ترافيل = travel

أهل بكم من جديد مع الموضوع الجديد لعبقرينو

وهذه المرة موضوع ذو مذاق خاص

يحمل الكثير من المتاعب والمشقة

يحمل الكثير من العتاب والنهر

يحمل كثيرا من الذل

وبصراحة كنت متوقع ان ترافيل احسن من كدا بكثير

ولكن ...... !

ترافيل = travel = سفر = الموضوع والملف ده

وأنا فعلا بكتب الموضوع وأنا حزين

اهلا بكم في موضوع (الازمة الاقتصادية العالمية)

هتكلم في الموضوع عن الازمة بس بالعامية وبالراحة وهنفهم مع بعض يعني ايه ازمة

وايه اللي هيفيدك انت كعضو او كطالب او ولي أمر أو مدرس أو موظف أو حد واحد سافر سفر

أولاً :
من شهر ونص وصلت اول رسالة على موبيلي من خلال خدمة اخبار وبالضبط يوم 23 سبتمبر وانا في المعتكف في الاواخر من رمضان بتقول (ازمة عالمية مالية تهدد امريكا والعالم )

وبعدها بدأت تتوالي جدااااا الرسائل وانا لسا مش فاهم حاجة لاني معتكف

وبعد الخروج من المعتكف بعد العيد

بدأت افهم واتابع واعرف في ايه وايه اللي حصل

علشان ما اطولش عليكم هحكي لكم الحكاية

الحكاية ان العالم كله اتبع نظام اسمه الرأسمالية (يعني اتبع نظام بيع اصول الدولة )

يعني مثلا في مصر بيع عمر افندي وبيع البنوك زي القاهرة

وفي دول عالمية كبيرة جدااااا وكثيرة جداااااا برضوا باعت اصولها وباعات البنوك

واصبحت المشروعات الكبيرة في البلاد في ايد اصحاب الاموال (بمعنى الخصخصة)

يعني كان في حاجة اسمها العولمة يعني نظام العالم يبقي كله سوق مفتوح

وكله على كله ومصر طبعا من الدول دي

وكمان بعد ما الدول باعت كل حاجة وخلت شوية فلوس مش كافية لشرب شاي

فجأة وبدون مقدمات الناس اللي كانت واخدة فلوس من البنوك العالمية مش عارفة تردها

وكمان البنوك كانت عاملة فلوس ومش عارفة تسوق لمشروعاتها

ففي بعض البنوك في امريكا وبريطانيا قفلت وافلست ومش لاقية فلوس خالص

واصبح الاهالي في العالم بيعملوا مظاهرات امام البنوك عايزين فلوسنا

والبنوك قفلت خلاص

وحصل ان الشركات اللي كانت بتأخذ فلوس من البنوك على شكل قروض مش عارفة تأخذ علشان مفيش فلوس في البنوك

وكمان البنوك مش عارفة تلم فلوسها القديمة

وبدأت المشكلة سوق العقارات في العالم كله وقف وطبعا في مصر

وكل الناس اللي مشاركة في البورصة خافت وبدأت تسحب فلوسها من الاسهم المطروحة في البورصة

وكانت الضربة الثانية ان البورصة العالمية وكل بورصة في كل دولة بدون استثناء الاسهم نزلت فيها يعني مش عارفة تسوق الاسهم بتاع الشركات

وكل اللي لحق اخذ فلوسها وباع الاسهم بتاعه

والسهم اللي كان بعشرين جينة بقى بخمسة جنية ومفيش حد بيشتري

واصحاب معارض السيارات مش عارفين يبيعوا لان مفيش حد عايز يشتري لانهم خسروا فلوسهم في البنوك وخلصت فلوسهم في خسرات البورصة

وكمان اغلب الشركات بدأت بتسريح العمالة لديها

يعني شركة ياهو دوت كوم ولديها 1400 موظف هتبدأ من اول نوفمبر بتسريح 300 موظف من الشركة

واغلب الشركات مش عارفة تشتغل فبدأت تمشي ناس عندها كثير


وانا من كام يوم قلت كلام وحصل والله

قلت ان المشكلة دي هتأثر على قناة السويس

لان مفيش شركات بتصدر

زي شركات البترول اللي كانت منظمة الاوبك بتنتج يوميا 23 مليون برميل ونزلت انتاجها مليون ونص بترول وبعد ما كان سعر البرميل للبترول 138 دولار اصبح سعر البرميل 61 دولار

وكمان مفيش حد بيشتري بترول لان اغلب المشروعات متوقفة وبالتالي مفيش حد بيشتري بترول

فلازم سعر البترول ينزل

وبالتأكيد مش هيبقي في تصدير وكل شركات البترول اللي كانت بتعدي من قناة السويس مش هتعدي وملايين البراميل اللي كانت بتعدي مش هتعدي وحالة قناة السويس هيقف

وفعلا حصل كلامي والرئيس مبارك في فرنسا من يومين أكد كلامي

وكمان بقي اللي انا خايف منه هو السفر

السفر حلم كل شاب مصري انه يسافر للخارج

انا مش بحب السفر بس اخويا بيحب السفر

واظن في كل بيت مصري واحد مسافر

وفي ملايين من مصر مسافرة برا في الخارج

ولما نلاقي اغلب معارض السيارات او شركات السياحة او شركات المقاولة بدأت تقل من عدد عمالها اكيد هتمشي الغريب صح

يعني ممكن لو استمرت الازمة هتلاقي كثير من شبابنا راجع

بجد لو استمرت المشكلة واستمرت الازمة هتلاقي شبابنا مروح

ونفقد كمان المورد البشري

والنهاردة الحديد بقي 3900 ومفيش مشتري

وكل حاجة رخصت ومفيش مشتري لانه مفيش فلوس

انت تعرف ايه عن الحكاية دي بقي

انا لسا عارف كثير بس مش هكمل هسيبك انت بقي تكلمني عن السفر (ترافيل) وحلم الشباب المهدد بالضياع

مستني ردكم

عبقر طلع عبقر فعلا,وبعدين الدنيا مش سوده اوى كده, ان شاء الله الامور تتعدل,بما انك خبير فى الاقتصاد سمعت حاجه عن الذهب الصينى؟

فى
مثل بيقول
" لو صبر القاتل على المقتول دقيقه كان مات لوحده "
يعنى لو صبرنا على بعض مكنش حصل مشاكل
يلا ما علينا


بجد الموضوع جميل يا أستاذ أشرف أنا فعلاً سمعت كتير عن الموضوع ده بس أول مره أقرأ عنه وبجد أنا تقريباً فهمت من كلامك حاجات كتير مكنتش فاهما ولا فاهم يعنى إيه أومه حصلت فى أمريكا
يلا
باين دعائنا إستجاب
" إن الله يمهل ولا يهمل "

بس المشكله إن التأثير على حد كلامك مش عليها هى بس بل على العالم كله
يلا
ربنا يستر
" اللهم إضرب الظالمين بالظالمين وأخرجنا منهم سالمين "

عبقر طلع عبقر فعلا,وبعدين الدنيا مش سوده اوى كده, ان شاء الله الامور تتعدل,بما انك خبير فى الاقتصاد سمعت حاجه عن الذهب الصينى؟


مفيش حاجة اسمها الذهب الصيني

ولا في حاجة اسمها الحديد الصيني

لان الموضوع مش سهل بالطريقة دي

لان الذهب ذهب من بداية الخليقة لحد هذا اليوم ولكن يختلف سعره حسب اقتصاد كل دولة وحسب السعر العالمي لمنظمة الذهب العالمية

موضوع جميل بصراحة
مش هتكلم عن الموضوع السابق ومعتقدتش انه كان يحتاج المقدمة دى
بس اسلوب الدعاية ده ممتاز
ما علينا
بالنسبة للازمة الاقتصادية الحالية
والسبب فيها امريكا
وده انا بسميه الانهيار الكبير
لان الاسواق العالمية لان تتعافه منه ابدا او على المدى القريب
امريكا بالانهيار الاقتصادى والرأسمالى الحالى فقدت زعامة العالم
لانها اصبحت مكشوفة اقتصاديا
طبعا الفشل الاقتصادى ده كان من اهم عوامله واسبابه الحروب الاخيرة على العراق وافغانستان
والحرب على الارهاب اللى اتصرف عليها ترليونات الدولارات
ده بجانب الفساد فى اسواق المال واللى بدأ يظهر جليا من خلال التصريحات الكاذبة
للعديد من الشركات حول حقيقة وضعها المالى فى السوق العالمية
النظام الرأس مالى اصبح حاليا فى حالة احتضار ومع الازمة المالية الحالية
من المتوقع تظهر قوى اقتصادية جديدة مثل الصين
وهناك احتمال لبزوغ نجم الدب الروسى من جديد
لكن الخاسر الاكبر فى هذا الموضوع هو الدول النامية بشكل كبير
لان هتتوقف المساعدات ليها ده بجانب ان اقتصادها مرتبط با اقتصاد الدول الكبرى
واللى بتعتمد بشكل كبير على الاقتصاد الرأسمالى
عمتا الايام الجاية هتوضح حقيقة الوضح وهل العالم بالفعل مقبل على كارثة حقيقة ام لا
شكرا على الموضوع
بالمناسبة
حسبى الله ونعمة الوكيل :)

ربنا يستر اصل هي الحكاية خربانة لوحدها

فى

مثل بيقول
" لو صبر القاتل على المقتول دقيقه كان مات لوحده "
يعنى لو صبرنا على بعض مكنش حصل مشاكل
يلا ما علينا


بجد الموضوع جميل يا أستاذ أشرف أنا فعلاً سمعت كتير عن الموضوع ده بس أول مره أقرأ عنه وبجد أنا تقريباً فهمت من كلامك حاجات كتير مكنتش فاهما ولا فاهم يعنى إيه أومه حصلت فى أمريكا
يلا
باين دعائنا إستجاب
" إن الله يمهل ولا يهمل "

بس المشكله إن التأثير على حد كلامك مش عليها هى بس بل على العالم كله
يلا
ربنا يستر
" اللهم إضرب الظالمين بالظالمين وأخرجنا منهم سالمين "



تعرف يا محمد ان الدولة اللي كانت هتنظلم البطولة الاروبية عام 2012 اعتذرت النهاردة عند عدم استطاعتها لنهاية ملاعبها والمشروعات التي تقام من اجل هذه البطولة وذلك لتأثرها بالازمة العالمية المالية

شفت الازمة وصلت كمان للكورة

تعرف انه ممكن في لحظة مشروع المترو الجديد يقف (خط المترو الثالث)

موضوع جميل بصراحة

مش هتكلم عن الموضوع السابق ومعتقدتش انه كان يحتاج المقدمة دى
بس اسلوب الدعاية ده ممتاز
ما علينا
بالنسبة للازمة الاقتصادية الحالية
والسبب فيها امريكا
وده انا بسميه الانهيار الكبير
لان الاسواق العالمية لان تتعافه منه ابدا او على المدى القريب
امريكا بالانهيار الاقتصادى والرأسمالى الحالى فقدت زعامة العالم
لانها اصبحت مكشوفة اقتصاديا
طبعا الفشل الاقتصادى ده كان من اهم عوامله واسبابه الحروب الاخيرة على العراق وافغانستان
والحرب على الارهاب اللى اتصرف عليها ترليونات الدولارات
ده بجانب الفساد فى اسواق المال واللى بدأ يظهر جليا من خلال التصريحات الكاذبة
للعديد من الشركات حول حقيقة وضعها المالى فى السوق العالمية
النظام الرأس مالى اصبح حاليا فى حالة احتضار ومع الازمة المالية الحالية
من المتوقع تظهر قوى اقتصادية جديدة مثل الصين
وهناك احتمال لبزوغ نجم الدب الروسى من جديد
لكن الخاسر الاكبر فى هذا الموضوع هو الدول النامية بشكل كبير
لان هتتوقف المساعدات ليها ده بجانب ان اقتصادها مرتبط با اقتصاد الدول الكبرى
واللى بتعتمد بشكل كبير على الاقتصاد الرأسمالى
عمتا الايام الجاية هتوضح حقيقة الوضح وهل العالم بالفعل مقبل على كارثة حقيقة ام لا
شكرا على الموضوع
بالمناسبة

حسبى الله ونعمة الوكيل :)



هقول لك حاجة

اباطرة الاموال وضعوا اموالهم في بنوك الخارج ومرضوش يحطوها في البنوك المحلية
وللاسف البنوك الاجنبية قفلت وضحكت عليهم

اللهم لا شماتة

السلام عليكم ورحمة الله وبركاته

في ذات الموضوع ... وصلتني رسالة عبر البريد الإلكتروني ... عنوانها

عبرة للمسلمين الأزمة الإقتصادية العالمية‏

=======================
ذكر الله تعالى لآكل الربا خمسًا من العقوبات:


إحداها: التخبط.. قال الله تعالى: {لاَ يَقُومُونَ إِلاَّ كَمَا يَقُومُ الَّذِي يَتَخَبَّطُهُ الشَّيْطَانُ مِنَ الْمَسِّ} [البقرة: 275].


الثانية: المحق.. قال تعالى: {يَمْحَقُ اللّهُ الْرِّبَا} [البقرة: 276]،

والمراد الهلاك والاستئصال، وقيل: ذهاب البركة والاستمتاع حتى لا ينتفع به، ولا ولده بعده.


الثالثة: الحرب.. قال الله تعالى: {فَأْذَنُواْ بِحَرْبٍ مِّنَ اللّهِ وَرَسُولِهِ} [البقرة: 279].


الرابعة: الكفر.. قال الله تعالى: {وَذَرُواْ مَا بَقِيَ مِنَ الرِّبَا إِن كُنتُم مُّؤْمِنِينَ} [البقرة: 278]، وقال سبحانه بعد ذكر الربا: {وَاللّهُ لاَ يُحِبُّ كُلَّ كَفَّارٍ أَثِيمٍ} [البقرة: 276] أي: كفار باستحلال الربا، أثيم فاجر بأكل الربا.


الخامسة: الخلود في النار قال تعالى: {وَمَنْ عَادَ فَأُوْلَـئِكَ أَصْحَابُ النَّارِ هُمْ فِيهَا خَالِدُونَ} [البقرة: 275]،


قال صلّى الله عليه وسلّم: «ليأتين على الناس زمان لا يبالي المرء بما أخذ المال أمِن الحلال أم مِنَ الحرام».
قال صلى الله عليه وسلم: «درهم ربا يأكله الرجل وهو يعلم، أشد عند الله من ستة وثلاثين زنية».

===============
البنوك ... والفتاوى المتعلقة بالبنوك يعرفها الجميع

فلا عجب مما نرى

أقتبس دعاء MohammeD.el_SadaT
اللهم أهلك الظالمين بالظالمين وأخرجنا من بينهم سالمين

سلمنا وسلمكم الله ... ،

ربنا يعدى الازمة دى على خير
ويارب متضرش بينا فى اى حاجة

انا بعد ما سمعت وشفت كتير جدا عن المشكلة الاخيرة
حاسس ان الموضوع فى وادى والازمة فى وادى تانى خالص
عموما هو عنوان الموضوع الى يشد
انما المضمون الله أعلم بيه
فى امان الله

ترافيل = travel

هههههههههههههههههه .. وليه التعليقة دي بس يامستر يا اشرف ؟!!

عموماً .. حركة حلوة منك .. وملعوبة صح !

اني واي .. الموضوع دا يتكتب فيه بلاوي ..

بس ان مش هاقول اكتر من اللي قالته haderya في عقاب الربا ..

ودا لإن الأزمة كلها اصلا مبنية على اساس الفوائد والمتحصلات الربوية .. واللي نهى ربنا عنها ..

فإذا كان العالم كله بيمشي بالنظام دا .. واحنا نفسها منهم .. يبقي نشوف اللي يحصلنا بقي ..

يكفي اقولكوا ان مرتبات مصر الحكومية كلها جايه من ربا .. هاتقولولي ازاي ؟

هاقولكوا .. الحكومة اما بتيجي توزع المرتبات .. المفروض المرتبات دي بيتم ايداعها مسبقاً في اي بنك تجاري

اللي هوا بصفته ليه حساب في البنك المركزي المصري ..

والبنك التجاري بيدفع فايدة ثابته للبنك المركزي مقابل وجودة في القطاع المصرفي ..

والبنك المركزي بيعمل مشاريع .. وبيطلع فوايد ثابته ..

والشئ البديهي ان المرتبات بتطلع من الفوايد مش من مبلغ الوديعة الاساسي !!

اذن كل المنظمات الحكومية في مصر مرتباتها ربوية !

بتفكروني بعادل امام في فيلم الارهابي

"انها حكومة كافرة .. ومن يتعامل معا فإنه كافر ، إذن فإن الشعب كله كافر .. أموالهم غنيمة لنا ونسائهم حلال لنا" !!

والله انا من دراستى للاقتصاد وحبى للترافل اقصد السياحة والسفر انا احكم على هذا الموضوع او الازمة بعدة عوامل
الاول توزيع العيش على البطاقة وده حاصل بالفعل عندنا الاسرة كلها له 75 قريش عيش فى اليوم الواحد مهما كان عددها(حقيقى مش هظار)
2: تقليل السلع الترفيهية التى لا تضر الانسان اذا تركنها مثل الارز والبطاس والمكرومة والزيت والسكر والشاى( لا داعى لها نهائيا)
3: التوسع فى انتاج السلع الاساسية لكى نقضى على المجاعة التى هى اصلا موجود بمزارع النعام والثعالب لكى نستخدم الفراء وجميع انواع الفاكهة التى فى متناول الاسرة الفقيرة مثل التفاح الامركانى ده بس اللى اعرف اسمه من الفواكة الرخيصة والباقى اكمل انت
بجد عالم فاضية ورايقة لعمل مواضيع تجذب الاعضاء وناس طلعانه عنيها فى تظبيط جدول وحصص وغرف وترتيب وتجميع اعمال المدرسين
على العموم انا ليس لى دخل بهذه الازمة العالمية ممكن اتبرع بمرتبى لحل هذه الازمة بشرط ياخدو المرتب وياكلونا فقط

بجد عالم فاضية ورايقة لعمل مواضيع تجذب الاعضاء وناس طلعانه عنيها فى تظبيط جدول وحصص وغرف وترتيب وتجميع اعمال المدرسين
على العموم انا ليس لى دخل بهذه الازمة العالمية ممكن اتبرع بمرتبى لحل هذه الازمة بشرط ياخدو المرتب وياكلونا فقط

يعني حضرتك شايف ان الموضع هايف او ليس له قيمة فلما قمت بالرد

لما حضرتك تحس فعلا بالازمة هتحس بقيمة الموضوع

لما تعرف ان مصر خسرت 54 مليار دولار الفترة الماضية هتحس بالموضوع

لما تعرف ان حد قريبك كان مسافر وفجأة رجع علشان الشركات خفضتت العمالة هتعرف الموضوع كان بيتكلم عن ايه

لما فجأة الوزارة تقلل الكادر علشان الازمة لانه مفيش فلوس هتحس بقيمة الموضوع

لما فجأة ؟؟؟؟؟؟؟؟

انت عارف يا مستر اشرف الازمة ديه بتفكرنى بحاجة درستها فى التاريخ اسمها ازمة الكساد العالمى

وجة جون ماكنرى كينز وانقذ االعالم من الهلاك زى ما التاريخ بيقول

اهو احنا بقى مستنيين واحد زى جون ماكنرى كنز عشان ينقذ العالم بس ده اللى اقدر اقولة

تقبل مرورى

انت عارف يا مستر اشرف الازمة ديه بتفكرنى بحاجة درستها فى التاريخ اسمها ازمة الكساد العالمى

وجة جون ماكنرى كينز وانقذ االعالم من الهلاك زى ما التاريخ بيقول

اهو احنا بقى مستنيين واحد زى جون ماكنرى كنز عشان ينقذ العالم بس ده اللى اقدر اقولة

تقبل مرورى


شكرا لمرورك

والحل للمشكلة هو تكاتف عالمي

وحل موحد لجميع العالم

وانما الحل الفردي لكل دولة سينعش هذه الدولة لمدة ايام وستقع بسرعة

وهل من الممكن ان يكون اوباما ذلك الرجل الذي سيعيد الروح المالية الميتة ؟؟؟؟

يعني حضرتك شايف ان الموضع هايف او ليس له قيمة فلما قمت بالرد

لما حضرتك تحس فعلا بالازمة هتحس بقيمة الموضوع

لما تعرف ان مصر خسرت 54 مليار دولار الفترة الماضية هتحس بالموضوع

لما تعرف ان حد قريبك كان مسافر وفجأة رجع علشان الشركات خفضتت العمالة هتعرف الموضوع كان بيتكلم عن ايه

لما فجأة الوزارة تقلل الكادر علشان الازمة لانه مفيش فلوس هتحس بقيمة الموضوع

لما فجأة ؟؟؟؟؟؟؟؟

هو لسه هحس
ارحمنا يارب
عاوز ايه لما عدد الاسرة 6 افراد لهم 75 قرش عيش فقط فى اليوم يعنى نفطر نص بطن
كفاية مش هتكلم اكثر من كده
هحس امتى لما بنتى تاخذ مرتبى كاملا علشان تسافر الجامعة ونكل زلط
لسه هتقلى هحس انا فقدت الاحساس لسبب بسيط جدا وهو كل ما تقولة وبتفكرو انكم لسه هتعشوه احنا عيشينة من سنين يعنى لا جديد فيما تقول

لما تعرف ان مصر خسرت 54 مليار دولار الفترة الماضية هتحس بالموضوع



أذكر مرة انى مصر كسبت فى اى شيئ حتى لو الكورة مش الاقتصاد
اين فلوس القطاع العام وغيره
احنا دائما نتاجر فى الخسارة والمكسب دائما لناس معينه فقط

لما تعرف ان حد قريبك كان مسافر وفجأة رجع علشان الشركات خفضتت العمالة هتعرف الموضوع كان بيتكلم عن ايه




مش لما أكله الاول استدين ثمن الفيزة علشان يسافر

هو لسه هحس
ارحمنا يارب
عاوز ايه لما عدد الاسرة 6 افراد لهم 75 قرش عيش فقط فى اليوم يعنى نفطر نص بطن
كفاية مش هتكلم اكثر من كده
هحس امتى لما بنتى تاخذ مرتبى كاملا علشان تسافر الجامعة ونكل زلط
لسه هتقلى هحس انا فقدت الاحساس لسبب بسيط جدا وهو كل ما تقولة وبتفكرو انكم لسه هتعشوه احنا عيشينة من سنين يعنى لا جديد فيما تقول


والله ده اللي عايز اقوله يا استاذ عصام

وده اللي بيحصل فعلا بجد

وفعلا في ناس لسا مش حاسة بحاجة ومتخيلة ان الاقتصاد ما لهمش دعوة بيه

وهما لسا اكيد مبقوش مسئولين عن عائلة ولما ربنا يرزقهم هيعرفوا وهيحسوا

وشكرا ليك

وشرفتني بردك

لما فجأة الوزارة تقلل الكادر علشان الازمة لانه مفيش فلوس هتحس بقيمة الموضوع

لما فجأة ؟؟؟؟؟؟؟؟
انت بتحاسبنى على شيئ فى علم الغيب مش لما ييجى الكادر الاول ده كادر الغبرة الكل شايف كادر المعلمين ومش شايف كادر الاطباء ولا الشرطة ولا الجامعات ولا التمريض ولا وزارة البترول التى تقبض بالدولار كادر المعليمن فقط هو المنظور له علشام كده جميع فلوس المعلمين ليس لها اى بركة حتى المكافئة جميع طوائف الشعب عامل حسابة عليها الحمد لله بتتصرف قبل ما تيجى مقدما

أذكر مرة انى مصر كسبت فى اى شيئ حتى لو الكورة مش الاقتصاد
اين فلوس القطاع العام وغيره
احنا دائما نتاجر فى الخسارة والمكسب دائما لناس معينه فقط


مصر الخير فيها كثير يا استاذ عصام بس الخير مش لينا

وعلى فكرة الخسارة مش في مصر بس

بس فعلا الازمة قبل ما بتأثر على الكبار بتأثر على الصغار

زي المثل (يعملوها الكبار ويقعوا فيها الصغار)

وقال ملك السعودية (انها حرب جديدة والهدف منها انهيار الاقتصاد العربي )

مفيش فلوس هتحس
؟

من أمتى فيه فلوس أنا حتى الان لم اخذ فلوس مراقبة الثانوية العامة بتاع العام الماضى والامتحانات هانت هنطبق

مش لما أكله الاول استدين ثمن الفيزة علشان يسافر


الفيزا صح

استاذ عصام انا اخويا حب يسافر قطر من اسبوع جاب الفيزا بـ 25 الف جنية

فاكيد ثمن التذكرة ده مش كان معاه ولم حد في البيت واكيد الجميع ساهم معاه وربنا يوفقه

بس انا خايف من ان احنا فعلا ما نلاقيش ثمن الاكل

وشكرا ليك وعلى المناقشة الجادة في الموضوع

الموضوع هنا مختلف
وعايز اعرف بردو ليه ردي اتحذف
زي ما قولت لسيادتك في الرد
مفيش حد مؤهل لانه يحل ازمه عالميه هنا في المنتدي
ايه اللي هيحصل بعد ما نحس بالمشكلة
كلنا ادركناها وهي اول العمليات المعرفيه
أما بعد ؟
ايه اللي مفروض يحصل ؟
ده اتحذف ليه

انت بتحاسبنى على شيئ فى علم الغيب مش لما ييجى الكادر الاول ده كادر الغبرة الكل شايف كادر المعلمين ومش شايف كادر الاطباء ولا الشرطة ولا الجامعات ولا التمريض ولا وزارة البترول التى تقبض بالدولار كادر المعليمن فقط هو المنظور له علشام كده جميع فلوس المعلمين ليس لها اى بركة حتى المكافئة جميع طوائف الشعب عامل حسابة عليها الحمد لله بتتصرف قبل ما تيجى مقدما

فعلا والله يا استاذ عصام ربنا يكون في عون المدرس

واتفرج النهاردة على الرئيس في المؤتمر بتاع الحزب مساءا وهو بيتكلم عن كادر المعلم وكأن مفيش اي طائفة غير المعلم اللي هتأخذ كادر ويا رب يكون كادر عدل بالعكس هيكون زي ما وصفته كادر الغبرة

والمكافأة كل المدرسين بيداينوا ويستلفوا على اساسها

وبتيجي علشان تسد الديون مش علشان تعمل بها حاجة في بيتك

وربنا يكون في عون الجميع

من أمتى فيه فلوس أنا حتى الان لم اخذ فلوس مراقبة الثانوية العامة بتاع العام الماضى والامتحانات هانت هنطبق


اصبر وما صبرك الا بالله

ممكن يلغوا فلوس المراقبة بحجة كادر الغبرة وعادي جدااااااااااااااااااا

مصر الخير فيها كثير يا استاذ عصام بس الخير مش لينا

وعلى فكرة الخسارة مش في مصر بس

بس فعلا الازمة قبل ما بتأثر على الكبار بتأثر على الصغار

زي المثل (يعملوها الكبار ويقعوا فيها الصغار)

وقال ملك السعودية (انها حرب جديدة والهدف منها انهيار الاقتصاد العربي )
أقسم بالله مصر من اغنى دول العالم لكن للاسف مش للشعب المصرى
انا عارف ما تقصدة وانا اقول ما نعيشة بالظبط واغلب الشعب معى وعلى فكرة كل كلمة اقولها هى الحقيقة المجردة من اى نفاق واللى عاوز يشوف بعينه يتفضل يشرفنى هذه بيانات الباطاقة التى استلم بها العيش
اسم المخبر /
عدد افراد الاسرة /6
عدد الاكياس/ ميس ونصف يعنى 75 قرش
شفت مهانة اكثر من هذا ؟
وعلى فكرة فى جميع قرى محافظة القليوبية يوزع العيش بالبطاقة
عاوزنى افكر فى شيئ بعد ذلك

أقسم بالله مصر من اغنى دول العالم لكن للاسف مش للشعب المصرى
انا عارف ما تقصدة وانا اقول ما نعيشة بالظبط واغلب الشعب معى وعلى فكرة كل كلمة اقولها هى الحقيقة المجردة من اى نفاق واللى عاوز يشوف بعينه يتفضل يشرفنى هذه بيانات الباطاقة التى استلم بها العيش
اسم المخبر /
عدد افراد الاسرة /6
عدد الاكياس/ ميس ونصف يعنى 75 قرش
شفت مهانة اكثر من هذا ؟
وعلى فكرة فى جميع قرى محافظة القليوبية يوزع العيش بالبطاقة
عاوزنى افكر فى شيئ بعد ذلك



يا خبر ابيض

يعني فعلا العيش بقي بالعدد

مع العلم بأن سعر القمح انخفض وان القمح موجود عند التجار بكثرة

لان الحكومة فجأة وبدون مقدمات في 15 - 9 امتنعت عن شراء القمح من التجار والفلاحين لانهم استكفوا قبل الموعد بشهر لانهم متعودين انهم يستلموا القمح ويشتروا لحد 15 اكتوبر زي كل سنة

وده خلى القمح يبقي رخيص

والمطاحن الخاصة عندها كميات كبيرة والمطاحن الحكومية

والمفروض ان ازمة العيش تتحل

ولكن نحن شعب نبيع ما نملك ونشتريه مرة اخرى لكي نخسر

هل تعلم ان اسعار الحبوب انخفضت بهذه الازمة

ولكن من الواضح ان العيب فينا احنا

لازم نشكر الحكومة على عدد ارغفة العيش احسن يشيلوها خالص ويبقي مفيش عيش ولا ملح

بقول ايه
انت ضغطت على الجرح الذى ينزف الما ومرارة وحسرة وشكلك كده هتودينا فى دهية لا محالةانت شغال مع الحكومة ونهارك ابيض عمال تجر رجلنا وراك وهتقول معرفهمش مش تبعى
اتقدم بخالص الشكر للحكومة السابقة واللاحقة والماضية على جميع سبل الراحة والرخاء الذى نعيشة لهم منى الف تحية وشكر وتقدير وسلام
مش هدخل الموضوع تانى ولا حتى قارئ

هو لسه هحس
ارحمنا يارب
عاوز ايه لما عدد الاسرة 6 افراد لهم 75 قرش عيش فقط فى اليوم يعنى نفطر نص بطن

الدوله بتعمل للشعب رجيم علشان نبقى شعب رشيق

عجبانى اوى المناقشة دى
الحمد لله انا مليش حصة فى العيش
ولو حتى روحت علشان اجيبه
بخده من غير بون والكلام ده
عمى مفتش تموين وسطة يعنى :d

بقول ايه
انت ضغطت على الجرح الذى ينزف الما ومرارة وحسرة وشكلك كده هتودينا فى دهية لا محالةانت شغال مع الحكومة ونهارك ابيض عمال تجر رجلنا وراك وهتقول معرفهمش مش تبعى
اتقدم بخالص الشكر للحكومة السابقة واللاحقة والماضية على جميع سبل الراحة والرخاء الذى نعيشة لهم منى الف تحية وشكر وتقدير وسلام
مش هدخل الموضوع تانى ولا حتى قارئ

ههههههههههه

لا ما تخافش يا سيدي

الكلام اللي بنقوله الجرايد بتقوله والناس بتقوله

ومش خفي على اي حد

وبعدين بنتكلم في ازمة عالمية ومش محلية

ايوه علشان ما حدش يعتبرنا معارضة

احنا بنحب الحكومة والنهاردة هنتفرج على خطاب الرئيس

عجبانى اوى المناقشة دى

الحمد لله انا مليش حصة فى العيش
ولو حتى روحت علشان اجيبه
بخده من غير بون والكلام ده

عمى مفتش تموين وسطة يعنى :d



بكرة هتدور على التموين وتقف في الطابور

وتستنى العهدة بتاع الزيت