The_Relativistic200
24-05-2006, 01:53 PM
بسم الله...........
انا هكون مختصر جدا فى كلامى
انا طبعا مؤيد كل اللى فى المنتدى ان لم يكن معظمهم
ان الكل بيحبوا الريس اوى ;)
طبعا ده بتاع الضربة الجوية الاولى
حد يقدر يتكلم :D
والباقى من المعارضين للشرعية
وخلافه الكل بيكرهه ( حد يقدر يعملها :P )
وطبعا طبعا هم قلة أماااااااال!
مع انه معملش حاجة وحشة
هو بس القضاة قرص ودنهم شوية
وقانون الطوارئ سابه ( دهب وطابا و.........)
وسايبين بهائيين وبتوع البقر سارحين فى البلد
وبيسمى التخاذل والتقاعس عن اخواننا حكمة وضبط نفس
( الا فيما يتعلق بالحرب فانا من معارضيها بشدة) :D
المهم
طبعا انا سمعت او قريت بمعنى اصح ان
ناس فى المنتدى عايزين يعملوا انقلاب ( وماله لو كنا ليلة بعيد وسبنا كل الناس..)
انا طبعا معاهم
من الاخر.....
طبعا محدش عارف الموضوع لييييه اصلا!
هو سؤال فعلا
اذا انت بتكره الرئيس مبارك وجمال وسوزان
والكل عايز يخلص منه؟
بعد منخلص منه ....... :huh:
مين اللى هيمسك بعديه
ومحدش يقوللى ان الناس المحترمين كتير
لو تعرف حد قول
والا خليك ساكت احسن
ياريت بجد حد يجاوبنى
سلام........ :rolleyes:
السلام عليكم
موضوع حلو كتير
انا شخصيا ارشحك انت
مبرووووووووووووووووووك
....................
The_Relativistic200
11-07-2006, 12:22 AM
انا لما شفت الموضوع كدة وانا بقلّب
كنت بشبه عليه
وبعدين عرفت ان هو بتاعى
يالالالا
-----------------------
انا شخصيا ارشحك انت
------------------------
الله يبارك فيكى
يااااااااااااااااااه
تعرفى الموضوع دى
انغمس وانغمر فى النسيان
والله شكرا انك رجعتييييييه تانى
بس انا قولت رئيس للجمهورية
مش رائد الفصل :lol:
r.m.h
11-07-2006, 12:32 AM
الموضوع جميل
وجود حاكم زي بابا مبارك ما هو الا ابتلاء مش محتاج غير صبر
قرأت عن صحابي رفض الخلافة
ومن رأيى ان اللى يقبل ان يكون الريس اكيد بيحب الدنيا
وهيكون زى اللى قبلة
اختكم رحمة
The_Relativistic200
11-07-2006, 02:53 AM
شكرا ليكى يا اخت رحمة على المرور
بس
اولا دى مش خلافة
ودى تفرق شوية الحقيقة
وكلامك اللى يقرأه يحس ان واحد اتعرض الموضوع عليه وقبل
لكن الموضوع هرجلة وكله عايز يمسك الحكم وخلاص
اينشتاين
11-07-2006, 03:36 AM
تصحيح بسيط : ( ومالوا لو ليلة توهنا بعيد وسيبنا كل الناس )
على فكرة الجمله لايقة ع الموقف ومعنى كده ان حكاية الانقلاب دى زى حواديت الف ليلة وليلة
وبالنسبة للسؤال بتاع مين يمسك بعد الريس فهو انا طبعا وهاخلى البلد اخر حلاوة وابهة وهامسك عبقرينومان وزارة التربية والتعليم وبورسعيدى وزارة الخارجية وزيزو وزارة الصناعة وبسبوسة وزارة الشباب والرياضة وحابى وزارة الثقافة وباقى الوزارات نقسمها سوا
بورسعيدى
11-07-2006, 03:57 AM
السلام عليكم
طالما دائما نقول مين هايمسكنا واكيد الى جاى مش احسن من الى راح يبقا احنا كده بنخسر روح التجربة
تعالوا نجرب ومش هانخسر اكتر من الى فات ( ضربوا الاعور على عينه قال خسرانه خسرانه )
لكن الامل فى التغيير كبير
ممكن الى ييجى يكون ضميرة بيطلع فى الروح مش ميت خالص مثل عائلة مبارك
ولو كان ضميرة ميت اهو على الاقل يبقا كسبنا المحاولة
مش كده والا ايه ؟؟؟؟
The_Relativistic200
11-07-2006, 04:20 AM
اولا
شكرا على ردك يا اينشتين
واسئلك سؤال بسيط
لو بكرة لاقدر الله الريس جاله حمى واستقال
وقال يا جماعة انتخبوا اللى انتو عايزينوه
هتقولوه
عبقرينو وبورسعيدى وبسبوسة وحابى :D
ثانيا بالنسبة للاستاذ بورسعيدى
نورت الموضوع
واحب اقول لحضرتك
هنجرب اييييييه تانى
بالنسبة ليا كمواطن اولا وطالب ثانيا
انا اتجرب فيا كتيييييييييييييييييير اوى
من اولى ابتدائى لغاية الثانوية العامة :rolleyes:
سؤال تانى
ليه اللى جاى مش احسن من اللى رايح
معنى كده ان اى حد دلوقتى
وعايز يرشح فبتبقى خلطبيطة
وبيرشح اى حد والسلام
يعنى الناس بتحب الكلام وبس
صح ولا انا غلطان :rolleyes:
اينشتاين
11-07-2006, 10:28 AM
واضح من كلامى اللى فات انى باهزر ( وبعدين فيها ايه يعنى هو اللى انا ذكرتهم وحشين ) طب والله العظيم استاذ بورسعيدى عنده وطنيه اكتر من اى وزير موجود دلوقتى
المهم سيبك من الهزار وتعالى نتكلم جد
هاضرب مثال بس صحصح معايا
طبعا عارف ان امريكا فترات الرئاسة فيها محددة ( فترتين فقط )
افرض معايا ان جورج بوش بعد ما يغور فى داهية هيجى بعده رئيس محترم وكويس وهيخلى الشعب الامريكى مبسوط ومرتاح اكتر من الراحة اللى هو فيها وعلاوة على كده ان الرئيس ده بيحب المسلمين والعرب ( معلش احلم شوية معايا )
والرئيس ده طبعا خلص الفترتين المقررتين
تفتكر الشعب الامريكى هيعيط ويصرخ ويقول احنا هنغير الدستور عشان رئيسنا يفضل فى الحكم
لاء طبعا وعشان الشعب الامريكى شعب بيفهم ومحترم وعنده خبرة سياسية عالية هيقدروا يختاروا رئيس غيره لانهم عارفين ان الحياة لاتقف على شخص مهما كان
شوفت الشعب الامريكى اللى حضارته لا تتجاوز ال300 سنة
عيب اوى علينا نكون مصريين وسبقنا البشرية كلها فى التشريعات والقوانين نكون مش قادرين نغير رئيسنا ( الفاشل العجوز ) بايدينا
وهاضرب لك مثال واقعى
لما حصلت النكسة سنة 1967 وبعدها مات عبد الناصر والناس قالت البلد ضاعت ويا ترى اللى هيجى بعده هيعمل ايه
وتحققت المعجزة ومصر استردت سيناء بعد فترة زمنية من احتلالها مدتها 6 سنين فقط
تخيل معايا
بلد مدمرة ماديا ومعنويا ورئيسها تنحى وبعدين مات وبعدين رئيس جديد وفى خلال ست سنين قدرت تاخد ارضها ومن دولة غاية فى القوة وعلاوة على ذلك امريكا كانت ضدنا
انها روح الشعب المصرى افضل ارض وشعب عرفهما التاريخ
The_Relativistic200
12-07-2006, 10:58 AM
ماشى يا عم اينشتين
اتكلمنا على امريكا بما فيه الكفاية وانا عارف انك بتضرب مثال
وعارف الحوارات بتاعة امريكا
دى
بس انت حطيت ايدك على نقطة الموضوع
ان برضو الشعب الامريكى لا هو هيعيط ولا بتاع
لييييه عشان فيه حاجة اسمها دستور
وهو ثابت ومش بيتغير زى ما قولت ناس بتفهم
بس يا ترى اييه اللى مخلى عم بوش لغاية دلوقتى
متقوليش الامريكان هيموتوا عليه
(وافكرك ان الشعب اللى بقاله 300 سنة زى ما انت عارف مش هنود حمر ولا متخلفين
بس كانوا حبة انجليز زده معظمهم وشوية سلطة من عندك واكيد وارثين افكار الانجليز
رغم انهم تقريبا كلهم عبيد فى الاول)
اما بالنسبة لنا
محدش يقدر يقول مثلا اننا مش بنفهم
بس
احنا فى الكلام عشرة على عشرة لكن فى الحاجات الحساسة محدش بيسمع صوت حد
واظاهر كده شكلها
قاعد بمزاجه
وحكاية الانتخابات دى
كانت طبق كبدة بالسلطة
ولا ليها لزمة
اهو فلوس ضايعة وخلاص B)
اينشتاين
12-07-2006, 11:19 AM
اوعى تكون بتحب الكبدة بالسلطة
وجدان حنفي
18-09-2010, 06:43 AM
تصحيح بسيط : ( ومالوا لو ليلة توهنا بعيد وسيبنا كل الناس )
على فكرة الجمله لايقة ع الموقف ومعنى كده ان حكاية الانقلاب دى زى حواديت الف ليلة وليلة
وبالنسبة للسؤال بتاع مين يمسك بعد الريس فهو انا طبعا وهاخلى البلد اخر حلاوة وابهة وهامسك عبقرينومان وزارة التربية والتعليم وبورسعيدى وزارة الخارجية وزيزو وزارة الصناعة وبسبوسة وزارة الشباب والرياضة وحابى وزارة الثقافة وباقى الوزارات نقسمها سوا
يا مفرقين الوزارات
قلبي نصيبه فيييين !!!!
بما اني ممكن ابقا دكتور بعد ست سنين فأنا أغتصبت وزارة الصحة(حد ليه شوق في حاجة؟!!!)