السلام عليكم ورحمة الله وبركاته

ازيكوا يا تجارويين ويا تجارويات .. يارب تكونوا بخير :)

انا جيهاد تانيه تجاره انتظام عين شمس كنت انتساب فى اولى وحولت انتظام الحمد لله :)

ندخل فى الموضوع

انا خايفه موووووووت من تانيه وسألت بناويت كتير قالوا تانيه تعتبر اسهل سنه فى تجاره

بس بما انى مش متابعه المحاضرات ولحد دلوقتى مش عارفه حاجه ف المنهج اللى عندنا فاكيد لازم اخاف يعنى

ياريت بس لو فى حد فى تانيه سواء انتساب او انتظام يحاول ينزل المحاضرات

لانى بجد مرعوبه من السنادى:(

وكمان مش ناويه اجيب ورق هكتفى بالكتب وبس

ها هتساعدونى ولا........؟؟

:(

تانية سهلة ؟ .. مين قال كدا ؟!

مانا تانية اهو وطالع عيني .. دا كفاية مادة التسويق لوحدها

مرجع وربنا !!

عموما لو عرفت انزل محاضرات هابقي انزل .. وربنا معانا كلنا

تانية سهلة ؟ .. مين قال كدا ؟!

مانا تانية اهو وطالع عيني .. دا كفاية مادة التسويق لوحدها

مرجع وربنا !!

عموما لو عرفت انزل محاضرات هابقي انزل .. وربنا معانا كلنا

يارب

بس على فكره انت اول واحد يقول ان تانيه صعبه لو سألت اى حد من تالته او رابعه هيقولك كده

وانا عن نفسى لسه ماكونتش رأى عنها لانى مافتحتش حاجه فيها اصلا :)

بس على فكره انت اول واحد يقول ان تانيه صعبه لو سألت اى حد من تالته او رابعه هيقولك كده

انا فعلا سألت .. بصي هوا فيه ناس قالتلي ان الترم الاول كويس .. لا هوا صعب ولا هوا سهل

بس الترم التاني هوا اللي طحن .. والله اعلم

بس انا عن نفسي مادة التسويق دا مش فاهم فيها ولا كلمة ..

والانتاج برده ..

يمكن اللي شغال فيها شوية .. المحاسبة .. شكلها ظريفة ..

والحاسب الالي .. والله ماعرف لازمتها ايه اصلا في الحياة !!

والنقود والبنوك برده ظريفة ..

بس دايما المواد الظريفة هيا اللي بنتشحور فيها في الاخر !

انا فعلا سألت .. بصي هوا فيه ناس قالتلي ان الترم الاول كويس .. لا هوا صعب ولا هوا سهل

بس الترم التاني هوا اللي طحن .. والله اعلم

بس انا عن نفسي مادة التسويق دا مش فاهم فيها ولا كلمة ..

والانتاج برده ..

يمكن اللي شغال فيها شوية .. المحاسبة .. شكلها ظريفة ..

والحاسب الالي .. والله ماعرف لازمتها ايه اصلا في الحياة !!

والنقود والبنوك برده ظريفة ..

بس دايما المواد الظريفة هيا اللي بنتشحور فيها في الاخر !

بصراحه لا فتحت ولا ماده

هى الرياضه اللى حضرت فيها محاضرتين وكانوا تمام اوى غير كده فله:)

وسمعت فعلا اننا عندنا حاسب

بس والله مش دايما المواد الظريفه بنتشحور فيها

انا كنت متابعه اوى ف اولى محاضرات الرياضه واللغه

جبت ف الرياضه جيد جدا واللغه امتياز :av4056bb7jp3:

بس بجد ربنا يستر السنادى :(

السلام عليكم ورحمة الله وبركاته

انا برضه كنت انتساب وحولت بس انا جامعة القاهرة
والسنة ادى رخمة لان فيها مادتين كدا ونص غلسين انتاج وتسويق واهى شوية النقود:angry2:
واحنا لسة مستلمين الكتب وكل كتاب وكتاب بتاع 400 صفحة وشوية حسبى الله ونعم الوكيل:abdoog8:
الطبيعى انهم يسلمونا الكتب بدرى شويه مش قبل الامتحان بشهر وشوية:mad:عشان نقدر نذاكرها
ونا بقى حاسة انى تايهة مش عارفة اذاكر منين من الكتاب ولا المحاضرات ولا السكاشن لما خلاص قربت اتجنن:confused:
ربنا يستر بقى
السنةدى غلسة وبايخة ورخمة :078111rg3:

السلام عليكم
ياجيهاد متخافيش من التسويق دة اسهل مادة عندنا بصراحة هى المادة الصعبة شوية الادارة
ولو مش هتشترى ورق يبقى لازم تنقلى المحاضرات وربنا معاكى

بعون الله متشحورين يعني متشحورين !!

ليكوا انكوا تتخيلوا اني اما شوفت كتاب الانتاج زي ماقالت طمطومة .. ببص فيه لاقيته مرجع وربنا !

حوالي 400 صفحة او يزيد .. هوا ماشي اتس اوكي مش مشكلة عدد الصفحات .. لإن اكيد الدكاترة بيحذفوا

بس برده كفاية العامل النفسي اللي احنا فيه ..

بس تصدقوا بالله .. انا الترم دا حاسس اني منفض خالص مش عارف ليه والله ؟!

مادة زي التسويق دي ربنا رازقنا بدكتورة استغفر الله العظيم .. تحسوا انه ميت وبيتكلم

وكل محاضرة لازم تخش تهزق وتشتم فينا ..

يعني المادة كئيبة وتقيلة .. والدكتورة خنيقة .. وان شاء الله هانشيل شيلة حلوة !

انا مش متفائل خالص السنة دي .. غير في مادتين بس

المحاسبة والحاسب ..

المحاسبة كلها قيود يومية وكلام متكرر .. دا دا لغاية دلوقتي .. الله اعلم اللي جاي ايه

والحاسب بتفكرني بالبيزنيس بتاع سنة اولي .. مادة هايفة ومالهاش لازمة .. كنت جايب فيها 19 ..

والدكتورة ظلمتني في درجة .. لولاها كنت جيبت 20 وقفلت المادة !

يا جماعة احمدو ا ربنا دا احنا فى تجارة انجليزى الكتاب الف صفحة وشوية يعنى ممكن الواحد ياخد فية دكتوراة ياريت بقى تدعوا لاخوتكم فى تجارة انجليزى عشان الميد تيرم هيبدأ الاسبوع الى جى وربنا يوفق الجميع

السلام عليكم ورحمة الله وبركاته

انا برضه كنت انتساب وحولت بس انا جامعة القاهرة
والسنة ادى رخمة لان فيها مادتين كدا ونص غلسين انتاج وتسويق واهى شوية النقود:angry2:
واحنا لسة مستلمين الكتب وكل كتاب وكتاب بتاع 400 صفحة وشوية حسبى الله ونعم الوكيل:abdoog8:
الطبيعى انهم يسلمونا الكتب بدرى شويه مش قبل الامتحان بشهر وشوية:mad:عشان نقدر نذاكرها
ونا بقى حاسة انى تايهة مش عارفة اذاكر منين من الكتاب ولا المحاضرات ولا السكاشن لما خلاص قربت اتجنن:confused:
ربنا يستر بقى
السنةدى غلسة وبايخة ورخمة :078111rg3:

وعليكم السلام ورحمة الله وبركاته

طيب انتى القاهره وعامله كده امال احنا نعمل ايه :(

وبعدين ايه حكاية قبل الامتحانات بشهر وشويه دى هو الامتحانات فاضل عليها اد ايه؟؟:confused:

السلام عليكم
ياجيهاد متخافيش من التسويق دة اسهل مادة عندنا بصراحة هى المادة الصعبة شوية الادارة
ولو مش هتشترى ورق يبقى لازم تنقلى المحاضرات وربنا معاكى

وعليكم السلام ورحمة الله وبركاته

يارب

بس شكلك كده ما قرأتش الموضوع كويس انا مش خايفه من التسويق بس انا خايفه من المواد كلها

وكلامكوا رعبنى اكتر بجد :(

الله يطمنكوا

بعون الله متشحورين يعني متشحورين !!

ليكوا انكوا تتخيلوا اني اما شوفت كتاب الانتاج زي ماقالت طمطومة .. ببص فيه لاقيته مرجع وربنا !

حوالي 400 صفحة او يزيد .. هوا ماشي اتس اوكي مش مشكلة عدد الصفحات .. لإن اكيد الدكاترة بيحذفوا

بس برده كفاية العامل النفسي اللي احنا فيه ..

بس تصدقوا بالله .. انا الترم دا حاسس اني منفض خالص مش عارف ليه والله ؟!

مادة زي التسويق دي ربنا رازقنا بدكتورة استغفر الله العظيم .. تحسوا انه ميت وبيتكلم

وكل محاضرة لازم تخش تهزق وتشتم فينا ..

يعني المادة كئيبة وتقيلة .. والدكتورة خنيقة .. وان شاء الله هانشيل شيلة حلوة !

حرام عليك ان شاء الله خير

انا مش متفائل خالص السنة دي .. غير في مادتين بس

المحاسبة والحاسب ..

المحاسبة كلها قيود يومية وكلام متكرر .. دا دا لغاية دلوقتي .. الله اعلم اللي جاي ايه

والحاسب بتفكرني بالبيزنيس بتاع سنة اولي .. مادة هايفة ومالهاش لازمة .. كنت جايب فيها 19 ..

والدكتورة ظلمتني في درجة .. لولاها كنت جيبت 20 وقفلت المادة !

جبتك يا عبد المعين .. ايه يا جماعه الرعب ده :angry2:

طيب طمنونى اعملوا اى منظر :(

يا جماعة احمدو ا ربنا دا احنا فى تجارة انجليزى الكتاب الف صفحة وشوية يعنى ممكن الواحد ياخد فية دكتوراة ياريت بقى تدعوا لاخوتكم فى تجارة انجليزى عشان الميد تيرم هيبدأ الاسبوع الى جى وربنا يوفق الجميع

يارب .. ربنا معاكوا يارب

وان شاء الله نجاح بتقدير احنا وانتوا :)

جبتك يا عبد المعين

لاقيتيه عايزله مقويات صح ؟!

يابنتي والله انا قولتلك اللي فيها .. انا النهارده كان عندي محاضرات بالليل

وروحت للمكتبات اللي بتبيع ملازم بره .. وسألتهم على التسويق وكدا

صدموني وقالولي ان فيها جزء عملي :eek:

يعني الانتاج عملي .. والمحاسبة عملي .. والتسويق عملي ..

والنبي كان يوم اسود يوم مادخلنا الكلية المنيلة بستين نيلة دي !!

لا وكمان النهارده الدكتور بتاع المحاسبة ادانا حتة محاضرة استغفر الله العظيم

هوا الراجل كويس ومحترم وكل حاجة وشرحه ممتاز .. بس تقيله اوي ..

اهو بيشرح في السندات دلوقتي وتقريبا بيخلص فيها ..

بس هانقول ايه .. انا حاسس اني ضايع وربنا .. وعلى فكرة دا مش احسساسي لوحدي

دا احساس معظم اللي اعرفهم .. ومعا ذلك تلاقينا كوول جدا ومنفضين للحياة !

طيب بتوع تجارة وادارة اعمال جامعة حلوان يعملو اه ياجدعان حرام 13 مادة فى السنة والكتاب كبيرررررررررررررررررررررررررررررررررررر


وربنا معانا ياجدعان

طيب بتوع تجارة وادارة اعمال جامعة حلوان يعملو اه ياجدعان حرام 13 مادة فى السنة والكتاب كبيرررررررررررررررررررررررررررررررررررر


وربنا معانا ياجدعان

انا يوسف معاك يامعلم ومطحونين اخر فل

لاقيتيه عايزله مقويات صح ؟!

يابنتي والله انا قولتلك اللي فيها .. انا النهارده كان عندي محاضرات بالليل

وروحت للمكتبات اللي بتبيع ملازم بره .. وسألتهم على التسويق وكدا

صدموني وقالولي ان فيها جزء عملي :eek:

يعني الانتاج عملي .. والمحاسبة عملي .. والتسويق عملي ..

والنبي كان يوم اسود يوم مادخلنا الكلية المنيلة بستين نيلة دي !!

لا وكمان النهارده الدكتور بتاع المحاسبة ادانا حتة محاضرة استغفر الله العظيم

هوا الراجل كويس ومحترم وكل حاجة وشرحه ممتاز .. بس تقيله اوي ..

اهو بيشرح في السندات دلوقتي وتقريبا بيخلص فيها ..

بس هانقول ايه .. انا حاسس اني ضايع وربنا .. وعلى فكرة دا مش احسساسي لوحدي

دا احساس معظم اللي اعرفهم .. ومعا ذلك تلاقينا كوول جدا ومنفضين للحياة !

يااااااااااااه على ردودك كل رد بيطمنى شويه عن اللى قبله

حرام عليك كفايه .. حد يقفل الموضوع ده :(

انت اسمك ايه صحيح .. عندى احساس انه محمد

طيب ما علينا بص يا محمد

اللى احنا فيه د واقع حى وملموس :( فبدل ما نعد نغنى ونرد على بعض نعمل حاجه مفيده احسن

كل واحد يختار ماده وينزلها هنا وانا عن نفسى ممكن اخد الرياضه انا بدأت فيها انهارده لذيذه :av4056bb7jp3:

وبما انك مشرف القسم يبقى اكيد عارف اللى ف تانيه معانا ياريت يشاركوا معانا وينزلوا هما كمان

وشوف مين هينزل ايه اوك؟؟؟؟؟؟

طيب بتوع تجارة وادارة اعمال جامعة حلوان يعملو اه ياجدعان حرام 13 مادة فى السنة والكتاب كبيرررررررررررررررررررررررررررررررررررر


وربنا معانا ياجدعان

انا يوسف معاك يامعلم ومطحونين اخر فل

ربنا معاكوا

بس برده عين شمس حاجه تانيه :(

يااااااااااااه على ردودك كل رد بيطمنى شويه عن اللى قبله

ربنا يكرم اصلك :blush: .. مانا برده بقول كدا :friendsxs3: !!

حرام عليك كفايه .. حد يقفل الموضوع ده

بسيطة .. عادي جدا .. مش معضلة يعني

انت اسمك ايه صحيح .. عندى احساس انه محمد

تؤتؤ .. احساسك غلط ميه في الميه :unsure:

كل واحد يختار ماده وينزلها هنا

والله انا كنت هاعمل كدا .. بس اتلاقيت الموضوع مجهد .. ومش هاعرف الاحق واداوم عليه

خاصة ان حتى لو كملت اسبوعين او شهر في الموضوع دا .. انا واثق تمام الثقة اني مش هاقدر اكمل

فن انا باجي في الفترة الاخيرة زي مانتي عارفه وبعتكف في المذاكرة بقي ..

وانا عن نفسى ممكن اخد الرياضه انا بدأت فيها انهارده لذيذه

رياضة ايه ؟ :huh: .. اول مرة اعرف ان في تانية فيه رياضة .. يمكن عشان اختلاف الجامعات ولا حاجة

احنا عندنا رياضة بحتة 2 في الترم التاني .. بيقولوا منيلة بستين نيلة -_-

وبما انك مشرف القسم يبقى اكيد عارف اللى ف تانيه معانا ياريت يشاركوا معانا وينزلوا هما كمان


وحياتك عندي من ساعة مادخلت الدراسة مابقتش اشوف خلقهم !!

انا يوسف معاك يامعلم ومطحونين اخر فل

ياراجل حرام عليك .. دانتوا بتاخدوا المحاسبة المالية على ترمين ..

في الوقت اللي جامعة القاهرة فيه بياخدوا المحاسبة المالية كلها في ترم وااااااحد ..

يعني بوسوا ايديكوا وش وضهر :frown:

يافيمبير حلوان اصعب كلية تجارة فى مصر والهى من حيث المنهج و المواد
لان احنا عندنا 7 اقسام فى الكلية محاسبة - ادارة- تامين ورياضة - نظم معلومات - علوم سياسية- واخيرااااااااااااااا طبعا تجارة خارجية
ولذللك تتميز تجارة حلوان عن غيرها من كليات مصر ولذلك تكون الاحسن بسبب اقسامها واحنا من اولى بناخد مواد الاقسام دى مثل
سياسة ودراسات بلغة اجنبية وقانون وغيرها فى السنين الجية ده اذا عدينا بالصلاعلى النبى

واخيرا ادعلنا
مش تقول ياراجل محاسبة مالية عيب الكلام دة بقولك 13 مادة مش 10
سلام

مش تقول ياراجل محاسبة مالية عيب الكلام دة بقولك 13 مادة مش 10
سلام

جت يعني من 3 مواد زيادة ؟!

طب ماعلى فكرة .. ماحنا لو مسكناها على المواد ..

فيه في الترم التاني في القاهرة .. مادة اسمها قانون تجاري ..

المادة دي ممكن تنقسم مادتين اصلا .. لإنها جزئين .. وكل جزء كتاب ماشاء الله لوحده

والسنة دي انا في تانية اهو وعندنا مادة اسمها بنوك .. وعلى كتابين

وكل كتاب ببص فيه بيفكرني بالدامبلز بتوع الجيم !! .. فعادي يعني

وكون ان تجارة حلوان احسن تجارة .. ممكن اكون معاك في النظرية دي وأيدك فيها ..

بس ماتنساش ان من المتعارف عليه ان خريج عين شمس بيبقي نمر وان في الشغل ..

بعديه خريج جامعة القاهرة .. بعديه خريج حلوان ..

كل اللي بيميز حلوان .. هوا انها كلية معمولة جديد .. فموجود فيها اقسام جديدة ومميزة شوية

بس برده هارجع اقولك ماتنساش ان كل كلية فيها اللي يميزها برده

يعني عندك عين شمس فيها قسم فرنساوي مثلا ..

والقاهرة فيها قسم انجليش والعلوم الاكتوارية ..

والقسم دا اصلا مش موجود في مصر كلها الا في القاهرة بس ..

انتا لو هاتقعد تمسك كل جامعة وتقارنها بالتانية مش هاتخلص ..

وبعدين انا ليا واحد صاحبي كان في حلوان السنة اللي فاتت ومحول السنة دي القاهرة

سألته فعلا على المواد وصعوبتها .. قالي عادي والله .. زيكوا

دا غير كمان انه واحد زي دا اهو .. المفروض ان في الترم التاني هايدرس 3 مواد زيادة ..

غير الخمسة اللي هوا هاياخدهم في الترم التاني ..

يعني لو كان كمل في حلوان كان هايبقي احسنله !

عموماً .. ربنا معاكوا ومعانا ومعا الكل ..

عند حق كل كلية بتتميز عن غيرها بس فى حلوان عنك كل 3مواد نقسم المادة الواحدة لمادتيوعلى فكر
انا مجموعى كان يجبلى تجارة القاهرة ...... ولكن انا فضلت حلوان مع العلم ان اعلم ان حلوان بها مواد ليس لها علاقة بالتجارة مثل القانون والسياسة وغيره ولكن
دخلت حلوان عشان العلوم السياسية و التجارة الخارجية لان مصر بهاالبلايين ايوة البلايين من الخرجين من التجارة القاعدين على القهوى ولذلك ال3 مواد الزيادة لاقس

ربنا يكرم اصلك :blush: .. مانا برده بقول كدا :friendsxs3: !!



بسيطة .. عادي جدا .. مش معضلة يعني



تؤتؤ .. احساسك غلط ميه في الميه :unsure:



والله انا كنت هاعمل كدا .. بس اتلاقيت الموضوع مجهد .. ومش هاعرف الاحق واداوم عليه

خاصة ان حتى لو كملت اسبوعين او شهر في الموضوع دا .. انا واثق تمام الثقة اني مش هاقدر اكمل

فن انا باجي في الفترة الاخيرة زي مانتي عارفه وبعتكف في المذاكرة بقي ..

بس انا ماكنتش اقصد اننا نكتب المحاضرات .. لا هو مش انتحار يعنى

هو انت تذاكر عادى جدا والورق اللى ذاكرت فيه تصوره ع الموبايل وتنزله وبس :)


رياضة ايه ؟ :huh: .. اول مرة اعرف ان في تانية فيه رياضة .. يمكن عشان اختلاف الجامعات ولا حاجة

احنا عندنا رياضة بحتة 2 في الترم التاني .. بيقولوا منيلة بستين نيلة -_-

وانا كل ده مف**** فى عين شمس :( بس بعد كده شوفت الصوره اللى انت حاطتها لقيتها القاهره فعلا :)

وحياتك عندي من ساعة مادخلت الدراسة مابقتش اشوف خلقهم !!

الله يطمنك :)

ياراجل حرام عليك .. دانتوا بتاخدوا المحاسبة المالية على ترمين ..

في الوقت اللي جامعة القاهرة فيه بياخدوا المحاسبة المالية كلها في ترم وااااااحد ..

يعني بوسوا ايديكوا وش وضهر :frown:

انا حاسه من مناقشتكوا انكوا بتعملوا مسابقه كلية مين الاصعب :av4056bb7jp3:

عمتا ربنا معانا كلنا :)

ومعلش حاول تشوف حد ف تانيه عين شمس اوك؟

ومعلش حاول تشوف حد ف تانيه عين شمس اوك؟

ممممممم .. بقالي حوالي 4 شهور في القسم هنا ..

وماشوفتش ولا بني ادم في تانية عين شمس .. غيرك !

ممممممم .. بقالي حوالي 4 شهور في القسم هنا ..

وماشوفتش ولا بني ادم في تانية عين شمس .. غيرك !

الف شكر على الافاده العميقه دى :022yb4:

وباركلى صحيح انا الحمد لله بدأت اذاكر من اول امبارح:d

وباركلى صحيح انا الحمد لله بدأت اذاكر من اول امبارح

الف مبروك :022yb4: ..

انا بقى من اسبوعين فتحت الكتب اخيرا ..

واني افهم حاجة .. مش عارف !!

مافيش غير المحاسبة هيا اللي شغال كويس فيها .. باقى المواد غتته :angry2:

بالذات التسويق والانتاج :angry2: :angry2:

بس هانقول ايه بقي .. نصيبنا :bosyht9:

الف مبروك :022yb4: ..

انا بقى من اسبوعين فتحت الكتب اخيرا ..

واني افهم حاجة .. مش عارف !!

مافيش غير المحاسبة هيا اللي شغال كويس فيها .. باقى المواد غتته :angry2:

بالذات التسويق والانتاج :angry2: :angry2:

بس هانقول ايه بقي .. نصيبنا :bosyht9:

الله يبارك فيك :022yb4:

انا ببدأ بالرياضه والمحاسبه واللغه عشان هما فيهم شغل وكمان بحبهم

المواد الادبيه دى غالبا بذاكرها قبل الامتحانات باسبوعين ولا حاجه

ربنا معانا :)