اولا سلام عليكم
وكالعادة الموضوع باين من عنوانه
انا هتكلم فى نقطتين
بس مش عايز اسمع الجملة العبيطة ( اسباب ادارية )

احب اعرف رفع مشرف عن الاشراف اسبابه ايه


عينتو محمد ناصر مشرف على العام قولنا ماشى لعله خيرا

انما اللى حصل
تم رفع الاشراف عن محمد ناصر دون سابق انذار
طب ايه العلة فى كدا ( وبلاش الجملة العبيطة )
دلوقتى الكل عارف اننا فى دراسة
انا مثلا هدخل يوم
وشرين يوم
ومحمد ناصر يوم
دلوقتى حصل خلل تم رفع الاشراف عن محمد من غير اسباب
افيدونا فى هذا
مع العلم ان جرس الفسحة كان عليه ثلاث مشرفين وعادى خالص
::::::::::::::::::::::::::::
النقطة التانية
دلوقتى تم تعين اداريين
عايزين بردو نعرف على اى اساس تم اختيارهم
لو هنتكلم مثلا عن محمود ( اللورد )
هنلاقى مشاركاته متتعداش 600
مع العلم انه بقا مشرف سوبر قبل ما يكمل 500 مشاركة
ومن شروط الاشراف اللى حضراتكو كنتو مصدعينا بيها ( لا بد ان تكون مشاركات العضو اكثر من 500 مشاركة لكى يصبح مشرفا )
فهل دى قوانين على ورق وبتمشو اللى بمزاجكو وكدا يعنى
واللا ايه النظام
انا مش بهاجم اللورد ولا حاجة بس القانون قانون
الواحد معدش فاهم حاجة
وكانه نكرة فى المنتدى كالعادة يعنى

تقريبا معظم الاعضاء مش موافقة على اللى بيحصل ومحدش يقول 0 مين دول )

فياريت تفيدونا
وفى الاخر وبكرر مش عايز اسمع الجملة العبيطة ( اسباب ادارية )
بردو مش عايز الموضوع يتنقل قسم الممنوعات
دمتم زى ما انتم

كوسة بكوسة

وبناء على اسباب عبيطة تم رفع اشراف

وللعلم انت كنت بعد ساعة انت و2 مشرفين هتكونوا اداريين

بس يلا كوسة واسباب عبيطة

انا مش هتكلم ولا هعلق بكلمة
لان انا تعبت نفسيا من كل اللى بشوفه
انا حزين على الوضع ده
ومش هعلق
قرارت غامضة ومش مفهومة
نفاق من ناس
بنخسر كل يوم ناس نشيطة ومحترمة
الله جاب الله خد الله عليه العوض

كوسة بكوسة

وبناء على اسباب عبيطة تم رفع اشراف

وللعلم انت كنت بعد ساعة انت و2 مشرفين هتكونوا اداريين

بس يلا كوسة واسباب عبيطة



انا نفسى اعرف حاجة وحده بس
انتا ليه بتعين ناس بتطلب الاشراف
مجاش فى بالك ان اللى بيطلب الاشراف
بيكون هدفه الاول انه عايز يكون مشرف
مش بيكون عايز يخدم اللى عايزين يخدمه كتير
بس عمرهم مطلبه الاشراف
اللى بيطلب الاشراف ده بيكون عايز يبئا مشرف
لما عضو يجى يقولك عينى مشرف
الطبيعى انه هيقولك انه عايز يخدم الموقع
طيب ما فى مليون واحد بيخدم الموقع وعمره ما طلب الطلب ده
اللى بيكون طالبه ده رقم واحد عنده السلطة بس
بيقول عايز يخدم كامبرر علشان يقنعك
والمنتدى خسر مشرف كفاء تانى
مش قادر اسمى اللى بيحصل ده غير بحاجة وحده بس
(مذبحة المشرفين )
ياريت تقراء بتين الشعر اللى فى التوقيع دول كويس
والله العظيم ده ملخص لمعظم المشرفين القادمين واللى عندى علم بااسمائهم
لان من كتر فرحتهم با انهم هيتعينه بقوا يتصرفه
على انهم مشرفين بالفعل وبيتشرطه من اولها
لا تعليق وفى انتظار المزيد من عمليات القتل

اسلام انت عاجبك طريقة الكلام بتاعه

لما يتريق على الادارة ويقول اسباب عبيطة وكويسة ده نظام شخص هيكون اداري


واطن انت رشحته اداري

ولو بص شويا كان ليه ان محمد ناصر بقي مشرف سوبر وما ينفعش يكون على قسم غير اقسام الركن بتاعه كله

انما كل بيخبط وخلاص

ايه الي بيحصل دا يا جماعة ؟؟

بجد مش فاهمة حاجة

ايه يا استاذ اشرف

ما احنا قلنا نبعد المواضيع الشخصية عن الاشراف والشغل في المنتدى

ما كل واحد فينا ليه معاك مواقف وكلمك باسلوب فيه حدة وعصبية

محمود يترفع اشرافه ليه

دا من احسن المشرفين الي هنا

خلاص المشرفين الكويسين بدأوا يتصفوا من المنتدى

اسلام انت عاجبك طريقة الكلام بتاعه

لما يتريق على الادارة ويقول اسباب عبيطة وكويسة ده نظام شخص هيكون اداري


واطن انت رشحته اداري

ولو بص شويا كان ليه ان محمد ناصر بقي مشرف سوبر وما ينفعش يكون على قسم غير اقسام الركن بتاعه كله

انما كل بيخبط وخلاص


هو كان بيوضح وجهة نظره يا استاذ اشرف

وتوضيح الوجهه مش جريمه يعاقب عليه المنتدي صح ولا انا غلطان يا استاذ اشرف

هو معجبوهاش حاجه في المنتدي فحب يقول رايه بس يا استاذ اشرف

وحضرتك عارف انه من احسن مشرفي المنتدي

فياريت يا استاذ اشرف منخسرش مشرفين زياده عن كده

على فكرة محمود اترفع اشراف علشان كنت بعينه اداري

ويا ريت يا جماعة لما اقول اسباب ادارية ما حدش ينقاش

اسلام انت عاجبك طريقة الكلام بتاعه

لما يتريق على الادارة ويقول اسباب عبيطة وكويسة ده نظام شخص هيكون اداري


واطن انت رشحته اداري

ولو بص شويا كان ليه ان محمد ناصر بقي مشرف سوبر وما ينفعش يكون على قسم غير اقسام الركن بتاعه كله

انما كل بيخبط وخلاص

ماشى اسلوبه زفت
وهو يستحق رفع الاشراف والايقاف
والقتل كمان
انا مش هتكلم عن محمد ولا هجيب سيرته
انا هتكلم عن عمليات التعين ورفع الاشراف
وعن الاسباب الادارية
قولنا مليار مرة المشرف الادارى ليه موصفات خاصة
مش اى حد ينفع يكون مشرف ادارى
ده احنا بنعمل انتخابات علشان مشرفين الاقسام وبيكون عليها ترشيحات
وبيدخلها ناس على درجة كبيرة من الكفاءة
مشاركتهم بتعدى ال2000 والثلاثة
مجيش النهارده اعين ناس معاها 500 مشاركة ولسه مبقلهاش شهر فى المنتدى
انا بعتلك وقولتلك الطبيعى انك تلاقى اعتراض من عضو على مشرف اتنين تلاته
انما مش اجماع على انه لا يصلح
والله العظيم لزم يكون شخصية المفروض المشرف الادارى يكون
شخصية لزم يكون معروف لزم يكون ليه راى
يعنى شخصية شخصية شخصية من هنا الى مالا نهاية
والله العظيم الادارى التانى اللى هتعينه منافق وفتان ومن اكتر الاشخاص نفاقا فى المنتدى
ويوت فى نقل الكلام وعمل الكوبى والبست للاعضاء و التوقيع بنهم
ومش هقول اسمه وانا عارف وانتا عارف انا اقصد مين
احنا الاكتر احتكاك بالاعضاء ونعرف مين الكويس ومين الوحش
الاداريين ومشرفين الاقسام
انا تعبت انا مش هعلق انا هتفرج
او هعمل بنصحكت هعمل فى صمت
بس المشرف اللى حضرتك هتعينه بالنسبة ليا الغلطة الاولى ليه هتبئا الاخيرة معايا
وخد الجملة دى عندك برنت علشان تعملنى بالمثل برضه والكل يتعامل بالمثل من هنا وطالع
مش هعترض على اى ادارى تانى يتعين ومش هقول خربانه خربانه
علشان مش هسمح لحد انه يهد كل اللى اتبنه علشان اهواء شخصية او حب سلطة او يبئا
تحت اسمه مشرف او ادارى او مدير
ده منتدايا انا وانا اكتر واحد هيدافع عنه سوء كنت مدير او عضو

ما تقلقش الاداري التاني مش هيتعين

قصدك على سعيد

ومش عايز الناس تحكم على محمد المشرف الاداري الجديد لما تشوف شغله

ليه كلنا بقينا عباقرة في لحظة وما شفناش الراجل

محمد كان مشرف الهواتف وبقي مشرف الشروحات وبقي مشرف سوبر

والجميع ملاحظ نشاطه الكبير في الركن القرية الذكية ولما يكون اداري مش شغال اكيد هيتشال لاسباب ادارية

فاعطوا للرجال فرصة

خلاص كله يلم عزاله ويروح على بيته الموضوع انتهى يا جماعة الحمد لله

كله يروح يشوف شغله :)

ولو بص شويا كان ليه ان محمد ناصر بقي مشرف سوبر وما ينفعش يكون على قسم غير اقسام الركن بتاعه كله




استاذ اشرف انا مش فاهم معني اخر جمله دي ايه ياريت توضيح

هفتتح شغلي واسمحوا ليا هحذف الموضوع

بعد اذن استاذ اشرف

اولا شكرا على اللى حصل يا اشرف
وبردو مش هعلق ( لان كلامى وصل واهو بيتناقش ) ودا هو اللى منت عايزه
بغض النظر عن اللى حصل
:::::::::::::::::::::
دلوقتى المنتدى ماشى على قوانين
فيا نطبقها على الكل
يا اما نلغيها ونعمل غيرها تتماشى مع حضراتكو
علشان منسيبش فرصة لامثالى انه يعلق او يوجه نقد ليكو
ياريت بس تكون فهمت كلامى ( مش بحب التهور )
لان حضرتك بردو خرجت عن القوانين
انا قولت فى موضوعى
ان انا مش ضد محمود بعينه ( انا ضد اللى ضد القوانين )
هو دا اللى انا وصلتو لحضراتكو

قدر الله وما شاء فعل

هرد تانى
وباسلوب كويس بردو

استاذ اشرف انا مش فاهم معني اخر جمله دي ايه ياريت توضيح


يعني المشرف السوبر بيكون مشرف على ركن والركن بيكون فيه اكثر من قسم

فما ينفعش المشرف السوبر يكون مشرف على قسم بعيد عن اقسام

لانه هيكون مشرف عادي تحت قيادة مشرف سوبر للركن وده ما ينفعش

يعني انت مشرف سوبر لركن العلماء والاذكياء

شكلها ايه لما تكون مشرف سوبر وتحت قيادة مشرف في الركن العام

وصلت

هفتتح شغلي واسمحوا ليا هحذف الموضوع

بعد اذن استاذ اشرف


يلا شغاااااااااااال

هو دول الاداريين بتاع الحذف

شكلك هتكوني رئيس الموقع لو فضلتي كدااااااااا

ههههههه