حبيبتى أنت ولا سواكِ
وكل الناس والدنيا فداكِ
أحبك لا لأنك ذات سحرٍ
يهيج له الفؤاد إذا رآكِ
ولكنى أحبكِ من فؤادى
لأن فؤادى الغالى هواكِ
أحبك لا لأنكِ ذات مالٍ
ولا حسب ولا نسبٍ وراكِ
ولكنى أحبكِ من ضميرى
لأن ضميرى الحرُ اشتراكِ
وأعشق مقلتيكِ لا للونٍ
يشعُ خلالهُ نور حواكِ
ولكن الحنان يفيضُ نحوى
فيالجمال عينيكِ البواكى
تعالى ايها الحبُّ الموشى
بزخرفة المعانى والحواكى
عرفت الآن يا حبى بأنى
سأمضى العمر لا أهوى سواكِ

شكراً أمير الظلام على نقلك الرائع لرائعة من روائع الدكتور / حسن أحمد عمر .. كاتب وشاعر مصري وهي إحدى قصائد ديوانه (الحب في الهجير) بعنوان (حبيبتي)وسأعرض للشاعر قصيدة أخرى بإذن الله تعالى بعنوان (انفلونزا الطيور) زجل ..

http://www.ahewar.org/search/pic/809.jpg (http://www.ahewar.org/debat/show.art.asp?aid=55457#)
فيروس رهيب مغرور
طالع نازل يموت
فى ملايين الطيور
الكل خايف منه
وعامل له ألف حساب
ماراحشى مكان وسابه
إلا خراب فى خراب
خايفين ناكل فراخ
والأكل طعمه باخ
والناس دماغها داخ
أطفال وشيوخ وشباب
من خوفهم من فيروس
ع الناس عاوز يدوس
باين عليه مهووس
لاحد عارف يعالجه
ولا حد فاهم نهجه
لا امريكان ولا روس
والناس تعبت خلاص
من قلة الإخلاص
مرة يخوفونا
من جنون الأبقار
ومرة يرعبونا
م البطيخ والخيار
أنا خايف بكرة يظهر
مرض رهيب قهار
فى اللب والفيشار
حاسس ياعالم إنى
حيحصل لى انهيار
يارب يا ستار
تحفظ لنا الأسماك
من أى فيروس قاتل
أو فطر يكون فتاك
واحفظ لنا ياكريم
الخبز والطعمية
والصلصة والتقلية
والبطاطس المقلية
والجبنة والمدمس
علشان الناس تغمس
ياناس حرام عليكم
تاجر الفراخ حيفلس
وأصحاب المزارع
قاعدين عاطلين فى الشارع
الحل فين يا صحة
ده مرض خطير مش كحة
والحرب ضده صعبة
ماهيش تسلية وفسحة
فين علماء المعامل
لازم تكاتف شامل
علشان ربنا بهدينا
ونطلع مصل كامل
ماتنتظروش أمريكا
ولا أبحاث أوروبا
ما تحشروش الصحة
فى مواويل البولوتيكا
طبعأ أنا فاهم اللبة
عاوزعلماء بلادى
ما تنامش من الساعة دى
أنا عارف ان المصرى
عقله سوبر مش عادى
وفروه له التدعيم
ويكون معاه التيم
وبعون الله حيوصل
لمصل فى الصميم
يارب يا ستار
يا عالم الأسرار
تحفظ بلد الغلابة
من أى داء جبار
الناس ماشية ياعينى
بتقول يا حيط دارينى
مشا ناقصين فيروسات
تملى العيشة آهات
قادر يارب تمنع
عن بلدى المشكلات
وعن العالم جميعأ
يارب يا منان
تفنى الفيروس سريعأ
ويعيش الناس فى أمان
وسعادة واطمئنان
يارب وتخلصنا
من بلوة الإرهاب
اللى مدخلش حتة
إلا وصبحت خراب
يارب وخلصنا
من نقمة الحروب
واجعل حياتنا خالية
من أحقاد القلوب
واقطع يد كل حاكم
بيعذب الشعوب
واقبل يارب توبة
أى ظالم يتوب
والآن أخي أمير الظلام شكراً جزيلاً لك وتقبل مني مروري ونقل ذلك الموضوع إلى الركن الأدبي مكانه الصحيح ...