السلام عليكم ورحمة الله وبركاته
ارجو من الاساتذة الكرام مدرسي اللغة العربية
ان يشرحوا لنا ماهي موضوعات التعبير الوظيفي(برقية -رسالة................)
وخصائص كل موضوع اي كيف يكتب سواء كان برقية اوغيرها
ارجو الرد لاني لم اجد ذلك في اي كتاب وانا لا اخذ درس في اللغة العربية
شكرا :P

ارجو الرد بسرعة

كانوا كاتبين فى الأهرام ان هيبقى فى وظيفى السنه دى بس مش عارف لتانيه بس ولا تانيه وتالته

شكرا لمرورك بس اللي انا اعرفه مقرر علينا في تالتة بس تانية الله اعلم
ارجو الرد ساعدوني

مافيش حد بيساعد حد ولا ايه

صدقيني لو كنت لسة في ثانوي

يعني من سنتين كدة

كنت ساعدتك

او علي الاقل كنت افتكرت


سوري

اين الاستاذ فرج والاستاذ احمد كمال والاستاذ عمرو

ممكن اجيبلكــ الشرح يا مشمشه بس بكرة كدا اوكى

جزاك الله كل خير وان في انتظار الشرح
ربنا يوفقك

بسم الله الرحمن الرحيم


بناءا على طلبكــ انا جبت ليكي الشرح ويارب يعجبكــ ويبأى كويس وناس تانيا تستفيد منه


<span style=\'color:green\'>
المتوقع هذا العام باذن الله لو اتى سؤال التعبير الوظيفي1- ابرق للمنتخب الوطني تهنئه بالحصول على بطولة كأس الامم الافريقية لعام 2006
2- ابرق الى اسر ضحايا العبارة تواسيهم


وشكرا،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،، محمد البري

متشكرة جدا اخيرا
ربنا يوفقك وتدخل كلية الطب ان شاء الله
شكرا مرة تانية يا دكتور
هناكــ انواع اخرى للتعبير الوظيفي مثل كتابة بطاقات الدعوة - كتابة الاعلانات - كتابة التنبيهات- الاستمارات
معلش يعني لو فيها برود ممكن تقولي الحاجات بتتكتب ازاي

مشمسة هاقولكـــ هيه ليها شرح بس بجد شرح غريب جدا واستحالة من شحرها انها تيجي في امتحان ثانوية عامة وانا جبت لكي اللي بيجي واللي انتي مطالبة بيه حسب كتاب دليل التقويم

وعلى فكرة صعب جدا ان التعبير الوظيفي يجي وانا بدعي انه يجي لسببين هيباى عليه درجتين والابداعي هيبأى عليه تلاته ودا هيريحنا في التصحيح وشكرا ليكي

وربنا يوفقنا كلنا

Originally posted by مشمشمة@May 26 2006, 05:39 PM
متشكرة جدا اخيرا
ربنا يوفقك وتدخل كلية الطب ان شاء الله
شكرا مرة تانية يا دكتور
هناكــ انواع اخرى للتعبير الوظيفي مثل كتابة بطاقات الدعوة - كتابة الاعلانات - كتابة التنبيهات- الاستمارات
معلش يعني لو فيها برود ممكن تقولي الحاجات بتتكتب ازاي
116063
:P :P :P :P


لا بأى كدا بالعند فيكي انا هاجيبلكــ امثلة مبسطه ليهم بس موش عارف ممكن يجي التعبير الوظيفي ولا لاء بس انا شوفت نسخ تجيربية للامتحان بتاع العربي فيه التعبير الوظيفي وادي الجديد فيه

************************************************** *******************************
( نماذج اخرى للتعبير الوظيفي )



طلب وظيفة

السيد مدير/ .................
تحية طيبة وبعد،،،،،،

أتقدم الى سيادتكم بطلب وظيفة ............... المعلن عنها في جريدة ................... يوم ....................... الموافق ............. واليكم
بيانتي:
الاسم : ............................
المؤهل : ..........................
تاريخ الحصول عليه : ......................
تاريخ الميلاد : ................................
العنوان : .....................
الموقف من التجنيد : ..........................
الخبرات السابقة : .......................
التليفون : .....................................
وتفضلوا بقبول فائق احترامي ،،،،،،

************************************************** ****بطاقة دعوة

محافظة الاسكندرية
ادارة غرب التعليمية
مدرسة....................

السيد ولي امر الطالب/ ...................
تحية طيبة وبعد ،،،،،،،،،،،،،

تتشرف المدرسة بدعوة سيادتكم لحضور حفل ................. يوم ....................... الساعة ................. بمقر..........

مدير المدرسة/ .....................

************************************************** **********<span style=\'color:red\'>
الرسالة

ادعو صديق لكــ لزيارة مصر محدثا له على ما فيها.

صديقي العزيز / .....................

تمنياتي لكــ بدوام الصحة والعافية ودعواتي لكــ بالنجاح والتوفيق
ادعوكــ لزيارة مصر وقضاء اجازة اخر العام هنا ، وسوف ترى ما بها من آثار ومنجزات تاريخية وحضارية

المرسل / ........................
العنوان / ..................................................

وموش هابخل عليكي في الابداعي


اهعم موضوعات للتعبير الابداعي :
1- انفلونزا الطيور ( اشكــ انو 100 في المية موش هيجي)
2- الطفولة
3- دور الشباب في رقي الامم
4- ابن مصر محمد البرادعي الحاصل على جائزة نوبل للسلام لعام 2005
5- التلوث
6- الاخطار التيس تواجة الامه العربية

وشكرا ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ، فائق احترامي لكم مـــــحــــــمـــــــد الــــــبري

ربنا يخليك للمنتدي

وموش هابخل عليكي في الابداعي
شكرا علي كرمك

الشكر لله يا اختي وشكرا لمرروكــ بس الواجب برضو والصداقة والاخوة يحتموا على الواحد انو يعمل كدا وانا لما شوفت الامتحان التجريبي النهاردة في الاهرام التعليمي قولت بأى لازم اكمل التعبير الوظيفي وشكرا ليكي انتي لانكــ انتي اللي طرحتى الموضوع ولولا كدا انا عمري ما كنت هاعملها

شكررررا لكم كثيرا

الف شكر يا محمد

بجد هايل يا محمد انا متشكرا جدا على مجهودك انت بجد افدتنى كتير لانى كنت محتاجة جداااااااا اللى انت كتبة

محمد البري انت منين في مصر؟؟؟؟؟؟؟

اه منين والله من ع الخريطة


هههههههههههههههههههههه سوري رد متأخر بس سؤال غريب

انا من محافظة البحيرة

شكرا لكل من مر ويارب تكونوا استفدتم اسف عن غيابي الطويل بس الامتحانات ربنا يعينا ع الباقي

جزاك الله كل خير
بس ايه موضوع الاطناب والاسهاب ده
ده تبعنا؟ :huh:

طيب والله استفدت

ضيف لكده ان طريقة الحوار جميلة جدا

ومختلفة عن حالها >حاليا