انا قريت خبر اول امبارح وشدني اوي وحعلق بعد ما تقروه


أساتذة الطب تبرعوا بجثثهم بعد الوفاة
تبرع عدد من أساتذة طب عين شمس بأجسادهم بعد الوفاة لقسم التشريح ومنهم أحد أساتذة الجراحة المشهورين لحل أزمة ندرة الجثث..أعلن د. أحمد إبراهيم نصار عميد الكلية أن الأساتذة ضربوا مثلا يحتذي من خلال أداء واجب قومي للمساهمة في العملية التعليمية.أضاف أنه يجري حاليا عمل اقرارات مكتوبة وتوثيقها بالشهر العقاري.

جريدة الجمهورية

ودلوقتي بعد ما قريتوا الخبر

ايه رأيكم في الموضوع ده؟؟

الناس دي صح ولا غلط

ممكن انت تتبرع بجثتك بعد ما تموت

ليه لأ ؟ وليه اه

جثتك تمثل لك ايه؟؟؟؟؟

عايزكم كلكم تشاركوا بأراءكم وكل واحد يقول رأيه

موافق تتبرع بجثتك ولا لأ

؟؟؟؟؟؟؟؟؟

:078111rg3::078111rg3::078111rg3:

ايه ده يادكتور
علطول جايبلنا الاخبار السعيدة كده دايما

كانت اختى بتقول لماما انها عايزة تعمل كده
بس انا طبعا استحالة افكر فى حاجة زى كده

معرفش ليه؟!!!!!!!!!!
بس مش هاحس انه افادة كبيرة اوى يعنى
ممكن حاجات تفيد اكتر من كده

موافق تتبرع بجثتك ولا لأ

؟؟؟؟؟؟؟؟؟

:078111rg3::078111rg3::078111rg3:


مش عارفه الصراحه
بس العمليه ان الجثه دى مش بتاعتنا
يعنى فى موضوع التبرع بالاعضاء
نفس الاشكال
هل الجسم ده بتاعنا اساسا عشان نتبرع بيه
لا

بس بوجه عام
انا مش موافقه


فى رعايه الله

ايه ده يادكتور

علطول جايبلنا الاخبار السعيدة كده دايما

كانت اختى بتقول لماما انها عايزة تعمل كده
بس انا طبعا استحالة افكر فى حاجة زى كده

معرفش ليه؟!!!!!!!!!!
بس مش هاحس انه افادة كبيرة اوى يعنى

ممكن حاجات تفيد اكتر من كده


مش عارف ليه الفكرة دي طلعت في دماغي

طب ما هو ممكن الانسان يموت في البحر وجثته تفضل في البحر القروش تاكلها

بس هو احنا حنبقى حاسين بعد ما نموت بان جثتنا في الكلية ولا في المقبرة

؟؟؟

الفكرة اللي تطلع في الدماغ اكتر كمان التبرع بالاعضاء بعد الموت

:078111rg3::078111rg3:

الفكرة اللي تطلع في الدماغ اكتر كمان التبرع بالاعضاء بعد الموت


:078111rg3::078111rg3:


اه بصراحة دى ممكن
انما الجسم كله دى صعبة اوى

مش عارفه الصراحه

بس العمليه ان الجثه دى مش بتاعتنا
يعنى فى موضوع التبرع بالاعضاء
نفس الاشكال
هل الجسم ده بتاعنا اساسا عشان نتبرع بيه
لا

بس بوجه عام
انا مش موافقه


فى رعايه الله



مش عارف هي يمكن الفكرة تجيب اشمئزاز

بس حنجيب جثث منين؟؟؟؟

والطلبة دولا يتعملوا على ايه؟؟؟

طب ايه البدائل

موضوع غريب فعلا

بس ليه لا

فى موقف حصل مع احد الصحابه لما كان خايف يمثلوا بجثته فوالدته قالتله وهل تشعر الشاه بعد ذبحها

وبالاضافه لكده ده مايعتبرش تمثيل للجثث ويمكن كمان بيعتبروه تمجيد لمهنتهم + انهم بيساعدوا الطلبه

وكمان حاجه تانيه الدكاتره دول بعد موتهم هيفرقوا ايه عن الجثث اللى بيشرحوها ؟

ولا حاجه

ميرسى ع الموضوع يا دكتور :)

لا يا عم انا عايز جثتي تبقى معايا مبحبش حد يلعب في جثتي انت بتتكلم ازاي ؟

بس المشكله بقى مين الطالب الى هيقدر يشرح استاذ كان عنده فى القسم :d

ممكن انت تتبرع بجثتك بعد ما تموت

قرار صعب بامانه
بس انا مش موافق ان جثتى تتشرح :(

هو بص أنا من صغرى ولما تحصل عندنا جرائم قتل أو حد يموت لأسباب غامضه ويقولك الجثه هتتشرح لبيان أسباب الوفاه والكلام ده كان أهل المرحوم يقفو على رجل والدنيا تقوم ومتقعدش تانى ويدورو ويجبو وسايط ويدفعو فلوس لكن إن الجثه تتشرح دى تبقى بالنسبه ليهم مصيبه ويزعلو أكتر من زعلهم على
المرحوم
لما ترسخت فى ذهنى إن مسأله تشريح الجثه ده شىء غير مرغوب فيه نهائياً
لذلك
أنا غير موافق تماماً
يمكن تفكيرى قدم يمكن سطحى يمكن حاجات كتير بس هعمل إيه بقه دماغى صعيدى
و
لما بتربس مبتفتحش

موضوع غريب فعلا


بس ليه لا

فى موقف حصل مع احد الصحابه لما كان خايف يمثلوا بجثته فوالدته قالتله وهل تشعر الشاه بعد ذبحها

وبالاضافه لكده ده مايعتبرش تمثيل للجثث ويمكن كمان بيعتبروه تمجيد لمهنتهم + انهم بيساعدوا الطلبه

وكمان حاجه تانيه الدكاتره دول بعد موتهم هيفرقوا ايه عن الجثث اللى بيشرحوها ؟

ولا حاجه


ميرسى ع الموضوع يا دكتور :)


الموقف اللي بتحكي عليه ده حصل مع السيدة اسماء بنت ابي بكر وابنها عبدالله بن الزبير
والمقولة هي
(وهل يضر الشاة سلخها بعد ذبحها)

وفعلا.. الحكاية دي حتبقى تمجيد لاسم الدكاترة اللي اتبرعوا بجثثهم للكلية... يعني خدموا الكلية في الحياة والممات.. مش بس للكلية للعلم والطب كله

يعني.. ياريت تفكروا معانا د/مجدي يعقوب او غيره لو مكنش اتدرب على التشريح واتعلم بالطريقة دي
كان حيقدر يعمل العمليات دي ويعالج كل الناس دول؟؟



لا يا عم انا عايز جثتي تبقى معايا مبحبش حد يلعب في جثتي انت بتتكلم ازاي ؟

ما هي المسألة... هل انت حتبقى حاسس باللي بيحصل

يعني..لو فرضنا..انك مت واهلك هما اللي اتبرعوا بالجثة.. ايه اللي حيضايقك ساعتها؟؟؟

بس المشكله بقى مين الطالب الى هيقدر يشرح استاذ كان عنده فى القسم :d



كتير..... مش حتفرق معاهم .. وخصوصا ان ده حيبقى شغلهم


هو بص أنا من صغرى ولما تحصل عندنا جرائم قتل أو حد يموت لأسباب غامضه ويقولك الجثه هتتشرح لبيان أسباب الوفاه والكلام ده كان أهل المرحوم يقفو على رجل والدنيا تقوم ومتقعدش تانى ويدورو ويجبو وسايط ويدفعو فلوس لكن إن الجثه تتشرح دى تبقى بالنسبه ليهم مصيبه ويزعلو أكتر من زعلهم على

المرحوم
لما ترسخت فى ذهنى إن مسأله تشريح الجثه ده شىء غير مرغوب فيه نهائياً
لذلك
أنا غير موافق تماماً
يمكن تفكيرى قدم يمكن سطحى يمكن حاجات كتير بس هعمل إيه بقه دماغى صعيدى
و
لما بتربس مبتفتحش




يعني انت قصدك على عادات او افكار مترسخة في ذهن الناس
مش حقول المصريين بس لا ناس كتير في العالم

انما ايه وجهة النظر في المحافظة الشديدة على الجثة؟؟

طب ما ممكن الجثة دي كانت تعمل حادثة وتتشوه تماما
او طائرة او غرق ومش يبقى فيه جثة

......

طب ممكن نقلب تفكيرنا ونقول بدائل للموضوع ده...
نعمل ايه؟؟

منين نجيب جووووووووووووووثث

:(:(

هو حكاية صح ولاغلط دى معرفش احكم عليها

لكن مش اقدر اتخيل انى لما اموت جثتى حد ممكن يشرح فيها ويتعمل فيها كدة

فدى حاجة مرفوضة خالص

بس انا اسمع ان فى ناس بيعملوا كدة فى سبيل ان فلوس تروح لاهلم بعد ما يموتوا

انا مش موافق عموما واعتقد ان اهل المتوفى عمرهم ما يوافقوا على كدا

اضحكتمونا كثيرا
اصلا الناس بتسرق جثثنا بالحيا
تروحى تعملى عملية ( بعد الشر يعنى ) متلاقيش الكلية وخلافه
يعنى هيا مسروقة مسروقة
يعنى اتنازل عنها بمزاجى احسن ما يخدوها غصب عنى
واللى يفرط فى جثته كانه فرط فى نظارته
جثث ايه بس
دمتم فى رعاية الله

رغم ان الهدف نبيل لكن الفكرة صعبة على نفسى
ممكن التبرع بعضو يفيد شخص حى لكن بلاش موضوع التشريح ده

الموضوع ده ايم يا حماده والله
انا فكرت فى الموضوع ده كتير قبل كده

بص يا سيدى
اولا انت مش موافق طبعا ان حد ياخد حاجه من اعضاء جسمى وانا حى
انما لما اموت
هيبقى من غير روح
يعنى من غير اى لازمه
وانا لما اموت ما اظنش انى هيهمنى قوى انا هدفن ولا لا
انا هبقى قدام حساب وحاجات تانيه اهم بكتير
ده غير انهم ممكن بجثتى ناس تتعلم الطب
ويطلع منهم على الاقل واحد بس يكتشف علاج يفيد البشر



بس انت عارف طبعا المقوله اللى فى دماغ الناس وعمرها ماهتموت

اكرام الميت دفنه

كان فيه اقتراح قريته

ان الجثث مجهولة الهوية اللي بتبقى في المشرحة ومحدش بيستلمها

بتفضل في التلاجه

لحد فترة معينة مثلا...سنة او اتنين وبعد كده يسلموها للكليات

أنا عمرى ما فكرت فى الموضوع دة بجد قبل كدة
بس أحنا عندنا فى الكلية المشرحة من تمن سنين مش جالها جثث جديدة:(
يمكن عشان كدة الدكاترة عاوزين يتبرعوا لعجز الجثث
هما كتر خيرهم لآنها مهمة جدااااااا
وكمان نحتسب صاحبها يكتسب حسنات جراء ذلك
أنا لو مش بشوف بعينى المهازل اللى بتحص من الطلبة عديمة الضمير والمعاملة اللآدمية من بعضهم:slap1qk6:
وعدم احترامهم لحرمة الميت كان ممكن افكر فى الموضوع بشكل جدى
ربنا يوفقنا للى فية الخير:)
...سنة او اتنين
بكتيرة شهر ويسلموها للكليات
عشان الجسم مش يكون عدى علية فترة كبير بالشكل دة
*************************************
فى رعاية الله

سبحان الله ناس عاوزه تفيد العلم باي شكل

شكرا وتم النقل الي القسم المناسب

والله هو أنا هموت وهما هيصرفوا
هما وضميرهم بقى

بس هوصي قبل ما أموت انهم ما يعملوش كده

أنا مش عارفه إيه اللي خلاني أقرأ الموضوع ده قبل ما أنام

ان لله وانا اليه راجعون

هو لو هيتبرعو بعضو منى لانقاذ شخص اكيد مش هقول لا
لكن يستخدموها ف التشريح دي ماعتقدش
اكيد انا مش هاحس بشيء
لكن اهلى مش هيرضوهالي
لان فيه حاجة - وان كان مالهاش اساس - اسمها حرمة الميت

يعني مثلا انت ترضى ان والدك او والدتك يتبرعو بجثثهم - لا قدر الله يعني - لطلبة كلية طب
لو انت رضيت عشان العلم وكدة
انا بصراحة مش هارضاها لا ليا ولا لاهلي (ربنا يحفظهملى ويباركلي فيهم طبعا)

مشكور على الطرح

انا طبعا مقدرش اعمل حاجه زى كده مع ان الهدف فعلا لحاجه كويسه

ايه الموضوع ده ع الصبح انا ايه اللي خلاني فتحته عموما ياجماعة اكرام الميت دفنه وده اللي انا اعرفه يبقى الموضوع ده حرام واللي معترض ع الكلام يرد عليا:av4056bb7jp3:

صعب جدا جدااااااااااااا جداااااااااااااااااا كمان ان اخلى حد ولو كان مين ولو الهدف منه ايه انه يشرحلى جسمى طب مافيه عندكم مجسمات بلاستيكية

اولا اللى اعرفه ان جسمى امانة لربنا وربنا اوصانا نحافظ على جسمنا عشان ده امانة وهنسلمها للخالق

تانى حاجة دايما عندنا الناس تقول مشرحة يبقا الميت هايجى متقطع ومتبهدل يييييييوه وحكاوى كتيرة بقا اجارك الله منها

عندنا الناس بتعتقد ان المشرحة دى بيكون فيها دكتور وماسك ساطور وعمال يقطع فى الميت وزى ماالسادات قال بيزعلوا عليها لما يتشرح اكتر من زعله على فقدانه

انا سمعت الخبر ده فعلا
لكن انا عن نفسى استحاله اقبل ان جثتى تتاخد وتتشرح
حتى لو كنت مش حاسه بحاجه
وعلى رأى العضوه بوسى اكرام الميت دفنه مش تشريحه
واكيد لازم يكون فى نقص فى الجثث لان مافيش حد هيقبل بكده
واللى عاوز يتبرع براحته

طب نفكر مع بعضنا كده

مفيش جثث

الطلبة حيتدربوا على ايه؟؟؟

كده حيطلع دكتور على الورق

ازاي يعرفوا اجزاء الجسم المختلفة ووظائفها وطبيعة عملها

وساعتها مش حيبقى فيه عمليات ولا حتى العمليات البسيطة مش بتكلم على قلب مفتوح

انا بتكلم على لوز او حصوة في الكلى او زائدة

وساعتها حيبقى بنتأخر لورا اوووووي وكأننا رجعنا لايام الكوليرا والملاريا والانفلونزا اللي بتموت الناس

مش عارفه
بس انا اعرف ان اكرام الميت دفنه
بس المشكله انى سمعت ان ليبيا
طالبه من مصر انها تشترى جثث من عندنا
عشان عندهم نقص هناك هى دى بقى المشكله
لانى بجد شايفه ان فى الطلب ده تقليل من كرامه
الانسان المصرى
عموما انا مش هوافق

لا بصراحة انا موافقش انا هخاف ممكن احس ههه

بس انا الصراحة مش هوافق .

الموضوع لسه بيطرح نفسه

لا هما يعملو حركة كويسة
هما يفتحو باب الاحتراف
ونستورد جثث من الخارج
يعنى لازم يتدربو فى جثث الناس
يعنى ميعرفوش يعملو حاجة يتدربو عليها لازم تكون جثة حقيقية
الناس طلعو القمر من زمان يا جماعة