السلام عليكم يا جماعة
طبعا الناس كلها عارفة موضوع المدرس اللى قتل التلميذ
أو الطفل (11 سنة)
طبعا أنا شايفة ان الموضع ده جريمة بشعة جدا
واحد قتل طفل (قتل البراءة)ده في نظر بعض الناس
في ناس تانية شايفه ان المدرس عمل كده لدافع معين
وهو ان الولد مثلا يكون شتمه , هزؤه مثلا قالوه كلمه ضايقته
قاله كلام ماينفعش يتقال لمدرس
بصراحة ده كان رأي المدرس اللى أنا باخد عنده درس
ان المدرس مقدرش يمسك أعصابه قدام عيل تطاول عليه
وده طبعا عشان المدرس لسه صغير في السن قليلا
يا ترى انتوا شايفين ايه؟
انا من وجهة نظري ,شايفه ان مهما كان الاستفزاز وصل بالمدرس
ما يوصلش لدرجة القتل,لدرجة انه يحرق قلب أم على ابنها
يهدم قلب أب على ابنه (يشقلب كيان الأسرة)
انا شايفه ان حتى لو كان الطالب قليل الادب وتطاول على المدرس
كان المدرس نزله للمدير وكان بلغ اهله ساعتها كان الاهل(هيبهدلوا الطالب)و يعلموه ازاى يحترم اللى اكبر منه وخصوصا مدرسه.
يا ريت اللى يدخل يقول رأيه هو من المؤيد الى:
1. ان الطالب استفز المدرس , والطالب يستاهل.
2.ان الطالب ضحية بكل المقاييس (سواء كان قليل الادب وتطاول على المدرس , او كان مالوش ذنب في حاجة)
برضه تقولوا أنتم شايفين ايه العقاب اللى المفروض يكون
عشان أنا مش بعرف اقول عقاب
أنا شايفة أن المدرس يستاهل الدبح بس معلش (هو وراه عيال زى ما بيقولوه)عندوا أطفال (هيتشردوا) ممكن ما يكونش ليهم مصدر للدخل غيره.كده اسرة اتدمرت , وبعدين لو هو صغير كده مستقبله ضاع وعياله هتلاقيهم صغيرين هيتبهدلوا(هو يستاهل اللى جرالوه بس بصوا للموضوع من ناحية تانيه)
وبرضه عايزين نشوف رأي حضراتكم
و في النهايه أحب أقول :
الله يرحمه ويصبر أهله ويجعل مثواه الجنة

شكرا لمناقشة الموضوع

كلنا نتعرض لمثل هذه المواقف
وحزننا على الطفل كبير
وعلى المعلم أكبر

فكلنا بشر ومعرضون للخطأ ، ومعرضون لمواقف نخرج فيها عن شعورنا .
فذلك المدرس أخطأ ولا بد أن ينال عقابه، هذا لا جدال فيه
ولكن ذلك القتل خطأ ، فليس متعمدا أن يصل به إلى ذلك.

ومهما كانت الكلمات أو ما أتى به الطفل من عمل
ما كان ليستحق العقاب .
وإلا أين ذهب الصبر والحكمة والتحلى بالحلم في أداء رسالة العلم.
وكم سمع معلمون ما يؤذيهم ، وتغاضوا عما سمعوا لله ومر الموقف بسلام .
حتى يفيق المسيء ويتنبه الغافل إلى أنه كان غافلا أوسيء الخلق ..

أقول لكل معلم لا تجعل الانتقام أو الانتصار لنفسك هدفا
ليكن غضبك لله وحده تسلم ، وتجد الله عونا في كل شدة
تذكر أن الذي تلقنه العلم ولدك أو ابن حبيب لك أو صديق تجله وتحترمه .

ليكن في ذهنك وأن تعلم أن العمل لوجه الله حتى تؤجر عليه من الله سبحانه
وإن كان المقابل قليلا من صاحب العمل ..





مع وافر التقدير

أيتها الأخت الكريمة أسمحي لي فأنا مختلف معك في الرأي . فأنا أرى أن هذه المأساة التي حدثت و راح ضحيتها هذ التلميذ المسكين راح ضحيتها أيضاً هذا المعلم المسكين . لأن أي مدرس كان ممكن يبقى مكانه , وأي اب و أم ممكن يبقوا مكان والدي هذا الطفل المسكين صدقيني مفيش مدرس حتى لو كان مفتري يضرب عيل صغير زي أولاده بقصد انه يسبب له أي أذى. هذا الموقف حدث و سيحدث مراراً و تكراراً طالما أن القائمين على التعليم يمنعون عملية الضرب التي هي الوسيلة الوحيدة في يد المعلم لأن مفيش حد ولا حتى مدير المدرسة يقدر يمنع تلميذ من دخول المدرسة . أنا مش بلتمس عذر لهذا المدرس ولكن ضعي نفسك مكانه افرضي انك بتقولي لتلميذ عنده 11 سنة افتح ايدك و هو قال لك مش فاتح ,وده ليه علشان كل أب و أم دلوقتي بيقولوا لإ بنهم متخليش حد يمد ايده عليك ولو مدرس قالك تنضرب قول له أنا مبنضربش . ودلوقت كل ولي أمر ابنه ينضرب يجري يبلغ البوليس ويعمل تقارير طبية كاذبة تودي في داهية مع انه هو نفسه اتعلم وكان فيه ضرب و اهانات بس كان فبه برده تعليم وكان فيه احترام .
فهذا الولد البريء وهذا المدرس المسكين هما ضحيتان لسياسات تعليمية و قرارات خاطئة لا تتماشى مع مجتمعنا . فيها ايه لما مدرس بيعلم اولادنا يضرب التلميذ المشاغب عصاية أو عصايتين ما كناش وصلنا لكدة دا حتى الوزير ورئيس الوزاراء و المسؤليين اللي بيمنعوا الضرب اتعلموا في المدارس المصرية على ايد المعلمين المصريين الذين يشهد لهم العالم بالكفاءة و برده كان فيه ضرب و هم بقوا وزرا . عموما ربنا يجازي اللي كانوا السبب في تدمير اسرتين من الأسر المصرية الغلبانة اللي مش ناقصة بلاوي
وأخيرا أدعو الله أن يرحم هذا الطفل المسكين و أن يلهم أهله الصبر و السلوى و ان يجعله سببا في دخولهم الجنة بصبرهم على هذه المصيبة الكبرى و" إنا لله و إنا إليه راجعون" و "لا حول ولا قوة إلا بالله"

أيتها الأخت الكريمة أسمحي لي فأنا مختلف معك في الرأي . فأنا أرى أن هذه المأساة التي حدثت و راح ضحيتها هذ التلميذ المسكين راح ضحيتها أيضاً هذا المعلم المسكين . لأن أي مدرس كان ممكن يبقى مكانه , وأي اب و أم ممكن يبقوا مكان والدي هذا الطفل المسكين صدقيني مفيش مدرس حتى لو كان مفتري يضرب عيل صغير زي أولاده بقصد انه يسبب له أي أذى. هذا الموقف حدث و سيحدث مراراً و تكراراً طالما أن القائمين على التعليم يمنعون عملية الضرب التي هي الوسيلة الوحيدة في يد المعلم لأن مفيش حد ولا حتى مدير المدرسة يقدر يمنع تلميذ من دخول المدرسة . أنا مش بلتمس عذر لهذا المدرس ولكن ضعي نفسك مكانه افرضي انك بتقولي لتلميذ عنده 11 سنة افتح ايدك و هو قال لك مش فاتح ,وده ليه علشان كل أب و أم دلوقتي بيقولوا لإ بنهم متخليش حد يمد ايده عليك ولو مدرس قالك تنضرب قول له أنا مبنضربش . ودلوقت كل ولي أمر ابنه ينضرب يجري يبلغ البوليس ويعمل تقارير طبية كاذبة تودي في داهية مع انه هو نفسه اتعلم وكان فيه ضرب و اهانات بس كان فبه برده تعليم وكان فيه احترام .
فهذا الولد البريء وهذا المدرس المسكين هما ضحيتان لسياسات تعليمية و قرارات خاطئة لا تتماشى مع مجتمعنا . فيها ايه لما مدرس بيعلم اولادنا يضرب التلميذ المشاغب عصاية أو عصايتين ما كناش وصلنا لكدة دا حتى الوزير ورئيس الوزاراء و المسؤليين اللي بيمنعوا الضرب اتعلموا في المدارس المصرية على ايد المعلمين المصريين الذين يشهد لهم العالم بالكفاءة و برده كان فيه ضرب و هم بقوا وزرا . عموما ربنا يجازي اللي كانوا السبب في تدمير اسرتين من الأسر المصرية الغلبانة اللي مش ناقصة بلاوي
وأخيرا أدعو الله أن يرحم هذا الطفل المسكين و أن يلهم أهله الصبر و السلوى و ان يجعله سببا في دخولهم الجنة بصبرهم على هذه المصيبة الكبرى و" إنا لله و إنا إليه راجعون" و "لا حول ولا قوة إلا بالله"
بصراحة حضرتك جبت الخلاصة ومفيش قول يقال بعد كده
بالفعل هو اصلا نظام تعليمي فاشل وهو اللى آل بنا الى حافة التدهور

شكرا لمناقشة الموضوع

كلنا نتعرض لمثل هذه المواقف
وحزننا على الطفل كبير
وعلى المعلم أكبر

فكلنا بشر ومعرضون للخطأ ، ومعرضون لمواقف نخرج فيها عن شعورنا .
فذلك المدرس أخطأ ولا بد أن ينال عقابه، هذا لا جدال فيه
ولكن ذلك القتل خطأ ، فليس متعمدا أن يصل به إلى ذلك.

ومهما كانت الكلمات أو ما أتى به الطفل من عمل
ما كان ليستحق العقاب .
وإلا أين ذهب الصبر والحكمة والتحلى بالحلم في أداء رسالة العلم.
وكم سمع معلمون ما يؤذيهم ، وتغاضوا عما سمعوا لله ومر الموقف بسلام .
حتى يفيق المسيء ويتنبه الغافل إلى أنه كان غافلا أوسيء الخلق ..

أقول لكل معلم لا تجعل الانتقام أو الانتصار لنفسك هدفا
ليكن غضبك لله وحده تسلم ، وتجد الله عونا في كل شدة
تذكر أن الذي تلقنه العلم ولدك أو ابن حبيب لك أو صديق تجله وتحترمه .

ليكن في ذهنك وأن تعلم أن العمل لوجه الله حتى تؤجر عليه من الله سبحانه
وإن كان المقابل قليلا من صاحب العمل ..





مع وافر التقدير
انا فعلا نظريتى كده (ان المعلم يكون عنده شوية صبر )ده ربنا بيقول (وادعوا الىسبيل ربك بالجكمة والموعظة الحسنة)
بس هو الاساس فاشل (مافيش دعائمللتعليمن)العادات والتقاليد دمرتنا

تم حذف الردود الخارجة عن الموضوع


2.ان الطالب ضحية بكل المقاييس (سواء كان قليل الادب وتطاول على المدرس , او كان مالوش ذنب في حاجة)
برضه تقولوا أنتم شايفين ايه العقاب اللى المفروض يكون

انا مع الراى ده

احنا قولنا قبل كدا ان الضرب وسيلة تربوية ناجحة بس الوسيلة دى لازم يكون
لها حدود

لو هنتكلم عن الواقعة دى هنقول ان دا لسة طفل مش راجل ولا حاجة

يعنى لو غلط حتى فى المدرس اكيد هنقول دا عيل

بس بردو هيتعاقب بالضرب غير المبرح ويتم استدعاء ولى امره

انما توصل لحد القتل دا بقا اللى مش ممكن

لازم يكون فى عقاب بس مش نقتل ونقول بنربى جيل

:::::::::::::::::

حكاية ان المدرس دا له اولاد المفروض يخاف على الاطفال اللى بيدرسلهم

ويعاملهم زى ولاده

طب هو محترمش كدا

يبقا يستاهل اللى يجراله

وبالنسبة لو له اولاد فربنا مبينساش حد

دمتم فى رعاية الله

السلام عليكم ورحمة الله وبركاته ..

أفاد بمن قبلي حول الموضوع بما فيه الكفاية

فالجميع ضحية
(الطالب - رحمه الله وجعله شفيعً لأبويه يوم القيامة -
والمدرس - الذي لا يمكن أن يقول رأي أنه قصد ذلك أبداً-
والأبوان (كان الله في عونهما ورزقهما من الصبر أجمله زعزضهما بما هو خير منه في الدنيا والآخرة - )

ولكن ... ما نريده ونناشده الآن ... أن لا يتكرر نفس المأساة

وأود فقط ذكر بعض أبيات للإمام الشافعي رحمه الله

تصبَّر على مر الجفا من معلم ========= فإن رسوب العلم في نفراتـه
ومن لم يذق مر التعلم ساعة ========= تجرع ذل الجهل طول حياته
ومن فاته التعليم وقت شبابـه ========= فكبر عليـه أربعـا لوفاتـه
حياة الفتى والله بالعلم والتقى إذا========= لم يكونا لا اعتبار لذاتـه



فالجفا من المعلم وارد ... وطاعته واجبه
والصبر على التعلم ضروري ... والاحترام مطلوب
وقبل كل هذا ... لابد من وجود تقوى للفتى يكتسبها من والديه ...

لذا ضروري من الوزارة إعادة النظر بوجود عقاب لمن أرادت له أن يكون متعلماً
عقاب يخشاه الطالب ... ويحذر الوالدين منهم ولده ...

نسأل الله الصبر لقلب أهل الطالب ... وأن نخرج من هذه المأساة بما هو خير للجميع ...

دمتِ بسلام ... ،

مفيش اي مبرر للمدرس مهما كان. احنا بني ادمين ولا حيوانات بنضرب ونقتل في بعض فيه طرق ادميه وتربوية في التعامل بين الناس . وبجد انا مستفزة جدا من الموضوع ده المدرس ده يستاهل الشنق:mad:

والله المدرسين اليومين دول شدين حيلهم على الطلبة اوي
بعد ده جه واحد ارتكب حاجة غير انسانية بالمرة في طلبة عنده
ده بقى اهدر كرامة الطلبة ديه (والمفروض انهم رجالة يعني) ويعمل فيهم كده
المدرسين مش هيسكتوا غير لما بالفعل حد يكون عبرة لزمايلة (محدش من المدرسين يزعل مني)
انا ماما اخصائية اجتماعية في مدسة صنايع و مدرس ضرب بنت و البنت اشتكته وكده
والمدرس ده كان عمل الحركة ديه قبل كده والبنت واهلها ناس طيبين سكتوا
واللى يغيظ بجد المدرسين بيداروا على بعض يعنى ماما بتعمل مذكرة وكده
المدرسين عايزنها تغير المذكرة ديه لصالح المدرس (طبعا ماما مش وافقت )
اولا عشان ده حق ربنا ,, ثانيا عشان لو كان حد من عياتلها مكان البنت ماكنتش سكتت

مع إحترامى لكل المدرسين

اللى بيتخرج من كلية التربية ده إسمه مُدرس " مُعلم "

زمان كان المُعلم زى الحكيم بالظبط

دلوقتى المُعلم بقا فى نظر الكل مُجرم .. زيه زى الحرامى والنصاب والقاتل

والله الواحد بيشوف فى كلية التربية دى أشكال ما يعلم بيها إلا ربنا .. مُدرسين إزاى دول ؟!!!

نفسى أعرف بيدرسوا إيه فى الكلية ..!!! .. أنا ماكملتش نص سنة فى آداب علم نفس و بناخد قضايا ومشكلات عجيبة عن المراحل الدراسية فى المدارس .. أغلبيتها السبب فيها المدرس :(

المُدرس من صفاته الصبر واللين مع الطلبة لحد ما .. مهما الطالب قال بيحتفظ بشخصيته

أنا من وجهة نظرى المُدرس اللى قتل التلميذ بتاعه يمكن الطفل عصبه ( مع إن من صفات المُدرس الصبر وراحة البال ويا سلام لو عنده برود ) شخصية المُدرس ده ضعيفة لأبعد الحدود .. دا طفل يا نااااااااااااس .. عيـــــــــل

والخيبة الكبيرة النتايج الحلوة بتاعة الكادر تثبت إن المدرسين دول عك آخر حاجة ( مش كلهم أكيد ).. 33% نسبة النجاح والأسود من كده رفعها ل 99% .. يا فرحة قلبى :angry2:

آآآآآآآه لو أبقا وزيرة التربية والتعليم .. كنت هعمل حفرة فى الصحرا واربط المدرسين فى بعضهم ( المدرسين النص كم ) و أولع فى الحفرة دى نار وأرميهم فيها :049gc0:

وأمسك كلية التربية دى أنفضها و أحطلهم إمتحانات تأهيل كل سنة

ولما نشوف هيتعدلوا ولا هيفضلوا فرافير :stickjo4:

إيه الرغى ده كله

معلش أصل سيرة المدرسين دول لما تيجى ببقا نفسى :slap1qk6:

آسفة إنى طولت .. وربنا يهدى الجميع

حقيقة انا لاأتخيل ان العلاقة التربوية بين المعلم والطالب تصل الى حد القتل الغير مقصود لماذا ؟
اين طرق التدريس : اين محتويات اختبار كادر المعلم ؟
هل المعلم يفتقد كل هذه التربويات ؟
اذا لماذا كليات التربية ؟
المهم لابد ان نفكر............... لماذا وصل حد التفاهم بين التلميذ والمعلم أو بين المعلم والتلميذ الى هذا الحد ؟
هل المعلم سوى نفسيا ؟
هل الموت كان قضاء وقدر دون افتراء ؟
ولكنى اعتقد ان الامور صعب ان تصل الى حد الموت للمتعلم ,ارى انه لابد من تشغيل العقل اولا ودراسة حيثيات الواقعة . ثم الحكم عما اذا كان المدرس قاتل ام لا .
الحقيقة ياخوانا انا مهما كانت الاسباب ادين تصرف المعلم مع هذه البنية العقلية.
وأشكركم على حسن متابعتكم
مدرس : طلحه البرى

انا وجهة نظرى
ان في مدرسين كويسين جدا ويكونوا للطالب الاب والاخ والصديق
بس في مدرسين تيجي تقولهم صباح الخير يردوا : هم انتم هتصحبونى هو انا عيل ادكم وحاجات كده
بس بجد المدرسين مش هيهدوا غير لما حد يتنش حكم يخلي الباقيين يخافوا
انا معاكم ان الضرب كويس في المسموح به ,انا كنت في ابتدائي كان مدرس بيضرب العيال على رجلهم
انا المنظر كان بيرعبني (بس يمكن ده يكون اسلوب في التربية ) بس المدرس كان عارف يمسك نفسه بالرغم من صغر سنه
وفي النهاية انا عايزة اعرف المدرسين دول ايه اللى هيجرالهم (القاتل _والذابح للكرامة)

ربنا يعين المعلم اللى كل الناس ظالمينه


ياريت كل واحد يضع نفسه مكان المعلم فى الفصل وكبف يتعامل مع الستين تلميذ والاربعين واولاد متربيين فى بيئات ربنا ما يوريكم والفاظ لبعضهم وتصرفات الله المستعان

ربنا معاه
ان الله مع الصابرين اذا صبروا
المدرسين مش بقى في حكمة وروية (وادعو الى سبيل ربك بالحكمة والموعظة الحسنة)
امال بقى اللى بيتعامل مع الصنايع والتجارة (الطلبة معظمهم بيكون مايعلم بهم الا الله) دول يعملوا ايه
يولعوا في المدرسة بقى

شكرا لمناقشة الموضوع

كلنا نتعرض لمثل هذه المواقف
وحزننا على الطفل كبير
وعلى المعلم أكبر

فكلنا بشر ومعرضون للخطأ ، ومعرضون لمواقف نخرج فيها عن شعورنا .
فذلك المدرس أخطأ ولا بد أن ينال عقابه، هذا لا جدال فيه
ولكن ذلك القتل خطأ ، فليس متعمدا أن يصل به إلى ذلك.

ومهما كانت الكلمات أو ما أتى به الطفل من عمل
ما كان ليستحق العقاب .
وإلا أين ذهب الصبر والحكمة والتحلى بالحلم في أداء رسالة العلم.
وكم سمع معلمون ما يؤذيهم ، وتغاضوا عما سمعوا لله ومر الموقف بسلام .
حتى يفيق المسيء ويتنبه الغافل إلى أنه كان غافلا أوسيء الخلق ..

أقول لكل معلم لا تجعل الانتقام أو الانتصار لنفسك هدفا
ليكن غضبك لله وحده تسلم ، وتجد الله عونا في كل شدة
تذكر أن الذي تلقنه العلم ولدك أو ابن حبيب لك أو صديق تجله وتحترمه .

ليكن في ذهنك وأن تعلم أن العمل لوجه الله حتى تؤجر عليه من الله سبحانه
وإن كان المقابل قليلا من صاحب العمل ..





مع وافر التقدير
بارك الله فيك

في ناس تانية شايفه ان المدرس عمل كده لدافع معين
لا طبعا دافع ايه اللى يخلى مدرس يقتل طفل
حتى لو كان استفزه
طفل ايه اللى ممكن يعمل حاجه تضايق مدرس لدرجة انه يقتله
وحتى لو عمل حاجه تضايقه للدرجه دى
مافيش حاجه اسمها وسيلة عقاب
يعنى يقدر ينزله للمدير يتصرف معاه
ممكن يفصله ......... الخ
لكن مش يحرق قلب مامته عليه
مشكور لمناقشة الموضوع

والله أحيانا لو معاك رشاش لتقتل الفصل كله
أنا عن نفسى لما كنت فى مصر كنت ،،، بعامل الطلاب باحترام لكن كنت شديد جدا
وكنت أشفق على بعض زملائى من قلة أدب الطلاب معهم

هو بص والله لأى سبب من الأسباب مهما كان مفيش أى عزر تقدر تلتمسه للمدرس
مهما كان العذر ده

" ولا تقتلوا النفس التي حرم الله إلا بالحق "

هل إنت تقدر تجبلى سبب واحد أو حتى شبه سبب يدى الحق لقتل نفس بريئه يا جماعه دا حكم الإعدام على القاتل بياخد أكتر من سنه يقوم هو يصدر حكم وقتى كده بقتل الطالب
إيه فى انهى شريعه ده ولا فى شرع مين ده ياجماعه إنتو بتتجادلو فى شىء أو قضيه منهيه

السلام عليكم

اولا هو قتل خطأ

يعنى لازم نتفق جميعا ان المدرس مش كان قاصد يقتل التلميذ

المدرس عبارة عن سبب اودت بحياة التلميذ

لكن من ناحية تانية انتم لو شوفتم صورة التلميذ مش ممكن تتصوروا ابدا انه ممكن يكوت تلفظ بالفاظ خارجه كما قال المدرس


http://www.egyptwindow.net/image2/islamarobadr_mostafamohammad.JPG


انا راضى ضميركم هذه صورة التلميذ ووالده

ده منظر طفل يشتم مدرس؟؟؟

هذا منظر اب يربى ابن يشتم مدرسة؟

مستحيل

وعلى فكرة كبير الحكاية دى سنة سجن
لانه فى النهاية قتل خطأ
يعنى جنحه مش جناية

أنا أرى أن الطالب والمدرس هم الأثنين مخط.ئين
أولا هذا المدرس لم يكن من المفروض أن يأتى بهذا الفعل الشنيع الذى لا يقبله أحد.
ولكن ما الذى دفع هذا المدرس ليفعل ذلك أكيد أستفزاز الطالب له فلولا أستفزازه للمدرس أو أنه قام بسلوك غير لائق لما قام المدرس بهذا التصرف.
وليس معنى ذلك أننى أبرر تصرف هذا المدرس ,ولكننا جميعا بشر ولنا مشاعر ومن السهل أن يخرج أى منا عن شعوره.
والبقاء لله وربنا يعيت أهل الطالب والمدرس.
تانيا :هذا الموضوع تم تصعيده لدرجة كبيرة فى الأعلام والتلفزيون المصرى والقنوات الفضائية بحجم أكبر من حجمه بكثير جدا مما أثر على القضية وعلى الحكم فأخذ المدرس 6سنوات سجن وكان مدرسا بالتعاقد فضاع مستقبله من العمل وأصبح سوابق .
ثالثا البقاء لله فى التعليم المصرى.
إن العملية التعليمية أصبحت فى عداد الأموات لأن الطالب لم يعد يكن أى إحترام للمدرسوالسبب فى ذلك منع الضرب فى المدارس كل منا كان طالب فى المدرسة وكنا نحترم مدرسينا لدرجة لا توصف وبعد أن كبرنا علمنا أن الدرس الذى كان يضربنا كان يضرب لمصلحتنا إن الطلبة بالنسبة للمدرس كأطفاله ومن منا لا يضرب أطفاله فى البيت إذا أخطئوا .
كنت وأنا فى المرحلة الإبتدائية إذا رأيت معلمى فى الشارع كنت أختبىء حتى لا يرانى, ولكننا الآن نرى طلبتنا فى الشارع ولا يوجد إحترام ولا تقدير الطالب يلعب فى الشارع ويكون لديه إمتحان فى الصباح ولا يكن أى أهمية.
وآخر كلامى حسبى الله ونعم الوكيل فى الذين يريدون تخريب العملية التعليمية أكثر من الخراب الموجود بها.

لا طبعا ..

المدرس ده يستاهل الاعدام ..

حتى لو كان مش قاصد يعنى المدرس مش هييجى المدرسه الصبح ناوى يقتل ..

بس هو ضربه ضرب بشع لحد ما موته ..يبقى يستحق الاعدام ولا لآ.؟؟؟.

ياجماعه لازم يتعدم عشان يكون عبره لغيره ..عشان الموقف ميتكررش مره تانيه ..

شكرا ع التوبيك ..