اللى بنى مصر كان.......فى الاصل حلوانى
حط فى ترابهاعسل......وشغل الف بستانى
وحط سكر فى ميتها.......وخلاها عشانك و عشانى
تشربها مره ويخدك.......شوق لها تانى
..................
اللى بنى مصر كان.......شاعر و كان فنان
خلاها تحفه جميله...........سحرها فتان
و منين ما تمشى تلاقى....جوها ده جنان
و كأن كل البلد.....على بعضها بستان
.................
اللى بنى مصر كان......نفسه يعليها
شيد عليها الهرم.....و ابدع خبرته فيها
و بقاله شوف كام سنه.....شاهد على العظمه
و حكايته شوف كام سنه.....واقف بيحكيها
..............
اللى بنى مصر ......بصراحه غلط غلطه
زعلنى منه و حط فى....بقى كيس شطة
جاب من جهنم نبات.....مكتوب عليه كوسه
زرعه فى كل البلد...و على كل شئ غطى
..............
اللى بنى مصر كان .....عيبه كمان حاجه
زعلنى منه وانا .....معملتلوش حاجه
و حط للحكم كرسى.....قعدته بتلزق
و اللى بيعقد عليه.....متقوموش حاجه
و بيحكم حكم ملكى.....و كاننا فى غابه
يخلص حكمو ييجى ابنه...يعيشنا فى كأبه
...........................................
.................................................. ...........................................
ايه رايكوا؟يا رب ميتقبضش عليا

هههههههههههه ألحقى استخبى عشان هيتقبض عليكى
بجد كلمات حلوة ولذيدةقوىوبتعبر فعلا عن حال مصر
بس متيالى الموضوع ده مكانه ابداعات الاعضاء

حلوة من زمان كان نفسي اشوفها ، أشكرك بس متعرفش مين اللي كتبها ..؟

يا سلالالالالالالالالالالالالالالام فين ايام زمان الله يرحم فن الزمن الجميل

حلوة من زمان كان نفسي اشوفها ، أشكرك بس متعرفش مين اللي كتبها ..؟
هو انا مش عارفه مين اللى كاتبها بس الاجزاء الاخيره انا اللى كتباها
شكرا على مرورك

بجد موضوع جميل اوى
مرسى كثير ليك

ههههههههههههههه
جميله بجد خصوصا فى الاخر دى
حلوه بجد عجبتنى

:d:d:d:d:d