كان عندنا لحاف كبير و كان بيغطينا و يدفينا فى عز البرد

كل سنة رجلينا بتطول و فى نفس الوقت نقطع حتة من اللحاف و نبيعها علشان الرغيف ابو شلن و كل ما اللحاف يقصر نلم رجلينا لان على قد لحافك مد رجليك

اللحاف بقى قد المنديل و يدوب يغطى الوجه و خصوصا الفم أبو لسان و العيون البصاصة و الودان الصناتة

واحد يقوللى طيب ايه لزمته

لا انت كده حتحس انك دفيان و الحياة جميلة ووردية و لو شيلته حتشوف و تسمع و يمكن تتكلم بس حتقول ايه ما العيب فيك انت اللى بتطول و جاى تتكلم النهارده ! كنت حافظ على لحافك و اطلب لحاف تانى ... عجبى !!!

هقولك

على قدر اللحاف مدد رجلي ولو طال اللحاف لها لطالت

الحمد لله
انا لما اتولدت مكانش فى لحاف علشان اتكلم عنه
لقيت اهلى باعوه علشان بردو رغيف العيش
ينى مش هبقا على اد لحافى ولا همد ماى فووت
من النهاردة هيكون شعارنا
لحاف تانى لكل مواطن
ربنا يعدينا من الدنيا على خير

انا مش فاهم حاجه خالص

شكرا للاستاذ / اشرف السيد على المرور الكريم

و شكرا لاخى محمود طه على مروره

و لكنى اعتقد ان هناك جزء يسير من اللحاف يجب علينا التمسك به و عدم بيعه

أما الاخ thanwya soldier 2009
للاسف لن استطيع ان اوضح لك اكثر من ذلك

هوا اللحاف ده..مقصود بيه الأخلاق و لا ايه ؟؟؟

هوا اللحاف ده..مقصود بيه الأخلاق و لا ايه ؟؟؟

الاخ الكريم

موضوع اللحاف يقصد بيه هنا
الدخل والمستوى المعيشى للفرد
كلما قل مستوى الفرد المعيشى ودخله
قلّت معها فى نفس الوقت الحدود التى يقف عندها
فتظهر سواءات الانسان

وهذا ردا على كلامك عن مدرس الانجليزى

فارجو ان تكون الصورة قد اتضحت لك

تحيتى

الف شكر بس هو فين اللحاف ده

لا احنا الحمد لله في العصر الذهبي عندنا لحفة كتييييييييييييرة قوي

مع العلم ان بابا مكنش عندو غير اللحاف الصغير ده ويمكن مكنش موجود كمان

لكنو بجد عمل كتير علشان يشتري لاولادو كل لحفة البلد وقد كان والحمد لله


دمتم بكل خير جمييييييييييييييييييييعا

موضوع مغزاه كبير شكرا يا غالي بارك الله فيك

فعلا الموضوع ده مغزاه كبير و الدليل على كده ان كل مشاركة لها شكل

انا فكرت بطريقة تانية

اللحاف هو شركات القطاع العام

و الشركات كانت كثيرة و تستوعب عدد كبير من العاملين و الخريجين

رجلينا بتطول المقصود عدد السكان

بنبيع اجزاء من اللحاف يعنى بنبيع الشركات شركة شركة و طبعا ثمن البيع ضاع فى دعم رغيف العيش

بنلم رجلينا يعنى بنشد الحزام و بنحاول نعيش

و طبعا كان المفروض نرفض بيع الشركات من البداية بل نطلب زيادة عددها

ايه رأيك يا سعيد يا نجم