مشاهدة النسخة كاملة : ويبقى السؤال؟،،، ماهى نظرة الاخرين لك بعد ارتكاب الخطا؟!!
طـفـلـة الامـس 09-11-2008, 02:37 PM بعد التحية،،،،،،،،،
فى الاول اقولكم سبب كتابتى لهذا الموضوع
كنت عند جدتى يوم السبت فلقيت عندها جريدة الاهرام فالمهم قعدت اقرا ايه؟!!
بريد الجمعة ،،،.. والقصة كانت تدور حول شاب مصرى بدا حياته وهو فى مقتبل عمره للاسف فى تعاطى المخدرات ولكن مع الوقت ربنا هداه الى تركها تماما وكانت بتحصله الاعراض بتاعة اى حد لما بيسيبها ولكنه كان يتحمل املا ان يعيش حياة محترمة كما يقول
بعدها اتقدم لفتاة ووافقت عليه واخبرها انه كان كذا كذا بس هو دلوقتى خلاص الموضوع ده انتهى بالنسبة له وكده
من باب الامانة يعنى وهى وافقت وبعدين تزوج بها
وبيقول انه بدات تتكاثر عليه الديون فاضطر الى اللجوء اليها مرة اخرى وبدات زوجته تحس بالامر ده
فاخبرها ولما هى طلبت منه الطلاق كان هو متعلق بها بشدة فترك المشوار ده وبعد عنه نهائى للمرة التانية
المهم ان زوجته دى مابقتش واثقة فيه اطلاقا
كل شوية تطلب موضوع الطلاق ده وهو بيقول انه متمسك بيها ومش هايقدر يسيبها ابدا
فلما لقاها مصرة جدا قالها انه فيه برنامج تنظمه احدى المراكز للمدمنين للاقلاع عنه تماما
وذهب هو وهى وكان وحتى الان مستمر فى اتباع خطوات البرنامج ده عشان مايرجعش للموضوع ده تانى ابدا
المهم انها برده اقتنعت شوية بكلامه وبعد كده حست انها لسة خايفة منه برده
وهو مش عارف يقنعها ازاى ان الموضوع ده انتهى فعلا وعمره ماهايفكر فيه تانى
وكان فى اخر المقال بيطلب من الكاتب انه يقوله ازاى يقنعها وانه لو اقنعها هايقوله على اسماء تجار كان يعرفهم اثناء تلك الفترة وكان كاتب اسم موقع بس انا فاتنى انى افتحه وانا هناك او حتى اكتبه
انا كل اللى اثر فيا فى الحكاية دى انه بيقول فى نهاية القصة
هو معنى ان الانسان غلط فى حياته يبقى ده خلاص منبوذ من الجميع وماحدش هايثق فيه ابدا لمجرد غلطة هو ارتكبها وندم عليها؟
اليست هناك من شىء يدعى توبة؟
ومالحتقش اقرا حتى رد الكاتب عليه
عشان ماما كانت ماشية وسابتنى اكملها بعد طول محايلة
هو ده بقى موضوعى بيدور حول تلك القصة
الغلط هنا بقى عند مين؟!!!!!!!!
عند زوجته لانها مش قادرة وده غصب عنها انها تثق فيه
ولا عنده هو
زى ماصاحبتى قالتلى
قالتلى انه هو ماكانش المفروض يقولها من البداية لما اتقدم لها انه كان كذا كذا
لانه لو كان فكر انه يقدم على الخطوة دى تانى خوفه من انها تعرف الموضوع ده للمرة الاولى كان هايمنعه من الاقدام على الموضوع ده تانى
ايه معنى ان الانسان يغلط ؟
انسان مش كويس صح؟ بس امتة؟!!
حينما يصر على غلطه ومايحاولش انه يقلع عنه
انا بصراحة لما حطيت نفسى مكانها لقيت ان غصب عنى هاكون كده زيها وهاتصرف نفس تصرفها
وفى نفس الوقت ،،،
هو حاله يرثى له
لان كل الناس هاتبقى نظرتهم ليه كده لغلطة ارتكبها وندم عليها
هايعيش حياته كلها متعذب بسبب كده؟!!!!!!!!!!!!!!!!!
Dr.ahmed91 09-11-2008, 03:26 PM بداية انا احب اعلق على القصة
الراجل ده اكيد غلطان
غلط لما شرب مخدرات وغلط لما قالها وغلط لما تراكمت عليه الديون وغلط لما رجع للمخدرات تاني
طب هو ليه كان غلط لما قالها.....
تخيلي معايا واحد من اللي مقطعين السمكة وديلها وكل يوم مع بنت بس ربنا تاب عليه وتخيلي
لما جه يتجوز وقال لمراته على كل التفاصيب دي... مراته طبعا الشك حيركبها ودايما حيبقى عندها احساس انه زوجها بيخونها رغم انه بقى اخلاق ومتدين وكويس
ممكن الست دي لو كان جوزها اول مرة يروح للمخدرات كانت تقدر ظروفه وديونه وتقف جنبه وتساعده
انما للمرة التانية هيا حست انه ضعيييييييييييف ومش ده اللي تأمن له
يمكن تكون غلطانه ويمكن يكون عندها حق
بشكل عام بقى
احنا كناس عايشين في العصر ده وفي المكان ده.......معظمنا ضيع حاجات كتير حلوة
الاخلاق والدين والأمانه والصدق والاخلاص والوفاء والصداقة .يبقى مفيش مانع التسامح والعفو
يريحوا شوية برضه
بس السؤال ليه احنا لما نغلط نبقى عايزين اللي غلطنا فيهم او اللي غلطنا مسهم يسامحونا مع اننا نفسنا
في احيان كتير ممكن ما نقبلش نسامحهم
ليه دايما غلطات الانسان او ظروف حواليه مفروضة عليه او هو مالوش دخل فيها او جه الدنيا لقاها كده .. ليه كل ده يفضل معانا...المفروضاعتها نزعل من الناس ولا من الدنيا؟؟
انا اللي يلخص كل ده سؤالنا لنفسنا وسؤالك لنفسك
هل لو انا مكان الست دي حقدر اسامح؟؟؟
مش سماح كده .. كلام والسلام واول موقف نرجع تاني
انما انا اقصد عفو وكأن شئ لم يكن
موضوع رائع
:078111rg3::078111rg3:
Taleba Me7tasa 09-11-2008, 06:02 PM اكيد هو اللي غلطان وميستحقش انها ترجعله
وهي ليها حق انها متثقش فيه تاني
لانه ضعيف
لما قالها انه كان مدمن بس بطل يبقى خلاص سماح
في الحالة دي بس نقدر نقول انها ظالمة لو كانت رفضته
لكنه بمجرد ما اتداين رجع للهباب دة تاني
وهي ايش ضمنها انه مش هيدمن تالت
هيحلف
طب ماهو اكيد حلف لها قبل كدة وبطل واهو رجع تاني وبيحلف تاني انه مش هيدمن
وانا مش مع راي انه كان المفروض يخبي عليها
لانه لما صارحها وثقت فيه فعلا
لكن هو اللي خان الثقة دي
شكرا يا سارة ع الموضوع
مكانش ينفع يعني تاخدي معاكي الجرنال :(
Dr.ahmed91 09-11-2008, 06:09 PM شكرا يا سارة ع الموضوع
مكانش ينفع يعني تاخدي معاكي الجرنال
مكنش ينفع ما تقراهوش خالص
كنتي حتى حلي سودوكو وكلمات متقاطعة بس وشوفي الصور
:(
JusT DreaM 09-11-2008, 06:13 PM الراجل ده اكيد هو اللي غلطان لما وثقت فيه وهو مش كان اد الثقة دي
واحده غيرها لما كان يقولها مش كانت هترضى بيه
هايعيش حياته كلها متعذب بسبب كده؟!!!!!!!!!!!!!!!!!
في اخطاء مابتتغفرش
وفي اخطاء لو اتقبلت مرة مش ممكن تتقبل للمرة التانية
وفي اخطاء بتعدي عادي
كل ده حسب نوع الغلط
توبيك جميل بجد ياسارة
ولو عاوزة تشوفي رد الكاتب
هتلاقيه في الارشيف في الاهرام على النت
وانا ممكن اجبهولك
جزاكي الله خيرا ياقمر
كان نفسي ارد اول واحد
بس الله يسامح اللي كان السبب:d
Dr.diamond 09-11-2008, 06:23 PM فعلا مكنش المفروض يقولها من الاول
يعنى هو خلاص كان بطل وربنا ستر عليه ليه هو بقى يفضح نفسه
هو كده اعتبرها صراحه لكن هى اكييد وقتها خافت من داخلها منه
وهى اكييد كانت خايفه من انه يرجع تانى , فلما حصل ده هى طلبت الطلاق اكييد عشان هو كده امامها ضعيف بدون اراده ده غير المشاكل الكتير اللى اكييد بتسببلهم نتيجه ديونه ومشاكله دى
كان نفسى ارد اول واحده بس انتى عارفه كنت اد ايه مشغوله وقتها:049gc0:
و بعدين لسه بتقرى الاهرام بس لما اشوفك :abdoog8:
JusT DreaM 09-11-2008, 06:44 PM انا مش عارفة انتي بتتكلمي على انهي جمعة بالظبط
بس لو تقصدي الجمعة اللي فاتت
اهو اللينك بس القصة مش موجوده:d:d
http://www.ahram.org.eg/archive/Index.asp?CurFN=file0.htm&DID=9759
EnG.BeLaL 09-11-2008, 06:48 PM انا شايف ان هي عندها حق انها تطلب الطلاق لان هو انسان ضعيف
طالما الشيطان قدر يسيطر عليه مرتين و يوقعه فيها ممكن يسيطر عليه
تاني و تاني طول ما هو بعيد عن ربنا .
..Just Stop 09-11-2008, 06:59 PM هبدأ كلامى بجملة ( ومن في الدنيا مبيغلطش )
زمان ودلوقتى بيقولولنا مش الغلط انك تخطأ
لكن الغلط انك تتمادا فى خطأك
داوقتى الراجل ده هقول غلط فى الاول بسبب شربه للمخدرات بس هو
حاول يبطلها وقدر يبطلها
بس نفسه الضعيفة سببتله انه يرجع ليها تانى ورجع بطلها
دا انسان مش ثابت ولكنه متقلب
فالمفروض ان زوجته تساعده مش تتخلى عنه وتطلب الطلاق
خصوصا انه اعترفلها بده قبل ما يتجوزو
الذنب كله مش عليه
الذنب ذنب فرد واشخاص ومجتمع
ادينا شايفين الدنيا من حوالينا عاملة ازاى
نلتمس ليه من عذر لسبعين
ربنا يهدينا جميعا
دمتم فى رعاية الله
dr.saeed 09-11-2008, 11:35 PM هبدأ كلامى بجملة ( ومن في الدنيا مبيغلطش )
زمان ودلوقتى بيقولولنا مش الغلط انك تخطأ
لكن الغلط انك تتمادا فى خطأك
داوقتى الراجل ده هقول غلط فى الاول بسبب شربه للمخدرات بس هو
حاول يبطلها وقدر يبطلها
بس نفسه الضعيفة سببتله انه يرجع ليها تانى ورجع بطلها
دا انسان مش ثابت ولكنه متقلب
فالمفروض ان زوجته تساعده مش تتخلى عنه وتطلب الطلاق
خصوصا انه اعترفلها بده قبل ما يتجوزو
الذنب كله مش عليه
الذنب ذنب فرد واشخاص ومجتمع
ادينا شايفين الدنيا من حوالينا عاملة ازاى
نلتمس ليه من عذر لسبعين
ربنا يهدينا جميعا
دمتم فى رعاية الله
معاك يا محمود
:)
pureheart 10-11-2008, 12:54 AM هى مشكلة الادمان صعبة شوية و تحديد الغلطان كمان صعب بس انا شايفة ان الزوجة معاها حق فى انها متثقش فيه و كمان لو هى متجوزا و خلاص او غصبن عناها حيبقى مفيش اى سبب يخلها تستحمله وهو ( الزوج ) غلطان انه ادمن من الاول بس الغلط الاكبر انه بعد متعالج راح تعاطها مرة تانية يعنى هو الغلطان و المسئول الاول عن الموضوع
طـفـلـة الامـس 10-11-2008, 02:57 AM بداية انا احب اعلق على القصة
الراجل ده اكيد غلطان
غلط لما شرب مخدرات وغلط لما قالها وغلط لما تراكمت عليه الديون وغلط لما رجع للمخدرات تاني
ايوة وكلنا متفقين فى النقطة دى
طب هو ليه كان غلط لما قالها.....
تخيلي معايا واحد من اللي مقطعين السمكة وديلها
وكل يوم مع بنت بس ربنا تاب عليه وتخيلي
لما جه يتجوز وقال لمراته على كل التفاصيب دي... مراته طبعا الشك حيركبها ودايما حيبقى عندها احساس انه زوجها بيخونها رغم انه بقى اخلاق ومتدين وكويس
اه فعلا وده شعور لا ارادى
ممكن الست دي لو كان جوزها اول مرة يروح للمخدرات كانت تقدر ظروفه وديونه وتقف جنبه وتساعده
انما للمرة التانية هيا حست انه ضعيييييييييييف ومش ده اللي تأمن له
يمكن تكون غلطانه ويمكن يكون عندها حق
مانا قريت جزء صغير من رد الكاتب فقاله انه المفروض يثبتلها انه مش ضعيف ومش بيقدر يواجه المشكلات ويثبتلها عكس اللى هى شايفاه مش كويس فيه
بشكل عام بقى
احنا كناس عايشين في العصر ده وفي المكان ده.......معظمنا ضيع حاجات كتير حلوة
الاخلاق والدين والأمانه والصدق والاخلاص والوفاء والصداقة .يبقى مفيش مانع التسامح والعفو
يريحوا شوية برضه
بس السؤال ليه احنا لما نغلط نبقى عايزين اللي غلطنا فيهم او اللي غلطنا مسهم يسامحونا مع اننا نفسنا
في احيان كتير ممكن ما نقبلش نسامحهم
ليه دايما غلطات الانسان او ظروف حواليه مفروضة عليه او هو مالوش دخل فيها او جه الدنيا لقاها كده .. ليه كل ده يفضل معانا...المفروضاعتها نزعل من الناس ولا من الدنيا؟؟
انا اللي يلخص كل ده سؤالنا لنفسنا وسؤالك لنفسك
هل لو انا مكان الست دي حقدر اسامح؟؟؟
مش سماح كده .. كلام والسلام واول موقف نرجع تاني
بصراحة كونها قدرت تستمر معاه من البداية فده فى حد ذاته شىء جميل يذكر لها وانا نفسى ماكنتش هاقدر اوافق عليه بداية
بس طالما انها بعد كده عايزة تتخلى عنه فده اعتقد انها شافت منه اكيد مايستدعيها للقيام بذلك
انما انا اقصد عفو وكأن شئ لم يكن
نرجو ذلك جميعا مع انه شىء صعب المنال
موضوع رائع
:078111rg3::078111rg3:
ردك جميل يادكتور
جزاكم الله خيرا على المرور
بس حضرتك نسيت تكتب تحياتى قبل:078111rg3::078111rg3:
طـفـلـة الامـس 10-11-2008, 03:01 AM اكيد هو اللي غلطان وميستحقش انها ترجعله
وهي ليها حق انها متثقش فيه تاني
لانه ضعيف
لما قالها انه كان مدمن بس بطل يبقى خلاص سماح
في الحالة دي بس نقدر نقول انها ظالمة لو كانت رفضته
لكنه بمجرد ما اتداين رجع للهباب دة تاني
وهي ايش ضمنها انه مش هيدمن تالت
هيحلف
طب ماهو اكيد حلف لها قبل كدة وبطل واهو رجع تاني وبيحلف تاني انه مش هيدمن
وانا مش مع راي انه كان المفروض يخبي عليها
لانه لما صارحها وثقت فيه فعلا
لكن هو اللي خان الثقة دي
شكرا يا سارة ع الموضوع
مكانش ينفع يعني تاخدي معاكي الجرنال :(
بس هايفضل حياته كلها عايش فى عذاب عشان زلة
والمفروض اننا مانسامحش خالص:(
هو اه رجع تانى بس بيقول ان الموضوع انتهى تماما دلوقتى
بس انا صراحة مع راى صحبتى
نورتى الموضوع يابوسى
مش عارفة انتى مختفية فين فى كليتنا الجميلة:av4056bb7jp3:
طـفـلـة الامـس 10-11-2008, 03:04 AM مكنش ينفع ما تقراهوش خالص
كنتي حتى حلي سودوكو وكلمات متقاطعة بس وشوفي الصور
:(
لا طبعا ماكنش ينفع ابدا
لانى بمسك الجورنال عشان القصص والحكاوى دى
وبعدين السودوكو عندى عالموبايل ومش بفتحها اصلا
اهو بنتعرف على هموم الناس
امال هانبقى دكاترة ازاى واحنا مش بنحس بغيرنا
وطبعا بما انى مخلصة كل اللى ورايا دايما
فبقعد اتصفح هذه الاوراق لاكون على اتم الاستعداد بعد خمس سنوات باذن الله على استقبال المرضى
رد تحليلى مفصل
طـفـلـة الامـس 10-11-2008, 03:06 AM الراجل ده اكيد هو اللي غلطان لما وثقت فيه وهو مش كان اد الثقة دي
واحده غيرها لما كان يقولها مش كانت هترضى بيه
عندك حق
في اخطاء مابتتغفرش
وفي اخطاء لو اتقبلت مرة مش ممكن تتقبل للمرة التانية
وفي اخطاء بتعدي عادي
كل ده حسب نوع الغلط
توبيك جميل بجد ياسارة
ولو عاوزة تشوفي رد الكاتب
هتلاقيه في الارشيف في الاهرام على النت
وانا ممكن اجبهولك
جزاكي الله خيرا ياقمر
كان نفسي ارد اول واحد
بس الله يسامح اللي كان السبب:d
عارفة السبب
معلش بتحصل معايا علطول
نورتى يا ايمى
طـفـلـة الامـس 10-11-2008, 03:10 AM فعلا مكنش المفروض يقولها من الاول
يعنى هو خلاص كان بطل وربنا ستر عليه ليه هو بقى يفضح نفسه
مانا قلت من باب الامانة يعنى انه مش يدارى عليها
بس ده وداه للطريق ده تانى
هو كده اعتبرها صراحه لكن هى اكييد وقتها خافت من داخلها منه
وهى اكييد كانت خايفه من انه يرجع تانى , فلما حصل ده هى طلبت الطلاق اكييد عشان هو كده امامها ضعيف بدون اراده ده غير المشاكل الكتير اللى اكييد بتسببلهم نتيجه ديونه ومشاكله دى
كان نفسى ارد اول واحده بس انتى عارفه كنت اد ايه مشغوله وقتها:049gc0:
اه طبعا عارفة
كنتى بتجهزى السرير مش كده
و بعدين لسه بتقرى الاهرام بس لما اشوفك :abdoog8:
لما تشوفينى ايه
هو انتى بتشوفينى اصلا
ده انتى ورايا فى كل حتة
اما الواحد زهق
نورتى يادكتورة
طـفـلـة الامـس 10-11-2008, 03:11 AM انا مش عارفة انتي بتتكلمي على انهي جمعة بالظبط
بس لو تقصدي الجمعة اللي فاتت
اهو اللينك بس القصة مش موجوده:d:d
http://www.ahram.org.eg/archive/index.asp?curfn=file0.htm&did=9759
مانا مش عارفة اجيب اليوم ازاى؟
هو السبت من اسبوعين على فكرة
طـفـلـة الامـس 10-11-2008, 03:12 AM انا شايف ان هي عندها حق انها تطلب الطلاق لان هو انسان ضعيف
طالما الشيطان قدر يسيطر عليه مرتين و يوقعه فيها ممكن يسيطر عليه
تاني و تاني طول ما هو بعيد عن ربنا .
بس طالما انه قرب من ربنا ايه المانع؟
سؤال محير وموقفهم هما الاتنين اصعب من بعض
جزاكم الله خيرا على مرور حضرتك الطيب
طـفـلـة الامـس 10-11-2008, 03:16 AM هبدأ كلامى بجملة ( ومن في الدنيا مبيغلطش )
زمان ودلوقتى بيقولولنا مش الغلط انك تخطأ
لكن الغلط انك تتمادا فى خطأك
داوقتى الراجل ده هقول غلط فى الاول بسبب شربه للمخدرات بس هو
حاول يبطلها وقدر يبطلها
بس نفسه الضعيفة سببتله انه يرجع ليها تانى ورجع بطلها
دا انسان مش ثابت ولكنه متقلب
فالمفروض ان زوجته تساعده مش تتخلى عنه وتطلب الطلاق
خصوصا انه اعترفلها بده قبل ما يتجوزو
فعلا
معنى انه اعترفلها بكده ان نيته سليمة
وانسان كويس بس غلط غلطة كبيرة بس جواه كويس وهى دى اهم حاجة
الذنب كله مش عليه
هى دى المشكلة تقريبا
الذنب ذنب فرد واشخاص ومجتمع
ادينا شايفين الدنيا من حوالينا عاملة ازاى
نلتمس ليه من عذر لسبعين
هو ده اللى انا نفسى اقوله او انفذه بمعنى اصح
بس اللى يقدر بقى
ربنا يهدينا جميعا
اللهم اميييييين
دمتم فى رعاية الله
شكرا جزيلا لمرورك الطيب يامحمود
جزاكم الله خيرا
طـفـلـة الامـس 10-11-2008, 03:17 AM معاك يا محمود
:)[/center]
اعتقد ان ده اصوب راى فى مثل هذا الموضوع وراى الدكتور احمد ايضا
جزاكم الله خيرا على المرور
طـفـلـة الامـس 10-11-2008, 03:19 AM هى مشكلة الادمان صعبة شوية و تحديد الغلطان كمان صعب بس انا شايفة ان الزوجة معاها حق فى انها متثقش فيه و كمان لو هى متجوزا و خلاص او غصبن عناها حيبقى مفيش اى سبب يخلها تستحمله وهو ( الزوج ) غلطان انه ادمن من الاول بس الغلط الاكبر انه بعد متعالج راح تعاطها مرة تانية يعنى هو الغلطان و المسئول الاول عن الموضوع
بس مش نلتمس له العذر
لانه دلوقتى ندم على فعلته وشايف ان حياته هاتقف بتركه تلك المراة
جزاكى الله خيرا على المرور
JusT DreaM 10-11-2008, 12:21 PM مانا مش عارفة اجيب اليوم ازاى؟
هو السبت من اسبوعين على فكرة
رائحة الحياة
http://www.ahram.org.eg/archive/2008/10/31/44524_22.jpgهذه هي ثاني مرة أكتب إلي بريد الجمعة, وقد حالفني الحظ في المرة السابقة بأن نشرت رسالتي بعنوان رائحة الموت وذلك في شهر مايو عام2006.. باختصار شديد كنت مدمنا للمخدرات واحتوت رسالتي في ذلك الوقت علي تفاصيل دقيقة عن تعاطي المخدرات وأماكن بيعها ومشكلتي معها, وكنت أريد أن يساعدني أحد حتي ولو بالكلام فقط, وهذا ماحدث معي عندما قدمت لي النصيحة وعرضت المساعدة في علاجي, وتجاوب معي بعض القراء في الأسبوع التالي وعرضوا المساعدة في العلاج أيضا.. وبالفعل حدثت معي المعجزة وأقلعت عن المخدرات تماما بجميع أنواعها, لقد شفاني الله سبحانه وتعالي وبدأت حياتي تأخذ شكلا جديدا مليئا بالأمل والاحترام والتدين والقرب من الله.
تعرفت علي فتاة بعدما تجاوزت فترة العلاج وتخلصت تماما من أعراض الانسحاب والآلام التي تعقب ترك المخدرات, لم أكذب عليها تماما ولكنني حاولت أن أتجمل فاعترفت لها بأنني كنت اتعاطي المخدرات ولكن بشكل بسيط وانني ليس عندي مشكلة مع المخدرات ولن اعود إليها ابدا... وهذا ما كنت انويه.. ومضت الأيام واصبح حبي لها يزداد كل يوم, بل كل ساعة ودقيقة وثانية.. اصبحت هي كل شئ احبه في هذه الدنيا..
لم تكن ظروفها في البيت مستقرة ما بين أب بخيل جدا وزوجة أب مهملة وأخوات كل واحد في حاله, لذلك كان حبها لي يزداد أيضا بشدة مع الايام, لانها وجدت معي الحنان والحب.. كنت أريد أن اضعها في قلبي.. في صدري حتي احميها من كل شئ.. خطبتها في وقت كنت فيه غير مستعد ماديا ولكن كان عندي يقين بأن الله سوف يساعدني مادمت أريد أن ابدأ حياة هادئة نظيفة مع المرأة التي اختارها قلبي.. وبالفعل تمت خطبتنا وكنا في ذلك اليوم اسعد اثنين علي وجه الأرض.. وبدأ الله يكافئني علي توبتي وترك المعاصي, فكنت ارزق رزقا واسعا وقمت باستئجار شقة وإعدادها, في وقت قصير جدا عقدنا القران وبدأنا الاستعداد للزفاف بعد شهر.. اقسم بالله اني كنت احس في بعض الاوقات ان قلبي سوف يتوقف عندما افكر ان الوقت الذي سوف اضمها الي صدري في بيتنا قد اقترب.. كنت ابكي من الفرح عندما كنت افكر بأنني سوف استيقظ لأري هذا الملاك نائما.. بجواري.. احبها.. ولكن حدثت لي مشكلة في يوم ما.. كثرت علي الديون وتركت عملي وكنت قلقا جدا علي مستقبلنا.. وقعت مرة أخري في فخ المخدرات ولكن سرعان ما اكتشف من حولي الأمر حتي زوجتي.. فطلبت الطلاق..
وهنا شعرت بأن هذا الطلب يعني القضاء علي كل أمل في حياتي.. بل القضاء علي انا.. اصبحت تطلب الطلاق في كل مرة تشك في انني تحت تأثير المخدر,.. سيدي.. في الماضي كنت مدمنا ولا استطيع العيش بدون المخدر ولكني عندما عدت لتناول المخدرات هذه المرة كانت مجرد بعض الأدوية والعقاقير المهدئة وكان الامر يحدث علي فترات بعيدة.. ولكن تطور الأمر مع زوجتي فأخبرت اهلها الذين كان ردهم علي الأمر ان الطلاق هو الحل وانني كنت اختيارا خاطئا من البداية واصبحت تلومهم علي أنهم وافقوا علي, ويقومون بالرد عليها انها هي التي اختارت.. ولكنني لكي احسم الموقف تعهدت إلي اخيها انني لن أكرر موضوع التعاطي وانني سوف ألتزم في العمل ولن اكذب أو أخدعها ابدا واتفقنا علي ان أعمل تحليل مخدرات من وقت إلي آخر حتي تطمئن انني لن أعود إلي هذا الطريق أبدا ما حييت.. منذ ذلك الوقت وأنا اعيش كل يوم في مشكلات, بعض الأوقات تريد الطلاق فهي خائفة من ان نعيش حياة المدمنين التي نعرفها جميعا, وبعض الأوقات تقول انها تحبني ولن تتركني مهما حدث..
وعدتها انني لن افعل اي شئ تكرهه.. لن أعود إلي طريق المخدرات ولن أكذب عليها مهما حدث.. بدأت اغير حياتي مرة أخري إلي الافضل.. تركت المخدرات مرة أخري واستعنت بالله ورزقني الله بالعمل في شركة كبيرة وبدأت المشاكل تذوب مع الايام وبدأت الأمور تهدأ بيننا.. ولكن هنا حدثت المصيبة الكبري.. سبب كتابتي هذه الرسالة.. كنا نجلس أول ايام العيد وكنت امسك يدها وانظر في عينيها وقلت لها هل انت خائفة مني حتي الآن؟ قالت نعم.. اخاف أن تعود للمخدرات ونعيش في جحيم أنا وأنت.. وكنت قد عرفت أن هناك ما يسمي بزمالة المدمنين المجهولين, وهو عبارة عن برنامج من12 خطوة يتبعها المدمن حتي يتخلص من مشكلة المخدرات, قمت بإخبارها عن هذه الخطوات واحضرت لها الكتاب الخاص بهذه الزمالة, وكانت أولي العبارات في الكتاب أن الادمان مرض مزمن لا شفاء منه ولكن يمكن محاصرته وذلك عن طريق الاثنتي عشر خطوة التي يقوم المدمن بعملها طوال حياته واذا توقف عن فعل هذه الاشياء فلا شك في أنه سوف يعود للتعاطي مرة أخري.. ورغبة مني في بداية صحيحة لمواجهة مرضي,
ذهبت الي وحدة إخراج المخدرات من الجسم وتعد هذه الخطوة الأولي التي يتخذها المدمن ويقوم بعدها بالذهاب الي مكان علاجي يساعده فيه المشرفون علي تطبيق الـ12 خطوة ومحاصرة مرضه.
اتفقنا أنا وهي علي أنني سوف أذهب واقضي الأيام الخمسة في هذا المكان وبعدها أقوم بتطبيق البرنامج وبذلك ينتهي خوفها من عودتي الي المخدرات الي الأبد.. ولكني فوجئت بأنها تريد الطلاق مرة أخري, ولكن هذه المرة بإصرار شديد وهي تقول.. أنت مدمن وأنا لا استحق أن أعيش مع مدمن.. أنه مرض لا شفاء منه.. أنا أخاف اجيب منك أولاد.. أنت ممكن تتحول في أي وقت.
سيدي.. أنا أحب هذه الفتاة.. أحبها أكثر من كل شيء في حياتي.. اقسم لك بأنني مستعد أن أفعل أي شيء حتي يتم زواجنا.. أحبها فهي كل ما بقي لي في الدنيا.. أعلم جيدا أنني لو فقدتها فسوف أضيع.. أنا أريد أن أعيش معها وأنجب أطفالا وأصبح أبا محترما.. أريد أن اعوضها واعوض اهلي عما سببته لهم.. أريد أن أعيش في سلام.. إنني أكتب هذه الرسالة حتي اسأل هل أنا مكتوب علي أن أدفع ثمن تعاطي المخدرات طوال حياتي؟.. ألا يوجد شيء اسمه توبة؟.. هل استطيع أن أحتفظ بزوجتي وأكون الإنسان المحترم الذي اتمني أن أكون..؟ هل تقف زوجتي الي جانبي أم تتركني؟؟ سوف تكون ورقة طلاقنا هي نفس ورقة شهادة وفاتي.. هل استحقها..؟ كيف اثبت لكل من حولي أنني جاد في رغبتي في العلاج وانني لن أعود بإذن الله ابدا الي التعاطي..؟! أعلم أنني اطلت عليك سيدي, اليوم أنا في انتظار اخيها حتي ينهي الموضوع.. أتوسل اليك أكتب لها بعض الكلمات التي تجعلها تعطيني فرصة, والله أنا جاد في طلب المساعدة, جاد في كرهي الشديد للمخدرات, جاد في حبي لزوجتي.. ساعدني أرجوك فهي من محبي بريد الجمعة وتتأثر به وبآرائك.
ساعدوني في الاحتفاظ بزوجتي.. وأنا علي أتم استعداد للقيام بالإبلاغ عن بعض تجار المخدرات الذين اعرفهم بل واساعد في القبض عليهم.
سيدي: لقد خسرت كثيرا في الطريق الذي كنت اسير فيه.. ولكنني أفقت.. وأريد النجاة.. ساعدني.
أرجوك حاول مساعدتي بنشر رسالتي وإقناع زوجتي بأنه يوجد أمل وأنه ليس من الضرورة أن أنتكس وأعود للتعاطي.. إن قربي من الله سوف يحميني.. وأنا عندي يقين بذلك.
وبالمناسبة أرجو كتابة موقع زمالة المدمنين المجهولين, وأرجو من أي شخص عنده مشكلة مع المخدرات الدخول الي الموقعwww.na.org.. (http://www.na.org..) و معرفة البرنامج لأنه اثبت أنه الطريقة الوحيدة التي تجعل ترك المخدرات والعيش بدونها شيئا ممكنا.
* سيدي.. جاءتني رسالتك في الوقت الذي تتجمع أمامي معلومات مفزعة عن انتشار المخدرات بين الشباب, فالهيروين أصبح رخيص الثمن, والإقبال زاد علي الكوكايين, والعقاقير الطبية المدرجة علي جداول المخدرات.. شباب يبحث عن متعة لحظية, معتقدا أنه يستطيع النجاة في أي وقت يشاء, وفجأة يكتشف أنه يفقد رجولته, كما يفقد إنسانيته واحترام الآخرين وثقتهم به, فيصبح الخروج صعبا وشاقا, فإما أن ينجو إذا كانت لديه النية والعزيمة, وإما أن يصبح عبئا علي الجميع ـ أهله ومحبيه وأصحابه ـ مطاردا من الشرطة, محروما من كل متع الحياة, من زوجة صالحة, من عمل ينجح فيه وبه, من ابن يحمل اسمه ويتباهي به.
كنت يا عزيزي, تسير في طريق الهلاك حتي أرسلت لي ومددت لك وأصدقاء بريد الجمعة يدنا, ونجحت في اجتياز الصعب, وفي موسم الحصاد, ومع أول عاصفة واجهتك, انهزمت, انتكست, خذلت شريكة الحياة التي تعلقت بك وبنت آمالا عليك لتعويضها عما عانته في حياتها, وعدت إلي عالم المخدرات, عدت لتستنشق مرة أخري رائحة الموت بعد أن تنسمت رائحة الحياة.
تسأل ـ يا عزيزي ـ ألا يوجد شيء اسمه توبة؟ هل استطيع أن احتفظ بزوجتي وأكون الإنسان المحترم الذي أتمني أن أكون؟.. نعم, من حقك, ولكن من منعك هذا الحق؟ ألست أنت الجاني؟ ألست أنت الذي أخللت بواجباتك!
إذا كان لك حق, فعليك واجب, وأنت الذي رفض الحصول علي الأول وفرطت فيه, ولم تقم بالثاني, فمن يطلب ممن؟!.
من حق زوجتك ألا تأمن لك, بعد أن وثقت فيك ووقفت بجوارك, ومن حقها ألا تنجب منك الآن, فلن يشرف أولادك أن يكون أبوهم مدمنا..
سيدي.. تطلب مني أن أقنع زوجتك بوجود الأمل في شفائك, وسأفعل وأدعوها لتمنحك الفرصة الأخيرة, تساندك حتي تبرأ تماما مما أنت فيه, خاصة أنك تعرف طريق العلاج, فمحبتك لها تستحق هذه الفرصة, علي أن تثبت لها ولنفسك ولنا أنك صادق هذه المرة, وأنك بدون وضع شروط ستتوجه إلي إدارة مكافحة المخدرات للإبلاغ عن تجار المخدرات, الذين يقتلون الشباب مستقبل الوطن.
عليك أن تثبت لزوجتك أنك رجلها الذي لا تهزمه المشكلات, ليس عيبا أن تخسر مواجهة, أن تتعثر, أن تفشل, العيب هو أن تهرب من المواجهة, أن تختبئ خلف المخدر, فهو لا يحل مشكلة ولكنه يغيبك مؤقتا عنها, وعندما تفيق تكتشف أنك مازلت في موقعك, وحيدا في أرض الغرفة, أو ضائعا في الطريق.. اشركها معك في كل أزمة, وتأكد أنك معها وبحبكما تستطيعان تجاوز أي محنة, أتمني لكما السعادة, وفي انتظار أخباركما الطيبة وإلي لقاء بإذن الله.
اي خدعة:078111rg3:
طـفـلـة الامـس 10-11-2008, 02:14 PM مش عارفة اشكرك ازاى يا ايمى
جزاكى الله خيرا
اكيد هو طبعا غلطان
بس مافيش حد اسمه مش بيغلط
واكيد هو ندمان على الغلط ده
وبدام ندمان يبقى ان الله غفور رحيم
يعنى ربنا بيغفر والبنى ءادم ميغفرش
Taleba Me7tasa 10-11-2008, 11:47 PM بس هايفضل حياته كلها عايش فى عذاب عشان زلة
والمفروض اننا مانسامحش خالص:(
هو اه رجع تانى بس بيقول ان الموضوع انتهى تماما دلوقتى
بس انا صراحة مع راى صحبتى
نورتى الموضوع يابوسى
مش عارفة
انا بقولك رايي و هاتصرف ازاي لو دة حصل معايا
مش شرط ف حكاية ادمان ممكن اي غلط تاني
مش عارفة انتى مختفية فين فى كليتنا الجميلة:av4056bb7jp3:
جميلة اه
اهو موكوته :romarioxp6:
طـفـلـة الامـس 11-11-2008, 01:12 AM اكيد هو طبعا غلطان
بس مافيش حد اسمه مش بيغلط
واكيد هو ندمان على الغلط ده
وبدام ندمان يبقى ان الله غفور رحيم
يعنى ربنا بيغفر والبنى ءادم ميغفرش
ماحنا نتمنى يكون عندنا الروح اللى تقبل التسامح والعفو ايضا
جزاكى الله خيرا على المرور العطر
طـفـلـة الامـس 11-11-2008, 01:13 AM مش عارفة
انا بقولك رايي و هاتصرف ازاي لو دة حصل معايا
مش شرط ف حكاية ادمان ممكن اي غلط تاني
مش عارفة انتى مختفية فين فى كليتنا الجميلة:av4056bb7jp3:
جميلة اه
اهو موكوته :romarioxp6:
بقالى كتير ماشفتكيش
كام ساعة بس
نورتى تانى يابوسى
اوركيديا 11-11-2008, 02:52 AM احم
هو انتى بتقولى انه غلط عشان قالها
لا طبعا:slap1qk6:
دى اسمها انه من البدايه بيبتدى يخبى عليها حاجات
و خصوصا يعنى ان دى مش اى حاجه
يعنى هى كان ممكن ترفضه عشان كده
يبقى هو يختار الحل السهل و مش يقولها من البدايه
هو ده الصح
لا طبعا
بس الموضوع برده ان انا شايفه ان هى تسامح
و تحاول توقف جمبه
لو مش نفع بعد كده يبقى هو اللى غلطان
عشان كده يبقى هى فعلا ساعدته و اتحملت عشانه :)
يلا موضوع جميل يا سوسو:romarioxp6:
فى رعايه الله
طـفـلـة الامـس 11-11-2008, 10:50 PM احم
هو انتى بتقولى انه غلط عشان قالها
لا طبعا:slap1qk6:
دى اسمها انه من البدايه بيبتدى يخبى عليها حاجات
و خصوصا يعنى ان دى مش اى حاجه
يعنى هى كان ممكن ترفضه عشان كده
يبقى هو يختار الحل السهل و مش يقولها من البدايه
هو ده الصح
لا طبعا
بس الموضوع برده ان انا شايفه ان هى تسامح
و تحاول توقف جمبه
لو مش نفع بعد كده يبقى هو اللى غلطان
عشان كده يبقى هى فعلا ساعدته و اتحملت عشانه :)
يلا موضوع جميل يا سوسو:romarioxp6:
فى رعايه الله
رد جميل يا لووللة
شرفتينى والله
شكرا جزيلا لمرورك الرائع
Dr.ahmed91 12-11-2008, 10:42 AM برضه بشكل خاص وتطبيقا على القصة دي لوحدها
ان احنا بنسمع وجهة نظر أحادية الجانب .. اللي هو جانب الزوج بس
وطبعا اي حد عشان يغلب وجهة نظره بيحاول يجمل الوقائع
مين عارف؟؟؟
ظروف الجواز كانت ازاي
مش يمكن كان بيعاملها وحش....مش بيصرف عليها....بيضربها...مش ملبي ليها احتياجاتها
ومين عارف برضه لما رجع للادمان..مكنش بيضربها..مكنش بياخد فلوسها علشان يجيب بيها مخدرات
يبقى في الحالة دي التسامح مش ممكن يتوجد ولا طبيعي انه يتوجد
طـفـلـة الامـس 12-11-2008, 01:37 PM برضه بشكل خاص وتطبيقا على القصة دي لوحدها
ان احنا بنسمع وجهة نظر أحادية الجانب .. اللي هو جانب الزوج بس
وطبعا اي حد عشان يغلب وجهة نظره بيحاول يجمل الوقائع
مين عارف؟؟؟
ظروف الجواز كانت ازاي
مش يمكن كان بيعاملها وحش....مش بيصرف عليها....بيضربها...مش ملبي ليها احتياجاتها
ومين عارف برضه لما رجع للادمان..مكنش بيضربها..مكنش بياخد فلوسها علشان يجيب بيها مخدرات
يبقى في الحالة دي التسامح مش ممكن يتوجد ولا طبيعي انه يتوجد
لا فى الحالة دى اكيد لا يحق له ان حد يسامحه اصلا
لانه مش هايستاهل التسامح ده
بس الله اعلم هو ماذكرش حاجة كده فى الموضوع
طـفـلـة الامـس 12-11-2008, 01:41 PM احب اقولكم انى مش عاملة الموضوع عشان القصة دى بس
انما انا بتكلم عامة عن الموضوع ده واللى كانت القصة دى مدخل للى انا عايزة اوصله
يعنى مثلا انا لو ماشية مع واحدة محترمة وفى منتهى الاخلاق وفى مرة جت قالتلى انا كنت وكنت
انا هالاقى نفسى اتاخدت منها واحتمال كبير مش اكلمها تانى وتنقطع تعاملاتى معها
وتبقى نظرتى ليها انها كذا كذا مع انها دلوقتى عكس كده تماما
هى دى القضية
اننا بناخد فى اعتبارنا السوابق دايما ومش بنبص عالحاضر
وده اكيد بيحصل معانا كتير
بنلاقى نفسنا عايزين نبعد عن اشخاص وبنبقى مش عارفين السبب الرئيسى بس غالبا مايكون من هذا القبيل
وجزاكم الله خيرا على ردودكم الطيبة
اوركيديا 13-11-2008, 01:50 AM احب اقولكم انى مش عاملة الموضوع عشان القصة دى بس
انما انا بتكلم عامة عن الموضوع ده واللى كانت القصة دى مدخل للى انا عايزة اوصله
يعنى مثلا انا لو ماشية مع واحدة محترمة وفى منتهى الاخلاق وفى مرة جت قالتلى انا كنت وكنت
انا هالاقى نفسى اتاخدت منها واحتمال كبير مش اكلمها تانى وتنقطع تعاملاتى معها
لا
يبقى انتى كده اللى بتضيعيها من ايدك
يعنى اى حد لازم يكون عمل حاجه غلط فى حياته
انها تييجى و تقولك
ده يدل على حاجتين
الاول
انها فعلا بتثق فيكى
التانى
انها عارفه انها عمرها ما حتقل من نظرك
فانتى لو اخليتى بواحد من الحاجتين دول
و خصوصا حته تغيير المعامله
يبقى انتى كده الغلط عليكى :)
وتبقى نظرتى ليها انها كذا كذا مع انها دلوقتى عكس كده تماما
هى دى القضية
اننا بناخد فى اعتبارنا السوابق دايما ومش بنبص عالحاضر
وده اكيد بيحصل معانا كتير
يعنى هو ساعات بيحصل
بس فى حاجات معينه
يعنى مثلا عرفت ان حاجه معينه هى مش بتعملها
او قالتلى كذا مره انها بتعمل الحكايه دى
و انا عارفه انها غلط
يبقى انتى مش عليكى غير النصيحه ليها
و ان شاء الله هى حتتقبلها و تعمل بيها
بس مش انك تعرفى عنها حاجه
تقومى تعتبريها سوابق بقى
و الكلام ده
يبقى كده الواحد مش حيعرف عمره كله يصاحب حد
حتى و لو نفسه
احنا مش ملايكه
و هما مش شياطين :)
ده بالعكس
فى اوقات كتير ممكن تعتبر البنت اللى بتحكى دى اشجع منك
انها عرفت تقولك على الحاجه دى
يبقى هى قبل ما تقولك اعترفت بيها لنفسها
وواجهت نفسها بالغلط
و دى حاجه كتير مننا مش بيعرف يعملها
بنلاقى نفسنا عايزين نبعد عن اشخاص وبنبقى مش عارفين السبب الرئيسى بس غالبا مايكون من هذا القبيل
مش عارف
صراحه فعلا لو حسيتى انك عايزه تبعدى
يبقى لازم يكون الحاجه اللى عرفتيها من النوع اللى لا يغتفر
يعنى حاجات كده مش ممكن تتصلح فيها
و ده بيبقى قليل قوى يعنى
خصوصا فى سننا ده
كل واحد عايز يجرب و لسه الشخصيه مهما كانت بتتكون
فاهمانى
يعنى كل حاجه انتى ممكن تساعديها فى انها تتصلح
وجزاكم الله خيرا على ردودكم الطيبة
احم
طيبه بس :stickjo4:
ع العموم يلا فى رعايه الله
طـفـلـة الامـس 13-11-2008, 03:29 PM احم
طيبه بس :stickjo4:
ع العموم يلا فى رعايه الله
ايه التفكير والعقل الكبير ده ياللووللة
انا بعد كده هامشى واخليكى انتى تكملى:(
بجد رد احلى منه مفيش
منورانى دايما
http://www9.0zz0.com/2008/11/13/13/229953355.gif (http://www.0zz0.com)
http://www3.0zz0.com/2008/11/13/13/201582124.gif (http://www.0zz0.com)
أبو إنجى 13-11-2008, 11:03 PM موضوع جيد،، شكرا لك
pureheart 19-11-2008, 01:23 AM بس مش نلتمس له العذر
لانه دلوقتى ندم على فعلته وشايف ان حياته هاتقف بتركه تلك المراة
جزاكى الله خيرا على المرور
بس صعب انها تكمل حياتها فى شك و قلق هى ملهاش ذنب فيهم
و بالذات لو مفيش حاجة قوية بتربطها به
|