السلام عليكم ورحمة الله وبركاته
اقترح على ادارة المنتدى وعلى الاعضاء والزوار بعد ظهور النتيجة ان شاء الله ان الكل يدخل ويقول نتيجته سواء ناجح او لا قدر الله حصل حاجة تانية والادارة تعمل احصائية للنتيجة.
على الأقل نحاول نعرف الوزارة بتضحك علينا ولا النسب هتكون متقاربة بين اللى هيوضحه الموقع واللى الوزارة بتقوله انا واثقة ان بعد النتيجة ناس كتير هتحبط وتحس ان هى بس اللى سقطت وهتتحرج تقول ده بس احنا على المنتدى ما نعرفش بعض غير من خلال الكتابات فياريت نقول بصراحة على النتيجة لكى نعرف صدقت الوزارة ام كذبت فى تصريحاتها عن نسبة النجاح فى الكادر

اقتراح ممتاز بس اعتقد ان اللى لا قدر الله مش هيوفق مش هيقول الحق ده ان دخل المنتدى اصلاً

والله انا لو لاقدر الله سقط أو نجحت هدخل واقول ايه المشكلة كلنا عارفين ومتأكدين ان الأختبار اللى حصل مش مقياس ابدا لكفاءة المعلم ده غير ان كان فيه غش

نشكر الظروف المؤلمة التى عاملت المعلمين معاملة لا تليق بهم _ قرار الامتحانات للمعلمين_ الذى اتاحت لنا ان نثرى افكارنا ونقابل زملائنا ونتعرف على اساتذة افاضل جدد وعلى منتدى مثمر يشرف به كل معلمى مصر ...تقبل مرورى
(الرد اقتباس من مشاركتى انطباعات عن امتحان الاربعاء 27/8/2008)

المقدر مكتوب

امتحانات مش مقياس خالص وسياسة احباط وفكره كويسه

اقتراح ممتاز

اقتراج جميل بس كل مدرس معانا علي المنتدي يخبرنا بنتيجة المدرسة كلها عدد الناجحين وعدد الراسبين لمعرفة النسب صحيحة

فكرة جميلة ولكن ان استطعنا ان نجمع نتيجة كل المدرسين

فكرة جميلة ولكن ان استطعنا ان نجمع نتيجة كل المدرسين

طبعا مش ممكن نجمع نتيجة كل المدرسين بس ممكن تكون على اعتبار انها عينة عشوائية من كل محافظات مصر
واقتراح ان كل واحد يكتب نتيجة مدرسين المدرسة اللى شغال فيها برضه كويس بس يتأكد قبلها انهم مش محرجين يقولوا الصدق

يارب يكون الكل نجح فعلا الحمد لله انا نجحت وشفت نتيجة اتنين زملائى برضه نجحوا ادخلوا وقولوا اخباركم ايه علشان نعمل الأحصائية بجد

والله شكلها كل اللى دخل الامتحان نجح يا جماعة نسبة النجاح 90 % عموما والدى نجح الحمد لله ومبروك لجميع الناجحين

ظهرت ولله الحمد ووفقت ولاكن..............ما شعورنا نحو زملائنا الغير موفقين

شوفت النتيجة لسبعة من زميلاتى وانا الثامنة وكلنا الحمد لله نجحنا شكل النسبة بجد عالية