|
مشاهدة النسخة كاملة : موضوعات بخصوص ا/ محمد رضوان تم تجميعها بعد اذنكم هنا لمنع التكرار mr.osama 22-11-2008, 05:12 PM اليوم بأذن الله في برنامج 90 دقيقة بقناة المحور يطرح البرنامج مشاكل المعلمين من خلال موقعنا وسيكون في الحلقة الاستاذ محمد رضوان من مدرسي موقعنا في تمام التاسعة ونصف فلنتابع جميعا كيف تم ترشيح الأستاذ/ محمد رضوان؟ وما هي المواضيع التي سيتناولها البرنامج عن مشاكل المعلمين؟ أرجو الايضاح .. وشكراً :040vk0: عبقرينومان 22-11-2008, 05:15 PM تم عمل اعلان بالموقع لمدة ساعتين وسيتكلم عن مشاكل المعلمين عموما mr.osama 22-11-2008, 05:20 PM تم عمل اعلان بالموقع لمدة ساعتين وسيتكلم عن مشاكل المعلمين عموما الأعلان كان به رقم تليفون .. شاهدته منذ حوالي نصف ساعة فقط .. فهل اتصل العديد من الزملاء؟ وكيف تم الترشيح .. بناءً على آرائهم أو لباقتهم في الكلام أم مشاركاتهم أم ماذا؟ :040vk0: _GUIDE_ 22-11-2008, 05:23 PM الأستاذ/ محمد رضوان؟ انا كان ليا الشرف انى اقابل الاستاذ محمد رضوان فى القاهرة وهو شخصية محترمة جدااا وبالنسبة لموضوع كيف تم الترشيح الاستاذ اشرف قال ان اللى يحب يكون ضيف على البرنامج يتصل بيه وتقريبا الاستاذ محمد اتصل بالمناسبة بسجل اعجابى با اسلوب حضرتك فى عرض الموضوع ولو ان اسلوب التورية واضح جدا فى كلامك :) ممدوح مصطفى الانصارى 22-11-2008, 05:24 PM الأستاذ/ محمد رضوان : ربنا يوفق حضرتك فى اللقاء . هويدااحمد76 22-11-2008, 05:30 PM اكتبوا لى رقم تليفون برنامج 90 دقيقة علشان نتصل ونشارك مع الاستاذ محمد رضوان لكى نعرض مشكلاتنا ونواجه معتز الدمرداش فى حملته على المدرسين مش احنا فى الديمقراطية M.Sherif 22-11-2008, 05:32 PM اتمني ان معتز الدمرداش يكون محايد شوية النهاردة ويبطل نغمة المدرس مصاص الدماء M.Sherif 22-11-2008, 05:34 PM الأستاذ/ محمد رضوان؟ انا كان ليا الشرف انى اقابل الاستاذ محمد رضوان فى القاهرة وهو شخصية محترمة جدااا وبالنسبة لموضوع كيف تم الترشيح الاستاذ اشرف قال ان اللى يحب يكون ضيف على البرنامج يتصل بيه وتقريبا الاستاذ محمد اتصل بالمناسبة بسجل اعجابى با اسلوب حضرتك فى عرض الموضوع ولو ان اسلوب التورية واضح جدا فى كلامك :) أحييك عي ذكاءك اجمل حاجة في الدنيا الوضوح والصراحة والشجاعة الادبية واللي متضايق من حد يقوله في وشه الملغم 22-11-2008, 05:35 PM ربنا يوفقك في عرض مشاكلنا وياريت بالنيابة عن مدرسى محافظة القاهرة تتكلم عن الدرجات المالية وليه محافظة القاهرة تقريبا التي لم يفرج فيها عن الدرجات وكمان العاملين في الادارات بيتعاملوا معنا بطريقة مش ظريفة ولو سالناهم عن الدرجات علشان التعديل بيتريقوا علينا mr.osama 22-11-2008, 05:37 PM الأستاذ/ محمد رضوان؟ انا كان ليا الشرف انى اقابل الاستاذ محمد رضوان فى القاهرة وهو شخصية محترمة جدااا وبالنسبة لموضوع كيف تم الترشيح الاستاذ اشرف قال ان اللى يحب يكون ضيف على البرنامج يتصل بيه وتقريبا الاستاذ محمد اتصل بالمناسبة بسجل اعجابى با اسلوب حضرتك فى عرض الموضوع ولو ان اسلوب التورية واضح جدا فى كلامك :) أشكرك على التوضيح .. وأحب أن أوضح لك أنه لا توجد تورية ولا شيء المهم هو أن يكون من يمثلنا على قدر المسئولية ويستطيع أن يعبر عن آرائنا ومقترحاتنا لأنه سيكون واجهه لمعلمي مصر عموماً ومعلمي المنتدى على وجه الخصوص .. فنتمنى أن يكون واجهه مشرفة بإذن الله .. وشكراً :040vk0: ممدوح مصطفى الانصارى 22-11-2008, 05:38 PM قول كل اللى فى نفسك يا استاذ محمد ولا تدع معتز يقاطعك. ............خالص دعواتى .......................... mr.osama 22-11-2008, 05:42 PM أحييك عي ذكاءك اجمل حاجة في الدنيا الوضوح والصراحة والشجاعة الادبية واللي متضايق من حد يقوله في وشه زميلي العزيز .. أرجو توضيح ماذا تقصد بكلامك ؟ وهل طرحي للموضوع للمناقشة ليس فيه وضوح وصراحة وشجاعة أدبية؟ وهل ترى في كلامي أنني متضايق من أي حد .. أنا طرحت الموضوع للإيضاح وللمشاركة الفعالة وأرجو أن تقرأ ردي السابق .. وشكراً :040vk0: هويدااحمد76 22-11-2008, 05:43 PM انت سفيرنا اليوم استاذ محمد ارجوك اعرض مشكلاتنا بكل جرأة لاننا اصحاب حق صحصيح انا لم اتشرف بمعرفتك من خلال المشاركات ولكن لدى ثقة فى إدارة الموقع فهى دائما تحسن الاختيار ودائما تضع الرجل المناسب فى المكان المناسب ولو فتحوا التليفونات فى البرنامج هحاول اتصل واشارك ربنا معاك marwa.m 22-11-2008, 05:45 PM بالتوفيق يامستر وخد بالك من مقاطعة المذيع ليك متدهوش فرصة وربنا معاك haderya 22-11-2008, 05:49 PM السلام عليكم ورحمة الله وبركاته ليس فقط مشاكل المدرسين أرجوك... أرجوك .... أرجوك تحدث عن مشكلة المناهج الخاصة بالصف الأول الإعدادي هذا العام خصوصاً الرياضيات ما المطلوب من مدرس الرياضيات هذا العام ؟ "الفبركة " لأن واضع المنهج وضعه بطريقة عشوائية لا تعتمد على الفهم لما درسه الطالب من قبل !!! أيعقل أن يكون الدرس الأول بالمنهج مبني على دروس سابقة لم يدرسها الطالب أيعقل أن يكون التمارين لمواضيع غير مذكورة بالمنهج ما ذنب جيييييييل بأكمله سيضيع نتيجة منهج غير مترابط قل لهم جميع مدرسي رياضيات الصف الأول الإعدادي ... وأولياء أمور تلاميذ الصف الأول الإعدادي يرددون فى نفس واحد "حسبنا الله ونعم الوكيل" محمد ابو جراب 22-11-2008, 05:51 PM بجد ربنا يوفقك ويكرمك فى عرض المشكلة دى:angry2::stickjo4: M.Sherif 22-11-2008, 05:51 PM زميلي العزيز .. أرجو توضيح ماذا تقصد بكلامك ؟ وهل طرحي للموضوع للمناقشة ليس فيه وضوح وصراحة وشجاعة أدبية؟ وهل ترى في كلامي أنني متضايق من أي حد .. أنا طرحت الموضوع للإيضاح وللمشاركة الفعالة وأرجو أن تقرأ ردي السابق .. وشكراً :040vk0: حبيبي انت فهمت غلط والله انا مش قصدي شخص معين انا بتكلم بشكل عام بس علي فكرة الصورة اللي حضرتك بتحطها اللي هيا دي ــــــــــــــــــ:040vk0: هل تشعر ان ملهاش معني؟ الصور دي بتدي ايحاءات برضه خلي بالك وبالتالي الناس بتتكلم علي اساسها يعني لو باعت لواحد رسالة مليانة حب و بين سطورها الصورة دي تفتكر هيصدقك؟؟؟؟ ع العموم احنا بندردش مش عايزين نزعل من بعض _GUIDE_ 22-11-2008, 05:53 PM وشكراً عفوا :)... صقر المنوفية 22-11-2008, 05:58 PM أرجو من الاستاذ / محمد رضوان ان يطالب بتطبيق الكادر ابتداء من 1/7 /2008 كما ينص قانون الكادر وهذه فرصة أن نطالب بحقوقنا وربنا يوفقة ويوفق جميع المعلمين mr.osama 22-11-2008, 05:59 PM حبيبي انت فهمت غلط والله انا مش قصدي شخص معين انا بتكلم بشكل عام بس علي فكرة الصورة اللي حضرتك بتحطها اللي هيا دي ــــــــــــــــــ:040vk0: هل تشعر ان ملهاش معني؟ الصور دي بتدي ايحاءات برضه خلي بالك وبالتالي الناس بتتكلم علي اساسها يعني لو باعت لواحد رسالة مليانة حب و بين سطورها الصورة دي تفتكر هيصدقك؟؟؟؟ ع العموم احنا بندردش مش عايزين نزعل من بعض أولاً: مبروك على الترقية في المنتدى. ثانياً : ارجو توضيح معنى الصورة .. فأنا أرى أنها تدل على السلام أي أنني أرسل لكم تحياتي .. ومش هأرسلها تاني مادام بتزعلك وتجعلك تظن بي السوء. ثالثاً: شكراً على الاهتمام والرد. M.Sherif 22-11-2008, 06:03 PM أولاً: مبروك على الترقية في المنتدى. ثانياً : ارجو توضيح معنى الصورة .. فأنا أرى أنها تدل على السلام أي أنني أرسل لكم تحياتي .. ومش هأرسلها تاني مادام بتزعلك وتجعلك تظن بي السوء. ثالثاً: شكراً على الاهتمام والرد. ابدا والله مش ظن سوووووء ولا حاجة بس انت بتتكلم بجد؟ الصوة دي........:040vk0: بتعبر عن السلام؟؟؟؟؟؟؟ أمال لو عايز تضرب حد هتبعتله صورة شكلها ايه؟ هههههههههههههههه ربنا يبارك في عمرك مستر رمضان عيسى 22-11-2008, 06:05 PM ا محمد موضوع تاخير الدرجة تطبيق الكادر نصاب الحصص اليومى الحصص المزدوجة يعنى حصتين لمادة واحدة فى اليوم نصاب الانجليزى مثلا 6 حصص اسبوعيا ليه ما يبقاش 5 طالما اسبوع الدراسة 5 ايام تضخيم خطا المعلم و عدم نشر اى انجاز لاى معلم كلها مواضيع ارجو اثارتها مع التوفيق لك ان شاء الله سوسن غلاب 22-11-2008, 06:08 PM نتمنى ان تكون فى اتم صحة يااستاز محمد :- ارجو ان تطرح مشكلة المعلمين الذين ادو امتحان الكادر بالرقم القومى فقط لم تظهر نتيجتهم حتى الان وتم استكمال بياناتهم على قاعدة البيانات المركزية بالادارة التعليمية الاسم/سوسن محمد غلاب مدرسة /حيدر دبوس الثانوية التجارية - الرقم السرى/eboq15ky الرقم القومى/26803061800704 الكود/ 2009792 hanaa198 22-11-2008, 06:11 PM أثق فى اختيار إدارة المنتدى الواعية للشخص المناسب للحديث عن المعلمين فى برنامج 90 دقيقة و ربنا يوفقه فى اللقاء فهو سيكون بمثابة رمز لكل المعلمين الجادين الملغم 22-11-2008, 06:21 PM استاذ محمد كك ياريت تطلب بالنيابة عنا من اي مئول يشرح كيفية عقاب طالب ( تأخر عن الحصة ،نسي كشكول الحصة ، ممعهوش قلم ، بيحدف زملائه الطباشير، بيسب زملائه في الفصل ، بيقول الفاظ غير لائقة ،بيفتح الموبايل في الفصل ،تيجي تسأله سؤال يضحك كان المدرس بيتكلم في كلام خارج، يسيب المدرس في الفصل ويخرج ) اي زميل هيقول دا راجع لشخصية المدرس طب لما الطالب يقولك انت مفيش في ايدك حاجة تعملها الوزير مدينا كل الصلاحيات انك متقدرش تعمل حاجة الملغم 22-11-2008, 06:22 PM مع الاسف علي بعض الغلطات (مسئول) haderya 22-11-2008, 06:30 PM أمر آخر تلميذ يشكو للمدرس ويقول له : هذا الطالب ضربني إما أن تضربه أنت يا أستاذ ، أو أقوم أنا بضربه لكن لن أترك حقى ... ويخبرك أنه كان بإمكانه الرد عليه ... ولكنه احترم تواجدك ويريدك أن تضربه كما هو فعل ماذا ستجيب ؟ mr.osama 22-11-2008, 06:37 PM ابدا والله مش ظن سوووووء ولا حاجة بس انت بتتكلم بجد؟ الصوة دي........:040vk0: بتعبر عن السلام؟؟؟؟؟؟؟ أمال لو عايز تضرب حد هتبعتله صورة شكلها ايه؟ هههههههههههههههه ربنا يبارك في عمرك أنما الأعمال بالنيات .. كنت أعتقد أنها تعبر عن شخص يرفع يده بالسلام .. وشكراً لأنك عرفتني أنها تعبر عن واحد بيضرب حد .. وسؤال ليس فيه براءة ليه الضحك يا حبيبي؟! وشكراً _GUIDE_ 22-11-2008, 06:39 PM أحم مش عارف ليه شامم ريحة خناقة :) برجاء الهدوء لو تكرمته يا سادة hopa_amer 22-11-2008, 06:44 PM السلام عليكم ورحمه الله وبركاته اتمنى التوفيق للاخ الاستاذ محمد رضوان فى عرض مشاكل المعلم وتوضيح الصوره العامه لدى الاعلام تقبلوا جميعا خالص تحياتى M.Sherif 22-11-2008, 06:46 PM أحم مش عارف ليه شامم ريحة خناقة :) برجاء الهدوء لو تكرمته يا سادة الشر بره وبعيد ان شاء الله خير ومافيش خناقة ولا حاجة احنا زي السمن علي العسل ربنا يسترها علينا جميعا shadyfiruz61 22-11-2008, 06:53 PM الاخوه الزملاء 00 تحية تقدير واحترام 00 يناشد الاف المعلمين الاستاذ محمد رضوان ان يناقش وبوضوح قضية الدرجات 00 وكيف ان بعض المحافظات قد عدلت والبعض الاخر لم يعدل الى الان رغم ان جميع الدرجات بتاريخ واحد وهو ( 1-7 -2008 ) وما هو مصير من لم يعدل درجته رغم اقتراب موعد التسكين وهو 0( 1-12- 2008 ) وهو خطا ادارى كبير ان يتم التعديل لفئه دون الاخرى 0 اسامه القزاز 22-11-2008, 06:58 PM التوفيق كل التوفيق للأخ محمد رضوان mr.osama 22-11-2008, 07:08 PM أحم مش عارف ليه شامم ريحة خناقة :) برجاء الهدوء لو تكرمته يا سادة مفيش خناقة ولا حاجة .. بس واضح أنه كان فيه سوء ظن ولا أقول سوء فهم للكلام من الأخ / شريف واتمنى أن أكون قد وضحت الصورة له .. وحتى الاختلاف في الرأي لا يفسد للود قضية .. وهذا لم يكن أختلاف في الرأي ولكن كما قلت في البدايه سوء ظن واتمنى إلا يفسد للود بيننا في هذا المنتدى الراقي .. وشكراً السيد درويش 22-11-2008, 07:22 PM السلام عليكم هو فى ايه ياجماعه المفروض ندعى للراجل اللى بيمثلنا اليوم الاستاذ محمد رضوان انا لا اعرفه شخصيا ولكن اتمنى من قلبى ان يوفقه الله لانه يمثلنا ويمثل جموع كبيره من المعلمين roro555 22-11-2008, 07:32 PM ربنا يوفق استاذ محمد ويبعد عنه استفزازات معتز وربنا يهديك يا معتز وتعطى الراجل فرصة للكلام M.Sherif 22-11-2008, 07:35 PM انا متفائل خير ان شاء الله علي ايد الاستاذ محمد رضوان انا عارف ان الكلام لا هيقدم ولا يأخر مع العالم دي لكن فليسمع الشعب المصري للمعلم المهدور حقه adel ramadan 22-11-2008, 07:49 PM الله يوفقك يا استاذ\محمد في طرح اهم القضايا التي تشغل بال المعلمين ومن اهمها مشكلات الكادر الاسلوب الفعال لعقاب الطلاب الانشطه التي تنفذ علي الورق فقط عدم توفير غرف للمدرسين في كثير من المدارس المحسوبيه في توزيع الجدول والحصص omry3 22-11-2008, 07:49 PM ياريت يا استاذ محمد كمان تعرض موضوع الدية للمدرس هيثم و اهى فرصة نسمع أغلب مدرسين مصر mr.osama 22-11-2008, 08:07 PM أرجو أن يكون الأستاذ/ محمد رضوان متواصل معنا ليعرف آرائنا ومقترحاتنا .. والتي تتمثل أهمها في .. أولاً: مستوى معيشة المعلم والتي يجب إلا تقل بأي حال من الأحوال عن العاملين في البترول والكهرباء والبنوك والسنترالات و... غيرهم ممن يحصلون على الآف الجنيهات في خدمات أقل بكثير مما يقدمه المعلم لخدمة المجتمع والوطن فهو الذي يتخرج على يديه أجيال المستقبل ومن قبلهم أجيال سابقة عديدة .. ثانياً: الرقابة الدائمة والمستمرة على المدارس واتباع مبدأ الثواب والعقاب .. فالمعلم المجتهد والفعال ليس بالورق فقط ولكن بالعمل الفعلي والعملي لذا يجب وضع ضوابط لتحديد المتميزين يكون من أهمها الأخلاص في العمل بجانب التميز في تنفيذ العمل ومن خلال ذلك يمكن تطبيق مبدأ الثواب والعقاب. ولدي العديد من المقترحات ولكن اترك لسيادتكم المشاركة في طرح الموضوعات الهامة التي يجب مناقشتها ومنها العلاقة بين الطالب والمعلم ... وغيرها من القضايا والموضوعات الهامة ayadooo 22-11-2008, 08:11 PM يالله ربنا معاك يا بطل مشاكل المعلمين لا حصر لها اصبحوا ملطشه عياد الصباغ الصباغ 22-11-2008, 08:11 PM الاستاذ محمد رجاء من سيادتكم القاء الضوء على الاتى نحن مدرسى صيانة وسائل الحاسب الالى بادارة فاقوس لم نصرف المرحلة الاولى من الكادر حيث ان الاستاذ المتخصص فى الماهيات رئيس شئون العاملين بالادارة يرفض تسكيننا فى الكادر بحجة اننا لا نحتك بالطلبة مع العلم اننا كنا ندرس مادة صيانة الالات الكاتبة بالتعليم التجارى وعندما صدر قرار الوزير بالغاء مادة الالة الكاتبة تم تحويلنا الى صيانة وسائل حاسب الى بالمسمى الوظيفى مدرس صياتة حاسب الى مع العلم ان ادرات اخرى صرفت مثل الحسينية وشكونا وشكون وشكونا ولا احد يسمعنا الرجاء التحدث فى هذا الموضوع باسم مدرسى صيانة الحاسب اللى بفاقوس nabila_banoub 22-11-2008, 08:19 PM ربنا معاك يا أستاذ محمد ولا تعطى فرصة لمعتز أن يقاطعك فى الكلام وإعرض مشاكلنا بكل صراحة مستر رمضان عيسى 22-11-2008, 08:38 PM مش المهم الكلام المهم مين الهيسمع و يطبق ربنا يحينى و يحيكم و نشوف المعلم بحق فى مكانته الصحيحة مش ارجوز و مافيا و مبتز و ..... و كل من هب و دب يسىء اليه نجيب البقلي 22-11-2008, 10:09 PM انتم فاكرين 90 دقيقة حتحل مشاكلنا احنا مشاكلنا مش عايزة برامج مشاكلنا عايزة قلوب تفهمها و تحس بيها مشاكلنا عايزة مخلص بيحب البلد و يفهم رسالتنا الخلاف مع المدرسين حيعمل فجوة في المجتمع أزاي طالب حيفهم من مدرس و والده بيشكك في اخلاق المدرس و الوزير بيشكك في قدرات المدرس yasser555555 22-11-2008, 10:15 PM قول كل اللى فى نفسك يا استاذ محمد ولا تدع معتز يقاطعك. ............خالص دعواتى .......................... اسسفسار هام الخاص بلاستاذ simsim mohsen ارجو الرد والبت فيه لانه ضروررررررررررى جدااااااااااااااااااااا haderya 22-11-2008, 11:01 PM حلقة البرنامج انتهت الآن ليتني لم أتفرج عليها "ضيعت وقتي ع الفاضي" ... بحضوري للحلقة ... سامحكم الله ... ، عمادالدين عبدالله 22-11-2008, 11:05 PM الاستاذ محمد مقالش حاجة مع معتز تكلم عن مشكلته الخاصة وهى التعين roro555 22-11-2008, 11:07 PM حلقة البرنامج انتهت الآن ليتني لم أتفرج عليها "ضيعت وقتي ع الفاضي" ... بحضوري للحلقة ... سامحكم الله ... ، ليه بس ده معتز كان ويع جدا ومتعاطف مع المدرسين طبعا الوقت مش كافى لمناقشة كل مشاكل المدرسين بس عرفوا بعضها وحسوا ان المدرس مش بشع ذى ما كانوا مصورينه للناس مروة سامي 22-11-2008, 11:10 PM شكرا شكرا شكرا استاذ محمد بك رضوان فعلا كان يمثلنا بحق في برنامج 90 دقيقة وكان بيكلم عن نفسه فقط وأمنيته الوحيدة والأخيرة أنه نفسه يتعين لما بيسأله المذيع شكرا لك مدير الموقع للآشتراك في البرنامج لأنك تكلمت بلسان الجميع بس الاستاذ محمد رضوان عايز شوية خبرة مش كده ولا ايه ؟؟؟؟؟؟ مروة سامي 22-11-2008, 11:14 PM بصراحة انا شوفت 90 دقيقة دلوقتى والاستاذ محمد رضوان كان بيتكلم على مشكلته انه متعاقد ومرتبه 233 جنيه عجبتنى الاستاذة نجوى السيد وكانت ممتازة وكمان وكيل مدرسة اطفيح والاروع هى مشاركة الاستاذ / أشرف السيد مدير موقع الثانوية العامة وكانت مشاركة جريئة احييه عليها والدكنورة الجامعية تكلمت عن مشاكل المدرسين افضل من المدرسين انفسهم الكل اتكلم وحاولت الاتصال بس الخطوط مشغولة المهم مين يسمع ويحس بمعاناة معلمى مصر وسلملى على الكادر mr.osama 22-11-2008, 11:19 PM أنا كنت حاسس علشان كده استفسرت عن كيف تم اختيار من يمثلنا في البرنامج؟ يا خسارة!!!!!:abdoog8: مسيو وليد عسكر 22-11-2008, 11:31 PM رغم اني لم اتابع البرنامج ولم اعلم شيئا عنه الا الان ولكني كنت اتمني عرض مشاكل التعليم والمدرسين بشكل اوضح من ذلك فالموضوع له ابعاد كثيره وكنت اتمني ان يكون الللبق محمد وسيه موجود في البرنامج مع المشاكس شريف وانا متاكد انهما سيكونان واجهه مميزه لمعلمي مصر...عموما انا لم اشاهد البرنامج وان شاء الله اراه في الاعاده واتمني ان اعرف من اي اخ كريم موعد اعادتها هويدااحمد76 22-11-2008, 11:33 PM بصراحة انا شوفت 90 دقيقة دلوقتى والاستاذ محمد رضوان كان بيتكلم على مشكلته انه متعاقد ومرتبه 233 جنيه عجبتنى الاستاذة نجوى السيد وكانت ممتازة وكمان وكيل مدرسة اطفيح والاروع هى مشاركة الاستاذ / أشرف السيد مدير موقع الثانوية العامة وكانت مشاركة جريئة احييه عليها والدكنورة الجامعية تكلمت عن مشاكل المدرسين افضل من المدرسين انفسهم الكل اتكلم وحاولت الاتصال بس الخطوط مشغولة المهم مين يسمع ويحس بمعاناة معلمى مصر وسلملى على الكادر هذه هى مشاركتى التى كتبتها يا استاذة مروة سليمان كيف تنسبيها لنفسك |