السلام عليكم ورحمة الله وبركاته

بصوا بقى صلوا ع النبى (عليه الصلاة والسلام)

انا دلوقتى فى كلية وطبعا سنه اولى وعندى مشكلة صغيره

انا بحب اقعد ادام وع الحرف فى وش الدكتور على طول

وللاسف ولسو ء حظى الشباب دايما بيقعدوا فى البنش ده فانا بضطر اقعد فى نفس البنش من بعيد يعنى

او بقعد وببقى فى وسط الصبيان كلهم لانهم اعتبروه مكانهم وبيبقى قدامى صبيان وورايا صبيان واحيانا جنبى

والبنات مش بترضى تيجى تقعد فى المكان ده وبيفضلوا يقعدوا بعيد كده ع الطرف وبيبقوا مش شايفين الدكتور ولا السبورة

المهم انا مشكلتى بقى ايه

عايزه اعرف اللى انا بعمله ده عيب ولا لاه وهما يعنى بيفكروا فيا انى بارده وعايزه اقعد جمبهم وخلاص ولا ايه بالظبط

انا مش عارفه اروح اقعد جمب البنات واضيع نص المحاضره عليا

ولا خلينى زى ما انا وكل واحد يفكر زى ماهو عايز ولا اعمل ايه بالظبط

انا قولت اسالكم اكيد الشباب هنا يقدروا يفهموا انا شكلى ادام الدفعه ايه يعنى بالمنظر ده عادى يعنى ولا فى حاجه
واكيد البنات برضه يقدروا يقولولى هما بيعملوا ايه وبيقعدوا ازاى وكده

واكيد مش هتبخلوا عليا بالنصيحه

ومعلش ع الصداع اللى جبتهلكوا بمشاكلى التافهه دى
استحملونى بقى امركوا لله

عليه افضل الصلاة وازكى السلام

هوا انا من رأييى انه عادى عندنا مثلا ممكن تلاقى البنش كله بنات وقاعد ولد فى النصف

بس بالنسبة انك بنت فممكن تقعدى فى اققرب بنش فيه بنات ليكى او فى قدام البنش اللى فيه بنات ده

علشان محدش يقول عنك حاجة


بس هيه عادى

بالنسبة انك بتقعدى علشان تشوفى الدكتور مش اكتر يعنى علشان طلب العلم


ولا صدعتينا ولا حاجة

هوا احسن ليكى تقعدى مع بنات احسن
بس لو مفيش مكان فاضى الا البنش الى فيه الولاد يبقى هتقعدى لان انتى مضطره لكدا
وكمان عشان تقدرى تفهمى كويس من الدكاتره
واصلا المفروض اول صف دا للبنات بس
دا فيه دكاتره عندنا بيوقفو المحاضرة ويفصلو البنات عن الولاد :d

على فكره كان من اربع سنين بس اختى بتقولى كان الصبيان بيقعدوا ورا ويسيبوا البنات يقعدوا ادام
وكمان كانوا بيتكسفوا يقعدوا فى البنش اللى فيه بنات
بس نقول ايه بقى كل شئ بيتغير اهم بطلوا يتكسفوا ومابقوش يقعدوا ورا كمان
العبقرية بقى نزلت عليهم كلهم والشطاره بقى ايه
كلهم يملوا البنشات اللى فى الاول ونتفلق احنا بقى ونتنيل نقعد ورا ان كان عاجبنا
وبجد انا بشكركم جدا انكوا رديتوا
ربنا يكرمكوا

انا شايفة انه عادي انك تقعدي في المكان ده طالما للاستفادة و مش يهمك كلام حد لان الكلام مش هينفعك لما تضيع عليكي نصف المحاضرة

انا شايف انك تقعدي في المكان اللي انتي عاوزاه و بتفهمي منه

محدش يقدر يقولك حاجة

ده مستقبلك

في امان الله

انتى مهتمه اكيد بالسيكشن واكيد مش عايزة حد يقول عليكى اى كلمه
بس متهيالى انك ممكن تجمعى شلتك*بنات* وأقعدوا فى البنش اللى قدام الدكتور
او حتى جمعى بنات عايزين المحاضرة بجد واقعدوا هناك
لو الولاد لقيوكم فعلا عايزين المحاضرة مفيش واحد يجرؤ يقول نص كلمه
بالعكس دول هيحترموكم اوى
لانى متهيالى انك تقعدى فى بنش ولاد بس لوحدك أمر مش ظريف اطلاقا

لا طبعا من رائى ماتقعديش طبعا
ازاى تقعدى فى بينش كله ولاد
عيب ومايصحش
استحملى اقعدى فى اول بنش ممكن بنات تقعد فيه
والله انا بسيب بينش كامل لو ولد بس قاعد وكله بنات
يالا ربنا يوفقنا الى مايحب ويرضى

بصى هقولك على حاجة
حكاية البنات والولاد فى الجامعة عادى انك تقعدى جنب ولد او بنت عادى
سيبك من البنات اللى بتقول مش هنقعد جنبهم وكده
انا عن نفسى المكان اللى بحس انى هشوف منه بروح اقعد فيه بس بستاذن علشان اعرف محجوز ولا لأ
بس عادى
متفكريش فى ان البنات بتبصلك بصه وحشة او كده
سيبك منهم خاااااالص
لو مشينا ورا كلام الناس مش هنروح لا يمين ولا شمال:)
مادام انتى صح وحاسة انك ماشية صح والحمد لله
يبقى خلاص

هو صح انها تبقى قاعدة جمب ولد قصدى ولاد؟
ده حتىلايجوز اتقاء شر الفتنة
الشرع يقول الاختلاط حرام
احنا نقول ممكن نقعد جمب الولاد عادى مش حرام
جدال فى الدين

هو صح انها تبقى قاعدة جمب ولد قصدى ولاد؟
ده حتىلايجوز اتقاء شر الفتنة
الشرع يقول الاختلاط حرام
احنا نقول ممكن نقعد جمب الولاد عادى مش حرام
جدال فى الدين
بس هى مش هتقعد جنبهم علشان حاجة
هى مش بتشوف غير من قدام
والولاد بيقعدوا قدام
يبقى تشيل المادة علشان النظرات
ولا المفروض انها تقعد فى المكان اللى هى بتشوف منه علشان تفهم صح
والله عمتا كل واحد له وجهات نظر
واعتقد اتقاء للفتن زى ما انتى بتقولى
بيبقى فى مسافة كبيرة بين البنات والولاد:)

من ترك شيئا لله عوضه الله خيرا منه

من ترك شيئا لله عوضه الله خيرا منه
والله انا مش شايفة ان فيها عيب او مشكلة بصراحة
يعنى هى تقوم من مكانها علشان حرام منعا باتا تقعد جنب ولاد
ماهى مش بتعمل حاجة غلط
دى قاعدة عادى
و اعتقد ان فى مسافات كبيرة قلتها والله بينا وبينهم
وكل واحد له وجهات نظر
وانت وجهة نظرك علشان الحرام وتجنب الفتن
(مش فاكرة فى حاجة تانى)؟؟
:confused:
انا رايى انها تقعد عادى
مادام هى صح
وانا لو مكانها هقعد

على فكرة
انا بقوم ولاد ساعات من مكانهم
علشان اقعد:)
بقول مش بشوف من بعيد
وهما وذوقهم
ولغايت دلوقت محدش احرجنى

مفيهاش حاجة يعنى:)

والله يابنتى مش عارف اقولك ايه نظام القعدة قدام ده بئا قديم اوى
هو ينفع ايام الثانوى والاعدادى الواحد كان يحب يقعد قدام مش علشان يجاوب
بس علشان الاستاذ ديما كان بيسال اللى وراء علشان يشوفهم مزكرين ولا لا
عمتا نصيحة منى وراء فى الكلية زى قدام اقعدى بين بنى جنسك افضل لان الشباب
والبنات هيبتده يطلعه عليكى كلام وانتى قولتلى بنفسك انهم ابتده يقوله عليكى بارده
بدل ما حد يضيقك احسن ولا ايه

ربنا يوفقنا الى مايحب ويرضى
وبصراحة مش بحب اجادل كتير
انا منهجى سمعنا واطعنا من غير
وجهة نظرى ولا موجهتش ولا الكلام ده
فالتستفت قلبك
طيب طالما هى مش شايفة انه غلط
بتسال فى المسالة دى ليه؟
اكيد فى حاجة من جواها شاكة فى الموضوع
ع العموم
ربنا ييسر الى فيه الخير

لا بصراحة انا شايفة ان ملهاش لازمة خالص
ليه يعنى
انتى تقدرى تسجلى المحاضرة
احسن ما تعرضى نفسك للقيل والقال
ربنا يكرمك يا اية هو دة الكلام المظبوط

والله يابنتى مش عارف اقولك ايه نظام القعدة قدام ده بئا قديم اوى

هو ينفع ايام الثانوى والاعدادى الواحد كان يحب يقعد قدام مش علشان يجاوب
بس علشان الاستاذ ديما كان بيسال اللى وراء علشان يشوفهم مزكرين ولا لا
عمتا نصيحة منى وراء فى الكلية زى قدام اقعدى بين بنى جنسك افضل لان الشباب
والبنات هيبتده يطلعه عليكى كلام وانتى قولتلى بنفسك انهم ابتده يقوله عليكى بارده

بدل ما حد يضيقك احسن ولا ايه


بس عارف يا اسلام
انا قلتلها تقعد قدام ليه
وانا قومت مرة ولد علشان اقعد قدام
بس كان معايا صحبتى
رابع بنش
لاسباب كتيير
اولا الدبلر هما اللى بيكونوا ورا وبيشغوا اغانى ومحدش بيعملهم حاجة
بجانب انهم مش كويسيين اخلاقيا:angry2:
ثانياالسبورة وهى بيتكتب عليها مش بيبان خط بعض الدكاترة وبتتعمد انها تكتب بخط صغير
يبقى هننقل ازاى
وفى بعض الدكاترة بتتعمد انها مش تستخدم المايك
(صوتى وحش يا جماعة)
زى ما دوك/ قبل كده قال
:unsure:
وبعدين اعتقد انك دلوقت موجودة فترة تعتبر الى حد ما طويلة بس مش اوى يعنى شخصيتك وضحت
واسلوبك فى التعامل كذلك
مش قعادك قدام او ورا هو اللى هيحل حكاية الكلام عليكى
المحترم محترم فى كل مكان وفى اى وقت
سيبك من الكلام والنظرات وركزى فى اللى انتى بتسمعيه
ومتبصيش لاى حد
انتى مش عارفة الشعب المصرى ولا ايه؟؟:slap1qk6:
لما انتى تفهمى وتخرجى من السكشن ده فاهمة وهما مش فاهمين
هيعملوا زيك
بكرة تشوفى
انهم هيتسابقوا انهم يحجزوا مكان فى اول بنش اللى هو فيه الولاد
:rolleyes:
وهتقولى
ترافيل قالت:d

فيه راي واحد انا شيفاه صح انك فعلا تجمعي شلت بنات كبيره وتقعدوا كلكوا في بنش واحد بدل ميبقي شكلك وحش لما تخدي مجموعه بنات وتقعدي قدام محدش هيقدر عليكي نص كلمه

تمام كدة
لكن تقعدى انتى البنت الوحيدة فى بنشات ولاد دى ماتنفعش خااالص

بصى يا بنتى
هو عندكوا مدرج واحد يعنى فى المحاضره
يعنى احنا عندنا 3
واحد بنات و واحد ولاد
و واحد اللى هو فى النص بيبقى من ده على ده
بس بيبقى متقسم
الصفين الاولانين بنات
و بعديهم صفين ولاد و كده
المهم يعنى نادر لما تلاقى ولد قاعد جمب بنت الا لما تلاقى بينهم مسافه مترين اساسا
و ده ليه
عشان بتلاقى شله بنات بيحجزا لبعض و قاعدين:romarioxp6:
ده بيمنع اى حاجه

بس عامه لو مقدرتيش خالص
و كان هو مدرج وحيد اللى عندكوا
يبقى الاحسن تقعدى برده جنب بنات:)

فى رعايه الله

والله هو الحل سهل وبسيط جدااااً
أقعدى فى أقرب مكان تقدرى تشوفى منه الدكتور وتسمعيه ويكون اللى قاعدين فيه بنات
وبلاش تتعبى نفسك وتدخلى نفسك فى طور الشك
وعلى الأقل هتبقى قاعده مستريحه
لأن متنسيش إن طول ما إنت قاعده فى وسط صبيان قاعده بنص دماغ وزهقانه ومش عارفه تركزى ومخنوقه وحاسه إن غلط والولد ده مش عارف بيعمل إيه وده بيبصلى أنا إيه اللى جبنى هنه

وإنتى أصلاً فى غنى عن كل ده
ونصحتى ليكى إقعدى فى أقرب مكان يكون كل اللى فيه بنات
وربنا يوفقك

والله انا بشكر كل اللى ردوا فى الموضوع
وان شاء الله هحاول اقنع اصحابى البنات انهم يقعدوا جمبى فى الاول ونبقى مع بعض كلنا احسن
واذا مارضيوش يبقى امرى لله هروح اقعد فى اى حته فيها بنات عشان اريح دماغى
وبجد شكرا انكوا ادتونى رايكم لان الموضوع ده كان شاغلنى اوى
ربنا يجازيكم كل خير

اولا السلام عليكم انا فى زراعة عين شمس السنة الثالثة
تجنبى موضع الشبه وحولى تركزى فى المحاضرة وبس وممكن تقنعى البنات ان المكان دة للبنات والاولاد وليس لاحد دون الاخر وخدى معاكى فى البنش ولو بنت واحدة وجلسى بعيد عن الاولاد وضعى بينك وبينهم فاصل وسوف يحترمون ذلك

انتى مهتمه اكيد بالسيكشن واكيد مش عايزة حد يقول عليكى اى كلمه
بس متهيالى انك ممكن تجمعى شلتك*بنات* وأقعدوا فى البنش اللى قدام الدكتور
او حتى جمعى بنات عايزين المحاضرة بجد واقعدوا هناك
لو الولاد لقيوكم فعلا عايزين المحاضرة مفيش واحد يجرؤ يقول نص كلمه
بالعكس دول هيحترموكم اوى
لانى متهيالى انك تقعدى فى بنش ولاد بس لوحدك أمر مش ظريف اطلاقا
حل 10 علي 10

بصى

انا مع الرأى انك تجمعى صحباتك وتقعدوا ادام

او تقعدى فى اقرب مكان فيه بنات

وبعدين مش شرط اول بنش بس الى تشوفى منه

عندك تقريبا من الاول لحد الرابع او الخامس هتبقى شايفه كويس برضه

بس بلاش تقعدى لوحدك جنبهم عشان اصلا مش هتبقى مرتاحه

وبعدين ايه ده

ازاى بتسيبوهم يقعدوا فى اول بنش وفى نص كمان

احنا عندنا بيقعدوا فى اقصى الشمال

ازاى بتسيبوهم يقعدوا فى اول بنش وفى نص كمان

احنا عندنا بيقعدوا فى اقصى الشمال


بمزاجنا يا دكتور

دي نقطة مهمة ولازم تذكر

:stickjo4::stickjo4::stickjo4::stickjo4: