hema2010
09-06-2006, 03:48 PM
مع احترامى للعضو killzior كل المتفقين معه
انا هقول ايه اللى جى فى الامتحان ربما يكون منها كتبه هذا العضو
وتوقعاتى هى
القصة--اول اربع فصول
القراءة--ادب الرحلات -و-كلام والصمت
الادب--عصر العباسى الثانى-او-مرحلة التاليف والتجميع فى مصر الاسلامية
النص الاجبارى--تربية الابناء
النصوص--الرثاء لابن الرومى-و-مصر جنة الحسن
وطبعا البلاغة والنحو مش عايز توقعات لانها اسئلة تطبيق
اما التعبير بغض النظر عن قطعة التلخيص
هو هيتعلق بالاحداث الجارية(كأس الامم الافريقية-كأس العالم-الفساد والارهاب)
ارجو الاهتمام بهذة التوقعات وربنا يوفقنا جميعا
والسلام عليكم ورحمة الله وبركاته
basmala
09-06-2006, 03:53 PM
ياريت تهتموا كمان بالفصل الحادى عشر(كلام مدرسين)
The_Relativistic200
09-06-2006, 04:17 PM
يا راجل حرام عليك
متعتمدش على التوقعات اوى على فكرة
وانا بالتسبة للنصوص
حاسس ان المقامة هى اللى جايه
وبلاش برضو تحدد فى الادب
ده انت دبحته يا راجل
طب قول الادب فى مصر وانا معاك
طبعا انا مش بتوقع فى الباقى صراحة
ويا رب :rolleyes:
ممثل مدرسة السعيدية
09-06-2006, 04:33 PM
طب بلاش نتكلم في التوقعات
لو انت الي هتحط الامتحان هتحط ايه
القصة
اول اربع فصول (عشان مذاكرهم كويس)
لا بجد هما فيهم الاحوال الاجتماعية (الحياة اليومية لقطز )
والحرب ( مع التتار)
وطبعا فصل من الفصول الي في الاخر
القراءة
مش هجيب ادب الرحلات
لا هجيب الادب النبوي والكلام والصمت
الادب
العصر العباسي الاول
وكتاب الاغاني
النصوص
النص بتاع ابن خالدون
و
مصر جنة الحسن
و
شكوى اسير
اما التعبير
مش هجيب احداث جارية
ليه يعني هما الطلاب رمين الكتاب وقعدين يسمعو في الاخبار
انا هجيب حاجة عن التدخين (اصلي بكره حاجة اسمها سجاير)
hema2010
09-06-2006, 05:05 PM
اولا يا جماعة
انا احب اشكركم على مشاركتكم فى موضوعى
نخش فى المهم
الاخ "خالد الجن" انا معايا ادلة وبراهين على هذة
ورغم ذلك مش انا اللى حاطت الامتحان
انا طالب زيكوا بس انتو لو بحثتوا فى الامتحانات الفاتت
مثلا فى امتحان 2003( دور اول-و-دور ثانى)وامتحان 2005( دور اول-و-دور ثانى)
ستجدوا بعض الاشياء متشابهة ماعدا الادب
وكذلك فى امتحان 2001 اول وثانى وامتحان2003
ولذلك انظروا الى امتحانات 2004دور اول ودور تانى وامتحان 2005دور تانى
هم دول اللى هيجيب منهم الامتحان
اما الاخ اللى بيقول انه مش متوقع انه مش هيجيب ادب الرحلات
ياراجل يا طيب دة درس جديد السنة دة ازاى مش هيجيبه
فى النهاية: انا بقول ان دة توقعاتى انا حاسس ان دة الامتحان اذربما ممكن تيجى حاجة انا مش كاتبها
وبعدين انا مكنتش معتمد على التوقعات فى الاول وذاكرت
بس دلوقتى انا هركزعلى دول
انا بقول فى القصة فى الاول كان بيجيب قطعة من اول 8فصول وقطعة من إخر 8فصول
وانا بقول الاهم هو اول 8 فصول
واهم الهم هو اول 4فصول
وفى النهاية كل واحد ليه توقعاته
ويريت يكون الرد احلى من كدة انا مش عدو
بنت الإسلام
09-06-2006, 05:08 PM
توقعات رائعة فعلا
بس الادب انا اظن الذخيرة لانه لسه جديد برضه
ممثل مدرسة السعيدية
09-06-2006, 05:11 PM
اما الاخ اللى بيقول انه مش متوقع انه مش هيجيب ادب الرحلات
ياراجل يا طيب دة درس جديد السنة دة ازاى مش هيجيبه
الاخ الفاضل .....
انا بقول لو انا هحط الامتحان انا مبتوقعش
اصلي التوقع ده عشان يصيب لازم حاجة من الاتنين دول
1- يا اما انت الي بتحط الامتحان
2- عندك عفريت :ph34r: بيقولك ايه الي هيجي
وطبعا انا مش حد منهم
The_Relativistic200
09-06-2006, 05:28 PM
يا عم مش عدو ولا حاجة :rolleyes:
بس بلاش التوقعات فى الثانوية
دى مش تالتة ابتدائى :unsure:
وكده كده الواحد ان شاء الله يحاول يلم كله وميسبش حاجة :rolleyes:
سلام
The_Relativistic200
09-06-2006, 05:29 PM
ونسيت اقول
سيبكوا من التوقعات ورحوا ذاكروا
سلام
gomaa
09-06-2006, 06:05 PM
ربنا معاكم يا جماعه
أهم حاجه تستعينوا بالله وتحسنوا خطكم
وتهدوا أعصبكم على الأخر
killzior
09-06-2006, 06:08 PM
شكرا يا استاذ هيمه و لكن انت so specificو ده مش كويس لان احتمال التوقعات دى مش 100% , و انا لما كتبت التوقعات لم اكتبها من عندى و لكن لانها تكررت فى مراجعات القنوات التعليمية و الجرايد و المدرسين. و على العموم انت مشكور على الرد السريع يا سيدى و انا اخاف عليك من اللوم اذا لم تصيب توقعاتك
من killzior
hema2010
10-06-2006, 04:30 AM
اشكركم جميعا على المشاركة بالرد
اما بعد
بصوا يا جماعة اكنى مقولتش اى حاجة
وسبكوا من التوقعات خالص وبعدين المفروض ان كلنا نكون مخلصين المنهج كله اول امبارح
صح ولا لا
انا لسه قايلها امبارح
وملكومش دعوة بالى انا بقوله
بس لو جيه منه فى الامتحان؟
hema2010
10-06-2006, 04:34 AM
اشكركم جميعا على المشاركة بالرد
اما بعد
بصوا يا جماعة اكنى مقولتش اى حاجة
وسبكوا من التوقعات خالص وبعدين المفروض ان كلنا نكون مخلصين المنهج كله اول امبارح
صح ولا لا
انا لسه قايلها امبارح
وملكومش دعوة بالى انا بقوله
بس لو جيه منه فى الامتحان؟
انا كنت اقول فى النهاية ربنا يوفق تالتة انهاردة
"يا رب كن معنا"