سؤال محيرنا من سنين
احنا مين ؟
رد عليا طايفتين
الاجابة الأولى صفحتين
قالوا : احنا الغلابة المطحونين
احنا اللى ربينا مبدعين
احنا اللى مسمعناش متشكرين
احنا اللى اتسرق منا السنين
احنا اللى الكل فينا ملطشين
احنا اللى الزمن جار علينا والسنين
احنا اللى ف كل حين متبهدلين
احنا اللى بنسقى ميه ونشرب احنا الطين
احنا اللى بأمانة مطحونين
احنا اللى حاسين بغربة . طول عمرنا تايهين
احنا اللى ضاعت مننا العناوين
احنا الغلابة المكبوتين
احنا افقر ناس وسط المملينين
احنا اللى لما نجحنا فى الكادر المتين
فرحنا أصلنا للفرح مشتاقين
علشان 100 أو حتى متين
فرحنين متشكرين
وحياة ابويا ممنونين
دلوقتى بس نقدر نفوت ع الجزارين
نقدر نصيف نقدر نبلبط ع البسين
والاجابة التانية ناس عاقلين
ناس تحس من كلامهم ناس هاديين
قالوا: احنا اللى اتقال علينا ورثة النبيين
احنا اللى تقال علينا اقرب الناس للمرسلين
احنا اللى طلبوا الناس يقفوا لنا مبجلين
احنا اللى حملنا الرسالة فرحنين
كانت الاجابة حسب النموذج غلطنين
الاجابة الصح مش مهم ان احنا نعرف احنا مين ؟
المهم هما يعرفوا احنا مين ؟
ونحس بكيانا ونشوف حنين
نشوف احترامنا فى العنين
ساعتها بس ممكن نقول احنا مين
ساعتها بس هيموت فينا الأنين
ساعتها بس نختار اجابة من قوسين
ونقول بفخر : مدرسين مدرسن

شعر
نعيم زمزم
الرائد المثالى لجمهورية مصر العربية
والمعلم المثالى للدقهلية
ونتيجته فى الكادر مية مية

تسلم إيدك يا أستاذ نعيم

(( ضاقت ولمّا استحكمت حلقاتها فرجت وكنت أظنها لا تفرج ))

من الواضح أن الكادر بدأ يفجر فينا طاقات الشعر والزجل ..
مشكور أيها الزميل على الشعر..

أية الحلاوةدى يا أستاذ نعيم
بارك الله فيك
تستاهل الرائد المثالى فعلاً
ياريت تقو لنا كل اللى عملته علشان تاخد الرائد المثالى
ولك جزيل الشكر

فى الحقيقة شروط الحصول على الرائد المثالى عديدة منها :
1- الالمام التام بوظائف الريادة
2- وجود سجلات كاملة لدى الرائد
3- للحصول على مركز متقدم على مستوى الجمهورية لابد من وجود شىء مميز
4- بخصوصى انا فلى مؤلفين ساعدانى كثيرا فى الحصول على الرائد المثالى هما كتابى : الريادة واهميتها فى العملية التعليمية
والثانى كيف تكون معلما ناجحا
5- الهم من كل ذلك ان توقن اولا واخيرا بأن جزاء اخلاصك فى عملك من الله وفقط
جزاكم الله كل الخير
نعيم زمزم

بسم الله ماشاء الله
والله العظيم مبدع

جميلة القصيدة .....ايا ريت مزيد من الابداع وربنا يوفقك

شكرا لكل الزملاء الذين علقوا على الشعر وممنون للجمع

لا والله ما شاء الله حلوة ومعبرة جدا عن حالنا