مهازل و فوضى وتهديد من الطلاب و أولياء الأمورللمدرسين بالضرب لو تعرض أبنائهم بالاهانة أو الضرب من المدرسين .
المقال بالكامل بجريدة الجمهورية على الرابط التالى :
http://www.algomhuria.net.eg/algomhuria/today/brains/detail00.asp (http://www.algomhuria.net.eg/algomhuria/today/brains/detail00.asp)
الاحترام فقد بل لم يعد له وجود بين الطالب والمعلم والذى زاد من تفاقم المشكلة القرارات الاخيرة .
عايزين نرجع العلاقة الطيبة بين المعلم والطالب . لان المعلم و المعلمة بمثابة الأب او الأم .
اتمنى ان اجد من كل زملائى وزميلاتى المعلمين والمعلمات تقديم طرق لاستعادة العلاقة الطيبة بين المعلم والطالب .
كما ارحب بأبنائى الطلاب ليشاركونا فى هذا الموضوع
بتمنى التقدم لمصر و نهضة علمية ان شاء الله .

البقاء لله

قولوها معى

فلن تقوم للتعليم قائمة بعد الآن

بدأها بهاء الدين

وأنهاها الجمل

ولا عزاء للمعلمين

زميلى الكريم sssamed: فعلا الظاهرة خطيرة وتحتاج مشاركة جادة وفعالة من الجميع وخاصة خبراء التربية .
وارى : يجب ان تكون انطلاقتنا الاولى لاحترام الطالب للمعلم نابعة من الاسرة ، فنحن اكثر من مليون معلم بمليون اسرة فلنعلم ابنائنا بان المعلم هو الاب وهو جدير بالاحترام والتقدير .ولنبدأ بانفسنا مع اولادنا وناكد على هذا المفهوم .
واذا كان من حق المعلم على الطالب ان يحترمه مثل والده ، فمن حق الطالب على المعلم ان يعامله كابنه فيكون المعلم مقوما له حليما وعطوفا عليه.
تقبل مرورى وتحياتى

انا لى وجهة نظر

المعلم الفاهم يدير حصته كيفما يشاء بدون عقاب

ومن نظرى ان العقاب البدنى لا يلجأ اليه الا ؟؟؟؟؟؟؟؟؟؟

انا لله وانا اليه راجعون

شكرا لكم زملائى الأفاضل لمشاركتكم اتمنى مشاركة المزيد من باقى الزملاء لان الموضوع يحتاج دراسة مننا كمعلمين وممكن اخصائى نفسى واجتماعى وكل مختص بهذا المجال
لان هدفنا واحد وهو الخير لأبنائنا الطلاب وعودة العلاقة الطيبة بين المعلم والطالب عن اقناع بين الطرفين دون النظر لخوف من قرار او خلافه
وفقنا الله لما يحبه و يرضاه

أنا إبراهيم , طالب أولى ثانوى , شكرا يا استاذ على الخبر و طرحك للموضوع , بس حلها أنا شوفته فى مدرس عندنا , و حل ناجح جدا. و بدون ضرب.
الاستاذ أولا بيخش الفصل بإحترام و ميشتمش الطلاب فى أول حصة زى ما كل المدرسين بيعملوه علشان يعملوا انطباع شديد عند الطلاب علشان محدش يتعود عليهم , و فى أثناء الحصة طبعا بتحصل أخطاء كتير و مشاكل , بس لما شخصية الأستاذ تبقى قوية و قليل الكلام و فى نفس الوقت بيحسس الطلبة بإنه خايف على مصلحتهم و مش هيإذى حد , بجد حتى الطلاب الصايعة و ما أكثرهم احترموه مش لإنه بيضرب و كده بالعكس دا بيكره الطلبة فى الأستاذ أكتر و لكن بيحلها بكل إحترام مع إعطاء تحذير و يقول : أنا كنت طالب و عارف انتو بتفكروا إزاى و عايزين تعملوا ايه , و يعمل مواقف تدل على قوة شخصيته و الحصة بتبقى ظريفة بدون أى زعل.
بس ملخص دا كله إن الضرب وسيلة يلجأ اليها المدرس الضعيف و للأسف 99% من المدرسين بيضربوا و مش مقتنعين بحكاية عدم الضرب ,حتى مدير مدرستى عندما ذكرت له أن الضرب غير قانونى استعجب أوى و قعد يضحك و قالى مين اللى قالك كده , دا القانون دا بتاع العيال ( الفرافير ) طبعا الموضوع عدى بهزار , بس أنا مستغرب من القانون إزاى الطالب هياخد فصل نهائى , يعنى مفيش نظار أولا و بعدن استدعاء و لى امر و حكاية الفصل دى إزاى لإن الأساتذة عملالنا رعب بالموضوع ده.

شكرا على الموضوع مرة ثانية و أظن إن وضحت وجهة نظرى , و إن كانت ناقصة تفضل بالسؤال عن أى شيء .
متابع ........

انا لى وجهة نظر

المعلم الفاهم يدير حصته كيفما يشاء بدون عقاب

ومن نظرى ان العقاب البدنى لا يلجأ اليه الا ؟؟؟؟؟؟؟؟؟؟
متفقين فى الرأى يا مسيو أحمد :)

لا يمكن أن تكون هناك شخصية واحدة للمدرس فالمدرسين بشر مختلفين فمنهم من يمتلك كاريزما هي هبة من الله في شخصيته من خلالها يمكنه أن ينظر إلى الطالب نظرة بسيطة تجعل الطالب يتمنى أن تبتلعه الأرض ويختفي من الوجود ومن المعلمين من لا يملك إلا أن يرفع صوته بأعلى ما يمكنه لجذب إنتباه طالب أو لفت نظره ومن المدرسين من يضطر الى الذهاب الى الطالب ودفعه بيده حتى ينبهه أو يلفت نظره وهناك أمثله كثيرة لشخصيات مختلفة وأعتقد أنه من الصعب أن يتم تبادل الأدوار في هذه الشخصيات وإن نجحت في بعض الوقت فلن تنجح لكل الوقت لأن كما يقولون الطبع يغلب التطبع

شكرا لك يا هيما

حسبنا الله ونعم الوكيل فى التعليم ووزيره

زميلى الكريم sssamed: فعلا الظاهرة خطيرة وتحتاج مشاركة جادة وفعالة من الجميع وخاصة خبراء التربية .
وارى : يجب ان تكون انطلاقتنا الاولى لاحترام الطالب للمعلم نابعة من الاسرة ، فنحن اكثر من مليون معلم بمليون اسرة فلنعلم ابنائنا بان المعلم هو الاب وهو جدير بالاحترام والتقدير .ولنبدأ بانفسنا مع اولادنا وناكد على هذا المفهوم .
واذا كان من حق المعلم على الطالب ان يحترمه مثل والده ، فمن حق الطالب على المعلم ان يعامله كابنه فيكون المعلم مقوما له حليما وعطوفا عليه.
تقبل مرورى وتحياتى
خبراء التربية فاشلين ولو تعاملو ا مع الطلاب يتوع هذا الزمن لقتلهم

هذا نتاج سوء التربية والخروج عن طريق الله فى التربية

ضاعت هيبة المعلم يجب ان تتكلم عن العنف من التلاميذ واولياء الامور اتجاه المعلمين حرام عليكم حاتضيعوا التعليم فى مصر تكلم عن ضرب التلميذ للمعلم فى مدرسة عزبة الصيادين بالاسكندرية بلا ذنب الا ان منع التلميذ من تسلق السور والهروب منه فما كان من اهل التلميذ الا ان احضروا الشوم والسنج وضربوا المعلم وعملوا محضر تعدى واتباوا عليه ممكن تنشر هذا الخبر بعد التاكد ولا ممنوع للمعلم جميل للتلميذ وسلم على التعليم فلو قتل تلميذ تلميذ اخر امامنا لن نتدخل خوفا على حياتنا