مشاهدة النسخة كاملة : الطب النص كم مع احترامى لكل الدكاتره
COoL HEaRT 30-10-2008, 09:23 PM بسم الله الرحمن الرحيم
هو الموضوع وما فيه انى لقيت نسبه دوكتر فى المنتدى كتير اوى الفتره دى ربنا يباركلهم ويوفقهم
عامه مش موضوعنا
المهم
جه فى دماغى موضوع كنت لسه قرأه عنه قريب
الطب
...
المهنه اللى كتير مننا نفسه يشتغل فيها انا عن نفسي كان نفسي اطلع دكتوره
:)
مش موضوعنا بردو
بتكلم النهارده ع الطب النص كم فعلا بجد احنا بقينا بنؤمن بشويه حجات جميله جداا
حط حبيبتن مش عارف من ايه ع شويه من حبه البركه وافرهم وسبهم نص ساعه فى الشمس وبعدين اطحن شويه ترمس ناشف ومالى ذلك من الطب الغريب او الطب البديل كما يقال
طبعا كنت بسمع الكلام ده ع التى فى وبيبقى جايلى كل انواع الشلل الصراحه
اللى جاب احباط ليا اكتر اللى قرأته فى المقال وهو ان فى دكاتره فى مصر والعالم العربى كذبوا وجود مرض التهاب الكبد الوبائي
:)
وان دى كانت مؤامره دنيئه من امريكا
:)
واحلى حاجه ان الوباء مكتشف من اكتر من 15 سنه
:)
وبردو ان مفيش مرض اسمه الايدز وده كان بردو من امريكا كاشاعه عشان تنشر الشذوذ فى العالم الاسلامى والوطن العربى
:)
يعنى من الاخر احنا مستهدفين
:)
الصراحه جوايا بقول ع ايه يا حسره
بيطلعوا امراض ويتعمل فيها الاف او ملايين العمليات والاف المؤتمرات كل ده ليه عشان ينشروا فكر معين داخل المجتمع بتاعنا الكامل المتكامل
والمصيبه ان اللى بيطلعوا يكذبوا دكاتره يعنى حاصلين ع الدكتوراه
:(
مع العلم ان فى مصريين اجلاء قضوا حياتهم فى مكافحه امراض زى التهاب الكبد مثلا
والمشكله الاكبر ان الصحافه هى اللى بتنشر الكلام ده
:)
بئا شعارنا خالف تعرف
قول اى كلام عبيط وبمنشت وبالبونت العريض اى كلمتين ملهمش اى معنى وبيع يا عم الحاج وهاتك يا فلوس
طبعا بغض النظر ان ده نوع من انواع الغش التجارى اصلا
لانك بتبيع سلعه مغشوشه
بس الضرر اكثر من مالى احنا بقينا بنحط دماغنا ونسلمها لشويه افكار مايعلم بيها الا ربنا
بئا استغلال موضوع الجهل اللى ماشي فى البلد ع عينك يا تاجر
وترويج ثقافه الشك فى كل ماهو شبه ثابت بردو شغاله
زى المثال اللى ذكر بالظبط حبه البركه والتوم خد فص توم قبل النوم وبعد الغدا وع الريق وشويه الهبل ده
ع اساس انه خلاص هو ده العلاج الشافى الوافى
وطبعا يجى بئا يقلك ايه والموضوع ده كان بيعمله الرسول عشان يعمل حواليه هاله ع اساس انه شىء مقدس
بتفكرنى بالوصفات بتاعه القضاء ع مصاصين الدماء والكلام ده كانت الفضه والتوم :d
الخلاصه يعنى من اللك ده كله المشكله فين ؟؟
المشكله فى طبق المهلبيه اللى فوق دماغ كل واحد
لو نبطل نصدق اللى يتنقلنا شفوى نحاول نجرب العالم اللى بره دى موصلتش للى هى فيه من شويه كلام سمعوه
ولا من شويه تخاريف صدقوها الناس دى وصلت للى وصلت ليه عشان شغلوا الجزء الوحيد اللى مش شغال عندنا او عند معظمنا
العضو اللى اهملنا تغذيته لسنين طويله او بمعنى اصح مزيتناهوش زى الالات لا سبناه لغايه مصدى وبقى هش طرى قابل للكسر
بجد دماغنا دى زى الحديد الخام بصفتى بدرس كميا هو طرى ودى كانت بدايه تكوينا
اتشكل باشكال غلط نتيجه لمجتمعنا
اتساب معرض للميه والهوا لغايه مصدى وبئا بالمنظر الكميل ده
وشكرا
:)
JusT DreaM 31-10-2008, 03:26 AM انا اللي فعلا مش مستوعباه في المقال ده
ازاي طلعو ان مفيش مرض اسمه الالتهاب الكبدي والايدز
طيب واللي بيجي للناس ده ايه
انفلونزا!!!
بس بالنسبة لحكاية الهبل في الطب ده منتشرة في مصر بطريقة غريبة
انا اعرف ناس بيروحو لاكتر من دكتور كل واحد يقلهم حاجة غير التاني
بجد ربنا يرحمنا منهم
وحكاية انهم طلعو ان مفيش امراض كده
فدي طبيعة الشعب المصري
دايما يحب الفرقعة
يطلعولهم بحاجة كده عشان يلفتو النظر ليعم
زي مانتي قولي خالف
بس بالنسبة للطب النبوي والطب البديل
ده فعلا موجود
وبيكون علاج بالنباتات الطبيعية
وفي دكاترة متخصصة في كده
امال زمان كانو بيتعالجو ازاي
!!!
وكمان عاوزة اقولك حاجة
اي حد تعبان بيدور على قشاية يتعلق بيها
اي امل
فمش نيجي نقولهم
لا ماتصدقوش اي حاجة والحاجات دي مش هتشفيكم والكلام ده
لكن بالنسبة للاصحاء
مش اي حاجة نصدقها
بس مش لازم اول مانسمعها نكدبها
ونقول ازاي بيفكرو كده والكلام ده
زى المثال اللى ذكر بالظبط حبه البركه والتوم خد فص توم قبل النوم وبعد الغدا وع الريق وشويه الهبل ده
ع اساس انه خلاص هو ده العلاج الشافى الوافى
بس مفيد
اكتبي بس في الجوجل فوايد التوم وهتشوفي اد ايه
مش موافقاكي في الحته دي ياسو
اننا اول مانسمع حاجة
نكدب ونقول بيضحكو علينا
احنا ممكن مانصدقش بس منكدبش
لغاية مانتأكد بس
وخصوصا لما نكون عارفين ان الحاجة دي مش هتضرنا
وعلى فكرة انا لاحظت فيكي صفة كده بس مش هقولها ناو:)
تسلمي عالموضوع المميز ياقمر از يوجوال
وفي انتظار جديدك
بس ماتتأخريش علينا:romarioxp6:
يا بنتوته سيبى العاطارين ياكلوا عيش
انتى شكلك بتعملى اعلانات للصيدليات على فكره
بصى يا ستى
فيه ناس بيجيلها قلق كبير جدا من الدوا
او العلاج الكيميائى
وبيفضلوا انهم ياخدو علاج طبيعى
يعنى مثلا لما اقولك علاجك انك تاكل توم
مش هتخاف
لانه بيتحطلك فى اكلات كتير
بغض النظر عن مدى القرف يعنى انما هما مش هيبقوا خايفين وهما بياكلوه
اما بقى موضوع ان مفيش ايدز ده انا بصراحه عمرى ما سمعت عنه
_GUIDE_ 31-10-2008, 01:24 PM تقريبا
حضرتك خدتينا و
رحنا يمين وشمال وشمال ويمين
توهتينا معاكى
اتكلمتى فى العطارة وبعدين الطب البديل
وبعدين كذبة بعض الامراض وبعدين كذب الاطباء
ايه ده كله وتهت معاكى
ياسمين كل مهنة فيها الحلو وفيها الزبالة لمو اخذه
لو خدنا نقطة نقطة كلامك
الاعشاب
فعلا فى كثير من الاعشاب مفيدة جدااا فى علاج الكثير من الامراض
طبعا الابر الصينية واليوجا وحاجات تانية كتير بتساعد على العلاج برضه الطب الديل
كذبة بعض الامراض ودى بتحدث فى اوقات معينة
لكن بيكون تشخيص وباء او مرض عن طريق الخطا
عمتا اللى عايز اقوله ان فى حاجاتكتير خطا فى العالم كله
وكل ما هتكبرى هتصتدمى بواقع صعب ومولم وهتكتشفى حقائق
مكنتيش تتصورى فى يوم انها موجوده
شكرا على الموضوع
COoL HEaRT 01-11-2008, 03:48 PM انا اللي فعلا مش مستوعباه في المقال ده
ازاي طلعو ان مفيش مرض اسمه الالتهاب الكبدي والايدز
طيب واللي بيجي للناس ده ايه
انفلونزا
!!!
مهى الفكره هنا ان الدكاتره
ومتسألنيش ازاى
:)
ارجعوا الموضوع كله انه مؤامره
وكدبوا كل الابحاث والحجات التانيه اللى اتعملت يعنى بيعملوا فرقعه فى الهوا كده عشان يبانوا خالف تعرف
:)
بس بالنسبة لحكاية الهبل في الطب ده منتشرة في مصر بطريقة غريبة
انا اعرف ناس بيروحو لاكتر من دكتور كل واحد يقلهم حاجة غير التاني
بجد ربنا يرحمنا منهم
وحكاية انهم طلعو ان مفيش امراض كده
فدي طبيعة الشعب المصري
دايما يحب الفرقعة
يطلعولهم بحاجة كده عشان يلفتو النظر ليعم
زي مانتي قولي خالف
بالظبط
بس بالنسبة للطب النبوي والطب البديل
ده فعلا موجود
وبيكون علاج بالنباتات الطبيعية
وفي دكاترة متخصصة في كده
امال زمان كانو بيتعالجو ازاي
!!!
بصى يا ايمى
انا مش مقتنعه بوجود اصلا مايسمى بطب الاعشاب
هى الحجات دى مفيده بس مش اى عطار يفكر نفسه دكتور
:)
ويروح مديك اى جرعه والسلام
محدش عارف بياخد ايه
انتى عارفه ان فى كميات لو اتخدت من حبه البركه مثلا
بتسبب مشاكل جامده
وكمان عاوزة اقولك حاجة
اي حد تعبان بيدور على قشاية يتعلق بيها
اي امل
فمش نيجي نقولهم
لا ماتصدقوش اي حاجة والحاجات دي مش هتشفيكم والكلام ده
مش معاكى فى دى يا جميل
الموضوع ومافيه
ان صناعه الدوا اصلا بتمر باربع مراحل
مش بيبقى اى حاجه وفكره انهم ميتعلو
ش بقشايه ده كلام انسانى اوى او مش انسانى بمعنى انسانى
انا بقول ان الاخ المريض مش اديلو حاجه تموته
او اعيشه ع امل قد لا يكون موجود اصلا
لكن بالنسبة للاصحاء
مش اي حاجة نصدقها
بس مش لازم اول مانسمعها نكدبها
ونقول ازاي بيفكرو كده والكلام ده
اها معاكى فى دى
بس مفيد
اكتبي بس في الجوجل فوايد التوم وهتشوفي اد ايه
مش موافقاكي في الحته دي ياسو
اننا اول مانسمع حاجة
نكدب ونقول بيضحكو علينا
احنا ممكن مانصدقش بس منكدبش
لغاية مانتأكد بس
ع فكره ده اللى اقصده بس ممكن انا وصلتها بشكل غلط
المهم
انا معاكى التوم ليه فوايد كتير
بس مش اخده ع اساس انه علاج
فهمانى العلاج ولادويه دى بيبقى ليها ناسها اللى بيحددوها مش العطار
وخصوصا لما نكون عارفين ان الحاجة دي مش هتضرنا
احم مهى دى المشكله احنا منعرفش هى هتضرنا ولا لع
:)
منفترضش عدم الضرر لانها فعلا ممن تضر
وعلى فكرة انا لاحظت فيكي صفة كده بس مش هقولها ناو:)
تسلمي عالموضوع المميز ياقمر از يوجوال
وفي انتظار جديدك
بس ماتتأخريش علينا:romarioxp6:
احم احم صفه جديده يارب استر
:)
انتى مرورك احسن من الموضوع الكروتيشن ده
بس كان نفسي اكتب يعنى
COoL HEaRT 01-11-2008, 03:52 PM يا بنتوته سيبى العاطارين ياكلوا عيش
انتى شكلك بتعملى اعلانات للصيدليات على فكره
بصى يا ستى
فيه ناس بيجيلها قلق كبير جدا من الدوا
او العلاج الكيميائى
وبيفضلوا انهم ياخدو علاج طبيعى
يعنى مثلا لما اقولك علاجك انك تاكل توم
مش هتخاف
لانه بيتحطلك فى اكلات كتير
بغض النظر عن مدى القرف يعنى انما هما مش هيبقوا خايفين وهما بياكلوه
اما بقى موضوع ان مفيش ايدز ده انا بصراحه عمرى ما سمعت عنه
خلاص هسيبهم ياكلو عيش وحلاوه ان شاء الله :)
موضوع العلاج بالمواد الكميائيه فده مفروض يبقى شيء عادى احنا فى القرن الكام يا جماعه :)
المصيبه ان محدش عارف ان الدوا ده بيمر بمراحل تنقيه وتعقيم الدوا او الاعشاب مش بتمر بيها
مفروض الناس تعرف ده
يلا ماعلينا
اما بالنوسبه لموضوع الايدز
فكانت مقاله قريتها لاحمد خالد توفيق كانت مشابهه وذكر فيها انه شاف مقاله سنه 2004 بتتكلم عن تكذيب دكتور لوجود مرض الايدز :) والدكتور مصرى ع فكره
COoL HEaRT 01-11-2008, 04:04 PM تقريبا
حضرتك خدتينا و
رحنا يمين وشمال وشمال ويمين
توهتينا معاكى
اتكلمتى فى العطارة وبعدين الطب البديل
وبعدين كذبة بعض الامراض وبعدين كذب الاطباء
ايه ده كله وتهت معاكى
:)
الموضوع كنت بكتبه بسرعه اتكتب فى تمن دقايق
:)
ياسمين كل مهنة فيها الحلو وفيها الزبالة لمو اخذه
لو خدنا نقطة نقطة كلامك
الاعشاب
اها
بس نظام الغش والضحك علينا عينى عينك ده
وحش
[فعلا فى كثير من الاعشاب مفيدة جدااا فى علاج الكثير من الامراض
طبعا الابر الصينية واليوجا وحاجات تانية كتير بتساعد على العلاج برضه الطب الديل
كذبة بعض الامراض ودى بتحدث فى اوقات معينة
لكن بيكون تشخيص وباء او مرض عن طريق الخطا
عمتا اللى عايز اقوله ان فى حاجاتكتير خطا فى العالم كله
وكل ما هتكبرى هتصتدمى بواقع صعب ومولم وهتكتشفى حقائق
مكنتيش تتصورى فى يوم انها موجوده
شكرا على الموضوع
العفو
بس موضوع ان فى الحجات اللى زى اليوجا والكلام ده ينفع كنوع من انواع الوقايه
عندك مثلا موضوع الحجامه
موضوع ان دم يطلع ملوث ولونه اغمق
لان ده دم من وريد وبيكون كربوكسي هيموجلوبين
مش انه دم مش كويس فعلا
المهم هبقى ارد تانى الواحد ظروفه مدمره
:)
Dr.ahmed91 01-11-2008, 05:03 PM توهتيني معاكي يا بنتي في الموضوع ده
اولا: اعرفك بنفسي...... احمد حسين في كلية الصيدلة جامعة اسكندرية
انتي اتكلمتي في حاجات كتير وحرد عليها كلها على قد ما اقدر
اول حاجة: حال الطب في الوطن العربي مش في مصر بس بقى لايسر عدو ولا حبيب
وده طبعا زي كل المهن التانيه.. مع وضع في الاعتبار بعض الفلتات اللي بتهرب للخارج
وده بيرجع لعدة عوامل اعداد الطلاب الكبيرة لما يبقى 100 طالب على جثة:( وعايزين يتعلموا
وكمان مش اي حد جاب 99 في ثانوي يدخل طب (انا عن نفسي جبت مجموع طب بس مش شايف نفسي طبيب)
وخلي بالك مش كل الدكاترة دول جراحين..يعني ما يعرفوش يفتحوا جسم بني ادم.. لما اجي اقولك كام دكتور مخ واعصاب في مصر
لكن كام جرااااح؟؟ 250 بس يا سلام
وكمان الناحية التجارية ازاي اجمع فلوس واخد ماجستير ودكتوراه وابقى استشاري واخصائي واخد زماله واجيب
الفيللا والعربية وسيبك ياعم من العيانيين والكلام ده
ده غير عوااااااااااامل تااانية كتير
ثانيا: اللي يقول ان مفيش ايدز وفيروسc وكده ده يبقى عبيط.الامراض دي موجودة و بندور لها على علاج
وادي السرطان بيتعالج دلوقتي والايدز نفسه بيتعالج وفيروس سي
سنتين ويبقى زي البرد يتعالج بسهولة
نيجي بقى للحتة اللي تبعي شوية يعني طب بديل وكده
مفيش حاجة اسمها طب بديل
اسمها طب تكميلي (يعني كله يكمل بعضه)
وده موجود بس مش بالطريقة الموجودة دلوقتي
يعني مفيش حاجة اسمه خد بردقوش وزيت حبة البركة وحتخف على طول
انما فيه حاجة اسمها خد قد كده زيت بركه من النوعية الفلانية كام مرة لكام يوم وتاخد معاه كذه وابعد عن كذه
اومال الادوية جت منين؟؟؟
صيادلة خدوا النباتات استخلصوا منها المواد الفعالة وعملوا تجارب على التأثير الجانبي والجرعات وكده
وبعد كده صنعوها وهنا المشكلة التصنيع...... الطبيعي يفرق طبعا
عشان شغل الروابط الكيمائية والتحلل
انتي عارفه علاج اي مرض ليه 3 حاجات حرتبهم حسب الاهمية
النظام الغذائي.. الادوية الطبيعية والاعشاب... الدواء الصناعي بتاع الصيدلية
وكمان مثلا بصي كده حتلاقي الطب الشعبي منتشر ومفيد جدا زي الطب الصيني واليوجا (علاج نفسي)
والابر وكده
يعني اسألي مامتك؟؟ ماما بتعملي القلقاس ازاي؟؟؟؟ حتقولك بقشره و اغسله في ماء وبعد كده ارمي المياه دي خالص
اسأليها ليه؟؟ مش حترد عليك؟؟؟؟؟ انا اقولك القلقاس ده عليه مادة سامه من بره لازم نتخلص منها..متخافيش مش بتموت بس بتقلل فائدته جدااااا
النعناع مثلا؟؟ بتعمله ازاي؟؟ بتغليه ولا تحطيه مع مياة ساخنه
طب ليه فيه دوا اراص وفيه كبسول وفيه حقن وفيه لبوس
فيه ناس درست الكلام ده لسنين وطلعته في مجلات وابحاث
انا بيديني دكتور نبات راجل عالم كبير جدا ومثقف جدا
يقولك ايه ...ورق الزيتون يتجاب ويتغلي ليه فائدة كبيرة جدا ويعالج سكر وضغط وحاجات كتير
عارفه لو روحتي للعطار دلوقتي وقولتيله هات ورق زيتون وغليتيه وشربتيه لمدة........ يجيلك حصوات في الكلى والحالب ويمكن فشل كلوي:(:(
ليه؟؟ لان لازم يبقى اخضر وطازة واول 6-7 ورقات صغيرين من فوق من الشجرة(شغل كيمياء:))
والتوم ده.....جربي تاخدي كل يوم فص على الريق لمدة شهر او تدهني بيه شعرك وادعيلي
الشاي الاخضر.اشربية من2-3 مرات في اليوم منهم مرة على الريق وحتدعيلي برضه
نيجي لنقطة افتكرتها.فيه بحث كنت عامله عن الفيتامينات
عندنا حوالي 13 فيتامين ..كل مشكلة في الجسم من مسبباتها نقص انزيم
سواء في الجلد في الشعر في الاظافر في الشفايف وباقي الجسم
فيتامين بي نقصه يضعف النظر عشان كده يقولك كلي جزر
انا عاوز اثبتلك اهمية الحاجة دي.. وقارني بين اجدادنا اللي كانوا بياكلوا السلطة والخضار والفول والجيل ده بتاع الهامبورجر والبطاطس
والمعلبات
انا لكيت كتير وشكلي توهتك زي ما توهتيني بس عندي كلام تاني كتيررررررر فانتظرونا.
راجع تاني
:078111rg3::078111rg3:
احمد رضا 01-11-2008, 05:51 PM يا ياسمين انتي بتعلقي علي الطب بس
فعلا هو عندنا نص كم
مش نص كم
لا البلد كلها بصراحه بحملات وكات
بس زي ما تقولي مش خالف تعرف
زي ما تقولي اللي ميعرفش يقول عدس
عارفه احنا عاملين زي ايه
زي العيل الصغير اللي امه قاعده معاه
فبتسأله بتقوله حل السؤال ده ايه
يقولها لاء دي مخدنهاش
لانه نساها او مش عارفها
فاشل
:d
شكرا للموضوع
MohammeD el_SadaT 01-11-2008, 07:59 PM هى المشكله كده فى مين
أولاً
الإعلام أهم وأكبر نقطه فى الموضوع لأن هو المروج الأساسى للخرفات والإشاعات
ثانياً
أنا بجد نادراً لما سمعت حاجه من اللى إنتى بتقوليها دى زى تكذيب الإدز ومرض الكبد الوبائى بجد أنا أول مره أسمعها
ثالثاً
إحنا اللى بننقل ونروج أكاذيب فى أكاذيب بنعالج خطأ بخطأ أكبر يعنى أنا مثلاً متأكد إن مفيش دكتور مصرى أو أى دكتور خرج قال أى حاجه من المكتوبه لكن الهدف الأول والأخير هو تسوء سمعتهم
زى بالضبط لما يقولك إدخل إطلب حذف الصوره الميئه للرسول عاوزين 10000000000 توقيع ونشيل الصوره
أولاً
إنت كده فرجت الصوره ل 10000000000 فرد
ثانياً
إنت فدت فى المقام الأول الموثع اللى نشر الصوره بسس كميه التسجيل اللى حصلت فيه
يعنى الموضوع من الأول خطأ
نيجى بقه لنقطه تانيه
" إسألو أهل الذكر إن كنتم لا تعلمون "
أنا تعبان وعارف إن ده دكتور ورحت كشف عليا وقالى علاجك قشر بطيخ أكيد هصدقه لأن أنا معرفش حاجه فى المجال ده
آسف لو كنت طولت عليكى بس ياريت تكونى فهمت وجهة نظرى
Dr.ahmed91 01-11-2008, 10:38 PM أنا تعبان وعارف إن ده دكتور ورحت كشف عليا وقالى علاجك قشر بطيخ أكيد هصدقه لأن أنا معرفش حاجه فى المجال ده
هو مش القشر الأخضر انما الطبقة البيضة في القشر
دي مفيدة جدا بتنظف القناة الهضمية من بعض المواد الضارة وبتساعد الناس اللي عندهم امراض الكلى وحصوات في الكلى والحالب
:078111rg3::078111rg3:
براءة 01-11-2008, 11:01 PM تعليقى عليكى تقريبا نفس تعليق الاعضاء اللى فاتت
مش عارفة ترتبى افكارك
ما حلينا
المهم
انتى عرضتى وجهة نظرك وليا حق انى اعترض
فى مجلد
او كتاب
اسمه الطب النبوى
لابن القيم
يا ريت تطلعى عليه وتقوليلى رايك
زى المثال اللى ذكر بالظبط حبه البركه والتوم خد فص توم قبل النوم وبعد الغدا وع الريق وشويه الهبل ده
ع اساس انه خلاص هو ده العلاج الشافى الوافى
وطبعا يجى بئا يقلك ايه والموضوع ده كان بيعمله الرسول عشان يعمل حواليه هاله ع اساس انه شىء مقدس
افتكر ده كلام بدون علم :)
MohammeD el_SadaT 02-11-2008, 12:15 AM هو مش القشر الأخضر انما الطبقة البيضة في القشر
دي مفيدة جدا بتنظف القناة الهضمية من بعض المواد الضارة وبتساعد الناس اللي عندهم امراض الكلى وحصوات في الكلى والحالب
:078111rg3::078111rg3:
[/center]
طب والله معلومه جديده يا دكتور بس ياترى بعد الموضوع ده حد هيصدق
بجد المشكله إننا اللى بنروج الإشاعات
COoL HEaRT 02-11-2008, 11:32 AM ليا تعليق كبير ع الردود بس اخترت الرد ده عشان اخر جمله :)
تعليقى عليكى تقريبا نفس تعليق الاعضاء اللى فاتت
مش عارفة ترتبى افكارك
ما حلينابس تعرفى بردو ان فى ناس او كتاب اتشهروا بسبب طريقه الكتابه دى زى تيمور مثلا
يلا ماحلينا :)
المهم
انتى عرضتى وجهة نظرك وليا حق انى اعترض
فى مجلد
او كتاب
اسمه الطب النبوى
لابن القيم
يا ريت تطلعى عليه وتقوليلى رايك
المشكله مش فى الطب النبوى بس المشكله ان اى حد يقول ع وصفه بيلزقها فى موضوع الطب النبوى
والناس بدام لقوا ان الموضوع ليه علاقه بالحكايه دى او ان اى حد يقوله كلمتين عشان يشتهر ويحيطهم بهاله من الدين لانه عارف ان الناس زى القطيع هيمشوا وراه زى عادل عبد العال مثلا
:)
واوعدك ابقى اشوف اشوف الكتاب ده :)
افتكر ده كلام بدون علم :)افهمى الكلام ع بعضه ومتجزئهوش كده وهتفهمى انا اقصد ايه :)
مشكوووره يا بنوته
والله الموضوع ده انتشر اوى فى مصر
بقى اى حد عامل نفسه دكتور دلوقتى
وهو اساسا ميعرفش اى حاجه فى اى حاجه
وبيألف طب جديد على مزاجه
والمشكله بقى الأكبر مش فى الناس دى
المشكله فى الناس اللى بتصدق كده
وكمان الصحافه والأعلام لهم دور كبير اوى فى كده
كل يوم بنسمع عن الأعشاب اللى طالعه جديده
وانها علاج لكل الأمراض..................
والله لو كانت بتشفى كل الأمراض زى ما بيقولوا
كانت الدكاتره تقعد فى بيتهم ومعتش لهم لزمه بقى
وكمان حكاية ان ما فيش مرض الأيدز ده ومرض التهاب الكبد الوبائى
اكيد طبعا دى حاجه محدش يصدقها اصلا
وانا مش سمعت عن حاجه زى دى قبل كده
وتسلمى على الموضوع
براءة 02-11-2008, 04:32 PM ايه ده
باين كده انا عكيت والله اعلم
اوعى تزعلى منى يا ياسمين بالله عليكى
انا امبارح كنت مخنوقة جدا والله وجت فيكى ومخدتش بالى غير دلوفتى :mellow:
COoL HEaRT 05-12-2008, 07:29 PM ايه ده
باين كده انا عكيت والله اعلم
اوعى تزعلى منى يا ياسمين بالله عليكى
انا امبارح كنت مخنوقة جدا والله وجت فيكى ومخدتش بالى غير دلوفتى :mellow:
لا ولا يهمك اى نعم متاخره اوى بس انا بعتلك مع شيرين مش مشكله :)
COoL HEaRT 05-12-2008, 08:05 PM توهتيني معاكي يا بنتي في الموضوع ده
معلش بئا:)
اولا: اعرفك بنفسي...... احمد حسين في كلية الصيدلة جامعة اسكندرية
انتي اتكلمتي في حاجات كتير وحرد عليها كلها على قد ما اقدر
اول حاجة: حال الطب في الوطن العربي مش في مصر بس بقى لايسر عدو ولا حبيب
وده طبعا زي كل المهن التانيه.. مع وضع في الاعتبار بعض الفلتات اللي بتهرب للخارج
وده بيرجع لعدة عوامل اعداد الطلاب الكبيرة لما يبقى 100 طالب على جثة:( وعايزين يتعلموا
وكمان مش اي حد جاب 99 في ثانوي يدخل طب (انا عن نفسي جبت مجموع طب بس مش شايف نفسي طبيب)
اها هو الطب فى البلد ماشاء الله اللهم لا حسد
بس كويس حكايه انك داخل الكليه بمزاجك
وخلي بالك مش كل الدكاترة دول جراحين..يعني ما يعرفوش يفتحوا جسم بني ادم.. لما اجي اقولك كام دكتور مخ واعصاب في مصر
لكن كام جرااااح؟؟ 250 بس يا سلام
قريت انا ع الحكايه دى قبل كده غير ان الجراحه للبنات هنا مستحيله ماعلينا
وكمان الناحية التجارية ازاي اجمع فلوس واخد ماجستير ودكتوراه وابقى استشاري واخصائي واخد زماله واجيب
الفيللا والعربية وسيبك ياعم من العيانيين والكلام ده
ده غير عوااااااااااامل تااانية كتير
كلام سليم
ثانيا: اللي يقول ان مفيش ايدز وفيروسc وكده ده يبقى عبيط.الامراض دي موجودة و بندور لها على علاج
وادي السرطان بيتعالج دلوقتي والايدز نفسه بيتعالج وفيروس سي
سنتين ويبقى زي البرد يتعالج بسهولة
فعلا استعباط جامد الصحافه بتاعتنا دى عثل بجد اى كلام ممكن تنشره المهم تحقق ارباح وخلاص
نيجي بقى للحتة اللي تبعي شوية يعني طب بديل وكده
مفيش حاجة اسمها طب بديل
اسمها طب تكميلي (يعني كله يكمل بعضه)
بالظبط تكميلى هو ده اللى اقصده مش يكون اعتمدنا كله عليه
وده موجود بس مش بالطريقة الموجودة دلوقتي
يعني مفيش حاجة اسمه خد بردقوش وزيت حبة البركة وحتخف على طول
الله ينور :)
انما فيه حاجة اسمها خد قد كده زيت بركه من النوعية الفلانية كام مرة لكام يوم وتاخد معاه كذه وابعد عن كذه
اومال الادوية جت منين؟؟؟
صيادلة خدوا النباتات استخلصوا منها المواد الفعالة وعملوا تجارب على التأثير الجانبي والجرعات وكده
وبعد كده صنعوها وهنا المشكلة التصنيع...... الطبيعي يفرق طبعا
عشان شغل الروابط الكيمائية والتحلل
انتي عارفه علاج اي مرض ليه 3 حاجات حرتبهم حسب الاهمية
النظام الغذائي.. الادوية الطبيعية والاعشاب... الدواء الصناعي بتاع الصيدلية
وكمان مثلا بصي كده حتلاقي الطب الشعبي منتشر ومفيد جدا زي الطب الصيني واليوجا (علاج نفسي)
والابر وكده
يعني اسألي مامتك؟؟ ماما بتعملي القلقاس ازاي؟؟؟؟ حتقولك بقشره و اغسله في ماء وبعد كده ارمي المياه دي خالص
اسأليها ليه؟؟ مش حترد عليك؟؟؟؟؟ انا اقولك القلقاس ده عليه مادة سامه من بره لازم نتخلص منها..متخافيش مش بتموت بس بتقلل فائدته جدااااا
النعناع مثلا؟؟ بتعمله ازاي؟؟ بتغليه ولا تحطيه مع مياة ساخنه
طب ليه فيه دوا اراص وفيه كبسول وفيه حقن وفيه لبوس
فيه ناس درست الكلام ده لسنين وطلعته في مجلات وابحاث
انا بيديني دكتور نبات راجل عالم كبير جدا ومثقف جدا
يقولك ايه ...ورق الزيتون يتجاب ويتغلي ليه فائدة كبيرة جدا ويعالج سكر وضغط وحاجات كتير
عارفه لو روحتي للعطار دلوقتي وقولتيله هات ورق زيتون وغليتيه وشربتيه لمدة........ يجيلك حصوات في الكلى والحالب ويمكن فشل كلوي:(:(
ليه؟؟ لان لازم يبقى اخضر وطازة واول 6-7 ورقات صغيرين من فوق من الشجرة(شغل كيمياء:))
والتوم ده.....جربي تاخدي كل يوم فص على الريق لمدة شهر او تدهني بيه شعرك وادعيلي
الشاي الاخضر.اشربية من2-3 مرات في اليوم منهم مرة على الريق وحتدعيلي برضه
نيجي لنقطة افتكرتها.فيه بحث كنت عامله عن الفيتامينات
عندنا حوالي 13 فيتامين ..كل مشكلة في الجسم من مسبباتها نقص انزيم
سواء في الجلد في الشعر في الاظافر في الشفايف وباقي الجسم
فيتامين بي نقصه يضعف النظر عشان كده يقولك كلي جزر
انا عاوز اثبتلك اهمية الحاجة دي.. وقارني بين اجدادنا اللي كانوا بياكلوا السلطة والخضار والفول والجيل ده بتاع الهامبورجر والبطاطس
والمعلبات
انا لكيت كتير وشكلي توهتك زي ما توهتيني بس عندي كلام تاني كتيررررررر فانتظرونا.
راجع تاني
:078111rg3::078111rg3:
طب بجد يا احمد والله ردك احسن من الموضوع مليون مره انا عن نفسي استفدت منه
ياريت اللى يدخل يقرا الرد ويقلب الموضوع
بجد نورت:)
COoL HEaRT 06-12-2008, 12:21 PM ;860939']يا ياسمين انتي بتعلقي علي الطب بس
فعلا هو عندنا نص كم
مش نص كم
لا البلد كلها بصراحه بحملات وكات
بس زي ما تقولي مش خالف تعرف
زي ما تقولي اللي ميعرفش يقول عدس
عارفه احنا عاملين زي ايه
زي العيل الصغير اللي امه قاعده معاه
فبتسأله بتقوله حل السؤال ده ايه
يقولها لاء دي مخدنهاش
لانه نساها او مش عارفها
فاشل
:d
شكرا للموضوع
وينك يا ابن الحاج رضا بجد المنتدى مضلم من غيرك يلا
ع رأيك البلد بقت كات وحملات
ماشيين بمبدأ غريب اللى عاوز يظهر يمشي عكس التيار
يلا دنيا ولا شكر يا سيدى ع واجب
CoMMaNdo 06-12-2008, 12:54 PM حمدلله على السلامه يا بنوته:d
Taleba Me7tasa 06-12-2008, 08:44 PM هي فعلا مش ف مجال الطب بس
مجالات كتير بقت فاشلة
بس بالنسبة للطب بالذات الوضع بقى مؤسف
انا افتكر مرة رحت لدكتورة عيون
وكانت اول واخر مرة اروحلها
المهم ماكنتش عايزة اكشف نظر
كان عندي مشكلة دماغي بتصدع وكدة
ودي بقى اللي طالع عليها
ماتعملي لنسز
على فكرة دي كويسة اوي
وكمان انتى بنت ازاي تلبسي نضاره :huh:
ماعلينا
المهم ف الاخر تيقنت انها مش عارفة حاجة
لما ملقتش حل تقوله
قعدت تقولي قيسي الضغط وحللي دم
والمشكلة اني كنت لسة محللة وكانت نسبة الهيموجلوبين عندي كويسة :huh:
مرضتش اقولها بقى ماصدقت اني هخلص
ودي حست بارتياح انها لقت مخرج :022yb4:
وقالتلي ابقى هاتي النتايج :d
بس بالنسبة للعلاج بالاعشاب والنباتات موجود فعلا
واحيان كتير بيكون كويس جدا كمان
بس هي المشكلة انه مش اي حد يتكلم فيه
وطبعا حكاية انه مفيش مرض اسمه الايدز والالتهاب الكبدي دة هجص
معلش بقى طولت
اصلي مبقوقة م الست دي
ناس فاضية :d
COoL HEaRT 07-12-2008, 03:20 AM هى المشكله كده فى مين
أولاً
الإعلام أهم وأكبر نقطه فى الموضوع لأن هو المروج الأساسى للخرفات والإشاعات
اه الاعلام عندنا مصيبه ميصدقوا يلاقوا حاجه وهاتك يا تأليف
ثانياً
أنا بجد نادراً لما سمعت حاجه من اللى إنتى بتقوليها دى زى تكذيب الإدز ومرض الكبد الوبائى بجد أنا أول مره أسمعها
الموضوع ده كان فى سنه 2004
ثالثاً
إحنا اللى بننقل ونروج أكاذيب فى أكاذيب بنعالج خطأ بخطأ أكبر يعنى أنا مثلاً متأكد إن مفيش دكتور مصرى أو أى دكتور خرج قال أى حاجه من المكتوبه لكن الهدف الأول والأخير هو تسوء سمعتهم
فى دكاتره مصريين بيهبلوا كتير مش شرط يكون تسوىء السمعه يعنى هحاول اجيبلك المقاله نفسها لو عرفت مع ان مش ليها لازمه
زى بالضبط لما يقولك إدخل إطلب حذف الصوره الميئه للرسول عاوزين 10000000000 توقيع ونشيل الصوره
أولاً
إنت كده فرجت الصوره ل 10000000000 فرد
ثانياً
إنت فدت فى المقام الأول الموثع اللى نشر الصوره بسس كميه التسجيل اللى حصلت فيه
يعنى الموضوع من الأول خطأ
نيجى بقه لنقطه تانيه
" إسألو أهل الذكر إن كنتم لا تعلمون "
أنا تعبان وعارف إن ده دكتور ورحت كشف عليا وقالى علاجك قشر بطيخ أكيد هصدقه لأن أنا معرفش حاجه فى المجال ده
آسف لو كنت طولت عليكى بس ياريت تكونى فهمت وجهة نظرى
[
انا معاك فى ان الواحد يسال المختص ده اللى كنت بقوله اصلا مش الواحد يسمع كلام اى حد و السلام
لا ولا طولت ولا حاجه يا حاج محمد الموضوع موضوعك وكويس نقاشك مع الدكتور احمد
:)
COoL HEaRT 09-12-2008, 12:54 AM مشكوووره يا بنوته
والله الموضوع ده انتشر اوى فى مصر
بقى اى حد عامل نفسه دكتور دلوقتى
وهو اساسا ميعرفش اى حاجه فى اى حاجه
وبيألف طب جديد على مزاجه
والمشكله بقى الأكبر مش فى الناس دى
المشكله فى الناس اللى بتصدق كده
وكمان الصحافه والأعلام لهم دور كبير اوى فى كده
كل يوم بنسمع عن الأعشاب اللى طالعه جديده
وانها علاج لكل الأمراض..................
والله لو كانت بتشفى كل الأمراض زى ما بيقولوا
كانت الدكاتره تقعد فى بيتهم ومعتش لهم لزمه بقى
وكمان حكاية ان ما فيش مرض الأيدز ده ومرض التهاب الكبد الوبائى
اكيد طبعا دى حاجه محدش يصدقها اصلا
وانا مش سمعت عن حاجه زى دى قبل كده
وتسلمى على الموضوع
لا شكر ع واجب ..
كله فعلا بيألف وبيخترعوا طب جديد
زى الدكتور عادل عبدالعال
وبعد كده يكتشفوا انه مزور شهاده ايه والافلام اللى طلعت عليه دى
فى جمله بتقول
لو بطلنا نسأل البواب عن العلاج ونتأكد من صحه كلامه باستشاره الميكانيكى واللبان سنشفى
او حاجه زى كده
وهو ده النظام اللى ماشيه بيه البلد
كل واحد بيفتى
تسلمى انتى ع مرورك الجميل
COoL HEaRT 09-12-2008, 12:56 AM حمدلله على السلامه يا بنوته:d
الله يسلمك يا محمد
COoL HEaRT 09-12-2008, 12:59 AM هي فعلا مش ف مجال الطب بس
مجالات كتير بقت فاشلة
بس بالنسبة للطب بالذات الوضع بقى مؤسف
انا افتكر مرة رحت لدكتورة عيون
وكانت اول واخر مرة اروحلها
المهم ماكنتش عايزة اكشف نظر
كان عندي مشكلة دماغي بتصدع وكدة
ودي بقى اللي طالع عليها
ماتعملي لنسز
على فكرة دي كويسة اوي
وكمان انتى بنت ازاي تلبسي نضاره :huh:
هههههههههههههههههههه
مين الاخت وهى مالها نضاره ولا لينسز اللى يريحك انتى ماعلينا
ماعلينا
المهم ف الاخر تيقنت انها مش عارفة حاجة
لما ملقتش حل تقوله
قعدت تقولي قيسي الضغط وحللي دم
والمشكلة اني كنت لسة محللة وكانت نسبة الهيموجلوبين عندي كويسة :huh:
مرضتش اقولها بقى ماصدقت اني هخلص
ودي حست بارتياح انها لقت مخرج :022yb4:
وقالتلي ابقى هاتي النتايج :d
نتايج ايه بئا تنسي مش ناقصين صداع
بس بالنسبة للعلاج بالاعشاب والنباتات موجود فعلا
واحيان كتير بيكون كويس جدا كمان
بس هي المشكلة انه مش اي حد يتكلم فيه
وطبعا حكاية انه مفيش مرض اسمه الايدز والالتهاب الكبدي دة هجص
معلش بقى طولت
اصلي مبقوقة م الست دي
ناس فاضية :d
هههههههههه مبقوقه ولا يهمك يا باشا انتى تدخلى تطلعى اللى انتى عيزاه هو علاج الاعشاب مفيد بس مش بالشكل اللى يكون علاج شافىى وافى يعنى نورتى يا جميل
|