خبر غير سار ..........

مضطر أن أقوله لكم ....
بل ومضطر إلى أن أتكلم معكم باللهجة العامية ..

(((( فاكرين مشهد الديكتاتور من مسرحية تخاريف محمد صبحي ..... لما قال :

أنا عايز معايا حكومة واعية .. حكومة تلعب بالبيضة والحجر ...
ادو الناس في الأول علاوة يفرحوا بيها ــــــــ بعد كده هنرجع منهم أضعاف أضعافها .. زودولهم فواتير الكهربا وفواتير الغاز ــــــــ احنا الحق يتقال شعبنا جميل .. يتسرق ويسقف .

وتقريبا والله أعلم دا اللي بيحصل ..


وإليكم الخبر الغييييييييييييييييير سار

بدأت عندنا فعلا لجان من الوزارة عمليات (((( التطفيش )))))

إيه بقا عمليات التطفيش .... إعادة إحصاء العجز والزيادة في كل مدرسة وكل من كان وكيلا أو ناظرا سيعود إلى مادته الأصلية وسيرشح للطلاب ــ والمصيبة الأكبر .. ان سلطة المديرية بقت مطلقة .. بمعنى .. أنك لازم تسد العجز على مستوى المديرية كلها يعني المحافظة كلها وليس على مستوى الإدارة ...
يعني ممكن تروح تتنقل على الحدود يا ريس .........
ايه مش عاجبك والا ايه ؟؟؟؟؟؟؟ ما انت اخدت الكادر .. والبلية لعبت معاك ....

لا ودلوقتي كمان جاري من الوزراة التفكير في تقليل العدد اللي نجح .. يعني اللي عليه جزاءات ومشاكل ومش عارف ايه .. مش هياخد الكادر ..

تعرفوا الكلام دا بتاطع التطفيش انا كنت بسمعه بقالي كام سنة .. لكن اللي دفعني اني اكتب الموضوع ان فعلا بدأ امبارح في مدرسة أعدادي عندنا وشالوا كل المدرسين الزيادة وطفشوهم
واللي مش عاجبه يشرب من البحر أو يعني ممكن يخبط دماغة في الحيطة ..

والمصيبة الأكبر فعلا من كده ... ان المدارس هتخسر أولادها .. لان كل واحد فينا هينقل وهوه مجبر

فطبعا عمره ما هيبدع في مجاله ...

وإليكم الطامة الكبرى ............ هذا معناه بداية الانهيار الفعلي للمعلمين والتعليم في مصر .

معلشي ــ بس فيه نقطة بسيطة ...

ويارب تكون صح ..

أنا فكرت وقولت ـــــــــ ما يمكن الموضوع دا بتاع التطفيش يمكن يبقى زي قانون المرور ــ ياخدلوا يومين كده وهوجة عرابي وبعد كده ينفض والانجليز يحتلوا البلد ـــ وترجع ريما ..

بس والله مش عارف ربنا يلطف بينا كلنا ...

ويا جماعة .. اللي عنده زي كده في محافظته يقول على طوووووووووول ...

احنا هنا أسرة واحدة ــ والله لا تقل عن أسرتي الحبيبة في مدرستي العسكرية .

فى المنصورة ايضا تم التطفيش

فى المنصورة ايضا تم التطفيش

أجمل حاجة يا سوزوكي ــ ان اول مشاركة ليك معانا تبقى تطبيقة سياسة التطفيش

عموما شكرا على مرورك الجميل

وأهلا بيك معانا في بيتك الثاني منتدى البوابة .

شكرا يا غيور يا شهم .
ما يحدث ليس فى كل المحافظات ولاكنه اجتهاد شخصى لترزية القوانين والحاقدين من القيادات التعليمية الغير مستفيدة .
لا تقلق اخى الكريم . وانا اتوقع عنف من جانب المعلمين تجاه هؤلاء المطفشين وبامر الله احنا اللى هنطفشهم .
سؤال يا خوية محمد؟ هى ثورة عرابى كانت هوجة ؟ ولا التعبير على سبيل التقريب لما يحث فى ارض الواقع؟
تقبل خالص احترامى وتقديرى

يا جماعة الكلام ده مش جديد الحكاية من البداية عملية خصخصة للتعليم

عندنا مليون معلم ونصف مليون ادارى لن تنفع معهم حكاية المعاش المبكر انما ينفع معهم نظام التطفيش والعكننة وقلة الذوق

والكلام ده سبق وقلته من شهرين حيث قلت ( ما هو قادم هو الاسوء على الاطلاق)

المهم الحل هو ان لا نعطيهم فرصة لتطفيش الناس وخاصة الوكلاء الذين بدأو فى مغادرة مدارسهم فعلا

لذا ارجو من كل زميل ان يكون صبورا وطويل البال حتى يتغير الحال

صدقتنى يا اخى الحبيب محمد لما قلتها كتير ومحدش مصدقنى النتيجة يوم ... والكارثة وراها جايه ولسه الكوارث بس اما تقبض اول زيادة هيشغلونا ( أنفار ) -- تصدق يا استاذ محمد انى مدرس من 1993 شفت العذاب اللى محدش شافه ابدا انا من المنوفية واتعينت فى البحيرة على بعد 3 ساعات مواصلات -- 3جنيهات لمدة 8سنوات متتالية ورغم ذلك كنت راضى واعمل بمنتهى القوه لأن التلميذ ملوش ذنب -- لسه باقى الظلم اوعى تكون زهقت منى الآن اعمل منذ 7 سنوات فى آخر حدود ادارتى المدرسة اللى محدش راضى بيها ابدا -- وبرده الحمد لله انجازات متواصلة بفضل من الله وحده الأولى على الإدارة وعلى المحافظه . فى النهاية اقولك سيبها للمولى عز وجل -- وهى دنيا وستنتهى ومش هناخد منها حاجة الا العمل الصالح .

فعلاً الكلام ده بدأ عندنا فى الدقهلية

أخى العزيز أستاذ احمد وسية
العجز والذيادة فى مدرستنا من سنتين ولابد أن يكمل كل مدرس نصابه القانونى
فهذا الكلام ليس جديد وخصوصا فى محافظة الدقهليه
ويتم التطفيش إصلاً لكل مدرس أستلمت التعيين متأخر عن زملائه

والله المستعان

امبارح انتظرنا الفرج من الشرقية فى موضوع حوافز ال75% واليوم جاءنا منها خبر ((((التطفيش )))) هى كده حكومتنا بتعمل اللى يضر الشعب هوى انما الخير لسه يستنى ويستنى نكون خرجنا ع المعاش !!!!!!!!!!!! والان نكون واقعيين هيطفشوا مين قبل مين؟؟ يعنى المدرسين اللى خرجوهم برة مدرستهم اختاروهم على أى أساس؟ هل هم الوكلاء حتى لا يكون فى المدرسة كبيرة العدد أكثر من 3 وكلاء كما قالت اللائحة التنفيذية؟؟ والا المدرسين الأحدث تعيينا أم ماذا ؟؟ رجاء الافادة يا استاذ محمد أفادك الله..........

وفعلا تم ذلك فى مدارس نوسا البحر - مركز اجا - دقهلية
وايضا مدرسة السلام بقرية السلام بفيشا بنا طفشو ا المدرسين الجداد ونقلوهم مدارس ابعدمن مكان اقامتهم

امبارح انتظرنا الفرج من الشرقية فى موضوع حوافز ال75% واليوم جاءنا منها خبر ((((التطفيش )))) هى كده حكومتنا بتعمل اللى يضر الشعب هوى انما الخير لسه يستنى ويستنى نكون خرجنا ع المعاش !!!!!!!!!!!! والان نكون واقعيين هيطفشوا مين قبل مين؟؟ يعنى المدرسين اللى خرجوهم برة مدرستهم اختاروهم على أى أساس؟ هل هم الوكلاء حتى لا يكون فى المدرسة كبيرة العدد أكثر من 3 وكلاء كما قالت اللائحة التنفيذية؟؟ والا المدرسين الأحدث تعيينا أم ماذا ؟؟ رجاء الافادة يا استاذ محمد أفادك الله..........

أختي الفاضلة أستاذة هدى .

الموضوع باختصار مادي واقتصادي من الدرجة الأولى..

الوزارة عايزه تلغي عقود المدرسين المتعاقدين في الأماكن النائية ..

يعني ياعيني كل المتعاقدين هيباتوا في الشارع ... واحنا نسد مكانهم احنا مين بقا .. الأحدث تعيينا ..

والحكومة اللي تلم المكسب

خد باليمين وهات يا معلم بالشمال .

قال رسول الله صلي الله عليه وسلم
(لا يأتي زمان إلا والذي بعده شر منه)

اخى الكريم اود ان اطرح امامك مثال واترك الحكم لضميرك : فى مدرسة ثانوية صناعية للبنات يوجد عدد 29 وكيلة ثقافية وفنية من كل التخصصات وهم من اصحاب المرتبات الكبيرة والا عمل لهم على الاطلاق سوى التوقيع حضور وانصراف ولازال امامهم سنوات على المعاش وعندما يطلب منهم تدريس اى عدد حصص تجد القمسيون جاهز فما رأيك فى مثل هؤلاء ؟

الموضوع حقيقى لان المقررة بدات تا خذ بيا نات المدرسين

ياجماعة فى بلدنا الحبيب مصر غالبية المسئولين ينقبوا على أى شئ يعكر صفو المدرس دول ناس عايزين الإباده
حسبي الله ونعم الوكيل
لا بيدوروا على شرح لمدرس ولا مستوى طالب ولا اى شئ ايجابي دايما بيدوروا على الهيافات

قلم وبرايه واستيكه

أختي الفاضلة أستاذة هدى .

الموضوع باختصار مادي واقتصادي من الدرجة الأولى..

الوزارة عايزه تلغي عقود المدرسين المتعاقدين في الأماكن النائية ..

يعني ياعيني كل المتعاقدين هيباتوا في الشارع ... واحنا نسد مكانهم احنا مين بقا .. الأحدث تعيينا ..

والحكومة اللي تلم المكسب

خد باليمين وهات يا معلم بالشمال .
ما هو ده المعروف والطبيعى يا استاذى انما اللى عاوزة اعرفه اكتر اللى هيخرج من المدرسة الوكلاء على حسب اللائحة التنفيذية بحيث لا يزيدوا عن 3 للمدرسة التى عدد فصولها 40 فصل وهكذا أم المعلمين الأحدث تعيينا ؟؟

ما هو ده المعروف والطبيعى يا استاذى انما اللى عاوزة اعرفه اكتر اللى هيخرج من المدرسة الوكلاء على حسب اللائحة التنفيذية بحيث لا يزيدوا عن 3 للمدرسة التى عدد فصولها 40 فصل وهكذا أم المعلمين الأحدث تعيينا ؟؟

أقول لسيادتك ..
فعلا ــ هيفضل في المدرسة 3 فقط للإدارة المدرسية العامة ..

والباقي هيدرس زيه زي أي مدرس ...

لكن الخبر الكويس اللي سمعته انهارده في المدرسة //
إن فيه جمعيات وأقسام ومجموعات هتاخد شكل تاني ــ وسيضاف فيها أسماء الناس اللي المفروض تمشي أو تدرس من الوكلاء .. يعني تحايل

وكل قانون وله ثغراته ..

هو الشعب المصري هيغلب ..

واحنا وراهم والزمن طووووووووووويل

الوكلاء أوكل اليهم تدريس حصتين والا تلاتة بالكتير فى الجداول و احيانا يتم اسنادهم من الباطن الى المدرسين ويوضعوا بشكل صورى فقط للوكيل لكن جماعات واقسام ايه اللى بتقول عنها؟

وفي الاسماعيلية ايضا

فعلا حصل فى البحر الاحمر هو على مستوى الجمهوريه هذا النظام

شاركت بموضوعك وكان لى تساؤل ..رجائى مراجعة ردى السابق

شكرا يا غيور يا شهم .
ما يحدث ليس فى كل المحافظات ولاكنه اجتهاد شخصى لترزية القوانين والحاقدين من القيادات التعليمية الغير مستفيدة .
لا تقلق اخى الكريم . وانا اتوقع عنف من جانب المعلمين تجاه هؤلاء المطفشين وبامر الله احنا اللى هنطفشهم .
سؤال يا خوية محمد؟ هى ثورة عرابى كانت هوجة ؟ ولا التعبير على سبيل التقريب لما يحث فى ارض الواقع؟
تقبل خالص احترامى وتقديرى

أستاذي الفاضل .. أكيد التعبير على سبيل التقريب ....

وطبعا أقصد .. ان نهاية ثورة عرابي والحركة العرابية كلها .. نهاية مأساوية باحتلال الانجليز مصر ..

يعني افتكرت بصراحة كلمة سعد زغلول الله يرحمه

مفيش فايدة

انا فى مدرسة اعدادى وكان عندى اشراف عام وكان فيه اربعة وعشرين حصة احتياطى بسبب التدريب والعارضة الخ وعندنا اربع وكلاء قاعدين فى الشمس
انا دخلت حصتين احتياطى مع ثلاث حصص يعنى اشتغلت خمس حصص
وزميلى فى الاشراف اخذ 3 حصص مع حصصه الاساسية 2
انا فى رايى ان منصب الناظر والوكيل ليس له اى لزوم فى المدرسة
كمان الاداريين لازم يدخلو لجان مراقبة ويشتغلو مساعدين للمعلمين فى حفظ وترتيب ملفات التقويم الشامل
احنا عايزين نقلة بجد وبنظام مش بعشوائية
ويكون هدفها المصلحة العامة

قطع الكادر وسنينة هو اية اللى بيحصل للتعليم بتاعنا دة والله العظيم لو اسرائيل دفعت الفلوس اللى وراها واللى قدامها علشان تجند خونة لتدمير النعليم فى مصر ماكان هايتم بالصورة الفظيعة اللى خبرائنا فى التعليم قاموا بتدميرة من وضع مناهج كلها حشو الطالب يذاكر النهاردة وينسى بكرة ومعلم فى مشاكل مادية لاحصر لها وخدوا المعادلة دى:
منهج فية حشو +مدرس مكتئب مهموم--------, تعليم فاشل

بجد ربنا يستر انا مش عارف في ايه بالظبط مفيش شئ جميل يمر من غير قلق ومن غير مصائب بعد مصيبه الكادر لسه في ارف تاني بصراحه ربنا يسترها

انا زعلان من الاستاذ محمد عبد العظيم
طلبت منه طلب ولم يرد
وعايز اعرف اخبار صحة الوالدة شفاها الله
سيد نصار
مدرس فلسفة
الزقازيق

بالفعل بدأت هذه السياسة عندنا في أسوان حيث قامت المديرية بطلب إحصاء لجميع المدرسين وأنصبتهم وبدأت عملية إعادة توزيعهم حسب الأنصبة الجديدة ، كما صدرت قرارات بإلغاء ندب العاملين بالمكافأة ، حتى في المواد التي بها عجز صارخ.

وفي النهاية أشكر الأستاذ محمد عبدالعظيم لتطرقه لهذا الموضوع الذي كنت أنوي بدأه ، لكن طبعا هو دائما سباق ولا ننكر فضله الهائل علينا جميعا

يا جماعه الوضع عندنا في القاهره زي اللي بتقولوه ده تمام بس مش تطفيش ولا حاجه لغايه دلوقتي
اللي بيحصل ان اي لجنه او موجه بيجي ياخد بيانات المدرسين كامله والعجز والزياده كل سنه لانه في خطه ان كل مدرس ياخد نصابه كامل ....
والمدرس اللي بيلاقوة نصابه في الحصص مش كامل بياخدوه يكمل حصص سواء من ابتدائي او ثانوي ... يعني يخرج المدرس اذا كان اعدادي انتداب جزئي لثانوي او ابتدائي لسد العجز في المرحله دي
وده بيحصل من حوالي 3 سنين عندنا وانا من الناس اللي طلعت كذا مره انتداب جزئي
حاولوا تهدوا بس والمدرس يمسك اعصابه في الفصل لانه بالعربي كده العين علينا وكل يوم يصطادوا مصيبه وينشروها في الجرايد والمواقع
وربنا يسترررر

انا زعلان من الاستاذ محمد عبد العظيم
طلبت منه طلب ولم يرد
وعايز اعرف اخبار صحة الوالدة شفاها الله
سيد نصار
مدرس فلسفة
الزقازيق

انا ماقدرش على زعل حضرتك يا مستر سيد ــ

أؤمر وفكرني بالطلب ــ انا آسف الفترة اللي فاتت كنت مشغول .. سامحني

وبالنسبة لوالدتي الحمد لله بقت بخير

بالفعل بدأت هذه السياسة عندنا في أسوان حيث قامت المديرية بطلب إحصاء لجميع المدرسين وأنصبتهم وبدأت عملية إعادة توزيعهم حسب الأنصبة الجديدة ، كما صدرت قرارات بإلغاء ندب العاملين بالمكافأة ، حتى في المواد التي بها عجز صارخ.

وفي النهاية أشكر الأستاذ محمد عبدالعظيم لتطرقه لهذا الموضوع الذي كنت أنوي بدأه ، لكن طبعا هو دائما سباق ولا ننكر فضله الهائل علينا جميعا

شكرا لمرورك الكريم مستر نصر

وأهلا بك زميلا وصديقا عزيزا ــ نتواصل معا من أجل رفعة التعليم في مصر ــ مستعينين بالله

يا جماعه الوضع عندنا في القاهره زي اللي بتقولوه ده تمام بس مش تطفيش ولا حاجه لغايه دلوقتي
اللي بيحصل ان اي لجنه او موجه بيجي ياخد بيانات المدرسين كامله والعجز والزياده كل سنه لانه في خطه ان كل مدرس ياخد نصابه كامل ....
والمدرس اللي بيلاقوة نصابه في الحصص مش كامل بياخدوه يكمل حصص سواء من ابتدائي او ثانوي ... يعني يخرج المدرس اذا كان اعدادي انتداب جزئي لثانوي او ابتدائي لسد العجز في المرحله دي
وده بيحصل من حوالي 3 سنين عندنا وانا من الناس اللي طلعت كذا مره انتداب جزئي
حاولوا تهدوا بس والمدرس يمسك اعصابه في الفصل لانه بالعربي كده العين علينا وكل يوم يصطادوا مصيبه وينشروها في الجرايد والمواقع
وربنا يسترررر

مستر أيمن باشا .... واحشنا يا راجل ..

لكن أن عايز اوضحلك نقطة مهمة جدا ..

موضوع التوزيع والعجز والزيادة والندب الجزئ زمااااااااااااان كان كوم

ودلوقتي يا ريس بعد الكادر بقى كوووووووووووووووم تااااااااااااني خالص ..

ليه بقا ..

زماااااااااان كنا بنعرف نتصرف ــ يا إما الكوسة بتشتغل أو المرضي أو الانقطاع وبعدين ربنا يفرجها .. أو المعارف في المديرية والنيابة الإدارية تضغط على الموجهين ,,

وكانت المركب بتمشي ..

بس التطفيش المره دي ــ هيبقى بجد ... لأنه بدأ عندنا فعلا ... وبدون سابق إنذار ..

وكأنهم بيحاولوا يفشوا غليلهم وغيظهم فينا لأنهم غلطوا وادونا الكادر .... ولازم ينفذوا قرارات الرئيس الحكيمة الحكيم .

وما تنساش اللي قاله محمد صبحي ..

خد باليمين وهات يا معلم أضعاف اللي خدته بالشمال .
وعمااار يا مصر

طفشها طفشها هم يضحك

قطع الكادر وسنينة هو اية اللى بيحصل للتعليم بتاعنا دة والله العظيم لو اسرائيل دفعت الفلوس اللى وراها واللى قدامها علشان تجند خونة لتدمير النعليم فى مصر ماكان هايتم بالصورة الفظيعة اللى خبرائنا فى التعليم قاموا بتدميرة من وضع مناهج كلها حشو الطالب يذاكر النهاردة وينسى بكرة ومعلم فى مشاكل مادية لاحصر لها وخدوا المعادلة دى:
منهج فية حشو +مدرس مكتئب مهموم--------, تعليم فاشل

هههههههههههههههههههههههههههههههههههههههههههههههههه ههههههههههههه

Do for your world as if you would live forever.Do for your everlasting world as if you would die tomorrow

اعمل لدنياك كأنك تعيش ابدا واعمل لآخرتك كأنك تموت غدا

وحسبنا الله ونعم الوكيل

لنا الله جميعاً

شالوا الدوا حطوا شاهين الدوا قال ما احناش لاعبين

اخى الكريم اود ان اطرح امامك مثال واترك الحكم لضميرك : فى مدرسة ثانوية صناعية للبنات يوجد عدد 29 وكيلة ثقافية وفنية من كل التخصصات وهم من اصحاب المرتبات الكبيرة والا عمل لهم على الاطلاق سوى التوقيع حضور وانصراف ولازال امامهم سنوات على المعاش وعندما يطلب منهم تدريس اى عدد حصص تجد القمسيون جاهز فما رأيك فى مثل هؤلاء ؟
كلهو مجوزين رتب ولهم كوسة والغلابة تشيل

منهج فية حشو + مدرس مكتئب مهموم = تعليم فاشل
ظبط المعادلة بس يا مستر (عمدة) جواد
وبعدين ماله الحشو لو كان مكسرات.....عشان رامى بلاش تزعل كده

فى البحيره فعلا بدء هذا النظام

انا فى مدرستى طبقوه

لكن عدم وجود الصف الثانى الثانوى عطلهم شويه

مستر أيمن باشا .... واحشنا يا راجل ..

لكن أن عايز اوضحلك نقطة مهمة جدا ..

موضوع التوزيع والعجز والزيادة والندب الجزئ زمااااااااااااان كان كوم

ودلوقتي يا ريس بعد الكادر بقى كوووووووووووووووم تااااااااااااني خالص ..

ليه بقا ..

زماااااااااان كنا بنعرف نتصرف ــ يا إما الكوسة بتشتغل أو المرضي أو الانقطاع وبعدين ربنا يفرجها .. أو المعارف في المديرية والنيابة الإدارية تضغط على الموجهين ,,

وكانت المركب بتمشي ..

بس التطفيش المره دي ــ هيبقى بجد ... لأنه بدأ عندنا فعلا ... وبدون سابق إنذار ..

وكأنهم بيحاولوا يفشوا غليلهم وغيظهم فينا لأنهم غلطوا وادونا الكادر .... ولازم ينفذوا قرارات الرئيس الحكيمة الحكيم .

وما تنساش اللي قاله محمد صبحي ..

خد باليمين وهات يا معلم أضعاف اللي خدته بالشمال .
وعمااار يا مصر

شكرا لردك يا باشا

تصدق بالله والله ما عاوز الكادر ده خااالص ولا ليه لازمه ال 75 %
دي مش امتحانات وبس دي مجزره وعاوز اعرف اخرتها اييييييييييييييييييه :040vk0:

في أغلب المدارس يوجد زيادة فى بعض المواد وزيادة في عدد الوكلاء ومن الطبيعي في ظل (( الكادر )) انه يشغل الناس دى .

ياباشا اكيد ده كلام صحيح

الغاء التعاقدات ومنع التعينات
ورفع النصاب

وكل من هو تحت القياده الاولى يدرس
وبكده تنتهى العجز فى التدريس
والفلوس اتوفت بعدم التعيين وتوفير المرتبات من التعاقدات والعجز

والانصبة الجديدة هاتبقى ايه؟ حد يعرف؟؟؟؟

ياباشا اكيد ده كلام صحيح


الغاء التعاقدات ومنع التعينات
ورفع النصاب

وكل من هو تحت القياده الاولى يدرس
وبكده تنتهى العجز فى التدريس
والفلوس اتوفت بعدم التعيين وتوفير المرتبات من التعاقدات والعجز


شغل خطير يا أخي والله

قانون الكادر ارحم ولا مبدا قيد الزميل واحد تم التعييين فى القرار معانا ولم يدخل الجيش لو الخدمه العام وبعد 9 سنوات

اشتكى اننا ترقينا وهة لا عمل الجهاز المركزى للمخاسبات مناقضة وتم سحب الدرجة وسنة الجيش وخم المبالغ باثر رجع لاكثر من 1000 مدرس هل شفتم فى الدنيا قيد الزميل ربنا يستر علينا

مفيش كلام من اللي انتم قلتوه ده
الوضع سيبقى كما هو واتحدي اي سلطة في البلد تطبق النصاب الجديد للمعلم و كذلك عدد الوكلاء
علشان من المنطق من يريد الافساد لا يمكن ان يسعى للاصلاح

مش عارف ليه كثير من الزملاء بيتحملوا علي الوكلاء الوكيل كان من قبل مدرس وكان بياحذ جدول مثلك انا شخصيا وانا مد رس اشتغلت 30 حصة في الاسبوع ومش عارف الوكلاء عندكم ميبشتغلوش ازاي احنا عندنا في ادارتنا الوكلاء يقومون بكل العمل وعلي سبيل المثال كل وكيل يقوم بالشراف اليومي علي دور من الادوار الي جانب انه يسند اليه عدد من الحصص في حالة العجز الي جانب ان الوكلاء يقومون باعمال النظارة طوال فترة الصيف في الوقت الذي يستريح فيه المدرسون ولا يدخلون المدرسة وعلي فكرة الكلام الذي تناقشونه ليس جديدا وعليكم ان ترجعوا الي القرار250 المادة الثالثة علي التحديد وهي تنص علي اسناد جدول للوكلاء الزائدين في حالة العجز فقط وهذا ايضا يعني ان الوكيل الذي يسند اليه جدول لايسند اليه عمل اداري صدقنيانا افضل الجدول علي عملي كوكيل لشئون الطلاب

كل الكلام ده كويس ورنان ويقطع القلب لكن هنعمل ايه مقاطعة احنا والحمد لله جبناء من الدرجة الاولى احتجاج مستحيل طبع ولكن الحل ذى ما كل المدرسين بتعمل بص وشوف واسمع ولاتفعل
المظلوم معاكم

جارى التطفيش فى المنوفية

ربنا يكملها بالستر ويعطينا الصحة قولوا امين

بصراحه رجوع الوكلاء الى التدريس لايفيد التلاميذ بل يضرهم كثيراً

الأستاذ الفاضل:
ما المقصود بالجمعيات والأقسام والمجموعات التي قلت أنها تحل مشكلة التهديد بالنقل؟

:abdoog8:أما الفلوس اللي هيدوهالنا هيجيبوها منين
لام هيشغلونا أكثر بالأنصبة الجديدة والحصص الزيادة
عشان معينوش أحد ولا يدفعوا فلوس أخري للمدرسين الجدد
أما بالنسبة لكبار المعلمين ( الوكلاء والنظار والمديرين ) الذين لا عمل لهم
فقد وجدوا انهم يأخذون مرتبات بدون وجه حق وهذا لا يجوز

الحمد لله وحسبنا الله فى الذين لا هم لهم الا تنغيص حياتنا واصابتنا بالتوتر والضيق ارجو من جميع الزملاء التكاتف والصبر وان يطلع كل منا الاخر] على ما يحدث من مستجدات ويكون لنا رد منسق ومتزامن يكفل لنا عدم الظلم فلا ظلم اشد مما نحن فيه من غموض

يا جماعة اهدوا بالعقل كده مش منطق ان مدرسة يبقي فيها 20 مدرس زيادة في مادة واحدة ومدرسة تانية تعانى من عجز صارخ المفروض اننا اصحاب رسالة نؤديها في اى مكان
بلاش ضجيج بقي

والله انا كنت هتجنن امس لما سمعت بالمادة 155 لدرجة انى اعتقدت انها زي المادة 247 بتاعة مجلس الامن

عمار يا مصر

شكرا لمرورك الكريم مستر نصر

وأهلا بك زميلا وصديقا عزيزا ــ نتواصل معا من أجل رفعة التعليم في مصر ــ مستعينين بالله

ونعم بالله ...........
شكرا لك أخي الكريم على ردك الجميل وحفاوتك البالغة
أود أن أضيف أن الغريب في الأمر في ظل زنقة الوزارة ، واحتياجها الشديد لأن تغطي تزايد الفصول المستمر بزيادة الأنصبة للمدرسين والاستغناء عن المتعاقدين ، تعمد في الوقت ذاته إلى انتشال بعض المدرسين من مدارسهم وتفريغهم من حصصهم سعيا لضمهم إلى ما يسمى فريق الإعتماد والجودة ويعمل تحت قيادة كل منهم إثنين من فريق الدعم الفني الذين يعمل تحت قيادة كل منهم أربعة من فريق الميسرين ، الذين يقدمون الدعم الفني لأربعة من المدارس لكل منهم فنجد أن إدارة ما ، بها مثلا 96 مدرسة تحتاج إلى تفرغ 33 مدرس مرة واحدة
مفارقة غريبة !!! أليس كذلك.

ليت الزمان يعود يوما ههههههههههههههههههههههههههه وعجبى اعذرونى

انا اعرف المدرس اول 19 حصه فى الاعدادى

أنا أيضا سمعت هذا الكلام فى مدرستى صلاح سالم بكوم حمادة بحيرة

فعلاً الكلام ده بدأ عندنا فى ادارة المنزلةالتعليمية بمحافظة الدقهليه وربنا يستر

بسم الله الرحمن الرحيم
ليه نقول تطفيش يعني الوكيل يشتغل 3 او 4 او 5 حصص في الاسبوع وعاوز يقبض اخر الشهر
طيب لازم نسد العجز علي مستوي المديريه في مدرسين في اماكن نصابهم الاسبوعي 4 حصص ومدارس الي الان لم يحضر بها مدرس دا حرام ولا حلال ردوا علياوانا اعرف مدارس لا يوجد بها مدرسين في بعض مواد التخصص التعليم في مصر حيتطور بينا
المعلم ضمير والتلميذ امانه اذا ضاع الضمير ضاعت الامانه

بسم الله الرحمن الرحيم
ليه نقول تطفيش يعني الوكيل يشتغل 3 او 4 او 5 حصص في الاسبوع وعاوز يقبض اخر الشهر
طيب لازم نسد العجز علي مستوي المديريه في مدرسين في اماكن نصابهم الاسبوعي 4 حصص ومدارس الي الان لم يحضر بها مدرس دا حرام ولا حلال ردوا علياوانا اعرف مدارس لا يوجد بها مدرسين في بعض مواد التخصص التعليم في مصر حيتطور بينا
المعلم ضمير والتلميذ امانه اذا ضاع الضمير ضاعت الامانه

هل تعتقد ــ أن من مصلحة الطلاب ( الأمانة ) أن يشرح لهم في جميع المواد الدراسية وكلاء المدرسة ؟؟
هل تعتقد ــ أن الوكيل الذي ترك التدريس منذ أكثر من عشر سنين ويزيد ـ سيعود ويشرح بنفس حيوية المعلم ؟؟

أعتقد ــ طبعا لا ..

وفعلا ــ عودة الوكيل والناظر للشرح ــ إنما هو قنبلة موقوتة ستنفجر في الأجيال القادمة

هل تعتقد ــ أن من مصلحة الطلاب ( الأمانة ) أن يشرح لهم في جميع المواد الدراسية وكلاء المدرسة ؟؟
هل تعتقد ــ أن الوكيل الذي ترك التدريس منذ أكثر من عشر سنين ويزيد ـ سيعود ويشرح بنفس حيوية المعلم ؟؟

أعتقد ــ طبعا لا ..

وفعلا ــ عودة الوكيل والناظر للشرح ــ إنما هو قنبلة موقوتة ستنفجر في الأجيال القادمة
مش معاه شهادة من الاكاديمية بتقول انه اجتاز اجتاز اجتاز
كل واحد حصل على الشهادة دي صالح للتدريس

كل هذا التكدير!