علينا الكادر
ahlyhadid 29-10-2008, 09:23 PM انا شايف ان النقاش بالشكل ده وتعميم الحكم علي غالبيه المعلمين فيه ظلم واجحاف لان كل مهنه فيها الشخص المتمكن من عمله والعاجز عن اتمامه بالشكل الكافي والامثله كثيره
المحامي المرتشي
الطبيب المهمل اللي نسي فوطه في بطن المريض
ظابط الشرطه المستبد
المهندس المرتشي وغيره
هل النمازج دي كلها اساءت لاصحاب المهن ونقدر نعمم الحكم علي الدكاتره والمحامين والمهندسين انهم ولا مؤاخذه؟
اتقوا الله في المعلم المصري
وكفايه استفزاز لمشاعره اكتر من كده لانه بشر واحتمال الخطا وارد
كلامي ليس دفاعا عن هؤلاء المدرسين فهم مخطئون ولا يستحقوا اي نوع من التعاطف
ولكن
التعميم علي كل المدرسين وكل واحد يسقط عقده القديمه مع مدرس غير تربوي من بتوع زمان اللي كانوا بيتفاهموا بالعصا لمن عصي
هذا امر مرفوض شكلا وموضوعا
لان هناك مدرسين الان علي ارقي مستوي علمي واخلاقي وهم ليسوا بقله
فرجاء عدم تعميم الحكم الظالم علي المعلم المصري اعزكم الله
كفايه علينا الكادر
مظبوط كلام حضرتك,بلاش تعميم
hend80 29-10-2008, 09:37 PM كل من لا دخل له بالتعليم يرى ان كليات التربية مغناطيس يجتذب المرضى النفسيين و المعقدين نفسيا و اجتماعيا
او ان المعلم بيكون كويس لغاية ما وزارة التربية و التعليم تديله كورسات بلطجة و تعقيد
لو ان اى شخص منهم جرب يدخل الفصل و يعيش ظروف المعلم فى مصر بكل ما فيها.. عمره ما كان يقول اى شىء من هذا الكلام
نحن لا ندافع عن الهمجية او الارهاب
بس فعلا ......... فعلا
التعليم فى مصر مالهوش كبير
يسري الجمال 29-10-2008, 11:04 PM انا شايف ان النقاش بالشكل ده وتعميم الحكم علي غالبيه المعلمين فيه ظلم واجحاف لان كل مهنه فيها الشخص المتمكن من عمله والعاجز عن اتمامه بالشكل الكافي والامثله كثيره
المحامي المرتشي
الطبيب المهمل اللي نسي فوطه في بطن المريض
ظابط الشرطه المستبد
المهندس المرتشي وغيره
هل النمازج دي كلها اساءت لاصحاب المهن ونقدر نعمم الحكم علي الدكاتره والمحامين والمهندسين انهم ولا مؤاخذه؟
اتقوا الله في المعلم المصري
وكفايه استفزاز لمشاعره اكتر من كده لانه بشر واحتمال الخطا وارد
كلامي ليس دفاعا عن هؤلاء المدرسين فهم مخطئون ولا يستحقوا اي نوع من التعاطف
ولكن
التعميم علي كل المدرسين وكل واحد يسقط عقده القديمه مع مدرس غير تربوي من بتوع زمان اللي كانوا بيتفاهموا بالعصا لمن عصي
هذا امر مرفوض شكلا وموضوعا
لان هناك مدرسين الان علي ارقي مستوي علمي واخلاقي وهم ليسوا بقله
فرجاء عدم تعميم الحكم الظالم علي المعلم المصري اعزكم الله
كفايه علينا الكادر
اللهم اني اعوذ بك من قهر الرجال ومن كل ذي سلطان
hend ere 29-10-2008, 11:33 PM بجد خبر سئ جداااااااا
وخصوصا وفاة الطفل اسلام...ربنا يصبر اهله
انا بجد مش عارفه ليه بعض المدرسين بيتعاملو مع الاطفال باسلوب همجى!!!
يعنى علشان هم صغيرون يفترو عليهم بالشكل ده!!!!
بجد حسبى الله ونعم الوكيل فى كل مدرس بلا ضمير
ويارب يلغو الضرب فى المدارس لانه اتلغى ظاهريا فقط ولكنه ماذال قائم فى المدارس
وخصوصا فى مدارس الاطفال الغلابه لانهم مش يقدرو يعملو حاجه زى الكبار
مش عرفة الواحد هيوصل لى ايه بعد كده يعنى عشان واجب يموته
عن ما الواجب اتعمل يا ترى مامته عمله ازاى
ده طفل ف سنه رابعة هم تقريبا المدرسين ميجيش معاهم زى ما احنا بنعمل مع مدرسين مش نحضر
حصص مش نجيب اى حاجة ليهم بس انا عن نفسى المدرس قالى بحبه بحب مادة بتعته جدا لكن مدرس بيقل ادبه و الله
لو فيها مستقبلى ما هكلم معاه عدل لانى مدرسين بيحسوا انهم اقويه من درجات
و عصاية ف مدرسين كويسين جدا بس معتقدش انى ف حد بى قلب ميت ده حراااام
اوى اكبر حراااام
حسبى الله و نعم الوكيل
Dr.ahmed91 30-10-2008, 06:46 AM يا اخواتي عادي جداااااااااااااا
انتوا مضايقين ليه
عشان الواد مات؟؟؟؟؟؟؟؟؟؟؟؟؟
صحيح.... معملش حاجة عشان يموت
انما مين في البلد دي بيعمل حاجة عشان يموت
اللي ركبوا العبارة واللي سكنوا في الدويقة واللي ركبوا القطار
واللي كل يوم بيمشوا في الطرق الصحراوية واللي قاعدين في بيوتهم وتتهد عليهم عادي
كل دول كانوا عملوا ايه؟؟؟؟؟؟؟؟؟؟؟؟؟ ولا حاجة
انما هات كل اللي اتسببوا في قتل دول؟؟؟؟؟ هما فين دلوقتي؟؟ تعرف حد منهم؟؟
:078111rg3::078111rg3:
ولنا عودة
Dr.ahmed91 30-10-2008, 06:57 AM المحامي المرتشي
الطبيب المهمل اللي نسي فوطه في بطن المريض
ظابط الشرطه المستبد
المهندس المرتشي وغيره
وكفايه استفزاز لمشاعره اكتر من كده لانه بشر واحتمال الخطا وارد
محامي مين ودكتور مين وظابط مين يا استاذنا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!
انا معاك ان خطأ كل دول ورد جدا وممكن خطأصغير للدكتور (على فكرة انا مش دكتور ولا طالب طب) يموت البني ادم.......انما تعتقد حضرتك ايه اللي يخلي خطأ للمدرس اللي حضرتك بتقول احتمال الخطأ وارد عنده يخليه يقتل تلميذ عنده
انا اعرف احتمال الخطأ لو ضربه على ايده ورمت..ضربه على وشه صوابعه علمت..كسر له ايده ..الحاجات اللي بقت تافهة دلوقتي
فكرتوني بفيلم لللمبي ..لما واحد معاه اتعور في ايديه......قاله يبقى لازم تندفن عشان تموت..بدل ما الواوا تكبر وتخنقنا
معملتش الواجب...طيب..حقتلك عشان احتمال الغلط وارد..هو انا مش بشر ولا ايه؟؟؟؟؟؟؟
وصحيح حالة المدرس ده النفسية ليها علاقة بالكادر؟؟ولا يمكن ما دخلش اصلا؟؟؟
اتمنى مكونش استفزيت مشاعر المدرسين:(:(:(
واللى قتل الطفل ده لازم يتعدم او ياخد 25 سنه ده اقل واجب
اللي انا عرفته ان لو الحكاية دي اتظبطت على اساس قتل خطأ يبقى اقصاها 3 سنين بس
3 سنين؟؟؟ ده اللي اتحرش بالبنت في القاهرة خد 3 سنين وهو يمكن يكون برئ :(:(
ولو اتاخدت على اساس الضرب الذي افضى الى الموت يبقى اقصاها 7 سنين
انما نقول ايه في بلد اللي قتل فيها 1200 واحد واخد برأة وقاعد بيشرب ميراندا تفاح اخضر في لندن
_GUIDE_ 30-10-2008, 11:16 AM ههههههههههه
بيتكلمه فى محاكمة :d
اخر الاخبار ان بعد الواقعة
تم اعطاء تلاميذ الفصل اجازة
ولما النيابة راحت تسال الطلاب
تم تسريب معلومات عن ان الطلاب بتوع الفصل تم استبدلهم بطلاب فصل تانى :)
Dr.diamond 30-10-2008, 01:20 PM ههههههههههه
بيتكلمه فى محاكمة :d
اخر الاخبار ان بعد الواقعة
تم اعطاء تلاميذ الفصل اجازة
ولما النيابة راحت تسال الطلاب
تم تسريب معلومات عن ان الطلاب بتوع الفصل تم استبدلهم بطلاب فصل تانى :)
ليه هو المدرس يبقى ابن مين فى البلد ؟؟
_GUIDE_ 30-10-2008, 02:11 PM ليه هو المدرس يبقى ابن مين فى البلد ؟؟
الموضوع مش موضوع مدرس
الموضوع موضوع وزارة بكاملها اصبحت وزارة سيئة السمعة
وفساد ادارى وتعليمى ومنهجى منتشر داخل جميع اروقتها
هيبة الوزير والوزارة كل وزارة بتحاول تدافع عن نفسها
زى حوادث التعذيب فى وزارة الدخلية ومحاولة التستر عليها
وحوادث الرشوى والفساد فى وزارة المالية والزراعة والاسكان وغيرها
الفساد مستشرى من القمة الى القاع
بقت حاجة تقرف :)
Travel 31-10-2008, 07:59 AM ليه هو المدرس يبقى ابن مين فى البلد ؟؟
مش ابن مين
القضية دى تخص وزارة التعليم نفسها
عارفة يعنى ايه طفل يموت بسبب واجب معملوش
ماهو لو على كده
كان الواحد مات من زمان مليون مرة :d
انما ده غباء
اللى بيحصل
والمصيبة الاكبر
ان المدرسة دى
تعمل تعاقد مع المدرس ده لمدة سنة كمان
:angry2::angry2:
طب ازاى
؟؟
تعليم فاشل
:slap1qk6:
ربنا ينجى الاجيال القادمة منه على خير:)
Sherif Elkhodary 31-10-2008, 11:29 AM ايه الغباء ده
و الله فعلا منتهي الغباء
انا لو كنت قريب الولد ده
و الله العظيم 3 كنت قتلت المدرس
و اللي يحصل يحصل
نسيتوا وظيفة لمدرس اصلا
المدرس وظيفته انه يعلم و يفهم
مش يقتل يموت
فعلا منتهي الغباء
و لسه يا بلد
Dr.diamond 31-10-2008, 11:36 AM مش ابن مين
القضية دى تخص وزارة التعليم نفسها
عارفة يعنى ايه طفل يموت بسبب واجب معملوش
ماهو لو على كده
كان الواحد مات من زمان مليون مرة :d
انما ده غباء
اللى بيحصل
والمصيبة الاكبر
ان المدرسة دى
تعمل تعاقد مع المدرس ده لمدة سنة كمان
:angry2::angry2:
طب ازاى
؟؟
تعليم فاشل
:slap1qk6:
ربنا ينجى الاجيال القادمة منه على خير:)
مهو كمان غير منطقى ان بنى ادم زى ده يقتل الطفل وميتعاقبش عقاب رادع
هما هيستفيدوا ايه لما يخففوا عنه العقاب ؟؟
يعنى انا اعرف ان اللى دايما بيعمل العمله ويهرب يبقى حد يهمهم
زى اللى قتل ال 1500 وطلع براءه سبحان الله
انا متهيالى ان بعد كده لو اى جريمه قتل حصلت هيبقى الغلطان هو المجنى عليه عشان ساب التانى يقتله مثلا او عشان مقتلهوش هو الاول
بجد مش عارفه فيه ممكن يحصل بعد كده فى البلد دى
ربنا يتولانا برحمته
ميراج 12-11-2008, 12:17 AM يعنى المشاغب يضرب بالمقاشة
والتانى يتقتل
طيب حت نفسك مكان والد الطالب
عمتا انا بجد لو حصلت مع حد من اولاد اخواتى
صدقنى مش بعيد افلق المدرس اتنين :)
ده مش كفايه على المدرس والله
محمد احمد محمد الصاوى 14-11-2008, 04:06 PM بجد دى مهزله ولما الطالب بيضرب بيخاف يذهب الى المدرسه وكده الطلبه بتزوغ وممكن متكملش تعليمها خوفا من الضرب وبكده تزيد نسبه اطفال الشوارع والمدمنين
حد يعرف الحل ايــــــــــــــــــــــــــــــــــــــــــــــه؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|