إن من أكثر الشعوب صمودا هو شعب مصر
فهل يكفيه أن يكون صامدا أمام كل عدوان
و هل هذا يكفيه ليقف أمام تحديات المستقبل
أم أنه لابد أن يدعم نفسه بكل طاقاته الخامله
فنحن نري أنه لايوجد أي تطور حقيقي و فعال في مجتمعنا
و شباب يتأرجح بين سلوك الغرب و عادات الشرق
فهل حقا هناك أمل أن نكون الأفضل
و ما هو ذلك الأمل
أرجو المشاركه و إبداء الرأي

الموضوع حلو......انا فى رايي ان الشعب دايما ضحيه الحكام و ان الشعب دلوقتى شايف الغرب الافضل فبيقلدوا لكن فى السلبيات والعادات الخاطئه.و لكن الامل دائما موجود بالوعى الدينى والعوده للماضى لا للتعلق به لكن للعظه و العبره
شكرا على الموضوع

لا انا ممكن اختلف معاكى على حاجة صغيرة فمثلا يعنى لو قولنا عادى نوكب التطور وايه يعنى بس نحافظ لدينا مش ضرورى نرجع لوراء

احنا ممكن نحافظ على هويتنا ونتقدم بس ده لو فيه روح فيه شغل للشباب فيه .....وفيه وفيه .........الخ حاجات كتيرة لازم تكون موجودة فى مصر اتمنى انها تكون موجودة
شكرا على مرور حضرتك

والله بالنسبه للشباب فشايف ان الشباب من جوه كويسين بس المشكله ان تلاقى واحد بيقلد الغرب فالباقى بيقلده,وفى ناس محترمه نفسها,وبعدين الشاب اللى بيقلد الغرب فى الحاجات عارف ان الناس لا مؤاخذه بتسخر منه

شكرا جدا على الموضوع
وعلى فكرة الموضوع حلو أوي بيناقش مستقبل البلد الكام سنة اللي جايين
لإن الشباب هما المستقبل
أنا رأيي إن الشباب معظمهم عارف هو عاوز إيه بس المشكلة إن مافيش
حد قادر يحقق اللي هو عاوزه لوحده أو يوصل لحاجة معينة لوحده
كل أما حد يحاول يعمل حاجة الباقي يهبطوا من عزيمته مش عشان حاجة
بس اللي هو نظام إيه فكك يا عم وكبر والكلام ده
بس إنما لو واحد قرر إن هو يتغير ويطور من نفسه ومن اللي حواليه
صدقوني هتلاقوا مواهب مالهاش حل
الشباب بتوعنا أذكياء جداااااااا
بس محتاجين تشجيع وقرار
وياريت ما أكونش طولت عليكم
وشكرا جداااااااااااااا على الموضوع

شكرا على مروركم يا جماعة وتفاعلكم

انا بتكلم ع المنتدى كتيييييييير اوي ف الموضوع ده عشان كده مش هاتكلم كتير دلوقتي

بس اجاباتي على ما ارجع

في

الشباب

ان الله لا يغير ما بقوم حتى يغيروا ما بانفسهم


ولي عوده

واحنا مستنيين عودتك

شكرا على اتاحة الفرصة من رأي ان أغلب الشباب دلوقتي بقى همه لبس وموبايل ومشاوير للأسف شئ مؤلم جدا مش هم دول المصريين اللي الدنيا كلها عرفاهم المفروض يبقى هدفنا كله ان احنا نكون كويسين علشان مصر تبقى أحسن من دلوقتي الهمم تعلى والطموح تكبر وتحقق .

كلامك صح مليون المية بس مين بقى اللى هنقوله احنا عاوزين نعمل كذا كذا مفيش ديموقراطية

طالما مفيش ديموقراطية ومفيش حد يسمعنا يبقى من الاخر مفيش تقدم

شكرا على مرورك

أريد مساعدة ضرورية ممكن هي معلومات عن كوريا]

البلد مش هينصلح حالها غير لما تتغير كلها مع بعض

شباب وحكومة واطفال ونبطل كمان السلبة الى فينا

شكرا على الموضوع

شكرا على تفعلكم واى سؤال عن اى شئ انا موجود ان شاء الله ممكن اساعد حضرتك

جميل اوى الحوار ده رائع

شكرا على مررورك يا مودى

بسم الله
ان الله لا يغير ما بقوم حتى يغيروا ما بأنفسهم

ومنها نستنتج
اننا الشعب
القائد
لما بنبدأ بنفسنا ونعمل كل حاجة صح عشان هي صح مش عشان خايفين من حد ولما يمشي نعمل العكس
ولما نثق ف نفسنا ونبطل نخاف من الحكومةالتافهه دي
هانكون كده بدأنا بنفسنا وبدانا نتغير
واصل التغير هو الشباب ومرجعهم الاساسي هو الدين
الدين اللي ما بيقولش للروشنة والفرفشة لا عشان عمرو ما كان تعقيد ابدا
يعني املنا هو الشباب املنا هو احنا املي هو انا
اتمنى تكونوا فهمتوا عليا
يعني اقول اولا واخرا
ان الله لا يغير ما بقوم حتى يغيروا ما بأنفسهم

السلام عليكم
أولا شكرا علي موضوعك المعطي للامال غير الموضوعات الهابطة التي تقلل عزيمة االشباب

ثانيا أنا لدي نصيحه لاي شاب أو شابة إنه هو يتقدم في عمله أيانكان بمعني انه لازم يطور فيه ويبتكر حاجات جديده
مش يسيب نفسه للجهل بتاع الاقدميون هو ياخد منهم الاساس فقط ولكن هو يطور فيه
ودا له نتيجة اننا هنعدي مرحله كبيره جدا من التقدم لاننا مش كل مره هنتعمد علي الجيل الاكبر مننا لازم نعتمد علي نفسنا

عشان نقدر نصمد قدام جميع المشكلات التي تحيطنا من كل جانب ومع ذلك نحن نصمد ونصبر بفضل الله سبحانه وتعالي

لانه هيباركلنا في عملنا ان شاء الله وهيكرمنا ويريت منعلقش كل حاجه علي الحكومه
لاننا لو وجهنا نفسنا صح وعملنا جبهه قويه في البلد مش هنحتاج لاي حد بازن الله

أخوكم في الله / مصطفي نور م لغه فرنسية
مع تحياتي

شكرا على مرورك ياهنا وكلامك الرائع

شكرا على مرور حضرتك يا مسيو مصطفى وكلامك الجميل

ونتمنى التغيير من قلوبنا كلنا