السلام عليكم ورحمه الله وبركاته



الغش في كل مكان

لو كنت متفائـل أكثر من اللازم.. أنصحك بعدم قراءة الموضوع

**********

بكل براءة عملت موضوع عن اللبن المغشوش المضاف إليه بودرة سيراميك و سماد اليوريا و زهرة غسيل و الخ الخ الخ.. قام واحد كتّر خيره شكله كده عالم ببواطن الأمور رد الرد التالي:

**********

هيّ المشكلة في اللبن ؟
خد عندك
- اللبن النيدو المصري مضاف اليه دقيق- عن تجربة عملية - خصوصا البتاع الصغير بتاعو ابو جنيه وربع - عصير المانجو اللي في محلات العصير 70% منه مش ليه علاقه بالمانجو اصلا..ده قرع عسلي.. بمرأى العين.. وسلامي للحاج فرغلي -اللانشون والبسطرمة.. اللي المفروض مكتوب عليها لحم بقري خالص حلال.. مفيهاش ريحة اللحمة اصلا.. دي سقط حيوانات مدبوحه مفروم مع بهارات وتوابل وجيلاتين وعضم فراخ وبالسم الهاري.. تحياتي للحاج صلاح والمعلم عبفتاح..
- انواع الهامبورجر المنتشره في السوق (عدا نوعين تلاتة) كوكتيل من البهارات وماده جيلاتينية بتبقي مبطنة لجلد الحيوانات بعد الذبح وبتتباع من المسلخ الطن منها بـ 250 جنيه تقريبا ..
الطن منها بيستخدم (بعد الغلي في قدور كبيرة مقززة في مناطق لاادمية باستخدام عصاية شبه المجداف كده للتقليب) وبيعمل حوالي 500 عبوة (زنة 1 كيلو برجر) بتتباع بـ 10 جنيه
الصحة تقفل المصنع ( او بير السلم) وصاحبه يلبس قضية غش تجاري محترم ياخد في الآخر حكم غرامة بـ 10 الاف جنيه او حبس سنة ..وغالبا بيدفع الغرامة ويخرج يأجّر بير سلم تاني وتبدأ عجلة العمل من جديد.
********

- علب الزيت الـ1 كيلو بتاع القلي ام 6 جنيه و7 جنيه دي- اللي لونه غامق قوي ومش شفاف دي - اصلا زيت مستخدم من محلات الفول والطعمية بيعاد تجميعه في عربيات بتنك زي بتاعة اللبن كده وبتتفلتر بادوات بدائية جدا عشان تشيل بواقي القلي اللي فيها ويعاد تعبيتها في زجاجات - مستعملة مسبقا ومعاد غسلها بالمية والصابون- وبتتعبى يدويا بقمع بلاستيك وتتبرشم بماكينة برشمة تمنها 3 الاف جنيه.. وبيع يامعلم
الزجاجة البلاستيك من الزبالين.. الدسته بجنيه.. طن زيت مستخدم الكيلو بيتاخد من المطعم بـ 25 قرش.. قمع بلاستيك قول 10 = 5 جنيه .. وماكينة برشمه بـ 3 الاف بالكتير
تكسب في الطن 2000 جنيه مستريح جدا.. ويتحرق اللي بيشتروا بجاز.. جاز مش نضيف زي الزيت اللي اشتروه
- الحلاوة الطحينية اللي في المحلات.. عليه اكسيد تيتانيوم عشان تاخد اللون بتاعها
وبعضها مفيهوش ريحة السمسم اصلاً.. عليها دقيق وفورمالين عشان تمسك نفسها.. اصل الدولار بقي غالي فالسمسم غالي والزبون عاوز الارخص مش الانضف
- فلاتر ميه الشرب.. بتفلتر الطعم (عبر ازالة الكلور) والريحة (عن طريق الفلتر الكربوني) لكن المعادن التقيله اغلبها مبيتفلترش اصلا الا في الفلاتر الاكتر من 3 مراحل.. سلام كبير اوي لفلاتر تانكة

**********



- سمك المزارع السمكية..بياكل دم ومخلفات عمليات الذبح عشان يكبر بسرعة
- فراخ المزارع.. من كتكوت عمره يوم لفرخه كاملة وزنها كيلو علي الاقل الي كيلو و200 جرام بياخد 19 يوم..حقن هرمونات في الاكل وميه الشرب.. علما ان الفرخة الطبيعه عاوزه 4 شهور عشان تقرب من الحجم ده
ده غير مزرعة فراخ امريكانا اللي في برج العرب اللي بتورد الفراخ لمطاعمهم ..اول مره في حياتي اشوف فرخه وزنها 4 كيلو ونص كان هناك.. ومش بتعرف تمشي.. وعندها حاجة من الجنب كده بالتدقيق اكتشفت انها: مشروع جناح
-طلمبة البنزين الـ 92 والـ 95 في البنزينات دلوقتي.. الطلمبتين بياخدو من خزان ارضي بنزين واحد ..مهي اصل الطلمبة ذكية ..بتميز الـ 92 من الـ 95
- محلات الحلويات اللي بتبيع الحلويات للشرقية بالسمن البلدي.. ولابلدي ولانيلة دي معموله بسمنة صناعي وعليها مكسبات طعم زي اللي بيستخدموها ف المصانع

-الجبنة الرومي القديمة.. مش قديمة ولانيلة برضه..هما يعني هيعتقوها عشان حضرتك تستمع ويركنها في المخزن 6 شهور؟
بيضيفو هيدروكلوريد اسيد تركيز 30 %.. عشرة لتر لكل طن جبنه وتتكتم في قبو قديم معفن 24 ساعه وتطلع قديمة وطالع عين امها كمان

********** -


اكياس البلاستيك: اكياس البلاستيك اي لون (غير الشفافة المفروض انها بتتصنع من رولات بولي ايثيلين خام)
الواقع ان اغلبها عبوات بلاستيك (ميه وبيبسي) وبيتم تسيحهم في افران وسحبهم على شكل رولات تاني.. ودي ارحم من الاكياس البلاستيك السوداء اللي مصدرها مخلفات المستشفيات والمراكز الطبية (حقن - سرنجات - كانيولا - فلاتر - اكياس دم مستعمله - قساطر بوليه مستعمله..) - عبوات المياه المعدنية اكوافينا (انتاج مصانع بيبسي) عن مصدر مقرب الميه دي لابئر جوفي ولانيله.. حتي مفيش عنوان للمصدر علي عبوات القزايز
دي بخار الميه الناتج عن التكثيف في خطوط انتاج البيبسي .. بدل ماتتهدر وهم بيفعو عليها فلوس لمصلحة المياه قرروا يجمعوها في تانكات ويعبوها في قزايز ويستغلو شبكة التوزيع الضخمة بتاعتهم توزع ميه مع البيبسي وبسعر ارخص من سوق المياه المعدنيه باكتر من 50 قرش ق الزجاجه..(محدش خد بالو من طعم البيبسي في الميه دي؟)
- صابون غسيل الوجه وكريمات البشرة والشعر المنتشره في السوق(من غير الانواع المعروفة) ياريت حد يبقي يحللها يمكن نعرف نوصل للمركبات اللاارضية اللي بيستخدموها فيها

**********
ا

لسادة بقي ضرّيبة المخدرات (طالما بنتكلم عن الغش التجاري باعتبارهم مستهلكين هم كمان):
- الحشيش..مش حشيش ولاحاجة ده عجينة من الحنا واللبان الدكر ونسبه بسيطة لاتتجاوز .,4 من الكميه والزيت اللي ع الحشيش ده مش زيت دخ ماكستون فورت ..
في الاخر .. كلها اعشاب طبيعيه
- البانجو..في الاغلب مش بانجو..نعناع وبذر طماطم مجروشين وعليهم شويه شاي محروق (عشان الريحة بس) ..اهي كلها نباتات
- البودرة.. مش بودرة بردو.. دي اقراص ريفو مطحونة ..كل 10 اقراص عليهم قرص رهبانول وبيتحطو في ورقه فويل وتتسخن تحتها ولاعه (عشان ياخد اللون البيج بتاع الهورايين) وقسم وبيع تذاكر يامعلم .. كلها ادوية صداع

**********

http://forums.myegy.com/images/new.smiles/bored.gif عمــــــــــــــــــــــــار يا مصر http://forums.myegy.com/images/new.smiles/sad.gif

انا من الناس المتفائلة جداااااااااااااا
ومع ذلك قرأت الموضوع ومصرة على تفاؤلي لاني مهمه او ف الحياة ولو ما غيرتش او اضفت عليها حاجة يبقى ماليش لازمة عشان كده هاستمر ف العطاء ولو بالقليل والمتفائلين بس واللي عندهم امل وثقة ف التغيير بس هما اللي هايغيروا بجد ف الحياه
قد يكون كلامي جاد بعض الشيء
لكن حته ضحك صغيرة كده

عشان بصراحة عمالة اضحك اوي على بتاعة المخدرات دي
يعني الواحد لما يحب يتعالج طبيعي بالاعشاب يعني
يحشش
وانا اقووووووووووووول الل بيحششوا دول صحتهم بتبقى تمام ليييه اتاريهم بيشبا اعشاب كل يوم ومن انواع محدده يعني شوية شوية وهايعملولهم نظام صحي ويومي يمشوا عليه قبل وبعد التحشيش

بجد مش هزار عمار يامصر
ثانكيو ع المعلومات الغالية اوي دي

انا المفروض انى مت من زمااااااااااااااااااااان اوى
يلهوى مش ناكل خالص عشان نريح الناس كلها
ولا نشرب عشان البلوى قالى بتحصل ف نيل
فعلا مصر عمار

يا عم خلاص جبت لي اكتئاب والله بالموضوع ده
بتفكرني باحمد المسلماني الله يمسيه بالخير بتاع الطبعه الأولى
هو اللي بيجيب الأخبار دي بالتفصيل و بالصور كمان
ابقى اتفرج عليه بيجيب حاجات حلوه
بييجي الساعه 8.30 على دريم 2 ماعدا يوم الجمعه
بس بجد انا ماكنتش اعرف كل ده
ابقى اخد بالي بعدين
او اهج من البلد دي بدل ما الجهاز الهضمي بتاعه تتغير ملامحه

على فكره حرام عليك بجد
انا قرفت من كل حاجه حواليا
يعنى الواحد بيبقى شاكك وساكت
لازم تاكدلنا المعلومات المهببه دى يعنى
وبعدين حتى الحشيش بيغشوه (يعنى رضينا بالهم والهم مش راضى بينا سبحان الله)
طب ايه الحل بقى فى كل البلاوى دى يعنى
بلاش ناكل احنا بقى ولا نشرب يعنى
ياريت تقترح علينا حلول زى ماقترحت المشاكل
ولا بلاش لحسن تقولنا روحوا ارموا نفسكوا من فوق برج القاهرة احسن(ههههههههههههههه)
معلش بقى ربنا يصبرنا ع اللى احنا فيه هنقول ايه بس

حرااااااااااااااااااام عليك بطنى وجعتنى

شكرا لمروركم
وعمار يامصر

ايه يابنى الحلاوة دى
يا غشاش

بجد عليك ذكاء نادر يامحمد
وموضوعك تحفة

موضوع ممتاز والله بجد
ربنا يكرمك

متفائل جداااااااااااااااااااااااااااااااااااااااااااااااا اااااااااااااااااا

متفائل جداااااااااااااااااااااااااااااااااااااااااااااااا اااااااااااااااااا
طب كويس انك متفائل :)

الحمد لله ان احنا لسه عايشين

ههههههههههههههه
حسبى الله ونعم الوكيل حتى كمان مفيش ضمير فى البانجو و الحشيش ههههههههههههههه
اقول حاجه

الدنيا خربانه على راى الشاعر يا نهار ابيض بس على فكرة فى بعض النقط انا سمعت عليها وفعلا صح

الحمد لله ان احنا لسه عايشين

الحمد لله
ههههههههههههههه
حسبى الله ونعم الوكيل حتى كمان مفيش ضمير فى البانجو و الحشيش ههههههههههههههه
اقول حاجه

الدنيا خربانه على راى الشاعر يا نهار ابيض بس على فكرة فى بعض النقط انا سمعت عليها وفعلا صح
وما خفي كان اعظم
شكرا علي المرور

انا اصوم افيدلى:redface: ..ايه البلاوى ديه فيه حاجات كنت اعرفها من الاول وفيه جديدة خالص عليا ولا كانت تخطر على بالى زى حكاية المياه ديه وكتييييييييير:confused: ...يللا ربنا يسترها ويحفظنا :).....بس شكرا بجد عالمعلومات بعد كدة هنتبه كتير:)

انا اصوم افيدلى:redface: ..ايه البلاوى ديه فيه حاجات كنت اعرفها من الاول وفيه جديدة خالص عليا ولا كانت تخطر على بالى زى حكاية المياه ديه وكتييييييييير:confused: ...يللا ربنا يسترها ويحفظنا :).....بس شكرا بجد عالمعلومات بعد كدة هنتبه كتير:)

لسة فية معلومات كتير بس محدش واخد بالة
وشكراللمرور :)

ايه ياعم الموضوع ده خلا ص مبقاش في تفاؤل خالص

ايه ياعم الموضوع ده خلا ص مبقاش في تفاؤل خالص
شكرا للمرور :huh:

انا مش هقول حاجه غير اللى انت قولته



http://forums.myegy.com/images/new.smiles/bored.gif عمــــــــــــــــــــــــار يا مصر http://forums.myegy.com/images/new.smiles/sad.gif

مصر خربت ...............ولسة

انا مش هقول حاجه غير اللى انت قولته



http://forums.myegy.com/images/new.smiles/bored.gifعمــــــــــــــــــــــــار يا مصرhttp://forums.myegy.com/images/new.smiles/sad.gif
فعلا عمار يامصر :(

مصر خربت ...............ولسة

لسة وما خفي كان اعظم
وشكرا للمرور

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

http://i508.photobucket.com/albums/s321/doaa_photos/359ddff7.gif

ايه يا عم انت مش فاهم هما بيعملوا كدة ليه
يا عم ده بداية للتقدم ولسه هنشوف.....:040vk0:
هي مش عملية الrecycling او عملية اعادة التصنيع زي ما بيقولوا عليها
بتعتبر بداية للتطور
وحكاية غش المخدرات دي احسن حاجة عملوها



و زي ما قال الزعيم مصطفى كامل
(لا يأس مع الحياة )


بس الشعار الصح هو بتاع سعد زغلول
(مفيش فايدة)

اشطة اوى عشان كدا احنا صحتنا زى البمب وناكل الزلط (جت عليه)

اشطة اوى عشان كدا احنا صحتنا زى البمب وناكل الزلط (جت عليه)
والله الواحد خايف يفرضوا علي الظلط ضرايب او يعلو سعرة هو كمان ربنا يستر :(

ايه يا عم انت مش فاهم هما بيعملوا كدة ليه

يا عم ده بداية للتقدم ولسه هنشوف.....:040vk0:
هي مش عملية الrecycling او عملية اعادة التصنيع زي ما بيقولوا عليها
بتعتبر بداية للتطور
وحكاية غش المخدرات دي احسن حاجة عملوها



و زي ما قال الزعيم مصطفى كامل
(لا يأس مع الحياة )


بس الشعار الصح هو بتاع سعد زغلول

(مفيش فايدة)

مفيش فايدة
http://i508.photobucket.com/albums/s321/doaa_photos/359ddff7.gif
ميرسي وشكرا علي المرور انما القادم دة عندي ملفا ت ا كتير بس خايف افتحها :)

تلات اربع الكلام اللى حضرتك قلته000
ماكنتش اعرف عنه حاجة-للأسف
نورت عنيا على حجات كتيره جدا
ربنا يكرمك

سوري بجد بس الموضوع دة هيتحذف لان العملية مش ناقصة تفائل /:d
وسلبي اوي وكان مكتوب في ظروف صعبة :d
.وخلي عندكم امل ياجماعة وتفائل الحياة حلــــــــــــــــــوة :d