انتو شايفين انكوا بتخدوا حكوا في تصحيح الامتحانات

التصحيح تقديرى الى حد بعيد
يعنى ممكن انا اكتب اجابة دكتور يشوف انها تستاهل 10 من 10 وواحد تانى يقول 8
حسب الدكتور
وهنا تظهر اهمية انك تفهمى شخصية الدكتور الى قدامك وتعرفى هو عاوز اية من الامتحان

ياسلام معني كده ان طلبه الفرقه الاولي هيتخلو الامتحان ويحلو ويبقوا مطمنين وفي الاخر يلاقي نفسه شايل ماده عشان طبعا مجربش امتحان قبل كده ومش عارف اسلوب الدكتور

خلاص بقي ياجمال انا عندي اقتراح يكون في امتحان بعد كل فصل تمرين يعني عشان يبقي الطالب متمرن علي الامتحان

وكمان ياجمال انا سمعت ان دكتور جميل مش بينجح فعلا الكلام ده ولا ايه بيقولوا انه اعلي درجه بيديها 3 من 20 ودكتور وائل هو الي كان بيرفعهم

واحنا السنه دي للاسف جميل بس الي بيدينا الماده مافيش الدكتور وائل معني كده بقي اننا هنطلع بماده المنظمات الدوليه

ياسلام معني كده ان طلبه الفرقه الاولي هيتخلو الامتحان ويحلو ويبقوا مطمنين وفي الاخر يلاقي نفسه شايل ماده عشان طبعا مجربش امتحان قبل كده ومش عارف اسلوب الدكتور
لالالالالا الكلام دة مش مظبوط وبعض الطلبة بيقولو الكلام دة لاكن صدقينى هم الى محلوش اصلا مش هتوصل لدرجة انك تشيلى لاكن ممكن تنزلى شوية فى التقدير ودة وارد جدا لان الدكتو ر بردو بشر ومعرض للخطا وعلى فكرة هم مش بيصححو لو حدهم يعنى بيوزعو الورق على المعيدين وبعض المستشارين انما مش هتوصل لدرجة انك تكونى حلة كويس وتسقطى
م
خلاص بقي ياجمال انا عندي اقتراح يكون في امتحان بعد كل فصل تمرين يعني عشان يبقي الطالب متمرن علي الامتحان
فكرة حلوة لاكن الدكتور مش مسئول عن تمرين الطالب على الامتحان والطالب لو ملم بالمادة العلمية هيجاوب على اى سوال فى اى صورة كانت

وكمان ياجمال انا سمعت ان دكتور جميل مش بينجح فعلا الكلام ده ولا ايه بيقولوا انه اعلي درجه بيديها 3 من 20 ودكتور وائل هو الي كان بيرفعهم
الكلام دة فعلا صح بس فى اللغة بس لاكن فى الدولى بيصحح كويس انا جايب معاة سنتين فى الدولى والمنظمات 17 لاكن اللغة بيصحح بغباء فعلا او بيصححش اصلا واسسا الكتاب بتاعة فية انجليزى اول مرة اشوفة
انا كنت بترجم على الكمبيوتر كان الكمبيوتر بيطلعلى الكلام بالانجليزى بردو مش عارف بئة مش لقيلة ترجمة ولا الكلام غلط ولا اية مش فاهم
على فكرة جميل مكن ميترجملكمش عشان عمل معانا كدة السنة الى فاتت قلنا ترجمو انتو انا شم هترجم حاجة والكتاب كان كلة متطلعيش منة كلمتين على بعض صح انا عن نفسى ذاكرت كتاب الدكتور وائل وكتابة هو ذاكرت فى كام ورقة وزهقت وقلت مش مذاكرة وانشالة اسقط لانى مكنتش لقى اى ترجمة لية لاكن الحمد لله روحت الامتحان لقيتة جايب سؤال فى الكام ورقى الى انا ذاكرتهم روحت حالة وحليت سؤال ترجمة المصطلحات
لانى ختها بالشبة مع المصطلحات الفرنساوى ورغم ذللك بردو ادانى 3 من عشرة لاكن مع حبيب قلبى وائل جبت 10 من عشرة

واحنا السنه دي للاسف جميل بس الي بيدينا الماده مافيش الدكتور وائل معني كده بقي اننا هنطلع بماده المنظمات الدوليه
انتو خسرتو كتير عشان الدكتور وائل مش هيدرسلكم
الراجل دة انا بعشقة

انتو شايفين انكوا بتخدوا حكوا في تصحيح الامتحانات


والله انا مش عارف السؤال دا يقتصر على حقوق ولا على كله ..

عموما انا هاخده على انه سؤال عام ..

هوا بصي .. فيه حاجة اسمها استراتيجية التعامل معا الدكتور ..

وهوا ان فيه بعض الاجرائات يجب اتباعها عشان تتجنبي غضب الدكتور ..

اولاً .. ابعدي عن الخط الصغير .. وخلي خطك واضح عشان معظم الدكاترة بيلبسوا نضارات كعب كوباية ! فلو واحد فيهم شاف الخط الصغير اللي مايتقريش هايقرف من الورقة وبكدا يقرف من التصحيح وبكدا ممكن تنقصي واحتمال تشيلي !

ثانياً .. ابعدي عن اسلوب الملازم بتاعة مكتبات بره عشان الدكاترة بيبقوا عارفين كويس جدا جدا جدا اسلوب المكتبات في طريقة السرد والشرح .. وحاولي تكتبي باسلوبين .. اسلوب الكتاب واسلوبك الشخصي

ثالثاً .. شوفي الدكتور بيحب ايه وظبطيه .. بمعني انك تشوفي الدكتور مثلا بيحب الأمثلة في الامتحان .. املي ورقة الاجابة أمثلة .. شايف مثلا ان الدكتور بيحب تكتبيله كلمتين فرنساوي في النص .. ظبطيه في اللغة .. وهكذا

رابعاً .. ساعات الدكاترة بيجيبوا حتت كدا في النص للناس الذكية واللي كانت متابعة محاضراتهم .. لإنك حطي في دماغك وتيقني يقين تام ان الدكتور بيعرف انتي حضرتي محاضراته ولا لأ من خلال اجابتك .. ومن خلال السؤال او النقطة الصغنونة اوي اللي بيرميها في نص الامتحان ..

خامساً .. اذا كنتي مش عارفه اجابة سؤال في الامتحان ماترغيش فيه .. لإن الرغي بيدي انطباع سئ جدا جدا للدكتور عنك .. فاللي انتي عارفاه اوي اكتبيه ودوسي فيه واللي مش عارفاه ماترغيش فيه ..

وزي ماجمال قال .. التصحيح بيبقي تقديري .. وبيفرق من دكتور لدكتور ..

فانتي شوفي دماغ الدكتور ماشية ازاي .. وامشي تبعها ..

طب وجميل ده نتعامل معاه ازي بقي

ربنا يستر

الحمد لله عميد الكليه هيتغير فى الترم الثانى