سعاد قرفانة من جوزها نجيب ...... عشان تملى يروح ويغيب

طب تعمل ايه؟ ............ اهى جاية تقول ...



الراجل ده هيجننى ع القهوة طفشان وسايبنى

طب اعمل ايه انا بس معاه؟ على طول فارسنى مغلبنى

ولما ييجى يقعد فى البيت ياخد له كرسى جمب الحيط وع الماتش يتفرج

ولما اقول له كفاية اطفيه يقول لى وانتى ايش حشرك فيه وكانى اراجوز بيهرج

وعنيه على طول ع الكورة كمان ..............ودى حاجة تشل

تقولشى دى فوازير رمضان..... بيشوفها وهيكسب م الحل

قولوا لى بس انا اعمل ايه الكورة ديا هتعمى عنيه هو وعياله

وانا فى الطبيخ محتاسة يا ناس بعمل فاصوليا بالقلقاس ومش فضياله

وجتها نيلة اللى عايزة خلف يقعد ع الماتش مستنى الهدف ودماغه فى التوهان

وشريط نافوخه كمان سافف ياكل وهو مش عارف قدامه فول والا بتنجان

ياخرابى م الكورة يا خرابى قطعت منها انا شرابى وبقول تملى ارحمنا يارب

امتا بقى الكورة هتخلص عشان نفرفشنهيص ويروح ده الغلب


وعجبىىىىىىى


الى اللقاء مع المقطع الثانى(الواد الدحيح وجاره)...

جميل اوى يا نغم ليكى اسلوب مميز جدا وموضوعاتك تجنن

مستنيين المقطع التانى بتاع الدحيح

هههههههههههههه
شكرا ليكى يا نغم على الموضيع الجميله دى

ههههههه

جميل موضوعك فعلا الله ينور

موضوع جميل زي اللي فاتو

ميرسى يا حبايب قلبى يا غاليين

طبعا بدون تعليق
كالعادة وزى ما عودتينا موضوع زى العسل زى صاحبته ههههههه

الراجل ده هيجننى ع القهوة طفشان وسايبنى اكيد انتى السبب
ولما ييجى يقعد فى البيت ياخد له كرسى جمب الحيط وع الماتش يتفرج اكيد من عميلك
ولما اقول له كفاية اطفيه يقول لى وانتى ايش حشرك فيه وكانى اراجوز بيهرج دورى على اسلوب احلة من كدة

بجد ممتازة شكرا

تسلم دماغك وتفكيرك وجميله بجد

ممتاز ممتاز ممتاز

السلام عليكم ورحمة الله وبركاته
جزاكى الله كل خير اختى فى الله بجد الموضوع جميل جدا بارك الله فيكى

جميلة جدا

وعجبى

جميل يا نغم

وكملي مستني منك المزيد

زى السكر

ميرسى يا حبايب قلبى بجد عاجزة عن شكركم

واوعدكم بالمزيد ماتقلقش يا نيو