حوار بناء نود إقامته حتى نستفيد ونساعد على تلافي الآثار السلبية لنتيجة الكادر فشاركنا الرأي من خلال طرح ماحدث في مدرستك

ارى ان المدارس فعلا تاثرت . واتوقع ان تتاثر اكثر عندما يحصل الزملاء على مستحقاتهم المالية ويجد بعض الزملاء ذلك امام اعينهم ويجدون انفسهم محرمون من حق كان بين ايديهم وليس لهم ادنى ذنب او دخل فى ضياعه .
ولاكن هو رزق من عند الله وربنا يوفق .

بالطبع تاثرت المدارس فمن خلال جولاتى اصبح معنويا على الاقل اصاب الكثير من الاحباط وخيبة الامل ونحن نعلم مايجرى فى مجتماعاتنا من المعايرة بانه عنده مادة تربوى اوتخصص اوعربى وفى الفصول ضرب للدروس الخصوصية عندما يقال انت رايح عند فلان ده ليه ده ساقط ولكم جزيل الشكر

ستتأثر المدارس تأثرا بالغ السوء لأن ممن لم يوفقوا أناس مشهود لهم بالكفاءة و منهم من يساعد زملاءه ليفاجاء ان النتيجة غريبة بعض ممن مستواهم متواضع نجحوا و بعض المميزين داخل مدارسهم رسبوا و اعرف كثيرا منهم و لا الناجح عارف لماذا نجح و لا الراسب عارف لماذا رسب ليفاجا المدرس ان زميله تضاعف مرتبه و هو كمت هو او من هو احدث منه يسبقه في الراتب و اكثر من ذلك نظرات التلاميذ و المجتمع الناقدة او المستغربة لهذا العك و ربنا يحمي مصر من هذه الفوضي

لا لم اتأثر اطلاقا ببس يمكن احس بالكادر وافرح لما اقبض ربنا يسهل

كون المدارس تتأثر او التلاميذ او العملية التعلمية بنتيجة الكادر امر مشكوك فيه ولا بد من بحثة لان المعلومات المتوفرة لدي انهم اموات والميت في دنيا المادة لا يحث ولا يتأثر ولكن في اعتقاد من يؤمن بالاخرة فسواء نجح او رسب فانه يعمل لما يؤمن به

اكيد فيه تأثير على العملية التعليمية بسبب نتيجة الكادر لانها غير عادلة اطلاقا

أكيد فيه تأثير مباشر على العملية التعليمية وابسط شىء لما الوزير يقول وداعا للأقدمية؟ يعنى مثلا مدرس أول بيشرف على مدرسين أصغر منه وأحدث منه وفى الإمتحان العجيب همة ينجحوا وهو يرسب؟يعنى همه يشرفوا عليه0000خصوصا اذا كانوا على نفس الدرجة المالية؟

طبعا كل المدارس اتأثرت

بالنتيجه

حتى نفسية المدرسين اتغيرت

المدير لم يوفق فى الامتحان والمصيبه انه لم يوفق فى الثلاث اختبارات واللى جاب له النتيجه مجموعة من المدرسين بالمدرسة عددهم 8 وكانو مش قدرين بيلغوة بيها وافتكرهم زوغو من المدرسة وهاج وماج اللى ان عثر عليهمفى المكتبه ولما علم بالنتيجة قفل مكتبه وانصرف ولكن تانى يوم كان الخبر وصل لكل المدرسين مش اللى فى المدرسة بس ولكن اللى فى الوزارة كلها /////وبدء اليوم الدراسى والمدير مقدرش يحضر الطابور وجلس بمكتبه ولكن النتيجه لحقته داخل مكتبه// وبدء المدرسين يدخلو له معزين سيادته وشد حيلك وشهر 8 قريب وخيرها فى غيرها والله احنا زعلنا قوى على سيادتك//////فما كان من سيادتة قفل المكتب وروح ومعدش بيجى المدرسه /////واصبح ضحية من ضحايا الكادر --------------------[

الطف بنا يالطيف وهون على من أصيب واخلفه في مصيبته
والشكر للجزيل لمن مر وشارك

والله انا نجحت لكن مصيبتى فى زملائى الذين لم يوفقوا حالتهم النفسية لاتحتمل والوزارة منها لله
حطمت الامال كما حطمت من قبل مكانتنا
:angry2:

اولا الف مبروك للمدرسين الناجحين
والله العظيم احنا عملنا ورش عمل عندي في مكان مخصص لذلك وجمعنا الماده العلميه من الانترنت وطبعنا مذكرات وتعبنا وذاكرنا يعني راجعنا الدروس مع بعض مدرسين اعدادي وثانوي في ماده الرياضيات والمواد التربويه واللغه العربيه وكنا نستعيين بمدرسيين لغه عربيه والمواد التربويه من علي الانترنت وربنا وفقنا جميعا والف مبروك لكل من
1 الاستاذ / بدوي السيد معلم اول أ رياضيات مدرسه الثانويه بنات بكوم امبو
الاستاذ / عبد الناصر حميدان معلم اول أ رياضيات مدرسه الثانويه بنات بكوم امبو
الاستاذ / محمد عبد الفتاح معلم اول أ رياضيات مدرسه السيده نفيسه الاعداديه للبنات بكوم امبو
الاستاذ/ مصطفي يس معلم اول أ رياضيات مدرسه الثانويه الصناعيه بنات بكوم امبو
الاستاذ / محمود بسطاوي معلم اول أ رياضيات مدرسه الثانويه بنين بكوم امبو
الاستاذ / محمد حسين صالح معلم اول أ رياضيات مدرسه الثانويه الصناعيه بالرغامه بكوم امبو
الاستاذ / احمد ابراهيم معلم اول أ رياضيات مدرسه الثانويه الصناعيه بنات بكوم امبو
الاستاذ / عادل جوهر معلم اول أ رياضيات مدرسه الثانويه الصناعيه بنات بكوم امبو
الاستاذ/ كمال سعيد معلم اول أ علوم مدرسه السيده نفيسه الاعداديه بنات بكوم امبو
الاستاذ / علي مختار معلم اول أ علوم مدرسه فاطمه الزهراء الاعداديه بنات بكوم امبو
الاستاذ / محمد احمد حسن معلم اول أ رياضيات مدرسه الثانويه بنين بكوم امبو
الاستاذ / جمال احمد معلم اول أ رياضيات مدرسه الثانويه بنين بكوم امبو

الكادر حطم الامال واحبط النشاط

1) مدير مدرسة اعدادى لم يحالفة الحظ وكان شعلة من النشاط ويتبارى فى عملة وبعد النتيجة احبط تماما
واهتم بمصلحتة الشخصية قفط فباظت المدرسة
2) وكيل مدرسة ثانوى لم يحالفة الحظ ايضا فى مادة التربوى يندب حظة لانة يجلس فى المدرسة من الساعة السابعة صبحا حتى الخامس م بعد ذلك لم يلتزم باى شئ مما احدث خطا فى الغملية التعليميه
اكرم يارب اكرم يارب

طبعاً تأثرت المدرسة بنتيجة الكادر الغير عادلة التى جعلت نفسية مدرسين كثيرين فى الحضيض
وأنا واحدة منهم فلم أعد المعلمة النشيطة المتطورة دائماً الحاصلة على دورات تدريبية فى مجالات كثيرة
وقائدة فريق الجودة و التميز فى المدرسة و................................................. ........................
ولكن بعد إعلان النتيجة أصابنى إحباط وليس لدى أى قابلية لعمل أى شىء
إحباط إحباط إحباط .................................................. .....................................

طبعا المدراس علي مستوي الجمهورية تاثرت تاثير بالغ السوء اولا :من نجح اصابه الغرور في مقتل (بطل يشتغل في الفصول) وثانيا :الراسب حدث ولا حرج(بطل يدخل الفصول) ثالثا :القيادات( قفلت المكاتب وروحوا لما رسبوا )رابعا :المؤجل للعام القادم (بيدخل ويخرج من الفصل كمثل من لدغته نحلة) وعليه العوض ومنه العوض

عياد
مدرس اول لغة انجليزية - معجب بالمنتدي جامد اووووووووووي

أعرف مدرس أول تاريخ ثانوي
كان يقوم بكل امال المدرسة و نشيط و منظم
لكن الكادر كان له راي آخر
المدرس راسب رغم كل النشاط ده
المدرس من يومها رفض الذعاب للمدرسة
الزملاء بيحاولو معاه و ربنا يستر

وكيل المرسة رسب في التربوي بطل يحضر للمدرسة وحزين جدا و اعضاءالمدرسة كلهم بيسخروا منه مع انهم غشوا
عياد

بالطبع حدث تأثير ولكن ليس بصورة كبيرة ولكن سيحدث إنفجار على غير المتوقع عند صرف الكادر وتوقعى الشخصى أنه ستحدث مشاجرات لا حصر لها فى المدارس لإزدياد الضغوط النفسية والمالية على الكثير من المعلمين وشاغلى الوظائف التعليمية وأبدى إعجابى الشديد لتعليق أحد الأعضاء فى المنتدى وهو [
كون المدارس تتأثر او التلاميذ او العملية التعلمية بنتيجة الكادر امر مشكوك فيه ولا بد من بحثة لان المعلومات المتوفرة لدي انهم اموات والميت في دنيا المادة لا يحث ولا يتأثر ولكن في اعتقاد من يؤمن بالاخرة فسواء نجح او رسب فانه يعمل لما يؤمن به ]

المدارس تاثرت خد مثلا وكيل المدرسة لم يوفق في التربوي خلاص انقطعته علاقته بالمدرسه وراح واخد اعتيادي
عياد
مدرس اول لغة انجليزية

فيه حاجه كمان مهمه من ادي الامتحانات في كليات ظلم ظلم بين لدينا ادارة في محافظة البحيرة ادت الامتحان في احدي الكليات ومن هنا كانت النتيجه مخيبه للامال بدرجة كبيره عكس من ادي الامتحان في المدارس بنسبة غش عاليه ومن هنا من ادي الامتحانات في كليات اصيب باحباط ومن اداها في المدارس وزع الشربات
عياد

حسبى الله ونعم الوكيل

حسبى الله ونعم الوكيل

حسبى الله ونعم الوكيل

شكرا لكل من شارك

استحلفكم بالله انا نجحت لكن حالة زملائى صعب
ارفعوا شعارلا لكادر الظلم

عندنا في المدرسة عند ظهور النتيجة كنت في تدريب و عند العودة طبعا قالوالي كل اللي دخلوا الامتحان نجحوا لكن المشكلة في اللي ما دخلوش زعلنين و بيندموا علي عدم دخلهم الامتحان لانهم اللي سمع كلام مدرسين بلا نقابة و مدخلوش الامتحان و اللي مستني الدرجة لكن حاسة ان الافضل الكل يتساوي و يقبض افضل للجميع
انا كنت طابعة النتيجة لاحدي الزميلات قفالت لي زميلة اخري لم تدخل الامتحان كدة انتي علشان نجاحتي فخبيت الورقة علي طول امال عند الصرف ايه اللي حيحصل

انا بقي والحمد لله نجحت بس المدير والمديره كل واحد فيهم جاب ماده سواء تخصص او تربوي

المديره كل ما تشوف حد نجح تقول اشمعني اناااااااااااااا بقي ده ينجح وانا لاء ليه هههههههههههههه

ربنا يصبرها يارب ويصبر كل اللي داخلين علي المرحله الجايه ان شاء الله

هل هذا عدل ؟؟؟؟
مجموعة من زمايلنا بيتباهوا بانهم جمعوا كل من لهم نفس كود الاختبار فى حجرة من المدرسة وعملوا كونسلتوا على الامتحان وكانت النسبة 100% وطبعا كل المدارس كانت بنفس الطريقة واللىامتحنوا فى الجامعة معظمهم اتكتم نفسهم والوقت ضاع منهم على ما وزعوا كراسات الاسئلة .
ومن باس فى الاكاديمية
النتيجة اول ما طلعت كانت 28% قالوا امسكوا ورق المدرسين فى الابتدائى والاعدادى لان الاساسى عندهم صغير ونجح كل اللى مظلل ال 100 دائرة ومايكونش جايب صفر ولذلك تلاقى الخسائر فى المرحلتين فى الوكلاء والمديرين وكل ما يكبر الاساسى يكتر الرسوب
علشان كده
نتيجة الكبار هى نتيجتهم الفعلية اذا ماكانش وضع كود اختبار خطأ ومن الاكواد الموجودة على الماسح فنتيجته ح تكون صفر فى الثلاث مجالات انما اللى غلط فى الكود بكود مش موجود على الماسح دا كان حظه احسن شوية

علي فكرة مدرستنا لم تتاثر بالرغم من ان زميلا لنا عنده مادة التربوي ولكن الكل واساه ولكن الحزن يخيم علي الذين لم يدخلوا الامتحان !!!!!!!!!!!!!!!!

هل هذا عدل ؟؟؟؟
مجموعة من زمايلنا بيتباهوا بانهم جمعوا كل من لهم نفس كود الاختبار فى حجرة من المدرسة وعملوا كونسلتوا على الامتحان وكانت النسبة 100% وطبعا كل المدارس كانت بنفس الطريقة واللىامتحنوا فى الجامعة معظمهم اتكتم نفسهم والوقت ضاع منهم على ما وزعوا كراسات الاسئلة .
ومن باس فى الاكاديمية
النتيجة اول ما طلعت كانت 28% قالوا امسكوا ورق المدرسين فى الابتدائى والاعدادى لان الاساسى عندهم صغير ونجح كل اللى مظلل ال 100 دائرة ومايكونش جايب صفر ولذلك تلاقى الخسائر فى المرحلتين فى الوكلاء والمديرين وكل ما يكبر الاساسى يكتر الرسوب
علشان كده
نتيجة الكبار هى نتيجتهم الفعلية اذا ماكانش وضع كود اختبار خطأ ومن الاكواد الموجودة على الماسح فنتيجته ح تكون صفر فى الثلاث مجالات انما اللى غلط فى الكود بكود مش موجود على الماسح دا كان حظه احسن شوية

واعتقد ان المنظر العام للنتيجة يؤيد هذا الكلام

السلام عليكم ورحمة الله وبركاته
عندنا فى المدرسة 1 لم يوفق فى الكادر و 3 عندهم أخطاء فى النتيجة وجاري الفحص فى الشكاوي و 2 عندهم مادة تربوى
طبعا والله زملائنا دول حالتهم النفسية لا توصف وأنا زعلان جدا علشانهم لان الواحد بيفكر ان كان من الممكن ان يكون منهم
قدر الله وماشاء فعل والحمد لله أولا وأخر

طبعا المدارس اتاثرت وكمان لما بعض الزملاء ياخذو ا فلوس الكادر وغيرهم لا وياسلام لما يكون الزميل حديث التعين هتكون العملية التعليمية فى الضياع وربك يستر على الباقى

فى مدرستنا الناس اللى نجحت مبسوطة والناس اللى مدخلتشى بتندب حظها بس الكل بيشتغل بس الناس اللى مدخلتشى بتؤكد لو اتصرف اى زيادة للمدرسين اللى نجحوا همه مش هيشتغلوا

تموت الأسود فى الغابات جوعا ولحم الضأن يرمى للكلاب وذو جهل ينام على الحرير وذو علم ينام على التراب

النتيجة حتماً مؤثرة وسوف تظهر باقى آثارها مع الوقت للأسباب الكثيرة التى ذكرها الإخوة والأخوات الأفاضل ومن جملة الحكايات أن موجهه أولى فرنساوى عندما ظهرت النتيجة كانت من الراسبين فى الكل ومن شدة صدمتها أنها قدمت استقالتها معللة ذلك بأنها حتى فى حالة نجاحها بعد ذلك كيف تواجه مدرسيها أو زميلاتها من الموجهات وكيف تشرف على عملهن أصلا وقد أظهرت نتيجة الكادر المزعوم انها أقل منهم علما وكفاءة وتربوى ونقيس على ذلك الكثير عندما يرسب المدرس الأول وينجح مدرسيه أو يرسب الناظر والوكيل والمدير وينجح مدرسيهم اللهم نسألك الرحمة من هذا التطوير الكاذب والمزعوم وهل فعلا قاس هذا الإختبار الكفاءة عند المدرسين وهل فعلاً تطور التعليم وحلت مشاكله .

مبارك عليكم خراب التربية والتعليم طول مامبارك مفضي جيوبكم ومبارك عليكم بيع البلد في مزاد علني ومبارك عليكم ابن مبارك رئيس جديد ومبارك عليكم تحقيق فيلم ( عايز حقي ) - امتى بأه هايقولوا مبارك ليكم علشان مبارك ماباش مبارك

تأثرت المدارس بنتيجة الكادر حيث إنعدمت الثقة لدي المدرس سواء الناجح والراسب لم ينجح أحد بدون مشاركة زملاءه في اللجنة إلا مارحم ربي

انا مش عارفة المدارس اتأثرت ولا لا لانى مش بروح اصلا

بس المستر بتاعنا مغرور جدا وكل شوية يذلنا باننا مش هنلاقى حد زية يشرحلنا

ظهرت النتيجة وطلع بمادة

دلوقتى بقى مش عارف يودى وشة مننا فين

ربنا معاة ومع كل الى منجحوش

واضح من اراء الزملاء ان التاثر الكبير واقع على الحالة النفسية للاخوة الذين لم يوفقوا ولكن هل توقفت الدراسة ، هل اغلقت المدارس ن هل شعر الطلبة بفائدة و التكلفة الكبيرة التة تكلفها الامتحان
انها حاجة فى نفس الوزارة و الوزير قضاها

اكيدتأثر المدرسون الراسبون وأصبحت حالتهم النفسية فى الأرض والأغرب من ذلك كله ان فيه واحد زميلى مشهود له بالمعرفة غشش اللجنة كلها بما فيها مدير المدرسة الذى لا يفقه شئ فى أى علم والغريب والأغرب أن المدرس الذى لا يحمل علم ولا أى شئ هو الذى ينجح والذى لديه العلم والمعرفة لا ينجح فكيف تكون نفسيته اذا كان الله فى العون

طبعا التاثير قوى حرام عليهم حطموا المدرسين
الناظربتاعنا مابقاش يخرج من مكتبه خالص
وباظت المدرسه
حرااااااااااااااااااااااااااااااااااااام

بالتاكيد حدث تاثير انا اعرف مدرسين حالتهم النفسيه اتاثرت كتير بعد رسوبهم فى امتحان الكادر الذى لا يظهر المستوى الحقيقى للمدرس الميزه الجميله لامتحان الكادر انه خلى مدرسين كتير تفتح كتب وتقرا مذكرات وتجدد معلوماتها عشان خاطر امتحان الكادر هذا بالاضافه للزياده لو قبضناها

التاثير ظهر للاسف من الزملاء اللى مادخلوش الامتحان
عاملين حملة احباط للزملاء الناجحين
اللى يقولك الفلوس السنة الجايه واللى يقولك دا تسكين مش ترقيه واللى ينشر اشاعات سخيفة عن زملائه
واللى يقولك لولا الغش مكنش حد نجح اما الراسبين فمعظمهم من اجازة الى اخرى

مما لاشك فيه ان نتيجة الكادر تلركت اثر سيىء فى نفوس الاخوه الراسبين وهذا الاشر سيتأثر به التلاميذ وينعكس على العملية التعليمية الان الاخ الذى لم يوفق تجد من هو اقل منه فى القدرات العلميه قد اجتاز الاحتبار

نعم تأثرت وبدأت مشاكل الدروس والتشويه
للأســــــــــــــــــــــــــــــــــــــــــــــ ـف

تأثرت بأحداث الفتنة الكبري

على فكرة المدرسين الراسبين من** من شارك معلمين بلا نقابة كان لهم اكبر الاثر فى ارتفاع نسبة النجاح** اذ كانو من اكبر الضاغطين على اصحاب اتخاذ القرار فى الوزارة والحكومة********* يارب نجحهم وما يكنوش كبش فدا لنجاحنا**** امين يارب العالمين

طبعا المدراس علي مستوي الجمهورية تاثرت تاثير بالغ السوء اولا :من نجح اصابه الغرور في مقتل (بطل يشتغل في الفصول) وثانيا :الراسب حدث ولا حرج(بطل يدخل الفصول) ثالثا :القيادات( قفلت المكاتب وروحوا لما رسبوا )رابعا :المؤجل للعام القادم (بيدخل ويخرج من الفصل كمثل من لدغته نحلة) وعليه العوض ومنه العوض

عياد
مدرس اول لغة انجليزية - معجب بالمنتدي جامد اووووووووووي

هههههههههههههههههههه
الاخ عياد زميل ليا فى مدرستى وهو من المدرسين المشهورين جدا فى مجال عمله ( اللهم لاحسد )
وكان عندى مشكلة فى نتيجتى والحمد لله اتحلت ونجحت لكن عاوز اقولكم انها قبل ما تتحل بعتلى 50 رسالة على موبايلى على هذه العينه
نشاطركم الاحزان
الف مبروك الرسوب
وبصراحه رسايله تعبتنى جدااااااااا رغم انه من اقرب القربين ليا وهو انسان طيييييييييييب جدا بكل المعانى

بس دلوقتى بيقول (( الغرور ))
احنا اخوه واصدقاء ياصاحبى والغرور انت عارف جاى منين لكن احنا علاقتنا ببعض عمرها ما يلوثها لاكادر ولا غيره

وبطل اخباط فينا يا عم عياد ... كل ما اسالك عن التسكين تقولى سنة 3000 ههههههههههههههه

بس بجد يا اخوه عياد عوده من الناس المحترمة جدااااااااااا والمتميزين جدا فى مجال تخصصه وهو من اوائل الناس اللى حصلت على icdl على مستوى مصر

وانا اسف للاطاله

الاستاذ العظيم ماهر نصار صاحب الاطلاله علي منتدانا العظيم هذا بيدعي ان المدارس لم تتاثر كيف؟ اي زياره لاي مدرسه علي مستوي الجمهوريه يجد التاثير السلبي البالغ السوء واضح وضوح الشمس ببساطه لان الانسان روح واهواء ونفس وجسد والعامل النفسي من اقوي العوامل تاثيرا بالنفس البشريه الا جواء المحيطه بالكادر احبطت المعلمين علي كافة المستويات ماشاب العمليه برمتها من تخبط وهروله وتسرع ولهوجه وتسكين وماحدش عارف حاجه وماحدش فاهم حاجه وكل ده كوم والغش في الامتحانات الكادرية كوم تاني واسالوا الاستاذ ماهر
والسادة المدرسين . وعيب اوي لما المدرسن تغش ( يبقي اذا كان صاحب البيت بالدف ضاربا فماشيمه اهل البيت وزوار البيت وتلاميذ البيت واداري ........... البيت .................................................. .......... البيت و......................................)
عياد

الاستاذ العظيم ماهر نصار صاحب الاطلاله علي منتدانا العظيم هذا بيدعي ان المدارس لم تتاثر كيف؟ اي زياره لاي مدرسه علي مستوي الجمهوريه يجد التاثير السلبي البالغ السوء واضح وضوح الشمس ببساطه لا الانسان روح واهواء ونفس وجسد والعامل التفسي من اقوي العوامل تاثيرا بالنفس البشريه الا جواء المحيطه بالكادر احبطت المعلمين علي كافة المستويات ماشاب العمليه برمتها من تخبط وهروله وتسرعولهوجه وتسكين وماحدش عارف حاجه وماحدش فاهم حاجه وكل ده كوم والغش في الامتحانات الكادرية كوم تاني واسالوا الاستاذ ماهر
والسادة المدرسين
عياد

طبعا انا معاك فى موضوع التاثير النفسى ...... مفيش شك
وكمان انا معاك ان كان فى غش فى لجان المدارس بصفة خاصة
لكن على الاقل مكنش فى غش فى مادة التخصص وديه مسالة ادبية ومعنوية من المعلم نفسه
وانا اتوقع ان نسبة النجاح هتوصل 95 % بعد فحص الشكاوى ويمكن اكتر
وبعدين باب الكادر اتفتح للجميع وبلا حدووووووووود
اما الزملاء اللى اجلوا امتحانهم فكان بارادتهم ومحدش اتدخل فى قرارتهم ولا حد منعهم من الدخول
هما اجلوا علشان الدرجات المالية وان شاء اللة تعالى ربنا يوفقهم فى الامتحانات القادمة


وانا لم ادعى كما تقول يا عياد باشا ان المدارس لم تتاثر ... طبعا اتاثرت
لكن مش لدرجة الغرور كما تدعى
غرور على ايه ؟!!!!!!!!
وانت بالذات امتى حسيت بالغرور من اى حد
انت شخصية محبوبه من الجميع والكل بيكن لك كل الاحترام
واتحداك دلوقتى تقولى كم واحد حسيت من ناحيته بالغرور
انا شخصيا محدش حس بمشكلتى ويوم واحد غبته عن المدرسة ( يوم النتيجة ) وتانى يوم روحت المدرسة لئيت الاشاعات ملت الدنيا انى سقطت

ولما اتحلت المشكلة ما اظنش ان حد حس انى اتغريت والعياذ باللة ولا حاجة
لكن نجاحى كان رد اعبار ليا بعد الاشاعات