|
مشاهدة النسخة كاملة : سؤال بسيط ... بس مش عارف حله XpertMan 08-11-2008, 05:13 PM كتلتين من معدن واحد إحداهما على شكل مكعب والأخرى على شكل كرة ولهما نفس الكتلة اسقطا من نفس الارتفاع فى مخبارين مملوئين بالزيت المعدنى فأيهما يصل الى القاع اولا ؟ ولماذا ؟ bedo17 08-11-2008, 05:39 PM بص هوا انا ماخدش السؤال دا قبل كده لكن لو هفتي في الاجابة يبقى الكرة لانها محدبة من كله و يبقي سهل تخترق الميا ه بعكس المكعب dr ebrahim 08-11-2008, 06:05 PM الصراحه مش عارف !!!!!!!!! Thanwya Soldier 2009 08-11-2008, 07:42 PM هيا عاملة زي فكرة المقذوف الكروي بتاع الرصاصه...أظن الكره زي ما بيدو قال تسهل اختراق الميه....و الله اعلم the black horse 08-11-2008, 10:09 PM هوة فى احتمالين ياما توصل الكورة الاول او يصلو هما التنين مع بعض بس المكعب مستحيل لانة كلما زادت المساحة قل الضغط فالمكعب مساحة سطحة مستوية فيلاقى ضغط اكبر بص عشان انا مخرفش اسال فيها مدرس فيزياء ويمكن هنخدها بس مش دلوقتى قدام انا عن نفسى لسة مختهاش 7abiby el-awlany 08-11-2008, 10:09 PM بص انا لسه ما جتلهاش بس ممكن تبقى الكرة عشان مساحتها المقابلة اقل من المكعب هيكون دفع الزيت للمكعب اكبر منها للكرة والله اعلم انا لسه ما خدتهاش XpertMan 09-11-2008, 01:34 AM انا متوقعتش خالص ان المسئلة لها علاقة بقوانين اللزوجة على العموم انا عرفت الحل من المدرس وعلشان ما اطولش عليكم ... دا الحل ----------------------------------------------------- بما ان الكتلتان من معدن واحد وكتلتهما متساوية وبصرف النظر عن شكلهما فإن حجومها متساوية وتكون كمية الحركة او التحرك لهما متساوية mv والسائل الذى اسقطا فيه واحد لا يتغير فإن الكتلتان يصلان إلى القاع فى وقت واحد لان مقاومة السائل لهما متساوية moon rose 09-11-2008, 08:51 PM والله يا جماعه انا قلت كده teto king 09-11-2008, 10:07 PM الكره تصل قبل المكعب لان مساحه الكره اقل من مساحه المكعب ولذلك السرعه لها اكبر من السرعه للمكعب فتصل اسرع XpertMan 10-11-2008, 01:16 AM لكن يا تيتو دول لهم نفس الكتلة ولهم نفس الوزن حيث Fg=m.g وعجلة الجاذبية ثابتة إذا المتغير الوحيد هو الكتلة وهى متساوية.... إذا الوزن واحد والسائل واحد والسرعة واحدة و قوة دفع الماء لكل منهما واحدة واسقطا من ارتفاع واحد إذا يصلان فى آن واحد إلى القاع esam99 26-11-2008, 04:06 AM الموضوع لزوجة قوى اللزوجة وهي إحتكاكية تتناسب طردي مع مساحة السطح ومساحة سطح الكرة أقل مساحة سطح لعدة أجسام متساوية الحجوم إذن قوى اللزوجة المؤثرة على الكرة أقل من المؤثرة على المكعب فتكون سرعة الكرة أكبر من سرعة المكعب في نفس السائل فتصل الكرة قيل المكعب dr ebrahim 26-11-2008, 12:09 PM والله ياجماعه اعتقد ان الكره هتنزل الاول بفرض وجود مقاومه اكبر من الزيت ضد المكعب abdelRhman772007 26-11-2008, 05:26 PM الكرة تصل أولاً بمعلومة فى الرياضة أقل مساحة لحجم معين هى مساحة مجسم الكرة والاحتكاك مع السائل هيقل و بالتالى الكرة تصل أولاً لأن مساحتها أقل من مساحة المكعب amira taha 26-11-2008, 09:43 PM انا متوقعتش خالص ان المسئلة لها علاقة بقوانين اللزوجة على العموم انا عرفت الحل من المدرس وعلشان ما اطولش عليكم ... دا الحل ----------------------------------------------------- بما ان الكتلتان من معدن واحد وكتلتهما متساوية وبصرف النظر عن شكلهما فإن حجومها متساوية وتكون كمية الحركة او التحرك لهما متساوية mv والسائل الذى اسقطا فيه واحد لا يتغير فإن الكتلتان يصلان إلى القاع فى وقت واحد لان مقاومة السائل لهما متساوية سورى يا Xpert Man بس انا مختلفه معاك فى حته انا معاك ان الكتله متساويه بس مين قال ان السرعه ثابته علشان تبقى كميه التحرك متساويه لان الv فى القانون تشير الى السرعه وليس الحجم يا ريت تفهمنى الحته دى amira taha 26-11-2008, 09:47 PM لكن يا تيتو دول لهم نفس الكتلة ولهم نفس الوزن حيث fg=m.g وعجلة الجاذبية ثابتة إذا المتغير الوحيد هو الكتلة وهى متساوية.... إذا الوزن واحد والسائل واحد والسرعة واحدة و قوة دفع الماء لكل منهما واحدة واسقطا من ارتفاع واحد إذا يصلان فى آن واحد إلى القاع كلامك تمااااااااااااااام وصح 100% بس الموضوع له علاقه باللزوجه على ما أعتقد وعلى العموم مشكوووووووووووووووووووور ومستنيه الرد MiDo1O2 27-11-2008, 07:34 PM الكرة هتوصل اسرع لأن جسم الكرة بيقلل من الاحتكاك مع الماء اما المكعب فله حواف تزيد من احتكاك الماء مع جسم المكعب وهي بتعتمد على اللزوجة XpertMan 27-11-2008, 07:55 PM مش عارف بس الكلام دة قاله ليا مدرس فى المدرسة ونفس الكلام بتاعى موجود فى كتاب الماسى (بنك الاسئلة) وكلاهما يقول انهما يصلان فى وقت واحد ((((محتار)))) amira taha 29-11-2008, 02:38 AM انا سألت مدرس الفيزيا وقالى ان الكرة هتوصل الاول لان حتى لو طبقناها على ارشميدس حجم الماء المزاح من الكرة اقل من حجم الماء المزاح من المكعب وبالتاى قوة الدفع فى الكرة اقل فهى اللى هتوصل الاول ولا ايـــــــــــــــــــــــــه ؟؟؟؟؟ abdelRhman772007 29-11-2008, 12:24 PM انا سألت مدرس الفيزيا وقالى ان الكرة هتوصل الاول لان حتى لو طبقناها على ارشميدس حجم الماء المزاح من الكرة اقل من حجم الماء المزاح من المكعب وبالتاى قوة الدفع فى الكرة اقل فهى اللى هتوصل الاول ولا ايـــــــــــــــــــــــــه ؟؟؟؟؟ الكرة و المكعب من نفس المادة أى نفس الكثافة و لهم نفس الكتلة يبقى طبيعى ليهم نفس الحجم وبالتالى الحجم المزاح من الماء أو المحصور متساوى يبقى الحاجة الوحيدة اللى فيها فرق هي المساحة و ده تأثر فى اللزوجة وواضحة أوى من قانون اللزوجة و إثباتها إن اللزوجة تتناسب مع المساحة يبقى الكرة تصل أولاً عشان مساحتها الكلية أقل من مساحة المكعب الكلية amira taha 30-11-2008, 02:01 AM الكرة و المكعب من نفس المادة أى نفس الكثافة و لهم نفس الكتلة يبقى طبيعى ليهم نفس الحجم وبالتالى الحجم المزاح من الماء أو المحصور متساوى يبقى الحاجة الوحيدة اللى فيها فرق هي المساحة و ده تأثر فى اللزوجة وواضحة أوى من قانون اللزوجة و إثباتها إن اللزوجة تتناسب مع المساحة يبقى الكرة تصل أولاً عشان مساحتها الكلية أقل من مساحة المكعب الكلية لما يبقى عندك مسأله وتحلها بطريقتين ويطلع الحل مختلف يبقى واحدة فيهم غلط انا قولت الكرة هتصل الاول لان مساحتها اقل من المكعب ودا حسب اللزوجه اما حسب ارشميدس الحجم المزاح من الكرة اقل لان الكرة ملساء اما المكعب مضلع وانا متفقه معاك ان الحجم واحد Physics 04-12-2008, 12:23 PM يا جماعة اسمحولي ارد على كلامكم لان كل ده غلط للاسف المكعب يصل أولاًِ بسبب : لو انتوا فاكرين سرعة ترسيب الدم كانت بتزيد مع زيادة مساحة السطح الخارجي لما تلتصق كرات الدم الحمراء مع بعضها البعض وطبعا احنا عارفين ان المكعب مساحته الخارجية اكبر من الكرة بالرغم انهم لهم نفس الحجم وعشان كده سرعة المكعب تكون كبيرة ويصل أولا وشكرا abdelRhman772007 04-12-2008, 05:39 PM يا جماعة اسمحولي ارد على كلامكم لان كل ده غلط للاسف المكعب يصل أولاًِ بسبب : لو انتوا فاكرين سرعة ترسيب الدم كانت بتزيد مع زيادة مساحة السطح الخارجي لما تلتصق كرات الدم الحمراء مع بعضها البعض وطبعا احنا عارفين ان المكعب مساحته الخارجية اكبر من الكرة بالرغم انهم لهم نفس الحجم وعشان كده سرعة المكعب تكون كبيرة ويصل أولا وشكرا ماشى كلام جميل و احنا فاكرين سرعة الترسيب تمام بس لو سمحت افتح كتاب المدرسة صفحة 128 و اقرأ آخر سطر و بقيته فى أول الصفحة اللى بعدها وقارنه لو سمحت باللى أنت كاتبه ،،،،،،،،،،،،،،،،،،،،، ده كلامك طيب الجسم فى مائع بيتأثر بثلاث قوى و زنه لأسفل & قوة الدفع لأعلى & قوة الاحتكاك بينها وبين السائل لأعلى ((صفحة 128 من كتاب المدرسة)) واللى جاى ده كلامك "وطبعا احنا عارفين ان المكعب مساحته الخارجية اكبر من الكرة بالرغم انهم لهم نفس الحجم" يعنى مساحة المكعب أكبر من مساحة الكرة الدائرية والجسمين من نفس المادة يعنى نفس الوزن و ليهم نفس الحجم يبقى ليهم نفس قوة الدفع يبقى الاختلاف فى المساحة و من الواضح فى إثبات اللزوجة أنها بتتناسب مع المساحة !!!!!!!!!!! يبقى ليه احنا كلنا غلط فى مقولة بتقول ((رأىّ صحيح يحتمل الخطأ و رأى غيرى خطأ يحتمل الصواب)) "وشكرا" hawass007 11-01-2009, 05:10 PM شكرا على السؤال :slap1qk6: |