انا دلوقتى فى تالتة ثانوى وجبت فى تانية 87% ونفسى اخش تجارة انجلش

انا عايز دلوقتى اعرف مصاريف تجارة انجلش دى بتبقى كام لانى سمعت ان مصاريفها كتير وياريت تقولولى مصاريفها فى جامعة كفرالشيخ والمنصورة بس ؟؟؟

وهل ينفع ان اخش كلية تجارة فى جامعة كفرالشيخ مثلا وفى اساسا كلية تجارة فى محافظتى المنصورة علما بان كفرالشيخ جنبنا بالظبط يعنى ممكن اخش كلية موجودة فى جامعة محافظتى واخش الكلية دى فى جامعة تانية علما بان الجامعة دى جنب محافظتنا تبعنا يعنى بمعنى اصح ياريت تقولولى بسرعة

وكمان ياريت تقولولى اه الفرق بينها وبين تجارة عربى من حيث الشغل والمستقبل ؟؟؟

انا عايز دلوقتى اعرف مصاريف تجارة انجلش دى بتبقى كام لانى سمعت ان مصاريفها كتير وياريت تقولولى مصاريفها فى جامعة كفرالشيخ والمنصورة بس

الكلام دا يجاوبك عليه اللي في تجارة انجليش المنصورة ..

بس عموما هاتبقي تتراوح مابين 4500 لـ 5000 جنيه

وهل ينفع ان اخش كلية تجارة فى جامعة كفرالشيخ مثلا وفى اساسا كلية تجارة فى محافظتى المنصورة علما بان كفرالشيخ جنبنا بالظبط يعنى ممكن اخش كلية موجودة فى جامعة محافظتى واخش الكلية دى فى جامعة تانية علما بان الجامعة دى جنب محافظتنا

ماعتقدش .. لإن انتا بتبقي ماشي على نظام التوزيع الجغرافي

ودا بينص على انك ملتزم بتوزيع محافظتك .. اللي هيا المنصورة

والتالي لا يحق ليك الانتقال لمحافظة تانية الا اذا كان مجموعك مايجيبش محافظتك الأساسية

والله اعلم

وكمان ياريت تقولولى اه الفرق بينها وبين تجارة عربى من حيث الشغل والمستقبل

هما فيه ناس بتقول ان تجارة انجليش اعلي من عربي ..

بس بيني وبينك رأيي انا انها مابتفرقش .. واللي بيفرق فعلا قدرات الشخص ذات نفسه

لإنك اما بتروح تقدم على شغل بيتعملك مقابلة .. والمقابلة هيا اللي بتبين بقي قدراتك الحقيقية

وفيه ناس بتبقي تجارة عربي وماشاء الله في الانجليش .. سواء كلغة اكاديمية أو كلغة محادثة

بس الفارق الوحيد اللي انا شايفه هيا ان تجارة انجليش اعدادها قليلة شوية

يعني ممكن لو حسبت النسبة تلاقي ان خريجي تجارة انجليش بالنسبة لخريجي عربي 1 : 12

بمعني ان كل خريج تجارة انجليش .. قدامه 12 خريج تجارة عربي

فادي ميزة .. فيه ميزة تانية وهوا ان العدد القليل في الدراسة بيخليك تركز اكتر وتفهم اسرع

شكرا جدا على ردك يا vampire
انا شوفت انهارده فى موقع تجارة المنصورة ان فلوس تجارة انجلش 1000 جنية
بس مش عارف فلوس تجارة انجلش كفرالشيخ كام بس هى باينلها غالية

انا شوفت انهارده فى موقع تجارة المنصورة ان فلوس تجارة انجلش 1000 جنية


1000 جنيه ؟ .. تصدق رخيصة والله

دا تجارة القاهرة بـ 4500 .. غير الـ 150 جنيه بتوع ملف التقديم !!