نفسى يعملونا كدة (انت كمان نفسك فى كدة) [الأرشيف] - بوابة الثانوية العامة المصرية

marwa.m

02-11-2008, 11:48 AM

السلام عليكم ورحمه الله وبركاته

كنت بقرأ امبارح جرنان الاهرام تحديدا فى صفحة الحوادث لقيت خبر عن حادثة

وهى بكل بساطة انقلاب اتوبيس سياحى بطريق اسوان ابو سمبل

ومات فى الحادثة دى 6 بلجيكين واصيب 26

انا بعد مشفت الخبر مكنتش هكمل

لانة ميهمنيش فى حاجة
لكن عينى وعقت على جملة وهى بتقول

(وزير الدفاع يرسل طائرة طبية لنقل المصابين الى القاهرة)

وساعتها دار فى دماغى حاجات كتير قوى

1- لو كان الاتوبيس دة ركابة مصريين كان سيادة الوزير بعت طيارة ولا حتى كان هيبعت توك توك

2- لو كان الحادث دة وقع فى بلجيكا وكان الى فى الاتوبيس مصريين كانوا عملوا معانا كدة

3-كان فين سيادة الوزير ساعة ماكان الاف من الناس بيصارعوا الامواج فى حادث العباره

طبعا انا مش معترضة خالص انة يعمل كدة لانهم مهما كان ضيوف فى بلدنا
لكن لية احنا كمان مبيعملوش معانا كدة

عايزين صورتنا قدام الغرب تبان عال العال

لكن صورتنا قدام نفسنا ملهاش لازمة

قد كدة احنا منسويش حاجة فى نظرهم

وعادى جدا ان ملايين يموتوا مننا قصاد واحد منهم يعيش

ياترى وزير الدفاع لو كان قرا خبر ان مصريين هما الى كانوا فى الاتوبيس

كان هيبقى دة رد فعلة ولا كان هيقول هل من مزيد

ياترى وزير الصحة كان هيكلف فريق طبى للاشراف على نقل المصابين

احنا اولى تحافظوا علينا وعلى ارواحنا

فى امان الله

ميراج

02-11-2008, 11:57 AM

والله عندك حق يا مروة احنا عندنا سياسه شغاله فى البلد تنص وتقول موتوا وبعد كده انقذكم زى ما حصل فى عبارة السلام98

marwa.m

02-11-2008, 12:11 PM

والله عندك حق يا مروة احنا عندنا سياسه شغاله فى البلد تنص وتقول موتوا وبعد كده انقذكم زى ما حصل فى عبارة السلام98

شكرا للمرور

احنا مش عايزين طيارة احنا عايزين نحافظ على ارواحنا بمنتهى البساطة

كــارمن

02-11-2008, 12:45 PM

للاسف هى دى سياسة البلد

يعنىاى واحد هيقع مش هيلاقى ايد تتمدلة

CoMMaNdo

02-11-2008, 01:24 PM

لا طبعا عمرهم ميعملونا كدا
هما المصرين بيجيبو عمله صعبه ؟
لا دا احنا حمل تقيل عليهم وعايزين يخلصو مننا

طب انا هاحيلك على حاجه شوفتها بعينى
اول امبارح روحت المستشفى مع اخويا بيكشف على دراعه المكسور
فجت حادثة على الطوارئ
عربية مقلوبه اربع مرات
والناس شبه ميته
وواقفين كلهم مستنين الدكتور بتاع الاشعه ودكتور الجراحه
ومفيش حد موجود
والناس بتموت برا ومستنين الدكتور ولا حد سال وجه
اهمال على الاخر
والله انا كنت نازل المستشفى سليم ومش عيان
رجعت حسيت ان انا فيا امراض الدنيا

شكرا على الموضوع

ีundertaker_2000

02-11-2008, 01:28 PM

اكيد طبعا مكنوش عمله اى حاجه دا احنا لو حصلت اى حاجه لاى واحد من الشعب اعبال لما سياره الاسعاف بتروح اصلا بيكون خلاص ولو حتى راحت بسرعه فاحنا والحمد لله سيارات الاسعاف مش مجهزه اصلا

لكن مع اى سائح الدنيا بتقوم يا جدعان فى عمله صعبه مش جنيه مصرى

هنعمل ايه غير نقول حسبى الله ونعم الوكيل

KALITTA

02-11-2008, 01:37 PM

والله عندك حق يا مروة .. بس حلوه ) ولا حتى كان هيبعت توك توك )

مروه

02-11-2008, 01:47 PM

marwa.m

02-11-2008, 02:04 PM

marwa.m

02-11-2008, 02:08 PM

شيماء koki

02-11-2008, 02:09 PM

أنا ما أقدرش أقول غير حسبي الله ونعم الوكيل
شكرا على الموضوع

marwa.m

02-11-2008, 02:13 PM

والله عندك حق يامروه
هو فعلا كان اكتر حاجه ممكن يعملوها يبعت لهم توك توك
والله لو بيعاملونا نص كده فى بلادهم
كان بقى لهم حق يتعملوا كده
لكن احنا مش بنتعامل كده لافى بلدنا ولا فى بلادهم
ربنا معانا
ومشكوووووره يا مروه

يارب ياهاى

والله احنا مش عاويزنهم يعاملونا زيهم

ولا عايزين نتذللهم

احنا مش عايزين ناس تموت نتيجة اهمالهم والناس دى ميكنش ليها ذنب ابدا

غير انهم بيدفعوا تمن الفقر وعدم توفر العملة الصعبة

marwa.m

02-11-2008, 02:14 PM

للاسف هى دى سياسة البلد

يعنىاى واحد هيقع مش هيلاقى ايد تتمدلة

فعلا معاكى حق مدام مش معاة فلوس ودولارات يبقى يموت احسن

marwa.m

02-11-2008, 02:23 PM

أنا ما أقدرش أقول غير حسبي الله ونعم الوكيل
شكرا على الموضوع

الشكر لله

وميرسى على المرور

osho6a1

02-11-2008, 02:36 PM

جامد اوي التوبيك دا بس هتوحشينا والله ههههه متخفيش معانا سندويتشات عيش وحلاوة كتير ههه

shahpoup

02-11-2008, 02:36 PM

والاظرف ان امصريين بره ومنهم المسجون زى الى فى السعودية ومحدش معبره وقصته غريبة جدا

Hamset_Etab

02-11-2008, 07:22 PM

لالالالالالالالالا ايه يا مروه اللى انتى بتقوليه ده
لما تحصل حدثه زى دى للاجانب لازم نعرفهم اننا مهتمين بيهم اوى طياره وبتاع وشويه الحاجات دى
لكن لما بيحصل للمصريين حدثه زى دى عادى المصريين عددهم يامه وعوزين نحدد النسل ولا ايه ؟
سوف يبقى الحال كما هو عليه لو متغيرناش من جوانا
شكرا يا مرمر على التوبيك اللى بيدل على عظمه مصر والمصريين ;)
وبجد بجد بجد وحشتينى جدا :av4056bb7jp3:

Hamset_Etab

02-11-2008, 07:24 PM

مش بس غباوه حكومه لا دى غباوه نت كمان
انا اتكيت مره واحد والمشاركه اتكررت مرتين:abdoog8:

Lost Dreamer

02-11-2008, 08:22 PM

انا هئولك ليه بعتولهم طياره

عشان دول ناس اجانب ومش عارفين الطرق للمستشفيات ولا

عارفين يروحوا في اي حد حته دول اغراب علي البلد فهمتيني

يبقي كده الراجل مغلطش

اما المصرين لما يعملوا حادثه يساعدهم ليه ما هموا

اهل البلد وعارفين الطؤق والمستشفيات خلاص يروحوا هما ولا ايه

دي وجهة نظر الراجل

هههه بهزر طبعا هنقول ايه بس مفيش غير رد سعد زغلول

مفيش فايده

E/GOGO

02-11-2008, 08:30 PM

انا مش عارفة اقولك اية
مصر بلد حلوة واعظم بلد كمان
بس لو شعبها ينظف ضميرههنبقى احسن ناس
والمسئولين يارعوا ربنا فى مسئوليتهم

bosy .. mostafa

03-11-2008, 12:24 AM

بلاش اعلق لإني لو علقت هكتب ييجي تلات صفح
فالسكوت احسن
شكراً ليكي

اوركيديا

03-11-2008, 06:13 AM

طبعا انا مش معترضة خالص انة يعمل كدة لانهم مهما كان ضيوف فى بلدنا
لكن لية احنا كمان مبيعملوش معانا كدة

عايزين صورتنا قدام الغرب تبان عال العال

لكن صورتنا قدام نفسنا ملهاش لازمة

بقولك يا بنتى
العمليه مش حكايه احنا و هما
بس العمليه احترام للكرامه الانسانيه
يعنى هما عندهم بعت طياره دى حاجه عاديه جدا
و بيعملوها مه الاقليات و الناس اللى مش عندهم بلد اساسا
ليه
عشان هما عارفين يعنى ايه روح بشريه

بس احنا بقى
لسه
ربنا يكرمنا و نعرف :romarioxp6:

يلا فى رعايه الله

الشفق الباكي

03-11-2008, 08:46 AM

عندك حق لو مصريين هيقول هل من مزيد احنا عدنا زياده على البلد دى
لكن الاجانب يدفعوا وكله فى جيبهم واحنا على قفانا يالا ربنا معانا

marwa.m

03-11-2008, 08:48 AM

marwa.m

03-11-2008, 08:51 AM

بقولك يا بنتى

العمليه مش حكايه احنا و هما
بس العمليه احترام للكرامه الانسانيه
يعنى هما عندهم بعت طياره دى حاجه عاديه جدا
و بيعملوها مه الاقليات و الناس اللى مش عندهم بلد اساسا
ليه
عشان هما عارفين يعنى ايه روح بشريه

بس احنا بقى
لسه
ربنا يكرمنا و نعرف :romarioxp6:

يلا فى رعايه الله

انتى فهمتى قصدى غلط انا مش قصدى احنا وهما

انا قصدى اننا عايزين لما واحد مصرى يعمل حادثة على الطريق يلاقى حاجة تشيلة تودية المستشفى

لكن مشكلتى مش مع الاجانب لان هما ملهمش دعوة

بس زى مانتى قلتى هى مشكلة كرامة انسانية

** MR.SmilE **

03-11-2008, 09:17 AM

انا لما قريت الخبر
استفزني اوي
كل حاجة بقت ماشية بالفلوس و الواسطة

انا هاحكيلك موقف تاني

من فترة كان في واحد من قرايبي تعبان
انا و اهلي رحنا المستشفي معاه
لقينا الراجل بيقول لازم تدفعوا كام الف
عشان يدخل
و احنا اساسا مستعجلين عشان الحالة
ما تسمحش اننا نستني

اللي ضايقنا ان واحد جنبنا دخل و معاه
قال له شوية كلام

لقينا نفس الموظف بيقول اتفضل يا باشا
الدكتور هيكون حالا هنا

فهمتي انا بقصد ايه
ان الحكاية مش مصري او اجنبي
الاهم ان يكون متوصي عليه
و طبعا السياح كان متوصي عليهم م الوزير
و طبعا مصر عامرة بموضوع الوسايط

welcome to Egypt

و شكرا ع الموضوع

محمد.فوكس

03-11-2008, 11:34 AM

في هذه الحقبة من تاريخ مصر ..
يرتفع سعر كل شيء .. و لا ينخفض الا سعر المواطن
يبدو ان الاجانب اثروا على حكومتنا بفكرة انهم جنس ارقى من جنسنا .. و اقتنعت الحكومة و الدولة بهذه النظرية .. و تصرفاتها في مثل هذه المواقف يثبت هذا.
لو مثلا سائح اتهم واحد مصري بالسرقة .. من غير تحقيق ولا شهود ولا اي حاجة .. خلاص يبقى حرامي و يبهدلوه لما يبانله صاحب.
اللهم ارفع مقتك و غضبك عنا.

the black rose

03-11-2008, 12:05 PM

عادى يا مروة
هو انتى فاكرة ممكن يجيبوا طيارة لمصرين ده انتى بتحلمى
الا بقى لو المصابين ناس كبيرة فى البلد ليهم وضع تانى
و بعدين احنا لازم نحافظ على السياحة فى مصر
اصل فلوس الشعب اللى بتتسرق خلصت
نجيب فلوس يسرقوها منين
لكن لما الشعب يموتوا فى داهية ماهما اتسرقوا خلاص
مفيش منهم فايدة يعنى

لا حول ولا قوة الا بالله

marwa.m

04-11-2008, 10:04 AM

لالالالالالالالالا ايه يا مروه اللى انتى بتقوليه ده

لما تحصل حدثه زى دى للاجانب لازم نعرفهم اننا مهتمين بيهم اوى طياره وبتاع وشويه الحاجات دى
لكن لما بيحصل للمصريين حدثه زى دى عادى المصريين عددهم يامه وعوزين نحدد النسل ولا ايه ؟
سوف يبقى الحال كما هو عليه لو متغيرناش من جوانا
شكرا يا مرمر على التوبيك اللى بيدل على عظمه مصر والمصريين ;)

وبجد بجد بجد وحشتينى جدا :av4056bb7jp3:

بجد انتى قلتى حاجة حلوة قوى لازم نتغير من جوانا

انتى وحشتينى اكتر يابوسى والله

marwa.m

04-11-2008, 11:08 AM

بلاش اعلق لإني لو علقت هكتب ييجي تلات صفح
فالسكوت احسن
شكراً ليكي

خلص يابوسى براحتك ياحبيبتى

بس شكلك شايلة قوى :abdoog8:

7abiby el-awlany

04-11-2008, 11:24 AM

marwa.m

04-11-2008, 11:42 AM

marwa.m

04-11-2008, 11:56 AM

marwa.m

04-11-2008, 12:02 PM

الدويدار الصغير

04-11-2008, 03:05 PM

لا تعليــــــــــــــــــــــــــــــــــــــــــــــ ق

MohammeD el_SadaT

04-11-2008, 03:12 PM

البلد دى مش بتاعتنا غير فى الظاهر لكن من الباطن إحنا اللى ضيوف فيها وهما صحاب المكان
زى ما بالضبط إحنا قدام العالم كله دوله ديموقراطيه لكن فى الأصل إحنا أصلاً مش دوله
إحنا دوله مستقله لكن هو إحنا فعلاً مستقلين فى حكمنا مفيش تدخل خارجى
؟!
إحنا من بره حلووووووووووووووووووووويت ومن جوه وحشييييييييييييييييييييييين

على رأى المثل
" من بره هلهله ومن جوه يعلم الله "

..Just Stop

04-11-2008, 04:21 PM

عندك حق والله

لو كانو مصريين ولا كان عبرهم كالعادة

طب ما بتوع الدويقة شفتى حصلهم ايه وراجعين يقولو تم السيطرة محدش

فكر يبعت بسكيلتة حتى علشان سرعة الانقاذ

احنا فى بلدنا منسواش نكلة

يعنى ارخص ناس احنا

وحنا اللى مرخصين نفسنا

محدش بيطالب لحقه

واحلى حاجة نقولها رغيف عيش لكل مواطن وبردو مش لاقيينه

العيب مش فيهم

العيب فينا وعليهم

عظيمة يا مصر يا ارض البلح :078111rg3:

يعنى من الاخر ( صم بكم عمى فهم لا يرجعون )

دمتم فى رعاية الله

biob

04-11-2008, 09:52 PM

يدينى ويديكى طوله العمر قادر يا كريم

بس احنا لو معملناش للسياحكده
هيقولوا علينا مهملين
والسايحه هتنضرب فى البلد

marwa.m

05-11-2008, 11:02 AM

يدينى ويديكى طوله العمر قادر يا كريم

بس احنا لو معملناش للسياحكده
هيقولوا علينا مهملين
والسايحه هتنضرب فى البلد

جزاك الله خير على المرور

بس انا مش قصدى نهمل فى السياح

انا قصدى ان احنا مفروض يكون لينا الاولوية

كــارمن

05-11-2008, 12:23 PM

عمرهم ما هيعملونا كدة

مدام مبنجبش عملة صعبة

Golden Eagle

05-11-2008, 12:37 PM

أقولك ليه إحنا ما كانوش هايعاملونا كده
1- المواطن المصري لا يجلب عمله أجنبيه للبلد ( أما هو أصلا ً تحت خط الفقر يجيب عمله منين )
2- المواطن المصري فاكر أن الوزرا....... أقصد الساده الوزراء خدامه و هما ف الأصل حكامه
3- كل ما الحوادث دي تزيد الكثافه السكانيه تقل و البلد تتقدم بقي

marwa.m

05-11-2008, 03:31 PM

محمود رمضان الجلادى

10-11-2008, 12:28 PM

لا تتعجبى أختى العزيزه فالشعب المصرى أرخص ما لدى الحكومه المصريه ولكن أرجع إلى قول الشاعر

إذا الشعب يوما أراد الحياه فلابد أن يستجيب القدر

marwa.m

12-11-2008, 09:36 AM

لا تتعجبى أختى العزيزه فالشعب المصرى أرخص ما لدى الحكومه المصريه ولكن أرجع إلى قول الشاعر

إذا الشعب يوما أراد الحياه فلابد أن يستجيب القدر

جزاك الله خير على المرور

ولونى مش مقتنعة بالمقولة دى قوى

marwa.m

18-11-2008, 09:58 AM

EnG.BeLaL

18-11-2008, 01:33 PM

على فكرة الواحد زهق من الكلام في المواضيع اللي خلاص قربت تموتنا من الاحباط و بنتكلم
و مفيش حاجة بتتغير احنا بتوع كلام و بس طالما هنتكلم بقى يبقى ندعي احسن
حسبي الله و نعم الوكيل

marwa.m

18-11-2008, 02:39 PM

على فكرة الواحد زهق من الكلام في المواضيع اللي خلاص قربت تموتنا من الاحباط و بنتكلم
و مفيش حاجة بتتغير احنا بتوع كلام و بس طالما هنتكلم بقى يبقى ندعي احسن
حسبي الله و نعم الوكيل
مهو اكيد لو احنا بايدنا حاجة غير الكلام كنا عملنا

شكرا على المرور

بورسعيدى

18-11-2008, 02:45 PM

حضرتك متصورة ان وزير الدفاع ممكن يبعت طائرة لمصابين مصريين؟؟

ووزير الصحة يبعت مجموعة اطباء علشان كارثة مصرية ؟؟

ليه ؟؟؟ هى الدنيا جرى فيها ايه ؟؟

لما يطلع المشمش تنتظرى منهم هذه التصرفات

هى دى حقيقتنا

وهى دى قيمتنا الفعلية سواء داخل مصر او خارج مصر

marwa.m

22-11-2008, 12:16 PM

Mo'MeN 2

22-11-2008, 04:15 PM

جامد اوي التوبيك دا بس هتوحشينا والله ههههه متخفيش معانا سندويتشات عيش وحلاوة كتير ههه

هههههههههههه جدع جدا جدا والله عشان ده قريب جدا من تعليقى اللى كنت هحطه..انت الوحيد اللى فهمتنى والله...!

الفارس المتألق

22-11-2008, 10:03 PM

انا بحييك فعلا علي الموضوع المميز دا يا بشمهندسه مروه او يا دكتوره مروه انا مش عارف انت علمي رياضه ولا علمي علوم ... اهم حاجه ربنا يوفقك وتحققي ما تريدين ان شاء الله ففعلا الموضوع مميز بدليل الردود الكتيره واعتقد ان ذلك
بسبب ان الموضوع دا بالتحديد بيمس
بجزء من كل شخص فين ... لان كلنا وللاسف
الشديد بنعاني من اهمال المسئولين
في كل مكان حكومي تقريبا ،والواحد فعلا تعب
من الكلام في الموضوع ده بس انا بجد كان نفسي
اتكلم في الموضع بس لو كنت انا كتبت فيه ماكنتش هعرف اقول احسن من اللي انت قولتيه لان انت ما شاء الله عليك عبرت عن الموضوع
بطريقه مميزه

انا حتي والله امبارح كنت في اسكندريه وكنت راجع فرحت احجز تذكرت قطار بالصدفه كان واقف امامي
راجل كبير في السن لابس بدل كده فدخل يحجز هو الاول ، فبدأ يسأل الموظف هو القطر اللي جاي هيطلع الساعه كام طيب هو ممكن يوصل قبل الساعه كذا طيب مافيش قطر قبله طيب هو ميعاد وصوله امتي والموظف بيرد عليه بقرف يعني مش حاجه غريبه كل الموظفين كده فالراجل اللي بيحجز اخر ما زهق
منه قله انا وكيل وزارة النقل علي فكره الموظف رد عليه وقل روح الشباك اللي هناك ده واول مامشي الموظف قعد يقول وانا هعملك ايه يعني وقعد يشتم فيه وفي الحكومه ...فانا والله استغربت من الموقف
وكان نفسي اشوف اي ردة فعل من المسئول بس باين عليه كان مستعجل:)هههههههههه
حاجه غريبه والله....والله اعلم جايز يكون وكيل وزاره سابق ودلوقتي مالوش من الامر شيء

تقبلي منيّ تحياتي
الفارس المتألق
مهندس المستقبل ان شاء الله

الدكتورة الصغيرة

22-11-2008, 10:15 PM

marwa.m

23-11-2008, 09:14 AM

marwa.m

24-11-2008, 08:49 AM

اولا الوزير لا يعرف الا الاسماء الاجنبية لهذا يهتم بهم
لو كنا احنا اللى فى الاتوبيس كانوا اقام احتفال فنى كبير فى استاذ القاهرة علشان نوفر العيش
ولو كنا فى بليجكا كانوا قالا ارهابيين قلبوا الاتوبيس بطريق الخطاء ربنا ريحنا منهم
كفايا احسن كده هندخل فى الغامق قوى

شكرا على المرور

انتى خلاص دخلتى فى الغامق

بس واسعة شوية حتة الار هابين دول

المخلص

29-11-2008, 06:28 PM

والله نفسي يكون لنا سعر او ثمن بجد نفسي المصري يحترم ويكون فوق الجميع

نحن من رخصنا انفسنا للاسف نهان في كل الدول العربيه ةنعامل معامله الخدم حسبي الله ونعمه الوكيل

اشكرك علي موضوعك الرائع والذي اثر في نفسي

marwa.m

30-11-2008, 01:45 PM

Last Fantasy

01-12-2008, 10:48 PM

أول حاجه أنا متوقع إن حتي الطياره اللي بعتها دي أكيد حياخد مقابل ولو كان نفوذ يعني إنو يظهر قدام بلجيكا بصوره طيبه لكن لو 100 مصري ماتو في حادثة مين اللي هيديلو مقابل علشان يبعت طياره لكن ساعتها هو لما يفكر يبعت طياره بيكون تفكيره أن ده تكرم منه ده علشان مفيش حد يحاسبه لان لو فيه حد يحاسبه ويعرفو إن دي شغلته كان زمان جه بنفسو لحد الاتوبيس دا غير إن مش هو لوحدو اللي يجي ووزير الصحه كمان لكن الحادثة دي لو حصلت لمصريين اللي هينقذوهم ولاد الحلال مش الحكومة يبقي المفروض منقلش الوزير بعت طياره لإنقاذ البلجيكيين لا إحنا نقول بعت طياره علشان ترجعله بفلوس ونفوذ ومكانه لكن بالنسبه لواحد زيه مش حتفرق معاه المصابين ولا حتي اللي مش مصابين