صوت الحق
22-11-2008, 01:29 PM
بسم الله الرحمن الرحيم
قرار للمناقشة والتنفيذ
المطلوب
1: إنشاء مجموعة جديدة تسمى مجموعة الطلبة سوف نغير الصفة للأعضاء التى تريد أن تحمل هذه الصفة لكى تستطيع أن ترى القسم التعليمى وترد به حتى انه لن يستطيع الرد بالقسم التعليمى إلا لمن يحمل هذه الصفة * حيث أن القسم يظهر للكل عادى لكن الردود لمن يحمل هذه الصفة وبكده هنعرف عدد الطلبة عندنا ونراعيهم بالاهتمام
2: هل تقسم المجموعة إلى فئات مثل طالب ابتدائي وطالب إعدادى وطالب ثانوى وأزهرى أم نجعلها مجموعة واحدة وخلاص
3: يضاف أى مقترحات جديدة لهذا الموضوع
يوضع هذا الموضوع فى حجرة الاداريين والمشرفين للمناقشة مع بعض لكى يتم التنفيذ
!DreAmeR!
22-11-2008, 01:38 PM
والله فكرة جميلة جدا يا استاذ عصام
بس وطلبة الجامعات
صوت الحق
22-11-2008, 01:41 PM
والله فكرة جميلة جدا يا استاذ عصام
بس وطلبة الجامعات
ممكن تضاف طلبة الجامعة ويظهر لهم قسم الجامعات
او توحد الصفة يظهر الجامعات مع التعليمى المقصود بهذا الردود فقط وبكده لن يرد فى القسم الا الطالب لكى يستفيد يفيد بدل الشتائم التى تكتب من اعضاء لا تدخل هذه الاقسام الا للتسلية فقط
!DreAmeR!
22-11-2008, 01:47 PM
اوكشن والله فكرة جميلة جدا جدا وانا موافق
_GUIDE_
22-11-2008, 02:01 PM
بالنسبة للقرار انا موافق عليه
2: هل تقسم المجمعة إلى فئات مثل طالب ابتدائي وطالب إعدادى وطالب ثانوى وأزهرى أم نجعلها مجموعة واحدة وخلاص
بالنسبة للبند ده اقترح انها تكون مجموعة وحده للجميع
لان طالب الاعدادى مسيره هيطلع ثانوى وطالب الثانوى برضه هيطلع الكلية بعد كده
مش عايزين نقطع صلته بالمنتدى او اننا نخليه يسجل بعضوية جديدة بعد كده لو خلص مرحلة تعليمية معينة
CoMMaNdo
22-11-2008, 02:06 PM
بصراحه اقتراح جميل يا استاذ عصام
بس المجموعه دى يتم تحديدها وهوا العضو بيسجل عضويه جديده
يعنى يختار مرحلتة التعليميه وهوا بيسجل العضويه
..Just Stop
22-11-2008, 02:50 PM
اوكى يا استاذ عصام
موافق على الفكرة
وبالنسبة للطلبة هنخلى لهم مجموعة باسم واحد فقط
واظن اسلام وضح دا فى رده
MoHaMeD ELsHeRbEnY
22-11-2008, 02:50 PM
موافق على هذا القرار الرائع
وبالنسبة لتقسيم الطلبة ابتدائى اعدادى ثانوي
افضل تكون مجموعة واحدة
فى امان الله
بالنسبه للابتدائى و الاعدادى و الثانوى
فكره جميله جدا يا استاذ عصام
بالنسبه لموضوع التسميه ده
اسلام و محمود ماشى
بس انا شايف ان لو خلينا طلبة الابتدائى باسم و الاعدادى باسم و الثانوى باسم
هيزود صلة طلبة الابتدائى ببعض و الاعدادى و الثانوى برده
بالنسبه لطلبة الجامعات
تمام بس عندى تحفظ
دلوقتى مثلا بالنسبه لطلبة الثانوى
اكيد قسم الجامعات هيبقى وسيله كويسه
تساعدهم على اختيارهم الكليه اللى هما عايزينها
ماشى حضرتك بتقول انه يسمح الاطلاع للجميع على القسم
لكن لا يسمح الرد الا لحاملى الصفه فقط
طب افرض طالب فى ثانوى
عايز يسفسر غن كليه معينه عشان عايز يدخلها
اعتقد ان انسب مكان هوا القسم الجامعى نفسه
عشان يلاقى اكبر مساعده
بدل ما ينزل فى العام
يعنى ممكن طالب ثانوى يحب كليه معينه من قسم الجامعات
انا شايف ان بالنسبه للجامعات تبقى زى ما هيا
خصوصا ان اصلا معظم الطلبه اللى بيدخلو الجامعات حتى جوا الاقسام نفسها
طلبة تجاره بس اللى بيدخلو تجاره و حقوق اللى بيدخلو حقوق
يعنى مفيش قلق من حاجه
و ممكن الصفه تتغير لطالب بصيدلة عين شمس
طالب بكذا الفرقه الكذا
بس يبقى مسموح لكل الناس انها تدخل
و مستعد للنقاش مع حضرتك فى كلامى
Dr.ahmed91
23-11-2008, 07:34 AM
انا شايف ان اقسام الجامعات تفضل زي ما هي
وخصوصا انها مش اقسام تعليمية بالدرجة اللي نقدر نطبق عليها هذا الموضوع
مس رانيا حسن
23-11-2008, 03:53 PM
فكرة جيده
بالنسبه للمجموعات يفضل انه يكون مجموعه واحده يكفى ان يحمل صفه طالب
Mr.Ahmed Fadel
23-11-2008, 03:59 PM
الاقتراح رائع
بس انا عندى رأى مختلف عن الأساتذه فى تقسيم الطلاب
أنا رأيى نقسمهم ابتدائى واعدادى وثانوى
عشان ساعات بنلاقى طلبه فى اعدادى بيتناقشوا وبيردوا على موضوعات الثانوى
ولكم فى دكتور جلال اكبر مثال
وسيساعدنا هذا فى معرفه عدد طلابنا فى كل مرحلة بشكل جيد
حتى نوزع مجهود المدرسين على حسب عدد أعضاء كل مرحلة
ده انا رأيى كمان الطلبة الأزهريين يبقى مثلا ( ثانوى أزهرى )
هشان نعرف نعمل داتا لينا كويسة
انا عارف ان ده حياخد منك مجهود كبير يا استاذ عصام
لكن انت لهااااااااااااااااااااااااااااااااااااا
General
23-11-2008, 04:30 PM
فكرة جيدة جداً
واقترح تقسم الطلاب
تحياتى ..
الاستاذ محمد سرور
23-11-2008, 10:07 PM
ممكن نخليها مجموعة واحد
ويبق التسجيل من خلال موضوع واحد
ويكون فى مشرف على هذا الموضوع لمتابعة الاعضاء اللى سجلوا
لمعرفة هل هم طلاب ام لا
وذلك من خلال الموضوعات اللى بتكةون مكتوبه تحت الاسم للعضو
علشان محدش يعمل نفسه طالب ويدخل براحته
والا اصبح الموضوع دون جدوى من حجب الشخصيات التى هدفها امور اخرى غير طلب العلم
وفى استفسار صغير
لو مدرس جديد على الموقع وحب يشارك بموضوعات شرح فى القسم التعليمى
هل ممكن ليه انه ينزل موضوعات وهو عضو جديد ولا ايه اللى ح يحصل