مشاهدة النسخة كاملة : ايه اللى بقوله ده؟؟؟


mena1990
02-11-2008, 08:43 AM
اهو بتكلم وخلاص واللى عايز يدخل يدخل واللى مش عايزبراحته
ليه الواحد لما يبقى مضايق ميلاقيش حد جنبه مع انه بيبقى فى محنته محتاج
اى ايد تتمد له:( هى الناس اللى بقت واحشه ولا هما كده وانا اللى مكنتش اخده بالى:confused:
طب ليه انا اما بشوف حد محتاج بمدله ايدى واساعده والله انا عارفه انى مش ملاك وان فى ناس احسن منى بكتيييييييييييييييييييييييييير:078111rg3: جدا بس انا كل اما اقابل حد
واقول كويس يطلع مش كويس حتى اصحابى وارجع اقول اكيد انا اللى واحشه
بس زى ماانا فيا عيوب هما فيهم انا حاسه انى بخرف دماغى محتاجه تصليح:040vk0:
المشكله انى مش بنكر انى مليانه عيوب مع ان كل اما اوضح وجهه نظرى لحد
يقولى انتى مبتغلطيش انتى ملاك انا الحاله اللى انا فيها واللى بمر بيه بينتلى ناس كتيررررررررر
كنت بحسبهم صحابى واللى بدأت اندم انى عرفتهم وفتحتلهم قلبى عموما فى مثل بيقول
اعرف صحبك وعلم عليه بس رغم كل ده انى مش زعلانه من حد الا نفسى لانى مش بحسن اختيار حد
للعلم انا بكتب الموضوع كفضفضه ومش عارفه هحطه فين المهم انى افضفض لانى
حاسه انى هموت ومخنوقه ومتاكده ان لو حد قراه مش هيفهم حاجه بس اكيد كلنا ببتعدى علينا لحظات زى دى بنبقى محتاجين لو حد يمدلنا ايده او
يحس بينا فينا سعيد الحظ اللى بيلاقيها وفينا اللى عمره ما حس بيها انا شكلى اتجنيت ولا ايه هههههههههه
يلا معدتش تفرق للعلم المفروض يعملوا قسم اسمه فضفضه
عندى احساس والله اعلم ان الموضوه هيتحذف اول ما ينزل مش عارفه ليه
اظاهر فى حاله نحس:bosyht9:

والله ربنا يخليكى يا نسمه
شويه الايموشن نفعوا:wacko:

أمير الظلام
02-11-2008, 07:22 PM
المشاكل دى مش معاكى انتى بس
دى بقت ظاهرة النفقاق بقا ظاهرة فى مجتمعنا

E/GOGO
02-11-2008, 09:30 PM
انتى مالك مسودة الدنيا كدة لية
كل دة عشان اية انا مش فهمة
يعنى انتى زعلانة من صحابك
ولا ايه بالضبط

dedy_dody
02-11-2008, 10:06 PM
والله يابنتى عندك حق انا اكتر واحدة بتقاسى فى حياتها ومع ذلك ادينى عايشة والله ده انا اللى محتاجة انى افضفض بس بقى خلينى شايلة فى قلبى وساكتة بدل مااقعد اعيط واقلبهالكم نكد واغرقلكم النت كله وابقوا قابلونى لوعرفتم تنشفوه بقى ههههههههههههههههههههه هقولك على حاجة الدنيا اللى احنا فيها دى بقت وحشة اوى والناس بقوا اوحش الناس هما اللى وحشوها صدقينى اصلا الدنيا ولا ليها لازمة ولا احنا عارفين فيها احنا مين ولا رايحين على فين ولا فاهمين مين العدو ومين الحبيب ربنا يطلعنا منها على خير كل حياتنا فيها بقت عذاب وياسلام على مرار الفراق اللى بقى فى حياتنا اكتر من اللقاء انا حسيت بكلامك اوى وفهمتك جدا وانتى مش بتقولى كلام مش مفهوم ولا حاجة بالعكس اللى حياته زى حياتنا كده هو اللى هيحس بينا وياااه بقى على صدماتنا فى صحابنا اللى تفتكره موسى يطلع فرعون زى مابيقولوا ومبيجيش الجرح اللى من اقرب القريبين لقلوبنا بس هنعمل ايه بقى ادينا عايشين عايشين بس مايتين ربنا يصبرنى ويصبرك وانا مستنية القسم اللى اسمه فضفضه ده وانا فى قلبى كتير لو تحبى نبقى اصحاب انا موافقة عرفينى بس وانا هكتبلك ايميلى وانا ياستى مستعده اسمعك وقت ماتحبى تفضفضى اوكى ياقمر مستنية ردك

مروه
02-11-2008, 11:21 PM
والله مش عارفه اقولك ايه
بس فعلا بتبقى صعبه اوى
لما تكونى عاوزه حد جانبك من اصحابك مش بتلاقيه
مع انك بتبقى متوقعه غير كده
المهم يا منه
مش تزعلى على الصحاب دول
لأنهم مش أصحاب بجد
اللى يزعل منهم فعلا الأصحاب اللى بجد
يعنى اللى يبعيك بعيه ومتزعليش عليه
ويا ستى اعتبرينا كلنا هنا اصحابك واخواتك
واى حاجه تحتاجيها او تكون مضايقاكى هبقى سعيده
لو كنت معاكى او قدرت اخفف عنك
وانشاء الله الموضوع ميتحذفش

الجويرية
03-11-2008, 10:10 AM
السلام عليكم ورحمة الله وبركاته
ايه يا منة مالك فى ايه؟
وايه الموضوع اللى انت عاملاه ده؟
وانتى فين اصلا مش بتدخلى ليه
يارريت تردى انت مالك ومضايقة من ايه؟
وايه صحابك مش بيحبوكى انتى كدة بتشتمينى ولا ايه؟
انا مش صحبتك
وربنا يعلم محبتك فى قلبى ازاى
لا مش كل الاصحاب كدة يا منة
انا بردوا حصلت معايا من قريب بس دول اصلا مكنوش اصحاب كانت مجرد شخصيات بتعرف عليها وبس او زملاء مش اكتر
لان الاصحاب كلمة لا تطلق على اى شخص
انا معاكى يا منونة ماقدرش استغنى عنك
ياريت تفتحى الاميل وتكلمينى انتى وحشانى اوى والله
والا بذكر الله تطمئن القلوب؟

الشفق الباكي
03-11-2008, 10:18 AM
بصى ياستى الناس كلها فيها عيوب انا وانتى وغيرنا احنا بشر بس لازم نبص للناس من الجهة الحلوه نتغاضى عن الوحش
بصى ياستى دايما بابا يقولى لو قعدتى تدورى على ناس من غير عيوب يبقى هتفضلى لوحدك على طول قدامك الناس خدى من دا الحلو ومن دا الحلو ومش لازم كل حاجه حلوه تبقى فى واحد بس ادى وهتاخدى زى ماهتكونى الناس هتكون معاكى يعنى ماتخلكيش بعيده عن الناس وتقولى هستنى لما الاقى حد كويس خالص هاتى احسن الوحشين وعامليه كويس وقدمى الخير هيتغير علشانك
دا رايى يارب يكون صح ويارب يعجبكم
وياريت تدعولى كلكم اهو استرزق منكم (بهزر معاكم )بس بجد ادعولى

mena1990
03-11-2008, 01:45 PM
شكرا على مشاركتكم الموضوع
بجد ردودكم ريحتنى جدا
انا فعلا مش هزعل على حد
ميستهلش انى ازعل عليه
وشكرا ليكوا مرة تانيه
وجزاكم ربى خيرا

هتلر2006
03-11-2008, 07:09 PM
مش هقولك انتي ملاك لان محدش كامل لكن هقولك متفكريش كتير لإنك هتتعبي بجد وفي عالمنا ده عايز اللي يديها طناش
ونصيحتي ليكي اوعي تتعلقي بحد لكن مشي أمورك بعيد عن النفاق يعني خدي كل واحد على قد عقله
لكن لو على النفاق وده كويس وده مش كويس فأنا عارفة ان احساس انك اتخدعتي صعب بس لما تعيش وحيدة احسن مليون مرة من انك تقربي من حد كداب

Hamset_Etab
05-11-2008, 08:59 AM
بت يا منه ميهمكيش من اى حد انتى عملتى حاجه غصب عنك خلاص اللى عاوز يفهم غلط يفهم هو حر بس برده عرفى الناس اللى حواليكى ايه السبب فهمانى طبعا
والحكايه دى حصلت لصاحبه ماما وكانت منهاره جدا فى الاول بس بعد كده خلاص
ربنا معاكى يا قمر
وعلى فكره اللى بيحصل معاكى ده طبيعه كل البشر جواهم شى من الفضول وعلطول فى سؤال فى دماغهم ليه؟ فمش تزعلي حطى نفسك مكان اى حد من اللى اضايقتى من كلامهم هتحسى انهم مش قصدهم انك تزعلى

Sherif Elkhodary
05-11-2008, 10:54 AM
يقولى انتى مبتغلطيش انتى ملاك انا الحاله اللى انا فيها واللى بمر بيه بينتلى ناس كتيررررررررر
كنت بحسبهم صحابى واللى بدأت اندم انى عرفتهم وفتحتلهم قلبى عموما فى مثل بيقول
اعرف صحبك وعلم عليه بس رغم كل ده انى مش زعلانه من حد الا نفسى لانى مش بحسن اختيار حد

عندك حق
انا بارده ندمت اني صاحبت ناس كتيرة
مش اي حد نثق فيه
و مش اي حد نكلمه
و عاوز اقولك ان انتي لو فكرتي كده
عمرك مهتعرفي تعيشي
انا خاني انتيمي
اكتر واحد صديق ليا
و خلاص عدت والحمد لله
ياريت متصاحبيش حد غير لما تكوني متأكده منه
انا كتير اوي ناس خانوني
كتير
انتي ممكن يكون صاحبة او 2 او 3
انا بقا ميتعدوش
كتير جدا
و خلاص الموضوع خلص
يالاالحمد لله
ياريت متزعليش نفسك مش اي حد يستاهل اننا نزعل علشانه :)
في امان الله

mena1990
05-11-2008, 03:08 PM
مش هقولك انتي ملاك لان محدش كامل لكن هقولك متفكريش كتير لإنك هتتعبي بجد وفي عالمنا ده عايز اللي يديها طناش
ونصيحتي ليكي اوعي تتعلقي بحد لكن مشي أمورك بعيد عن النفاق يعني خدي كل واحد على قد عقله
لكن لو على النفاق وده كويس وده مش كويس فأنا عارفة ان احساس انك اتخدعتي صعب بس لما تعيش وحيدة احسن مليون مرة من انك تقربي من حد كداب


ثانكس هتلر على مرورك
عندك حق الوحده اصعب من انك تتخدع فى حد
شكرا مره تانيه على مرورك:)

mena1990
05-11-2008, 03:11 PM
بت يا منه ميهمكيش من اى حد انتى عملتى حاجه غصب عنك خلاص اللى عاوز يفهم غلط يفهم هو حر بس برده عرفى الناس اللى حواليكى ايه السبب فهمانى طبعا

والحكايه دى حصلت لصاحبه ماما وكانت منهاره جدا فى الاول بس بعد كده خلاص
ربنا معاكى يا قمر

وعلى فكره اللى بيحصل معاكى ده طبيعه كل البشر جواهم شى من الفضول وعلطول فى سؤال فى دماغهم ليه؟ فمش تزعلي حطى نفسك مكان اى حد من اللى اضايقتى من كلامهم هتحسى انهم مش قصدهم انك تزعلى


كفايه وقفتك جمبك ورصيدك اللى مخلصاه عليا
شكرا يا بسبوسه ليكى

mena1990
05-11-2008, 03:15 PM
عندك حق
انا بارده ندمت اني صاحبت ناس كتيرة
مش اي حد نثق فيه
و مش اي حد نكلمه
و عاوز اقولك ان انتي لو فكرتي كده
عمرك مهتعرفي تعيشي
انا خاني انتيمي
اكتر واحد صديق ليا
و خلاص عدت والحمد لله
ياريت متصاحبيش حد غير لما تكوني متأكده منه
انا كتير اوي ناس خانوني
كتير
انتي ممكن يكون صاحبة او 2 او 3
انا بقا ميتعدوش
كتير جدا
و خلاص الموضوع خلص
يالاالحمد لله
ياريت متزعليش نفسك مش اي حد يستاهل اننا نزعل علشانه :)
في امان الله


شكرا شريف على مرورك الجميل
المهم اننا نتعلم من
اخطاءنا متزعلش نفسك اللى بيجرح
وبيخون صدقنى
بتترد له وعقابه مع ربنا الحمد لله
شكرا لمرورك الطيب

احمد نوفل
07-11-2008, 11:30 AM
لا حول ولا قوة الا بالله العلى العظيم
اكيد الصديق او الصاحب الى ما بيمدش ايديه لصديقه فى وقت الشدة فده قليل الاصل واللوم مش عليه اللوم عليك انتا مش انتا الى اختارته وفضلته على ناس تانية كانت ممكن تكون احسن منه فانا فاهم الموقف كويس وربنا معاكى

بس انا زعلان منك يا اختى منة انا مفتكرش انى اكوت صديق عندك بس المفروض متعمميش على كل صحابك عندك bosy2

انتى قولتى انها وقفت جمبك وخلصت رصيدك عليكى فديه انسانة محترمة وصديقة جادة

معلش طولت شوية تقبلى مرورى

mena1990
07-11-2008, 04:45 PM
شكرا احمد على ردك ومرورك الرائع
بس بجد الظروف كانت صعبه
الحمد لله

dr/nona72
21-02-2009, 11:21 PM
:slap1qk6:على فكرة عندك حق بس ما تزعليش مش انتي لوحدك اللي بتلاقي كدة:slap1qk6:
:av4056bb7jp3::av4056bb7jp3:

يارب سامحنى
22-02-2009, 09:16 PM
انتو عاملين كدة لية دى حياة والله جميلة بس لأزم نفكر فى الحاجة قبل ما نعملها بس

mena1990
22-02-2009, 09:47 PM
:slap1qk6:على فكرة عندك حق بس ما تزعليش مش انتي لوحدك اللي بتلاقي كدة:slap1qk6:
:av4056bb7jp3::av4056bb7jp3:

شكرا على مرورك حبيتى

مس رانيا حسن
23-02-2009, 01:32 AM
اختى العزيزة كل منا مر بتجربتك
فهذا ليس بغريب
المنطق يقول على مدار حياه الانسان
يتعرف على افراد منهم الحسن ومنهم السىء
ان كنتى اسأتى الاختيار فلا تلومى نفسك
كل تجربه وان كانت مؤلمة الا انكى بالطبع تتعلمين منها شيئا جديدا
لا تتعجلى فى اختيار اصدقائك
فى الوقت المناسب ستتعرفين على اصدقاء يقدرون معنى الصداقه ويحترمونها
كونى متفائله :)
اتمنى لكى التوفيق والسعاده فى حياتك
فى امان الله