(((___سؤال يطرح نفسه:::: عادة ام عبادة؟___))) [الأرشيف] - بوابة الثانوية العامة المصرية

تسجيل الدخول

مشاهدة النسخة كاملة : (((___سؤال يطرح نفسه:::: عادة ام عبادة؟___)))

dr.saeed

25-11-2008, 02:11 AM

ميراج

25-11-2008, 02:19 AM

والله عندك حق فى كل كلمه قولتها وربنا يهدى الجميع يارب

تسلم ايدك على الموضوع

وجزاك الله كل خير

اوركيديا

25-11-2008, 04:10 AM

السلام عليكم ورحمة الله وبركاته
سؤال تسأله لنفسك
انت حياتك ماشية ازاى
عادة ام عبادة؟
من كام يوم سمعت عن كتاب لوزير الاوقاف هل النقاب عادة ام عبادة
استغربت من حاجة
ليه مثلا حاجة زى دى كل شوية نقعد نتكلم فيها ونجادل فيها كتير
رغم ان رأى العلماء فيها رأين لا ثالث لهما
غير ان الرأى المجتمع عليه معروف
والى فعلا يزيد من التعجب
ليه ملا بدل ما نتكلم كل شوية عن حاجة انا شايف انه مفيدة
نتكلم عن حاجات بدأت تتسرب للناس وهما مش يعرفوا عنها حاجة
مثلا بدل ما نعمل كتاب كامل عن النقاب
ليه مش نوضح للناس الحجاب الصحيح؟
دلوقتى فى ذنب مين البنات الى ماشيين فاكرين نفسهم محجبات او بيخدعوا نفسهم بكدة والله أعلم بنيتهم

موضوع النقاب و كتاب وزير اوقفنا ده انا سمعت عنه
و النهارده بيقولوا ان فيه اجماع
من جمعه و زقزوق و طنطاوى على الموافقه عليه
طاب يا جماعه
باى منطق الكلام ده و باى عقل
بجد مفسى اسمع بيقولوا ايه فى الكتاب ده او اقراه
عشان انا لسه اساسا مش متخيلاه
بقى لما واحده ربنا يهديها و يثبتها على حاجه صح
فى الدنيا المقلوبه دى
و تحاول انها تعمل حاجه
يقولولها لا
انتى كده سلفيه رجعيه غير متمدينه
ربنا يحمينا:(

بس السؤال الموضوع
عادة ام عبادة
حياتك بمعنى أصح ماشية ازاى؟
هل لما الاسدال يطلع موضة البنت تلبسه
الى بيسمى الايام دى حجاب يطلع موضة بردة البنت تلبسه
يبقى ساعتها دة بقت عادة ولا عبادة؟
ما هو العمليه ان مفهوم الحجاب نفسه محتاج تظبيط
هو ليه و ازاى
بجد بقى بيختلف دلوقتى
و البنات اغلبهم يقولوا مش مهم اى حاجه
المهم انها لابسه طرحه
بجد مش بفهم تفكير الناس اللى زى دى
ممكن العيب منى انا فى الاخر

صلاة الجمعة
نلاقى الشاب نازل وحاطط سجادة على كتفه وعند الاقامة يدخل يصلى وخلاص
يبقى ساعتها هو رايح كعادة انه كل يوم جمعة لازم يعمل كدة وخلاص ولا رايح كعبادة؟

بحس ان الواحد بقى يروحه عاده ليش الا
يعنى مش فيه حد بقى يكلمه على موضوع الصلاه الا فى الجمعه
و البرستيج بتاعه بقى
انه بيصلى قدام الناس
انا بستغرب الناس دى اكتر ما بستغرب اللى مش بيصلى خالص
على الاقل اللى مش بيصلى خالص ده عارف نفسه
بس اللى بيروح يصلى الجمعه قدام الناس
و الباقى لا
ده فعلا مش فاهم ولا عارف
هو بيعمل ايه

فى رمضان
هل بتصومه عبادة
ولا متعود انك لازم كل شهر رمضان تصوم مع الناس وخلاص لاننا احنا اتعودنا على كدة
حتى لو مش بتصلى لو مش بتقوم الليل او مش بتعمل اى حاجة فى نهاره او ليله بس خلاص بقت عادة!

ما هى المصيبه انها بقت عاده
خلاص نهار رمضان نصومه بس كده
و بالليل نعمل اللى عايزينه
و من كده طلعت مثلا
الخيمه الرمضانيه
و المسلسلات الرمضانيه
و السهرات الرمضانيه
و المسابقات الرمضانيه
و الله بجد بقيت اتوقع ان فيه حاجه ورا كل كلمه وراها رمضانيه

الدراسة
نيتك فيها ايه
هل بتدرس عشان الناس لازم تتعلم والناس تقول انك فى كلية كذا وخلاص وانت فى نفسك بتقول هى كدة كدة مالهاش لازمة ولا بتدرس وحاطط فى دماغك انك بتطلب علم؟
أشياء كتير جدا ممكن الواحد يقيسها على نفس المنوال
ساعتها بس هايقدر يعرف حياته بقت عادة؟
عادات بتكرر كل يوم
الى نعيده نزيده
والى نزيده نعيده
وفى الاخر لا شىء فى حياة الانسان
يعيش ويموت وهو مس سابشى علم وراه ولا ساب حاجة تخدم دينه او تساعد غيره
تبقى ساعتها حياتك منوالها ازاى؟
عادة ام عبادة؟

حياه اى انسان م عايزه اكتر من تحديد هدف
انه يغرف
هو بيعمل ده ليه و ازاى
بس
ونس انه يحدد هدفه و يعرفه
باقى الطريق بيبقى سهل
بس ازاى الواحد دلوقتى يحدد هدفه
ما خلاص مش بقى حد بيرسمها صح
على راى محمود طه:romarioxp6:

يلا ربنا معانا بجد محتاجينه
شكرا على الموضوع الجميل :)

فى رعايه الله

لمى 2016

25-11-2008, 03:22 PM

يا دى البنات و سنينهم
هاقولك انا
البنات و دة عن دراية بجد
البنات بيقولوا انا البس الحجاب
العجيب دة
احسن ما ابقى مش محجبة اصلا
ما هو فيه بنات كتييييييييييييير
مش محجبات من اساسه
يبقى انا لما البس حجاب مقزعر كدة
دة يبقى شىء كويس
دة فى رايهم يعنى
و على فكرة دة كان رايى فى فترة من الفترات
بس الحمد لله ربنا اكرمنى و هدانى للصواب
عموما
بالنسبة للسؤال بتاع حياتنا عادة و لا عبادة
بالنسبة لى كانت حياة عادية جدا فى فترة من الفترات ليست بعيدة يعنى
لكن الحمد لله دلوقت بقت احسن كتير
لانها بقت حياة لله
عشان بدات افكر
لو عشت للدنيا هاخد ايه
انما لو فكرت انى اعمل لاخرتى
اكيد هيحصل حاجات كتير كويسة
و بالمناسبة عودا حميدا
الشهرين خلصوا بسرعة

Hamset_Etab

25-11-2008, 07:58 PM

سـهيـلـة

25-11-2008, 08:36 PM

السلام عليكم ورحمة الله وبركاته

وعليكم السلام ورحمة الله وبركاته,,

سؤال تسأله لنفسك
انت حياتك ماشية ازاى
عادة ام عبادة؟
اكيد عادة
من كام يوم سمعت عن كتاب لوزير الاوقاف هل النقاب عادة ام عبادة
استغربت من حاجة
ليه مثلا حاجة زى دى كل شوية نقعد نتكلم فيها ونجادل فيها كتير
رغم ان رأى العلماء فيها رأين لا ثالث لهما
غير ان الرأى المجتمع عليه معروف
والى فعلا يزيد من التعجب
ليه ملا بدل ما نتكلم كل شوية عن حاجة انا شايف انه مفيدة
نتكلم عن حاجات بدأت تتسرب للناس وهما مش يعرفوا عنها حاجة
مثلا بدل ما نعمل كتاب كامل عن النقاب
ليه مش نوضح للناس الحجاب الصحيح؟
دلوقتى فى ذنب مين البنات الى ماشيين فاكرين نفسهم محجبات او بيخدعوا نفسهم بكدة والله أعلم بنيتهم
بس السؤال الموضوع
عادة ام عبادة
حياتك بمعنى أصح ماشية ازاى؟
هل لما الاسدال يطلع موضة البنت تلبسه
الى بيسمى الايام دى حجاب يطلع موضة بردة البنت تلبسه
يبقى ساعتها دة بقت عادة ولا عبادة؟
انا هلبسه عبادة .
صلاة الجمعة
نلاقى الشاب نازل وحاطط سجادة على كتفه وعند الاقامة يدخل يصلى وخلاص
يبقى ساعتها هو رايح كعادة انه كل يوم جمعة لازم يعمل كدة وخلاص ولا رايح كعبادة؟
ده من وجه نظرى :اللى عايز فعلا يصلى الجمعة وبيعتبرها عبادة ده هو الله بيروح بدرى
مش اللى بيروح لما بيكونوا هيقيموا الصلاة
فى رمضان
هل بتصومه عبادة
ولا متعود انك لازم كل شهر رمضان تصوم مع الناس وخلاص لاننا احنا اتعودنا على كدة
حتى لو مش بتصلى لو مش بتقوم الليل او مش بتعمل اى حاجة فى نهاره او ليله بس خلاص بقت عادة!
لا رمضان ده حاجة تانية اكيد معظم الناس بتصومه عباده بس اكيد منهم اللى بيصومه عاده
الدراسة
نيتك فيها ايه
هل بتدرس عشان الناس لازم تتعلم والناس تقول انك فى كلية كذا وخلاص وانت فى نفسك بتقول هى كدة كدة مالهاش لازمة ولا بتدرس وحاطط فى دماغك انك بتطلب علم؟
لا الصراحة انا شخصيا بتعلم علشان انا المفروض اتعلم بس مش معنى كده انى لو محدش فرض عليا العلم مش هتعلم .وبرضه انا نفسى اعمل حاجة طبعا .
أشياء كتير جدا ممكن الواحد يقيسها على نفس المنوال
ساعتها بس هايقدر يعرف حياته بقت عادة؟
عادات بتكرر كل يوم
الى نعيده نزيده
والى نزيده نعيده
وفى الاخر لا شىء فى حياة الانسان
يعيش ويموت وهو مس سابشى علم وراه ولا ساب حاجة تخدم دينه او تساعد غيره
تبقى ساعتها حياتك منوالها ازاى؟
عادة ام عبادة؟
بس من وجه نظرى انا ان الحياة نفسها عادة بس اللى بيتعمل فى الحياة عبادة (مش كل الناس طبعا)

ده رايى ويا رب اكون عرفت اوصله .
تقبل مرورى

MohammeD el_SadaT

25-11-2008, 10:07 PM

عارف يا سعيد رغم إن الموضوع بتاعك صغير مش عادتك الواحد قرأه فى خمس دقائق مش ساعه
بس بجد نبهنى لأشياء كتير جداااااااااً

إن فعلاً معظم حياتنا عاده وليست عباده وأكبر دليل على كده يوم الجمعه زى ما إنت قولت
بجد الموضوع رائع

ومشكلتنا إننا بدل ما نثبت الأفكار ونرسخها ونحاول ندعمها بنبلبها ونطيرها ونخلى الناس علقها تشت فى النص بدل ما ندعم الإيمان بنزعزه فى عقول شبابنا

رازون

26-11-2008, 09:10 AM

لأجل أن لا أكون في دائرة كبيرة....
ليلها كنهارها صبحها كضحاها......
اتجهت إلى عقلي.....
قلت في نفسي.......
(إن كان الله موجود فعقلي سيهديني إليه .......وإلا فإنني لن أخسر شيئا....)
وعلى مدى شهور تجردت من كل شئ ........
كل شئ ......كل شئ......
وكما أقول (كل ما يمكن تصوره فهو ممكن!!!))
تجردت فعلا .........
وصلت للعلمانية الكلية( أشد الاتجاهات وأكثرها تعصبا)
ثم ما لبثت أن رميتها فهي تفسير مادي.......
فاتجهت للتجرد الكلي الأعم وتبنيت مذهبا فكريا وصلت إليه بنفسي ...
وتجردت مرة آخرى أكثر.........
وها أنا تحت غطاءها........
ثم بالأمس أنتجت قانونا جديدا:::
رمزيا:
./×--|--
نطقا:
دات دريا اين ناتر
بمعنى:
الحق الاوجود
فأصل الوجود اللاحكم
وعند الحاجة تلجأ له
فالاصل التساوي
ولكن.......
عند الحكم
تحتاج لإثبات الوجود لدليل واحد
أما لنفيه فتحتاج لكل دليل في الكون ينفي دلائل وجوده
بمعنى..........
لتثبت أن الله موجود....
يكفي دليل واحد
أما لتثبت عدم وجوده فتحتاج لكل دليل يثبت وجوده فتنفيه....
وعلى ذلك.....
لو كان مليون دليل يدل على أن الله غير موجود
وجاء دليل واحد على وجوده
لثبت أن الله موجود......
وهذا ليس تأليفا مني ولا عصبية عندي
ولكنه مبدئ عقلي.....
فإن كان الله يثبت وجوده كل دليل ولم يقم دليل واحد على عدم وجوده
فماذا يكون الحال؟؟؟؟؟؟؟
وصلت للرسالة التي ادهشتني اينما تنظر لن تجد إلا
الله!!!!!!
فهذه دعوة للبحث عن الله ..........

شموخ مسلمة

28-11-2008, 02:57 AM

احنا اى حاجة بنعملها بدون مانجدد نيتنا فيها او لما تفقد هدفها
بتتحول لعادة سواء صلاة او حجاب او اى حاجة
و لما تتحول لعادة بتفقد جمالها

ع فكرة انا كتير اوى افكر فى ده
يعنى مثلا لو زعلت ماما و رحت صالحتها
كتير اسال نفسى انا صالحتها عشان هيا ماما و لا عشان ربنا
اوقات كتير بيبقى عشان ربنا لما اكون شايفة انى مش غلطانة
بس لما ابقى عارفة انى انا اللى غلطانة بتوه مش بعرف ايه السبب الحقيقى انى اصالح ماما

حاسة ان الرد متلخبط جدا و احتمال كبير يكون بره الموضوع
بس الموضوع جميل كالعادة
جزاك الله خير

احمد رضا

28-11-2008, 06:44 AM

عايز اسألك سؤال
ايهما أفضل
اني مصليش
ولا ان الصلاة تبقي عندي عادة ؟
وهل تتساوي ؟

بناءا علي اجابتك هرجع ونتناقش تاني

Sharp Nails

29-11-2008, 12:36 AM

اني مصليش
ولا ان الصلاة تبقي عندي عادة ؟
وهل تتساوي ؟

لا طبعا يااحمد مش تتساوى
اولا لما تبقى الصلاة عندنا عادة
يعنى احنا بنعملها من غير تركيز ولا من غير رغبة
ومن غير تشويق ليها
يبقى الصلاة ملهاش لزمة

فى حديث كدة بس انا مش فاكرة نصه بظبط
ان لما الواحد يصلى الصلاة من غير ما يكون عارف قال اية ولا عمل اية
ربنا يردله الصلاة
والصلاة تقول للانسان ضيعك الله كما ضيعتنى

فدة لية عقوبة ودة ليه عقوبة
فمينفعش نقول الاحسن مصليش ولا اصلى على ان الصلاة عادة
طب لية متقولش اصليها على انها عبادة
هى الدنيا هنعشها كام مرة
بظبط الدنيا لعبة هتطلع منها ياكسبان ياخسران

معلش بقى ياسعيد ادخلت كدة
اصل مليش نفس ارد عالموضوع
مكلسة

dr.saeed

01-12-2008, 01:16 AM

والله عندك حق فى كل كلمه قولتها وربنا يهدى الجميع يارب

تسلم ايدك على الموضوع

وجزاك الله كل خير
وجزاكى مثله
فى امان الله

dr.saeed

01-12-2008, 01:20 AM

موضوع النقاب و كتاب وزير اوقفنا ده انا سمعت عنه
و النهارده بيقولوا ان فيه اجماع
من جمعه و زقزوق و طنطاوى على الموافقه عليه
طاب يا جماعه
باى منطق الكلام ده و باى عقل
بجد مفسى اسمع بيقولوا ايه فى الكتاب ده او اقراه
عشان انا لسه اساسا مش متخيلاه
بقى لما واحده ربنا يهديها و يثبتها على حاجه صح
فى الدنيا المقلوبه دى
و تحاول انها تعمل حاجه
يقولولها لا
انتى كده سلفيه رجعيه غير متمدينه
ربنا يحمينا:(
امين

بحس ان الواحد بقى يروحه عاده ليش الا
يعنى مش فيه حد بقى يكلمه على موضوع الصلاه الا فى الجمعه
و البرستيج بتاعه بقى
انه بيصلى قدام الناس
انا بستغرب الناس دى اكتر ما بستغرب اللى مش بيصلى خالص
على الاقل اللى مش بيصلى خالص ده عارف نفسه
بس اللى بيروح يصلى الجمعه قدام الناس
و الباقى لا
ده فعلا مش فاهم ولا عارف
هو بيعمل ايه

وهو اصلا مش بيبقى عارف حاجة
اهى حاجة اتعود عليها وخلاص
!

ما هى المصيبه انها بقت عاده
خلاص نهار رمضان نصومه بس كده
و بالليل نعمل اللى عايزينه
و من كده طلعت مثلا
الخيمه الرمضانيه
و المسلسلات الرمضانيه
و السهرات الرمضانيه
و المسابقات الرمضانيه
و الله بجد بقيت اتوقع ان فيه حاجه ورا كل كلمه وراها رمضانيه

ربنا يستر
حياه اى انسان م عايزه اكتر من تحديد هدف
انه يغرف
هو بيعمل ده ليه و ازاى
بس
ونس انه يحدد هدفه و يعرفه
باقى الطريق بيبقى سهل
بس ازاى الواحد دلوقتى يحدد هدفه
ما خلاص مش بقى حد بيرسمها صح
على راى محمود طه:romarioxp6:

يلا ربنا معانا بجد محتاجينه
شكرا على الموضوع الجميل :)

فى رعايه الله

العفو
جزاكى الله خيرا
فى امان الله

dr.saeed

01-12-2008, 01:22 AM

dr.saeed

01-12-2008, 01:27 AM

حقيقى سؤال صعب لانى مش عارفه احدد اجابتى بصراحه عشان عندى حاجات بعملها لمجرد التعود زى الدراسه مثلا عمرى مافكرت بذاكر ليه عشان اطلع ايه افيد المسلمين بايه

وزى اللبس متعوده ان اللبس لازم يكون مؤدب عشان التقاليد مش اكثر
فى حاجات بعملها للعباده فقط مفيهاش نقاش زى الصوم والصلاه

بس بصراحه لسه بدرى اوى عشان اكون راضيه عن نفسى تماما واقول انى كل حاجه بعملها عباده فقط مش تعود لاننا ببساطه مسلمين بالفطره وليس عن اقتناع عقلى

فى كتاب المدخل لاحد علماء المغرب
كان بيوضح الفرق بينا وبين الصحابة
الى هو وضع النية وتعددها فى كل عمل
حتى فى الذهاب للمسجد
يذهب بعشر نيات
بدل من نية واحدة
اما موضوع مسلمين بالفطرة وليس اقتناع عقلى
دى ترجع من شخص لتانى
انا فى قعدت سنتين تقريبا فى موضوع الرد على الشبهات حول الاسلام والمناظرات الدينية
لغاية لما بقى فعلا اقتناع عقلى
اما اى انسان عموما
يولد على الفطرة
حاولى تجددى نيتك فى كل عمل
وربنا يوفقك
شكرا على ردك الواقعى
فى امان الله

dr.saeed

01-12-2008, 01:29 AM

ده رايى ويا رب اكون عرفت اوصله .
تقبل مرورى
مرورك مقبول بمشيئة الرحمن
كل الى فيها احنا محتاجين اعادة هيكلة
للاسف انا ما طرحتش فى الموضوع الحل
طرحت المشكلة فقط
وكنت منتظر الحلول منكم
ان شاء الله للموضوع بقية
فى امان الله

dr.saeed

01-12-2008, 01:32 AM

عارف يا سعيد رغم إن الموضوع بتاعك صغير مش عادتك الواحد قرأه فى خمس دقائق مش ساعه

بس بجد نبهنى لأشياء كتير جداااااااااً

إن فعلاً معظم حياتنا عاده وليست عباده وأكبر دليل على كده يوم الجمعه زى ما إنت قولت
بجد الموضوع رائع

ومشكلتنا إننا بدل ما نثبت الأفكار ونرسخها ونحاول ندعمها بنبلبها ونطيرها ونخلى الناس علقها تشت فى النص بدل ما ندعم الإيمان بنزعزه فى عقول شبابنا

جزاك الله خيرا يا محمد على ردك
مش لازم الموضوع يكون طويل
المهم
الفكرة توصل
فى امان الله

dr.saeed

01-12-2008, 01:37 AM

dr.saeed

01-12-2008, 01:59 AM

معلش بقى ياسعيد ادخلت كدة
اصل مليش نفس ارد عالموضوع
مكلسة
:stickjo4::stickjo4::stickjo4:
ماشى ماشى

هنا الفقي

01-12-2008, 08:18 PM

احم...!!!!!
ده اولا
ثانيا انا عاوزة بس ارد على احمد رضا الاول ف حتة هايتساووا ولا لا
طبعا لا ببساطة شديده لان ده بيصلي وده ما بيصليش ده اسقط الفريضة وده لأ
اللي بيصلي احسن طبعا وان كانت عاده
بس تفتكر كده صح
احنا كده بنرضى بالوحش عشان في الاوحش منه
زي لما واحد يكون طالع بماده اخر السنة وابوه بيعاتبو يقولو معلش يا بابا مش احسن من فلان سقط خالص
يعني بنيجي ف الواجبات والعبادات ونبص للي اقل مننا وما نبصش للاعلى وكاننا -استغفرالله استغفر الله- بنتفضل بالعباده
ومنتظره لأحمد عودة

ثانيا بقى حاجة زي ما سعيد تفضل ومثل بيها وهي الحجاب
انا من وجهة نظري ها مجرد وجهه نظري لا اكثر ولا اقل
كتييييييير من المحجبات لبسوا الحجاب عشان الموضة او كعاده
عادتنا كمسلمين اننا نغطي شعرنا :bosyht9:
يعني حتة قماش فيها الوان الطيف الربعمية وعشرين لون نغطي بيها شعرنا والكارينا بقى سواء كان بودي ولا استريتش والبرمودا و..و....و...... وحمدالله ع السلامة وبقينا محجبات :av4056bb7jp3:
الف سلامة
اهو كده عاده
ده الكلام ده ف مصر
لو اتكلمنا بقى عن هنا ف السعودية
النقاب :ph34r:
90%من البنات منقبات واسمحولي اقول عنهم منقبات ومش منتقبات لانهم فعلا منقبات
لابسينه عشان هم كبلد وعوائل راقية ليهم عادات لا يجوز التخلي عنها والا يبقى عار بيلبسوا النقاب وهما كارهينوا وكارهين الحجاب من اصله طبعا مش كلهم لكن كتير اوي منهم
وبيستغلوا اي فرصة سفر لبره عشان يفكوا بقى
معلش انا مقهورة شوية ف حتة النقاب دي م اللي بشوفه ف المدرسة

حد يطلع دلوقتي يقولي اهم احسن مننا ع الاقل بيمشوا متغطيين مفيش حاجة ظاهرة منهم
صح معاه حق اللي قالي كده
لكن طلع واحده منهم برده بلدها لاي بلد غربية :022yb4:مثلا وشوف التغيرات والانطباعات اللي بيدوها للناس بره عن الاسلام والمسلمين وطلع واحده معاهم تكون محجبة ومحترمة اسلامها وحجابها وعندها قدرة تحافظ عليه وشوف الناس هايخدوا انطباع عن ديننا وبلدنا منها ازاي
وشوف دي عاملة ازاي ف بلدها ودي عاملة ازاي

اااااااااااااااااااااه يا دماغي
انا شكلي بدأت اهيس ولا ايه :giljotiiniug3:
هو انا خرجت من الموضوع ولا كله اصلا متصل ببعضه ولا ايه
عموما انا هاشوف الصداع ده ايه وابقى ارجعلكوا تاني

Sharp Nails

01-12-2008, 08:39 PM

:stickjo4::stickjo4::stickjo4:
ماشى ماشى

انا حرة :abdoog8:

خلاص هبقى ارد بس اما افوق شوية

dr.saeed

01-12-2008, 11:32 PM

فايز فواز

02-12-2008, 12:34 AM

لن يغير اللة ما بقوم حتى يغيرو ما بانفسهم

فايز فواز

02-12-2008, 12:35 AM

ابدا بنفسك حتى يقتدى بك الناس وصدق رسول اللة صلى اللة علية وسلم ( الارواح جنود مجندة من تعارف منها اختلف ومن تنافر منها اختلف) صدق رسول اللة

فايز فواز

02-12-2008, 12:41 AM

ياخى الدنيا فانية والاعمال الصالحة باقية

dr.saeed

02-12-2008, 12:42 AM

لن يغير اللة ما بقوم حتى يغيرو ما بانفسهم

ابدا بنفسك حتى يقتدى بك الناس وصدق رسول اللة صلى اللة علية وسلم ( الارواح جنود مجندة من تعارف منها اختلف ومن تنافر منها اختلف) صدق رسول اللة

ياخى الدنيا فانية والاعمال الصالحة باقية
جزاك الله خيرا
بس ليه تقسيمة المشاركات؟