انه لمن الغريب أن أكون في بلدي العربي مصر وأرى اللغة العربية الفصحى في حالة متدهورة للغاية ،ومصر هي من هي التي انجبت رواد اللغة العربية ..
استعجب حين يتحدث احدهم الفصحى السليمة يسخر منه الأخرون وقد لايفهمون مايقال إلا بالعامية المصرية.. أيضا حينما يعتبرها البعض وباء اصاب البعض الاخر ..
عماد مصر وأملها ( الشباب ) لغتهم القومية قد دخل فيها مادخل من الفرنسية والانجليزية ، فما حال الأجيال القادمة بعدهم ..
انها بداية الموت البطئ للغة العربية الفصحى ..
لقد عشت طفولتي في بلد كانت العربية فيه تحظى بمكانة لربما لن أجد لها مثيلا ، وكم اتمنى ان اراها في مصر .. فلنعمل على نشر ثقافة الاعتزاز بالعربية كلغة لنا، كل على ثغرته ..

بص الاصلاح عامل زي الجسد مينفعش تقول أنا حصحي من البرد وانتا عندك سرطان ياريت يكون المثال واضح يعني فيه حاجات أكبر محتاج تتصلح وبالتبعيه تلاقي حاجات كتير إتصلحت

اخي حينما يلقي الدكتور الجامعي محاضرته بالعامية وحينما يناقش الطلبة بها ايضا ويرفض النقاش بالفصحى ويسخر منها أعتقد حينها لا نعتب على أجيال ستخرج وقد ضاعت لغتها العربية ..
واشكر مرورك الطيب ..

واتهيالي بردو نفس الدكتور اللي إنتا قلت عليه لو جه وإتكلم باللغه العربيه في الوقت ده حيقول عليه عبيط ليه لأن العادي إنو يتكلم بالعاميه يبقي العلاج إن كل الدكاتره يتكلمو بالفصحي علشان ساعتها الطلاب يحترموها الحاجه التانيه دا فرد في مجتمع يعني حتي لو الدكاتره اتكلمو فصحي مفيش جديد ياريت تشوف رد اللي فات وتتأمل فيه وحتفهم قصدي ومشكور ليك علي الموضوع الرائع

اانا واحد من الناس بتوحهنى مشكلة فى اللغة العربية الفصحة لانى بجد مش عارف احبها ازاى بس اللغة الفصحى بس وذلك بسبب قواعد النحو المعقدة اللى تكرة اى حد

تقبل مروروى

\\انا (file://\\انا) واحد من الناس بتوحهنى مشكلة فى اللغة العربية الفصحة لانى بجد مش عارف احبها ازاى بس اللغة الفصحى بس وذلك بسبب قواعد النحو المعقدة

اسمح لي ان اخبرك بأن مسألة حب او كره اللغة يرجع في المقام الاول الى المعلم اولا والا فاللغة العربية ليست كما تصورها
وأقدر لك مرورك
يبقي العلاج إن كل الدكاتره يتكلمو بالفصحي علشان ساعتها الطلاب يحترموها الحاجه التانيه دا فرد في مجتمع يعني حتي لو الدكاتره اتكلمو فصحي مفيش جديد ياريت تشوف رد اللي فات وتتأمل فيه وحتفهم قصدي
اوافقك الراي ولكن كون الدكتور فرد ولايؤثر قد اختلف معك فيها لانه يقوم بالقاء المحاضرة على اكثر من 200 طالب وطالبة فحينها اعتقد ولو ربع الطلبة من الممكن ان يكتسب بعضا مما تحدث به .. اشكرك على التفاعل

طيب هو انا مش عاوزة اظهر كأني مش مهتمة بالموضوع بس مجرد اني بوضح وجهه نظر
هي اللغة العربية مهم اوي ان احنا نتعامل بيها وكان من الاولى اننا نستخدمها على الاقل ف الرد ع الموضوع ده لكن الطبع يغلب التطبع
صح
بس في دلوقتي مواضيع اولى بالنقاش واحق بالاهتمام والتصحيح وبذل الجهد وتفريغ الطاقات فيها ومش هانختلف ع اللغة
لانها عمرها ما هاضيع طول ما احنا بنقأ القران
ومش هانبطل نقراه
الى يوم القيامة
ماتقلقش ع اللغة مش هاتضيع
وده مجرد رأيي لا اكثر ولا اقل

احترم وجهة نظرك وان كنت اختلف معها ولكن الاختلاف لا يفسد للود قضية أشكرك على مرورك ياهناء

أكيد هضيع وان كان القران هو اللي مش حيضيعها ( ودا صحيح ) بس مين بيقرا قران الايام دي دا بالعافيه الناس بتروح تصلي

عندك حق اصبحت فى تدهور بسبب استخدام اللغه العاميه اكثر

احنا نستخدمها فى المدرسه فقط ولكن ليس هناك مانع من تعلم لغات اخرى


شكرا على النقاش الرائع