خدعونا و قالولنا عادى [الأرشيف] - بوابة الثانوية العامة المصرية

لمى 2016

22-11-2008, 03:15 PM

يا جماعة النهاردة ناوية اتكلم عن موضوع كدة

هو موضوع عادى

بس هو مش عادى

ازاى؟

عادى خدعة خدعونا بيها

كلمة أصبحنا نقولها علي حاجات غلط كثير و تصرفات غلط بنعملها في حياتنا...

لكنها أصبحت عادى

لكنها مش عادى

اه
مش عادي...

مش عادي... لأنك من أمة سيدنا محمد ... أمة محمد سر بقاء الأرض و الكون....

تطلع الشمس من أجلك.. و سخر لك الملائكة لتدبر لك أمرك...

يبقى احنا خلاص هنتفق من هنا و رايح مش هنقول عادى

مش هنعيش عشان عادى

هو عادى دة يعنى اله بنعبده

لا عادى مش اله

اقولكم على حاجة

احنا مينفعش نبقى عادى

لاننا امة مش عادية

قال تعالى : " كنتم خير امة اخرجت للناس "

ايه دة هو احنا بنقول عادى

بنقول على ايه عادى

انفتاح علاقة الولاد بالبنات... عادي

ودى هنتكلم فيها من هنا لبكرة

لما بنت تقعد على رجل واحد دى عادى

طيب هاقولكم شوية اسئلة سالتها بجد لناس اعرفهم و دى كانت اجابتهم

هو عادى ان الولد يكلم اخته فى حاجات مخلة بالاداب؟

لا طبعا مش عادى

طيب عادى انه يكلم زميلته فى نفس الحاجات؟

ممكن!!!!!!!!!!!!!!!!!!!!!!!!!!!

على حسب البنت :(

عادى انك تبقى حرامى؟

لا طبعا حرامى ايه

انا عايز ابقى دكتور

طيب يا دكتور ينفع انك تروح شغلك متاخر؟

اه عادى!!

ما هى الظروف!!

على فكرة انت كدة حرامى بردو

لانك بتاخد فلوس على عدد الساعات اللى انت بتشتغلها

لما انت تضيع كل يوم نص ساعة عادى

و تاخد فلوس بردو

تبقى ايه

عادى اان البنت ترقص فى الشارع؟

يا خبر ابيض ايه قلة الادب دى

طيب عادى انها تخلع حجابها فى الفرح و ترقص؟

سواء هى العروسة او هى احد المدعوين

اه طبعا عادى دة فرح :av4056bb7jp3:

عادى ان البنت تلبس مايوه و هى رايحة لدكتور الاسنان

يا لهوى دى تبقى هبلة

و بعدين الدكتور هيقول عليها ايه

طيب عادى ان البنت تلبس مايوه على البلاج

اه عادى امال هى رايحة ليه

هاكمل عادى بعدين بس مش دلوقت لما شوف رد فعلكم الاول

على فكرة فكرة عادى دى اللى طرحها هو الاستاذ مصطفى حسنى انا بس
حبيت اقولكم رايى انا اللى لسه مقولتوش حتى الان

ayooosh

22-11-2008, 03:26 PM

شموخ مسلمة

22-11-2008, 03:27 PM

هو الحاجة الوحيدة العادى
ان الموضوع الجميل ده منك يا لمى

عارفة مشكلتنا اننا عايشين عيشة عادى
تيجى تقولى لحد اهدافك ايه
يقولك عادى
تقوليله يعنى ايه عادى
يقولك عادى زى البشر يعنى
يعنى هو انا مين عشان يبقى عندى اهداف
ده نوع من انواع عادى
فى عادى تانية بقى
تيجى تقولى لواحدة
هو انتى ازاى بتتصرفى مع اى ولد زميلك مثلا كانه محرم تقولك عادى
تقوليلها يعنى ايه عادى
تقولك ده زميلى عايزانى اعامله ازاى يعنى
بطلو بقى اتهام للناس انتى ماتعرفيش نوايا الناس:mad:

و فى عادى تالتة
تلاقى اب مثلا شايف بنته بتلبس حاجات غريبة
تقوليله يا عمو ايه ده
هو حضرتك مش شايف بنتك و لا ايه
يقولك عادى
تقوليله يعنى ايه
يقولك ماكله كده

عادى دى بقت الشماعة اللى بنعلق عليها كل اخطاءنا و سلبيتنا
ناس عايشة عادى بلا هدف بلا طموح بلا دين
و اهى عيشة

ربنا يهدينا كلنا
بجد موضوع جمييييييييييييل و احتمال يبقى ليا رد تانى باذن الله

لمى 2016

22-11-2008, 03:27 PM

انا اتفرجت عليها فعلا
ربنا يبارك للاستاذ مصطفى حسنى ويجازيه خير انه فتح الموضوع ده
وفعلا دلوقتى كلمة عادى دى بقت بتتقال سهله اوى فى حاجات كتير
وشكرا ليك على طرحك الموضوع
بس انا هقوم دلوقتى وليا عوده ان شاء الله
فى انتظار عودتك يا ايه
و انا كمان ليا عودة لاستكمال الموضوع
عشان احنا لازم نفضل ورا عادى لحد اما تختفى

لمى 2016

22-11-2008, 03:32 PM

هو الحاجة الوحيدة العادى

ان الموضوع الجميل ده منك يا لمى

عارفة مشكلتنا اننا عايشين عيشة عادى
تيجى تقولى لحد اهدافك ايه
يقولك عادى
تقوليله يعنى ايه عادى
يقولك عادى زى البشر يعنى
يعنى هو انا مين عشان يبقى عندى اهداف
ده نوع من انواع عادى
فى عادى تانية بقى
تيجى تقولى لواحدة
هو انتى ازاى بتتصرفى مع اى ولد زميلك مثلا كانه محرم تقولك عادى
تقوليلها يعنى ايه عادى
تقولك ده زميلى عايزانى اعامله ازاى يعنى
بطلو بقى اتهام للناس انتى ماتعرفيش نوايا الناس:mad:

و فى عادى تالتة
تلاقى اب مثلا شايف بنته بتلبس حاجات غريبة
تقزليله يا عمو ايه ده
هو حضرتك مش شايف بنتك و لا ايه
يقولك عادى
تقوليله يعنى ايه
يقولك ماكله كده

عادى دى بقت الشماعة اللى بنعلق عليها كل اخطاءنا و سلبيتنا
ناس عايشة عادى بلا هدف بلا طموح بلا دين
و اهى عيشة

ربنا يهدينا كلنا

بجد موضوع جمييييييييييييل و احتمال يبقى ليا رد تانى باذن الله

احتمال يا نهارك بمبى
هتردى تانى غصب عنك
هو انتى بتردى على اى حد و لا ايه
و انا كمان هاكمل لك عادى دى تانى
دة انا اللى فى قلبى من عادى دة كتير
هاقولك على كل الناس اللى عادى
و اطلع عينهم
بس اصبروا عليا شوية

نورتى التوبيك يا احلى ملاك
و احلى دودى

marwa.m

22-11-2008, 03:34 PM

موضوع جميل يا لمى

هرد عليكى لما ارجع من الدرس علطول

..Just Stop

22-11-2008, 03:40 PM

عادى عادى كله عادى

كل مايقرب قصادى ( شكلى هكملها)

:::::::::::::::::::

المسألة مش مسألة عادى ومش عادى

المسألة مسألة مبدا

والمعروف طبعا ان المبادىء مش بتتجزأ

الا اذا كان صاحبها ضعيف معندوش ثقة فى شخصيته

يعنى المسألة مسألة مبدأ

معظم اللى بيقولو عادى مش علشان الحكاية عادى

لا لانهم اتعودو يقولها

اهلهم بيقولو عادى مدرسينهم بيقولو عادى

مجتمعهم بيقول لهم عادى

وهما اساسا ميعرفوش معنى الكلمة ( عادى )

مش كل حاجة فى حياتنا نشوفها نقول عادى

لما الشمس تشرق من المغرب منقولش عادى

لما الاخلاق تتدمر منقولش عادى

لما نشوف بنات المسلمين بالمنظر دا ( منقولش عادى )

لما نشوف العرب والمسلمين حقهم مغتصب منقولش عادى

لازم كون لينا مبدأ ونبقا ثابتين عليه

ومنحاولش نقول عادى

لان اللى يقول عادى بيبقا انسان عادى يعيش يموت مش هتفرق معاه لانه عادى

انما لو ليه مبدأ ثابت عليه يبقا اكيد كلمة عادى هتتشال من قاموس افكاره وكلماته

شكرا على الموضوع اللى مش عادى

دمتى فى رعاية الله

EnG.BeLaL

22-11-2008, 03:56 PM

ayooosh

22-11-2008, 04:20 PM

السلام عليكم ورحمة الله

انا مكنتش اعرف انك بنت
وكمان اسمك لمى اسمك جميل اوى

ما علينا ندخل فى الموضوع
بصى هو الموضوع كبير اوى ومحتاجه منا وقفه ونحاول نمحى كلمه عادى دى من حياتنا
احنا عشان اتولدنا مسلمين فاكرين ان ده عادى لا مش عادى مسلم دى كلمه كبيره ولازم نحاول قد ما نقدر نعمل بيها
الدنيا دلوقتى اتقلبت الحاجات الوحشة عشان اكتر بنقول عادى
لو كنا قاعدين مثلا فى قعده كده وبنهزر وبنضحك والاذان ياذن وواحده تقوم تصلى نعتبره مش عادى!
طب ليه ؟؟احنا لازم نقف وقفه
احنا ممكن نقول عادى فى حاجات معينه
الاذان لما بيأذن بصلى ده عادى
فى حاجات تكون صح
ومفيش حد اظن ميعرفش الصح من الغلط
اللى بيعمل غلط دلوقتى عارف ان ده غلط وعيب بس مستمتع بيه
البنت اللى تمشى فى الشارع ببدى واسترتش هى شايفه ان ده عادى !:049gc0: لا طبعا مش عادى

معرفش الصراحه اقول ايه ولا ايه
حاجات كتير اوى فى حياتنا بنقول عليها عادى وهى بتبقى مصايب:stickjo4:

اكيد لو افتكرت حاجه تانى اقولها هقولهالك
وميرسى ع الموضوع يا جميل:)

_GUIDE_

22-11-2008, 04:34 PM

كنت قريت موضوع قبل كده عجبنى اوى
يعتبر اسمه افضل رد
امة ضحكت من جهلها الامم

المجاهد فى سبيل الله

22-11-2008, 04:36 PM

السلام عليكم
عادى
كلمه فعلا للاسف نطقها الاباء والامهات والاخوات قبل ما تنطقها البنات
عادى هو انت حتحارب التقدم
ما تشوف يا عم بنات الدش عاملين ازاى ولبسين ازاى
دا انا بنتى محترمه
بتوع الدش ييزيدو فيها والبنت هيه كمان
لغايت ما خلاص اخدنا على كده
على عادى
حقك يتسرق منك
وتقول العالم دى بتتعب عادى عادى
شببنا بيموتوا ونقول هما الى جابوه لنفسهم هما الى ركبوا البحر
ما هما كانوا عارفين ان المخاطره كبيره
ونقول برضه عادى
لما احنا بقينا شعب مش عادى خالص
بس للاسف رفعنا شعار كله عادى
لنا الله
ان نصر الله قريب

واكيد مش حنبقى عادى

سبيدر مان

22-11-2008, 04:37 PM

السلام عليكم انا اخوكم احمد انا كنت غايب عن المنتدى لفتره طويله وبجد الموضوع ده جميل جدا جدا جدا وكان محتاح اننا

فعلا نفتحه وبجد هو موضوع اكتر من رائع.........

the black rose

22-11-2008, 04:48 PM

لمى 2016

22-11-2008, 05:11 PM

عادى عادى كله عادى

كل مايقرب قصادى ( شكلى هكملها)
ههههه
انت بتالف شعر
ربنا يزيدك

:::::::::::::::::::

المسألة مش مسألة عادى ومش عادى

المسألة مسألة مبدا
تمام هى فعلا مسالة مبدأ

والمعروف طبعا ان المبادىء مش بتتجزأ

الا اذا كان صاحبها ضعيف معندوش ثقة فى شخصيته

يعنى المسألة مسألة مبدأ

معظم اللى بيقولو عادى مش علشان الحكاية عادى

لا لانهم اتعودو يقولها
هما فعلا اتعودوا يقولوا عادى
و اتعودوا كمان يعملو الحاجات اللى مش عادية
على انها شىء عادى

اهلهم بيقولو عادى مدرسينهم بيقولو عادى

مجتمعهم بيقول لهم عادى

وهما اساسا ميعرفوش معنى الكلمة ( عادى )

مش كل حاجة فى حياتنا نشوفها نقول عادى

لما الشمس تشرق من المغرب منقولش عادى

لما الاخلاق تتدمر منقولش عادى

لما نشوف بنات المسلمين بالمنظر دا ( منقولش عادى )

لما نشوف العرب والمسلمين حقهم مغتصب منقولش عادى

لازم كون لينا مبدأ ونبقا ثابتين عليه

ومنحاولش نقول عادى

لان اللى يقول عادى بيبقا انسان عادى يعيش يموت مش هتفرق معاه لانه عادى

انما لو ليه مبدأ ثابت عليه يبقا اكيد كلمة عادى هتتشال من قاموس افكاره وكلماته
عندك حق احنا لازم منبقاش عاديين
لاننا امة المصطفى
يعنى احنا امة مش عادية

شكرا على الموضوع اللى مش عادى
الشكر لله

دمتى فى رعاية الله

جزاك الله خيرا على الرد

لمى 2016

22-11-2008, 05:15 PM

موضوع جميل يا لمى

هرد عليكى لما ارجع من الدرس علطول

فى انتظار ردك اللى هينور التوبيك يا ميرو

لمى 2016

22-11-2008, 05:18 PM

المشكلة اننا شايفين ان الدين الاسلامي دين عادي و احنا فاكرين اننا عايشين بكل اللي
اتقال في القرأن و السنة لكننا مش عارفين ان معظم ما امرنا بيه ديننا مش بنطبقه
عشان كده حياتنا ماشية مش مظبوطة ، لكن لو طبقنا كل حاجة امرنا بيها ربنا و الحبيب
صلى الله عليه و سلم كنا بقينا امة متقدمة جدا
و جزاكي الله خيرا

و جزاك مثله

فعلا احنا شايفين اننا عاديين و ديننا عادى

لكن مش دى الحقيقة

الحقيقة هى اللى قاله الله عز و جل

"كنتم خير امة اخرجت للناس"

نورت الموضوع بردك

لمى 2016

22-11-2008, 05:22 PM

السلام عليكم ورحمة الله

انا مكنتش اعرف انك بنت
وكمان اسمك لمى اسمك جميل اوى
دة بس من ذوقك

ما علينا ندخل فى الموضوع
مش تخبطى الاول
بصى هو الموضوع كبير اوى ومحتاجه منا وقفه ونحاول نمحى كلمه عادى دى من حياتنا
احنا عشان اتولدنا مسلمين فاكرين ان ده عادى لا مش عادى مسلم دى كلمه كبيره ولازم نحاول قد ما نقدر نعمل بيها
الدنيا دلوقتى اتقلبت الحاجات الوحشة عشان اكتر بنقول عادى
لو كنا قاعدين مثلا فى قعده كده وبنهزر وبنضحك والاذان ياذن وواحده تقوم تصلى نعتبره مش عادى!
طب ليه ؟؟احنا لازم نقف وقفه
احنا ممكن نقول عادى فى حاجات معينه
الاذان لما بيأذن بصلى ده عادى
فى حاجات تكون صح
ومفيش حد اظن ميعرفش الصح من الغلط
اللى بيعمل غلط دلوقتى عارف ان ده غلط وعيب بس مستمتع بيه
البنت اللى تمشى فى الشارع ببدى واسترتش هى شايفه ان ده عادى !:049gc0: لا طبعا مش عادى

معرفش الصراحه اقول ايه ولا ايه
حاجات كتير اوى فى حياتنا بنقول عليها عادى وهى بتبقى مصايب:stickjo4:

اكيد لو افتكرت حاجه تانى اقولها هقولهالك
فى انتظارك

وميرسى ع الموضوع يا جميل:)
ميرسيهك معاكى يا قمر

نورتى التوبيك يا عثل

لمى 2016

22-11-2008, 05:47 PM

كنت قريت موضوع قبل كده عجبنى اوى
يعتبر اسمه افضل رد
امة ضحكت من جهلها الامم

عندك حق بس مش كل الامة جهلاء
فى ناس مش عاديين
يحسب لهم كونهم مش عاديين
نورت التوبيك بالرد الكومبليكيتيد دة

لمى 2016

22-11-2008, 05:54 PM

السلام عليكم
و عليكم السلام
عادى
كلمه فعلا للاسف نطقها الاباء والامهات والاخوات قبل ما تنطقها البنات
ايه دة على فكرة مش البنات بس اللى بيقولوا عادى
عادى هو انت حتحارب التقدم
انا عارفة
تحاب التقدم ليه بس مش كدة عيب
ما تشوف يا عم بنات الدش عاملين ازاى ولبسين ازاى
دا انا بنتى محترمه
محترمة و مؤدبة جدا و قلبها ابيض
بتوع الدش ييزيدو فيها والبنت هيه كمان
لغايت ما خلاص اخدنا على كده
على عادى
حقك يتسرق منك
وتقول العالم دى بتتعب عادى عادى
شببنا بيموتوا ونقول هما الى جابوه لنفسهم هما الى ركبوا البحر
ما هما كانوا عارفين ان المخاطره كبيره
ونقول برضه عادى
لما احنا بقينا شعب مش عادى خالص
بس للاسف رفعنا شعار كله عادى
لنا الله
ان نصر الله قريب
ان شاء الله

واكيد مش حنبقى عادى
جزاك الله خيرا على الرد
اللى بيدل على ان حضرتك شخص
غير عادى

لمى 2016

22-11-2008, 05:55 PM

السلام عليكم انا اخوكم احمد انا كنت غايب عن المنتدى لفتره طويله وبجد الموضوع ده جميل جدا جدا جدا وكان محتاح اننا

فعلا نفتحه وبجد هو موضوع اكتر من رائع.........
عودا حميد لحضرتك يا استاذ احمد
جزيت خيرا على ردك

لمى 2016

22-11-2008, 05:58 PM

انا اتفرجت عالحلقة امبارح
و بجد كانت جميلة اوى
انا على فكرة مقرتش الموضوع
انا شوفت العنوان بس
هقراه بعدين و ارد عليكى بعدين
عشان بجد تعبانة دلوقتى اوى ( ارشميدس بقى )
اصل انا حاسة انه هيتنقل لحى على الفلاح
هشوف لما ابقى اقراه
ماشى يا ست الكل
مستنيين بعد ما تذاكرى ارشو
و تيجى تتناقشى يا ست الكتكوتة
هيتنقل
مش مشكل ابقى ردى عليه هناك لو اتنقل

MohammeD el_SadaT

22-11-2008, 06:18 PM

عادى كلمه من كتر ما قولنها بقت عاده
كلمه عادى كلمه بنهرب بيها من واقع مؤلم
بس يارتى مين السبب فيها
؟
لو ركزنا هنلاقى إن إحنا السبب فى أى مصيبه بتحصلنا لكن إحنا بنحب نزيف الحقائق ونرمى اللوم على غرنا وغيرنا يرميه علينا لكن فى الحقيقه اللوم علينا كلنا
على رأى المثل
" لا تعيرنى ولا أعيرك دا الهم طايلنى وطايلك "

رسولنا الكريم قال
" تركت فيكم ما إن تمسكتم به لن تضلو بعدى أبداً كتاب الله وسنتى "
إحنا بسم الله ماشاء الله علينا تمسكنا بكل حاجه إلا الحاجه الصح اللى المفروض نتمسك بيها كتاب الله وسنه حبيبه ورسولنا محمد
بعدنا عن الدين وإنغرسنا فى المعاصى والفواحش تحت ساتر مكون من كلمه عادى يعنى هى جت عليها ما تبص حوليك الناس كلها بتعمل كده

التربيه من البدايه غلط وزى ما إحنا عارفين التعليم فى الصغر كالنقش على الحجر طب أنا أصلاً من البدايه أساسى ملوث يبقى بقيه المبنى إيه حاله

ياجماعه
شيلو الدين من الدنيا هتتحول فى ثوانى لغابه وإحنا دلوقتى عايشين فى غابه البقاء فيها للأقوى لكن أقوى فى الدنيا وأضعف مخلوق فى الآخره إحنا بعنا أخرتنا وإشترينا دنيتنا بعنا الدائم وإشترينا الفانى بنتاجر فى الخساره

لكن ربنا سبحانه وتعالى غفور رحيم
قال فى كتابه العزيز
بسم الله الرحمن الرحيم
" قل ياعبادى الذين أسرفوا على أنفسهم لا تقنطو من رحمه الله إن الله يغفر الذنوب جميعاً إنه هو الغفور الرحيم "

ربنا سبحانه وتعالى صبر علينا كتير ويسرلنا كتير ومهدلنا كتير وسامحنا كتير لكن لما يأخذ إن أخذه أليم شديد

ربنا يتولنا برحمته ويهدينا للسراط المستقيم
وفى النهايه أحب أقول
" نعيب زمننا والعيب فينا وما لزماننا عيب سوانا "

لمى 2016

22-11-2008, 06:18 PM

العادى بقى مش عادى
و اللى مش عادى هو اللى عادى
ايه دة هى الدنيا اتقلب حالها
و لا هى اصلا كدة و انا اللى معرفش
زمان اوى قبل الاسلام (فى الجاهلية يعنى)
كان الناس فى مكة المكرمة اشرف بقاع الارض
كانوا بيطوفوا بالكعبة عراة
سواء كانوا رجال او نساء
و جه الاسلام و نزلت الايه

(يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلَابِيبِهِنَّ ذَلِكَ أَدْنَى أَنْ يُعْرَفْنَ فَلَا يُؤْذَيْنَ وَكَانَ اللَّهُ غَفُورًا رَحِيمًا (59))

و بدا النساء يحتشموا فى لبسهم
و يلبسوا ملابس واسعة و فضفاضة
و لما كانوا بيسافروا كانوا ليهم اماكن لوحدهم
انما دلوقت ما شاء الله البنات لابسين من غير هدوم
هدوم عجيبة غريبة
اولا الوان فاقعة و اكنهم فى شم النسيم
و اهلهم شايفينهم لكن واخدين الامور ببساطة
عااااااااااااااااااااااااااااااااااااااااااااااااا ااااااااااادى
و الشباب ربنا يبارك فى عمرهم يا رب
اول مرة فى حياتى اشوف راجل واخدين بالكم انتم
لابس قميص لونه روز و لا عمو اللى هناك دة كمان
لابس قال ايه
لابس قميص فيه ترتر
ترتر ايه دة
لا و ايه لابس بنطلون عجيب الشكل و الطعم و اللون و الرائحة
بنطلون مش بيذاكر و سقط يا عينى
هيبقى ينجح فى الدور التانى ان شاء الله
و مش مكسوفين من نفسهم و ماشيين فى الشارع بكل فخر
عااااااااااااااااااااااااااااااااااااااااااااااااا ااااااااااااااااااااااااااااااادى
و لو قلت لحد حرف هيقولك بكل برود
عادى ما الدنيا كلها كدة
الشباب بيبقوا ماشيين فى الشارع
بيعاكسوا البنات و بيصوروهم على موبايلاتهم
و البنات مقضينها ضحك و مسخسخين اوى
كان فيه مسمار فى الكرسى كل دة عادى

الناس اللى بتقولها اخر مرة قريت فيها قران كانت امتى
فيه ناس بتقول رمضان اللى فات
و ناس تقول ياااااااااااااااااااااااه هو انا هافتكر ايه
و لا ايه دى حاجة عدى عليها زمن
الناس اللى مش بتصلى غير لو عندهم امتحان
الناس اللى مش بتذكر ربنا الا لو فيه شدة
او مصيبة نزلت بيهم
و يقولوا عادى
لا بقى مش عادى
لو انت مسلم يبقى مش عادى
و بعدين يعنى انت عملت حاجة غلط
و حد جه يقولك دى غلط مش تقول انا غلطان
و تسكت
لا ازاى
لازم تقاوح و تقول عادى
عشان يبقى كل شىء غلط هو شىء عادى
و الناس تقول ما فلان بيعمل
اشمعنا انا
دة حتى بيقولك
"اذا بليتم فاستتروا"
مش تروح و تقول على الغلط عادى

لمى 2016

22-11-2008, 06:24 PM

عادى كلمه من كتر ما قولنها بقت عاده

كلمه عادى كلمه بنهرب بيها من واقع مؤلم
بس يارتى مين السبب فيها
؟
لو ركزنا هنلاقى إن إحنا السبب فى أى مصيبه بتحصلنا لكن إحنا بنحب نزيف الحقائق ونرمى اللوم على غرنا وغيرنا يرميه علينا لكن فى الحقيقه اللوم علينا كلنا
على رأى المثل
" لا تعيرنى ولا أعيرك دا الهم طايلنى وطايلك "

رسولنا الكريم قال
" تركت فيكم ما إن تمسكتم به لن تضلو بعدى أبداً كتاب الله وسنتى "
إحنا بسم الله ماشاء الله علينا تمسكنا بكل حاجه إلا الحاجه الصح اللى المفروض نتمسك بيها كتاب الله وسنه حبيبه ورسولنا محمد
بعدنا عن الدين وإنغرسنا فى المعاصى والفواحش تحت ساتر مكون من كلمه عادى يعنى هى جت عليها ما تبص حوليك الناس كلها بتعمل كده

التربيه من البدايه غلط وزى ما إحنا عارفين التعليم فى الصغر كالنقش على الحجر طب أنا أصلاً من البدايه أساسى ملوث يبقى بقيه المبنى إيه حاله

ياجماعه
شيلو الدين من الدنيا هتتحول فى ثوانى لغابه وإحنا دلوقتى عايشين فى غابه البقاء فيها للأقوى لكن أقوى فى الدنيا وأضعف مخلوق فى الآخره إحنا بعنا أخرتنا وإشترينا دنيتنا بعنا الدائم وإشترينا الفانى بنتاجر فى الخساره

لكن ربنا سبحانه وتعالى غفور رحيم
قال فى كتابه العزيز
بسم الله الرحمن الرحيم
" قل ياعبادى الذين أسرفوا على أنفسهم لا تقنطو من رحمه الله إن الله يغفر الذنوب جميعاً إنه هو الغفور الرحيم "

ربنا سبحانه وتعالى صبر علينا كتير ويسرلنا كتير ومهدلنا كتير وسامحنا كتير لكن لما يأخذ إن أخذه أليم شديد

ربنا يتولنا برحمته ويهدينا للسراط المستقيم
وفى النهايه أحب أقول
" نعيب زمننا والعيب فينا وما لزماننا عيب سوانا "

جزاك الله خيرا على الرد
فعلا احنا السبب بس مش كلنا
لان الحمد لله فى ناس كتير ملتزمة دينيا
و اخلاقيا
و دول موجودين بكثرة و الحمد لله
بس الوحشين اكتر انا عارفة
بس لازم مش نفقد الامل فى ان ربنا
هينجينا من المعاصى اللى بتحصل فى المجتمع دى كلها
و ان شاء الله ربنا يكرمنا لحد ما نبطل عادى
و نبقى امة غير عادية

ميراج

22-11-2008, 06:38 PM

عادى كل حاجه بقيت عادى لما الواحد اتخنق

شكرا على الموضوع

the black rose

22-11-2008, 07:08 PM

وكمان اسمك لمى اسمك جميل اوى
ههههههههه على فكرة اسمها مش لمى :p

انا جيت
نورت انا عارفة :av4056bb7jp3:
الموضوع بجد جميل و انا كنت ناوية انزله
بتقرى افكارى يا بت :slap1qk6:
بس اسلوبك فى طرحه جميل اوى
عارفة يا لمى المشكلة ان الغلط بيبدأ صغير
يعنى ممكن فى الاول تبدا بحاجة صغيرة و نقول عادى
و بعد كدة ندخل فى الخطوة اللى بعدها و برده تبقى عادى و هى مش عادى
و هكذا................
غير ان فى الناس بقت شايفة الغلط عادى و الصح هو اللى مش عادى
يعنى مثلا لو لو حد قال انا مش هروح الفرح ده عشان الاغانى و المناظر و كدا
يقولوا ايه التخلف ده يا عم عيش حياتك
و يقولوا كمان دى صلة رحم ( طب يا عم صل ربك الاول )
المهم دلوقتى اننا منقولش عادى
نقول احنا غلطانين و مصرين كمان عالغلط
فعلا مش هتبقى مرتاحة و انتى بتعملى الغلط
لكن منشهدش على الله زور

كمان عجبنى اوى فى الحلقة بتاعت مصطفى حسنى
الجروب اللى اسمه احترم نفسك
http://tbn0.google.com/images?q=tbn:YZrQsKReJLUwwM:http://2.bp.blogspot.com/_qmMLGNeaspM/SJ-OaGrgGAI/AAAAAAAAAHE/Pyys5fANfHs/S220/n20112551897_878.jpg
ده شعارهم ( انا كان عندى اعتراض بس ان البت تكون لابسة لبس اسلامى )
بجد ناس محترمة عايزة تغير
نفسى كلنا نبقى كدا
و نحترم نفسنا و قبل ده كله نراعى ربنا

شكرا لطرحك الموضوع يا لمى :078111rg3:

لمى 2016

23-11-2008, 09:49 PM

ههههههههه على فكرة اسمها مش لمى :p

انا جيت
نورت انا عارفة :av4056bb7jp3:
الموضوع بجد جميل و انا كنت ناوية انزله
بتقرى افكارى يا بت :slap1qk6:
بس اسلوبك فى طرحه جميل اوى
عارفة يا لمى المشكلة ان الغلط بيبدأ صغير
يعنى ممكن فى الاول تبدا بحاجة صغيرة و نقول عادى

و بعد كدة ندخل فى الخطوة اللى بعدها و برده تبقى عادى و هى مش عادى

و هكذا................
غير ان فى الناس بقت شايفة الغلط عادى و الصح هو اللى مش عادى
يعنى مثلا لو لو حد قال انا مش هروح الفرح ده عشان الاغانى و المناظر و كدا
يقولوا ايه التخلف ده يا عم عيش حياتك
و يقولوا كمان دى صلة رحم ( طب يا عم صل ربك الاول )

المهم دلوقتى اننا منقولش عادى
نقول احنا غلطانين و مصرين كمان عالغلط
فعلا مش هتبقى مرتاحة و انتى بتعملى الغلط
لكن منشهدش على الله زور

كمان عجبنى اوى فى الحلقة بتاعت مصطفى حسنى
الجروب اللى اسمه احترم نفسك
http://tbn0.google.com/images?q=tbn:yzrqskrejluwwm:http://2.bp.blogspot.com/_qmmlgneaspm/sj-oagrggai/aaaaaaaaahe/pyys5fanfhs/s220/n20112551897_878.jpg
ده شعارهم ( انا كان عندى اعتراض بس ان البت تكون لابسة لبس اسلامى )
بجد ناس محترمة عايزة تغير
نفسى كلنا نبقى كدا
و نحترم نفسنا و قبل ده كله نراعى ربنا

شكرا لطرحك الموضوع يا لمى :078111rg3:

منورة التوبيك يا شيرى
بس بلاش السياح دة
ردك بجد مقنع و عجبنى جدا
و دة العادى بتاعك

لمى 2016

23-11-2008, 10:04 PM

الشباب العادى ايه اللى خلاهم بقوا عادى
ما هى عادى دى اكيد لها اسباب
ايه هى اسباب عادى
اول حاجة الامية فى المعلومات الدينية
ايوة يا جماعة احنا عندنا امية فى معلوماتنا الدينية
تيجى تقولى لواحدة من هو شاعر الرسول تقولك معرفش
تسالى واحد من هو حبر الامة يقولك معرفش
يعنى ايه اسم الله الديان يقولك معرفش
سبحان الله
امال تعرفوا ايه
انما لو سالته مين احسن لاعب فى العالم
هيرد بسرعة الضوء
و لو سالتها مين ملكة جمال العالم
هترد صاروخ
انما الحاجات اللى بتتعلق بديننا بنقول
معرفش
و لو سالت متعرفش ليه
هيقولك عادى
هو ايه اللى عادى؟
لما تبقى حافظ اسماء لاعيبة الكورة و مش عارف
معنى اسماء الله الحسنى
يبقى عادى؟!!!!!!!!!!!!
و لما تبقى عارفة اسماء ملكات الجمال
و الممثلات و المغنيات
و بتقلديهم
و لما اسالك عن الصحابيات و متعرفيش
دة بردو عادى؟!!!!!!!!!
تانى سبب لعادى
التربية
ايوة التربية
الاهالى بيربوا اولادهم غلط
بعض الناس بيركزوا اوى على موضوع الدراسة
و لما يبقى كثلا الولد او البنت عندهم امتحان عربى
و معاه امتحان دين يقعدوا طول الليل يحفظوا اولادهم
النصوص و القراءة و الكلام دة
و الدين مش مشكلة نبقى نقراه قبل اللجنة و ميجراش حاجة
الا ان بعض الناس بيقولوا لاولادهم متحفظوش الايه
احفظوا الاناشيد و الكلام دة عشان هما مش ممكن يجيبوا
ايه قرآنية فى الامتحان عشان الفتنة الطائفية و الكلام دة يعنى
و بعدين لاحظت
ان بعض الامهات بيخلوا بناتهم يلبسوا هدوم مش محترمة
عشان يجيلهم_ زى ما بيقولوا يعنى_ ابن الحلال
و بعض الاباء و الامهات بيسيبوا اولادهم على راحتهم خااااااااااااااااااااااالص
يعملوا اللى هما عايزينه براحتهم
و برجعوا بعد اما الولد ينحرف او يعمل اى مصيبة
يقعدوا يعيطوا و يقولوا يا ريت اللى جرا ما كان
تالت سبب لعادى
الاصحاب
ايوة اصحابك سبب لعادى اللى على لسانك على طول
لما يبقوا اصحابك عادى
و خروجاتهم خروجات عادية
و بيعملوا حاجات غلط لكنها فى نظرهم عادية
يبقى خلاص انت هتبقى عادى
و حياتك هتبقى عادية
و هتبقى لارج و اكس لارج كمان
رابع سبب لعادى
اننا بقينا بنقلد تقليد اعمى
شوفت فلان الفلانى عمل كذا
اعمل زيه
و فلانة عملت كذا اعمل زيها
انما لو شوفت فلان بقى ملتحى
مش هتكلمه تانى
و لو شفتى فلانة لبست حجاب شرعى
هتعتقدى انها معقدة او ممكن تكون اتجننت
حاجة زى كدة يعنى
و دة ادى لانتشار كلمة تانية
و هى كلمة اشمعنا انا
ما كلوا بيعمل كدة
اصل العادى بقى بيقول كدة
العادى بيقول كدة!!!!!!!!!!!!!!!
يعنى ايه العادى بيقول كدة
مين العادى دة اصلا عشان يقول
و لا ميقولش
هو العادى هيقول على اللى قاله ربنا
ان صح العادى هييجى يقول عليه دة غلط
و الغلط هيتقال انه صح
احنا بنعبد مين
ربنا و لا العادى
مين اللى بيرزقنا
الله و لا العادى
مين اللى بنلجا له وقت الشدة
ملك الملوك و لا العادى
بنقول ارحمنا يا رب
و لا ارحمنا يا عادى
خلصنا من اسباب عادى
المرة الجاية هنقول على نتايج عادى
و بعد كدة هنقول
ازاى نقضى على عادى
و نبقى شباب مش عادى
نبقى شباب الامة الاسلامية
شباب زى صلاح الدين
عشان نقدر نرجع القدس
و ربنا يباهى بنا ملائكته
فى رعاية الله

لمى 2016

24-11-2008, 10:17 PM

عادى كل حاجه بقيت عادى لما الواحد اتخنق

شكرا على الموضوع
الشكر لله يا قمر
نورتى الموضوع
يا عثل

لمى 2016

24-11-2008, 11:06 PM

نتايج عادى
عادى خلت العادى مش عادى
و اللى مش عادى بقى
عادى جدا:angry2:
العادى خلانا نخاف نعمل الصح
العادى خلا البنات يخافوا يلبسوا حجاب شرعى
اه و الله
و انا كنت واحدة من البنات دول
بس الحمد لله
ربنا هدانى
كنت الاول بقول
الناس هيقولوا انى غريبة
كنت خايفة انهم مش يرضوا يدخلونى
المدرسة كمان
بس الحمد لله طلع كله اوهام
كمان فيه ناس تلاقيهم بيخافوا يصلوا فى المسجد
لان اصحابهم هيقولوا دول اسشيخوا
اه و الله فى ناس بيقولوا كدة
العادى خلا الناس اللى بيعملوا الحاجات
الغلط يشوفوا انهم هما اللى صح
و الناس التانيين هما اللى غلط
العادى
هو سبب الهجوم على المتدينين
هو اللى خلا غير الملتزمين يقولوا
على الملتزمين انهم معقدين
العادى هو سبب انتشار قنوات الاغانى
و الكلام الفاضى دة
ادينا قلنا نتايج عادى
لو انتم شايفين اى اسباب تانية او نتايج تانية لعادى
قولوا عليها عادى
دمتم فى حفظ الله

مروه

25-11-2008, 11:48 AM

السلام عليكم ورحمة الله
جزاكى الله خيرا ع الموضوع الجميل ده
وهو فعلا كلمة عادى دى بقت هى الشماعه اللى بيتعلق
عليها اى حاجه نعملها غلط
بس اللى مش عادى بقى اننا نفضل مصدقين انه فعلا عادى
لازم نعرف اننا امه مش عاديه لأننا لو كنا عاديين مكناش اتخلقنا وخلاص
ماهى مش هتبقى فارقه
مش اى حاجه نعملها سواء صح غلط حلال حرام تبقى عادى
ربنا يستر ومعدناش نسمع كلمة عادى دى بقى
تسلمى على الموضوع

عبقرينومان

25-11-2008, 02:31 PM

في كتاب جميل للشيخ محمد حسين يعقوب اسمه قصة الالتزام

بيتكلم عن ان شاب عادي وعايش حياته وازي التزم وبقي شخص مش عادي

عبقرينومان

25-11-2008, 02:37 PM

وجبت لكم بداية الكتاب بتاع قصة الالتزام للشيخ محمد حسين يعقوب

هذه قصة رجل "عادي".... ولد هذا الرجل في ظروف "عادية" .. في بيت "عادي" من بيوت المسلمين "العاديين" .. نشأ صاحبنا في بيئة "عادية" .. وعاش طفولة "عادية" :2: .. وأتم تعليمه "العادي" .. وكان والداه يعاملانه معاملة "عادية" ..

عاش هذا الرجل حتى وصل إلى سن المراهقة "العادية" .. وبدأ يعرف الطريق إلى ارتكاب المعاصي "غير العادية" .. ولكن في المجتمع "العادي" تكون هذه الأمور "عادية" ..

ولأن فكر صاحبنا "عادي" لم يكترث .. وظل صاحبنا يتنقل بين الظروف "العادية" يشرب من وحل بيئته وحلا في التصورات, والأفكار, والمفاهيم , والمحبوبات , والمكروهات , والمألوفات ..

ومن أصحابه "العاديين" : زميل الدراسة .. وجار البيت .. والزميلة .. وأخت الزميل .. وبنت الجيران .. والمدرس والمدرسة .. ومن ألفاظ الشوارع , وصور المجلات والجرائد , وحب الإذاعة والتليفزيون , شرب صاحبنا وحلا يغرق وجه العالم بأكمله ..

فنشأ صاحبنا في هذه الظروف "العادية" .. وفي فوران الشباب زادت المعاصي "غير العادية" عن حدها .. ويتلفت صاحبنا وهو في الظلمة الظلماء ؛ فلا يرى حوله إلا ظلاما في ظلام ..

والتطور الطبيعي للمعاصي مع صحبة السوء .. من "تخميس" سيجارة .. إلى حشوها "بالبانجو" .. إلى "حتة" حشيش .. إلى "شمة" هيروين .. وصل صاحبنا بسهولة إلى كأس خمر على أنغام الموسيقى وسط الأجساد العارية .

وبعد ارتكاب الموبقات والفواحش ؛ بدأ صاحبنا "العادي" يشكو أن الأحوال صارت "غير عادية"!!!!! ... فالصداع المزمن , والالتهاب الحاد في الشعب الهوائية , والشعورالدائم بالاختناق وضيق الصدر , وتكسير المفاصل .. بعد السفريات الطويلة من " الساحل الشمالي " إلى " العين السخنة " و "فايد " إلى " دهب " .. يا قلبي فاحزن ..

ولأن صاحبنا شخص "عادي" , وقد رباه والداه تربية "عادية" ؛ ظل يدفن رأسه في الرمال .. " بكرة تعدي .. ربنا يصلح الأحوال.. بسيطة , لا يهمك ؛ إحنا أحسن من غيرنا .. ساعة لقلبك وساعة لربك .. إن الله غفور رحيم .. كل الشباب مروا بالفترة دي" .... :mf_seehea ... نموذج "عادي" لتربية بيوت المسلمين ..

وفجأة .. وفي لحظة "غير عادية" كان صاحبنا يرجع مترنحا في وف الليل , يهيم على وجهه لا يدري إلى أين يسير , ولا كيف يتوجه , ولا ماذا يفعل.. حطام إنسان .. صار جسده قبرا لقلبه .. يبحث هذا المسكين " العادي " عن شئ لكنه لا يعرفه.. ويتمنى شيئا لكنه لا يتصوره , ويشتهي أمرا ليس له تفاصي في خاطره .. يريد أن يبكي فلا يستطيع .. يتمنى أن يجد من يستمع إليه ؛ ولكنه لا يعرف إلى من يلجأ ..

إنه يريد أحدا يحتضنه ويضمه , لكن غير الأحضان "العادية " التي تعود عليها .. إنه يريد أن يأوي إلى مكان طاهر نظيف يحتمي به من الوحوش الكاسرة داخله وحوله ..

في تلك الليلة أصر على ألا يعود إلى البيت .. وبينما هو يسير ؛ إذ سمع صوت آذان الفجر .. فاضطربت جوانحه, وامتلكت جسده كله رعشة .. فجرى كي لا يسقط .. فإذا به يصطدم بشخص فيطرحه على الأرض ..

وحين أفاق من هول المفاجأة ؛ قام صاحبنا الشاب "العادي" ومد يده المهزوزة الملوثة بآخر سيجارة ؛ ليساعد هذا الراقد الذي طرحه أرضا .. وهو يريد أن يعتذر ؛ ولكن كأن لسانه اختفى فجأة ...

فلما استتم الرجل واقفا ظل كل منهما يحملق في الآخر .. ودارت في الرأس أفكار وظنون ..

لمى 2016

25-11-2008, 03:13 PM

ربنا يعزك يا اخت هاى
و يا رب يالناس تفكر بجد
عشان نبقى كلنا شباب و بنات
غير عاديين
و ربنا ان شاء الله
يعز بنا الاسلام
كما اعزنا بالاسلام

لمى 2016

25-11-2008, 03:15 PM

جزاك الله خيرا
يا استاذ اشرف على المرور العطر
و على التنويه عن كتاب قصة الالتزام
و ان شاء الله ارفقه بالموضوع
عشان الكل يشوفه و يستفيد منه

هانى الشرقاوى

25-11-2008, 03:34 PM

I didnot understand any thing
sorry, I donot agree with that

لمى 2016

25-11-2008, 03:37 PM

انا كمان مفهمتش حاجة
حضرتك مش موافق على ايه
و لا حضرتك مش موافق ليه
و حضرتك مفهمتش ليه
ممكن تكون حضرتك مفهمتش عشان الموضوع مكتوب بالعربى
و لا فيه سبب تانى
يا ريت حضرتك توضح شوية

هانى الشرقاوى

25-11-2008, 03:48 PM

I think the way you are sitll thinking is so bad
You should try to develop your thinkhing
Last , u are free

لمى 2016

25-11-2008, 05:07 PM

i think the way you are sitll thinking is so bad
you should try to develop your thinkhing
last , u are free
اها اغير تفكيرى و افكر زى حضرتك
و لما يقولولى ان النايل سات
اغلقت قناة الحكمة
افرح اوى و اقول اخيرا النايل سات عملتها
لا متشكرة
الله الغنى عن التفكير دة

Sharp

25-11-2008, 10:20 PM

شكرا علي التوبيك الجميل دة

ريحانه من الجنه

27-11-2008, 12:00 PM

السلام عليكم و رحمة الله و بركاته

جزاكى الله كل خير يا اختى العزيزه

و فى الحقيقه كلاامك صح جداااا و انا من فترة كنت بفكر فى الموضوع ده
كل حاااااااجه

عاااااااااااااااااادى

بنت محجبه ( قصدى لابسه طرحه ) و بقيه لبسهااااا ......... ( مش هتكلم كتير )

عااااادى ده الطبيعى
دى كده حتى محترمه
امال لو مش شفت اللى مش لابسه طرحه

عاااااادى

بنت و ولد فى وضع لا يصح
فى الشاارع

عااااااااااااادى

واحد بيعاكس واحده فى الشارع
سواء لبسها محترم او مش محترم
( و الله بشوف بيعاكسوا المنتقبات) اعوذ بالله حاااجه غريبه
ده
بردو عاااااااااااادى

بناات و شباب و كتييييير فى سن المراهقه و اللاطفا كماان

يشاهدو
مسلسلات

هدفها الوحيييد افساد اخلاق المجتمع و غزو الفكر الاسلامى
لحد
ما الفكر الاسلامى
تلاااااااااااشى

يقولك عااااااااااااااااادى
ما الكل بيتفرج

و و و
حاجات كتييييييييييييييييييييييييييير

ياااااااااااه انتى فتحتى موضوع بجد مهم جدا و محتاج وقفه مننا كلنااااااااااا

كـــ

مسلمييييييين

و اسفه سامحينى لو طولت عليكى

و اسمحيلى بعد اذنك ابقى ازور الموضوع من وقت لاخر
و لو عندى حاجه جديده اكتبها

و شكراااااا

لمى 2016

27-11-2008, 06:38 PM