بيقولولك ايه في البيت [الأرشيف] - بوابة الثانوية العامة المصرية

Dr.ahmed91

03-11-2008, 06:31 PM

موضوع جميل وعجبني قوي

انا بقى اكتر الحاجات اللي بتتقاللي

قوم من على المذاكرة شوية ... نام بقى

انت كل يوم تصحى بدري حتى الجمعة....نام شوية

اختي طبعا الله يسفرها لجوزها ....عشان اخلص

نازل دح دح طول النهار... بطل بقى

وعلى النقيض برضه

انت مش بتقوم من على الكمبيوتر ... انت اللي مبوظه ..انا حشيل الdsl

افرد ظهرك وانت قاعد

وبرضه عندك

احمد حتاكل ايه؟؟؟ عاوز تتغدى ايه بكره ( بقول بس مش بيتعمل غالبا)

اجيبلك اكل ايه وانا جايه؟؟

عشان كده تلاقوني عريض النمكبين قوي الشكيمة شلولخ

جملة زي (قوم ذاكر ) كنت بسمعها زمان ايام ابتدائي بس بقالها كتيررررررررر قوي اتلغت

ده غير جملة بابا الليلية الشهيرة (شوفلي عمك على المسنجر موجود)
اصله في اميركا

وغير جملة ماما الليلية برضه (اصحيك امتى بكره)؟؟؟؟
وبعد كده تطنشني واصحى لوحدي

وفيه جملة بتتكرر من اختى كل يوم ( قوم على الكمبييوتر عاوزه اكلم هاني) جوزها في الرياض

دي نماذج بسيطة

لمى 2016

03-11-2008, 06:31 PM

لا مش بيقولولى حاجة كلها حاجات بسيطة
الفاشل فاشل من يومه
لو عندك دم دة لو عندك يعنى اومى ذاكرى
ابقى قابلينى لو جبتى ربع اللى جبتيه السنة اللى فاتت
بس الحمد لله هما كلهم سافروا فمش فيه حد بيقولى حاجة
ميرسى على التوبيك

أسيل رزق

03-11-2008, 06:32 PM

هههههههههه

ربنا ستار

ليه نفضح نفسنا بس :(

عندى فى البيت كلمة قومى ذاكرى دى ماكنتش تتقالى أبداً

بس بصراحة لما مش بتتقالى بتخنق .. مش عارفة ليه ؟؟!! :d

بما إنى غريبة شوية :bosyht9:

دايماً بسمع الجملة دى : يا بنتى عيشى حياتك و عيشى سنك

ماما بقا لما تقولى على حاجة و أعملها غلط تقولى ربنا رزقنى بعيال متخلفة :p
ويا سلام لما ماما تكون زعلانة و أروح أعاكس فيها : غورى يا بت من وشى :slap1qk6:

ولا لما أقعد على النت : الله يخرب بيت النت اللى بوظلك دماغك :slap1qk6:
بس تصدقوا بدايق أوى لو مسمعتش الكلام ده كل يوم

بابا بقا ده حبيبى بيعاملنى على إنى عبقرية .. واخد عنى فكرة وحشة أوى :d

كفاية كده :blush:

لمى 2016

03-11-2008, 06:35 PM

Travel

03-11-2008, 06:37 PM

لا فى البيت بجد
تحفة
ماشاء الله
كل واحد نفسه فى حاجة بيقولها:slap1qk6:
حاليا محدش مصدق اننا فى الكلية مخدناش حاجة اوى
ولسه الكتب منزلتش
فا شغالنلى فى
مبزاكرش
ومش هتنفعى
وابقى قابلينى لو عديتى
والجملة دى بتشد فيا اوى :angry2:
لدرجة انى برد عليهم ببرود
اقولهم
اقابلكم فين
:rolleyes:
وساعات ببقى باردة
واقوم قايلالهم
هو انا هعدى المانش
ولاهتاهل للاوليمبيكياد:d

ده بجانب انى مش باكل اصلا الفترة دى
فا دلوقت فى حرسة مشددة عليا
كلتى قد ايه
مكلتيش ليه
قومى كلى
:angry2:
ده انا لو اكلونى المطبخ كله
هيقولوا انى لسه مكلتش
:angry2::angry2:
ولما بقعد على النت
ماما بتقولى طبعا
المنتدى اللى خاربلك دماغك
يارب يقع
:unsure:

الشفق الباكي

03-11-2008, 06:38 PM

هههههههههههههههه
والله انا جملى مفيش زيها جمل سبيشيال والله هتسقطى السنادى دى ماما وقابلينى لو نفعتى ماما برده وانتو زهقتونى
بصوا كل الكلام اللى محفوظ دا ماما اللى يذاكر يذاكر لنفسه وانا مالى بيكم وبعدين شويه دعا من اللى قلبكم يحبه
بابا بقى روح قلبى دا ولا اى كلمة من دول عامله ايه يامنى انتى جايه بدرى النهارده يتصل عليا فى الكليه انتى هتتاخرى يامنى اجى اخدك لو مش لاقيه مواصلات قوليلى لو عايزه تنامى يامنى قومى نامى ماتزعليش نفسك ماما بتحب تهزر معاكم حاجات زى كده
وبعدين سؤال يادكتور احمد هو ازاى انت مش بتقوم من على الكتاب وازاى مش بتقوم من على الكمبيوتر افهم دى بقى

vampire1188

03-11-2008, 06:56 PM

انا عن نفسي اصلا غالبا مابقعدش في البيت ..

ممكن تلاقوني في البيت بالليل .. لكن الصبح غالبا ببقي في الجامعة ..

وطبعا بما اني مقضي اليوم كله في الجامعة وبرجع مابذاكرش .. يفضلوا يقولولي هاتدبلر السنة دي

فين الجديد جدا ؟ فين الامتياز ؟!

والمهم انهم اصلا مش مقتنعين ان الكتب لسه نازلة بقيلها اسبوع

ومش مقتنعين اني انا بني ادم عديت مرحلة الطفولة بتاعة عدم المذاكرة وان انا خلاص شايل هم نفسي !!

واحلي حاجة بابا وجملته المعهودة .. قوم صلي !!

حتى لو صليت .. يقولي اكيد نقرت .. ويسمعلي الحديث بتاع السارق في الصلاة !

لغاية مانا حفظته عن ظهر قلب ..

وماما .. ياسلام على ماما .. قوم يا واد ذاكر .. قوم ياواد هاتسقط ..

اقطع دراعي من هنا ان ماطلعتش بمادتين .. والمهم انها كانت المفروض تقطعه السنة اللي فاتت

عشان ضيعت آمالها وطلعت بمادة واحده بس !!

مصيبتي انا بقي السودا .. ان ربنا رازقني باخويا اللي قبل مني .. دكتور ..

عشان كدا دايما يقارنوني بيه .. والمصيبة الاكتر ان اخويا دا دحيح .. ودايما كان يجيب كل سنة تقديرات

معا انه في طب !! وانا ياللي في تجارة بجيب الجيد بالعافية !

وبابا اقل رقم عنده يقدر يتكلم فيه 95 % ايام الثانوية العامة الله لا يعودها

واقل تقدير يتكلم فيه .. جيد جدا .. لو جيبت جيد اقي فاشل وضايع وتعبان واضرب بالجزمة

علماً بان تقدير جيد في كلية تجارة حاجة مش سهلة برده .. بس هانقول ايه بقي

اهالينا .. لازم نستحملهم برده :006et4:

لمى 2016

03-11-2008, 07:07 PM

اه و كمان بيقعدوا يقولو الكلام دة طبعا قبل ما يسافروا

انتى مالك النهاردة مش مظبوطة ليه هو فى حاجة
مش مظبوطة؟! ازاى يعنى؟
اه مش بتتشاكلى مع اخواتك يعنى
لا معلش اصلى مليش نفس
ملكيش نفس ليه هو حد مضايقك
سبحان الله هو انا عشان مؤدبة و مش بعمل حاجة ابقى مش مظبوطة و فى حد مضايقنى
خلاص اياكش تولعى فى نفسك هاعملك ايه يعنى
دة كان حوار مصغر من اللى بيدور بينى و بين بابا فى البيت

Baskoota

03-11-2008, 08:07 PM

على فكرة
فكرة الموضوع دا دمها خفيف جدا

انا عن نفسي كل يوم بسمع الفاظ جديدة انما الالفاظ الثابته
ماما
-ايمااااااااااااااااااااااان خدي اقولك....ودي وراها مصيبة منيلة
-يا ايمي انتي فين.....ودي وراها طلب
-انتي يا زفتة الطين....ودي اكيد بتتقالي بعد ما ارجع من الكلية وارمي هدومي ع السرير

بابا
-قومي من ع الكومبيوتر عنيكي هتبوظ .....انا بقولك اهو....ودي بتتقالي طبعا لما اكون ع الكومبيوتر
-قومي ذاكريلك كلمتين....ودي بيقولها كل ما يشوف وشي في الدراسة
-انا هفضل ورا النت لحد ما ابوظه.....ودي طبعا لما افتح النت

اخواتي بقى يعني ملهمش كلام ثابت بس غالبا برضه بيكون حسب المود

طـفـلـة الامـس

03-11-2008, 10:35 PM

هههههههههههههههه
موضوع تحفة
انا واقعة على نفسى من الضحك دلوقتى من الكلام اللى مكتوب
كله مكرر
نسخ صوتية مسجلة وبتتكرر فى كل منزل

اقولكم انا بقى

جمل ماما الشهيرة،،...
انتى تيجى من تحت على البتاع ده (الكمبيوتر يعنى)
انا بقى:مانا لسة جاية تعبانة اروح اذاكر يعنى
ياتروحى تنامى ياتعملى حاجة معايا
وطبعا بروح انام بالتاكيد

بعد قليل اختى تقوم من عالكمبيوتر
تروح تفتح التلفزيون
اقفلى التلفزيون ده حالا
انا بتعصب لما بشوف التلفزيون او الكمبيوتر والع
وعالكمبيوتر انتم بتسلموا لبعض

انتى مش بتاخدى حاجة فى الكلية دى وخلافه كفاية كده

جملة بابا المميزة
انا هاخلى ام خالد اللى هى جارتنا اللى عندها الروتر تفصله
عشان تبطلوا القعدة دى

اخواتى بقى
يللا ادامك ربع ساعة وتقومى
يللا فاضل تلات دقايق
واقعد اتعارك بقى :049gc0:
وتدب الخناقة ويمنع الجميع من الجلوس لهذا اليوم

سـهيـلـة

04-11-2008, 12:02 AM

هههههههههههههههه

موضوع تحفة
انا واقعة على نفسى من الضحك دلوقتى من الكلام اللى مكتوب
كله مكرر
نسخ صوتية مسجلة وبتتكرر فى كل منزل

اقولكم انا بقى

جمل ماما الشهيرة،،...
انتى تيجى من تحت على البتاع ده (الكمبيوتر يعنى)
انا بقى:مانا لسة جاية تعبانة اروح اذاكر يعنى
ياتروحى تنامى ياتعملى حاجة معايا
وطبعا بروح انام بالتاكيد

بعد قليل اختى تقوم من عالكمبيوتر
تروح تفتح التلفزيون
اقفلى التلفزيون ده حالا
انا بتعصب لما بشوف التلفزيون او الكمبيوتر والع
وعالكمبيوتر انتم بتسلموا لبعض

انتى مش بتاخدى حاجة فى الكلية دى وخلافه كفاية كده

جملة بابا المميزة
انا هاخلى ام خالد اللى هى جارتنا اللى عندها الروتر تفصله
عشان تبطلوا القعدة دى

اخواتى بقى
يللا ادامك ربع ساعة وتقومى
يللا فاضل تلات دقايق
واقعد اتعارك بقى :049gc0:
طيب يا جماعة انتوا احكموا هى بتبقى عايزة تقعد لوحدها مش عايزة تقعدى انا بقى بفضل واقفلها بال:abdoog8:
احسن حل

وتدب الخناقة ويمنع الجميع من الجلوس لهذا اليوم

نفس الكلام اللى هى قالتة لان احنا اخوات فبنسمع نفس الكلام

ميراج

04-11-2008, 01:15 AM

والله الموضوع بجد جامد علشان الواحد يطلع اللى فى قلبه بقى انا عن نفسى الكلمه دى اللى هيه اومى ذكرى بتتقلى 70 مره فى اليوم بس انا بجد مش قادره اذاكر خالص علشان خلاص كل اللى كنت نفسى احققه خلاص راح والبركه طبعا فى سيت الوزير اللى جابامتحانات بصراحه جامده ضيعنا كلنا حسبنا الله ونعم الوكيل فيه قولوا امين خلينا نخلص بس الكلمه اللى بصبر بيها نفسى هيه كلها سنه واخلص من الثانويه الظالمهوالنبى قولولى اذاكر ليه بقى بعد المستقبل اللى ضاع

همس

04-11-2008, 04:07 AM

يااااااااااه لو قلت الكلام الي بيتقال

يبقى فيها سنة عشان اخلص

بس الي بيتكرر كتير

اصل انا الخدامة الي ابوكوا اشتراها ليكم

يا خوفي تطلعي بمادتين

مش عارفة اشمعنى اتنين كل الاهل بيعلقوا عليها

خليكي قاعدة قدام النت

هتصل بالراجل بكرة يفصله

وانا مالي هتعب قلبي ليه
هو انا هقبض منكم المرتب ؟؟

هو دا الي بنآخده منكم في الآخر

نكبر ونعلم ودا الي بنآخده في الآخر

بابا طبعا بيحكي عليهم زمان وعلى ايام الكفاح وان كلهم كانوا الاوائل

المهم ان كل اولياء الامور شاطرين واوائل ومتفوقين

نفسي اعرف مين كان الاخير والفاشل ايامهم :)

هههههههههه

في حاجات كتير لما افتكرها هقولها ان شاء الله

ميرسي على التوبيك الحلو دا بجد

MohammeD el_SadaT

04-11-2008, 04:25 AM

الناس بتخلف عشان ترتاح وأنا بخلف عشان وجع القلب جتكو الغم
إنت هتنفع إبقى قابلنى
يافاشل
طفى المحروق ده وقوم

إنت مبتطلعش بره ليه
إنت بتخرج كتير تروح فين

يابنى اتخمد هو إنت مش هتبطل نوم

كفايه الشويه دول عشان شكلى مش هخلص

Rien

04-11-2008, 05:16 AM

طب ما نشوف الاول احنا بنعمل ايه يدفعهم للكلام ده !!

Travel

04-11-2008, 06:30 AM

الناس بتخلف عشان ترتاح وأنا بخلف عشان وجع القلب جتكو الغم

إنت هتنفع إبقى قابلنى
يافاشل
طفى المحروق ده وقوم

إنت مبتطلعش بره ليه
إنت بتخرج كتير تروح فين

يابنى اتخمد هو إنت مش هتبطل نوم

كفايه الشويه دول عشان شكلى مش هخلص

ده بيتقال لاخويا
انا الحمد لله
لسه
فاضلى سلم واوصل للمرحلة دى:d

emoo

04-11-2008, 07:18 AM

و الله منتا نافع
يا أم هيثم الكلب الصغير منزلش الكليه انهارده و ضيع محاضراته:d
(اخويا الكبير اسمه هيثم)
و فى مره بقى---->و الله منا مأكلك الا لما تقوم تسيب الزفت ده و تقوم تذاكر

بس دلوقتى بقى فى ثقه الصراحه و مبقوش يكلمونى على المذاكره
عشان اخيرا تأكدو انى عارف انا بعمل ايه

يعنى الكلام ده كان فى الاول مش دلوقتى:d

marwa.m

04-11-2008, 09:56 AM

بابا بيقلى

يابنتى انتى بتذاكرى لنفسك ولا لية

وكمان محدش هينفعك غير نفسك

اما ماما

كفاية قعدة قدام التلفزيون قومى افتحيلك كتاب احسن

hazem_ayman

04-11-2008, 11:54 AM

يلا يا جماعة متكسفوش عايز ردود اكتر

انا بقى ماما مالهاش غير جملة واحدة

انشاء الله عينك هتقع من كتر قعادك قدام الهباب ده http://img.anamasry.com/style_emoticons/masr/w00t.gif
الهباب كناية عن الكمبيوتر
وطبعا الرد معروف لاحياة لمن تنادى

hazem_ayman

04-11-2008, 12:00 PM

انما مثلا لو بابا قالى مش كفاية كومبيوتر ونت
طبعا الرد بيكون < انا اساسا زهقت > طبعا الجهاز بيكون مقفول قبل ماالجملة تتكمل

ToMoRrOw_NeVeR_DiEs

04-11-2008, 12:10 PM

ربنا يرزقك بعيل يوريك اللي ورتهوني .

* جتها نيلة الى عايزة خلف تيجى تتفرج .

* امشى جاتك مشش فى ركبك.

* رحلة ايه ان شاء الله, على أيامنا ماكوناش بنتطلع زفت رحلات .

*أوعا حد يضحك عليك ويقولك جرب السيجارة دي.

* ايه الا مبالاه و الاستهتار اللي انت عايش فيهم دول .

* قوم اقرا لك كلمتين ينفعوك .

* وطي المدعوق ده شويه .

* انت فاكرنا نايمين على ودانا ؟

* بلاش أكل بره .

*ياريتك تحفظ دروسك زى مانت حافظ الاغانى.

* عيـــب ... لازم تحترم اللي أكبر منك .

* لو شفت خناقه ما لكش دعوة بيها .

* كريم دا عيل بايظ وماتمشيش معاه تاني .

* مين منى دي انت كل يوم تصاحبي واحدة جديدة ؟.

* انته مبتكلش جزر ليه .. اجيبلك برتقانه. طب كل سلطه .

* يبني بأسلوبك ده مش هتعيش معاك واحده .

* قومي ساعدي امك ده اللي هيتجوزك أمه داعية عليه.

* اوعى حد غريب يديلك حاجه تاكلها و تشربها و تاخدها منه .

* يا ابني حرام عليك الى بتعمله فينا ده.

* انا سايبالكوا البيت وماشية ومش حتشوفوا وشي تاني .

* ما تعليش صوتك .

* وانت فاكر احنا مستنيين منك حاجه .

* المسلسل مش هينفعك ...قوم .

* متفتحش الباب لحد و انت لوحدك و متدلدلش راسك من شباك العربيه .

* كفايه رغي في التليفونات .

* كل على مهلك .. وامضغ كويس ... وما تكلش وانت واقف .. وكل من قدامك ما تحفش .

* اطفي التلفزيون وقوم ذاكر ولا و خش اوضتك .

* ربنا يهديك ربنا يهديك ... وأحيانا .. انك لا تهدي من أحببت .

* صليت العصر ؟!

* بلاش تمشى حافى البس شبشب وانته داخل الحمام .

* ما فيش مذاكرة على المزيكا .. وازاى بتذاكر و البتاع ده شغال جنبك .

* افرد ظهرك .

* لم شراباتك.

* ماتكلش فى ضوفرك.

* كنت فين لحد دلوقتى يا صايع.

* ماتتأخرش علشان عندك كلية بكرة بدرى.

* انا مش عارف انته طالع لمين.

* انا : ياماما بقه ايه ده ؟؟؟
ماما:مووو لمـا يــــــخدك .

* ده منظر اودة بني آدم ، انت عايش فيها ازاي؟.

* هو انا الخدامه الى ابوكم جبهلكم .

* الى يطلع من الاوضه يطفى النور وراه .

*أبوك عندك أهو اتصرف معاه .

* اللي بيشيل قربه مخرومة بتخر عليه لوحده ..

* لو مش فاهم حاجه ارفع ايدك و قول للأستاذ مش فاهم .. متتكسفش .

* البس فنله قطن تحت ودفي صدرك ودخل التيشرت في بنطلون البيجامه وانته نايم .

* يأبنى المذاكره مابتخلص .... نفسى اشوفك مره ماسك كتاب.

* اعمل حسابك مش حندخلك جامعه خاصه.

* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .

* مالكش دعوة بالسياسة .. وماتمشيش في مظاهرات .

* احمد ربنا الاكل الى مش عجبك ده فى ناس مش لقينه .

* التهديدات المخيفة شكلا و الكارتونية مضمونا : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .

* قومي سخني الأكل لأخوكي.

* ومن اشهر الجمل الى بتتقال كل يوم بعد الاكل :
انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.

* و أخيرا ::

ضرب امثلة تشجع على الكفاح و أشهرها أحد الأقارب اللي كان بيذاكر على لمبة جاز أو على عامود النور الي في الشارع و نجح وخد الدكتوراه وسافر أمريكا ( ٌٌقال يعنى كان بيعرف يركز والناس ماشيه حوليه فى الشارع)

و قشطه

nanes

04-11-2008, 12:25 PM

موضوع جمييييييل اووي .. والله هموت من الضحك :):)

* طبعا المقرر اليومي لازم كلمة قووومي زاكري ياللي مش هتفلحي اكتر من 100 مرة في اليوم
* طفي المخروب ده اللهي يتخرب .. يخربيت النت وسنيينه :romarioxp6::romarioxp6:
* صليتي الظهر ، العصر ، وهكذا مع كل فررض
*ربنا يديكي بنت تعمل فيكي نص اللي بتعمليه فيا :abdoog8:
* آدي دقني لو جبتي أكتر من 80 في الميه يا فاشله ياللي مش هتنفعي
* وطي صوت دقدقت العفاريت اللي انتي مشغلاها دي

والله انا على طول بحس ان مفييش اي حاجه صح ..

JusT DreaM

04-11-2008, 12:40 PM

يااااااااااااااه بجد الموضوع ده جه في وقته
اول مايشوفوني قاعدة عالكمبيوتر
بابا:هو انتي موراكيش غير البتاع ده اليوم كله
ماما:انا مش عارفة متعلقة اوي بيه كده ليه بتعملي ايه يعني:slap1qk6:
قومي ذاكريلك كلمتين ينفعوكي
ماما بكلمتها المشهورة
انتو كبرتو خلاص انا مش هقول لحد تاني ذاكر(وتوصل الجمله دي بكلمة قومي ذاكري:d)
روحي شوفي نوسة بنت خالك(اتعقدت منها البت دي مع اني بحبها:mad:)

ودايما يقولولي لسانك طويل وهزارك تقيل معرفش ليه:confused:

واغلب الحوار اليومي اللي بيدور بيني وبين بابا
(قومي اعمليلي كوباية شاي)
حوالي عشر مرات في اليوم:040vk0:

وماما
مش بحب السهر باليل قدام الكمبيوتر الساعة واحدة نطفي كلنا وننام

تحت عنيكي سود من كتر السهر قدام البتاع ده قووووومي

مش عارفة مدايقهم في ايه:confused:

شكرا على الموضوع اللي بيريح الاعصاب ده:romarioxp6:

ولو افتكرت حاجة تاني هيبقى ليا عودة عشان انت جيت عالجرح:redface:

الدويدار الصغير

04-11-2008, 01:14 PM

تحية ليك يا زوما أولا موضوعك دمه خفيف لانه فكرني بالحاجات اللي مش بحب أسمعها

أولا أيام الثانوية العامة والمذاكرة كل شويه ماما تقولي " روح شوف مصلحتك "

أنا عندي تقولي ذاكر أحسن من شوف مصلحتك علشان مصلحتي مفهوم شامل لحاجات

كتير وبحس ان ورايا ألف حاجة بس طبعا هي بتقول كده خوفيا عليا

دلوقتي أنا اللي بقول الكلمة دي لخواتي الاصغر مني الكلمات بتتنقل بالوارثة باين

ماما بقى لما تشوفني قاعد على الكمبيوتر

"يا ابنى ارحم عينك بقا " ومسمياني ادمان اسم على مسمى صحيح

وساعات تقولى انت قربت تتحول من كتر قعادك قدام الزفت دا
وبابا برده لما بسهر على الكمبيوتر يقولي مش هتنام هقوله هخلص أهوو

وطبعا مش بخلص غير لما يقف على ايدي ويقولي خلاص اقفل أقوله بقفل أهو

وهوووب ألاقيه راح ضاغط على Power اللي في الكيبورد ناس مش بتيجي بالزوق صحيح

ده اللي هو أنا

بس مش كتير والله ساعات لما بكون مليش مزاج انام

وده طبعا في المقام الاول والاخير من خوفهم علينا

Golden Eagle

04-11-2008, 01:35 PM

أنا - الحمد لله - الكلام اللي بيتوجه لي بيكون قليل جدا ً جدا ً جدا ً ( علشان أنا مش بحب أتفرج ع التليفزيون و لما بشغل الكمبيوتر مش بيكون حد ف البيت )
الكلام بقي :
يا تنام يا تذاكر
أقطع دراعي لو ما كانتش أخرتك صبي ميكانيكي
أنت اللي هتموتنا بحسرتنا يوم النتيجه

و ساعات دماغي بتقفل بالليل أذاكر اللي فاضلي ف الفجر و عادة الكميات دي بتكون صفحه ولا إتنين بس مش باقدر أذاكرهم بالليل
و والدتي تقولي
يعني أنت صاحي ف الفجر علشان تذاكر ربع ساعه و تنام

هوا أنت النهارده هاتضيع الليله ( مش هاذاكر يعني )

أنت اللي هاتفضحنا ف العيله ( أصل عيلتنا بسم الله ما شاء الله معظمها متخرج من صيدله و واحد من أولاد خالاتي معيد ف صيدله )

كل الكلام اللي فات ده والدتي هيا اللي بتقوله
بس خلاص مش قادر أفتكر حاجه تاني

رب أفرغ علينا صبرا

04-11-2008, 01:37 PM

1 الكمبيوتر يتقفل الساعة 1 بالليل ومافيش سهر بالليل وإلى هيفتح الكمبيوتر أو التليفزيون أنا مش مسمحاه
دى جملة ماما المشهورة فى الاجازة
2 ( وجعلنا الليل لباسا ) جملة ماما برده
3 انتى خم نوم
4 ولما نيجى نأكل والكل يقوم من على الاكل و يغسل ايده ويقعد على التليفزيون تقول ( قوموا شيلوا الاكل هوة انا خدامة إلى جابوا أبوكوا )
5 أختك أيدها أحسن منك فى شغل البيت الجملة دى بتضايق أوى لانى الكبيرة واختى الصغيرة
6 انا عايز كوباية مية ده بقى بابا اروح اجيب كوباية واستنى وبعدين كوباية تانية
7 اقفلى الكومبيوتر وطبعا بقول ثوانى وبعدين تيجى أمى وتشيل الفيشة
هوة ده التفاهم
8 قومى اصحى من النوم انتى مش هتجيبى تقدير كويس السنة دى
9 يا بنتى كلى خضار لما تكبرى ههتحرمى عيالك من الخضار وتأكليهم مكرونة
الحقيقة فى كلام تانى بس انا مش فاكرة الان

وفــــكرة الموضوع جميـــــلة جدا

فجر الإسلام

04-11-2008, 07:39 PM

الموضوع فكرته عاجباني أوي:078111rg3:
هو اللي بيتقال كتير
زي مثلا انتي هتفضلي قاعده على النت ده طول النهار
نظرك هيروح
قومي زاكري كلمتين هو انتي لسه ما أخدتيش حاجه في الكليه أمال راحه جايه عالفاضي
وماما لما حد يعصبها تقول هو الواحد يسيب البيت ده علشان يستريح منكم
وكمان انتي جايبه البرود اللي فيكي ده منين:)
هو أنا مخلفه حيطه قومي اعملي حاجه بدل ماانتي قاعده مالكيش لزمه
ويا سلام لو ماما طابخه بسله وأنا مش بحبها: هو أنا هعمل عشر أكلات في البيت
اللي عايز ياكل ياكل اللي مش عايز يتفلق
وما خفي كان أعظم

وحاليا يعني ماما هتمسك كرسي وتضربه في دماغي علشان أقوم:stickjo4::slap1qk6:

bosy .. mostafa

04-11-2008, 08:33 PM

بسم الله الرحمن الرحيم
فكرتني يا عم ليه بس
كلمة (قومي ذاكري) دي مش بتتقال أصلاً
بالعكس دول عايزين يقوموني من عالمذاكره من غير سبب :angry2:

لكن الكلمات اللي كتيره اوي

اخويا الحبيب
خدي بالك و انتي شايله ليلى -ليلى دي بنته- عشان لسه عضمها طري
سرحانه في مين يا قمر؟ اللي واخد عقلك يرجعه
و لما الموبايل يرن يقوم ماسكه و يقرا لي اسم اللي بيتصل (آل يعني مابعرفش أقرأ)
و يقولي "خدي يا بنتي فيه كائن غريب بيتصل بيكي" :confused:
دايماً كلمة كائن دي لازمه معاه ههههههههه
و بيعلق على لبسي مثلا يقولي
العبايه دي يا بوسي طويله عليكي شويه .. مش احسن توديها لعم محمد يقصرها؟
حلوه تسريحة شعرك دي بس مش تطلعي بيها في البلاكونه
و الحمد لله انه اتجوز علشان كنت بعمل له الأكل و الهدوم و كل حاجه :stickjo4:

التاني بقى
بوسي معلش عايز الجهاز شويه
يووووه انا عايز اشوف الفيلم الأجنبي :angry2:
الفيلم ده جه 1489841.22 مره (دايماً بيضرب رقم غريب كده ولا عمرك تسمعه)
فين المستره الحرف تي بتاعتييييي (حتى لو مش عايزها)
مش فاهم قاعده بتدحي و بتحفري ليه ما كل البنات اخرتهم في البيت :av4056bb7jp3:
بتفكريني ببنت كانت عندي في السيكشن و طردتها و عارفه لما تدخلي الكليه هتنطردي هيه بقى

دول بالنسبه لاخواتي

اما ماما بقى
قومي يا بوسي اعملي لهم الأكل انا تعبانه النهارده
بوسيييي اصحي الساعه بقت 10 (بكون لسه داخله انام اصلي كائن ليلي) و طبعاً بتقولي كده بكل حنان
و وقت العشا دايماً جملتها الشهيره
(معلش يا بوسي انا نسيت العيش في التلاجه قومي هاتيه) دايماً بتنسااااه ههههههه
قومي من عالزفت ده بقى (يا الكتاب يا الكمبيوتر)
خليكي كده انتِ ساحله نفسك في الشغل و في الدراسه
اللي ياكل على ضرسه ينفع نفسه

و بابا بقى
دايماً كل لما يشوفني يقولي (انتِ مش هتكبري .. مش بتاكلي خالص .. و اوعي تاني مره تشتكي و تقولي لي يا بابا انا تعبانه ولا اسمع اني اغمى عليكي والله ما راح اعبرك)
(سيبي الشغل بقى انا مش فاهم مموته نفسك فيه ليه)

دول اكتر جمل بتستفزني بس طبعاً بضحك لما حد بيقولها لي عشان اداري بس هههههه

شكراً للموضوع و اسفه للرغي :)

hazem_ayman

04-11-2008, 08:50 PM

احنا عاوزين رغى كتير ومستنيين باقى الاعضاء

الرحمة حلوة

04-11-2008, 09:15 PM

بجد موضوع تححححححححححححححححفة ههههههههههههههههههههههههههههههههههههههههههه انا مش قادرة امسك نفسى وكل حاجة اتقالتلى ويوجد وجة تشابه شديد فى العبارات مع tomorrow ههههههههههه ^_^^_^:rolleyes::022yb4::022yb4:

سـهيـلـة

04-11-2008, 10:29 PM

انا كل شوية ادخل الموضوع ده وكل مرة اقرا رد الاقيه تبكا الاصل للكلام اللى بتقالنا ,,
وماما بقى :كان يوم اسود يوم ما دخل النت البيت هههههههههههه
وبرضه هو انا الخدامة اللى ابوكوا اشتراهالكوا ,,
بابا بقى :اول ما يدخل من الباب ويلاقى حد قاعد على الكمبيوتر : انتى من ساعة الصبح وانتى قاعدة عليه انا مش بشوفك بتزاكرى خالص هههههههههههههههههههههههههههه
يلا بس الكلام بيدخل من الودن اليمين ويطلع من الودن الشمال ههههههه
احسن حل
كل لما يتقالى حاجة هقولواكوا عليها اوك
والموضوع ده تححححححححححففففففففففففففففففةةةةةةةةةةةةةةة

biob

04-11-2008, 10:35 PM

الكلمه اللى اخويا محمد دايما يقولهالى
لا نوءت من قبلك يا شيخ مصطفى
لا نؤت من قبلك
فهمت بعدها ان الرسولكان بيلف على نواحى الجيش ويقول لقوواده لا نؤت من قبلك
يعنى مش عاوزين الجيش يتهزمن نحيتك
ال يعنى اخويا مش عاوزنى امرمط اسم العيله فى الوحل

وماما الله يرحمها كانت بتقولى قوم يا صاقط
بزمتك انت فتحت كتا النهارده
وكانت عمرها ما بتقولى قوم من على الكومبيوتر
كانت دايما بتيجى من سكات تشد الفيشه
غلبنا نفهمها انه كده هيبوظ انما لا حياه لمن تنادى

وبابا قليل جدا لما بيقولى ذاكرودايما يزعق فى وسط الزعيق مع اى حد
ويقول اصل ده عيل ابن... ما بيزاكرشى
روح ياخويا وابقى خلى الكومبيوتر ينفعك

واخويا احمد ما بيكلمنيش فى الموضوع ده اصلا

واختى منفضالى خالص برضه
ربنا يكون فى عونها

ده بالنسبه للمزاكره

انما بقى بالنسبه للاكل
دايما اخويا محمدلمايكون عاوز يبعزق فلوسه ربنا يخليهولى
يقولى مصطفى اناعاوزاكلاكله غير تقليديه هتجبلنا ايه
ودايما بترسى على كيس كغته او هامبورجر اوسوسيس ولتر بيبسى و2مورو وكيس شيبسى حجم عائلى

اما ماما دايما كنت بتامش على الاكل كانت تقولى الاكل بيعزم ع الجعان
او ان شالله ما تفحط
كانت حنينه قوى:(

بابا بقى دايما يطبخ حاجات طعمها وحش واول ما اقوله ايه القرف ده يقولى عيش عيشه اهلك
يا عم عيشه اهلى مين احنا بناكل عدس
داانت طابخ الفرخه وبوظتها
تقولى عيش عيشه اهلك
بصراحه ردوده غريبه جدااااااااااا

اختى بقى بتعمل اكل بصراحه شكله اهم من طعمه
يجبرك تاكله
وكلما اقولها اعمليلى معاكى تقولى اعمل لنفسك

واخويا احمد بصراحه مبحبش اكل معاه

وفى الختام احب اقول كلمه اخويا محمدبيقولهالى لما يحاول يشرحلى حاجه فى الدين لانه مابيصدق انى اساله عن حاجه
يقولى العلم يطلب لا يفرض

ايه اللى انا بقولهده
ايه قله الادبدى
المفروض البيوت اسرار على فكره
انا كده بصيح لنفسى
منك لله يا حازم
سلام

mostafa1991

04-11-2008, 11:03 PM

فى الثانوية محدش كان بيقولى ذاكر كانوا بيقولولى كلمة واحدة بس
الحساب اخر السنة هههههههههه ولحد دلوقتى بيقولهالى فى الكلية

Cray_Bird91

04-11-2008, 11:10 PM

موضوع دمه خفيف بصراحة

انا اوقات يسبولى الحرية واوقات لاءبس ضمن الكلام اليومى

والدى...اقعدى ذاكرى مش عندك ثانوية عامة ملكيش دعوة بحد وركزى..

ماما وتيتة كلى واتخنى عشان تبقى زى صحابك صحابك ماشاء الله عليهم مليانين عنك انتى الوحيدة اللى معدمةزى ما بتقولوا انى جاية من اقصى الصومالا
ا
اما اخويا الكبير لما اجى اكلمه على النت مش بتذاكرى ليه؟ حتضيعى ركزى عندك ثانوية عامة الله يحرق النت وسنينه

اما اخويا الاكبر منى اول ما يجى من برة عاوز ساندوتشات وعصير و..و وندب خناقات وانتوا عارفين الباقى

بس

دى نماذج يومية

smsama

04-11-2008, 11:50 PM

انا عندي مبيكلمونيش علي المذكرة كتير

بس تيتة هي الوحيدة اللي مسكالي انا بس توكيل قومي ذكري ودي اشهر جمل عندها

يا تنامي يا تذكري

انتي كنتي فين طول النهار

انا: كنت في الغرفة التانية يا تيتة

هي: لا اكيد كنتي نايمة او قاعدة علي الزف اللي اسمة الكمبيوتر

اما ماما

كل ما تشوفني علي الكمبيوتر تقولي انتي مش ربنا هيرضي عليكي وتقومي تذاكري

ودة علشان تقعد هي علي الكمبيوتر اصلها كيفت منتديات

اما باب حبيبي

عمرة ما قلي قومي لانة عارف انا بعمل اية كويس اوي

وبجد فعلا التوبيك جميييييييييييييييل جدا

E/GOGO

05-11-2008, 12:07 AM

انا بقى ماما انتى مش هتبطلى نوم فى طالبة فى ثانوية عامة بتنام 12 ساعة
مترجعيش تعيطيلى فى الاخر وتقولى اتظلمت
لو قليتى عن السنة الى فاتت ومتخلديش هندسة الكل هيشمت فيكى
مش كفاية ابوكى بيدفعلك فلوس اد كدة عشان الدروس
اما بابا بغزالة مرة يبقى فى غاية اللطافة لدرجة انى اطلع من المذاكرة اقوله هتفرج على المسرحية يابابا
يقولى ومالة رفهى عن نفسك شوية
ومرة يقولى واللهى بالمنظر دة مش هتجيبى 80%
وطول ما هو شيفنى قاعدة على النت يقولى واللهى هتخلينى افصل النت من بكرة
سيبى المدعوق ده( وانا عارفة انه مش هيقدر يفصله عشان اخواتى بره وبنكلمهم عليه)
اما اخويا لما كان هنا فعلى طول مستغبينى وكان فى تانية يقعد يسالنى اسئلة فى الكميا صعبة اوى ويقولى ماانتى غبية مش هتعرفى تجوبى

hazem_ayman

05-11-2008, 02:43 AM

بيقولك رفهى عن نفسك عشان تبقى حجتة يوم النتيجة يقولك مبتذاكريش وبتتفرجى على المسلسلات انا بابا يا كان كدا يوم الماتش يقولى تعالى اتفرج على الماتش بس انا مكونتش بديلة فرصة يمسك عليه اى حجة

Hamset_Etab

05-11-2008, 08:38 AM

موضوع حلو اوى
انا بقى اكتر حاجه ماما بتقولهالى انتى عندك دروس امته النهارده وبتكررها فى اليوم الواحد بتاع 17 مره ومش بتحفظ ابدا انا ببقى هتجن واقولها يا مامتى يا حبيبتى انا قولتلك عندى درس الساعه 4 صعبه دى اول بقى اما اجى انزل تقولى نازله رايحه فين ساعتها ببقى عوزه اشك فى شعرى بس خايفه على الطرحه اللى لسه لبساها فبسكت واقولها راحه الدرس اللى الساعه 4
بابا بقى اكتر حاجه بيقولهالى اعمليلى كوبايه شاى
اختى الصغيره اول مرن الجرس تقول مين على الباب وتعرف ان انا تقولى جبتيلى حاجه حلوه اقولها لا تقولى خلاص مش فاتحه واعد ارن سنه عقبال محد يعبرنى ويفتحلى ومش بفتكر ابدا اخد مفتاح معايا اصلى علطول بضيع المفاتيح بس مفيش حد فى البيت ده كله بيقولى ذاكرى ليه معرفش شكلى مش فى دمغهم خااااااالص

M.Sherif

05-11-2008, 09:22 AM

طب قول سلامو عليكو وانت داخل

** MR.SmilE **

05-11-2008, 01:10 PM

هههههههههههه

بصراحة الموضوع لذيذ جدا:)

خد عندك بقي

قوم من ع الزفت ده : لما يبدأوا يتضايقوا:(

هتقوم و لا لأ يا ولا : لما يتغاظوا جامد:angry2:

قوم ذاكرلك شوية : لما اقعد من غير مذاكرة:stickjo4:

انتا شكلك السنة دي هتضيع كل السنة اللي فاتت
مش حرام عليك : لما يتنرفزوا من موضوع المذاكرة:040vk0:

و حاجات تانية كتييييييييييييير
:redface::redface::redface::redface::redface::redf ace::redface::redface::redface:
شكرا ع التوبيك

hazem_ayman

05-11-2008, 06:27 PM

ايه يا جماعة فى باقى الاعضاء

شمس الكون

05-11-2008, 08:32 PM

جامد جدا الموضوع ده
انا بقى اكتر كلمة بتتقالى
قومى من على النت ده
والله هشيله من البيت
من يوم ما النت دخل وانتى مش بتذاكرى
قومى ذاكرى بقى وارحمى نفسك
اصحى انتى دايما نايمة
اعقلى شوية فى طريقتك كده يعنى

Rymonda

06-11-2008, 11:11 AM

ان شاء الله هبقى ارد !!!! اصله موضوع حلو قوي ... بس انا لازم اذاكر دلوقتي للاسف !!

عاشقـــ الانمى ـــة

06-11-2008, 02:46 PM

قومى ذاكرى ما انتش نافعة ياختى الا تعدى على النت
ابقى قابلينى لو نفعتى
امهات تجيب الضغط مفيش كلمة ترفع من معنوياتى:(

JusT DreaM

06-11-2008, 04:02 PM

بلاش دي:d

بااااااااااااااك
معلش الواحد بيحب يفضفض
لما اجي انام يقولولي هو انتي مش وراكي غير النوم اليوم كله
اقعد على الكمبيوتر يبقى مش وراكي غير الكمبيوتر اليوم كله
اي حاجة اعملها تبقى مش وراكي غيرها اليوم كله
واختي الكبيرة تبقى واقفة جنب الكوبس بتاع النور وتقولي قومي اطفي النور
كلامها كله طلبات بس انا مش بسمع كلامها:av4056bb7jp3:
اما اخويا يجيلي كل شويه يقولي

"عارفة ياايمان"
اقوله طبعا

ايه"

يقوl قايلي
"انا معرفش"

ببقى عاوزة اضربة باللي في ايدي:040vk0:

hazem_ayman

07-11-2008, 05:39 PM

ايه معتش بيتقالكوا حاجة فى البيت ولا ايه

مروه

07-11-2008, 06:54 PM

الموضوع حلو اوووووووووووووى
تسلم ايدك
انا بقى دايما ماما بتقولى
بطلى رغى فى التليفون
كفايه قاعده على الزفت اللى انتى قاعده عليه ده
يارب النت يفصل
قومى اعمل اكل لأخوكى
وقت الأكل
ربنا يرزقك ببنت توريكى اللى بتعمليه فيا دى لو فرخه اللى بتاكل كانت كلت اكتر منك
وراكى دروس ايه النهارده (دى بتتقال عشر مرات فى اليوم )
بابا بقى
عملتى ايه فى المدرسه النهارده
خلصتى مزاكره ولا لسه
أول ما امسك الموبايل
معتش وراكى غير النت والموبايل
انا غلطان انى وصلت لك النت اللى معتش وراكى غيره
قومى صلى (وببقى لسه مصليه قدامه )
أخويا بقى
متطلعيش فى البلكونه من غير طرحه
ذاكرى لى (ده وهو قاعد بيسمع ماتش )
اعملى لى اكل
انشاء الله منتش نافعه طول مانتى ماشيه مع صحباتك دول
كفايه كده عليكم المره دى
وانشاء الله اكمل لكم مره تانيه

sunsero2000

07-11-2008, 06:59 PM

انا محدش بيعبرنى عشان معظم الوقت قاعد لوحدى فى البيت ومطفش اهلى منى

السمراء

08-11-2008, 10:29 AM

الموضوع حلو اوووووووووووووى
تسلم ايدك
انا بقى دايما ماما بتقولى
بطلى رغى فى التليفون
كفايه قاعده على الزفت اللى انتى قاعده عليه ده
يارب النت يفصل
قومى اعمل اكل لأخوكى
وقت الأكل
ربنا يرزقك ببنت توريكى اللى بتعمليه فيا دى لو فرخه اللى بتاكل كانت كلت اكتر منك
وراكى دروس ايه النهارده (دى بتتقال عشر مرات فى اليوم )
بابا بقى
عملتى ايه فى المدرسه النهارده
خلصتى مزاكره ولا لسه
أول ما امسك الموبايل
معتش وراكى غير النت والموبايل
انا غلطان انى وصلت لك النت اللى معتش وراكى غيره
قومى صلى (وببقى لسه مصليه قدامه )
أخويا بقى
متطلعيش فى البلكونه من غير طرحه
ذاكرى لى (ده وهو قاعد بيسمع ماتش )
اعملى لى اكل
ان شاء الله منتش نافعه طول مانتى ماشيه مع صحباتك دول
كفايه كده عليكم المره دى
وان شاء الله اكمل لكم مره تانيه

عملت اقتباس علشان تصلحى الكلمتين اللى انا مظللاهم

السمراء

08-11-2008, 10:40 AM

موضوع جميل قوى
عايزين تعرفوا بيقولولى ايه

اول ماارجع البيت اخواتى الصغيرين التؤام :جبتلنا ايه

اخواتى الاتنين التانين:اكيد جايبة حاجة ومخبية

اختى اللى فى معهد:انا عايزة موبايلك

بابا وماما انا بكلمهم على اخدنا ايه والبلاوى اللى بنعرفها
بابا بيقولى الشاطر فى دراسته بيبقى شاطر فى مجاله
لو عايزة تدربى فى صيدلية اكلملك اللى فيها
ان شاء الله تفتحى معمل تحاليل(الكلمة دى ثابتة)
عملتى الابحاث......اروح اجيبلك اسطوانة تسجلى عليها
عملتى ايه فى الامتحانات.....اهم حاجة الفارما
الحاجة اللى بتفقع مرارتى ....احنا جبنا فراخ السنادى اعملى لنفسك بحث عنهم

ماما برده بنتكلم عن المواد
وبتهتم تقولى حصل كذا وكذا
فى تحصينة فوق هنديها فى الرقبة هتديها لهم ولا انا اديهم

سعات كلام كده بيحصل بس نادر يتوجه ليه
بدل الكلام حد يقوم يساعدنى

wafa2y

08-11-2008, 10:52 AM

السنة اللي فاتت
كان كل شوية قوم ذاكر حرام عليك
إنت تعبت قلبنا معاك
السنة دي
يابني قوم من قدام الزفت ده
أنا مبقلكش ذاكر بس ريح عينك
و الله هكسرهولك
إنت معندكش دم
الأيام دي
........ز
"مش بتقول وراك إمتحان السبت الجاي
أومال إيه اللي مقعدك كده
"
و بعيد عنكم أنا خايف جدا
الجامعة فعلا مسئولية كبيرة
للعلم:
"أنا مزوغ من سكشنين إنهاردة"
:):):):):)

السمراء

08-11-2008, 11:09 AM

طبعا اللى قولته ده الايام دى بس علشان بروح خميس وجمعة وسبت بس
اما بقى فى الاجازة
بابا وماما: فى حد يسهر قدام النت للساعة 4

لو قلت ده حرام خلاص بقى ياشيخة(اسمى الحقيقى).......اصل كل حاجة بدقق فيها لغاية لما توصل انى حاسة انهم فى يوم هيكسرونى

انت ىبتسمعى الشيخ سامى يوسف(وانا هموت من الضحك)

كل ما اقول لاختى طالما بنلبس خمار يبقى الطرحة لما تنزلى تبقى طويلة
تقولى انت اصلا كلامك يزهق وتخلى الواحد يقلع الخمار وتبوز ونتخانق
طبقى واياكى تيجى من المدينة ....بتوجعى دماغى لما تيجى

سيبى الكتاب او النت على حسب ونفطر الاول........ده طبعا بابا

ماما فى الاجازة:سيبى النت وقومى اطبخىوالله نفصله احسن......ولو ان كل حاجة بعملها فى الاجازة

اكتر حاجة بتزهقنى: يلا علشان تسوقى العربية
انا بعرف لكن اليمين مش مظبط معايا اوى

قبل رمضان بكام يوم:انتى دايما بتقراى قران .....لما النت اتوصل مبشوفكيش كتير ده طبعا بابا
لازم نفصله فى رمضان علشان تهتموا بالعبادة شوية....ونتجمع بدل ما بنقعدش مع بعض

Dr.diamond

08-11-2008, 11:17 AM

اول ما بدخل من الباب بلاقى اخويا قاعد عالنت

بقوله قوم عشان اشوف حاجه

يقولى اه تعالى بسرعه احسن كده انتى سايبه البوابه لوحدها حد يدخل ولا حاجه:stickjo4:

ولو ماما موجوده

اول ما تلاقينى داخله تقولى :جيتى

اقولها لا لسه طالعه عالسلم:av4056bb7jp3:

وتبعا بعد ما اقعد اشوف الحاجه

تقولى هو انهارده الخميس ولا حاجه:stickjo4:

على اساس ان يومى الاسوعى للنت هو الخميس

وعلى فكره حتى يوم الخميس بتقولى كده برضه:(

وطول الوقت بقى تقولى

انت ايه اللى مقعدك عالبوابه دى مش خلصتى ثانوى خلاص

اقولها مانا بزاكر:049gc0:

بتزاكرى ايه بس هنا فاكرانى مش شايفه

يا ماما فيه ملتقى صيدله هنا حتى تعالى شوفى:(

والله ما انتى نافعه السنه دى وهفكرك

وبرضه بتقولى : بس لو كنت جبت بنت صغيره تسمع كلامى

اقولها مانا كنت بسمع كلامك وانا صغيره

يا بنتى كلى حرام عليكى هتقعى من طولك , اهى قدامك اهى مبتاكلش لو كلموك قالوللك وقعت من طولها ابقى روح هاتها انا مليش دعوه (الكلام لبابا)

وكله كلام بقى من هذا القبيل

wafa2y

08-11-2008, 11:35 AM

prof.ahmed4d

09-11-2008, 06:42 AM

ادخل اودتك ذاكر يلا ومش عاوش اشوفك في الاودة دى تانى

Rymonda

09-11-2008, 10:56 AM

والله ما هتنفعي وابقي قابليني .... وبرضه الحمد لله بغيظهم وبنفع في الاخر ...
حطي لاخوكي ياكل .. ولا ده مش زي النت ...
اعملي شاي ... مبعرفش اظبطه قوي يا ماما ... امال بتعرفي تظبطي الياهو بس ...
الجعان بياكل اي حاجه ... دي كلمه بتتكرر عندنا كتير مع اني مش مقتنعه بيها ...
هو انتي كده كلتي ولا خايفه الكمبيوتر يطير ...
اخويا الصغير بقى : هاتي يا اميره العب في موبايلك ... يا حبيبي الموبايل هيفصل شحن ... ماشي افتكريها والله مش هشحنلك تاني ...
ما تجيبي جنيه من الفلوس اللي على قلبك ...
اختي بقى ... بزمتك انتي فتحتي كتاب النهارده ...
ما تعزمينا على حاجه بدل ما انتي قاعده كده (مع العلم ان هي الكبيره مش انا ) ...
ولما بابا يدخل عليا واناع المنتدى وع الميل في نفس الوقت ,,, يا بنتي ركزي في حاجه واحده ..
ويقوللي انا مبحبش اقول لحد قوم ذاكر ... يعني بيحرجني بس بزوق ...جنتل مان بابا ده ...
لما ماما تيجي من بره تلاقيني ع النت .... هو في واحده ثانويه عامه بتقعد كل ده ع النت ..اطفي البتاع ده وقومي زاكري وقبل ما تخلص كلامها بكون انا في اوضتي بذاكر ...
مع العلم انهم كل شهر بيتصلوا بالمسترز بتوعي ويطمنوا على مستوايا وبيلاقوني الحمد لله مقصرتش بس هي دي طبيعة البني ادم ....
اه ويوم النتيجه بتاعة تانيه ثانوي السنه اللي فاتت انا جبت 98% ماما تقوللي ايه .. والله يا حبيبتي كنت بدعيلك ... قولتلها امتى ده دا انا طول عمري اسمعك بتقوليلي مش هتنفعي ...بس ماشي هصدقك ...
اه كمان مش عارفه ليه لما ماما تكون بتخانق فينا اخواتي كلهم يسكتوا وينفذوا لكن انا لاااااااااااازم ارد لاااااااازم ارمي اي كلمه ...واخواتي يقولولي اشمعنى انتي اللي اتسحبتي من لسانك ما احنا كلنا ساكتين ...
كمان الكلمه اللي اخويا الكبير ماسكهالي والله لاسيحلك في منتدى الثانويه ده واقول انك مش نافعه ...
لو عملها يا جماعه اوعو تصدقوووه ...
ياااااااااااه انا شكلي طولت قوي ...
يللا نكمل بعدين كفايا كده النهارده !!!!

Dr.ahmed91

09-11-2008, 07:17 PM

انت ايه اللى مقعدك عالبوابه دى مش خلصتى ثانوى خلاص

اقولها مانا بزاكر:049gc0:

بتزاكرى ايه بس هنا فاكرانى مش شايفه

يا ماما فيه ملتقى صيدله هنا حتى تعالى شوفى:(

هما بيقولولك كده برضه

نفس الكلام اللي بيتقالي

ثانوية ايه؟؟؟؟ انت مش خلصت

hazem_ayman

09-11-2008, 08:28 PM

ايوة كده عاوزينكوا تغيظوهم وتنجحوا وتجيبوا مجاميع عالية

zambalek_boy

09-11-2008, 08:30 PM

والله الواحد اهله مدينه ثقه جامده ....لانى الحمد لله عامل الى عليا وزياده كل دا وخايفين من ام الامتحانات لاتيجى اوسخ من السنه الى فاتت ونفشششششششششششششششششششششششششششل ...يا رب وفقنا واهدنا لما تحبه وترضاه يا رب العالمين

hazem_ayman

10-11-2008, 10:29 PM

الناس اللى قالت لها عوده تانى هيا فين ولا انتوا خلاص اهاليكوا بطلوا يقولوا حاجة

يوسف الشوري

11-11-2008, 08:46 AM

يامواضيعك الجامده يازووووووووووم

انت عارف اللي بيتقال مش مهم اقول بقي اصل هقول كلام مكرر بيتكرر في كل بيت الاباء والامهات متفقين علي سيم بينهم نفس الكلام يعني فين قرش الكابتشينو هههههههه

hazem_ayman

11-11-2008, 01:46 PM

ميرسى يا يويو وطبعا عارف اللى بيتقال واللى بيحصل كمان بس كنت عاوزك تسيح فى المنتدى

فنكوشه المنكوشه

11-11-2008, 04:33 PM

غلالبا الجمل متشابهه
وبابا مكنش بيقول حاجه
ماما دايما اللي بيقول
زي مثلا

ابقي تعالي قابليني لو فلحتي :d

وحياه امك ما انتي نافعه :d

هو المسلسل انشا الله هيمتحنوكي فيه :d

بطلي وقفه اادام المرايه هتتهبلي :d

مفيش حاجه اسمها هغيب ما المددرسه هتروحي غصب عن اللي جابوكي :d

انتي مش بنتي انا لاقيتك علي باب جامع صابر نصر :d

مفيش حاجه اسمها هتعدي في البيت لوحدك رجللك علي رجلي فين ما اكون :d

فين المنفضه؟(ناويه علي علقه):d

علقي هدومك :rolleyes:

قومي روقي الدولاب :rolleyes:

البلوزه دي خارجه من بوء الكلب (يعني ادخلي اكويها ):d

بلاش شغل عبد الحليم دا مفيش خروج (بعيط عاوزه اخرج ):angry2:

طبعا دا ايام زمان من ييجي 7 سنين

دلوقتي انا اللي بقول من هما :dمسمييني العسكري :d