ازيكو كلكم انا عارفه انى اتاخرت كثير فى كتابة مواضيعى بس النهارده جيبالكم حاجه مختلفه جدااااا
اول قصه اكتبها فى حياتى هى مش طويله بس احداثها جميله ويارب تعجبكو
انا هنزلها على 3 اجزاء ولو عجبتكم هكملهلكم

ذهب فارس ليومه الاول ليستلم عمله كرئيس للحراس فى شركة النسيج.
ودار حوار بينه وبين صاحب الشركه.
صاحب الشركه :فارس لقد اخترتك من وسط الكثيرون لاننى علمت من اصدقائى انك شاب نشيط فى عملك ولذلك اخترتك لكى تكون رئيس حراسى,واريد ان اعلمك اننى محيط بعدد كبير من الحاقدين الذين تحولو الى اعداء لى ,لاننى لم ارد ان اشترك معهم فى اعمالهم الغير نظيفه, وارجو منك ان تستطيع ان تحمينى جيدا.
فارس:لا تقلق يا فندم وانشاء الله اكون عند حسن ظن سيادتك, وحضرتك هتشوف بنفسك انا هعمل ايه, بعد اذن سيادتك.
صاحب الشركه:انا متفائل جدا بيك,اتفضل روح شوف شغلك.
ذهب فارس ليرى حراس الشركه فوجدهم غير منظمين وكلهم فى مكان واحد
فنظمهم وجعل كل شخص فى مكانه المظبوط
وفجئه وجد شئ غريب بالفعل........
فارس: اعذرينى ولكن من تكوني؟
وماذا تفعلين هنا؟
الفتاه:انا بشتغل معاكم هنا فى حراسة المكان
فتعجب فارس ولم يستطع ان يخفى دهشته امام هذه الفتاه
الفتاه:مابك لما انت متعجب لهذا الحد!!!
هل انت متعجب لاننى فتاه؟
فارس:بصراحه ايوه,انت اشتغلتى هنا ازاى؟
ومين اللى شغلك؟ وبعدين ليه مش دورتى على شغلانه تلائم انوثتك؟
الفتاه:بصراحه انا نفسى استغربت لما صاحب الشركه طلبنى علشان اشتغل هنا, انا كنت مدربة الكراتيه بتاعت اولاده
ولما شافنى طلب منى انه يتكلم معايا شويه ,ولانه راجل كبير انا وافقت اكلمه, وطلب منى الشغل عنده وبمبلغ كبير
ولانى محتاجه الفلوس دى وافقت انى اشتغل معاه.
ده طبعا بعد تردد كبير,لان الشغلانه دى مش سهله
وبصراحه انا عمرى ما شفت بنت بتشتغلها.
فارس:ولا انا,انت دلوقتى المساعده بتاعتى مش انت كنت الرئيسه عليهم؟
الفتاه:نعم
انا دلوقتى رئيسكم كلكم بس انت المساعده الخاصه بتاعتى,
صحيح انت اسمك ايه؟
الفتاه:انا اسمى زهره.
ذهب فارس بمخيلته بعيدا
زهره:انا اتشرفت بحضرتك وانشاء الله نقدر نفهم بعض بسرعه ونكون فريق ناجح.
زهره:استاذ فارس...استاذ فارس...استاذ فارس
فارس:هااه..ايوه..اسف
زهره:شكل حضرتك مشغول وبتفكر,استأذن انا بقى
لو حضرتك عاوز اى حاجه كلمنى على اللاسلكى
فقال فارس وهو مبتسم حاضر يازهره.
جلس فارس شارد بفكره وظل يكلم نفسه:ايه ياواد يا فارس ده لسه اول يوم ليك,معقول..معقول تتعلق بالبنت دى كده بسرعه وكل ده علشان ايه..ياترى علشان اسمها زى اللى كنت بتحبها زمان؟ولا فى ايه؟هى البت دى سحرتلك ولا ايه؟
وظل فارس شارد بذهنه حوالى ساعه.
بعدها قام فارس ورتب كل شئ
وحينما انتهى وقت العمل..ذهب الى مكتب صاحب الشركه وطرق الباب.
صاحب الشركه:ادخل..خير يا فارس فى حاجه؟
فارس:ايوه يافندم ده معاد انصراف العمال
ياترى تحب ننزل حضرتك قبليهم ولا بعديهم؟
ابتسم صاحب الشركه لفارس وقال له:خلاص يافارس انا هقوم امشى.
خرج صاحب الشركه من باب المكتب فوجد نفسه محاط برجال كثر
فتعجب وسأل فارس :من دول يابنى,هى دى حراستك
فارس:دول حرس حضرتك يافندم,انا رتبتهم علشان يقدرو يحرسو حضرتك بشكل كويس.
صاحب الشركه:برافو عليك يا فارس,انا مبسوط منك اوى.
فارس:انشاء الله اكون عند حسن ظن سيادتك
وفتح فارس باب السياره لصاحب الشركه وذهب.
وفى طريق عودة فارس لبيته ظل يفكر فى تلك الفتاه التى قابلها اليوم(زهره)
وحينما ذهب لبيته اتصل بصديقه سامح لكى ياتى اليه
سامح:غريبه يعنى انك تخرج معايا فى اول يوم ليك فى الشغل.
فارس:اسكت ياسامح مش هتصدق اللى شفته النهارده
يااااااا....شفت بنت زى القمر,عامله زى الورده,عامله....
فقاطعه سامح بنت ايه؟ووردة ايه؟
مش انت النهارده رحت الشغل؟
فارس:اه
سامح:وشفت البنت دى فين فى الشارع؟ولا فى الشركه؟
فارس:فى الشركه
سامح:مش انت المفروض حرس بره,دخلت مكاتب الموظفين ليه؟
فارس:موظفين ايه بس يابنى,انا عارف انك مش هتصدق
لانى انا نفسى مش قادر اصدق
سامح:قول ياعم وخلصنى,شفتها فين
فارس:بتشتغل مساعده ليا
سامح:ههههههههههههههههههههههههههههههه....لا حلوه دى
لا بجد ضحكتنى,مساعده ليك ازاى,بتجيبلك الشاى يعنى.
نظر فارس لسامح نظره
سامح:فارس انت بتتكلم بجد؟
طيب بتشتغل مع الحرس ازاى؟
انا مش فاهم
فارس:هو ده اللى حصل,انا مش عارف اصلا انا اتعلقت بيها بسرعه اوى كده ليه
تعرف اسمها زهره برده
سامح:مش معقول يعنى هتحب واحده علشان اسمها زى اسم اللى كنت بتحبها.
فارس:انا مش عارف انا اتعلقت بيها كده ازاى
تعرف انا حاسس انها خطفتنى.
سامح:لا ركز شويا كده,ده لسه اول يوم
انا كنت حاسس انك هتغلبنى معاك قبل ماجى.
فارس:انت عارف انى مش بحب اتكلم مع حد غيرك
ممكن تقولى اعمل ايه؟
لانى هتجنن وخايف لحسن تطلع مرتبطه ولا حاجه.
سامح:خلاص حاول تعرف بقى يا فالح وبعد كده نبقى نتكلم.
ذهب فارس الى عمله فى اليوم التالى
وسأل الحارس:شفت زهره النهارده؟
رد الحارس وهو مرتبك:اه دى جوه
فتعجب فارس وذهب مسرعا للداخل

يارب تكون عجبتكم

عجبتنى أوى يا دودى

بس يلا كمليها

أنا مستنياكى أوكى ياقمر

وعلى فكرة قصة شكلها جامدة

عجبتنى أوى يا دودى

بس يلا كمليها

أنا مستنياكى أوكى ياقمر

وعلى فكرة قصة شكلها جامدة

مرسى على مرورك ياخوخه
بس مين دودى دى
انا اسمى اصلا هبه
يعنى قوليلى يا بيبو..او هبهوب
وانشاء الله هنزل الجزء التانى بكره
يارب تتبعينى

وحشتنا مواضيعك الحلوه وقصه بدايتها حلوه وفى انتظار الباقى

وحشتنا مواضيعك الحلوه وقصه بدايتها حلوه وفى انتظار الباقى

نورت الموضوع بمرورك
وعلى فكره الباقى جامد جداااااا
يارب تعجبك وتعجب باقى الاعضاء

ايه يابنتي الجمال دا قصة جميلة اوووووووووويبس فين الباقي !!!!!!!!!!!!!!!!! انت بتشوقينا ع فكرة انت وحشاني اووووووووووووووووووووووووي

أوك يا بوبة

بس يلا هاتى الباقى

قصه عجبتنى كتير يارب اشوف الباقى
فى انتظار الجديد


تسلمى بيبو

يا دي التشويق اللي مش هنخلص منه .. في كل قصة مسلسلة يتركنا الكاتب معلقين في الهواء بين السماء والأرض .. قصة جميلة وشكلها فيها مفاجآت كتيرة حاولي يا هند تعمقي في أحداثها وتوسعي في شخصيتها أكتر لأن بدايتها وفكرتها حلوة ...
هيا بنشاط ننتظر المزيد ...

ايه يابنتي الجمال دا قصة جميلة اوووووووووويبس فين الباقي !!!!!!!!!!!!!!!!! انت بتشوقينا ع فكرة انت وحشاني اووووووووووووووووووووووووي

تعرفى انك وحشانى جداااااااا
الحمدلله ان القصه عجبتك
وانشاء الله هنزل الجزء التانى بكره
والجزء الاخير بعده ان كان ليا عمر بقى

قصه عجبتنى كتير يارب اشوف الباقى
فى انتظار الجديد


تسلمى بيبو

انشاء الله الجزء التانى بكره
والاخير بعده
ونورت الموضوع والمنتدى كله
ويارب تصبحى عضوه دائمه في المنتدى ده لانه بجد جمييييييل

يا دي التشويق اللي مش هنخلص منه .. في كل قصة مسلسلة يتركنا الكاتب معلقين في الهواء بين السماء والأرض .. قصة جميلة وشكلها فيها مفاجآت كتيرة حاولي يا هند تعمقي في أحداثها وتوسعي في شخصيتها أكتر لأن بدايتها وفكرتها حلوة ...
هيا بنشاط ننتظر المزيد ...

الحمدلله انها عجبت حضرتك لكن اعذرنى المره دى مش هقدر اوسع شخصياتها اكثر من كده
انشاء الله لو قدرت اكتب قصه تانيه هبقى احاول اتعمق فيها عن القصه دى
وانتظر الباقى غدااا باذن الله

انا مش هقول حاجه اتفرجو على الجزء التانى ويارب يعجبكو

وحينما لمح زهره بعينه ذهب مسرعا لها قائلا بصوت عالى متلهف: زهره...زهره
فتعجبت زهره والتفتت لتنظر اليه وكأنها تراه هى الاخرى للمره الاولى, ونظرت اللى عينيه وهو الاخر فعل نفس الشئ
وظلو لحظات ينظرو لبعض وكل منهما يشرد فى عين الاخر
وحينما ادرك فارس الوضع سئلها فارس:انت مرتبطه؟
قصدى...هو فى ايه؟؟
انا سألت الحارس عليك وتوتر اوى ومش عارف ليه
ابتسمت زهره وقالت:اصله وقع عليا الشاى غصب عنه وانا اتنرفزت ودخلت جوه اغير ملابسى وشكله افتكرنى دخلت اشتكيه جوه.
فارس:ههههههههههههههههههه,انا بضحك عليه لانه ميت من الرعب بره.
وسألها فارس بصوت حنون:بس انت جرالك حاجه
فنظرت اليه زهره نظره وقالت:لا الحمد لله جت سليمه.
فارس:الحمد لله,متعرفيش انا قلقت عليك اد ايه
زهره:ليه يعنى,افتكرت فى هجوم حصل علينا؟
فارس:والله مش عارف,بس تصدقى لو قلتلك انى خفت عليك اوى
خفت لحسن ماشفكيش تانى.
وبعدها نظر كل منهما للاخر نظرات طوال
زهره:احم...احم ...استاذ فارس احنا مش هنشتغل ولا ايه؟
فارس:اه..اه طبعا,يلا بينا نشوف هنعمل ايه.
زهره:اوك اتفضل يا فندم
فارس:لا زهره بقولك ايه بلاش الالقاب دى ,قوليلى يا فارس وبلاش استاذ والحاجات دى ,وبعدين هو انا بقولك يا استاذه زهره ,ولا تحبى اقولك كده؟
ابتسمت زهره وقالت له:لا خلاص,بس ممكن نطلع نشوف الحراس بره.
وعندما ذهبا الى الخارج, وجدو الحارس يتصبب عرقا

فارس:ههههههههههههههههه...فى ايه يابو حميد مالك بس؟
الحارس:والله غصب عنى وقعت منى كباية الشاى
زهره:انت لسه فاكر خلاص..يعنى بزمتك هقطع عيشك علشان حاجه زى دى!!!
يلا روح شوف شغلك
الحارس:الله يكرمك..الله يخليك.
زهره:يلا روح شوف شغلك وربنا معاك.
وذهب الحارس وظل فارس واقف بجوار زهره
فاختلس بنظره الى اصابعها وكانت دقات قلبه تكاد اصواتها ان تصل الى مسمع زهره
فلمحته زهره بعينيها.
فضحكت زهره وقالت:لا انا مش مرتبطه
فتعجب فارس وقال لها:نعم!!!
زهره:مش انت سالتنى جوه الشركه انا مرتبطه ولا لأ؟
فوقف فارس امام زهره وعجز عن الكلام
زهره:فى ايه يا فارس؟؟؟
فارس:لا...لا..ولا حاجه
عموما انا اسف لو كنت ازعجتك.
فضحكت زهره ضحكه رقيقه جعلت قلب فارس ينبض من جديد وقالت له: ازعاج ايه بس؟ انت عملت ايه يزعجنى؟
زهره:يا ترى مين فينا اللى هيمر على الحراس؟
فارس:حراس!!!اه..اه..انا هروح اشوفهم ,خلى بالك انت بس من نفسك ولا تيجى معايا؟
زهره:هههههههههههه...انت ناسى انى بشتغل هنا من قبلك
ماتخفش عليا.
فذهب فارس ليرى الحراس وكأنه ترك قلبه وروحه مع زهره
وحينما انتهى من دورانه حول الشركه عاد الى المكان الذى ترك فيه زهره من جديد
ولكنه لم يجدها فتعجب فارس وقال:ايه ده راحت فين دى هو احنا هنلعب استغمايا ولا ايه
فحاول ان يكلمها عبر اللاسلكى
زهره..زهره..انت فين
زهره:بعد اذنك يافندم ,ايوه يا استاذ فارس انا عند المدير دلوقتى
فارس:اوك
فنظرت زهره الى المدير وقالت له بتعجب:خير يا فندم!!!
المدير:زهره انت شغلك كويس معانا وده انا مقدره كويس
انا..انا...
زهره:انت ايه يافندم؟
المدير:انا بحب اقدر اللى بيشغلو عندى
وياسلام بقى لما بيكونو حلوين زيك كده.
فانتفضت زهره من على الكرسى:نعم يافندم
انا شكلى غلط لما جيت هنا,انا كنت مستغربه انت عاوز ايه اصلا.
وفجئه فتح الباب بعنف شديد
المدير:ايه ده يا غبى!مش تخبط قبل ماتدخل
انت مين اصلا؟
فنظر فارس الى زهره وكانه يريد ان يتاسف لها على هذا الموقف
ونظر للمدير وقال له:انا هعرفك بعد شويه انا مين,
انا سمعت كل كلمه قلتها لأنثه زهره وهروح دلوقتى اقولها لصاحب الشركه.
فتلعثم المدير ولم يستطع ان يتلفظ بكلمه واحده
وامسك فارس بيد زهره وضمها بشده وكانه احتواها بيديه
وحينما خرجو من الغرفه ترك يدها وذهب بها لصاحب الشركه
وحكى له ما حدث
صاحب الشركه:اسف جدا يا انثه زهره على الموقف السخيف ده عموما انا هتصرف اتفضلو.
فنظرت زهره لفارس بتعجب وقالت له:صحيح انت سمعت اللى حصل ازاى؟
فارس:الحمد لله لما كلمتك نسيتى تقفلى اللاسلكى فكنت سامع كلامك وكلام الحيوان ده.
فتنهدت زهره وقالت لفارس:خلاص يا فارس الحمد لله الموقف خلص
انا مش عارفه من غيرك انا كنت هعمل ايه.
فارس:اكيد كنت هتطبقى شغلك عليه
فضحكا هما الاثنين
وقالت له زهره:انا بشكرك على وقوفك جمبى فى الموقف ده
فنظر فارس للساعه وقال:ياخبر ده احنا المفروض نروح من نصف ساعه,تعرفى انا ماحستش بالوقت النهارده خالص
ونظر اليها ونظرت اليه وقالت له:انا ماشيه بقى لانى اتاخرت جدا يلا باى.
وحينما ذهب فارس للمنزل وفتح باب المنزل
وجد امامه سامح
فارس:هههههههههههههههههههههههههه...ايه اللى جابك دلوقتى
على فكره انا كنت شويه وهكلمك.
سامح:يلا وفرتلك حق المكالمه,قولى بقى عملت ايه
فارس:يااااااااااااااااااااه انا مش عارف اقول ايه ولا ايه
انا حاسس انى فى عالم تانى
سامح:وانا ايه اللى جابنى معاك
فارس:رزل بقى هعمل ايه......ههههههههههههههه
سامح:المهم طلعت مخطوبه ولا ايه
فارس:الحمد لله
سامح:يالهوى طلعت مخطوبه
فارس:مخطوبة ايه ياد انت بقولك الحمد لله
سامح:بهظر معاك شويه,المهم عرفت ازاى؟
وظل فارس يحكى لسامح عن يومه الذى ظل فيه بجوار زهره
سامح:يا كل ده حصل النهارده,امال اشتغلت ازاى
فارس:الحمد لله صحبك ادها بقى وبعدين زهره بتساعدنى
سامح:ربنا معاك بقى ياعم , صحيح انت مش جعان
فارس:اه ميت من الجوع
سامح:طب قوم ياخى جبلنا ناكل ,هههههههههههههههههههه
فارس:وانا اللى فاكرك جايبلى اكل,ماشى ياعم هروح اجيب الاكل
سامح:وانا مستنيك اوعى بس تنسانى وتاكل لواحدك
فارس:هههههههههههههه..لا متخافش.
وبعدما انتهى فارس وسامح من حديثهما ذهب سامح لبيته.
وحينما وصلت زهره لبيتها اتصلت بصديقتها عفاف وطلبت منها ان تأتى اليها
عفاف:تعرفى انك وحشانى جداااااااا,انا مقدره ظروفك علشان بتشتغلى بس ايه اللى جابنى على بالك النهارده؟
زهره:وانت كمان والله وحشانى جداااااا
بس حصلى النهارده حاجه غريبه اوى , تعرفى اول مره احس انى تايهه ومش عارفه حاجه
عفاف:ايه مشيتى فى شارع ماتعرفهوش؟
زهره:ههههههههههههه..انا بتكلم بجد
عفاف:احكيلى ياحبيبتى فى ايه؟
زهره:شكلى معجبه بواحد وممكن اكون حبيته
نظرت اليها عفاف بدهشه:وكل ده حصل امتى؟ وكده مش تقوليلى
زهره:كل ده النهارده ولما حسيت كده قلت اكلمك,علشان انت الوحيده اللى بتريحنى
عفاف:احكيلى اللى حصل
وظلت زهره تحكى لعفاف الحكايه من بدايتها حتى النهايه
وحينما انتهت زهره من حديثها نظرت لعفاف ووجدتها شارده
زهره:عفاف...عفاف..فى ايه؟
عفاف:من واقع خبرتى اقدر اقولك ان الواد ده بيحبك
واكبر دليل على كده اللى عملو مع مدير الشركه
ده كان ممكن يترفد يابنتى ,وغير كده مش كان كل شويه بيحلم فى وشك.
زهره:هههههههههههههه..بيحلم ماشى ياكلبه
انا غلطانه انى بحكيلك حاجه
عفاف:والله مش بهظر الواد ده اكيد بيحبك
انا همشى بقى لحسن سامح اخويا قرب يرجع البيت من عند صحبه
زهره:انا هبقى اكلمك بكره لما اجى وهقولك انا عملت ايه
باى يا حبيبتى.
عفاف:شدى حيلك بقى ,سلام.
وحينما ذهبت عفاف الى المنزل فتح سامح لها الباب
سامح:اتاخرتى كده ليه؟
عفاف:كنت عند صحبتى
سامح:صحبتك مين؟
عفاف:زهره.
فتعجب سامح وقال لها:زهره!!!
انا بقالى كثير مسمعتش عنها حاجه ,هى مختفيه فين؟
عفاف:بتشتغل فى شركه
سامح:طيب كويس, بتشتغل ايه بقى؟
عفاف:من غير طريقه,بتشتغل فى الحرس
سامح:ههههههههههههههههههههههههههههههههههه...ههههههه ههههههههههههههههههههههه
عفاف:فى ايه مش للدرجه يعنى.
سامح:عاوز اسئلك سؤال وتجوبينى بصراحه,ماشى؟
عفاف:اسأل
سامح:هى كلمتك عن حد اسمه فارس
فتعجبت عفاف وصمتت قليلا ولكنها اجابته فى النهايه
اه كانت بتكلمنى عن واحد اسمه فارس,بس انت عرفت منين؟
سامح:تعرفى انا كنت فين دلوقتى؟
عند فارس..هههههههههههههههههههههههههههههههههههههههه
فاندهشت عفاف واخذت تضحك هى الاخرى
عفاف:سامح هو فارس بيحب عفاف؟
سامح:دى اسرار بقى يا فوفو
عفاف:ماهو الموضوع باين انا بسال ليه اصلا
هما الاتنين بيحبو بعض
فمسك سامح كتف عفاف وقال لها:بجد..بجد؟؟؟؟
عفاف:طبعا بجد, ياااااااااااااا...الحمد لله
التفتت عفاف لاخيها وقالت له
بص انا عندى خطه.....

علشان تعرفو بس انى ملتزمه.....ههههههههههههههههههه
يارب يكون عجبكو الجزء التانى
وانتظرو الجزء الاخير غدا باذن الله

جميلة أوى يلا هاتى الباقى بس بسرعة الله يخليكى

جميلة أوى يلا هاتى الباقى بس بسرعة الله يخليكى

الحمدلله انها عجبتك يا خوخه
والجزء الاخير بكره انشاء الله

أما نشوف الخطه دى هتكون ازاى

أما نشوف الخطه دى هتكون ازاى

خطط بنات بقى...هههههههههههههههههههه
استنى الحلقه الاخيره بكره انشاء الله
ويارب تعجبكم الرومانسيه اللى هتكون فيها

انا قرأت الجزء الاول وهكمل التانى
بجد
القصه شكلها هايله
الى الامام

انا قرأت الجزء الاول وهكمل التانى

بجد
القصه شكلها هايله

الى الامام


انت مختفى فين
بقالى كثير اوى مش بشوفك فى المنتدى
يارب يكون المانع خير
ونورت الموضوع بمرورك عليه

حاسس انك روائية عبقرية

و حسك الفنى وليد البارحة لكنه متطور و بليغ لدرجة توحى بألف سنة من الخبرة

وجودك فى هذا المجال - القصة القصيرة - عطر و حضورك به رائع

استمرى على ما انت عليه و حاولى قراءة القصص القصيرة للكتاب الكبار

و بعدين انتى اسمك هبة و انا عمال اقولك يا هند يا هند

طب زمرى قولى حاجة

عموما هبة من هند ما تفرقش كتير

مايهمش اسم الشخصية المهم الشخصية نفسها

استمرى فى الابداع يا فنانة

حاسس انك روائية عبقرية

و حسك الفنى وليد البارحة لكنه متطور و بليغ لدرجة توحى بألف سنة من الخبرة

وجودك فى هذا المجال - القصة القصيرة - عطر و حضورك به رائع

استمرى على ما انت عليه و حاولى قراءة القصص القصيرة للكتاب الكبار

و بعدين انتى اسمك هبة و انا عمال اقولك يا هند يا هند

طب زمرى قولى حاجة
ههههههههههههههههه
عموما هبة من هند ما تفرقش كتير

مايهمش اسم الشخصية المهم الشخصية نفسها
فعلا عندك حق المهم الشخصيه نفسها
استمرى فى الابداع يا فنانة


بجد مرورك اسعدنى جدااااااااا
والحمد لله ان القصه عجبتك
والجزء الاخير هنزله بكره باذن الله

وده الجزء الاخير من القصه يارب يعجبكم وتقدرو تعيشو احداثه بكل مافيها من رومانسيه


التفت سامح اليها وقال:خطة!!!خطة ايه بس يا بنت؟
احنا هنعملهم زى الافلام القديمه!!
عفاف:اسمع بس يأخى , مش انا عيد ميلادى بعد بكره؟
سامح:ايوه ,كل سنه وانت طيبه ياستى
بس ايه اللى دخل ده فى الموضوع دلوقتى؟
عفاف:انا هكلم زهره واتفق معاها انها تجيلى ومش هقبل منها اى اعتذار , وانت تكلم فارس وتعزمه وتقوله لازم تيجى
وانا متاكده انهم هيجو
سامح:اشمعنا بقى يا فالحه؟
عفاف:كل واحد منهم عاوز يعد يتكلم عن التانى للصبح
وانا هخليهم بدل مايتكلمو عن بعض هخليهم يشوفو بعض
ايه رأيك بقى؟
سامح:انا شايف انها فكره جميله اوى وخصوصا ان بابا وماما مش هيجو الا الشهر الجى ,يلا نقوم ننفذها يا فوفو يا حبيبتى.
وذهب كل منهما ليتحدث الى صديقه واستطاعو ان يدعو فارس وزهره الى الحفل.
عفاف:ياااا...عارف يا سامح كنت خايفه لزهره ماتجيش ,
انا مش عوزاها تفضل تفكر كثير
عوزاها تعيش قصة حب جميله ,عوزاها....
فقاطعها سامح:تعرفى انا اللى نفسى فارس يكمل حياته مع البنت دى لانه ماكنش عارف يحب من ساعة اخر بنت حبها , بس الحمد لله دلوقتى الوضع اتغير,يلابينا نشوف هنعمل ايه علشان الحفله.
وفى صباح اليوم التالى ذهب فارس الى العمل كعادته
فارس وبصوت عالى:صباح الخير يارجاله
وبعدها اخفض من صوته وبصوت رقيق:صباح الخير يا زهره
زهره وبصوت ارق:صباح الخير يافارس
وحينما سمع فارس صوت زهره قال فى نفسه:الله.....صوتها جميل اوى ,يارب افضل اسمعه على طول.
زهره:فارس,انت مالك سرحان كده على طول,لا ركز النهارده علشان عندنا يوم احتمال يكون صعب
فارس:ليه ايه اللى حصل؟
زهره:صاحب الشركه لسه مدينا تعليمات ان فى واحد من اعدائه اتصل بيه وهدده .
فارس:طيب انا رايح بسرعه افتش على الحراس
زهره:مالك قلقان اوى كده ليه ,على فكره دى مش اول مره تحصل
روح يلا مر على الحراس وانا واقفه هنا
فارس:بما انك المساعده الخصوصى بتاعتى بأمرك انك متتحركيش من هنا.
فابتسمت زهره لفارس وقالت له:حاضر يا فندم
فذهب فارس ليشرف على الحراس فوجد احد الحراس ملقى على الارض
فارس:ايه ده ابو حميد مالك ياراجل
اكتشف فارس ان الحارس مصاب بالحمى ,فاتصل بالاسعاف لياخذوه
واضطر ان يأخذ مكانه ولم يعد لزهره من جديد.
اتصل فارس بزهره عبر اللاسلكى وكان يتكلم بصوت حزين: زهره انا مش هقدر اجى اقف معاك النهارده
زهره:ليه يا فارس فى حاجه حصلت؟؟
فارس:ابو حميد يا ستى جاتله حمى فنقلوه للمستشفى وانا مضطر اقف مكانه,ومش هقدر اقف معاك النهارده
زهره:تحب اجى اقف مكانه وانت تيجى تقف فى مكانك
فارس:المشكله مش انا واقف فين خالص,فى الحالتين انا مش هكون واقف معاك.
فاحمرت وجنت زهره وقالت لفارس وهى متوتره قليلا: معلش يا فارس ده مجرد يوم
فارس:خدى بالك من المكان كويس واى حركه مش طبيعيه كلمينى.
وبعدها ظل فارس يتحدث لنفسه:يااااا........انا حاسس ان روحى مش معايا,حاسس...حاسس انها حوليك يا زهره
صحيح انت مش سمعانى دلوقتى ,بس خلاص انا هعترفلك بكره بحبى ليك,انا مش عارف هستحمل ازاى اليوم ده,
معقول انا زعلان اوى كده علشان زهره مش جنبى!!
خلاص انا هصارحها بكره بكل حاجه,انا مش هضيع بقيت عمرى فى التردد
انا...انا مش عاوز اخسرها هى كمان
ودمعت عين فارس قليلا ووقف ليكمل عمله.
وفى نهاية اليوم ذهب ليرى زهره قبل ان يرحل ولكنه لم يجدها
فارس:تانى!!!
احد الحراس:فارس بيه خلاص صاحب الشركه نزل وزهره هانم مشيت بعديه وكانت مرهقه اوى
فارس:طيب يلا روح انت كمان.
وذهب فارس الى بيته وكان حزين لانه لم يستطع ان يسلم حتى على زهره قبل رحيلها, وتحدث لنفسه من جديد
ده الحارس قالى ان زهره كانت مرهقه
ياترى هى عامله ايه دلوقتى!!
اعمل ايه دلوقتى وانا مش معايا حتى رقم تليفونها!!!
اطمن عليها ازاى!! انا خلاص هتجنن , هعمل ايه يعنى هشوفها بكره بقى
ايه ده صحيح بكره اجازه يادى الحظ
وسامح عازمنى عنده , مش عارف اروح ولا ايه
ده كان ماكد عليا اوى وهيزعل لو مارحتش
خلاص اروح بقى وامرى لله.
وفى اليوم التالى
جهز فارس نفسه للحفل ولبس ملابسه وذهب لسامح قبل زهره بحوالى ساعه
وجلس سامح يتحدث مع فارس قليلا وبعدها
سامح:انا هروح اشوف عفاف شويه لحسن تزعل منى فى عيد ميلادها,بس ماتخفش جيلك على طول.
وجائت زهره لحفلة عفاف التى هى فى الواقع حفلة فارس وزهره
زهره:عفاف حبيبتى كل سنه وانت طيبه
عفاف:وانت طيبه يا حبيبتى
معلش يا زهره انا هعمل حاجه وجيالك ادخلى هنا وهجيلك على طول
فقالت لها زهره بتعجب:حاضر
ودخلت زهره الى الغرفه وجلست وبعدها لمحت شخص بداخل البلكونه, وكأنها قد ادركت فارس من بعيد وقالت فى نفسها:
معقول فارس هنا,لا...لا..مش معقول
هيجى هنا يعمل ايه,انا شكلى اتجننت ولا ايه
فحاولت التقرب لترى من يكون هذا الشخص
فلمحها فارس من بعيد وقال فى نفسه بتعجب :ايه ده هو انا تعبان ولا ايه!!هو للدجه دى زهره وحشانى!!!
فحاول هو الاخر ان يتقرب من هذه الفتاه لعلها تكون صدفه العمر
وحينما اقتربا كل منهما من الاخر
لفظ كل منهما اسم الاخر
فارس:زهره!!!
زهره:فارس!!!!
انت بتعمل ايه هنا؟؟
انت تعرف عفاف؟؟
فارس:دى اخت صحبى ,يابن ال....
فارس:زهره تعرفى ان اصحابنا دول بيحبونا اوى
عملو فينا جميل العمر كله
فضحكت زهره وقالت لفارس:جميل ايه يا فارس
فارس:زهره...انا..انا...
فقاطعته زهره وقالت له بصوت رقيق كانه صوت النغم
انت ايه يا فارس؟قول اللى انت عاوزه
فارس:انا مش عارف اتكلم اقولك ايه بالظبط
تصدقى لو قلتلك انى حبيتك..
فلم تتعجب زهره لكلامه فهى الاخرى قد احبته من اول نظره
فارس:ايوه يا زهره انا بحبك..بحبك من اول ماشفتك...من اول مانطقتى باسمك ,من....
فقاطعته زهره قائله:انا مش مستغربه يافارس لانى انا كمان حبيتك ومش عارفه ازاى كده بسرعه
فتنهد فارس وقال لها:تعرفى لو مكنش النهارده اجازه كنت قلتلك الكلام ده كله فى الشركه وكنت عاوز اقولك كمان....
وفجئه تم مقاطعة حديثهما
سامح:ترااااااااااا......ايه رايك فى المفاجئه دى ياعم ؟؟
فارس :عامل زى عفريت العلبه هقولك ايه بس
تعال فى حضنى ياواد
وحينما اقترب منه سامح قال له فارس بصوت منخفض:
ممكن تسيبنا لوحدنا شويه يارخم
سامح:هههههههههههههههههههههههههههه...ماشى ياعم
انا هروح اجيب حاجه وجاى مش هتاخر عليكو
وحينما خرج سامح كانت اخته واقفه على الباب فأخذها وذهب
عفاف:ايه فى ايه يا سامح؟
سامح:انا لسه كنت عندهم جوه وفارس طلب منى انى اخرج شويه
فضحكت عفاف وقالت له:طيب يلا بينا.
واستكمل فارس حديثه هو وزهره
زهره وبصوت ملئ بالمشاعر:احنا كنا بنتكلم فى ايه قبل ماصحبك يدخل؟
اه كنت عاوز تقولى ايه النهارده فى الشركه؟
فصمت فارس قليلا وظل ينظر اليها فشاركته هى الاخرى فى صمته
وكأنهما ذهبا فى عالم اخر بعيد
وفجئه سمع فارس وزهره صوت موسيقى
فاخذ فارس يد زهره وظل يرقص بها وينظر الى عينيها وتنظر الى عينيه
وبدون مقدمات قال فارس لزهره:زهره انا مش عاوز ابعد عنك تانى
فنظرت اليه زهره نظره جعلت قلب فارس يدق ويدق
فقال لها فارس:زهره تقبلى...
فقاطعته زهره وقالت له:ايوه يا فارس...انا...انا موافقه
فنظر اليها فارس بحنان وقال لها:بجد تقبلى تتجوزينى!!!
زهره:فارس..اسم على مسمى
انت فارس احلامى ومالك ايامى
تعرف يافارس انا من زمان وانا بتمنى الاقى حد زيك
كنت عاوزه حد يخطفنى بعنيه
وانت خطفتنى اول ما شفت عنيك
فارس:يااااااااااااا.......كل الكلام الحلو ده ليه
انا اللى مش عارف انا حبيتك ازاى ولا امتى ولا حتى ليه
انت كمان خطفتينى بعيد ...بعيد اوى يا زهره
زهره:عارف انا حاسه انى طايره فى السما..لا..لا فوق السحاب
فارس:انا نفسى اخليك اسعد انسانه فى الدنيا دى كلها
قوليلى بس نفسك فى ايه
زهره:مش عاوزه ابعد عنك تانى خالص
فارس:يااااااا.....تعرفى انى كان نفسى تقوليلى كده
تحبى...تحبى,نتجوز امتى؟
فصمتت زهره ولم تستطع الكلام
فنظر اليها فارس وقال لها:انا عن نفسى عاوز اخطفك دلوقتى ونروح لاقرب مأذون
ياترى شفت مجنون زى قبل كده
زهره:اه,انا
عارف ليه؟لانى عاوزه انا كمان مبعدش عنك تانى ابدا
فارس:طيب يلا بينا
زهره:على فين؟؟؟
فارس:اقرب مأذون ياحبيبتى
فنظرت اليه زهره ودمعت عيناها وارادت ان ترقص مع فارس من جديد وهو الاخر كان يريد نفس الشئ
فأخذ فارس بيد زهره وكأنه يمسك بها لاول مره واقترب منها ورقص معها من جديد
وكأنهما ذهبا فى عالم اخر بعيد
وفجئه نظرت زهره لفارس وقالت له :فارس انت تعرف ايه عنى؟؟
فارس:انا مش عاوز اعرف غير حاجه واحده انك بتحبينى زى مابحبك وده عندى بالدنيا كلها.
زهره:وياترى ده كفايه يا فارس!!!
فارس:صدقينى ده كثير عليا اصلا مش كفايه وبس
زهره:انا عاوزه احكيلك حكايتى ..انا........
فقاطعها فارس:حبيبتى بعدين مش دلوقتى ,خلينا نعيش اللحظات الجميله دى و والله العظيم اى حاجه هتحكيها مش هتقصر فى حبى ليك,لانى مش بحبك وبس انا بمووووت فيك
فابتسمت زهره وتنهدت وبعدها مالت برأسها على كتف فارس وشعرت ان فارس هو عالمها الجميل.
وفجئه نظر فارس للساعه:ياخبر
زهره:ايه فى ايه؟
فارس:انت عارفه الساعه كام دلوقتى؟الساعه 2 بالليل
زهره:ياخبر وازاى عفاف تنسانا لحد دلوقتى
وحينما فتحا الباب
وجدو عفاف وسامح كل منهما مستلقى على اريكه وقد خلدو الى النوم
فارس:اسف جدا يازهره على الموقف ده
طيب ممكن تتصلى باهلك وتقوللهم انك بايته النهارده عن عفاف
فتنهدت زهره وقالت:انا مش ليا حد خالص
فحاول فارس ان يخرج زهره من حزنها هذا وقال لها:امال انا ايه بس يا زهره!!
لو مكنش ليك حد فأنا دنيتك,اعتبرينى حبيب وصديق واخ واب
وكل اللى نفسك فيه
انا مستحيل ابعد عنك تانى
وفجئه انطلقت الصواريخ فى المنزل باكمله
هييييييييييييييه ....هيييييييييييييييييييه
فانتفض فارس وزهره
ايه ده كده تعملو فينا كده
سامح:نعمل ايه ياعم ,دى الحفله دى كلها معموله علشانكو
فابتسم فارس وحضن صديقه سامح
وابتسمت زهره وقبلت وحضنت صديقتها وبكت
عفاف:مالك يازهره
زهره:انا كل الوقت ده كنت حاسه ان ماليش اهل وانت كنت ليا الاخت الحنونه والام العطوفه
عفاف:انت هتكبرينى بقى ولا ايه,ههههههههههههههههههه
اضحكى بقى يا زهره ,مش قلتلك ان فارس بيحبك بجد
اهو طلع بيموت فيك
صح ولا غلط؟
زهره:وانا كمان بموت فيه,تعرفى ده طلب منى الجواز
بس انا مش عارفه احدد معاد
عفاف:خلاص ياحبيبتى الجمعه الجايه
ومر الاسبوع عليهما ببطء شديد فكل منهما يريد ان يعيش مع الاخر باقى حياته
وقبل الزفاف بساعات ارادت زهره ان تكلم فارس
زهره:فارس انا اتربيت فى مدرسه داخليه
لما مامتى ماتت تركنى ابى فى مدرسه داخليه وتزوج بأمرأه اخرى
وكنت مش بشوفه خالص.
فارس:هو ده الموضوع اللى كنت عاوزه تقوليه ليا الاسبوع اللى فات ,بصى يا زهره انت متخيله ان موضوع زى ده ممكن يأثر فى حبى ليك
يلا يازهره علشان المأذون شويه وجى
وتجهز كل منهما وجاء المأذون وعقد قرانهما
وعاش فارس مع زهره حياه سعيده وانجبو صبى وفتاه
وسموهما (عفاف)و(سامح) ولم ينسو ابدا مافعله اصدقائهم لهما
انتهت هذه القصه بنهايه سعيده ولكن كم قصه حب تنتهى بهذه النهايه السعيده!!!

يارب تكون عجبتكم وادعولى انى الاقى فكره جديده واقدر اكتب قصه اخرى

انا سمعت قبل كدة عن قصة رومانس ، تراجيدى ، اجتماع ، كوميدى

لكن فيه كدة ؟؟؟؟

فيه قصة رومانسية تراجيدية اجتماعية كوميدية مشوقة

انتى بجد تفوقتى على نفسك و بجد مشروع سيناريست هايل جدا جدا جدا جدا

متعينا كمان و كمان و قريب جدا اشوفلك قصة أحسن كمان من دى

رغم ان دى بصراحة مستواها فوق الوصف

بجد أبدعتى يا هبة

انت مختفى فين
بقالى كثير اوى مش بشوفك فى المنتدى
يارب يكون المانع خير
ونورت الموضوع بمرورك عليه

المانع خير الحمد لله
النت بس اللى عندى بعافيه شويه فكنت بظبط فيه شويه بس

اما بالنسبه للجزء التانى والاخير من القصه بجد خرافه
بجد
كم انتى رائعه فى انتقائك لهذه القصه
الى الامام
وفى رعايه الله

انا سمعت قبل كدة عن قصة رومانس ، تراجيدى ، اجتماع ، كوميدى

لكن فيه كدة ؟؟؟؟

فيه قصة رومانسية تراجيدية اجتماعية كوميدية مشوقة

انتى بجد تفوقتى على نفسك و بجد مشروع سيناريست هايل جدا جدا جدا جدا

متعينا كمان و كمان و قريب جدا اشوفلك قصة أحسن كمان من دى

رغم ان دى بصراحة مستواها فوق الوصف

بجد أبدعتى يا هبة
خليها بيبو احسن


الحمد لله ان القصه عجبتك يا بندق
ويارب تجيلى فكرة قصه جديده
ويارب تفضل انت كمان تمتعنا باجمل مواضيعك

المانع خير الحمد لله

النت بس اللى عندى بعافيه شويه فكنت بظبط فيه شويه بس
طيب الحمد لله انك بخير
اما بالنسبه للجزء التانى والاخير من القصه بجد خرافه
بجد
كم انتى رائعه فى انتقائك لهذه القصه
الى الامام

وفى رعايه الله


والحمد لله ان القصه نالت اعجابكم
وعلى فكره انا مش بعرف ارد اقول ايه بعد ردودكم الجميله دى

يا اخيرا لقينا قصه نهايتها سعيده ومن غير مشاكل وبجد قصه جميله اوى فيها براءه وبساطه

يا اخيرا لقينا قصه نهايتها سعيده ومن غير مشاكل وبجد قصه جميله اوى فيها براءه وبساطه

الحمد لله انها عجبتك يا ايمن
واكيد طبعا لازم يكون فيها براءه مش انا اللى كتباها...ههههههههههههههههههههههههههه
وبجد بكون سعيده لمتابعتك لموضوعاتى
ونفسى تنزلنا قصه حلوه

ياربى ايه الدماغ العالية دى يابنتى
انتى هايلة اووووووووووووى
القصة دى بجد تحفه
ياريت تستمرى فى كتابة القصص انتى بجد عندك موهبة جامدة جدا
ويارب تجيلك فكرة تانية بسرعة عشان تعمليلنا احلى قصة زى دى كده
بجد مش عارفة اقول ايه اكتر من انك مبدعة جدااااااااا

ياربى ايه الدماغ العالية دى يابنتى
انتى هايلة اووووووووووووى
القصة دى بجد تحفه
ياريت تستمرى فى كتابة القصص انتى بجد عندك موهبة جامدة جدا
ويارب تجيلك فكرة تانية بسرعة عشان تعمليلنا احلى قصة زى دى كده
بجد مش عارفة اقول ايه اكتر من انك مبدعة جدااااااااا

مرسى لمرورك الجميل ده
وبجد مش عارفه ارد على ردك الجميل ده بايه
انا بحاول الاقى فكره تانيه جديده
وانشاء الله تظبط معايا

تحفه اوي يا هند

بجد روعه واسلوب شيق ومش ممل ابدا

بس في حاجه عايزه اقولك عليها بدون زعل

عندك اخطاء املائيه كتير

يعني انثه = انسه

يقصر = يأثر

وغيره ياريت تخلي بالك من الاخطاء الصغيره دي

وكمان في حاجه اول جمله قالها مدير الشركه لفارس كانت فصحى

ورد عليه بالعاميه ؟؟؟ ازاي تيجي دي ؟ هههههههه

بس بعيدا عن الهفوات دي القصه تحفه بس انا لقيتلك غلطه محدش خد باله منها


عفاف:سامح هو فارس بيحب عفاف؟



سامح بيحب زهره مش عفاف ههههههههههه

شكرا لموضوعك الاكثر من رائع

تحفه اوي يا هند

بجد روعه واسلوب شيق ومش ممل ابدا

بس في حاجه عايزه اقولك عليها بدون زعل

عندك اخطاء املائيه كتير

يعني انثه = انسه

يقصر = يأثر

وغيره ياريت تخلي بالك من الاخطاء الصغيره دي

وكمان في حاجه اول جمله قالها مدير الشركه لفارس كانت فصحى

ورد عليه بالعاميه ؟؟؟ ازاي تيجي دي ؟ هههههههه
اصلى كنت هكتب القصه بالفصحى وبعد كده غيرت رأيى
وخليتها بالعاميه..مخ بقى....ههههههههههههههههههههههههههههه
بس بعيدا عن الهفوات دي القصه تحفه بس انا لقيتلك غلطه محدش خد باله منها
سامح بيحب زهره مش عفاف ههههههههههه

شكرا لموضوعك الاكثر من رائع

مرسى على مرورك الذى اسعدنى
واسفه على الاخطاء دى
لانى اصلا مش شاطره فى اللغه العربيه خالص
بس بحب الكتابه فى نفس الوقت
وبالنسبه لسؤال عفاف لسامح اعتبريه غلطه مطبعيه..ههههههههههههههههههههههههههه
لانه فعلا كده
نورت الموضوع يا سندريلا

صدقتِ .. كم قصة حب تنتهي بتلك النهاية السعيدة ؟!!!!!!!
ولكن تلك القصة كان يجب أن تنتهي نهاية سعيدة .. لأن مبدأها صواب .. الاثنان يبحثان عن النور .. لا يريدان حياة الظلام .. أول ما فكرا فيه سوياً هو الزواج .. لتغليف ذلك الحب بأطر شرعية .. تزيده قوة وصلابة وتحد لمواقف الحياة .. وفارسك يا هبة .. فارس بمعنى الكلمة قلما وجد مثيله في شباب الجيل - إلا من رحم ربي - وزهرتك يا هبة .. صدقتِ أن أسميتها زهرة .. فهي قول مفرد (زهرة) وهذا يدل على تفردها وفرديتها .. فهي متفردة في الصفات والرقة والثقة بالنفس والاعتماد عليها .. وهي وحيدة تحيا فرداً لا أهل ولا معين .. وهي كالزهرة تبهر بجمالها وتجرح بشوكها من فكر في إيذائها ..

قصتك يا هبة .. قصيرة .. عميقة .. عليك بالكتابة .. ولكن لي نصيحة .. اجعلي أسلوب الحوار أكثر عمقاً من ذلك واسترسلي في وصف الحدث أو ما نسميه (سناريو) مثلاً وصف المكان الجو اللون الصوت الحركة .. وهذه الأشياء تعطي للقصة حياة أكثر ..

بارك الله فيه أختاه .. وننتظر المزيد من قصصك الرائعة

صدقتِ .. كم قصة حب تنتهي بتلك النهاية السعيدة ؟!!!!!!!
ولكن تلك القصة كان يجب أن تنتهي نهاية سعيدة .. لأن مبدأها صواب .. الاثنان يبحثان عن النور .. لا يريدان حياة الظلام .. أول ما فكرا فيه سوياً هو الزواج .. لتغليف ذلك الحب بأطر شرعية .. تزيده قوة وصلابة وتحد لمواقف الحياة .. وفارسك يا هبة .. فارس بمعنى الكلمة قلما وجد مثيله في شباب الجيل - إلا من رحم ربي - وزهرتك يا هبة .. صدقتِ أن أسميتها زهرة .. فهي قول مفرد (زهرة) وهذا يدل على تفردها وفرديتها .. فهي متفردة في الصفات والرقة والثقة بالنفس والاعتماد عليها .. وهي وحيدة تحيا فرداً لا أهل ولا معين .. وهي كالزهرة تبهر بجمالها وتجرح بشوكها من فكر في إيذائها ..

قصتك يا هبة .. قصيرة .. عميقة .. عليك بالكتابة .. ولكن لي نصيحة .. اجعلي أسلوب الحوار أكثر عمقاً من ذلك واسترسلي في وصف الحدث أو ما نسميه (سناريو) مثلاً وصف المكان الجو اللون الصوت الحركة .. وهذه الأشياء تعطي للقصة حياة أكثر ..

بارك الله فيه أختاه .. وننتظر المزيد من قصصك الرائعة

انا كنت فى انتظار رد حضرتك
وبجد رد حضرتك اسعدنى جدا واعطى لى المزيد من الامل
وباذن الله سوف انزل قصه اخرى فى اقرب وقت ممكن لانى ماذلت اكتبها
وحضرتك عارف الامتحانات قربت وانا لسه ماعرفش حاجه
ادعيلى بقى

ربنا يوفقك وتجيبي امتياز يا رب

أولا أنا بجد آسفة جدا يا بوبة عشان إتأخرت ف ردى عليكى ,

بس بجد قصتك حلوة أوى أوى أوى أوى وعجبيتنى جدا ,

كملي إبداعاتك ومتعينا بيها يا قمر .......

أولا أنا بجد آسفة جدا يا بوبة عشان إتأخرت ف ردى عليكى ,

بس بجد قصتك حلوة أوى أوى أوى أوى وعجبيتنى جدا ,

كملي إبداعاتك ومتعينا بيها يا قمر .......

اكيد كنت مشغوله علشان كده مش شفتيها
مقدره ظروفك يا قمر
بس الحمدلله انها عجبتك يا خوختى
وانشاء الله هبقى اكتب واحده تانيه بس فى الاجازه بقى باذن الله
ونورت الموضوع كله حتى شوفى...:):):)كفايه بقى علشان الكهرباء غليت...ههههههههههههههههههههههههه

فكرتينى بشهرزاد الف ليلة وليلة
بتشوقينا

يا دي التشويق اللي مش هنخلص منه .. في كل قصة مسلسلة يتركنا الكاتب معلقين في الهواء بين السماء والأرض .. قصة جميلة وشكلها فيها مفاجآت كتيرة حاولي يا هند تعمقي في أحداثها وتوسعي في شخصيتها أكتر لأن بدايتها وفكرتها حلوة ...
هيا بنشاط ننتظر المزيد ...
وربنا يزيدك كمان وكمان يارب

فكرتينى بشهرزاد الف ليلة وليلة
بتشوقينا

انا حاولت اشوقكم اكثر واكثر لان لو القصه ماكنش فيها تشويق مش هيقبل عليها كثير
لازم اخلى الناس تفكر شويه برده وتحاول تتخيل الاحداث
مرسى على مرورك :)

وربنا يزيدك كمان وكمان يارب

مرسى على مرورك ودعوتك الجميله دى
ويارب يزيدنى واقدر امتعكم بقصص تانيه وتكون اجمل
انشاء الله فى الاجازه هعد اكتب واحده ويارب تطلع حلوه
والله انا بكتب بتشجيعكم ليا:av4056bb7jp3::):av4056bb7jp3:
مرسى ليكم كلكم ويارب مش يحرمنى منكم ابدااااااا

جميلة بجد.

جميلة بجد.

مرورك الاجمل
مرسى ليك

انا حبيت انشط الموضوع علشان اللى مش شافه يشوفه
انا شفت الموضوع وعشت كل لحظه فيه من جديد
يارب تستمتعو بيها

بجد كويس انك نشطى الموضوع( ده من حظى)
القصة دى بجد تحفه
وان شاء الله تستمرى فى كتابة القصص
وبجد انتى مبدعة

بجد كويس انك نشطى الموضوع( ده من حظى)
القصة دى بجد تحفه
وان شاء الله تستمرى فى كتابة القصص
وبجد انتى مبدعة

مرسى كثير لردك اللى بجد اسعدنى
وكويس ان القصه عجبتك

انا حبيت انشط الموضوع علشان حابه ان اعضاء جدد يستمتعو به

قصة جميلة جداً ربنا يوفقك و تكوني كاتبة عظيمة و نشوفلك أعمال قيمة تثري الادب العربي الحديث

تسلم ايدك يا قمر
فى انتظار البقيه