والله أخدناها فى كى جى : النظافة من الإيمان [الأرشيف]

أسيل رزق

19-11-2008, 10:58 PM

السلام عليكم ورحمة الله وبركاته

الموضوع إنهارده مش زى أى موضوع

لفت نظرى ليه ( عادل ) لما إتريق على خلفية الإزازة فى موضوع مقابلتنا :stickjo4:

الموضوع إنهارده بيتكلم عن النظافة

أيوه النظافة

اللى بقت حاجة نادرة بتحصل فى حياتنا

لما تقول لحد النظافة من الإيمان تلاقيه قعد يضحك ..!!

بجد شىء صعب جداً يا جماعة لما الواحد يرمى ورقة فى الأرض فعلاً بيعبر عن بيئته اللى جاى منها

بضايق جداً لما أكون ماشية مع حد ويرمى حاجة فى الأرض .. طيب يابنتى رامتيها ليه ؟؟!! تقول بكل برود : يعنى انتى شايفة الأرض نضيفة ..!!

رد مُستفز :angry2: .. مين يعنى اللى خلا الأرض بالشكل ده .. مش إحنا برده ؟!! :slap1qk6:

والله بيصعب عليا عُمال النضافة بشكل عام وعمال النضافة عندنا فى الجامعة خصوصاً

لما أكون فى الجامعة 8 الصبح وأشوفهم وهما بيلموا الزبالة من الأرض .. والله الناس دى بتتعب أوى .. ومش فاهمة من قلة صناديق الزبالة والباسكتات اللى فى كل حته وصلت بينا الدرجة إننا نكسل نرمى حاجتنا فى الباسكت

لو كل واحد يمسك الحاجة اللى عايز يرميها فى إيده أو فى شنطته لغاية ما يلاقى باسكت ويرميه فيه البلد مش هتبقا بالمنظر البشع اللى بنشوفه كل يوم

الكل بيستسهل ويرمى فى الأرض وخلاص

لو نحط نفسنا مكانهم هنحس بيهم أوى

دول بنى أدمين زينا يا جماعة .. أكيد بيقرفوا من المناظر اللى بنعملها دى

فى الصين بيصنفوا الزبالة بنفسهم تلاقى فى الشارع أكتر من 20 صندوق : بلاستيك- بواقى طعام - زجاج - ....

دول عندهم شرطة مخصوص للنضافة اللى يرمى حاجة على الأرض أو مش فى مكانها المُخصص

دا حتى الهند اللى اسمهم الهند بيعملوا كده

بجد ربنا يستر علينا من اللى بنعمله فى نفسنا ده ( بندور على اللى يضرنا ونعمله )

ومش بناخد فى إعتبارنا إن كل حاجة بنرميها على الأرض ربنا بيحاسبنا عليها

كفاية رغى دلوقتى و أبقا أكمل كلامى بعدين

وعايزة أسمع آرائكم فى الموضوع

Sharp Nails

19-11-2008, 11:11 PM

بصى بقى يامها الموضوع دة لعبتى
بجد بجد انا مش بكره فى حياتى قد القزارة
مرة كنت فالباص وفى بنت كدة
مقولكيش فظيعة جداااااااااا
كانت بتشرب كانز
وخلصته وجاية عند الشباك بتاعى
وعاوزة تحدف الكانز تخيلى بقى واحنا على طريق سريع
يعنى الكانز دية ممكن تنزل على عربية ماشية
الراجل توازنه يختل يروح فيها هو والى وراه والى قدامه
المهم انا قولتلها لا
مش هترميها خليها فى شنطتك ولما تروحى ارميها
قالتلى ولية العذابب دة
قولتلها عشان تبقى شخصية نضيفة
ومينفعش يبقى انسة جامعية اخر شياكة
وترمى الحاجة فالشارع
معرفتش ترد عليا والله
وقعدت تضحك وتقولى اصل شنطتى مليانه

ماعلينا انا عننفسى والله
لو ورقة لبانة بحطها فالشنطة ولما اقابل باسكت او لما اروح ارميها

اولا لاسباب:

1)ان انا واحدة عاقلة كبيرة انسة محترمة شكلى بايخ اوى وانا برمى زبالة فالشارع
2)ان لو انا رميت ودة رمى ودية رمت الشارع مش هنعرف نمشى فيه
3)مش مهم بقى مش لازم اقول كل الاسباب

بس انتى عارفة يامها فالصين واليابان وكدة
الى يرمى حاجة فالشارع يدفع غرامة
وعندهم الباسكتات منوعة
فى واحد للورق وواحد للبلاستك وواحد للكانز
عشان يلموها ويعيدوا تصنعها من تانى
شوفى حتى الزبالة بيستفيدوا منها

واحنا مش هاين علينا نشيل وارقة فى جيبنا ولا شنطتنا
لحد ما نرميها فى مكانها

والله ياجماعة لو كل واحد اخد باله من نفسه
ومرماش حاجة فالشارع
بجد البلد هتنضف كتير بجد

ياريت كل واحد يغير من نفسه الاول
وبعدين ينبهه غيره

شكرا ياموها عالموضوع
عن جد فكرة جميل وموضوع مهم اوى

نسمة هوى

19-11-2008, 11:49 PM

بجد انتوا الاتنين عندكوا حق لئن دة بقا عامل زى الوباء الشارع كلها زبالة و الواحد يقرف يمشى جنبها انا بشوف ناس الباسكت جنبهم و يرموا جنبة شوفوا الفرسة يعنى انتى مش قادرة تمدى ايدك شوية و ترمية و لو كلمتى حد على الموضوع دة يتريقوا و يفضلوا يقولوا ماشى يا عم النضيفة و الكلام دة بس ربنا يستر عليا بس موضوع مهم اوى و شكرا اوى يا مهمتى

ีundertaker_2000

20-11-2008, 12:07 AM

انا اكيد معاكى فى الى انتى بتقولى دا اكيد بس فى مشكله ودى انا شفتها واكيد كتير شافوها لما تيجى تروحى عند صندوق القمامه الى فى الشارع هتلاقى حاجه من الاتنين يائما الزباله على اخرها والباقى مرمى جنبها على الرض او الصندوق واقع على الارض ومكسور اما الصناديق الصغيره الى بتكون متعلقه على عمود النور انا مره كنت ماشى وكنت بشرب كنز (بيبسى) فلاقيت عمود نور ومتعلق عليه صندوق زباله برمى العلبه فيه لقيت الصندوق الارضيه بتعتوا مش موجوده يعنى العلبه دخلت ونولت على الارض هى الحكايه عايزه يكون فى حد متابع الى بيحصل ويغير الصناديق الى يلاقيها مكسوره لكن لاحياه لمن تنادى

Rien

20-11-2008, 01:15 AM

لما بنكون ف البريك وامشى ادور على باسكت عشان ارمى فيه ورقة
باخد تريقة !!
:d

pureheart

20-11-2008, 01:23 AM

المشكلة ان ده بقى سلوك عام من اغلب الناس
و مش بيفرق فيه متعلم من جاهل تلقى اى حد ماشى و بيشرب كانز مثلاً يرميه فى اى حتة فعلاً حاجة تقرف:( ياريت كلا الناس تبطل السلوك دة
و انا عندى اقتراح:049gc0: :ممكن كل واحد بيروح اى مكان مفهوش صندوق للقمامة ياخد معاه كيس اسود و يحط فيه ال rubbish و بعدين يرمى الكيس لما يروح البيت او فى اى صندوق يقبله فى الطريق
و شكراً على الموضوع:av4056bb7jp3:

عبقرينومان

20-11-2008, 08:50 AM

بصي يا اخت اسيل هقول جملة واحدة في الموضوع ده

(يا من حملت الفأس تريد انقاذها ، اقعد ، فكم مرة قلت امراض البلاد وانت من امراضها )

_GUIDE_

20-11-2008, 11:26 AM

والله يامها الواحد تعب من كتر الشعارات
بتاعة النظافة سلوك حضارى وحافظ على نظاقة مدرستك وبيتك وغيطك
والكلام اللى ملوش محل من الاعراب
تعالى نبص للموضوع من وجهة نظر تانية
انتى عندك فى مصر وفى كل محافظة متعاقدة مع شركة نظافة هدفها تنظيف الشوارع
القاهرة متعاقدة مع شركة انجليزية على ما اعتقد
ومحافظة الاسكندرية كذلك
لكن تيجى تشوفى جبال الزبالة والمخالفات تلقيها بالالوف
وعمتا النظافة بتم فقط فى الاحياء الكبيرة بتاعة ولد الناس فقط
مصر الجديدة والمهندسين والزمالك والمناطق الحيوية
انما انزلى على اى حى شعبى
هتلقى هناك كنوز من الزبالة
مش هنتكلم عن الصين اللى تعددها مليار و200 مليون
خلينا فى صر اللى تعددها 80 مليون ومش عارفه لغاية الان تنظف مدينة وحده
شكرا على الموضوع النضيف :d

marwa.m

20-11-2008, 12:01 PM

السلام عليكم ورحمة الله وبركاته

وعليكم السلام ورحمه الله وبركاتة

الموضوع إنهارده مش زى أى موضوع
كعادة مواضيعك ياحاجة :078111rg3:

لفت نظرى ليه ( عادل ) لما إتريق على خلفية الإزازة فى موضوع مقابلتنا
:stickjo4: عارفة الموضوع دة انتوا رغيتوا فى رغى دة مصر كلها عرفت :abdoog8:

الموضوع إنهارده بيتكلم عن النظافة

أيوه النظافة

اللى بقت حاجة نادرة بتحصل فى حياتنا
هى مش حاجة نادرة هى للاسف حاجة بقينا نبصلها على انها عيب يعنى فى المدرسة كنت اقول للمس انا هقوم ارمى الورقة فى الباسكت تقولى ارميها تحتك وكبرى دماغك هو حد شايف حاجة :slap1qk6:
لما تقول لحد النظافة من الإيمان تلاقيه قعد يضحك ..!!
والله معاكى حق نسيوا كلمة نضافة دى خالص وبقوا يختاروا الحل السهل
الى مش هيتعبهم يرموا الورقة فى الارض اصل لو ودوها فى اى باسكت هيبقى يعينى تعب عليهم :romarioxp6:

بجد شىء صعب جداً يا جماعة لما الواحد يرمى ورقة فى الأرض فعلاً بيعبر عن بيئته اللى جاى منها
كل واحد بيعبر عن المجتمع الى نشأ فية وبيسىء لنفسة بالافعال دى وبيتكلف بس انة بيضر بلدة وبيشوة صورة نفسة

بضايق جداً لما أكون ماشية مع حد ويرمى حاجة فى الأرض .. طيب يابنتى رامتيها ليه ؟؟!! تقول بكل برود : يعنى انتى شايفة الأرض نضيفة ..!!

رد مُستفز :angry2: .. مين يعنى اللى خلا الأرض بالشكل ده .. مش إحنا برده ؟!! :slap1qk6:
طيب دة انا بيردوا عليا يقولولى يعنى هى الورقة الى انا برميها هى الى بتلوث الارض وهى الى هتجيب امراض وتلم دبان

والله بيصعب عليا عُمال النضافة بشكل عام وعمال النضافة عندنا فى الجامعة خصوصاً
بس على فكرة مش كل عمال النظافة عندهم زمة وضمير
دة سعات بيبقوا مشين فى الشارع والكيس الى شيلينة بيوقع ورق وهما ولاواخدين بالهم ولا همهم

لما أكون فى الجامعة 8 الصبح وأشوفهم وهما بيلموا الزبالة من الأرض .. والله الناس دى بتتعب أوى .. ومش فاهمة من قلة صناديق الزبالة والباسكتات اللى فى كل حته وصلت بينا الدرجة إننا نكسل نرمى حاجتنا فى الباسكت
تقوليش انشلينا يعنى

لو كل واحد يمسك الحاجة اللى عايز يرميها فى إيده أو فى شنطته لغاية ما يلاقى باسكت ويرميه فيه البلد مش هتبقا بالمنظر البشع اللى بنشوفه كل يوم
ياريت فعلا دة يحصل بس صدقينى صعب قوى الناس خلاص عقولها اتبرمجت توماتيكى توماتيكى انهم يرموا الورق فى الارض

الكل بيستسهل ويرمى فى الأرض وخلاص

لو نحط نفسنا مكانهم هنحس بيهم أوى

دول بنى أدمين زينا يا جماعة .. أكيد بيقرفوا من المناظر اللى بنعملها دى

فى الصين بيصنفوا الزبالة بنفسهم تلاقى فى الشارع أكتر من 20 صندوق : بلاستيك- بواقى طعام - زجاج - ....
عشان كدة بلد ناجحة وعندهم الزبالة دى ثروة تانية

دول عندهم شرطة مخصوص للنضافة اللى يرمى حاجة على الأرض أو مش فى مكانها المُخصص

دا حتى الهند اللى اسمهم الهند بيعملوا كده
مش فاهمة دى هو اسم الهند فية حاجة :confused:

بجد ربنا يستر علينا من اللى بنعمله فى نفسنا ده ( بندور على اللى يضرنا ونعمله )

ومش بناخد فى إعتبارنا إن كل حاجة بنرميها على الأرض ربنا بيحاسبنا عليها

كفاية رغى دلوقتى و أبقا أكمل كلامى بعدين
اوك بس هتكملى اية تانى دة انتى وصلتى للصين

وعايزة أسمع آرائكم فى الموضوع

بجد الموضوع مهم قوى ولازم ناخد بالنا منة لان ممكن دلوقتى ميكونش ضررة كبير قوى بس بعدين هيبان الضرر:(

فى امااااااان الله

wafa2y

20-11-2008, 04:00 PM

Messenger of Peace

20-11-2008, 05:23 PM

الحمد لله الذي لا يحمد على مكروه سواه
سبحان الله عمرك اطول من عمري(لاني كنت هعمل توبيك كده بالظبط )

انا لما بتكون معايا مخلفات مش لدرجة انيي بشيلها لغاية ما الاقي صندوق قمامة لكن احيانا برزوح بيها البيت
اخر تريقة كانت من قيمة اسبوع احنا طبعا في فصل متفوقين يعني .......,و....... و..........و.............و............ الخ وحاجات كثيرة المهم كان معايا باكيت بسكويت (بوريو اصل انا بحبه مووووووووووووووت) اكلت ه وفضليت ماشي لغاية موصلت الملعب ( لان المدرسة كلها مش فيها غير باسكت واحد) ورميت الباكيت لاقيت واحد صاحبي قالي انت بتعمل اية قلته برمي الـــ لقيته بصلي بنظرة مش ولا بد غير الكلام اللى قاله...........................
عاااااااادي ده ككله يمكن علشان متعلم في مدرسة حكومية
لكن

بقى العجيب
وانا نازل من اكتوبر (من قصاد مسجد الشيخ الحصري رحمه الله) ركبت السيارة حجة رمسيس وكان جالس بجواري اخ مصري بس مودرن واستيل (يعني بتاع مامي ودادي وتاتي ) وكان بياكل جيلي (يعني عـــ الدلع ) وبعد مخلص الجيلي لااااااااازم يحبس بكنز الراجل مشكور معزمش طبعا بس يشكر برده
سند علبة الجيلي على المنضدة اللى خلف السواق لغاية ما يشرب الكنز وخلص الاتنين بالهنا والشفا
وقام ماسك بيهم ومن الشباك ............
بهدوء قلت يانفع كده حضرتك قال الللى هو اية فلته اللى حضرتك عملته يعني احنا على المحور وطريق سريع ونظيف قال علشان كده قلت هو اية؟ قال احنا في مكان بتعدي عليه كبرات البلد (...........) يعني لازم ينظفوه علشان خاطر ساعته مش ينفع يشوف ......... اتكلم عن الللى بيحصل في الجامعة (هي خاصة طبعا) وطلع انه خريج مدرسة امريكية وكمان في كلية صيدلة
يعني ده مش مشكلة فئة مش منظمة ولا طبقة معينة ده مشكلة شعب
انا من رايي انها وباء نفسي تفشى في البلد
شوفو احنا كام مليون مواطن (80 )كل واحد رمى ورقة اية اللى هيحصل................ :angry2:

اما بالنسبة لـــــ عاملي النظافة انا كل يوم وانا نازل المدرسة بشوفهم اول حاجة بالقي عليهك تحيةو الاسلام وبقولهم ربنا يقويكم يا رجالة
وانا من جوه نفسي صعبان عليا الناس دول لانهم اول حاجة كبار السن و متدينين اوي وطيبين ومتعاونين
وبيضيقني الالطلبة بعد ما يكون في توزيع ورق دعايا ياخذوا الورق ده وقطعوه .....
كمان كان في مرة طالبة قطعت ورقة دعايا ورمتها فتقدمت اقول في هدوء حضرتك العمال لسة منظفين المكان ياريت تشيليها قالت بكل ببرود وانت ماااالك انا وجهي جاب الوااااااااااااااااان ومشيت وانا زعلان على البلد والاجيال اللى طالعة مش على الاحراج والتهزئ بالرغم ان بالبنت ده كانت من اوائل المدرسة

يلا نغير من نفسنا وياريت كل واحد قرا التوبيك ده مش يرمي قمامة في اي مكان تاني وياريت كل النااااااس يــــــــــــــــــــــــــــــــــــا رب
في حفظ الله ورعايته
والسلام خير ختام
السلام عليكم ورحمة الله وبركاته:078111rg3:

mR . mOstafa Fathi

20-11-2008, 06:10 PM

جربيها كدا وارمى فى الباسكت
خدى كلام من هنا لللاخر
بس نرجع ونقول

بجد ربنا يستر علينا من اللى بنعمله فى نفسنا ده ( بندور على اللى يضرنا ونعمله )

ومش بناخد فى إعتبارنا إن كل حاجة بنرميها على الأرض ربنا بيحاسبنا عليها

الرهينه

20-11-2008, 06:27 PM

يااااااه يا مها موضوعك فى الجون بصراحة .. انا جالى حساسية من المناظر اللى بشوفها بجد مناظر مقززة

عارفه فى مرة كنا داخلين انا وصحباتى المدرج وكان معانا كانز عمو اللى بيقف عند الباب

قالنا مش هتدخلوا بيهم عمالين نقوله والله ما هنرمى حاجه يقول كلكوا بتقولوا كده

امال المدرج بيبقى مليان زباله كده ازاى لما مافيش حد فيكوا بيرمى

كنا شوية وهنعيط ونقوله المحاضرة هتبدأ وده مافيش

اخر ما زهقنا سيبناله الكانز ودخلنا :(

الراجل خلاص فقد الثقه ف ان ممكن يكون فى حد نضيف

ميرسى يا ماهى ع الموضوع :)

اوركيديا

20-11-2008, 11:37 PM

بصى يا بنتى
الواحد بجد بقت دى العاده يعنى
بقى دلوقتى اللى بيحاول يعمل كده و يحط فى الشنطه او كده يبقى غريب

انا مثلا مدمنه بوريو ده :romarioxp6:
المهم بحط منه كتير جدا و لما بخلص مش بحب ارمى على الارض اقوم حطاهم فى الشنطه
البنات يقولولى و ليه كده
حتزحمى الشنطه
و فى الاخر مره واحده غاظتنى و قالتلى مالها شنطتك مش نضيفه كده ليه :slap1qk6:

و الله بقى انك تحاول تعمل حاجه صح
يبقى انت كده اللى غلط :romarioxp6:

بس لفت نظرى انك بتقولى الهند اللى هى الهند
مالها الهند
على الاقل عندها امكانيات و تنكنولوجيا
انها تقدر تطلع اول صاروخ للقمر

اللى الحمد لله احنا شوفوا كام دوله مش عارفين نعملها

يلا الحمد لله على كل شئ :rolleyes:

أول حاجة حاجة هعلق عليها إن النظافة مش من الإيمان
يعني مش شعبة من شعب الإيمان عشان مفيش حديث صحيح في كده
كنت حقول نفس التعليق
جزاك الله كل خير :)

فى رعايه الله

..Just Stop

21-11-2008, 01:53 PM

بصى يا مها

انا هقولك على حاجة

تقريبا انضف محافظتين فى مصر

قنا والاقصر

متلاقيش حاجة فى الشوارع

لما الواحد يشوف الحاجة نضيفة ادامه عمره ما هيحاول يقلل نضافتها
المشكلة فينا احنا

لو شوفنا حاجة مش نضيفة للدرجة اللى هيا بنقوم نقلل نضافتها اكتر
طب ليه طب ماتحاول تنضف نفسك

يعنى الموضوع فى ادينا احنا اللى هننضف واحنا اللى ...........

وعلى راى المثل

الانسان النضيف نضيف
والانسان .............

:::::::::::::::;
بالنسبة للبلاد اللى برة ( على اساس ان مصر جوا ):d

مش هنلاقى انضف منها

لان شعبها نضيف

مع ان معظمهم مش مسلمين ( ومسمعوش النظافة من الايمان )

يعنى المشكلة مشكلة مبدأ وسلوك

عندهم النظافة سلوك حضارى

انما احنا نقعد نغنى ونقول ( النظافة من الايمان ) ولا حد بيعبر

ربنا يهدينا جميعا

شكرا على الموضوع
ودمتم فى رعاية الله

EnG.BeLaL

21-11-2008, 02:07 PM

و الله منظر الشوارع بيقول اذا كان الناس اللي ساكنة في المناطق دي نضيفة ولا ..........
و احنا اكتر شعب بيستسهل طالما مفيش حد بيحاسبه على انه يرمي الزبالة في الشارع
يبقى يدور على صندوق زبالة ليه
ده انا قريت من كام يوم في جريدة خبر ( يا وزير البيئة الزبالة وصلت البالكونات ) و الكلام ده في حي من احياء
اسكندرية اللي هي بيقولوا عليها نضيفة ، لكنها نضيفة من بره لكن من جوه ........

فيفا

22-11-2008, 01:49 PM

والله يا مها
احنا فى الفصل بعد الفسحه بتلاقى شكله
لا يطاااااااااق من الحاجات اللى مرميه
ولما بيكون فى ايدى كيس ولا حاجة ورايحه لرميه فى الباسكيت
باخد حبة تريقة بشعة

أسيل رزق

22-11-2008, 07:57 PM

Sharp Nails

22-11-2008, 08:09 PM

اية ياموها صورة واحدة الى نزلت
حتى الاتنين التانين كانوا حلوين اكتر من دول

أسيل رزق

22-11-2008, 08:16 PM

اية ياموها صورة واحدة الى نزلت
حتى الاتنين التانين كانوا حلوين اكتر من دول
صباح الحول

التلاتة نزلوا .. إلبسى النضارة يا ماما :stickjo4:

Sharp Nails

22-11-2008, 11:50 PM

صباح الحول

التلاتة نزلوا .. إلبسى النضارة يا ماما :stickjo4:

بنتى قولي الحقيقة
بجد كانوا موجودين؟؟؟؟؟؟؟؟؟
لا ياموها واحدة بس انتى بتلعبى بيا:(

الرهينه

22-11-2008, 11:52 PM

بنتى قولي الحقيقة

بجد كانوا موجودين؟؟؟؟؟؟؟؟؟

لا ياموها واحدة بس انتى بتلعبى بيا:(

ايه يا نيسو سلامتك

ما التلات صور موجودين ومنورين التوبيك اهم :d

ركزى يا حبيبتى :)

أسيل رزق

23-11-2008, 08:05 AM

بنتى قولي الحقيقة

بجد كانوا موجودين؟؟؟؟؟؟؟؟؟

لا ياموها واحدة بس انتى بتلعبى بيا:(

قلتلكم يا جماعة الشاورمة غلط على الطوال محدش صدقنى

شوفتوا مفعولها بيعمل إيه

منورة يا نسوم :078111rg3:

emmiez

23-11-2008, 10:55 AM

الزباله دى بقت جزء اساسى من الشارع بتاعنا
لدرجة انى لا استطيع ان اتخيل شكله هيكون عامل ازاى من غيرها
بجد حاجة تقرف
انا مش عارفه اعمل ايه
ده انا لما بشترى حاجة من برة و انا مع اصحابى كلهم بيخلصوا و بيرموا فى الارض
و اقولهم يا جماعه مينفعش كده و كل مرة يتريقوا عليا
و بفضل ادور على باسكت و انا ماشيه و بلاقى بصعوبه
ده حتى فى بعض الاوقات الباسكت يبقى موجود و فاضى و الناس بترمى تحته:slap1qk6:
كل الناس بتتقدم .... وأحنا بنرجع للخلف
سلوكيتنا دى بتزيدنا تخلف....عارفين ان اللى بنعمله غلظ و نصر عليه
مليون مشكله فى بلدنا سببها السلبيه ... و و اللامبالاه (التنفيض )
اتمنى ده كله يتغير
لان البيئه النظيفة و المكان النضيف بتتطلع شعب متحضر
اما البيئه اللى احنا عايشين فيها دى مش هتطلع غير جيل ....(......)....

أسيل رزق

24-11-2008, 10:57 AM

الزباله دى بقت جزء اساسى من الشارع بتاعنا

لدرجة انى لا استطيع ان اتخيل شكله هيكون عامل ازاى من غيرها
بجد حاجة تقرف
انا مش عارفه اعمل ايه
ده انا لما بشترى حاجة من برة و انا مع اصحابى كلهم بيخلصوا و بيرموا فى الارض
و اقولهم يا جماعه مينفعش كده و كل مرة يتريقوا عليا
و بفضل ادور على باسكت و انا ماشيه و بلاقى بصعوبه
ده حتى فى بعض الاوقات الباسكت يبقى موجود و فاضى و الناس بترمى تحته:slap1qk6:
كل الناس بتتقدم .... وأحنا بنرجع للخلف
سلوكيتنا دى بتزيدنا تخلف....عارفين ان اللى بنعمله غلظ و نصر عليه
مليون مشكله فى بلدنا سببها السلبيه ... و و اللامبالاه (التنفيض )
اتمنى ده كله يتغير
لان البيئه النظيفة و المكان النضيف بتتطلع شعب متحضر
اما البيئه اللى احنا عايشين فيها دى مش هتطلع غير جيل ....(......)....

عندك حق والله

ربنا يهدينا وينور عقولنا المقفولة :(

نورتى الموضوع

Sharp Nails

24-11-2008, 09:47 PM

قلتلكم يا جماعة الشاورمة غلط على الطوال محدش صدقنى

شوفتوا مفعولها بيعمل إيه

منورة يا نسوم :078111rg3:

بيضرب فالنفوخ
مها كان فى صورة واحدة اول ما حطتيهم
والاتنين التانين كانوا مقفولين
ودلوقتى التلاتة نزلوا
بصى بقى متكليش شاورمة تانى اوكش:slap1qk6:

الرهينه

26-11-2008, 10:26 PM

اسكتى يا ماهى سمعت انهارده اعلان جميل اوى فى الاف ام فرحنى بجد هو اينعم كان هيجبلى شلل اطفال ف الاخر :D بس بجد عجبنى

انا هقولك اللى فاكراه منه

تخيل لو عشرين مليون مصرى كل واحد شال ورقة من الشارع اكيد شوارعنا تكون زى شوارع اوربا

تخيل لو عشرين مليون مصرى قرروا يحفروا قناة السويس هيحفروها فى 6 ايام

تخيل لو عشرين مليون مصرى قرروا انهم يبتسموا وهما نازلين من البيت الصبح :)

وهو ده فعلا اللى حصل وال20 مليون مصرى اتفقوا على موبينيل

:angry2:

بجد انا لما سمعته ف الاول قولت بس دول هيعملوا حملة نضافة زى اللى حصلت ف المعادى بس المرادى على مستوى الجمهورية

بس ما شاء الله عليهم طلعوا ناس كفاءه بصراحه :)

أسيل رزق

27-11-2008, 08:38 AM

وهو ده فعلا اللى حصل وال20 مليون مصرى اتفقوا على موبينيل

ههههههههه

طبعاً يا بنتى .. موبينيل دول أحسن ناااااااس

تصدقى إعلان جامد ..

فعلاً

تخيل لو عشرين مليون مصرى كل واحد شال ورقة من الشارع اكيد شوارعنا تكون زى شوارع اوربا

مروه

27-11-2008, 02:42 PM

السلام عليكم ورحمة الله
ميرسى يا مها على الموضوع
بس والله بقت منظر شوارعنا ومدارسنا لا تطاق
مش عارفه يعنى لو كل واحد حاول يبدأبنفسه ويحاول ينظف المكان
اللى قاعد فيه هيحصل ايه يعنى
بدل ما يقول ماهو كده كده المكان مش نظيف
ولما تقولى لحد بلاش ترمى حاجه فى الأرض أو مثلا النظافه من الأيمان
بحس انى بقول حاجه تضحك أو حاجه غلط
طب ليه ؟؟؟؟؟؟؟؟؟؟؟؟؟؟؟
مش متعودين دول فى بيوتهم على انهم يقعدوا فى حته نظيفه ولا
ولا الشارع ده بدام مش بيتهم يبقى مش مهم
نرمى فيه اى حاجه
بجد ربنا يسترها ويهدى الناس دول

هانى الشرقاوى

27-11-2008, 02:57 PM

Every thing in Egypt is so dirty

أسيل رزق

29-11-2008, 09:44 PM

Every thing in Egypt is so dirty

لا يا فندم

مش كل حاجة فى مصر ديرتى

وإذا كانت كل حاجة فى مصر ديرتى فا إحنا السبب ( الشعب المصرى عامتاً )

إذن يبقا إحنا اللى ....

شكراً لرأيك :078111rg3:

أسيل رزق

29-11-2008, 09:50 PM

سورى المشاركه اتبعت مرتين
اصل النت عندى مكنش مظبوط

لا ولا يهمك حبيبتى

وشكراً على مشاركتك :)

reda_mafia50

29-11-2008, 09:50 PM

شكراً لمرور الجميل وشكراً على تعليقاتكم

معلش مش هقدر أرد على كل تعليق دلوقتى

بس هوريكم حاجة صغيرة من أفعال طلاب الجامعات فى الحرم الجامعى .. هى الصور كان فى جامعة عين شمس بس أنا متأكدة إن المناظر اللى هتشفوها دى فى جامعات كتير

http://www4.0zz0.com/2008/11/22/17/493995213.jpg (http://www.0zz0.com)

http://www9.0zz0.com/2008/11/22/17/557287537.jpg (http://www.0zz0.com)

http://www8.0zz0.com/2008/11/22/17/283359372.jpg (http://www.0zz0.com)

هى داااااااا اعلانات كوكولا ولا ايه

بس احنا الحمد لله مفيش الكلام دااااااااا عندنا خالص :040vk0:

دحنا حتى فى سياحه وفنادق:av4056bb7jp3:

يعنى اكيد بنحب النظافه:romarioxp6:

بس تيجوا وتشوفوا بس كافيه اوى الشارع ومنطقه اخر نضافه

وفى اخر اقول تحيا يا مصر

نيس توبيك يا اسيل

reda_mafia50

29-11-2008, 09:52 PM

Every thing in Egypt is so dirty

وانا بردو مش معاك فى رايك دا:040vk0:

احنا بنحاول نصلح

أسيل رزق

17-01-2009, 06:53 PM

أشكر الجميع على مشاركتهم فى الموضوع

و إن شاء الله هناقش كل الردود بس أخلص من إمتحاناتى اللى مش راضية تخلص دى :(

إدعولـى

Last Fantasy

17-01-2009, 10:23 PM

أسيل رزق

18-01-2009, 04:52 PM

مش عارف أرد بايه بس أكيد كلامك صح بس عملنا ايه يعني متأخذنيش كل المشاكل في الوطن العربي علي نفس المنوال بتبقي شكاوي وزي مقلتي في الهند والصين عاملين شرطة للنظافة طيب إنتي جيت هنا في المنتدي إشتكيتي بس مفيش حل بردو والحال كما هو ياما انتي عندك خطة وإحنا منعرفهاش ( أنا مبعبش عليكي الكلام علي مجتمعنا ) يعني لو في بلد أوروبي أو علي الاقل متقدمة كان زمانهم راحوا أشتكوا أو عملوا باسكتات يعني في الاخر حيلاقو حل عملي مش كل واحد يلاقي مشكلة ويعمل زي الدول العربية معملت في غزة نحن ندد ونحن ندين وننشد ومفيش حد اتحرك أو علي الأقل طرد السفير وكله قاعد مكانه طيب الحل نعمل ايه طيب بس كمجتمع شرقي معتقدش أن ممكن واحد يغير في يوم وليلة بس المفروض نحاول علشان كده مبحاولش أتطرق للمشاكل

والله قلت إن المشكلة فينا إحنا

ليه مانرميش الورق أو المخلفات فى الباسكت .. نفرض مفيش باسكت .. تقريباً البنات بيشيلوا شنط واليومين دول الموضة الشنط الهاندباج العجيبة دى يعنى تشيل باسكت بحاله .. طيب مفيش شنطة والولاد هيعملوا إيه ؟؟.. أظن ربنا خلقنا بإيدين إتنين مش هنخس يعنى لما نشلهم فى إيدينا لغاية ما نلاقى باسكت أو لغاية ما نروح البيت

لكن للأسف كله بيستسهل ويرمى على الأرض

و فى الأول وفى الأخر

الإنسان بيدل على بيئته ..

لا يغير الله ما بقوم حتى يغيروا ما بأنفسهم

و يا ريت كل واحد يبدأ بنفسه .. و يغير أصحابه معاه

وبتهيقلى ده الحل المستطاع والمتاح للكل ينفذه .. بس عايز شوية إلتزام

و لو فى حد عنده حل أحسن يتفضل يقوله

و شكراً جزيلاً على مرورك وتعليقك

BaNZeR

19-01-2009, 04:26 AM

البلد موفرتش في البداية صناديق القمامة والاماكن النظيفة للافراد

وبالتالي اعتاد الافراد إلقاء الزبالة في اي مكان حتى بعد أن بدأت الدولة تبدأ تنضف او تزود من صناديق القمامة

يعني ياريت كل واحد يقول كام صندوق زبالة شافه في المربع السكني اللى هو عايش فيه
ممكن نستثني المدن الجديدة لإني مشفتهاش

طبعاً ده عادة سيئة والخطأ يقع عالطرفين

**تسابيح**

19-01-2009, 09:42 AM

أسيل رزق

29-01-2009, 02:50 PM

البلد موفرتش في البداية صناديق القمامة والاماكن النظيفة للافراد

وبالتالي اعتاد الافراد إلقاء الزبالة في اي مكان حتى بعد أن بدأت الدولة تبدأ تنضف او تزود من صناديق القمامة

أيوه طبعاً الإنسان لما بيتعود على شىء مش بيقدر يسيبه بسهولة..من شاب على شىء شاب عليه

يعني ياريت كل واحد يقول كام صندوق زبالة شافه في المربع السكني اللى هو عايش فيه
ممكن نستثني المدن الجديدة لإني مشفتهاش

بما إنى ساكنة فى حى تابع لبنك الإسكان و التعمير فاالصراحة كل عمارة ليها صندق بس برده فى ناس.....

طبعاً ده عادة سيئة والخطأ يقع عالطرفين

وجهة نظر سليمة .. و يا ريت كل واحد يبدأ بنفسه وينبه اللى حواليه

شكراً جزيلاً على رأيك فى الموضوع :)

أسيل رزق

17-04-2009, 06:52 PM

بصراحة فعلا موضوع هادف

بس المشكلة ان الناس بتقلد بعض ف الحاجات اللي مش ليها قيمة
ويقارنوا نفسهم بفلانة وعلانة
المشكلة ان اهم دا برده ف بتهم
لان كل واحد بيدل ع المكان اللي بيقعد فيها
انا وواحدة صاحبتي متخصصين ف الحكاية دي
لما بنكون ف الفصحة ف المدرسة لو لقينا اي ورقة
بنشلها ونحطها ف السلة ياسلام بقا ع التريقة اللي بنأخذها
بس بجد النظافة جميلة جدا وع الاقل الواحد عينه بتبقي مستريحة
لاما نتشوف الحاجات نظيفة بجد لما يكون فيه حاجات مش نظيفة
بجد ان فعلا فيه حاجات غلط ومش نكون مستريحين
بس فيه ناس عندها الحاجات دي عادي
لانهم ف حياتهم كدا كل واحد بقا حسب ما اتعود
وكمان فيه ناس لو عملت ف بيتها كدا مامتهم بتجبهم مش شعرهم:):)
ومش بيتجرأيعملوا في بيتهم او في اي مكان تاني
ع فكرة موضوع تحفه بجد

وتوقيعك هايل ع فكرة

ربنا يخليكى يا قمر
سعيدة جداً بتعليقك
نورتينى

وعايزة أقول إن اللى فكرنى بالموضوع بعد مرور عليه فترة
إتفرجت على حلقة من يوميات ونيس لما عائلة ونيس نزلوا الحارة وبدأوا ينضفوها وكمية التهزىء والسخرية اللى سمعوها من أهالى الحارة رغم إنهم بيعملوا لمصلحة الجميع وبدون مقابل .. حقيقى كانت حلقة واقعية جداً وبتبين إن مهما كانت الصعوبات الواحد لازم يبدأ بنفسه فى تصحيح الخطأ و أكيد هيكون هو الكسبان و يمكن فى يوم من الأيام واحد من المعاندين يبقى فى صفه وجايز يصبح المجتمع كله فى صفه

KHALOOOD

17-04-2009, 06:58 PM

أسيل رزق

17-04-2009, 07:27 PM

بصى موضوع النظافه دا بلاش اتكلم فيه احس

عشان انا بحب النظافه والنظام جداااااا
(اكيد بكدب يعنى :d)
لا والله بس الموضوع دا عندى على حسب المكان
بجد لو المكان نضيف بيخليكى حتى غصب عنك لو عايزه ترمى حاجه ولا بتاع مش بترضى
انما مكان قذر هو اصلا اذاكى لما شوفتيه تستخسرى فى حاجه ليه
انا عارف ان دا غلط بس بجد دا اللى بعمله
تقبلى مرورى يا اسيل

و الله دى على حسب كل شخص فى واحد زى حضرتك كده بيتخنق أو بيشمئز من المكان اللى مش نظيف فا بيكون لا يعنيه أبداً إنه يرمى الشىء اللى معاه فى أى حته مش نضيفة

شكراً على تعليقك
::::::::::::
أنا بقى هعترف بقى إنى عملت عمل شنيع ورميت كيس فى الجونينة .. مش قادرة أقولكم ضميرى كان مأنبنى و فضلت أبص للكيس وانا ماشية وحاسة إنى عملت جريمة ( شىء مبالغ فيه :p) لا فعلا إحتقرت نفسى جداً إنى اكسل امشى شوية وارمى الكيس فى أى باسكت أو احطه فى شنطتى وبكل بساطة ارميه فى الجنينه

بشعر ساعات ان عندى فوبيا النضافة حقيقى بحس إن اصحابى بيتخنقوا منى خصوصاً لما ازعقلهم بجد علشان رموا حاجة على الأرض

بجد يا جماعة بلاش بلاش بلاش نكسل نرمى أى حاجة ولو كان المكان مش نضيف خلينا إحنا أحسن من أصحاب المكان و جايز يكون المكان ده أصحابه غلابة أو مش قادرين يجمعوا مبلغ ويتفقوا مع شركة نضافة الله أعلم بظروف الناس فا مانجيش إحنا نبهدلهم المكان أكتر ما هو متبهدل

COoL HEaRT

18-06-2009, 08:24 PM

اكيد مقرتش الموضوع كله بس باين من عنوانه
عامه انا حبيت ادور ع سبب لعدم التضافه دى
الشعب المصرى معروف من زمان انه من انضف الشعوب والكلام ده من قبل الثوره
فهل القذاره المصريه كانت الثوره سببها؟؟
ممكن كلامى يبان اهبل فى الاول
بس لو جينا نبص احنا بعد الثوره بقينا معتمدين بشكل كلى ع الحكومه
كانها امنا
احنا عشان نعرف طبيعه المصريين لازم نرجع للتاريخ
فلما تقفى قدام كوم زباله اسألى نفسك ليه المنظر بئا طبيعى
فنيجى نبص لتاريخ القذاره فى مصر او التارريخ القذر
بس الاهم ان احنا ننضف احسن من الكلام كان فى مقاله لانيس منصور اتكلم فيها عن البدء بالنفس
زى توفيق الحكيم مسك المقشه ونضف متر من شوارع مصر ومش قدام بيته عشان الفكره مش انك تنضف حواليك بس
والشجره اللى زرعها محمد نجيب وانا كان نفسي اغسل تمثال انيس منصور اللى اتمرمط ده بس عامه
وفى ناس كتير بتقول ان عدم النضافه جت مع الثوره وكانها ثوره ع النضافه لان احنا اعتمدنا بشكل كلى ع الحكومه
فالحكومه اللى اممتوعملت المعجزات خلت الشعب كله يعتمد عليهاا وكانها بتعمل المعجزات وكان معاها العصايه السحريه
وفى ناس بتقول لا دى طبيعه فى المصؤيين
انا عكس الراى ده لانه لو طبيعه فى المصريين مكنش رفاعه انبهر بعربيه الرش فى فرنسا وحب انها تدخل مصر
ومكنش قرف من الفرنسيين لانهم ليهم عادات غايه فى القذاره
وكان بسخط عليهم لانهم بياكلو بالشوكه والسكين وهو شايف ان الاكل بالايد لو كانت نضيفه طبعا افضل وانضف
بس ايه سر القزاره اللى احنا فيها بردو

مها انا مهنجه هاجى اكمل فى رغى كتير فى الموضوع ده خليها لما اخلص ان شاء الله
الغلطات الاملائيه بحكم ان بقالى شهور مكتبتش ع الكيبورد الله يخربيت الثانويه