إخواني مدرسي مدارس القتل والتعذيب
إخواني مدرسي وزارة التعزية والتأبين
إخواني:
كفوا عن القتل والضرب وكسر الأيادي بالعصي. يبدو أن هذه الطريقة معارضة لقانون الكادر ومسببة للفت الأنظار عن قضايا المعلم وجعله مجرماً. وبدل أن يصرفوا للمعلمين زيادة في المرتباب سيأخذوا منه بدل إصابة تلاميذ.

بجد بجد بهرج

أنا مش عارف إيه الحكاية؟
أنا حاسس إنهم بيفننوا في الحوادث.
مرة قتل ومرة كسر ايد عشرمية طالب
ومرة تحرش
ومرة دعارة
ومرة لواط
ومرة رجم
ومرة جلد
ومرة ضرب بالشبشب
ومرة فقأ عين
ومرة حلق حوش
ومش عارف
لسه مخبيين لكم إيه؟
إلى كل معلمي مصر .. احذروا المؤامرة
أ. محمد يوسف المحمودي (أبو مريم ويوسف)
مدرس بالأزهر

ربنا يستر علينا و عليك

عندك حق !!!!! وزير الصحة افاد انه اغلق العام الماضى الف مستشفى مخالف الف ام ثلاث اصفار يعنى الف مخالفة تودى الاف المواطنين للموت لطريق اللى يروح ما يرجعش ومع ذلك زاد الأطباء بنسبة 300% هذا العام من غير دوشة ولا فضيحة ولا امتحان من غير تدريب !!!!!!!!!!!!!!!

lمع الاسف ابها الزميل دا اسلوب مدرس وازهري فين الاشراف علي النتدي

كل ده عشان الكادر وصورة المدرس اصبحت مثل المجرمين ولا يظهر امام الاعلام سوى القبيح
فمن الذى علم هؤلاء الاعلاميون الذين عضو اليد التى ساعدتهم حتى يقراء ما يكتبون
اليس هو المدرس الذى يجهزون عليه لجلده امام المجتمع وتعريه كل قبيح فيه ؟؟؟؟؟؟؟؟؟؟؟؟
اليس هو المدرس الذى تخرج من تحت يديه احمد زويل ونجيب محفوظ اصحاب نوبل
وفاروق الباز ومجدى يعقوب ومصطفى السيد اشهر علماء العالم ؟؟؟؟؟؟؟؟؟؟؟؟؟؟؟

lمع الاسف ابها الزميل دا اسلوب مدرس وازهري فين الاشراف علي النتدي

أنا مش هرد عليك

وأكيد في حد من الأخوة اللي مش من الأزهر هيكون لهم تعليق

يا أخي الكريم تحياتي لك يا أبو مريم والى كل من مر وعلق على تلك المشاركة ولكن حسب فهمى لما قرأت من مشاركة ابومريم انه اسلوب يسخر منه من حال الوزراة و ردود الافعال التي اصبحت تنهش في لحم وعظام المعلمين اصحاب الرسالة النبيلة وتناسوا ان المعلمين هم أباء وامهات وايضا ابنائهم يريدون منهم ان يكونوا في افضل حال ولكن تكاسل الاباء الاصليين والابناء والتقصير في عمل الفروض والواجبات ومن منطلق الضمير يحز في نفس كل معلم ان يرى ابناء الكادحين الذي انفق ابائهم الغالي والرخيص في سبيل رؤية ثمار هذا التعب تذهب سدا لذا كان العقاب وكما تعلمنا وهو ليس عقاب ولكن نوع من الترهيب التربوي ولكن المبالغة في القول كسر وقتل وخلافة ولكل مهنة شواذها ولكن الغالبية العظمى من المعلمين هم اباء يجلسون مع الابناء اكثر مما يجلس ابائهم الاصليين معهم وكم كان طبيب نسى فوطة في بطن مريض ولم تهدم الدنيا ولم تقم كما قامت على المعلم وكم من صيدلي اخطأ في صرف العلاج وتسبب في وفاة مريض وكم من جراح سرق كلية مريض ولم تقم الدنيا عليه كما هي على المعلم لاتنسى ان المعلم هو من قام بتنشئة كل الاجيال من صحفي وطبيب وصيدلي وضابط وطيار ووزير وكل الشعب خرج من كنف وتحت ايدي المعلم فرفقا بنا يا أبناء المحروسة وتقبلوا التحية من معلم واب لكل ا لتلاميذ

للاسف كل يوم مشكله وكل يوم تحقيق حاليا مع مدرس بسبب هايف والكل اصبحت نفسيته تعبانه وعلشان كده الاخطاء حــ تكون كتيره

احذروا المؤامره بجد وحاولوا تاخدوا الامور بهدوء خصوصا داخل الفصل
والطالب اللي يضايقك فيه مدير قاعد في المدرسه نزلهم له يسلوة بدل ما يتسلي عليك انت

إلى الأخ Gamal وكل من فهم مقصدي تماماً
شكراً لكم على المرور والتعليق وشكراً على الموضوعية والبعد عن المبالغة

ومرة أخرى أود أن أقول أنني لا أنوي تعديل ما كتبت
لأنه رد فعل حرصت ألا أخرج فيه عن السياق ويعلم الله أنهم قالوا عن المعلم كل ما سبق ولمن لم يسمع عن ذلك بمعنى ما ذكرته يمكنه سؤال من طالع خبراً عن كل حالة.... وهذا ما ذكرته الصحف من قبل راجع مادة مدرس يغتصب.. مدرس يضرب .. مدرس يكسر .. على الإنترنت وستجد العجب في أخبار مصر...
لكن يبقى أنني كنت أريد القول أن نفيق وأن ندق ناقوس الخطر لأن الأمر يبدو مقصوداً.
شكراً لكل من شارك

عنوان الموضوع للوهله الاولى يبين انك ضمن مجموعة المشهرين للمعلمين/////////////نداع عاجل إلى القتلة من المدرسين (http://www.thanwya.com/vb/showthread.php?t=88252)

شكراً بأي حال جوووووووووووووووووووون
صدري يسع للكثير من نقد كهذا .. لكني بصراحة لم أفهم القصد..

أوافقك في مقصدك وموضوعك النبيل ـــ

ولكننننننننننننننننننننننننننننننني

أخالفك وأعارضك بمنتهى الشدة والحزم .....

عنوانك صاااااااااارخ ...

فقد وصفت المدرسين بالقتلة ... وهذا لا يجوز يا أخي ..

وكأنك تقول : ( هنا كازينو عثمان بن عفان ) ...

هل تقبل هاتين الكلمتين متجاورتين هكذا (((( كازينو ـــ بجوار عثمان بن عفان ))) طبعا لا يقبلها أحد ..

وأنا أيضا والكثيرون لا يقبلون ( المدرسين ))) بجوار ((( القتلة )))

أبدا ــ أبدا ــ أبدا ..

[quote=مريم محمد يوسف;901582]إخواني مدرسي مدارس القتل والتعذيب
إخواني مدرسي وزارة التعزية والتأبين


يااخى العنوان الخارجى والكلام الداخلى لا يصدر عن زميل خريج الازهر اللى احنا عارفين عنهم انهم بيحضروا كلامهم وبيوزنوه قبل ما يقوله بصراحة انا لما قرأت العنوان الخارجى قلت : ادخل اكسر دماغ اللى بيقول الكلام ده وفهمت انه تهريج بس باسلوب شاب متسرع ومش حاسس بمقدار الحساسية والحزن على الزميل اللى وقعه حظه الزفت فى واقعة التلميذ الذى جاءت ساعته على ايديه.
رجاء من راجل كبير كل واحد ينقى كلامه قبل ما يقوله

على فكرة انا مش ضد المدرس بال بالعكس المدرس
بيحمل رسالة سامية وهدف نبيل
واكبر دليل على ده السلادة مدرسى المنتدى بيشتغله بدون اى كلل او ملل
ومش منتظرين كلمة شكر
لكن الحوادث اللى بتحصل وكل يوم بنسمع ونقراء عنها
برضه مش حوادث مفبكرة ولا بيتم تهولها
لما مدرس بيضرب طالب عادى ما انا اضربت كتير وغيرى اضرب ولسه هيضرب
لكن اولياء الامور بعد حادثة الطفل اسلام اصبح الموضوع مخيف بالنسبة ليهم
خايفين يكون مصير اولادهم نفس مصير اسلام
الاعلام بعد الحادثة وجه الضوء على المدرس بصفة عامة
انا مع الراى اللى بيقول انها حوادث فردية وكل مهنة فيها الكويس وفيها القبيح
وبرضه بعترض على الراى اللى بيربط كل حاجة بالكادر ايه علاقة الكادر بسلوك المدرس
الكادر يمكن يكون قصر على نفسية المدرس فى بعض النواحى
لكنه ميوصلش بيه لدرجة البطش
بالطلاب هرجع واقول ان الحوادث اللى بتحصل حوادث فردية
ولو وصلت ل1000 حادثة هتفضل برضه فردية
لان مش معقولة اخد مليون مدرس بذنب قلة قليلة من المرضى النفسيين
او على الاقل مدرسيين مبتدئين
لان ذى ما ذكر قبل كده معظم الحوادث بيرتكبه معلمين حديثى التخرج
مبيكنش عندهم وعى كامل با اسلوب التعامل مع الطلاب
وبيكون محتاجين لسه لفترة طويلة على بال ما يتاقلمه مع الوضع الجديد
وطريقة التعليم ومعاملة الطلاب داخل الفصول
فائق احترامى

الأخ المحترم
معلمين مصر بخير

اولا انا ضد العنوان تماما وضد العناوين الي بتوديك لاخر الدنيا وتلاقي الموضوع عكسي تماما

_____________________________________

ندخل في صلب الموضوع

اولا لا خلاف في ان المعلم يضرب طالباً - ان اخطأ -

لان دور المعلم لا ينتهي عند شرح المعلومه ولكن عليه تهذيب نفس هذا الطالب


لكن بنفس الوقت يجب ان نميز بين ضرب التأديب وضرب التعذيب:abdoog8:

في مدرسين بيتمادوا بالضرب لدرجة انه يصل لحد التعذيب

وهذا طبعا مرفوض المقصود بالضرب اوجاع النفس وليس اوجاع الجسد

مع ان المفروض ان الضرب يكون اخر وسيله في التعامل

يعني نجرب مع الطالب ولو منفعش معاه حاجه نضربه

بس برضو نضربه ضرب تأديبي مش ضرب تعذيبي

ياريت كل مدرس يخلي طلبته يحبوه وقتها عمره ماهيحتاج يضرب

ياريت كل مدرس يحاول يفهم الطالب الي قدامه ويستوعبه بكل مشاكله وقتها مش هيحتاج يضرب

ياريت كل مدرس يحتوي تلامذته ويحللهم مشاكلهم ويتعايش معاهم وقتها مش هيحتاج يضرب

ياريت المدرس مايستسهلش وياخد اقصر الطرق للوصول الى الهدف

ياريت المدرس يحل مشكلة الطالب بدل مايخوفها وبدل ما يخفيها ياريت ينهيها

اضرب ........ بس بعد ماتكون استنزفت كل الوسائل التربويه

شكرا لحضرتك على الموضوع