السلام عليكم


اولا انا فى كلية التجاره جامعه المنصوره


وهذه هى مشكلتى باختصار وارجو بالله عليكم حلها


او لى حد فى جامعه المصوره يقولى حلها ايه



اولا ياجماعة انا عاوز اخد رايكم بصر احة فى المشكلة دى شباب وبنات
انا نفسى اتعلم ازاى اكون اجتماعى لا الجو بتاع الوحدة انى اكون لوحدنى تعبنى قوى
انا لية صحاب على النت فقط
بس نفسى اتعلم اعمل صحاب على الحقيقة ازاى انا دلوقتى شاب فى جامعة حياة جديدة
بس مش قادر اعيشها
مش قادر اصاحب سواء شباب او بنات
ديما قاعد لوحتى لحد لما خلاص حسيت انى لزم يكون لية اصدقاء سواء شباب او بنات
اولا مش بعرف اتكلم مع بنات خالص وحتى لو اتشجعت وكلمت وحدة مش بعرف اتكلم معاها
فى اية او حتى الشباب انا اتخنقت خالص
عاوز ردكم مع الشرح اعمل اية
او اصاحب ازاى
او اتكلم معاهم ازاى
والله يا جماعه مر على دخولى الجامعه قرابة الشهرين ولم اتعرف على اى شخص جديد او بنت نفسى اعمل زى ما الجامعه كلها بتتاصحب وبتكون صدقات ولد وبنات

نفسى بجد اعرف ايه الحل
ارجوووكم ساعدونى بالطرق بارك الله فيكم

ايه يا جماعه مفيش ردود؟

يعنى مش انا لوحدى اللى كده انا برده جامعه المنصوره ومش عارف اعمل اى حاجه مع حد لدرجه انى والله مش عارف احضر عشان مش لاقى حد اتكلم معاه بس اليومين ادربت انى اكون رخم ورزل وحايي ان الطريقه دى ممن تجيب نتبجه معايا

شكرا جدا لردك



بس انا عاوز حلول ارجوووكم

بص انا مش هاقدر افيدك في الموضوع دا ..

لإن دا يرجع لشخصيتك انتا .. ومدي قدرتك في تعاملك معا الناس

بس عايزك تعرف ان الجامعة مش كيان تعليمي فقط

دا مكان اجتماعي بالدرجة الاولي .. فحاول تخليك اجتماعي ..

اتعرف على الناس ودوس معاهم ..

هزر واضحك وشارك وعيش الحياة ..

حط في دماغك ان الفترة اللي انتا بتعيشها دلوقتي دي هيا فترة الشباب

يعني لو راحت مش هاترجعلك تاني .. فاستغلها في حاجة ماتندمش عليها اما تكبر

وفي نفس الوقت تكون مستغلها في حاجة تفكرك بذكريات حلوة اما تيجي تكبر برده .. فاهمني ؟

وعموما .. الموضوع مكانه الأمثل في قسم اجتماعيات طالب .. عشان كدا انا هانقله هناك

وربنا معاك ،،،

هي دي مشكلة ؟!!!!!!!!!!!!!!!!!!
عايز تتعرف على بنات ولا بنين ؟؟؟؟؟؟؟؟؟؟؟؟؟؟
لو على بنات يبقى الوحدة أحلى ، لإن مفيش حاجة اسمها صداقة بين الولد والبنت
لو على بنين ، والله دي ممكن تكون مشكلتك فعلا ، يعني ايه مش عندك اصحاب ، يعني مش كنت بتلعب قبل كده ، طيب في الثانوي برضه مفيش ، خلاص انتا ممكن تنقي شلة نضيفة ( يعني شلة محترمة ) وتحاول تصاحبهم
هتقول طيب والبنات ، هقولك لما قلبك يختار حبيبتك ابقى روح اتقدملها وريح بالك صداقة البنات مش هتنفعك