تسجيل الدخول

مشاهدة النسخة كاملة : فكاهة كاس العالم (مقطع رقم 2).

نغم البحر
14-06-2006, 09:32 PM
احمد واد غلبان وصريح ... طالب ثانوية ودحيح ... تعبان من كاس العالم وتملى يقول


مش عارف اذاكر انا فى بيتنا يا حفيظ يا حفيظ

الكورة دى حتى فى شقتنا ..لا دى حاجة تغيظ

انا بدعى على بتاع الوصلة وبعلو الصوت

اللى دماغه من الكورة فاصلة ان شا الله يموت

ده انا طالب ثانوية عامة طب اعمل ايه؟؟؟؟؟؟؟؟

مع اهلى وجارى نور الرمة .. ما تقوللى يا بيه

اما الواد نور ده حكاية واخد الكورة من صغرهواية

ورامى الكتاب اسم النبى حارسه ومخبى (المنافيستو) فى درسه

وفى الشراب والجزمة كمان وتملى جيبه بالخير عمران

ولو اتزنق فى اى امتحان ...... ينط ويعمل طرزان

ويغش من كل اللجنة ... نفر......... نفر

ولا يهمه مراقب ........... ولاحتى شيخ غفر

طول عمره واد زى الاوشاط فى الغش وييجى اخر السنة فينا ومجموعه يؤوش

ووصل للثانوية العامة ...... هو برضو معندوش زمة

الكورة فى دمه وكل همه يشوف الماتش

قدام التليفزيون مجعوص كانه ملك قاعد ع العرش


امتا الهم ده هينزاح ..... والامتحانات تخلص بنجاح

تبقى حياتنا بالافراح ........ مغمورة


ربنا يبعد عنا الكورة....

وعجبىىىىىىى


الى اللقاء مع المقطع رقم 3 (عم عبده البقال والحرامى)..


احلام(نغم البحر).
foxxx
14-06-2006, 09:46 PM
ممتاز جدا احمد دة ربنا يكون فى عونى

شكرا يا نغــــــــــم
M.Neo
14-06-2006, 09:47 PM
جميل يا نغم البحر

بس انت شكلك كده بتكرهي الكورة قوي..... لووووول
الأسكندرانية
15-06-2006, 11:16 AM
بجد برافووو عليكى

اسلوبك متميز
asforaa_girl
15-06-2006, 04:38 PM
اسلوب تحفة وصاحبته اتحف منه ههههههههههه
اختك(asforaa)
حمادة نور
15-06-2006, 04:55 PM
برافو عليكى بجد ممتازة
Xx.Youri.xX
15-06-2006, 04:59 PM
مين ؟؟


مالها الكوره ان شاء الله . !!
doko
15-06-2006, 05:28 PM
اية الحلاوة دى


اية الطعامة دى


ههههههههههههههههههه
نغم البحر
15-06-2006, 06:25 PM
ميرسى لمتابعتكم يا حبايبى يا حلوين

اولا يا احمد اهه انا بكتب عن معاناتك عشان تعرف بس انكاخويا وحبيبى

وانت يا نيو والله انا مش بكره الكورة انا اهلاوية صميمة بس مش عاجبنى حال

اللى مضيعين وقتهم ادام الماتشات وبشكرك اوى على ردودك يا نيو يا عسل

وانتى يا اسكندرانية يا صحبتى يا بنت بلدى ياغالية ربنا يخليكى ليا وميحرمنيش من ردودك

الجميلة دى

وميرسى ليك كمان يا حمادة انت ودوكو

اما انت يا لورى قصدى يورى يا ريت تخلى ردودك اظرف من كده انت عارف الدنيا صيف يعنى

ههههههههههههههههههههههههههه
ما تزعلش بس دى وجهة نظرى


ولكم جميعا خالص تحياتى

احلام (نغم البحر).
نغم البحر
15-06-2006, 06:29 PM
اما انتى يا عصفورتى يا امورتى يا انتيمى

انتى عارفة بقا انى تحفة معلش دى اخرة اللى بيدرسوا اثار

ربنا ميحرمكيش منى ولامن باقى الشلة وميرسى على الرد الجميل


دريممممممم