بسم الله الرحمن الرحيم

واصل نادى نبروه عروضه الممتازه فى الدورى الممتاز ب عندما كان فى مطلع الدروى كان صاحب الصداره لمدة ثلاث مباريات وواصل تألقه ثم ترك الصدراه لنادى سموحه الذى ارشح بقوه بأن يكون فى الممتاز أ العام المقب لكن الشئ الجيد ان نادى الصاعد حديثا الى الممتاز ب هو افضل الفرق على الاطلاق لأنه يسير بخطى ثابته ولديه من العومل ما يساعده على ذلك فلديه مدرب كفأ وهو الكابتن رضا عبدالعال نجم نادى الزمالك والاهلى ولديه خبره كبيره ساعدة فى النهوض بمستوى النادى الى جانب اللاعبين الجيدين الى جانب الادارة الجيده المخلصه برئاسه الحج سعد خفاجه رئيس النادى اذن فكل عوامل النجاح متوفره فليتنى ارى هذا الفريق العام القادم فى الممتاز أ بس يا رب سموحه تبعد عن الصداره

على فكره لمن لا يعرف نادى نبروه
نادى نبروه هو احد الفرق العريقه بمحافظة الدقهلية وهو لعب ضد الزمالك والاهلى من قبل فى كاس مصر وصنع نتائج شبه ايجابيه
ونبروه اكبر مدينه تشتهر بالفسيخ وكما تلقبها منى الشاذلى مذيعة برنامج العاشرةة مساء بأنها عاصمة الفسيخ

ياريت فعلا نشوفها السنة الجاية وشكراااااااااا على موضوعك

ماشى يا عم حازم وشكرا على مرورك

عاوزين نشوف ردود الدقهلويه فى الموضوع

بجد اتمنى نبروة تصعد غير كده اصلا لاعيبة ممتازة والله جدا اينعم دلوقتى احنا مش عارفين اساميهم بس اتوقع انهم يصعدوا للمتاز ان شاء الرحمن

هههههههههههه
والله اول مره اعرف ان نبروه عملولهم فريق كوره
عشنا وشفنا

مالها نبروة يعنى متسمعيش عنها ولا ايه دا انت المنصورة

ايه يا جدعان نبروة عاصمة الفسيخ
انا ناوى اعمل اعلان فى التلفزيون
نفسك تاكل فسيخ روح نبروة

نفسك تلعب فى الدورى الممتاز روح برضة نبروة

عاوز يطلع عينك وتشد فى شعرك شجع الزمالك

ايه يا جدعان نبروة عاصمة الفسيخ
انا ناوى اعمل اعلان فى التلفزيون
نفسك تاكل فسيخ روح نبروة

نفسك تلعب فى الدورى الممتاز روح برضة نبروة

عاوز يطلع عينك وتشد فى شعرك شجع الزمالك

ايه عنبتدى نستسلم يا صحبى ولا ايه
المفروض تقول
الزمالك دكتوراة فى حرق الدم
وماجيستير فى رفع الضغط:giljotiiniug3:

معلش انا رجعت بالذاكرة لورا 5 او 6 شهور كده

افتكرت ان نبروه لسه صاعد من الدرجة التانية لما كسب سماد طلخا في الماتش الفاصل

شوفت فاكر ازاي؟؟؟؟!!!!!


انما الفرقة عامة متوسطة

وانا اتوقع صعود سموحة

لان سموحه فريق متكامل ادارة ولعيبة ومدرب وفلوووس

وبالتوفيق لنبروه

لا نبروه ولا سموحة

ان شاء الله .... مالية كفر الزيات ... هى اللى هتصعد

لا نبروه ولا سموحة

ان شاء الله .... مالية كفر الزيات ... هى اللى هتصعد


مالية كفر الزيات فريق متوسط برضه

دايما من التالت للسابع

بس بيلعب حلو وانا شوفتله ماتشات كتير مع الاولمبي والكروم وسموحة

:078111rg3::078111rg3:

كفاية انه بيلبس زي الاسماعيلي....بلاش تقليد

الله عليك يا كينج شكلك تعرف حد فى نبروة
طبعا عاصمة الفسيخ

طب ويا ترى نبروه دى اقوى من الميلان واليوفى واالمان والجانرز
ياجماعه انتو بتتكلمو فى ايه حد لسه اصلا بيتفرج على كوره من دي

الزمالك بيرفع الضغط وبيجيب السكر والقلب وكل الامراض لكن الزمالك مبيموتش

مالها نبروة يعنى متسمعيش عنها ولا ايه دا انت المنصورة


مين قال انى مسمعش عنها!!!!!!!!!
انا بس مستغربه ان ليهم فريق ومشهور كمان!!!
اصل اللى اعرفه انهم ليهم فى الفسيخ بس:excl:

نبروه مدينه تشتهر بالفسيخ نعم ولكن بها رجال بمعنى الكلمة يعملون فى كل شىء ولا يستكبرون ونجد الان رجال صنعوا نفسهم بالجد والكفاح
يعملون فى كل المجالات حتى فى جمع القمامة والخرده وتجد من يجمع هذا حاصل على المؤهلات العليه
تحيه لأهل نبروه
يارب يصعد للمتاز ويكون الزمالك لسه فى الممتاز

نبروه من اقوى الفرق بدليل المباريات وترتيبها فى الدورى وصح هى لسه طالعه فى الدورى لكنها بتفوز على الفرق الى فى الدورى من سنين وبعدين دى كانت اول الدورى وبعدين بقت التالت يعنى فى قمة المقدمه واحترامى الكبير لمؤسسة سموحه لأن سموحه مش مجرد نادى بل هو نوادى وانا اعرف عنه الكثير ***** ابن نشا* نبروه

طب ويا ترى نبروه دى اقوى من الميلان واليوفى واالمان والجانرز
ياجماعه انتو بتتكلمو فى ايه حد لسه اصلا بيتفرج على كوره من دي

اولا انا مسمعش عن الفرق الى انت بتقول عليها دى وبعدين الكوره دى فيها من الحماس والاداء الى معدناش بنشوفه من الممتاز أ

انا بحب مالية كفر الزيات علشان لنا حبايب فيها

والله الاسماعيلى ده مدرسه فن

الدميرى هو انت من المنصوره ولا ايه

ربنا يصلح حال رضا عبدالعال

نبروه زى المنصوره زى دكرنس زى سمنود,كلهم واحد

اكيد طبعا كلهم واحد بدام بيمسلوا اسم واحد ........ المنصوره......... ويا رب نشوف حد من المنصوره فى الممتاز

اكيد طبعا المهم حد يمثل المنصوره فى الدورى الممتاز

نبروه تواصل تألقها فى الممتاز ب وتحصل اغلى ثلاث نقاط من كهرباء طلخا على ملعب نبروه وانتهت المبارة 2/1 لصالح نبروه وكانت مباراة قوية واستطاع نادى نبروه ان يحرز هدف التقدم فى الدقيقه 92 الهدف احرزه سامى صالح هداف الممتاز ب وكان الهدف من كوره عرضيه حولها سامى صالح بلعبة باك ورد فى المرمى وصاحت الجماهير بالهدف وكانت المباراة بتاريخ 3/12/2008

فوز مستحق لنبروة
الف مبروك

امال ايه يا عم حازم

هذا هو شعار رابطة مشجعى نبروه
احنا فى زمن الوحوش والنباروه مبيرحموش

الف مبروك عقبال دكرنس

ميرسى يا محمد على متابعتك لاخبار نادي نبروة

انا كمـــان من نبروه وافتخر.. لكنك نسيت يا احمد تقول انهم مسميين نبروه اسرائيل التانية ... الحدق يفهم ...
مبروك لنبروة يرب نعمل نتائج حلوة الدور التاني ..
اول ماتش مع مياه البحيرة .. يوم الاربعاء الجاي .. مع غياب العربي وفاروق اللي راحوا سموحة