مشاهدة النسخة كاملة : هـــــــام الى الاستاذ أشرف


silent hill
24-05-2006, 11:16 PM
السلام عليكم / الاستاذ أشرف
أنا بكلم حضرتك بخصوص موضوع الصور فى توقيعات الاعضاء فى

المنتدى ، الامـر زاد عن حدة ، أنا مشترك فى منتديات كتير مفيش فيها الكلام ده.

هوة هدف المنتدى ( ثقافى -علمى -دينى -أدبى ) ولا ايه بالظبط؟؟

دة المنتدى يمكن يتحول الى معرض للصور.

*الرجاء الاهتمام بالموضوع والـــرد بمــــــــا هو فى صالح

منتدانااااا الجميـــــــــل ، ولكل كل الشكـــــــــر التقديـــــــر .

أحمد البـــرى

بورسعيدى
24-05-2006, 11:24 PM
والله طلبك وجية جدا جدا

وانا اؤيد هذا الطلب

وسوف ارسل للعبقرى رساله بخصوص هذا الشأن

silent hill
24-05-2006, 11:29 PM
شكراااااا أخى وصديقى بورسعيدى على موافقته على رايى:)

وأتمنى أن يقبل عبقرينوووو هذا المــــــوضوع الهام جداااااااا

=ivan=
25-05-2006, 12:14 AM
ان شاء الله..

الموضوع بس عايز حاجة..

عبقرينو هووا اللى لازم يعمل موضوع يتثبت..يكتب فيه قوانين التواقيع......عشان ميحصلش لخبطة...

وبعدين وماله لو التوقيع ده فىه صور..المهم مضمونها ايه..

silent hill
25-05-2006, 12:18 AM
شكرااااااا لمشاركـــتك (ahmedation_4ever ) ..

Xx.Youri.xX
25-05-2006, 12:25 AM
ايه المشكله فى الصور للاعضاء . لو الصور فيها حاجه يبقى فيه مشكله طبعا .

اما الصور العاديه فانا مش شايف اى حاجه فيها بصراحه .

يعنى مثلا توقيعى انا او نيو فيه حاجه .

براحه انا مش فاهم وجه نظرك


اما عن الاستاذ اشرف .

فانا لا اظن انه حتى هيرد على الموضوع ده .

يا ريت يكسفنى ويدخل .

بس انا عملت موضوع بطلب بدخول عبقرينو على الموضوع .

من اسبوع وبرده مدخلش

ده غير موضوع الادراه اللى دخل عليه بعد شهر تقريبا .

تقبل خالص تحياتى.

سلام .

scull
25-05-2006, 12:45 AM
Originally posted by ahmedation_4ever@May 25 2006, 02:14 AM


وبعدين وماله لو التوقيع ده فىه صور..المهم مضمونها ايه..
114953



اعتقد ان الكلمة دي هيا خلاصة الموضوع


طبعا مش واحد هيحط صور خارجة وحد هيسمحلة

اعتقد ان الصور اللي محطوطة كلها مفيهاش حاجة غلط


واعتقد ان اللي يهم المارك الكلام اللي مكتوب مش الصور


الصور دي مجرد تعبير لكل واحد عن الحاجة اللي بيحبها او الشخص مثلا اللي بيحبة

silent hill
25-05-2006, 12:49 AM
يــــــــــــــــــــورى/

أنته عارف أن بعض التوقيعات للسادة الاعضاء كثيرااا ما يكون مبالغ فيهاااااا :angry:

من شكل وحجم للصور . والمنظر بصراحة مش حلو .

على العموم دى وجهه نظرك . أنت حر فيهااااااا


شكرااااااا على المتابعه منك :)

silent hill
25-05-2006, 12:57 AM
أنا معاك scull فى ان المهم المضمون بس لو الصورة تكون بسيطة

وتكون صورة واحده مش أكتر من صورة يكون أحسن طبعااااااا

ولا انته ايه رايك؟؟

Xx.Youri.xX
25-05-2006, 12:59 AM
طيب انا حاطط اكتر من 7 صور فى التوقيع .

ده غير الكلام .

كده التوقيع غير لائق . ؟

scull
25-05-2006, 01:01 AM
اولا بالنسبة لحجم الصور


اعتقد ان انا اول واحد لما لقيت بعض الاعضاء مضايقين من حجم الصورة غيرتها خالص بصورة صغيرة


ثانيا انت معاك حق بس انت في الموضوع اتكلمت عن وجود الصور عموما مش ان الشخص بيحط اكتر من صورة



ياريت تحدد بالظبط مضمون الموضوع اية

silent hill
25-05-2006, 01:02 AM
انته أحســــــــــــن من غيرك كتيررررررررررررررررررر

بس لو مفيش الصور الصغيرة دى.

كان تمام جداااااااااااااااااااا

=ivan=
25-05-2006, 01:02 AM
هههههههههههههه...

لا..البانرات دى صغيرة وحلوة جدا...

يعنى متعدش كلواحدة بصورة..

هو قصدو على كام واحد..التوقيع بتاعهم ..بيخلى الوييل بتاعة الماوس تتحرق من كتر الاحتكاك..

التوقيع بيبقى طويييييييييييييييييييييييييييييييييييييييييييييييي ييييييييييييييل ..

M.Neo
25-05-2006, 01:04 AM
يا احمد البري

انا عايز اقولك ان لو منعنا الصور الشخصيات المشهورة او العامه

فهيبقي عليك انك تشيل صورة السادات وجمال عبد الناصر رغم انها مفيهاش اي حاجه

واتمني تكون فهمت انت عايز تعمل ايه بالموضوع ده

silent hill
25-05-2006, 01:05 AM
تمام جداااااااااا يا edation_4ever هوة ده قصدى فعلااااااااا

أشكرك للمشاركة.

silent hill
25-05-2006, 01:10 AM
يا باشااااااا

M.Neo

أنا أقصد الصور اللى فى التوقيع الشخصى مش الصورة الرمزيه

أكرم المسيري
25-05-2006, 01:13 AM
الموضوع جميل جدا

ومحتاج فعلا ان احنا ناخده بشيء من الجدية


الموضوع زاد عن حده وبقى شيء سخيف صراحة

دا حتى اسمه توقيع يعني صورة كفاية

ياريت ما نستهترش ومش لازم العبقري يتدخل وممكن نحل المشكل بينا وبين بعض

ونرحم بعضنا م الصور الكتير الغير هادفة بالمرة

تقبلوا تحياتي

M.Neo
25-05-2006, 01:14 AM
هههههههههههههه

اقرء رسالة عبقرينو اللي كان بعاتهالي

كان عايزني اغير الصورة الرمزية كمان
مش التوقيع بس

silent hill
25-05-2006, 01:16 AM
M.Neo

ممكن توضح كلامك؟؟

M.Neo
25-05-2006, 01:19 AM
ادخل علي الموضوع ده الصفحة الاولي هتفهم كل حاجه

http://www.thanwya.com/forums/index.php?showtopic=10644&hl=

مهرة
25-05-2006, 01:37 AM
بسم الله الرحمن الرحيم

- - - - - - - - - - - - - -

اعتقد اننا جميعا نحب منتدانا الاكثر من رااااااائع


ومن هنا


لابد لنا المحافظة على مظهرة ... والاهتمام بجوهرة ..والبعد عن البهرجة الزائد


واكثر ما يؤذى مشاعرى صورة تكون لها ايحاءات مش كويسه


فاتمنى من الجميع يراعوا ان لهم اخوات يجب الحفاظ عليهم والبعد عما يؤذيهم


فالصورة دائما تعبر عن شخصية العضو..


فمن هنا


ياريت كل منا يضع شعار


او


صورة ولكن تراعى فيها الا تؤذى الاخرين


وارجو ان نجتهد جميعا للنهوض بمنتدانا ومش كل حاجة المشرف


انا اعتقد ان المنتدى هو بيتنا الكبير الذى تحاببنا فيه ووجدنا اخوات من غير رحم بيننا



واخيرا : -


واقول لكم ..كما قال رسولنا الحبيب

(صلى الله عليه وسلم)

رفقا بالقوارير

وشكرا

Xx.Youri.xX
25-05-2006, 01:44 AM
ممكن اعرف توقيع مين اللى مثلا انتى معترضه عليه .

scull
25-05-2006, 01:45 AM
ممكن توضحي

ايحاءات ازاي يعني


اعتقد ان الصور دى كمان بتاعت ناس مشاهير

وكمان احنا حاطين صور رجالة يعني


مظنش ان في اي حاجة غلط في كدة


واعتقد ان احنا ناقشنا الموضوع دة لما اتكلمنا ان صورة الراجل مش عورة

صح؟

M.Neo
25-05-2006, 01:50 AM
والله يا مهرة بجد انا معجب بردك جداا

بس والله اعلم ان الصورة اللي انا حاططها واغيري حاططها
ما هي الي صورة بيعبر بيها عن الاعجاب شخصي منه للحاجه اللي حاططها وليس بها ايذاء لاي شخص
حتي وانا بنقي توقيعي بحاول ما يكونش يضايق حد

بالنسبة لتوقيعي انا لاني ما اقدرش اتكلم علي حد تاني

ديه صورة لتيم انجليزي غنائي انا معجب باغانيهم

وعلي فكرة ليهم صور مش محترمه بس انا حاطط صورة محترمة جدا
وتصدقي ان صورتهم دي كان فيها صليب علي صدر واحد فيهم
ورغم انها مش فارقة معاي
بس انا كنت حاططها توقيع في منتدي تاني وواحد اتضايق من الصليب فشلته من الصورة خالص
وتانيا سبب اخر لوضعي للصورة انها من تصميمي
يعني انا اللي عاملها
تقدري تقولي زي ابني
وانا فعلا بحب التصاميم اللي بعملها وتطلع شكلها حلو
وده بالنسبة ليا شكله حلو جدا

وانا فعلا حاسس اني ما بئذيش حد

ومستني ردك
لاني فعلا بحترم ردودك

silent hill
25-05-2006, 01:54 AM
شكرااااا جزيلاااا لجميع الاصدقاء الذين شاركواااا فى هذا الموضوع الهام جداااااااا

وأتمنى ان أسمع تعليق المشرف العام للمنتدى :)

مهرة
25-05-2006, 02:03 AM
اقصد بالتحديد احدى العضوات

وهى دودو

واعتقد انى نبهتها

scull
25-05-2006, 02:06 AM
فعلا يا مهرة

انا اخدت بالي من الموضوع دة

بس هيا تقريبا كدة عضوة جديدة ويمكن متعرفش ستايل المنتدي

M.Neo
25-05-2006, 02:08 AM
يا مهرة ما رديتيش عليا

انا عايز اعرف صورتي مضايقاك

مهرة
25-05-2006, 02:09 AM
انا افهمك جيدا M.Neo


ولم اقصدك

ولكن هناك اعضاء لا يهتمو بمن حولهم

فى اعضاء لهم صور مش كويسه

وبصراحة حيائى يمنعنى من ان اكل اى شاب فى موضوع زى ده

وان كنت قلت لـ دودو

عشان هى بنت

فمثلا احدى الاعضاء وضع صورة لامراة شبه عاريه

واخروضع صورة لرجل ولكن لبسه ليس محترما

للاسف كل ما استطيع فعله هو تجنب المرور فى الصفحة التى هو فيها

..

..لكن لم اقصدك انت ..ربى يعلم

Xx.Youri.xX
25-05-2006, 02:13 AM
احمد

انت لسه عندك امل ان عبقر يدخل .


يا عم روح صلى ركعيتن وادعى انه بس يدخل مش يرد

سلام .


انا متابع كلامك كملوا .

Xx.Youri.xX
25-05-2006, 02:15 AM
صوره شبه عاريه .


مين العضو ده .


ان شاء الله مش انا .

مهرة
25-05-2006, 02:17 AM
على فكرة يا يورى توقيعك ده هو تمثال اوسكار

صح

على فكرة اختيارك ليه حلو

Xx.Youri.xX
25-05-2006, 02:23 AM
هههه


انا كنت بهزر بس

طبعا الاوسكار .

بس بجد بقى .


مين العضو اللى توقيعه ممكن يكون فيه حاجه تضايق اى بنت .

انا بصراحه مش شايف حاجه غلط فى توضيع اى عضو .

انتى شايفه حاجه يا ريت تقولى عليها .

سلام .

M.Neo
25-05-2006, 02:28 AM
يا مهرة بجد لو اي عضو ضايقك توقيعه يا ريت تقولي مش تتكسفي

ولو يا ستي عايزه ابقي قوليلي

وانا اقوله مش مشكلة

احنا منرضاش بزعلك

بورسعيدى
25-05-2006, 04:03 AM
انا شايف يا جماعة ان بلاش ذكر اسماء
والى شاين توقيع او صورة غلط يبغ صاحبها فى رساله خاصة بشكل حضارى وباسلوب كويس
اعتقد كده يكون افضل للجميع وبالتالى نتجنب المشاكل
وتوته توته خلصت الحدوتة

silent hill
25-05-2006, 11:09 AM
شكرااااااااا أخى بورسعيدى على خلاصه الكلام. :) :)

وأنا موافقك طبعـــــــــــــــا علية :rolleyes:

tarekalbolkeny
25-05-2006, 11:39 AM
موضوع ليس له اى شىء منم الصحة ولا مبنى على اساس مع احترامى لكاتب الموضوع او المؤيد له با مانه دى حرية شخصية الا لو خرجت عن نطاق الادب والاخلاق فبكده يبقى ليكم حق
بس انا مش شايف شىء خارج عن اى عضو واللى شايف يقول واحنا نتكلم معاه وننقنعه ولا ايه يا جماعه ولا هنمانع الناس فى حريتهم الشخصية ؟؟؟؟؟؟؟؟؟؟؟؟
مستنى ارائكم وردكم على ردى وياريت تقنعونى

silent hill
25-05-2006, 11:49 AM
فيه أسلوب أحسن من كده فى تعبيرك عن رايك يا

tarekalbolkeny
وياريت يكون فيه احترام لاراء الاخرين

ولا المنتدى انته لوحدك اللى فيه؟؟

tarekalbolkeny
25-05-2006, 12:07 PM
Originally posted by tarekalbolkeny@May 25 2006, 12:39 PM
موضوع ليس له اى شىء منم الصحة ولا مبنى على اساس مع احترامى لكاتب الموضوع او المؤيد له با مانه دى حرية شخصية الا لو خرجت عن نطاق الادب والاخلاق فبكده يبقى ليكم حق
بس انا مش شايف شىء خارج عن اى عضو واللى شايف يقول واحنا نتكلم معاه وننقنعه ولا ايه يا جماعه ولا هنمانع الناس فى حريتهم الشخصية ؟؟؟؟؟؟؟؟؟؟؟؟
مستنى ارائكم وردكم على ردى وياريت تقنعونى
115280




شوف انا كاتب ايه مع احترامى لكاتب الموضوع والمؤيدين له فى الراى انا مشيف المنتدى بتاعى انا لوحدى ...
وبعدين انا اسلوبى حلو بلاش غلط

silent hill
25-05-2006, 12:12 PM
<span style=\'color:orange\'>مفيش فايدة بـــــــــــــــــردة

قلت الكلام أحسن</span>

tarekalbolkeny
25-05-2006, 12:18 PM
ماشى يا استاذ احمد

tarekalbolkeny
25-05-2006, 12:19 PM
بعد اذنك بلاش مغيش فايدة دى

silent hill
25-05-2006, 12:43 PM
اوك يا طـــــــــــــــــــارق.

عبقرينومان
26-05-2006, 10:19 AM
السلام عليكم
بسم الله الرحمن الرحيم
اولا : بعد احترام واعجابي لكاتب الموضوع
هذا الموضوع كنت ساكتبه على صورة قوانين للتوقيعات
ثانيا : انا بالفعل اقوم بارسال رسائل خاصة للاعضاء التي تخالف توقيعاتهم قوانين المنتدي
ثالثا : لم يستجب احد من الاعضاء لمضمون الرسالة
رابعا : وبعزة الله سيعود الموقع لما كان عليه في السالف
خامسا : كل عضو ارسلت اليه رسالة ولم يلبي النداء ويغيرها كما طلبت منه ساقوم بحذف توقيعه
سادسا : ولو غير العضو توقيعه مرة أخرى الى توقيع مخالف ساقوم بحذف العضوية نهائياً
سابعاً : قريبا ستجد قوانين للتوقيعات
ثامناً : من اهم شروط التوقيع ان لا تحمل اي صور فنانين عرب او اجانب او صور رياضية او صور كبيرة الحجم او صور سياسية
تاسعا : ان يكون التوقيع عبارة عن بانر صغير يحمل معلومة اسلامية او اسم العضو وما شابه ذلك
عاشراً : كل من تصور له نفسه ان الإدارة ضعيفة او متهاونة في مواضيع كثير مثل ذلك فهو حاقد ولن اترك الموقع لاي حاقد
واخيرا : لو بلغ الامر لحذف عضوية مشرف او عضو مهم او اي عضو بسب استهتاره بتعليمات الموقع ساحذف ولا ابالي
والسلام عليكم

M.Neo
26-05-2006, 10:25 AM
يا استاذ اشرف عمرنا ما شوفنا كده في منتدي تاني

التوقيع حرية شخصية وبالتحدي اذا كان لا يسئ لاحد

انا لا اعترض لمجرد المعارضة لعدم الفهم الخطأ

بس عمرنا ما شفنا حاجه زي كده في اي منتدي

قوانين للتوقيع !!!!!!!

كل من تصور له نفسه ان الإدارة ضعيفة او متهاونة في مواضيع كثير مثل ذلك فهو حاقد ولن اترك الموقع لاي حاقد

مين اللي صورت له نفسه انه يقول ان الادارة ضعيفة
اذا كنت تقصدنا

او تقصد حد مننا فمحدش فينا قال كده خالص ودور في ردودنا وهاتلي دليل لو انا قلت كده

tarekalbolkeny
26-05-2006, 10:41 AM
تعرف ان انت لو قلت الكلام ده يا استذ اشرف لاى حد اول مرة يخش المنتدى كان قلك لاياعم وانا اوجع دماغى ليه انا اروح منتدى اتنى احسن والمنتديات على قفا من يشيل ولا ايه ده كان هيبقى رده 100%
بس احنا عشان بنحب منتدى ثانوية ومش هنسيبه زى ما انت بتقول لاى حاقد يبقى مكش هيهمنا ولا هنبالى احنا كمان .
اما عشان هتحذف ولا تبالى هو تحديد طب انا دماغى نشفه وشايف ان دى حرية ومش هحذف.
اما بقى بلنسبة لانشاء الله المنتدى هيرجع حلو فاحنا عايزين ميعاد نشوف فيه المنتدى زى ما بتقول عشان انا مش بحب الكلام الفاضى
مع احترامى ليك
لو خليت المنتدى بقى يا استاذ اشرف زى ما بتقول حلو ده ان شاء الله نبقى شاكرين خدماتك ولو نها مش خدمات ده واجب عليك انت مدير الموقع ............. هنبقى ساعتها نفكر بقى نغير التوقيع

=ivan=
26-05-2006, 02:05 PM
طارق..

عدل المشاركة يا حبيبى..

اتن كدة غلطت.....


......................................

محمد البري
26-05-2006, 02:08 PM
يا حج طارق هيه لو نشوفية دماغ انا ممكن اخلي تقيعي صفحة كاملة يعني انا بس اللي ارد في الموضوع اوكى

tarekalbolkeny
26-05-2006, 05:24 PM
يا جماعه انا مش شايف انى غلط لوحد شايف انى غلط يوضحلى غلطى

=ivan=
26-05-2006, 09:28 PM
بص يا طارق...انا شايف انك اتسرعت فى الرد....

يعنكان ممكن يكون بطريقة احسن من كدة...
كان ممكن بس تقول رأيك فى قوانين التواقيع..

ولو عايز يا سيدى معاد عشان المنتدى يرجع زى الأول..

انا هديك معاد..

((اول اسبوع فى الأجازة))

=ivan=
26-05-2006, 09:31 PM
بص يا طارق...انا شايف انك اتسرعت فى الرد....

يعنكان ممكن يكون بطريقة احسن من كدة...
كان ممكن بس تقول رأيك فى قوانين التواقيع..

ولو عايز يا سيدى معاد عشان المنتدى يرجع زى الأول..

انا هديك معاد..

((اول اسبوع فى الأجازة))

tarekalbolkeny
26-05-2006, 09:34 PM
اوك لما يحصل انا وعدك انى اغير توقيعى وبعدين ده مش مشكلة تغيير توقيع احنا عايزين المنتدى احسن منتدى فى الوطن العربى بل فى العالم ولا احنا منقدرش عايزين نطور بقى زهقنا اننا نبقى تقليديين عايزين نرفع من شان المنتدى