مشاهدة النسخة كاملة : اعرفى عريسك من طريقه اكله


*التـوأم المـزعج*
14-11-2008, 11:23 PM
اعرفي عريسك بدري بدري.. من طريقة أكله ....؟؟؟؟

1- إذا كان عادي يعني لا بياكل بسرعة ولا ببطء ولا دايمًا شبعان ولا
مفجوع على طول.. يبقى شخص معتدل في عواطفه وقراراته ويبقى ده آخر
الرجال المحترمين.. كلبشي.. واستعجلي الزفاف والحياة هتبقى بمبي

2- إذا كان بيحب الأكل زي عينيه.. وأول ما يدخل من الباب وقبل ما يقول
لك ازيك يقول لك ريحة التقلية تجنن ياروحي إنتوا عاملين ملوخية على
أرانب؟؟.. أموت أنا.. ويقعد ياكل ويحشر لحد ما يغمى عليه.. يبقى إنسان
طفس.. وهوائي.. وطايش.. وأوعي تتجوزيه أحسن ياكلك وانتي نايمة....؟
3- أما إذا كان مش مهتم بالمرة.. لايقولك ده حلو ولا ده عادم ولا مالح
ولا مستوي ولا لسه ني ولا بيعلق أي تعليق.. وعمره مايقولك جعان أو
شبعان يبقى إنسان مالوش لزمه.. وزي قلته.. وأنصحك بدل ما تتجوزيه
إتبنيه.. وهاتعيشي إنتي الراجل والست ف وقت واحد واعملي حسابك
هاتركبيه
وتدلدلي رجلييكي.
4- أما إذا كان بياكل زى مايكون حد بيجري ورااااه وساعة الأكل بيجيله
حالة صرع معوي.. ويقوم من ع الأكل قبل أي حد تاني يبقى متسرع.. ومتهور
في اتخاذ قراراته وممكن بعد الجواااز يكتشف إنك لست ملهمته..ولست فتاة
أحلامه ولستِ حلمه.. ويروح مطلقك بالتلاتة.. إخلعي إنتي بدري أحسن
لكرامتك.

5- أما إذا كان بياكل على مهله.. ويمزمز.. ف كل صنف لوحده.. ويسأل عن
كل صنف إيه مقاديره ومعمول إزاااي ويقعد يستطعم ف الأكل من العصر
للمغرب حاسبي منه يا اختي ده النوع اللي له مخ.. وبيوزن الأمور بطريقه
تفقع المرارة.. ولو في يوم طلبتي منه يقولك كلمة حلوة هايقولك مش عامل
حسابي ويقعد يفكر 3 سنين وبعدين يقول لك بحبك ويقعد يشوف وقعها عليكي
إيه؟؟ نظااااام شلل رعاش بدري.... بدري.... إخلعي يا أمي
..
6- أما إذا كان بيقعد يقطع ف الأكل زي مايكون ف خناقة ويخبط فطبق
من الغل.. ويقطع حتة اللحمة زي ما يكون
بيدبحها.. ويتفتف.. ويتكلم.. طول ماهو بياكل لما يغرق وشك أكل.. ده
شخص عصبي جدًاااا.. ومع أول خناقة هايروح مناولك بالكرسي ف راسك أو
بالسكينة ف عينك يعمل لك عاهة مستديمة وبعدين.. يهدى.. ويقول لك:
"سوووري ياروحي هي جت فيكي.. معلش"
""معلش برَّه يا حبيبي وخد الباب ف أيدك""
7- أما إذا كان دايمًا قرفاااان دايمًا مش عاجبه العجب ولا الصيام في رجب..
يع.. الملوخية تقيلة.. ياي.. السمنة كتيرة على وش الشوربة..
ياساتر.. دا محشي ولاصوابع مووووز.. أووووف.. الرز محصويل.. يامَّه
المكرونة معجنة.. إذا كان كده توكلي على الله وهاتي أحمى ساطووووور
عندك وأنا أعرف لك واحد محامي
هايطلعك منها زي الشعرة م العجيييين
والأحسن من ده كله..... مالها القعدة ف بيت أبووووووووكي؟؟

rainbow
06-12-2008, 05:44 PM
هههههههه موضوع جميل

*التـوأم المـزعج*
15-04-2009, 02:19 PM
شكراً ع مرورك

النجم الكبير
15-04-2009, 03:13 PM
موضوع جميل واعتقد انه كوميدى
خلتنا نضحك شوية
جزاك الله خيرا

*التـوأم المـزعج*
15-04-2009, 06:12 PM
شكراً ع مرورك النجم الكبير
ربنا يكرمك

جمال سراج
15-04-2009, 09:55 PM
يعنى هو موضوع حلو وفكاهى فعلا
بس يعنى اعتقد ان اى حد ممكن يمر بكذا حالة من الحالات اللى ذكرتيها حسب الظروف احيانا
يعنى ممكن يكون مستعجل ياكل بسرعة
ممكن يكون مضايق شوية يرزع فى الاطباق ----- كدا يعنى
انتى خلتينى افكر انا من اى واحد فى دول
بس مش المفروض انا اللى اجاوب
ولا حتى هى
هههههههههههههههههههههههههههههههههههههههههه
خلاص ما عدش ينفع بقا - هى ادبست وخلاص!!!!!!!!!!!!!!!!!!!!!!!!!

يالله ربنا يستر
شكرا ليكى
فى امان الله

مستر حاتم فتحي
15-04-2009, 10:10 PM
عارف لولا ان دمك خفيف كنت عزمتك علي العشاء
تسلم علي الموضوع اللي زي الفل

*التـوأم المـزعج*
15-04-2009, 10:42 PM
شكراً ليك أستاذنا جمال سراج
بس إحنا بنتكلم ع عادة فالأكل .. يعيني ع طول كده مش مرة ولا مرتين ولا حتى تلاته
وإن شاء الله ربنا يكرمك ويباركلك فيها
ملحوظه أخيرة!!!!!!!!!!!!!
معلش هنتقل ع حضرتك...
حضرتك بتشكر واحدة بس ع الرغم من إننا توأم كدة هتزعل واحدة مننا
أسفين ع الإزعاج
ربنا يكرمك

*التـوأم المـزعج*
15-04-2009, 10:44 PM
شكراً ع مرورك العنيد 14169
بس إنت كده هتكلف نفسك لإننا إتنين
ربنا يكرمك

ايميstar
16-04-2009, 12:12 AM
اول انا بشكرك جدا ع الموضوع ده وانا موت من الضحك وانا باقراه ثانيا احب اقول لحضرتك انا هاركز في الاكل وطعمه ولا هاركز ف اني اعرف عريسي ده ايه نوعه هو انا فاضية انا هاكون جعانة كل مرة هاعزمه فيها هافضل طول اليوم في المطبخ احضر الاكل ووقت الاكل لما اكون خلاص موت من الجوع يكون دي حصة الاختبار هههههههههههههههههههههههههههه

sheso
16-04-2009, 04:28 PM
حسناً وإذا لم يكن يـكل عند أحد بالمرة يعنى ( لا يأكل إلا فى بيته فقط) ؟

*التـوأم المـزعج*
16-04-2009, 09:39 PM
بنشكرك إيميStar ع مرورك
بس لازم تعملي حساب الموضوع ده من قبل ما يجي ومن الواضح إنك بتحبي الأكل وطبخه أووووي
الموضوع مجرد فكاهه مش أكتر ... ربنا يكرمك

*التـوأم المـزعج*
16-04-2009, 09:42 PM
أولاً بنشكرك Sheso ع مرورك
ثانياً أكيد مرة هيعزمك وهتشوفيه وهو بياكل
ثالثاً ربنا يكرمك

Dr.love ferdos paradise
16-04-2009, 11:24 PM
ميرسي موضوع جميل اوي وفكاهي

شكراا
في رعاية الله

*التـوأم المـزعج*
16-04-2009, 11:30 PM
شكراً ع مرورك د.عاشقة جنة الفردوس
مرورك أسعدنا
ربنا يكرمك

*التـوأم المـزعج*
01-05-2009, 12:19 AM
؟؟؟؟؟؟؟؟؟؟!!!!!!!!

*التـوأم المـزعج*
01-05-2009, 12:20 AM
؟؟؟؟؟؟؟؟؟؟؟!!!!!!!!

Miss Aml
01-05-2009, 12:32 AM
موضوع جميل جدا
وان شاء الله هاخذ النصايح دى فى الحسبان ان شاء الله
وادينا بنتعلم
تقبلى مرورى

reem mohamed
03-05-2009, 01:23 PM
موضوع جميل شكرا

me_es_m
09-05-2009, 03:31 PM
هو بالفعل الحل انى اعد فى بيت ابويه معززه مكرمه ومدلعه
وشكرا ليكى

fantoosha
09-05-2009, 04:49 PM
من خرج من داره اتقل مقداره
هههههههههههههههههههههه
بيت ابويا اولى

*التـوأم المـزعج*
10-05-2009, 03:17 PM
شكراً ع مرورك Miss Aml
مرورك أسعدنا
ربنا يكرمك

*التـوأم المـزعج*
10-05-2009, 03:18 PM
شكراً ع مرورك الكريم
reem mohamed
ربنا يكرمك

*التـوأم المـزعج*
10-05-2009, 03:20 PM
شكراً ع مرورك me_es_m
عندك حق بس وجهات نظر برضو
ربنا يكرمك

*التـوأم المـزعج*
10-05-2009, 03:22 PM
شكراً ع مرورك fantoosha
هو شكله فعلاً القعده في البيت أحسن حاجه
ربنا يكرمك