كنت اشاهد قناة الجزيره واتابع ريبورتاج عن باراك اوباما
وكان اوباما يقول:

(we will change america)

نحن سنغير امريكا وكان يتحدث بطريقه تجعلك تهتز من الحماس لدرجة انى تذكرت جمال عبد الناصر فى خطاباته,, فكلاهما يتمتع بكاريزما بلا حدود...وكلاهما يجيد الخطب الرنانه ونحن شعوب معروف عنها عشقها للكلام والخطب الرنانه...


وفجــــــــــــــــــأه:

تذكرت السيد جمال مبارك وخطاباته الاخيره فى مؤتمر الحزب الوطنى...

وبدأت تظهر مقارنه فى رأسى بين باراك اوباما وجمال مبارك كلاهما فى نفس العمر تقريبا...كلاهما تمنوا ان يحكموا بلدهم...كلاهما صعدوا فى الحياه السياسيه بسرعة الصاروخ....


اوباما شعار حملته(change) التغيير ,,,, وشعار جمال مبارك وحزبه (فكر جديد .. لمستقبل بلدنا)


كلاهما وقف ليخطب بشعبه ,,, اوباما فى حملته الانتخابيه..والسيد جمال مبارك فى مؤتمر الحزب الوطنى....

تحدث الاول عن عن التغيير فصدقه الشعب....,, وتحدث الثانى عن الفكر الجديد فلم يصدقه احد ....

تحدث اوباما عن الازمه الاقتصاديه وحرب العراق فسانده الشعب الامريكى فى فكره....


وتحدث جمال مبارك عن اهتمامه واهتمام الحكومه بمحدودى الدخل فسخر منه الشعب وانصرف عنه...

والنتيجــــــــــــــــه

اوباما اصبح رئيسا لامريكا وجمال مبارك الجميع يرفض مجرد فكرة ترشيحه...!!!!!!!!!

ما الــــفرق؟؟؟؟


اذن الفرق فى التأييد الشعبى..



نعم يحظى اوباما بتأيييد وعشق غريب من الشعب الامريكى...,,,


ويحظى جمال مبارك بالرفض وانكار فكرة مجرد ترشيحه للرئاسه لدرجه اجبرته على التصريح بعدم نيته فى الوقت الحاضر بالترشيح,,,

مع ان ذلك معلوم للجميع ومع العلم انه طموح مشروع ومن حق جمال مبارك فهو شاب مثقف ,,, طموح,,, لديه درايه اقتصاديه جيده وربما تنقصه الخبره العسكريه مثل اوباما تماما..........


اذن ما الخطأ....ماسر تباعد الشارع المصرى عن جمال مبارك؟؟؟؟ وما سر ترحيب الشارع الامريكى بأوباما؟؟؟؟

انا لن اخفى عليكم انى كنت من المعجبين بجمال مبارك فى بداية بزوغه السياسى وكثيرا ما سألت نفسى ولما لا؟؟

لما لا يصبح رئيسا لمصر وهو من تربى فى مطبخها السياسى ويعرف ادق تفاصيلها؟؟؟


وعندما شاهدت المترشحين فى انتخابتنا المصريه الاخ ابو طربوش اللى عاوز يلبسنا كلنا طرابيش (مش مكفيه اننا لبسنا طراطير) وايمن نور وغيرهم...عندما شاهدتهم زادت قناعتى بجمال مبارك وكلامه المتزن...
وزاد حماسى اكثر واكثر له....

ولكــــــــــــــــــــــن


يوما بعد يوم بدأ الحماس يفتر والامل يتلاشى...

وبدأت اشعر بتباعد السيد جمال عن الشارع المصرى...وقد نكون نظلم جمال مبارك بحكمنا عليه ,, وقد نكون اتخذنا موقف مسبق منه ,, ولكن الاكيد انه كل يوم يخسر من قاعدته الجماهيريه...

ترى أيحمٌل الشعب المصرى السيد جمال مبارك وزر والده....؟؟؟؟

ترى أيرفضه لمجرد فكرة انه ابن الرئيس؟؟؟


اسأله حائره تدور بداخلى وانا اشاهد اوباما يلقى خطاب الانتصار والفوز بالرئاسه واشاهد جمال مبارك فى مؤتمر الحزب الوطنى وانتقاد الجميع له..


وانا فى انتظار ظهور اوباما مصرى ولكن شرطا ان يكون فى الاربعينيات وليس السبعينات فما فوق....مصر مش ناقصه شيخوخه..




وعلى رأى اوباما((WE NEED CHANGE

نحـــــن فـــى حـــاجه الى التغيير

أتعجب جدا أولا من كلمة السيد جمال
فنحن لا نريد اسيادا بعد اليوم
ولا نريد تماثيل

كاريزما

كلمة جميلة تلخص معاني كثيرة

شكلك بعد عمر طويل عايز تقول :
من شابه أباه فما ظلم !
و ابنك يقول نفس كلامك!
من شابه أباه فما ظلم !
وأولادنا يقولوا على ابنك !
من شابه أباه فما ظلم !
وكفاية كده
لاحسن كلامي يعمل أزمة
و سلم لنا بقى ع الكاريزما

وزي ما قلت .......... بعد عمر طويل إن شاء الله

الفرق كبير بين الاثنين

الاول مُصدق عند شعبه

والثانى غير مصدق لا هو ولا ابوه

الاول ممكن يتحاسب ان اخطأ

اما الثانى وعائلتة فليس لهم حساب عند الشعب

الاول لديهم مجلس شيوخ يرجع اليهم ويوافقون او يرفضوان قراراته

اما الثانى فلديهم مجلس الشعب ولا يوجد كلمه داخل المجلس تعلو على كلمة ( موافقة) ( اجماع)

الفرق كبير جدا حتى وان كان جمال مبارك انسان كويس وعاش فى المطبخ السياسى

فأحب اقول لك يا عزيزى اننا تعبنا من كتر الطبيخ وجت لنا قرحة فى معدتنا من هذا الطبيخ البايخ

الفرق كبير بين الاثنين

الاول مُصدق عند شعبه

والثانى غير مصدق لا هو ولا ابوه

الاول ممكن يتحاسب ان اخطأ

اما الثانى وعائلتة فليس لهم حساب عند الشعب

الاول لديهم مجلس شيوخ يرجع اليهم ويوافقون او يرفضوان قراراته

اما الثانى فلديهم مجلس الشعب ولا يوجد كلمه داخل المجلس تعلو على كلمة ( موافقة) ( اجماع)

الفرق كبير جدا حتى وان كان جمال مبارك انسان كويس وعاش فى المطبخ السياسى

فأحب اقول لك يا عزيزى اننا تعبنا من كتر الطبيخ وجت لنا قرحة فى معدتنا من هذا الطبيخ البايخ

اذن ما الخطأ....ماسر تباعد الشارع المصرى عن جمال مبارك؟؟؟؟

سر بعد الشارع المصرى عن جمال مبارك
هو فقط لأنهم يشعرون بأنه مفروض عليهم
و ليس مفروض عليهم فحسب و لكن جميع
السيناريوهات قد أعدت من أجل وجوده منفردا
على الساحة السياسية من ضرب الاحزاب المعارضة
و اعتقال الاخوان و حبس د. أيمن نور و غيرها
و بالتالى لا أحد سيرضى بجمال حتى و لو كان مناسب
و حتى و لو كان العبقرى الذى سينهض بالبلاد
فهو ليس اختيار الشعب و هذا مربط الفرس


وما سر ترحيب الشارع الامريكى بأوباما؟؟؟؟

هنا أيضا كما قلت عملية الاختيار
لو كان جمال مبارك سلك نهج اوباما و تواجد وسط
قادة سياسيين أمثال كولن باول و هيلارى كلينتون
و من الجانب الاخر ماكين و بوش و تشينى
لأصبح الوضع مختلف بعض الشئ
سر الترحيب هنا و الفتور هناك هو الديمقراطية و حرية الاختيار


ترى أيحمٌل الشعب المصرى السيد جمال مبارك وزر والده....؟؟؟؟

نعم و بشكل كبير و انا شخصيا لا أوافق على ذلك
فلا بد قبل ان نتهكم و نسخر و ننتقد لابد من المحاسبة
لابد من مراجعة دفاتر الشخص و ليس دفاتر أبوه
و مراجعة خططه و أفكاره و مرجعياته و ليس مراجعة
بطاقته الشخصية من مكتب سجل مدنى القاهرة


ترى أيرفضه لمجرد فكرة انه ابن الرئيس؟؟؟

نعم للأسف
و هذا لا يعنى اننى اؤيد جمال مبارك
كما اننى لا ارفض جمال مبارك
إذا ترشح جمال مبارك ببرنامج انتخابى ليس مباركى كـ2005
و قدم أجندة سياسية تحترم
و قدم ضمانات بوعود تعديل الدستور و قانون الطوارئ
و غيرها من الازمات الجوهرية و استشعرتها صادقة
و ضماناتها كافية و كفيلة بالتنفيذ
فسأكون أول المؤييدين لجمال مبارك رئيسا لمصر
أما إن كان ينوى التوريث و السير على خطا مبارك الأب
من وعود زائفة و برنامج انتخابى لا يرقى لأن يكون
برنامج " لكى يا سيدتى " و كل هذه الممارسات
و ينقض على الكرسى بانتخابات الحاجة نزيهة
فأنا أرفضه و بشدة
و هذا رأيى الشخصى



شكرا لطرحك مثل هذا الموضوع الهام

وما سر ترحيب الشارع الامريكى بأوباما؟؟؟؟

السر بكل اختصار هوا حاجات كتير ..

1- ماننساش ان الشعب الامريكي عانى من حكم بوش طيلة 8 سنين من 2001 لـ 2008 ..

2- الحزب الجمهوري فضل مسيطر على اقوي سلطتين في البلد هناك .. الكونجرس والرياسة

3- ماتنساش ان حكم بوش كان حكم منيل .. وهوا يعتبر اسوأ رئيس فعلى حكم امريكا في تاريخها .. ومش عايزين طبعا نذكر حرب افغانستان وحرب العراق وحرب لبنان وازمة روسيا ..

الاسباب دي كلها كانت في صالح اوباما .. اللي شئ طبيعي لازم يقوله we need a change ..

رأيي من رأى بندق2007 , و بالمرة أدعوك للإشتراك فى هذا الجروب على الفيس بوك اللى بيعتبر شرح للتمثيلية اللى الحكومة بتعملها لإدخال جمال مبارك فى الحكم و بتوصلك رسالة على الإيميل كل ما حلقة جديدة من المسلسل تتنفذ , أدعوك للإشتراك فى
http://www.facebook.com/group.php?gid=5403452710

انا متنفقه جدا مع الأستاذ مجدى ( بورسعيدى )
انه فيه فرق كبير جدا بين الأتنين
مشكور على طرح الموضوع

واحد : عايش وسط احلام شعبة وحاسس بيهم ووضع خطط لتحقيقها وعرضها على شعبة اللي رحب بيه وبيه واختارة عن اقتناع

والتاني : في برج عالي عايش بين رجال الاعمال وحاسس ان البلد كلها مرتاحة وميعرفش حاجة عن الناس اللي بتنام في الشتا من غير سقف والناس اللي بتاكل التراب وناس تاني كتييير احوالهم زفت

عرفتوا الفرق ؟؟

لله ينور على المواضييع...تسلم إيدك الاول على الموضوع...وعلى المجهود..لأنه أكييد تعبك انا عارف..

شوف يا زووم..انا كنت فكرت كتير فى موضوع جمال مبارك فى زورة القضية من فترة بتاعت 99 و 2000 ..لما بدأ الكلام يكتر...وفضلت أحسبها...

هاقولك على حاجة حتى لو كان جمال مبارك ..هو الرجل بالمواصفات اللى انت قلت عليها واكتر..وحتى لو كان الرجل الاصلح فى قائمة الرجال الذين يصلحون لقيادة مصر وشعبها...ولو كان على رأس القائمة كمان ..فأنا انا سعتها حت نتجه الى الرجل الذى يلييه..ده لو أحنا عايزين نبقى حاجة فعلاً وحالنا يتغير...وده مش كره كده لله فى لله أبداً..بالعكس انا حكمت عليها بحياديه تامة ومن أجل مصلحة البلد...لييه..أقولك.

الموضوع احنا مبدأيا لو عايزين نبتدى صح ونقوم بخطوة فعلاً عالشان نقوم بالبلد..فأخر حاجةنقومك بيها هى تولية جمال للحكم..لأنه جمال فى حد ذاته ..شوفى يا حازم.طبعا جمال مواطن مصرى من حقه أى حاجة من حقوق المواطنة المتاحة لأى حد ..بس هنا وفى الوضع ده له استثناء..و انا فى رأى هوا عبارة عن تضارب للمصالح..لأننا منقدرش نحط البلد اللى كره اى علاقة بالحزب واللى المعارضة فيها متوترة للدرجة عالية جداً..واللى الشعب ..فضله سنة وينفجر فى الكل ..نجييب لها حاجة من اللى كل دول بيعتبره عدوه اللدود ..كمان ..كون ان جمال أبن الرئيس دى كمان نقطة مش لازم تعدينا ..على الاقل لأبعاد أى شبه ..توريث ممكن حد يتكلم عليها...ممكن ده ايييه [[[ دول أكييد هيتكلمه عليها ودىة هتحط البلد فى فيلم تانى كليا...كمان حاجة ان جمال نفسه مش هيقدر يقوم يأى تغيير من خلال الحزب الوطنى أصلا..فى حالة انه والده "ان شاء الله "" ربنا يرحمه..لأنه معندوش القدرة انه يتغلب على حيتان الحزب..اللى الريس نفسه بدأ يطير فيهم أعداداً لأبنه ..زى الشاذلى (الله يمسيه بالخير) وزى صفوت الشريف (الله يمسيه بالخير)...بس جمال معندوش القدرة ديه فى رأيي لحد اللحظة دى..بس ميين عارف خلال الفترة الجاية..
المهم أحنا لو عايزيين نكون فعلاً حاجة ..جمال مينفعش يتولى الحكم أبداً..

والموضوع بسييط..والسبب واضح للمصلحة الكبرى أكييد فوق كل شئ..

ده عالشان امكانية يمسك ولا لألأ بس..
اما موضوع انه يكون أوباما المصرى...فأعتقد عندك أمل فى شعبان عبد الرحيم ان يكون له قابلية أوباما لدى الأمريكان بالنسبة للمصريين عن جمال مبارك ...


ميرسى على موضوعك

لله ينور على المواضييع...تسلم إيدك الاول على الموضوع...وعلى المجهود..لأنه أكييد تعبك انا عارف..

شوف يا زووم..انا كنت فكرت كتير فى موضوع جمال مبارك فى زورة القضية من فترة بتاعت 99 و 2000 ..لما بدأ الكلام يكتر...وفضلت أحسبها...

هاقولك على حاجة حتى لو كان جمال مبارك ..هو الرجل بالمواصفات اللى انت قلت عليها واكتر..وحتى لو كان الرجل الاصلح فى قائمة الرجال الذين يصلحون لقيادة مصر وشعبها...ولو كان على رأس القائمة كمان ..فأنا انا سعتها حت نتجه الى الرجل الذى يلييه..ده لو أحنا عايزين نبقى حاجة فعلاً وحالنا يتغير...وده مش كره كده لله فى لله أبداً..بالعكس انا حكمت عليها بحياديه تامة ومن أجل مصلحة البلد...لييه..أقولك.

الموضوع احنا مبدأيا لو عايزين نبتدى صح ونقوم بخطوة فعلاً عالشان نقوم بالبلد..فأخر حاجةنقومك بيها هى تولية جمال للحكم..لأنه جمال فى حد ذاته ..شوفى يا حازم.طبعا جمال مواطن مصرى من حقه أى حاجة من حقوق المواطنة المتاحة لأى حد ..بس هنا وفى الوضع ده له استثناء..و انا فى رأى هوا عبارة عن تضارب للمصالح..لأننا منقدرش نحط البلد اللى كره اى علاقة بالحزب واللى المعارضة فيها متوترة للدرجة عالية جداً..واللى الشعب ..فضله سنة وينفجر فى الكل ..نجييب لها حاجة من اللى كل دول بيعتبره عدوه اللدود ..كمان ..كون ان جمال أبن الرئيس دى كمان نقطة مش لازم تعدينا ..على الاقل لأبعاد أى شبه ..توريث ممكن حد يتكلم عليها...ممكن ده ايييه [[[ دول أكييد هيتكلمه عليها ودىة هتحط البلد فى فيلم تانى كليا...كمان حاجة ان جمال نفسه مش هيقدر يقوم يأى تغيير من خلال الحزب الوطنى أصلا..فى حالة انه والده "ان شاء الله "" ربنا يرحمه..لأنه معندوش القدرة انه يتغلب على حيتان الحزب..اللى الريس نفسه بدأ يطير فيهم أعداداً لأبنه ..زى الشاذلى (الله يمسيه بالخير) وزى صفوت الشريف (الله يمسيه بالخير)...بس جمال معندوش القدرة ديه فى رأيي لحد اللحظة دى..بس ميين عارف خلال الفترة الجاية..
المهم أحنا لو عايزيين نكون فعلاً حاجة ..جمال مينفعش يتولى الحكم أبداً..

والموضوع بسييط..والسبب واضح للمصلحة الكبرى أكييد فوق كل شئ..

ده عالشان امكانية يمسك ولا لألأ بس..
اما موضوع انه يكون أوباما المصرى...فأعتقد عندك أمل فى شعبان عبد الرحيم ان يكون له قابلية أوباما لدى الأمريكان بالنسبة للمصريين عن جمال مبارك ...


ميرسى على موضوعك

طيب يا فرج انت ايه رأيك فى بشار الاسد؟؟؟؟؟؟

انا ليا اصحاب من سوريا مش عاوزه اقولك اد ايه بيعشقوا بشار مع ان معروف ان سوريا محكومه بالحديد والنار بس دايما بيقولوا على بشار انه بيحاول يعمل حاجه وانه ورث تركه ثقيله بها الكثير من الاخطاء من والده...
ومعروف كمان عن بشار انه بينزل يقعد على القهاوى وهو ريس على فكره وبدون حراسه وبيقعد ويتكلم مع الناس عادى جدا وكل سوريا عارفه كده....ودا اللى اقصده ان بشار عارف ازاى يكسب الناس لصفه..
اللى اقصده يا احمد ان لو السيد جمال مبارك كان مقرب اوى من الشعب وحتى بيطبطب عليه ويقف فى صفه بدل مهو واقف فى صف رجال الاعمال اكيد كان الشعب هيسانده ويحبه ويختاره حتى لو كان هو ابن الريس...

ودا اللى اقصده بالفرق بينه وبين اوباما ان اوباما نجح فى انه يخلى كل الناس تآمن بيه وتحبه والسيد جمال مقدرش يعمل كده..
.لكن فى رأى كان ممكن جدا اننا نختاره على الرغم من اسبابك المنطقيه اللى قلتها لو اننا بس صدقناه وآمنا بيه..

نورتنى جدا يا ابو فرج

شكرااااااا على مروركم

شوف يا حازم...بشار حالة نوعا ما مختلف...ووالده..الرئيس حافظ الأسد ..كان شخصية قوية و محنكة لو نقدر نقول...والناس كانت بتحب والده للدرجة كبيرة ..والموقف هنا بيختلف..
السوريين مؤييدين لحزب البعث ..ودى حاجة غريبة ..بس ده حقهم وسياسة الحزب اصلا ًً.هى احديد والنار زى ما كان فى العراق بالظبط...
بس كونهم بيحبوا بشار ..هما حريين ..يؤييده براحتهم ..بس انا عن نفسى كنت ضد حاجة زى دى..عالشان انا لما اغير واضيف مواد فى الدستور عالشان أعرف أخلى واحد بعينه يصبح رئيس.فده مفيهوش اى حاجة تمت للدستورية والشرعية ...ناهييك عن الحرية ...بس هما عايزيين ربنا يبارك ليهم..
فالوضع ان كان متشابه ..كونه بس ان الاتنين اولاد الرؤساء وبيرسموا على تولى الحكم بعدهم...

بس انا عايز اقولك على حاجة ...انا لما قلت اسبابى على جمال..قلت لو كنا عازيين نبقى حاجة كويسة أوى وعلى مستوى من الديموقراطية العالى..فعلاً..يبقى لازم مايمسكش..بس فى مستويات واحنا أكييد مش على رأسها ...بس لو فعلا جمال مبارك كان شخصية تصلح للحكم وكان هدفها ...المصلحة العامة .يبقى الكلام يتم ..زى المنطق ما بيقول..هوا ممكن يترشح ..زى اى مواطن بس يبقى فيها نظام..بلاش موضوع انه هوا ماينفعش خالص..بس عالشان حتى ميبقاش فى نفس الناس حاج-ة ..يترشح بعد مايمسك حد بعد والده مثلاً..يعنى يكون فى فرق بين الولايات..ده طريقة تانية ممكن نكون فيها كويسيين ونبعد عن أى مشاكل...لكن كون ان هوا يسمك مباشرة بعد والده..دى انا مش متفق عليها ..لأن الموضوع حتى لو تم بنزاهة تبقى فيها شبه..بس فى الاخر ....قال يعنى أحنا بتفرق معنا الشوبهات ..العملي ماشية فلة..انا كانت بس رؤيتى فى ظروف تانية خالص غير دى...

بس أرجو فعلاً..انه يقكر كويس اذا حاول يعمل محاولة على الحكم..لأن الوضع هيبقى..مش عارف.. ومحدش يقدر يتخيل بالظبط ايه اللى حيصل حتى هما (الحزب الوطنى) ممكن يكون كارثى ..وممكن جداً..يكون عااادى جداً.. مبقاش فى حاجة بتصدمنا دلوقتى ...

فرق كبير

واحد فى وادى والتانى فى وادى تانى